పాట్నా: ఆంజనేయస్వామి పన్ను ఎగవేతదారుడా..? రూ.4.33 లక్షల ఆస్తిపన్ను కట్టాలని దేవుడికి నోటీసు ఇవ్వబోతున్నారా? ఇదెక్కడి విచిత్రమండీ... కొన్ని రోజుల క్రితం చూసిన 'గోపాల గోపాల' సినిమా ఇప్పుడు గుర్తుకువస్తోంది. మనిషికి జరిగే ప్రతి నష్టానికి పూర్తి బాధ్యత దేవుడిదేనని, తనకి జరిగిన నష్టాన్ని దేవుడే భర్తీ చేయాలని ఆ సినిమాలో హీరో కోర్డుల వరకూ వెళ్లతాడు. కోర్టు కూడా ఆ కేసుని విచారణకు స్వీకరిస్తుంది. బిహార్ లోని అరా నగర మున్సిపల్ కార్పొరేషన్ అధికారులు చేస్తున్నది చూస్తుంటే అలానే అనిపిస్తుంది. రూ. 4.33 లక్షల ఆస్తి పన్ను ఎగవేసినందుకు లార్డ్ హనుమంతుడికి నోటీసులు జారీచేయబోతున్నారట.
 
 అరా మున్సిపల్ కార్పొరేషన్ వివరాల ప్రకారం... బడీ మథాయ్ పట్టణంలో లార్డ్ హనుమాన్ పేరు మీద మూడు ఆస్తులు ఉన్నాయి. చెల్లించాల్సిన ఆస్తి పన్నులను వెంటనే క్లియర్ చేయాలని ఇప్పటికే రెండు సార్లు ఆలయ బోర్డును మున్సిపల్ అధికారులు కోరారు. కానీ ఆ పన్ను కట్టకపోగా.. అధికారుల మాటను అసలు పట్టించుకోలేదు. ఈ నేపథ్యంలో ఆ ఆస్తులు కలిగి ఉన్న వ్యక్తికి మున్సిపల్ అధికారులు నోటీసులు జారీచేయాలనుకున్నారు. అయితే ఆ మూడు ఆస్తులు ఆంజనేయస్వామి పేరు మీదన్నట్టు తెలిసింది. దీంతో ఆయనకే నోటీసులు జారీ చేయడానికి సిద్ధమయ్యారు.
 
 కాగా, ఈ ఏడాది ఫిబ్రవరిలో రొహ్తాస్ జిల్లా కిందిస్థాయి కోర్టు లార్డ్ హనుమాన్ కు సమన్లు జారీచేసింది. స్టేట్ పబ్లిక్ వర్క్స్ డిపార్ట్ మెంట్ ఫిర్యాదు మేరకు రోడ్డు పక్కనే లార్డ్ హనుమాన్ కు టెంపుల్ ఉండటంతో ఈ సమన్లు ఆయన పేరు మీదే కోర్టు సమన్లు పంపింది. అంతకముందు, లోహియా నగర ప్రాంతంలో కూడా ఇలాంటి సంఘటనే చోటుచేసుకుంది. రోడ్డు పక్కన ఆలయం నిర్మించినందుకు భజరంగ్ భళికి వ్యతిరేకంగా బెగుసారై జిల్లా అధికారులు నోటీసులు జారీచేశారు.    


 దేశవ్యాప్తంగా హనుమాన్ జయంతి వేడుకలు ఆనందోత్సాహాలనడుమ జరుపుకొంటున్న తరుణంలో  ఆ అంజన్న పట్ల కటువుగా వ్యవహరించి వార్తల్లో నిలిచిందో ప్రభుత్వ కార్యాలయం. అసలే పన్ను ఎగవేత చర్చనీయాంశమైన సందర్భంలో సాక్షాత్తు ఆంజనేయణ్నే పన్నుఎగవేతదారుడిగా ప్రకటించడం సర్వత్రా చర్చనీయాంశమైంది. వివరాల్లోకి వెళితే..
 
 బిహార్ లోని ఆరా మున్సిపాలిటీ అధికారులు అంజనీపుత్రుణ్ని టాక్స్ డిఫాల్టర్స్ లిస్ట్ లో పెట్టారు. భారీగా పన్ను బాకాయిపడ్డ వాళ్ల జాబితాను మున్సిపల్ ఆఫీసు నోటీస్ బోర్డులో ఉంచారు. అందులో వానరావతారం పేరుంది. ఆరాలోని ప్రముఖ హనుమాన్ ఆలయానికి ఆ పట్టణంలో పలు చోట్ల ఆస్తులున్నాయి. ఆయా ఆస్తులకు సంబంధించి పన్న కట్టాల్సి ఉండగా, ఏళ్లుగా ఆ పనిచేసినవారు లేరు. ఇటీవల ఆస్తిబకాయిలను రాబట్టుకునే ప్రయత్నాలను ముమ్మరం చేసిన మున్సిపల్ అధికారులు ముందుగా పన్ను ఎగవేతదారుల జాబితాను ప్రకటించింది. హనుమంతుడు మొత్తం రూ. 4.33 లక్షల పన్ను ఎగవేశాడని జాబితాలో ఉంది. వెంటనే పన్ను చెల్లించకపోతే తర్వాతి చర్యగా పట్టణంలోని కూడళ్లవద్ద ఎగవేతదారుల జాబితా ప్రదర్శిస్తామని అధికారులు హెచ్చరిస్తున్నారు. దీనిపై హనుమాన్ టెంపుల్ ధర్మకర్తలు ఇప్పటివరకు స్పందించకపోవడం గమనార్హం.
 
 కాగా, హనుమంతుడు ప్రభుత్వాధికారుల టర్గెట్ కావటం ఇది మొదటిసారేమీకాదు. గతంలో ఓ ఆలయ వివాదంపై కేసును విచారించిన బిహార్ స్థానిక కోర్టు.. విచారణకు హాజరుకావాలంటూ ఆంజనేయుడికి నోటీసులు జారీచేసింది. మరో కేసులో భగవంతుడికి షోకాజ్ నోటీసుల జారీ అయ్యాయి. ఇప్పుడు దేవుడిపేరు ఏకంగా పన్నుఎగవేతదారుల జాబితాలో చేరింది.