అస్మిత అనే తెలుగు టీవీ నటిని వేధిస్తూ, ఆమె కారును ఫాలో చేసిన కేసులో ఇద్దరు వ్యాపారులను పోలీసులు అరెస్టు చేశారు. ఇమ్రాన్ బిన్ మహ్మద్, సయ్యద్ నూరుల్లా హుస్సేని అనే ఇద్దరు ఆమె కారును ఓ బైకులో ఫాలో అవుతూ.. ఆమె దారిని అడ్డగించడమే కాక.. కారువైపు దూసుకొస్తూ, అసభ్యకరమైన చేష్టలు చేశారు.
 
 అస్మిత వెంటనే వాళ్లిద్దరినీ ఫొటో తీసి, దాన్ని 'షీటీం' ఫేస్బుక్ పేజీలో పోస్ట్ చేశారు. అప్పటికే నగరంలో తిరుగుతూ ఉన్న షీ టీం సభ్యులు ఆ ఫొటో, బైకు ఆధారంగా వాళ్లను వెంటనే అరెస్టు చేసినట్లు అదనపు సీపీ స్వాతి లక్రా తెలిపారు. వాళ్లిద్దరి మీద పెట్టీకేసు పెట్టి.. తర్వాత విడిచిపెట్టినట్లు ఆమె చెప్పారు.