గత కొన్నాళ్లుగా తగ్గుముఖం పడుతూ.. వినియోగదారులను ఊరిస్తున్న బంగారం ధర ఒక్కసారిగా పెరిగిపోయింది. ఇటీవలి కాలంలో ఎన్నడూ లేనంతగా ఒక్కరోజులోనే 10 గ్రాముల బంగారం ధర 840 రూపాయలు పెరిగింది. పది గ్రాముల ధర ప్రస్తుతం 27,040 రూపాయలుగా ఉంది.
 
 ఈ ఏడాది ఒకే రోజులో ఇంత రేటు పెరగడం ఇదే మొదటి సారి. పెళ్లిళ్ల సీజన్ దగ్గర పడటంతో ఈమధ్య కాలంలో బంగారం కొనుగోళ్లు గణనీయంగా పెరిగాయి. ఇలాంటి సమయంలో ధర పెరగడంతో ఒక్కసారిగా వినియోగదారులు కుదేలయ్యారు.