సాక్షి, హైదరాబాద్‌: తెలంగాణ రాష్ట్ర ర్యాంకింగ్‌ చెస్‌ టోర్నమెంట్‌లో హైదరాబాద్‌ క్రీడాకారులు సాయిశ్రీ చరిత వరేణ్య, శ్రీకర్‌ ఆకట్టుకున్నారు. రాష్ట్ర చెస్‌ సంఘం కార్యాలయంలో జరిగిన ఈ టోర్నీలో అండర్‌–11 బాలబాలికల విభాగంలో వీరిద్దరూ విజేతలుగా నిలిచారు. బాలికల విభా గంలో హైదరాబాద్‌కే చెందిన భవిష్య, రితిక... బాలుర విభాగంలో ధనుశ్‌ (నల్లగొండ), రుద్ర రక్షిత్‌ (నిజామాబాద్‌) వరుసగా రెండు, మూడు స్థానాలను దక్కించుకున్నారు.   ఇతర వయో విభాగాల విజేతల వివరాలు అండర్‌–7 బాలురు: 1. శ్రవణ్‌ (హైదరాబాద్‌), 2. సంతోష్‌ (రంగారెడ్డి), 3. మాన్విత్‌ (హైదరాబాద్‌). బాలికలు: 1. అర్పిత (రంగారెడ్డి), 2. సస్య (హైదరాబాద్‌), 3. అక్షయ (హైదరాబాద్‌). అండర్‌–9 బాలురు: 1. విశ్వక్సేన్, 2. ప్రణీత్, 3. ప్రద్యుమ్న. , , చెస్‌ టోర్నమెంట్‌, హైదరబాద్‌, తెలంగాణ రాష్ట్ర ర్యాంకింగ్‌ చెస్‌


 హైదరాబాద్: జాతీయ అండర్-13 చెస్ చాంపియన్‌గా నిలిచిన వరంగల్ కుర్రాడు ఎరిగైసి అర్జున్‌ను తెలంగాణ రాష్ట్ర చెస్ సంఘం (టీఎస్‌సీఏ) సన్మానించింది. మంగళవారం జరిగిన ఈ కార్యక్రమంలో టీఎస్‌సీఏ అధ్యక్షుడు ఎ. నరసింహా రెడ్డి, కార్యదర్శి వెంకటేశ్వర రావు, సంయుక్త కార్యదర్శి కె. కరుణాకర్ రెడ్డిలు అర్జున్‌ను, అతని కోచ్ రామరాజులను అభినందించారు.
 
 ఇటీవల గుజరాత్‌లో జరిగిన ఈ జాతీయ స్థాయి  పోటీల్లో అతను బంగారు పతకం గెలిచిన సంగతి తెలిసిందే. 11 రౌండ్ల ఈ టోర్నీలో ఓటమి అన్నదే ఎరుగని అర్జున్ 9 విజయాలు సాధించాడు. రెండు గేముల్లో డ్రా చేసుకొని 10 పాయింట్లతో అగ్రస్థానంలో నిలిచాడు.
  
 5, 6 తేదీల్లో చెస్ టోర్నీ
 టీఎస్‌సీఏ ఆధ్వర్యంలో ర్యాపిడ్ చెస్ టోర్నీ ఈ నెల 5, 6 తేదీల్లో జరగనుంది. బేగంపేట్‌లోని ఇండియన్ ఎయిర్‌లైన్స్ కాలనీలో ఉన్న ఎ9 చెస్ అకాడమీలో ఈ పోటీలు నిర్వహిస్తారు. టోర్నీ మొత్తం ప్రైజ్‌మనీ రూ. 10 వేలు. అండర్-7, 9, 11, 13 విభాగాల్లో విజేతలు, రన్నరప్‌గా నిలిచినవారికి నగదు బహుమతి అందజేస్తారు. ఐదు రౌండ్ల స్విస్ లీగ్ ఫార్మాట్‌లో పోటీలు జరుగుతాయి. మరిన్ని వివరాలకు గుమ్మడి స్రవంతి (99851-55557)ని సంప్రదించవచ్చు.