soars

సిహాంకువిల్లే (కంబోడియా): సముద్రంపై ప్రపంచాన్ని చుట్టేదామనుకున్న వారి ఆశలకు బ్రేక్‌ పడింది. ఇరాన్‌ యుద్ధం పుణ్యమా అని చమురు ధరలు ఆకాశాన్ని అంటడంతో వీరు ప్రయాణిస్తున్న క్రూయిజ్‌ నౌక కాస్తా కంబోడియా తీరంలో లంగరు వేసేసింది. ప్రయాణం ముందుకు సాగుతుందో లేదో తెలియని స్థితి! ఇదీ.... ఎంవీ ఒడిస్సీ నౌక ప్రస్తుత పరిస్థితి. ఏంటి దీని కథ అంటే... మూడేళ్ల క్రితం ఈ నౌక నిర్వహణ బాధ్యతలను ‘విల్లా వీ రెసిడెన్సెస్‌’ అనే సంస్థ చేపట్టింది. 2024లో ఈ సంస్థ ‘‘మీరు సముద్రంపైనే ప్రపంచాన్ని చుట్టేయాలని అనుకుంటున్నారా? అయితే ఎంవీ ఒడెస్సీ మీ కోసమే’’ అంటూ బోలెడన్ని ప్రకటనలు గుప్పించింది. ఆడుతుపాడుతూ అలలపైనే గడిపేద్దామని సుమారు 200 మంది మూడేళ్ల టూర్‌కు ముందుకొచ్చారు కూడా. ఒక్కో సూట్‌ను దాదాపు 23 లక్షల రూపాయలకు అమ్మేసింది ఈ విల్లా వీ రెసిడెన్సెస్‌ సంస్థ. హంగు ఆర్భాటాలతో 156 మంది సిబ్బందతో కలిసి సముద్రయానం... మొదలైంది కూడా. అయితే ఏడు ఖండాలు చుట్టేసేలోపే కంబోడియా తీరంలోని సిహాంకువిల్లే వద్ద వీరి ప్రయాణం ఆగిపోయింది కూడా. ఒక్కో క్యాబిన్‌ నిర్వహణకు నెలకు రూ.1.8 లక్షల వరకూ ఇంధనం ఖర్చవుతోందని, ప్రయాణం మొదలుపెట్టినప్పటితో పోలిస్తే ఇది దాదాపు నాలుగు రెట్లు ఎక్కువని ‘విల్లా వీ రెసిడెన్సెస్‌’ ఇప్పుడు వాపోతోంది. ప్రస్తుతం యుద్ధం ప్రభావంతో ఆసియాలోని కొన్ని ప్రాంతాల్లో ఇంధన ఖర్చు ఆరు నుంచి ఎనిమిది లక్షల రూపయాలకు చేరుకుందని తెలిపింది. అక్కడికి మేము క్రూయిజ్‌ వేగాన్ని తగ్గించి ఇంధనం ఆదా చేసే ప్రయత్నం చేశామని, రేవుల్లోనే ఎక్కువ కాలం గడిపామని తెలిపింది. హర్మూజ్‌ జలసంధి ద్వారా చమురు రవాణా తగ్గిపోవడంతో పరిస్థితి మరింత దిగజారిందని తెలిపింది. పోనీ పెరిగిన ఖర్చులను ప్రయాణీకులపై వేద్దామా అంటే అది ఆచరణీయమైన పరిష్కారం కాదని సంస్థ ఒక ప్రకటనలో తెలిపింది. కంపెనీపై ప్రయాణీకుల ఆగ్రహం.. ఎంవీ ఒడెస్సీని అర్ధంతరంగా కంబోడియా తీరంలో నిలిపివేయడంపై ఇప్పుడు ప్రయాణీకులు ఆగ్రహం వ్యక్తం చేస్తున్నారు. మంగళవారం కేవలం ఏడు గంటల నోటీసిచ్చి నౌకను నిలిపేశారని, దీంతో తాము చాలా ఇబ్బంది పడ్డామని, తాత్కాలిక వసతి ఏర్పాట్లూ సొంతంగా చేసుకోవాల్సి వచ్చిందని, ఎవరూ సాయం చేయలేదని కొందరు ప్రయాణికులు చెబుతున్నారు. దాదాపు 17 నెలలుగా నౌకలోనే ఉంటున్న పాల్, లిన్‌ మోంటోయా (అమెరికాలోని వయోమింగ్‌) దంపతులు మాట్లాడుతూ క్రూయిజ్‌పై శాశ్వతంగా నివసించడమన్న ఐడియా వినూత్నంగానే ఉన్నా.. కంపెనీ యజమానికి దీన్ని సరిగ్గా నిర్వహించే నైపుణ్యం లేకుండా పోయిందని విమర్శించారు. ఈ మధ్యకాలంలో క్రూయిజ్‌లో ఇంటర్నెట్‌ సౌకర్యానికి ఇబ్బందులు వచ్చాయని, భోజనం నాణ్యత కూడా తగ్గిపోయిందని, ఫలితంగా కొంతమంది నౌకను వదిలి పోయారని తెలిపారు. ఇంధనం, ఇతర ఖర్చుల కోసం అదనంగా డబ్బులు వసూలు చేశారని లిన్‌ వివరించింది. సిబ్బందికి కూడా జీతాలు సక్రమంగా ఇచి్చనట్లు లేదని తెలిపింది. అయితే కొందరు మాత్రం ఈ ప్రయాణం కొంత విరామం తరువాతైనా కొనసాగుతుందని ఆశిస్తూండటం విశేషం. 1993లో నిర్మాణమైన ఎంవీ ఒడిస్సీని వివిధ క్రూయిజ్‌ సంస్థలు రకరకాల పేర్లతో నడిపాయి. 2020లో కరోనా తరువాత ఇది ఆగిపోయింది. 2023లో దీన్ని ‘విల్లా వీ రెసిడెన్సెస్‌’ కొనుగోలు చేసింది. 2024 అక్టోబర్‌లో ఉత్తర ఐర్లాండ్‌లోని బెల్‌ఫాస్ట్‌లో ఎంవీ ఒడెస్సీ ప్రయాణం మొదలు కాగా మూడేళ్ల పాటు కొనసాగించాలని భావించారు.

సాక్షి,కర్నూలు: కూరగాయల ధరలు మండుతున్నాయి. కేజీ టమాట ధర 80 నుంచి 100 రూపాయలు పలుకుతోంది. రైతు బజార్‌లో మాత్రం కేజీ టమాటా 80 రూపాయలకు అందిస్తున్నారు. వంటింట్లో ఎక్కువగా వాడే టమాటాతో పాటు ఇతర కూరగాయల ధరలు ఆకాశాన్నంటుండుంతుండటంతో సామాన్యులు ఇబ్బందులు పడుతున్నారు. టమాట ధర వారం రోజుల్లోనే అమాంతం పెరిగిపోయింది. గతంలో అధిక ధరలున్న వేళ వైఎస్‌ జగన్‌మోహన్‌రెడ్డి ప్రభుత్వం టమాటాను సబ్సిడీ ధరతో అందించింది. కేజీ టమాటాను రూ.50కే వినియోగదారులకు అందుబాటులో ఉంచారు. ప్రస్తుత టీడీపీ ప్రభుత్వం మాత్రం టమాటను నోలాస్‌ నో పప్రాఫిట్‌ పేరుతో పెరిగిన ధరలకు కాస్త అటుఇటుగానే ప్రజలకు అందజేస్తోంది.

ప్రస్తుతం కూరగాయాల ధరలు అమాంతం పెరిగి సామాన్యుడిని బెంబేలెత్తిస్తున్నాయి. ఏం కొనలేం తినలేం అన్నట్లు ఉంది పరిస్థితి. గడిచిన నెలలో ఎండల తీవ్రత.. దీనికి తోడు అకాల వర్షాలు..వీటన్నింటి కారణంగా సరైన దిగుబడి లేకుండా పోయింది. అదే సమయంలో ఇతర ప్రాంతాల నుంచి ఆశించిన స్థాయిలో దిగుమతులు కూడాలేవు. దీంతో మొన్నటి వరకు సాధారణ స్థితిలో ఉన్న కూరగాయాల ధరలు కాస్తా ఒకేసారి సామాన్యుడు కొనలేనంతగా పైకి ఎగబాకాయి. అందులోనూ.. టమాట ధర సెంచరీ కొట్టేసింది. మొన్నటి వరకు కిలో రూ. 20, రూ. 40గా ఉన్నాయి వంద రూపాయాలు పైనే పలుకుతోంది. అన్ని కూరల్లోనూ గ్రేవీ కోసం టమాటాలను విరివిగా వాడటం సర్వసాధారణం. అలాంటిది ఇప్పుడూ కొనాలన్నా, ఉపయోగించాలన్న ఆలోచించాల్సిన స్థితి. టమాట వేస్తే ఆ కూర రుచే వేరే. ఆఖరికి రెస్టారెంట్లు, హోటళ్ల వాళ్లు సైతం కస్టమర్లకు గ్రేవీతో కూడిన కూర సర్వ్‌ చేయాలంటే.. అక్కడ  పరిస్థితి కూడా ఇంచుమించు ఇలానే ఉంది. కానీ గృహణులు ఇలాంటి సమయంలోనే తమ పాక శాస్త్ర ప్రావిణ్యాన్ని వెలికితీసి టమాటాకే డౌటు తెప్పించే రుచిగా వండాలి. ఈ ప్రత్యామ్నాయాలతో ఆ కొరతను భర్తీ చేసుకుంటూ టమాటా లాంటి రుచిని తెప్పించి చూపించ్చొఉ. అందుకు కాస్త తెలివిని ఉపయోగిస్తే చాలు. ఇంతకీ అవేమిటో చూద్దామా!. టమాటాలకు అల్ట్రనేటివ్‌గా వేటిని ఉపయోగించాలంటే.. ►టమాటా వేయగానే కాస్త పులుపు తీపి మిక్సింగ్‌లతో కూర రుచి అదిరిపోతుంది కదా. దాని ప్లేస్‌లో చింతపండును చక్కగా ఉపయోగించవచ్చు. అది కూడా కూరకు సరిపడగా పులుపు ఎక్కువ కాకుండా జాగ్రత్త పడితే  ఆ కూర రుచి అదర్స్‌ అనే చెప్పాలి. ►మార్కెట్లో దొరికే టమాటో పేస్ట్‌తో కూడా ఆలోటును సులభంగా భర్తి చేసుకోవచ్చు. తాజా టమాటాలు అందుబాటులో లేనప్పుడూ, కొనలేని స్థితిలో ఇది మంచి ప్రత్యామ్నాయంగా ఉపయోగపడతాయి. ఇవి మార్కెట్లో కూడా సరసమైన ధరలోనే అందుబాటులో ఉంటాయి.  ►ఇక రెడ్‌ బెల్‌ పెప్పర్‌ కూడా టమాటా మాదిరిగా కూరకు రుచిని ఇవ్వగలదు. పైగా కూర మంచి కలర్‌ఫుల్‌గా కూడా ఉంటుంది.  ►ఇంకోకటి ఆలివ్‌లు వీటిని ఉడికించి లేదా నేరుగా ఉపయోగించవచ్చు. పండిన ఆలివ్‌లు అయితే టమాటకు బెస్ట్‌ ప్రత్యామ్నాయం అని చెప్పవచ్చు ►అలాగే ఉసిరి కూడా మంచి పులుపు వగరుతో కూడిని స్వీట్‌ని అందిస్తుంది. దీనిలో ఫైబర్, ఐరన్ సమృద్ధిగా  ఉంటాయి. అంతేగాదు దీనిలో ఉండే ఎల్లాజిక్ యాసిడ్ కారణంగా క్యాన్సర్-నిరోధక లక్షణాలకు ప్రసిద్ధి చెందింది. ఈ చిన్న ఆకుపచ్చ ఉసిరికాయ ఆకుపచ్చ టమాటాలను గుర్తుకు తెచ్చే పుల్లని రుచిని అందిస్తుంది. గృహుణులు ఇలాంటి ప్రత్నామ్నాయ చిట్కాలతో టమాటాకు ప్రత్యామ్నాయంగా వాడటం తోపాటు కుటుంబసభ్యులందరికి ఆరోగ్యకరమైన భోజనం పెట్టినవాళ్లం అవుతాం. సో మహిళలు మేథస్సు మన సోంతం. తెలివిగా ఇలాంటి చిట్కాలతో పెరుగుతున్న ధరలకు చెక్‌పెట్టేలా ఇలా ఇంటిని చక్కబెట్టుకోండి.  (చదవండి: మసాల మజ్జిగా ఇలా ట్రై చేస్తే..మైమరిచి తాగేస్తారు)

సాక్షి,ముంబై: దేశీయ స్టాక్‌మార్కెట్లు దూకుడు పదర్శిస్తున్నాయి.తొలుత కొన్నినిముషాలపాటు ఒడిదొడుకులు ఎదుర్కొన్నప్పటికీ  తరువాత జోరందుకున్నాయి. ఇన్వెస్టర్లు అన్ని రంగాల కౌంటర్లలోనూ కొనుగోళ్లకు ప్రాధాన్యం ఇవ్వడంతో ప్రస్తుతం సెన్సెక్స్‌550 పాయింట్లు జంప్‌చేసి 33,922వద్ద నిఫ్టీ 150 పాయింట్ల ఎగసి 10,180 వద్ద ట్రేడవుతోంది. ఆర్‌బీఐ ఇచ్చిన  లిక్వడిటీ బూస్టప్‌తోపీఎస్‌యూ బ్యాంక్స్‌  జోరుగా ఉన్నాయి.  ఓపెన్‌మార్కెట్‌  ద్వారా రూ. 40వేల కోట్ల ప్రభుత్వ బాండ్లను కొనుగోలు చేయనున్నామన్న ఆర్‌బీఐ ప్రకటన రుపీ, బాండ్‌,  ఈక్విటీ మార్కె‍ట్లకు జోష్‌నిచ్చింది.  ముఖ్యంగా ఎస్‌యూ బ్యాంక్స్‌ ఇండెక్స్‌ 6.6 శాతం దూసుకెళ్లింది. అలాగే  ఫార్మా 4.5 శాతం జంప్‌చేసింది. రియల్టీ, ప్రయివేట్‌ బ్యాంక్స్‌, ఆటో, ఐటీ షేర్లు  సహా ఇమిగతా అన్ని రంగాలూ లాభాల్లో ట్రేడ్‌ అవుతున్నాయి.  ఐసీఐసీఐ 10శాతం ఎగిసి బ్యాంకింగ్‌ సెక్టార్‌లో టాప్‌  విన్నర్‌గా ఉంది. ఓబీసీ,యూనియన్‌, కెనరా, ఇండియన్‌ బ్యాంక్‌, బ్యాంక్‌ ఆఫ్‌ ఇండియా, సిండికేట్‌, పీఎన్‌బీ, బీవోబీ, ఎస్‌బీఐ,  విజయా, సెంట్రల్‌ బ్యాంక్‌  భారీలా లాభపడుతున్నాయి. ఇక ఫార్మా కౌంటర్లలోనూ దివీస్‌ 14 శాతం దూసుకెళ్లగా.. అరబిందో, డాక్టర్‌ రెడ్డీస్‌, లుపిన్‌, సిప్లా, సన్ ఫార్మా, కేడిలా హెల్త్‌కేర్, బయోకాన్‌, గ్లెన్‌మార్క్‌ కూడా ఇదే బాటలో ఉన్నాయి. అలాగే రియల్టీ షేర్లలో గోద్రెజ్‌ ప్రాపర్టీస్‌, డీఎల్‌ఎఫ్‌, సన్‌టెక్‌, ఇండియాబుల్స్‌  మెరుపులు మెరిపిస్తున్నాయి. మరోవైపు  జెట్‌ ఎయిర్‌వేస్‌, హెక్సావేర్, ఇన్ఫీబీమ్‌, భారత్‌ ఫైనాన్స్‌, ఈక్విటాస్‌, దాల్మియా భారత్‌, భారత్ ఎలక్ట్రానిక్స్‌ 5-2 శాతం మధ్య పతనమయ్యాయి. అటు రూపీ కూడా డాలరు మారకంలో లాభాలతో కొనసాగుతోంది.


 
 న్యూఢిల్లీ:  టోకు ధరల ద్రవ్యోల్బణం  అంచనాలకు మించి పైకి ఎగబాకింది.  జూన్ మాసంలోఇది   1.62 శాతంగా నమోదైంది. ఈ ఏడాది  మే నెలలోని  0.79 శాతంతో పోలిస్తే  అంచనాలకు మించి  మరింత పైకి దూసుకుపోయింది.  ఆహార ద్రవ్యోల్బం 8.18శాతానికి చేరింది.   రిటైల్ ద్రవ్యోల్బణం 22 నెల‌ల గ‌రిష్టాన్ని తాకడం దీనికి కారణంగా  అంచనావేస్తున్నారు.  కూర‌గాయ‌ల‌కు, పళ్లు,తృణ ధాన్యాల ధరల్లో పెరడతంతో టోకు ధరల సూచి ఆధారిత ద్రవ్యోల్బణం పెరుగుదలకు దోహదం చేసిందన్నారు.
  
 జూన్ నెల‌లో రిటైల్ ద్రవ్యోల్బణం 5.77 శాతంతో  22 నెల‌ల గ‌రిష్టాన్ని తాకింది. గ‌తేడాది జూన్‌లో ఈ రిటైల్ ద్రవ్యోల్బణం 5.40 శాతంగా ఉంది. మ‌రో వైపు ఇదే ఏడాది మే నెల‌లో 5.76 శాతంగా ఉంది. ఆగ‌స్టు 2014లో వినియోగ‌దారు(రిటైల్‌) ద్రవ్యోల్బణం 7.8 శాతంగా న‌మోద‌యిన త‌ర్వాత మ‌ళ్లీ దాదాపు ఆ స్థాయికి చేర‌డం  ఇదే తొలిసారి.  రిటైల్ ద్రవ్యోల్బణం 22 నెల‌ల గ‌రిష్టానికి, పారిశ్రామిక ఉత్పత్తి విభాగాల వారీ చూస్తే ఆహార ద్రవ్యోల్బణం మే నెల‌లో 7.47 శాతం ఉండ‌గా, జూన్‌లో 7.79 శాతానికి పెరిగింది. కూరగాయలకు సంబంధించిన ధ‌ర‌ల్లో పెరుగుద‌ల మే నెల‌లో 10.77 శాతం ఉండ‌గా జూన్‌లో 14.74 శాతానికి పెరిగింది.   మే నెల‌లో కూరగాయల  ద్రవ్యోల్బణం 31.57 శాతం ఉండ‌గా జూన్ నెల‌కు 26.86 శాతానికి త‌గ్గింది.  మే నెల‌లో పారిశ్రామిక ఉత్పత్తి 1.2 శాతం వృద్ది తో ఉత్సాహకరంగా నిలిచింది.