2016 చివరిలో మార్కెట్లోకి ప్రవేశించబోతున్న రెండు నోకియా ఆండ్రాయిడ్ నోగట్ స్మార్ట్ ఫోన్లు లీక్ అయ్యాయి. ఫిన్ లాండ్ హెచ్ఎమ్డీ గ్లోబల్ వీటిని తయారుచేస్తుందని లీక్ వివరాలు వెల్లడిస్తున్నాయి. ఈ ఫోన్లు 5.2 అంగుళాలు, 5.5 అంగుళాలుగా ఉండబోతున్నట్టు తెలుస్తోంది. ఐపీ68 సర్టిఫికేషన్ తో, సమర్థవంతమైన వాటర్, డస్ట్ రెసిస్టెంట్ పవర్ తో ఇవి మార్కెట్లోకి దర్శనమివ్వనున్నాయట.
 గిజ్మో చైనా రిపోర్టు ప్రకారం, స్నాప్ డ్రాగన్ 820 చిప్ సెట్ తో, తాజాగా గూగుల్ నామకరణం చేసిన ఆండ్రాయిడ్ వెర్షన్ 7.0 నోగట్ ఆధారితంగా ఇవి రూపొందుతున్నాయని తెలుస్తోంది. పూర్తి మెటల్ బాడీ, ఓలెడ్ స్క్రీన్, ఫింగర్ ప్రింట్ స్కానర్స్ ఇవన్నీ లీకేజీలోని ఈ ఫోన్ల ప్రత్యేకతలు. ఇప్పటివరకూ వచ్చిన అన్ని సెన్సార్స్ స్మార్ట్ ఫోన్లలో ఈ రెండే చాలా సెన్సిటివ్ గా ఉండబోతున్నాయట.
 
 నోకియా పవర్ యూజర్లు ఈ ఫోన్లను అధికారికంగా 2016 లో చివరిలో వినియోగదారుల ముందుకు తీసుకురావాలని ప్లాన్ చేస్తున్నారు. కానీ లాంచింగ్ తేదీ ఫోన్ల టెస్టింగ్, డెవలప్ మెంట్ మీద ఆధారపడి ఉంటుందని మార్కెట్ వర్గాలు పేర్కొంటున్నాయి. ఒకవేళ టెస్టింగ్ ఆలస్యమైతే 2017 మొదటి త్రైమాసికంలోనైనా తీసుకురావొచ్చని భావిస్తున్నాయి.
 కొత్తగా ఏర్పాటుచేసిన హెచ్ ఎమ్డీ గ్లోబల్ కు ఎక్స్ క్లూజివ్ లైసెన్స్ ను క్రియేట్ చేశామని, వచ్చే 10ఏళ్లలో నోకియా బ్రాండెడ్ స్మార్ట్ ఫోన్లను, టాబ్లెట్లను విక్రయిస్తామని కంపెనీ గతేడాది మేలోనే ప్రకటించిన సంగతి తెలిసిందే. యాపిల్, శాంసంగ్ లు హవా లేకముందు మొబైల్ మార్కెట్లో నోకియా ప్రపంచంలోనే టాప్ మొబైల్ ల తయారీదారిగా ఉండేది. విండోస్ ఫోన్ ప్లాట్ ఫామ్ ను ఎంచుకోవడం ఫిన్నిష్ కంపెనీ నిర్ణయానికి ఒక మాయని మచ్చగా మారింది.  
  


 డబుల్  కెమెరాల స్మార్ట్ ఫోన్లకు బైబై చెబుతూ ఎల్ జీ మరో కొత్త ఫ్లాగ్ షిప్ మోడల్ తో మార్కెట్లో అడుగు పెట్టింది.  మొత్తం మూడు కెమెరాలతో ఎల్ జీ జీ5 స్మార్ట్ ఫోన్ ను భారత మార్కెట్లో లాంచ్ చేసింది.  దక్షిణ కొరియా ఎలక్ట్రానిక్ దిగ్గజం ఎల్ జీ ఈ ఫ్లాగ్ షిప్ ను బుధవారం ఆవిష్కరించింది. గెలాక్సీ ఎస్7, ఐఫోన్ 6ఎస్ లకు పోటీగా ప్రత్యేకమైన ఫీచర్లతో ఎల్ జీ జీ5 ఫ్లాగ్ షిప్ ను భారత మార్కెట్లోకి ప్రవేశపెట్టింది. దీని ధర రూ.52,990గా  కంపెనీ నిర్ణయించింది. హెచ్ టీసీ 10, గెలాక్సీ ఎస్7లకు సమానమైన ధరతో దీన్ని ఆవిష్కరించడంతో, భారత్ లో కాస్ట్లీ స్మార్ట్ ఫోన్ లిస్టులో ఈ ఫోన్ కూడా చేరింది. మోడ్యులర్ డిజైన్ తో ఈ ఫోన్ రూపొందించడం దీని ప్రత్యేకత.  ఎక్స్ క్లూజివ్ గా ఈ ఫోన్ ఫ్లిప్ కార్ట్ లో అందుబాటులో ఉండనుంది.
 
 ఎల్ జీ జీ5 ప్రత్యేకతలు...
 5.3 అంగుళాల  క్వాడ్ హెచ్ డీ ఐపీఎస్ క్వాంటమ్ డిస్ ప్లే
 క్వాల్ కామ్ స్నాప్ డ్రాగన్ 820
 ఆండ్రాయిడ్ 6.0 మార్ష్ మాలో
 4జీబీ ర్యామ్
 32జీబీ ఇంటర్నెల్ స్టోరేజ్
 మైక్రోఎస్ డీ తో 2టీబీ వరకు మెమరీ విస్తరణ
 రెండు(16 మెగాపిక్సెల్, 8 మెగాపిక్సెల్ ) వెనుక కెమెరాలు
 8 మెగాపిక్సెల్ ముందు కెమెరా
 2800 ఎంఏహెచ్ బ్యాటరీ
 4జీ సపోర్టు, బరువు 159 గ్రాములు
 సిల్వర్, టైటాన్, పింక్, గోల్డ్ రంగుల్లో ఈ ఫోన్ లభ్యం