సాక్షి, హైదరాబాద్‌: దాదాపు క్రీస్తుశకం మూడో శతాబ్దానికి చెందిందని భావిస్తున్న టెర్రకోట బొమ్మ సిద్దిపేట జిల్లా చేర్యాల మండలం ఆకునూరు గ్రామ శివారు శిథిల గ్రామ పాటిగడ్డమీద లభించింది. మహిళ రూపంతో ఉన్న ఈ టెర్రకోట బొమ్మను కొత్త తెలంగాణ చరిత్ర బృందం సభ్యుడు కొలిపాక శ్రీనివాస్‌ గుర్తించారు. ఇది ఇక్ష్వాకుల కాలానికి చెందినదిగా ఆ బృందం కన్వీనర్‌ శ్రీరామోజు హరగోపాల్‌ పేర్కొన్నారు. బొమ్మ తలపై ఉన్న మకరిక శిరోజాలంకరణ, నుదుట చూడామణి, చెవులకు కుండలాలు, కనుముక్కుతీరు నాగార్జున కొండ, కొండాపూర్‌లలో దొరికిన టెర్రకోట బొమ్మలను పోలి ఉండటంతో ఇలా భావిస్తున్నట్టు పేర్కొన్నారు.  

ముంబై: ఐపీఎల్‌లో జోస్‌ బట్లర్‌ దూకుడు, అతని ప్రదర్శనతో రాజస్తాన్‌ రాయల్స్‌ జోరు కొనసాగుతోంది. 2022లో ఇప్పటికే రెండు సెంచరీలు సాధించిన బట్లర్‌ ముచ్చటగా మూడో శతకంతో రాయల్స్‌ను గెలిపించాడు. రాజస్తాన్‌ భారీ స్కోరును ఛేదించే క్రమంలో చివరి వరకు పోరాడిన ఢిల్లీ క్యాపిటల్స్‌ ఓటమితో సరిపెట్టుకుంది. శుక్రవారం జరిగిన మ్యాచ్‌లో రాజస్తాన్‌ 15 పరుగుల తేడాతో క్యాపిటల్స్‌ను ఓడించి పాయింట్ల పట్టికలో అగ్రస్థానానికి చేరుకుంది. టాస్‌ ఓడి ముందుగా బ్యాటింగ్‌కు దిగిన రాజస్తాన్‌ 20 ఓవర్లలో 2 వికెట్ల నష్టానికి 222 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ జోస్‌ బట్లర్‌ (65 బంతుల్లో 116; 9 ఫోర్లు, 9 సిక్స్‌లు) ఈ సీజన్‌లో మూడో సెంచరీతో చెలరేగగా... దేవదత్‌ పడిక్కల్‌ (35 బంతుల్లో 54; 7 ఫోర్లు, 2 సిక్స్‌లు) అర్ధ సెంచరీ చేశాడు. వీరిద్దరు తొలి వికెట్‌కు 91 బంతుల్లోనే 155 పరుగులు జోడించారు. ఐపీఎల్‌ చరిత్రలో రాజస్తాన్‌కు ఇదే అత్యుత్తమ భాగస్వామ్యం. ఆపై కెప్టెన్‌ సంజు సామ్సన్‌ (19 బంతుల్లో 46 నాటౌట్‌; 5 ఫోర్లు, 3 సిక్స్‌లు) కూడా  చెలరేగాడు. అనంతరం ఢిల్లీ 20 ఓవర్లలో 8 వికెట్లకు 207 పరుగులు చేసి ఓడిపోయింది. రిషభ్‌ పంత్‌ (24 బంతుల్లో 44; 4 ఫోర్లు, 2 సిక్స్‌లు), లలిత్‌ యాదవ్‌ (24 బంతుల్లో 37; 3 ఫోర్లు, 2 సిక్స్‌లు), పృథ్వీ షా (27 బంతుల్లో 37; 5 ఫోర్లు, 1 సిక్స్‌), రావ్‌మన్‌ పావెల్‌ (15 బంతుల్లో 36; 5 సిక్స్‌లు) రాణించారు. రికార్డు భాగస్వామ్యం తొలి 5 ఓవర్లలో 29 పరుగులు... రాజస్తాన్‌కు లభించిన సాధారణ ఆరంభమిది! ఖలీల్‌ తొలి ఓవర్లో బట్లర్‌ 2 ఫోర్లు, ముస్తఫిజుర్‌ ఓవర్లో పడిక్కల్‌ వరుసగా మూడు ఫోర్లు కొట్టినా... మెయిడిన్‌ ఓవర్‌తో శార్దుల్‌ కట్టడి చేశాడు. అయితే ఆ తర్వాత రాయల్స్‌ దూసుకుపోయింది. బట్లర్‌ తిరుగులేని బ్యాటింగ్‌కు పడిక్కల్‌ ప్రదర్శన తోడయింది. ఖలీల్‌ ఓవర్లో రెండు సిక్సర్లతో జోరు మొదలు పెట్టిన బట్లర్‌ చివరి వరకు దానిని కొనసాగించాడు. అక్షర్‌ ఓవర్లో పడిక్కల్‌ వరుసగా 6, 4 కొట్టగా, కుల్దీప్‌ వేసిన తర్వాతి ఓవర్లో బట్లర్‌ ఇదే తరహాలో వరుస సిక్స్, ఫోర్‌తో పరుగులు రాబట్టాడు. ఈ జోడీని అడ్డుకోవడంలో ఢిల్లీ బౌలర్లు విఫలం కావడంతో భాగస్వామ్యం వంద పరుగులు దాటింది.2015 ఐపీఎల్‌ తర్వాత రాజస్తాన్‌ ఓపెనర్లు సెంచరీ భాగస్వామ్యం నమోదు చేయడం ఇదే మొదటిసారి. 36 బంతుల్లోనే అర్ధ సెంచరీ పూర్తి చేసుకున్న బట్లర్‌...లలిత్‌ ఓవర్లో మరో రెండు సిక్స్‌లు, ఫోర్‌ బాదాడు. కుల్దీప్‌ బౌలింగ్‌లో బట్లర్‌ వరుసగా మళ్లీ రెండు భారీ సిక్స్‌లు కొట్టగా 31 బంతుల్లో హాఫ్‌ సెంచరీ పూర్తి చేసుకున్న అనంతరం పడిక్కల్‌ నిష్క్రమించాడు. అదే ఓవర్లో 57 బంతు ల్లోనే బట్లర్‌ శతకం పూర్తయింది. అయితే మూడో స్థానంలో వచ్చిన సామ్సన్‌ మెరుపులు రాయల్స్‌కు మరింత భారీ స్కోరు ను అందించాయి. ఖలీల్‌ ఓవర్లో 2 ఫోర్లు, 2 సిక్స్‌లతో చెలరేగిన సామ్సన్‌... శార్దుల్‌ వేసిన చివరి ఓవర్లోనూ 2 ఫోర్లు, సిక్స్‌ బాదడం విశేషం.   రాణించిన పృథ్వీ, పంత్‌ ఛేదనలో తొలి వికెట్‌కు 27 బంతుల్లో 43 పరుగులు జోడించి పృథ్వీ, వార్నర్‌ (14 బంతుల్లో 28; 5 ఫోర్లు, 1 సిక్స్‌) ఢిల్లీకి శుభారంభం అందించారు. అయితే ఐదు పరుగుల తేడాతో వార్నర్, సర్ఫరాజ్‌ (1)లను అవుట్‌ చేసి రాయల్స్‌ పైచేయి సాధించింది. ఈ దశలో జట్టును గెలిపించాల్సిన బాధ్యత పృథ్వీ, పంత్‌లపై పడింది. మెక్‌కాయ్‌ ఓవర్లో వీరిద్దరు ధాటిని ప్రదర్శించడంతో 3 ఫోర్లు, సిక్స్‌ సహా మొత్తం 26 పరుగులు వచ్చాయి. పరాగ్‌ ఓవర్లో కూడా పంత్‌ 2 సిక్స్‌లు, ఫోర్‌ కొట్టడంతో 22 పరుగులు లభించాయి. అయితే 50 పరుగుల (31 బంతుల్లో) భాగస్వామ్యం తర్వాత పృథ్వీని అవుట్‌ చేసి అశ్విన్‌ ఢిల్లీని దెబ్బ కొట్టాడు. ఆ తర్వాత విజయానికి 51 బంతుల్లో 99 పరుగులు చేయాల్సిన స్థితిలో పడిక్కల్‌ చక్కటి క్యాచ్‌కు పంత్‌ వెనుదిరగడంతో ఢిల్లీ ఆశలు కోల్పోయింది. ప్రసిధ్‌ సూపర్‌ ఢిల్లీ విజయానికి చివరి 2 ఓవర్లలో 36 పరుగులు కావాలి. అంతకుముందు ఓవర్లో 2 సిక్స్‌లు కొట్టిన పావెల్‌ జోరు మీదుండటంతో అవకాశం ఉందనిపించింది. అయితే 19వ అద్భుతంగా బౌల్‌ చేసిన ప్రసిధ్‌ ప్రత్యర్థికి ఆ అవకాశం ఇవ్వలేదు. ఐదు డాట్‌ బంతులతో పాటు లలిత్‌ వికెట్‌ తీసి మెయిడిన్‌గా ముగించడంతో ఢిల్లీ అవకాశాలు దెబ్బతిన్నాయి. ఆ ఓవర్లో పావెల్‌కు అసలు స్ట్రయిక్‌ రాలేదు. స్కోరు వివరాలు   రాజస్తాన్‌ రాయల్స్‌ ఇన్నింగ్స్‌: బట్లర్‌ (సి) వార్నర్‌ (బి) ముస్తఫిజుర్‌ 116; పడిక్కల్‌ (ఎల్బీ) (బి) ఖలీల్‌ 54; సామ్సన్‌ (నాటౌట్‌) 46; హెట్‌మైర్‌ (నాటౌట్‌) 1; ఎక్స్‌ట్రాలు 5; మొత్తం (20 ఓవర్లలో 2 వికెట్లకు) 222. వికెట్ల పతనం: 1–155, 2–202. బౌలింగ్‌: ఖలీల్‌ 4–0–47–1, శార్దుల్‌ 3–1–29–0, లలిత్‌ 4–0–41–0, ముస్తఫిజుర్‌ 4–0–43–1, కుల్దీప్‌ 3–0–40–0, అక్షర్‌ 2–0–21–0.   ఢిల్లీ క్యాపిటల్స్‌ ఇన్నింగ్స్‌: పృథ్వీ షా (సి) బౌల్ట్‌ (బి) అశ్విన్‌ 37; వార్నర్‌ (సి) సామ్సన్‌ (బి) ప్రసిధ్‌ 28; సర్ఫరాజ్‌ (సి) ప్రసిధ్‌ (బి) అశ్విన్‌ 1; పంత్‌ (సి) పడిక్కల్‌ (బి) ప్రసిధ్‌ 44; లలిత్‌ (సి) సామ్సన్‌ (బి) ప్రసిధ్‌ 37; అక్షర్‌ (బి) చహల్‌ 1; శార్దుల్‌ (రనౌట్‌) 10; పావెల్‌ (సి) సామ్సన్‌ (బి) మెక్‌కాయ్‌ 36; కుల్దీప్‌ (నాటౌట్‌) 0; ఎక్స్‌ట్రాలు 13; మొత్తం (20 ఓవర్లలో 8 వికెట్లకు) 207. వికెట్ల పతనం: 1–43, 2–48, 3–99, 4–124, 5–127, 6–157, 7–187, 8–207. బౌలింగ్‌: బౌల్ట్‌ 4–0– 47–0, ప్రసిధ్‌ 4–1–22–3, మెక్‌కాయ్‌ 3–0– 52–1, అశ్విన్‌ 4–0–32–2, చహల్‌ 4–0–28–1, పరాగ్‌ 1–0–22–0. ఐపీఎల్‌లో నేడు కోల్‌కతా నైట్‌రైడర్స్‌ X గుజరాత్‌ టైటాన్స్‌ వేదిక: ముంబై, మధ్యాహ్నం గం. 3:30 నుంచి సన్‌రైజర్స్‌ హైదరాబాద్‌ X బెంగళూరు వేదిక: ముంబై, రాత్రి గం. 7:30 నుంచి స్టార్‌ స్పోర్ట్స్‌–1లో ప్రత్యక్ష ప్రసారం. That's that from Match 34. @rajasthanroyals take this home by a 15-run win. Scorecard - https://t.co/IOIoa87Os8 #DCvRR #TATAIPL pic.twitter.com/D2JXBfMTSp — IndianPremierLeague (@IPL) April 22, 2022

వన్డే సిరీస్‌లో వెస్టిండీస్‌ జట్టు భారత్‌ను ఆశ్చర్యపరిచింది. మూడో వన్డేలో గెలిచి సిరీస్‌ను రసవత్తరంగా మార్చింది. కెప్టెన్‌ విరాట్‌ కోహ్లి వరుసగా మూడో సెంచరీతో అదరగొట్టినా... టీమిండియా లక్ష్యానికి చాలా దూరంలోనే నిలిచిపోయింది. ఐసీసీ ర్యాంకింగ్స్‌లో కోహ్లి అగ్రస్థానంలో ఎందుకు ఉన్నా డో ఈ ఇన్నింగ్స్‌ చూస్తే అర్థమవుతుంది. ఓ వైపు వికెట్లు పడుతున్నా... బెదురులేకుండా బ్యాటింగ్‌ చేయడమే అతన్ని ఇతర బ్యాట్స్‌మెన్‌ నుంచి వేరు చేస్తోంది. భారీ లక్ష్య ఛేదనలో బ్యాటింగ్‌ చేయడం అంత సులువు కాదు. కావాల్సిన రన్‌రేట్‌ను దృష్టిలో పెట్టుకొని ఇన్నింగ్స్‌ను నడిపించాల్సి ఉంటుంది. అవతలి ఎండ్‌లో వికెట్లు పడుతుంటే ఇది మరింత కష్టమవుతుంది. అలాంటి సమయంలో ఓ బ్యాట్స్‌మన్‌లోని అత్యుత్తమ ఆట బయటకు వస్తుంది. చాలా మంది బ్యాట్స్‌మెన్‌లను గమనిస్తే  మొదట బ్యాటింగ్‌ చేస్తున్నప్పుడు వారు చాలా బాగా ఆడతారు. అదే లక్ష్య ఛేదనకు వచ్చేసరికి అంతా మారిపోతుంది. కానీ కోహ్లి తీరు వీరందరికి భి న్నం. ఛేదనలో అతని షాట్ల ఎంపిక చక్కగా ఉంటుంది. మూడో వన్డేలో  షై హోప్‌ చెలరేగడంతో మధ్య ఓవర్లలో విండీస్‌ పుంజుకుంది. అతనికి కెప్టెన్‌ హోల్డర్‌ చక్కటి సహకారం అందించాడు. ఇక చివర్లో నర్స్‌ చెలరేగిపోయి జట్టుకు మంచి స్కోరు సాధించిపెట్టాడు. ఈ పర్యటనలో విండీస్‌ కెప్టెన్‌ రోజు రోజుకూ మెరుగవుతున్నాడు. ఆటగాడిగానే కాక సారథిగానూ ఆకట్టుకుంటున్నాడు.


 లండన్‌: గణితంలో ఎంతో కీలకమైన సున్నాను భారతీయులు మూడో శతాబ్దంలోనే విరివిగా వినియోగించారని బ్రిటన్‌లోని ఆక్స్‌ఫర్డ్‌ విశ్వవిద్యాలయం శాస్త్రవేత్తలు తెలిపారు. అవిభక్త భారత్‌లోని బక్షాలి గ్రామంలో(ఇప్పటి పాకిస్తాన్‌లో ఉంది) 1881లో ఓ పొలంలో దొరికిన రాతప్రతిని కార్బన్‌ డేటింగ్‌ ప్రక్రియ ద్వారా పరిశీలించిన శాస్త్రవేత్తలు ఈ విషయాన్ని నిర్ధారించారు.
 
 ఇప్పటివరకు మధ్యప్రదేశ్‌లోని గ్వాలియర్‌లో 9వ శతాబ్దానికి చెందిన ఓ దేవాలయం గోడలపై ఉన్న సున్నాయే ప్రాచీనమని భావించినట్లు పరిశోధనలో పాల్గొన్న ఆక్స్‌ఫర్డ్‌ ప్రొఫెసర్‌ మార్కస్‌ డు సౌటోయ్‌ వెల్లడించారు. గతంలో పరిశోధకులు బక్షాలి రాతప్రతిని 8 నుంచి 12వ శతాబ్ద కాలానికి చెందినదిగా భావించినట్లు పేర్కొన్నారు. ఈ రాతప్రతిపై మూడు వేర్వేరు కాలాలకు చెందిన పదార్థాలు పేరుకుపోవడంతో ఈ సమస్య తలెత్తినట్లు వెల్లడించారు. కార్బన్‌ డేటింగ్‌ ప్రక్రి య ద్వారా ఈ రాతప్రతిని 3వ శతాబ్దానికి చెందినదిగా గుర్తించామన్నారు.