SEC

సాక్షి, అమరావతి: స్థానిక ఎన్నికల ప్రతి దశలోనూ రాష్ట్ర ఎన్నికల సంఘం(ఎస్‌ఈసీ) సహకారంతో దౌర్జన్యాలు, అక్రమాలకు పాల్పడుతున్న అధికార టీడీపీ గూండాలు ఎంపీటీసీ, జెడ్పీటీసీ ఎన్నికల ఓట్ల లెక్కింపు ప్రక్రియలోనూ తమ అక్రమాలను కప్పిపుచ్చుకునేందుకు దుష్టపన్నాగం పన్నారు. అధికారులపై ఒత్తిడి తెచ్చి కౌంటింగ్‌ కేంద్రాల్లో సీసీ టీవీ కెమెరా కళ్లకు గంతలు కట్టారు. సుప్రీంకోర్టు ఆదేశాలతో తప్పక కౌంటింగ్‌ కేంద్రాల్లో సీసీ కెమెరాలను ఏర్పాటు చేసిన ఎస్‌ఈసీ అవి పనిచేస్తున్నాయా అన్న విషయాన్ని పర్యవేక్షించలేదు. దీంతో ఎంపీటీసీ, జెడ్పీటీసీ ఎన్నికల కౌంటింగ్‌ కేంద్రాల్లో చాలా చోట్ల ఏర్పాటు చేసిన సీసీ కెమెరాలు శనివారం ఉదయం కౌంటింగ్‌ ప్రారంభమైన రెండు గంటల పాటు పనిచేయలేదని అధికార వర్గాల్లో చర్చ సాగుతోంది.ఓట్ల లెక్కింపు జరుగుతున్న 365 కేంద్రాలో మొత్తం 1982 సీసీ కెమెరాలను ఏర్పాటు చేయగా, అందులో 1,217 కెమెరాలు లైవ్‌ ఫుటేజీ ఉదయం పదిన్నర గంటల వరకు రాష్ట్ర స్థాయిలో అధికారుల పరిశీలనకు అందుబాటులో లేదని సమాచారం. ఓట్ల లెక్కింపులో ఎలాంటి అక్రమాలు జరిగినా వెంటనే గుర్తించేందుకు కౌంటింగ్‌ కేంద్రాల్లోని సీసీ కెమెరాల ఫుటేజీని నిరంతరం పరిశీలించనున్నట్టు రాష్ట్ర ఎన్నికల కమిషనర్‌ అనిల్‌ చంద్ర పునేఠా ముందుగా ప్రకటించారు. ఇందుకుగాను రాష్ట్ర ఎన్నికల కమిషన్‌ కార్యాలయంలోనూ, పంచాయతీరాజ్‌ గ్రామీణాభివృద్ధి శాఖ కమిషనర్‌ కార్యాలయంలోనూ సీసీటీవీ ఫుటేజీ పర్యవేక్షణకు ప్రత్యేక హాల్‌ పదుల సంఖ్యలో టీవీ స్కీన్‌లు ఏర్పాటు చేశారు. పది‡ గంటల వరకు 1217 సీసీ కెమెరాల ఫుటేజీ లైవ్‌ అధికారులకు అందుబాటులోకి రాలేదని సమాచారం. శనివారం ఉదయం అనిల్‌ చంద్రపునేఠ మీడియాకు ఇంటర్వ్యూ ఇచ్చే సమయంలో మీడియా ప్రతినిధి ఇదే ప్రస్తావించగా అది తన దృష్టికి రాలేదని, జిల్లాల అధికారులను వాకబు చేస్తానంటూ సమాధానం దాటవేయడం గమనార్హం.ఆఫ్‌లైన్‌ ఫుటేజీలో మార్పులకు అవకాశం.. కాగా, సాంకేతిక కారణాలతో అక్కడక్కడ కొంత సేపు సీసీ కెమెరాల లైవ్‌ రాష్ట్ర స్థాయి అధికారులకు అందుబాటులో లేకపోయినా, ఆఫ్‌లైన్‌లో స్థానికంగా ఆ కెమెరాల్లో పుటేజీ ఎప్పటికప్పుడు రికార్డు అవుతూనే ఉంటుందని అధికారులు పేర్కొంటున్నారు. అయితే, ఆయా సీసీ కెమెరాల పుటేజీ ఆన్‌లైన్‌లో నిరంతరం అందుబాటులో ఉంటే, దానిని మార్పులు చేయడానికి అవకాశం ఉండదని, ఆఫ్‌లైన్‌లో రికారి్డంగ్‌ అంటే ఆయా పుటేజీలను అవసరం మేరకు కట్‌ చేసి మార్పులు చేసే వీలుంటుందని రాజకీయ పక్షాలు ఆరోపిస్తున్నాయి. స్వేచ్ఛాయుతంగా, పూర్తి పారదర్శకంగా ఎన్నికలు జరగాల్సి ఉండగా, స్థానిక ఎన్నికల్లో ప్రతీ దశలోనూ అక్రమాలకు ఆస్కారం ఇచ్చే లాగానే ఎన్నికలు సాగాయని, పారదర్శకత మచ్చుకైనా కనిపించలేదని రాజకీయ వర్గాలు ఆరోపిస్తున్నాయి.

సాక్షి, అమరావతి: రాష్ట్ర వ్యాప్తంగా 659 మండలాల పరిధిలోని 13,172 గ్రామ పంచాయతీల్లో ఎన్నికల నిర్వహణకు ఏర్పాట్లు చేసినట్టు పంచాయతీరాజ్‌ గ్రామీణాభివృద్ధి శాఖ రాష్ట్ర ఎన్నికల సంఘానికి (ఎస్‌ఈసీ) సమాచారమిచ్చింది. కోర్టు కేసుల కారణంగా కొన్ని పంచాయతీల్లో ఎన్నికలు నిర్వహించే పరిస్థితి లేదని తెలిపింది. దీనిప్రకారం 229 మండలాల్లో తొలిదశలోనూ 233, 197 మండలాల్లో తదుపరి రెండు, మూడు దశల్లోనూ ఎన్నికలు జరగనున్నాయి. ఒక మండలంలో ఉన్న మొత్తం గ్రామ పంచాయతీలకు ఒకే రోజు ఎన్నిక నిర్వహించాలని ఇప్పటికే ఎస్‌ఈసీ నిర్ణయించింది. పోలింగ్‌ పూర్తయిన రోజే ఓట్లను లెక్కించి, ఫలితాలను వెల్లడిస్తారు. షెడ్యూల్‌ ఇలా..తొలి దశ: నవంబర్‌ 13న నోటిఫికేషన్‌.. 26న 229 మండలాల్లో పోలింగ్‌2వ దశ: నవంబర్‌ 18న నోటిఫికేషన్‌.. 29న 233 మండలాల్లో పోలింగ్‌3వ దశ: నవంబర్‌ 19న నోటిఫికేషన్‌.. డిసెంబర్‌ 2న 197 మండలాల్లో పోలింగ్‌

సాక్షి, అమరావతి: ఎంపీటీసీ, జెడ్పీటీసీ ఎన్నికల ఓట్ల లెక్కింపు శనివారం ఉదయం 8 గంటలకు మొదలు కానుంది. ఏకగ్రీవాల అనంతరం రాష్ట్రవ్యాప్తంగా 7,767 ఎంపీటీసీ స్థానాలు, 582 జెడ్పీటీసీ స్థానాలకు గురువారం, రీపోలింగ్‌ జరిగిన చోట్ల శుక్రవారాల్లో పోలింగ్‌ జరిగింది. మొత్తం 21,012 మంది అభ్యర్థులు పోటీ పడ్డారు. ఈ ఓట్ల లెక్కింపు కోసం 365 కేంద్రాల్లో సుమారు 9,062 బల్లలు ఏర్పాటు చేసినట్లు రాష్ట్ర ఎన్నికల కమిషన్‌ (ఎస్‌ఈసీ) తెలిపింది. ఓట్ల లెక్కింపులో 11,002 మంది సూపర్‌వైజర్లు, 28,692 మంది సిబ్బంది పాల్గొంటారని పేర్కొంది.తొలుత పోస్టల్‌ బ్యాలెట్లు లెక్కిస్తారని, ఆ తర్వాత బ్యాలెట్‌ పెట్టెల్లోని ఎంపీటీసీ, జెడ్పీటీసీ ఓట్లను ఏకకాలంలో లెక్కిస్తారని తెలిపింది. ఇందుకోసం కౌంటింగ్‌ కేంద్రంలోని టేబుల్స్‌లో సగం ఎంపీటీసీ ఓట్ల లెక్కింపు, మిగిలిన సగం జెడ్పీటీసీకి కేటాయించినట్లు చెప్పింది. ప్రతి బల్లకు ఒక్కో రౌండ్‌లో 1,000 బ్యాలెట్‌ పత్రాలను లెక్కిస్తారు. లెక్కింపు ప్రక్రియ పారదర్శకంగా, ప్రశాంతంగా నిర్వహించేందుకు అన్ని కేంద్రాల్లో పటిష్టమైన పోలీసు భద్రత, సీసీ టీవీ నిఘా ఏర్పాటు చేసినట్లు రాష్ట్ర ఎన్నికల కమిషనర్‌ అనిల్‌ చంద్ర పునేఠా తెలిపారు. మొత్తం 70.02 శాతం పోలింగ్‌ నమోదు ఎంపీటీసీ, జెడ్పీటీసీ ఎన్నికల్లో మొత్తంగా 70.72 శాతం పోలింగ్‌ నమోదైనట్టు రాష్ట్ర ఎన్నికల కమిషన్‌ పేర్కొంది. 2021 ఎన్నికల పోలింగ్‌ శాతం 60.91తో పోలిస్తే 9.81 శాతం ఎక్కువగా ఓటింగ్‌ జరిగినట్టు తెలిపింది. కౌంటింగ్‌కు భారీ పోలీసు బందోబస్తు: ఐజీ రాజకుమారి ఓట్ల లెక్కింపు ప్రశాంతంగా, సజావుగా సాగేందుకు భారీ పోలీసు బందోబస్తు ఏర్పాటు చేసినట్లు ఐజీ బి. రాజకుమారి చెప్పారు. మొత్తం 365 కౌంటింగ్‌ కేంద్రాల వద్ద 19,885 మంది పోలీసు సిబ్బందితో మూడు అంచెల భద్రతా వ్యవస్థను ఏర్పాటు చేస్తున్నట్లు తెలిపారు. సీసీ టీవీ కెమెరాలు, డ్రోన్‌ సర్వైలెన్స్‌తో పాటు పోలీసు సిబ్బంది ధరించే బాడీ వోర్న్‌ కెమెరాల ద్వారా నిరంతర పర్యవేక్షణ చేపట్టనున్నట్లు తెలిపారు.

ముఖ్యమంత్రి చంద్రబాబు నుంచి కలెక్టర్లు, డీఐజీలు, ఎస్పీలు, డీఎస్పీలు, సీఐలు, ఆర్‌ఓల వరకు ఒక మాఫియా ముఠాలా ఏర్పడి ఎలక్షన్‌ వ్యవస్థను తమ గుప్పిట్లోకి తీసుకున్నారు. ఎన్నికల వ్యవస్థకు రిఫరీగా ఉండాల్సిన ఎస్‌ఈసీ సైతం చంద్రబాబుకు తొత్తుగా మారి ఈ ఎన్నికలు నిర్వహించారు.ఈ రోజు ఆంధ్రప్రదేశ్‌ను సౌత్‌ బీహార్‌తో కంపేర్‌ చేస్తున్నారు. ప్రపంచ వ్యాప్తంగా ప్రజాస్వామ్య హక్కుల కోసం జెన్‌ జీ గొంతెత్తుతున్న సమయంలో కూడా రిగ్గింగ్‌ ఎలా చేయాలో, సైక్లింగ్‌ ఎలా చేయాలో, ప్రజాస్వామ్యాన్ని ఎలా ఖూనీ చేయాలో ట్యూషన్‌ పెట్టి మరీ చంద్రబాబు నేర్పిస్తున్నాడు. – వైఎస్‌ జగన్‌సాక్షి, అమరావతి: ‘రాష్ట్రంలోనే కాదు..దేశ చరిత్రలో కూడా ఎప్పుడూ ఎక్కడా ఇలాంటి ఎన్నికలు బహుశా ఎవరూ చూసి ఉండరు. స్వేచ్ఛాయుత, నిష్పక్షపాత ఎన్నికలనేవి (ఫ్రీ అండ్‌ ఫెయిర్‌ ఎలెక్షన్స్‌) ప్రజాస్వామ్యంలో ప్రజలకు ఉన్న హక్కు. కానీ.. ఎన్నికల ప్రక్రియను పూర్తిగా కబ్జాచేసి చంద్రబాబు నిర్వహించిన ఈ ఎన్నికలను అసలు ఎన్నికలని ఎవరైనా అనగలరా?’ అని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ప్రశ్నించారు. ఇవి ఎలక్షన్లా? సెలక్షన్లా? అనేది ప్రజాస్వామ్యం బ్రతికి ఉండాలని ఆశించే ప్రతి ఒక్కరూ ఆలోచన చేయాలని కోరారు. తాడేపల్లిలోని వైఎస్సార్‌సీపీ కేంద్ర కార్యాలయంలో గురువారం మీడియాతో ఆయన మాట్లాడారు. మండల పరిషత్, జిల్లా పరిషత్‌ ఎన్నికల్లో.. పురపాలక ఎన్నికల్లో టీడీపీ గూండాల ఆగడాలు.. వారికి పోలీసులు వత్తాసు పలికిన తీరు.. ఎస్‌ఈసీ(రాష్ట్ర ఎన్నికల కమిషన్‌) ప్రేక్షకపాత్ర పోషించిన వైనాన్ని సాక్ష్యాధారాలతో ఎత్తిచూపుతూ చంద్రబాబు సర్కార్‌ ప్రజాస్వా­మ్యాన్ని ఖూనీ చేసిన తీరును ఎండగట్టారు. ‘‘పూర్వం శకుని మాయాపాచికల గురించి చెప్పుకునే వాళ్లం. మాయా పాచికల్లో శకుని ఏ నెంబర్‌ కావాలంటే ఆ నెంబర్‌ వేసి ఆటను పూర్తిగా తనకు అనుకూలంగా మార్చుకునేవాడు. ఈ మాదిరిగా జూదాన్ని రిగ్‌ చేయడం వల్లనే కురుక్షేత్ర యుద్ధం ప్రారంభమైంది’’ అంటూ గుర్తు చేశారు. ‘‘నిజంగా ఈరోజు శకుని మాయా పాచికల మాదిరిగా అధికార దుర్వినియోగంతో, రౌడీయిజంతో ఎన్నికల ప్రక్రియ మొత్తాన్ని రిగ్‌ చేసి ప్రజాస్వామ్యాన్ని ఖూనీ చేస్తూ ఈ ఎన్నికలు నిర్వహించారు. వ్యవస్థలన్నిటినీ తమ గుప్పెట్లో పెట్టుకొని ప్రజాస్వామ్యాన్ని ఇంతలా ఖూనీ చేసి ఈ ఎన్నికలు నిర్వహించడం రాబోయే తరాలకు తప్పుడు సంకేతాలివ్వడం కాదా?’’ అంటూ చంద్రబాబు సర్కార్‌ను నిలదీశారు. ‘‘ఇంత దయనీయ పరిస్థితులకు చంద్రబాబు దిగజారిపోవడానికి కారణం.. ఎన్నికల ముందు సూపర్‌ సిక్స్, సూపర్‌ సెవన్‌ అంటూ ఇచ్చిన 143 హామీలను అమలు చేయకపోవడమే. ఎన్నికల ముందు ప్రతి ఇంటికీ వెళ్లి బాండ్‌ ఇచ్చారు. ఇదిగో అమ్మా.. మీ కుటుంబానికి ఇంత లబ్ధి చేకూరుతుంది. 2024 జూన్‌ నుంచి ఈ డబ్బులన్నీ మీ ఖాతాల్లో జమవుతాయని మాటిచ్చారు. తీరా అధికారంలోకి వచ్చిన తర్వాత ప్రజలకు వెన్నుపోటు పొడవడం, అవన్నీ మోసాలని తేలడంతో ప్రజలంతా నిలదీస్తున్న పరిస్థితులు నెలకొన్నాయి. ఈ ఎన్నికలు నిష్పక్షపాతంగా జరిగితే ఎక్కడ తన అడ్రస్‌ గల్లంతవుతుందోనన్న భయంతోనే చంద్రబాబు ఎన్నికల ప్రక్రియను పూర్తిగా హైజాక్‌ చేశాడు’ అంటూ వైఎస్‌ జగన్‌ తీవ్ర స్థాయిలో మండిపడ్డారు. మీడియా సమావేశంలో వైఎస్‌ జగన్‌ ఇంకా ఏమన్నారంటే.. సీఎం నుంచి ఆర్వో వరకు ఓ మాఫియా ముఠా ఎన్నికల షెడ్యూల్‌ వచ్చిన వెంటనే రాష్ట్రవ్యాప్తంగా వేలాదిమంది వైఎస్సార్‌సీపీ కార్యకర్తలు, నాయకులను బైండోవర్‌ పేరుతో పోలీస్‌ స్టేషన్లకు పిలిపించి బెదిరింపులు, అరెస్టులతో ఎన్నికల ప్రక్రియను ప్రారంభించారు. ప్రజాస్వామ్యాన్ని కాపాడాల్సిన పోలీసు వ్యవస్థ ఇంతగా దిగజారిపోవడం గమనించాల్సిన విషయం. టీడీపీ గూండాలతో పోలీసులు కుమ్మక్కై వైఎస్సార్‌సీపీ అభ్యర్థులను నామినేషన్లు వేయకుండా అడ్డుకు­న్నారు.అసలు పోటీయే లేకుండా చేయడానికి స్క్రూటినీ సమయంలో రిటర్నింగ్‌ అధికారులు నామినేషన్‌ పత్రాల్లోని పేపర్లను మాయం చేయడం, సంతకాలను ఫోర్జరీ చేయడం, నామినేషన్లను అడ్డగోలుగా తిరస్కరించడం వంటి ఘటనలు చోటుచేసుకున్నాయి. పోటీ నుంచి తప్పుకోవాలని బలవంతపు విత్‌డ్రాయల్స్‌ చేయించారు. ముఖ్యమంత్రి చంద్రబాబు నుంచి కలెక్టర్లు, డీఐజీలు, ఎస్పీలు, డీఎస్పీలు, సీఐలు, ఆర్‌ఓల వరకు ఒక మాఫియా ముఠాలా ఏర్పడి తమ గుప్పిట్లోకి ఎలక్షన్‌ వ్యవస్థను తీసుకున్నారు. ఎన్నికల వ్యవస్థకు రిఫరీగా ఉండాల్సిన ఎస్‌ఈసీ సైతం చంద్రబాబుకు తొత్తుగా మారి ఈ ఎన్నికలు నిర్వహించారు. ఎన్నికల్లో సంస్కరణలకు ఏపీ ఓ కేస్‌స్టడీ ప్రజాస్వామ్యయుతంగా ఎన్నికల నిర్వహణలో సంస్కరణలకు (రిఫార్మ్ప్‌) ఒక కేస్‌ స్టడీ అవసరమనుకుంటే ఏపీలో జరుగుతున్న ఎన్నికలే ఓ ఉదాహరణ. ఏపీలో జరిగే ఎన్నికలను ఒకసారి చూస్తే ఎన్నికల్లో రిఫార్మ్ప్‌ ఎంత అవసరమో అర్ధమవుతుంది. పార్టీల ప్రాతిపదికన జరుగుతున్న ఈ ఎన్నికల్లో రాష్ట్రంలో ఏకైక ప్రతిపక్షంగా ఉన్న వైఎస్సార్‌సీపీ అభ్యర్థులను ఏకంగా 17 మున్సిపాల్టీల్లో చైర్‌పర్సన్లుగా పోటీ చేసేందుకు నామినేషన్‌ వేయకుండా అడ్డుకున్నారు. మరికొన్ని చోట్ల నామినేషన్‌ వేసినా స్క్రూటినీపేరిట అడ్డగోలుగా రిజెక్ట్‌ చేశారు. అసలు నామినేషన్‌ పర్వంలోనే 22 మున్సిపాల్టీలు, కార్పొరేషన్లలో పోటీ లేకుండా చేశారు. కొన్ని వార్డుల్లోనే.. అదీ కాళ్లు చేతులు కట్టి పోటీలో దిగమన్నారు దేశంలో ఐదేళ్లకోసారి పార్టీ ఆధారంగా ఎమ్మెల్యే, ఎంపీ ఎన్నికలు చూస్తున్నాం. ఎక్కడైనా ఏకగ్రీవమైనట్టు చూసామా? బీజేపీ పోటీ చేస్తుంటే కాంగ్రెస్‌ పార్టీ వాళ్లను నామినేషన్‌ వేయకుండా చేస్తారా? ఎక్కడైనా జరుగుతుందా? ఎమ్మెల్యేలు, ఎంపీ అభ్యర్థుల నామినేషన్లు స్క్రూటినీపేరిట తిరస్కరించడం ఎక్కడైనా చూసామా? దేశవ్యాప్తంగా మహా అయితే ఒకటో రెండో జరగడం గొప్ప. కానీ ఇక్కడ నామినేషన్‌ పర్వంలోనే 22 మున్సిపాల్టీలు, కార్పొరేషన్లలో చైర్మన్‌ అభ్యర్థులకు పోటీయే లేకుండా చేశారు. ఇంకొన్ని మున్సిపాల్టీల్లో మా పార్టీ నుంచి అన్నిచోట్ల పోటీలో లేకుండా చేశారు. ఏదైనా కార్పొరేషన్, మున్సిపాల్టీలో 40, 60, 80 వార్డులుంటే అన్ని చోట్ల పోటీ జరగాలి కదా? కొన్ని చోట్ల కొన్ని వార్డుల్లో మాత్రమే పోటీలో ఉండేటట్టు చేశారు. ఉన్న ఆ కొందరికి కాళ్లు చేతులు కట్టి పోటీలో దిగమన్నారు. 40 వార్డులుంటే.. 20 వార్డులకు నామినేషన్లు వేయనీయలేదు. 20 వార్డులకు నామినేషన్లు వేసి కాళ్లు చేతులు కట్టినట్టు చేశారు. చివరకు ఇంత తీవ్రంగా దెబ్బతీసి కూడా పోలింగ్‌ రోజున బూత్‌లలోకి పోలింగ్‌ ఏజెంట్లు కూర్చొనీయకుండా పోలీసులే టీడీపీరౌడీలతో కుమ్మక్కై అడ్డుకున్నారు. సైక్లింగ్‌ పద్ధతిలో కళ్లదుటే రిగ్గింగ్‌ చేస్తున్న ఘటనలు కోకొల్లలు. వీటిని నిజంగా ఎన్నికలని అనగలమా అని అడుగుతా ఉన్నా. ఎంపీటీసీ, జెడ్పీటీసీ ఎన్నికల్లోనూ అదే తీరున దౌర్జన్యం ఈరోజు జరిగిన ఎంపీటీసీ, జెడ్పీటీసీ ఎన్నికల్లో నామినేషన్ల పర్వంలోనే 84 జెడ్పీటీసీ స్థానాల్లో మా పార్టీ తరపున నామినేషన్లు వేయనీకుండా దాడులుచేసి అడ్డుకున్నారు. వీరి ఆగడాలకు ఎదురొడ్డి నామినేషన్లు వేసిన పరిస్థితి ఉంటే స్క్రూటినీపేరిట రిజెక్ట్‌ చేశారు. ఇలా ఏకంగా 2,109 ఎంపీటీసీ స్థానాల్లో నామినేషన్ల పర్వంలోనే పోటీ లేకుండా చేసుకున్నారు. గడిచిన రెండ్రోజులుగా మా జెడ్పీటీసీ, ఎంపీటీసీ అభ్యర్థులను అడ్డగోలుగా అరెస్ట్‌ చేశారు. పోలింగ్‌ ఏజెంట్లను పోలింగ్‌ బూత్‌ల్లో వెళ్లనీయకుండా టీడీపీ గూండాలతో కుమ్మక్కయి పోలీసులే అడ్డగించారు. పార్టీల ప్రాతిపదికన జరిగే ఎన్నికలైనప్పుడు ప్రతిపక్ష పార్టీగా ఉన్న ఏకైక పార్టీని పోటీ చేయనీయకుండా అడ్డుకున్నప్పుడు వీటిని సెలక్షన్స్‌ అనాలే తప్ప ఎలక్షన్స్‌ అని ఎందుకంటున్నారు. సుప్రీం ఆదేశాలను బేఖాతరు చేసిన ఎస్‌ఈసీ ఇలాంటి అక్రమాలపై ఎన్నడూలేని విధంగా సుప్రీంకోర్టు కూడా జోక్యం చేసుకొని ఎస్‌ఈసీని, ప్రభుత్వాన్ని, డీజీపీని చీవాట్లు పెట్టింది. నామినేషన్ల సెంటర్లలోనూ, స్రూ్కటినీ, విత్‌డ్రాయల్స్‌ సమయంలోనే కాదు పోలింగ్, కౌంటింగ్‌ సెంటర్లలో సీసీ కెమెరాలు కచ్చితంగా పెట్టాలని ఆదేశాలిచ్చింది. సుప్రీంకోర్టు ఆదేశాలు ఇంత స్పష్టంగా ఉన్నా.. మున్సిపల్‌ ఎన్నికల్లో 11,378 పోలింగ్‌ కేంద్రాలుంటే, కేవలం 5,737 కేంద్రాల్లో మాత్రమే సీసీ కెమెరాలు పెట్టారు. వాటిలో కొన్ని మాత్రమే పనిచేస్తుంటే మరికొన్ని పనిచేయడం లేదు. జెడ్పీటీసీ, ఎంపీటీసీ ఎన్నికల్లో 31,460 పోలింగ్‌ కేంద్రాలుంటే, కేవలం 16,064 కేంద్రాల్లో మాత్రమే సీసీ కెమెరాలు పెడుతున్నామని చెప్పారు. వీటిలో కూడా ఎన్ని పనిచేస్తున్నాయో ఎన్ని పని చేయడం లేదో తెలియని పరిస్థితి. నేను అడుగుతున్నా ఇది సుప్రీంకోర్టు ఆదేశాలను బేఖాతరు చేయడం కాదా? అని. ఇవన్నీ ఉండేటట్టు చూడాల్సిన బాధ్యత ప్రభుత్వానిది. ఇవన్నీ ఉండేటట్టు చూసుకున్న తర్వాతే ఎన్నికలు నిర్వహించాల్సిన బాధ్యత ఎస్‌ఈసీది కాదా. ప్రభుత్వం ఏంచేస్తున్నట్టు.. డీజీపీ ఏం చేస్తున్నట్టు? నామినేషన్ల నుంచి కౌంటింగ్‌ వరకు అంతా రిగ్గింగే స్థూలంగా ఈ ఎన్నికలు ఎలా జరిగాయంటే నామినేషన్లు రిగ్గింగ్‌.. నామినేషన్ల స్క్రూటినీరిగ్గింగ్‌.. పోలింగ్‌ బూత్‌ల రిగ్గింగ్‌.. పోలింగ్‌ సైక్లింగ్, పోలింగ్‌ పర్సంటేజ్‌ రిగ్గింగ్, రాత్రిపూట బ్యాలెట్‌ బాక్సుల రిగ్గింగ్‌.. అంతా రిగ్గింగ్‌ మయం. చివరకు విశాఖపట్నంలో మా వాళ్లు గొడవ చేసిన తర్వాత స్ట్రాంగ్‌ రూమ్‌లకు సీల్‌ వేసిన పరిస్థితి చూశాం. అంటే రాత్రి పూట బ్యాలెట్‌ బాక్సుల్లో కూడా రిగ్గింగ్‌ జరిగినట్టే కదా. ఇవన్నీ దాటుకుని మా వాళ్లు గెలిస్తే ఆ ఫలితాలను కూడా రిగ్గింగ్‌ చేస్తున్నారు. ఇలాంటి అన్యాయమైన ప్రమాణాలు నిర్దేశించి, ప్రజాస్వామ్యాన్ని ఖూనీచేసి చంద్రబాబు వీటిని గెలుపుగా చెప్పుకోవడం, ఎల్లోమీడియా ఈ చంద్రబాబును భుజానకెత్తుకోవడం చూస్తుంటే.. అసలు వీటిని ఎన్నికలని ఎవరైనా అనగలరా? అని అడుగుతున్నా. రాత్రికి రాత్రే..1,15,787 ఓట్లు ఎలా పెరిగాయి? మున్సిపల్‌ ఎన్నికలలో పోలింగ్‌ రోజు మధ్యాహ్నం 3 గంటల నుంచి ఇచ్ఛాపురం నుంచి కుప్పం వరకు రాష్ట్రమంతా అన్ని కార్పొరేషన్లు, మున్సిపాల్టీల్లో యథేచ్చగా రిగ్గింగ్‌ చేసుకున్నారు. పోల్‌ కాని ఓట్లను పోల్‌ అయినట్టుగా తమకు అనుకూలంగా పోలింగ్‌ పర్సంటేజ్‌ను కూడా పెంచుకున్నారు. ఇది నిజంగా అన్నిటికన్నా గొప్ప విషయం. దీంతో పోలింగ్‌ పర్సంటేజ్‌లు అనూహ్యంగా మారిపోయాయి. ఆదివారం సాయంత్రం 5 గంటలకు విశాఖపట్నంలో 9,19,367 ఓట్లు పోలైనట్టు చెప్పారు. రాత్రి 9.30 గంటలకు ఈ సంఖ్య 9,45,915 ఓట్లు పోలైనట్టు చెప్పారు. సోమవారం పొద్దున అయ్యేసరికి ఏకంగా 10,35,154 ఓట్లు పడ్డాయన్నారు. పోలింగ్‌ శాతం రాత్రి 9.30 గంటలకు 51.46% అయితే.. సోమవారం పొద్దున 56.3%కి పెంచేశారు. రాత్రికి రాత్రే.. 1,15,787 ఓట్లు ఏ విధంగా పెరిగాయి.? ఈ ఓట్లు ఎక్కడ నుంచి వచ్చాయి? అంటే సమాధానం లేదు. చివరకు విశాఖపట్నంలో బ్యాలెట్‌ బాక్సులను స్ట్రాంగ్‌ రూమ్‌లోకి చేర్చిన తర్వాత సీల్‌ కూడా వేయలేదు. ఎందుకు వేయలేదంటూ మా వాళ్లు ధర్నా చేయాల్సిన పరిస్థితి ఏర్పడింది. పోలింగ్‌ పర్సంటేజీలను పెంచుకున్న ఉదాహరణలు కోకొల్లలు ఇలా చెప్పుకుంటే పోలింగ్‌ పర్సంటేజ్‌ను తమకు అనుకూలంగాపెంచుకున్న ఘటనలు కోకొల్లలుగా ఉన్నాయి. చీమకుర్తిలో రాత్రి 11 గంటలకు 78.28%. అర్ధరాత్రి 12 గంటలకు 84.36%కు పెంచేశారు. జమ్మలమడుగులో ఉదయం 11 గంటలకే 60% పోలింగ్‌ నమోదైంది. ఇది ఏ రకంగా సాధ్యం. అద్దంకిలో ఉదయం 11 గంటల నుంచి మధ్యాహ్నం ఒంటిగంట వరకు రెండు గంటల్లో 11,958 ఓట్లు పోలయ్యాయి. 11 గంటల వరకు 19%గా ఉన్న ఓట్లు, రెండు గంటల్లోనే ఏకంగా 56.7% పెరిగినట్టు చూపించారు. ధర్మవరంలో ఉదయం 9 గంటల నుంచి 11 గంటల మధ్య రెండు గంటల్లో 30,157 ఓట్లు పోలయ్యాయి. అంటే 9 గంటల వరకు 8% మాత్రమే ఓట్లు పోలవగా, 11 గంటలలోపు ఏకంగా 36.36% పెరిగినట్టు చూపించారు. చిలకలూరిపేటలో ఉదయం 9 గంటల నుంచి 11 గంటల వరకు 20,772 ఓట్లు పోలయ్యాయి. అంతకు ముందు 7% నుంచి రెండు గంటల్లోనే 37% పోలింగ్‌ పెరిగినట్టు చూపించారు. పార్వతీపురంలో ఉదయం 11 నుంచి మధ్యాహ్నం 1 గంట వరకు 13,042 ఓట్లు పోలైనట్టు చూపించారు. అంతకుముందు 12%గా ఉన్న పోలింగ్‌ శాతం రెండు గంటల్లోనే 44% పెరిగినట్టు చూపించారు. పోలింగ్‌ శాతాలు తమకు తామే పెంచుకుని ఆ మేరకు రికార్డులు సృష్టించుకుని యథేచ్చగా రిగ్గింగ్‌ చేసారన్నది చాలా స్పష్టంగా కన్పిస్తున్న విషయం. చివరికి వాళ్లు డిక్లేర్‌ చేసిన పోలింగ్‌ పర్సంటేజ్‌లకు మించి కౌంటింగ్‌లో అధికంగా ఓట్లు కన్పిస్తా ఉన్నాయి. చిత్తూరు కార్పొరేషన్‌లో 92,900 ఓట్లు పోలైనట్టుగా చెప్పి, కౌంటింగ్‌ టేబుల్‌పై అంతకుమించి ఏడువేల ఓట్లు కన్పిస్తా ఉన్నాయి. ఇవి బయటకు రాకుండా ఏజెంట్లను వెళ్లగొట్టి గెలుపు టీడీపీదే అని ప్రకటించుకున్నారు’’ అని జగన్‌ పేర్కొన్నారు. దేశ చరిత్రలో కూడా బహుశా ఎక్కడా ఎప్పుడూ చూడని విధంగా ఈ రోజు అణిచివేతను ఎదుర్కొని నిలబడ్డాం. ఎన్నికల్లో పాల్గొనడం, ఓటు వేయడం ప్రజల హక్కంటూ ప్రజల తరపున బలంగా గొంతు విప్పగలిగాం. పోరాటం చేయగలిగాం. చంద్రబాబు చేస్తున్న ఈ అక్రమాలను దేశం దృష్టికి తీసుకెళ్లగలిగాం. ఇందులో భాగంగా మా పార్టీ కార్యకర్తలు, మా నాయకులు, నిజంగా హీరోల్లా పోరాటం చేశారు. వాళ్లందరికీ సెల్యూట్‌ చేస్తున్నా.. చంద్రబాబు గెలిచి ఓడారు. మేము ఓడి ప్రజల మనసుల్లో గెలిచాం.ఈ ఎన్నికలు ఎలా జరిగాయంటే నామినేషన్లు రిగ్గింగ్‌.. నామినేషన్ల స్క్రూటినీ రిగ్గింగ్‌.. పోలింగ్‌ బూత్‌ల రిగ్గింగ్‌.. పోలింగ్‌ సైక్లింగ్, పోలింగ్‌ పర్సంటేజ్‌ రిగ్గింగ్, రాత్రి పూట బ్యాలెట్‌ బాక్సుల రిగ్గింగ్‌.. అంతా రిగ్గింగ్‌ మయం.సైక్లింగ్, రిగ్గింగ్‌లో పీజీ చేసిన చంద్రబాబు కార్పొరేషన్లు, మున్సిపాల్టీల్లో పోలింగ్‌ ఎలా జరిగిందో? ఏజెంట్లపై ఏ విధంగా దాడులు చేసారో? పోలింగ్‌ కేంద్రాలను ఏ విధంగా ఆక్రమించుకున్నారో? రిగ్గింగ్‌ మీద రిగ్గింగ్‌ చేసిన ఘటనలు కోకొల్లలు. దేశమంతా కూడా ఆ వీడియోలు చూశారు. మీరు ఒక్కసారి చూడండి.. » అనంతపురం 30వ డివిజన్‌ 3వ పోలింగ్‌ కేంద్రాన్ని ఎమ్మెల్యే దగ్గుపాటి ప్రసాద్‌ అనుచరుడు దర్జాగా ఆక్రమించి రిగ్గింగ్‌ చేశాడు. రిగ్గింగ్‌ క్లాసులు కావాలంటే చంద్రబాబు దగ్గర నుంచి నేర్చుకోవచ్చు. దేశవ్యాప్తంగా ఈ వీడియో వైరల్‌ కావడంతో రీ పోలింగ్‌ పెట్టక తప్పలేదు. అప్పుడు కూడా అదే మనిషి మళ్లీ వచ్చి ఓటు వేసాడు. » చిత్తూరు జిల్లా వళియప్ప నగర్‌లో టీడీపీ గూండాలు యథేచ్ఛగా రిగ్గింగ్‌కు పాల్పడ్డారు. రిగ్గింగ్‌ తో పాటు సైక్లింగ్‌ కూడా చేశారు. తిరుపతిలో ఇంక్‌ గుర్తులను చెరిపి వేయడానికి బూత్‌ పక్కనే కెమికల్స్‌ ఏర్పాటు చేసుకున్నారు. ఓటువేసి బయటకురాగానే వెంటనే సిరాగుర్తును చెరిపేయడం. మళ్లీ ఓటువేసేందుకు పోలింగ్‌ బూత్‌లోకి చొరబడడం.. ఈ సైక్లింగ్‌ కోసం చంద్రబాబు ప్రత్యేక ఏర్పాట్లు చేసారు. సైక్లింగ్, రిగ్గింగ్‌లో చంద్రబాబు పోస్ట్‌ గ్రాడ్యుయేషన్‌ డిగ్రీ చేశారు. » ఇక పులివెందుల కోసం చెప్పాల్సిన పనిలేదు. 80 బూత్‌లుంటే.. ఏకంగా 70 చోట్ల అసలు ఏజెంట్లే లేకుండా చేశారు. ఆ తర్వాత బూత్‌లను ఆక్రమించి ఎలా రిగ్గింగ్‌ చేశారో? సైక్లింగ్‌ ఎలా చేశారో చూడండి (వీడియోలు ప్రదర్శిస్తూ). చివరికి ఈ అన్యాయాలను రిపోర్ట్‌ చేస్తున్న ఇండియా టుడే జర్నలిస్ట్‌ అబ్దుల్‌ బషీర్, వీడియో జర్నలిస్ట్‌ విజయ్, సాక్షి ఎగ్జిక్యూటివ్‌ ఎడిటర్‌ ఇస్మాయిల్‌. పలువురు విలేకరులపై టీడీపీ వాళ్లు దాడి చేశారు. పత్రికా స్వేచ్చ­ను ఖూనీ చేశారు. ఈ ఘటన జరిగిన చోట సీసీ కెమెరాలున్నాయి కదా? క్లియర్‌గా ఎవరు దాడు­లకు పాల్పడ్డారో కన్పిస్తా ఉంది. మరి ఎందుకు సీసీ కెమెరా పుటేజ్‌ బయట పెట్టలేదు. వీరిపై దాడులకు పాల్పడిన వారిని ఎందుకు అరెస్ట్‌ చేయలేదు.వీటిని నిజంగా స్వేచ్ఛాయుత ఎన్నికలని అనగలమా ?ఈరోజు జరిగిన ఎంపీటీసీ, జెడ్పీటీసీ ఎన్నికలకు సంబంధించి కొన్ని వీడియోలు చూపిస్తా.. తెలుగుదేశం గూండాలు పోలీసులతో కుమ్మక్కయి ప్రజాస్వామ్యాన్ని ఎలా ఖూనీ చేశారో మీరే చూడండి. అసలు వీటిని స్వేచ్ఛాయుత, నిష్పక్షపాత ఎన్నికలని ఎవరైనా అంటారా ఆలోచించండి.. (వీడియోలు, ఫొటోలను ప్రదర్శిస్తూ..)» అనంతపురం జిల్లా సింగనమల నియోజకవర్గం సోదనపల్లిలో బూత్‌ ఏజెంట్లను బయటకు లాగేసి టీడీపీ గూండాలు రిగ్గింగ్‌ చేశారు. » ఉరవకొండ నియోజకవర్గం (ఆర్థిక మంత్రి పయ్యావుల కేశవ్‌ సొంత నియోజక వర్గం) కూడేరులో వైఎస్సార్‌సీపీ ఏజెంట్లను పోలీస్‌ స్టేషన్‌లోనే సీఐ బంధించారు. » ఇదే నియోజకవర్గం మురట్లలో టీడీపీ నేతలు రిగ్గింగ్‌ చేస్తుంటే సీఐ రాజు కాపలా కాశారు. » కనిగిరి నియోజకవర్గం వెలిగండ్ల మండలం వెలిగండ్ల గ్రామంలో వైఎస్సార్‌సీపీ ఏజెంట్లను పోలీసులు లాగిపడేశారు. » కర్నూలు రూరల్‌ మండలం సుంకేశులలో వైఎస్సార్‌సీపీ ఏజెంట్లను ఏజెంట్‌ ఫామ్స్‌ చింపేసి టీడీపీ గూండాలు దాడి చేశారు. » తిరుపతిలో చంద్రగిరి నియోజకవర్గ పరిధిలోని సాయినగర్‌లో టీడీపీ గూండాలు భారీగా తరలించిన దొంగ ఓటర్లను వైఎస్సార్‌సీపీ నాయకులు రెడ్‌ హ్యాండెడ్‌గా పట్టుకున్నారు. » అన్నమయ్య జిల్లా పీలేరులో అందరూచూస్తుండగా టీడీపీ గూండాలు రిగ్గింగ్‌ చేశారు. » పులివెందుల మండలం అచ్చివెల్లిలో ఓటు వేసేందుకు వెళ్తున్న గ్రామస్తులపై పోలీసులు లాఠీచార్జి చేశారు. » పులివెందుల నియోజకవర్గం వేములలో ఓటు వేయనీయకుండా స్లిప్‌లు ఇచ్చి వెళ్లిపోండి అంటూ ఓటర్లను పోలీసులు, టీడీపీ గూండాలు బెదిరించారు. » పులివెందుల నియోజకవర్గం లింగాల మండలం ఓటర్లపై దాడి చేసేందుకు టీడీపీ గూండాలు బస్సుల్లో తెచ్చిన రాడ్లు, కర్రలను మీరే చూడండి. » పులివెందుల నియోజకవర్గం వేముల జెడ్పీ హైసూ్కల్‌ బూత్‌ వద్ద వైఎస్సార్‌సీపీ ఏజెంట్లను పోలీసులే అడ్డుకుని వెళ్లగొట్టారు. » పులివెందుల నియోజకవర్గం మోట్నుతలపల్లిలో ఇళ్లల్లోకి చొరబడి టీడీపీ గూండాలు దాడులు చేశారు. ఓటు వేయడానికి వస్తున్న మహిళా ఓటర్లపై పోలీసులు లాఠీచార్జ్‌ చేశారు. » రైల్వే కోడూరు నియోజకవర్గం పెనగలూరు మండలం నల్లపరెడ్డిపల్లిలో పోలీసులసమక్షంలోనే పెట్రోల్‌ బాంబులతో వైఎస్సార్‌సీపీ కార్యకర్తలపై టీడీపీ గూండాలు దాడులు చేశారు. » శ్రీకాకుళం జిల్లా టెక్కలి నియోజకవర్గం (మంత్రి అచ్చెన్నాయుడు నియోజకవర్గం) కోటబొమ్మాళి మండలం పట్టుపురంలో ఓట్ల రిగ్గింగ్‌కు పాల్పడుతున్న టీడీపీ నేతలను అడ్డుకునేందుకు యత్నించిన వైఎస్సార్‌సీపీ నేతలను పోలీసులు అరెస్ట్‌ చేశారు. » అన్నమయ్య జిల్లా పుంగనూరు నియోజకవర్గం, చౌడేపల్లి మండలం, దాదేపల్లి గ్రామంలో వైఎస్సార్‌సీపీ ఏజెంట్లను పోలింగ్‌ కేంద్రం నుంచి బయటకు గెంటేసిన టీడీపీ నేతలు » ప్రకాశం జిల్లా దర్శి నియోజకవర్గం తాళ్లూరు మండలం శివరాంపురంలో వైఎస్సార్‌సీపీ ఏజెంట్లను బయటకు పంపిన టీడీపీ గూండాలు.. ఇవన్నీ పోలీసుల సమక్షంలోనే సుమా.. » ఎన్టీఆర్‌ జిల్లా జగ్గయ్యపేట నియోజకవర్గం వత్సవాయి మండలం వత్సవాయిలో వైఎస్సార్‌సీపీ ఏజెంట్లను ఉదయం ఏడుగంటలకే పోలీస్‌ స్టేషన్‌కు తరలించి పోలింగ్‌ కేంద్రాలకు వెళ్లనీయకుండా అడ్డుకున్న పోలీసులు. » ప్రకాశం జిల్లా దర్శి మండలం తానంచింతలలో వైఎస్సార్‌సీపీ ఏజెంట్లను బయటకు గెంటేసి, తమను ఓట్లు వేయనివ్వకుండా టీడీపీ గూండాలు అడ్డుకుని రిగ్గింగ్‌ చేస్తున్నారని గ్రామస్తుల ఆగ్రహం. » ప్రకాశం జిల్లా కనిగిరి నియోజకవర్గం హెచ్‌­­­ఎంపాడు మండలం తిమ్మారెడ్డిపల్లి, లింగంగుంట్లలో వైఎస్సార్‌సీపీ ఏజెంట్లను బలవంతంగా స్టేషన్‌కు తరలిస్తున్న పోలీసులు. » కర్నూలు జిల్లా ఆలూరు నియోజకవర్గం చిప్పగిరి మండలం చిప్పగిరిలోనే వైఎస్సార్‌సీపీ ఏజెంట్లను దౌర్జన్యంగా పోలీసుల జీపులోకి ఎక్కిస్తున్న ఎస్సై నర్సింహులు. » వైఎస్సార్‌ కడప జిల్లా పులివెందుల నియోజకవర్గం లింగాలమండలం కొమ్మనూతలలో వైఎస్సార్‌సీపీ ఏజెంట్లను లోపలికి వెళ్లనీయకుండా పోలీసులు అడ్డుకున్న కారణంగా పోలీసుల తీరుకు నిరసనగా రోడ్డుపై బైఠాయించిన మహిళలు, గ్రామస్తులు. » చిత్తూరు జిల్లా పలమనేరు నియోజకవర్గం వీ.కోటలో ఓటేయనీయకుండా టీవీ రిపోర్టర్‌పై సీఐ సోమశేఖర్‌ దాడి. » ప్రకాశం జిల్లా కొండెపి నియోజకవర్గం టంగుటూరు మండలంలో కొలిజేడులో వైఎస్సార్‌సీపీ ఏజెంట్లను పోలింగ్‌ కేంద్రంలోకి రాకుండా అడ్డుకున్న టీడీపీ నేతలు, వారికి వంతపాడుతూ వైఎస్సార్‌సీపీ ఏజెంట్లను బెదిరిస్తున్న పోలీసులు. » ప్రకాశం జిల్లా సంతనూతలపాడు నియోజకవర్గం తాళ్లూరు మండలంలో తమను ఓటు వేయనీయకుండా రిగ్గింగ్‌ చేస్తున్నారని నిరసన తెలుపుతున్న గురవారెడ్డి పాలెం, కొర్రపాటివారి పాలెం వాసులు. » మార్కాపురం జిల్లా మార్కాపురం నియోజకవర్గంలో కొనకమిట్ల మండలంలోని చినమనగుండంలో 175వ బూత్‌లో దొంగ ఓట్లు వేయిస్తున్న టీడీపీ కార్యకర్త » శ్రీకాకుళం జిల్లా టెక్కలి నియోజకవర్గం టెక్కలి–4 ఎంపీటీసీ స్థానం నుంచి ఎంపీటీసీగా పోటీ చేస్తున్న వైఎస్సార్‌సీపీ అభ్యర్థి జ్యోతి భర్త కృష్ణను అరెస్ట్‌ చేసిన పోలీసులు. అడ్డుకుంటున్న కృష్ణ చెల్లెలిపై పోలీసుల దాష్టీకం.

సాక్షి, అమరావతి: ఎంపీటీసీ, జెడ్పీటీసీ ఎన్నికల్లో పోలింగ్‌ కేంద్రాల్లో సీసీ కెమెరాల నిఘా, వెబ్‌ క్యాస్టింగ్, అభ్యర్థులకు, పోలింగ్‌ కేంద్రాలకు తగిన భద్రత ఏర్పాటు చేయాలని వైఎస్సార్‌సీపీ ఎన్నికల కమిషన్‌ను కోరింది. అలాగే పోలింగ్‌ వేళ వైఎస్సార్‌సీపీ నేతల అక్రమ అరెస్టులు, గృహ నిర్బంధాలు అడ్డుకోవాలని విజ్ఞప్తి చేసింది. దీంతో పాటు మున్సిపల్‌ ఎన్నికల సీసీటీవీ ఫుటేజ్, బ్యాలెట్‌ పత్రాల్ని నిబంధనల ప్రకారం భద్రపరచాలని కూడా కోరింది. ఈ మేరకు పార్టీ ఎమ్మెల్సీ లేళ్ల అప్పిరెడ్డి ఎస్‌ఈసీకి వేర్వేరు లేఖలు రాశారు. సుప్రీం ఆదేశాలు పాటించాలిఎంపీటీసీ, జెడ్పీటీసీ పోలింగ్‌ సమయంలో అయినా సుప్రీంకోర్టు ఆదేశాలను కచ్చితంగా అమలు చేసి ప్రతి పోలింగ్‌ కేంద్రం లోపల, చుట్టుపక్కల సీసీ కెమెరాలతో నిరంతర నిఘా ఏర్పాటు చేయాలని, లేదా వీడియో కెమెరాలతో రికార్డు చేయాలని వైఎస్సార్‌సీపీ ఎస్‌ఈసీకి రాసిన ఓ లేఖలో కోరింది. ముఖ్యంగా అత్యంత సున్నితమైన, సమస్యాత్మక ప్రాంతాల్లో నిరంతర పర్యవేక్షణ, విద్యుత్‌ సరఫరా, బ్యాకప్‌తో ప్రత్యక్ష వెబ్‌కాస్టింగ్‌ ఏర్పాటు చేయాలని తెలిపింది. 1న జరిగిన మున్సిపల్‌ ఎన్నికల సమయంలో నిఘా, భద్రత ఏర్పాట్లలో జరిగిన వైఫల్యాలపై తక్షణ విచారణ జరిపి, బాధ్యులైన అధికారులను గుర్తించి, తీసుకున్న చర్యలతో నివేదిక సమర్పించాలని కోరింది.వైఎస్సార్‌సీపీ నేతల అక్రమ నిర్బంధాలను అడ్డుకోవాలిఎంపీటీసీ, జెడ్పీటీసీ పోలింగ్‌కు ముందు వైఎస్సార్‌సీపీ నాయకుల అక్రమ అరెస్టులు, గృహ నిర్బంధాలు, పోలీసుల బెదిరింపులను తక్షణమే అరికట్టాలని ఎస్‌ఈసీని కోరింది. వైఎస్సార్‌ కడప జిల్లా పులివెందుల నియోజకవర్గం లింగాల మండలంలో వైఎస్సార్‌సీపీ వారిని పోలీసులు అరెస్టు చేసి, బైండోవర్, ఇతర కేసులు పెట్టే ప్రయత్నం చేస్తున్నారని, వీటిపై స్థానిక ఎంపీ వైఎస్‌ అవినాశ్‌ రెడ్డి ప్రశ్నిస్తే వదిలేస్తామని చెప్పి, ఇంకా నిర్బంధంలోనే ఉంచారని తెలిపింది.. కడప జిల్లా వేల్పులలో అక్రమాల్ని అడ్డుకోవాలివైఎస్సార్‌ కడప జిల్లా వేముల మండలంలోని 156, 157 పోలింగ్‌ కేంద్రాలు ఉన్న ఎంపీపీ యూపీ పాఠశాల చుట్టూ రాళ్ల కుప్పలు పోయడం, వైఎస్సార్‌సీపీ మండల పరిశీలకుడు ఎల్‌.రామలింగారెడ్డికి ప్రాణహాని ఉన్న నేపథ్యంలో ముందస్తు నివారణ చర్యలు తీసుకోవాలని మరో లేఖలో ఎస్‌ఈసీని వైఎస్సార్‌సీపీ కోరింది. ఎంపీటీసీ, జెడ్పీటీసీ పోలింగ్‌ రోజున కాకినాడ జిల్లా తొండంగి మండలంలో అధికార పార్టీ వారు బూత్‌ ఆక్రమణలు, రిగ్గింగ్‌కు పాల్పడే అవకాశం ఉన్నందున అక్కడ తగిన పోలీసు రక్షణ కల్పించాలని విజ్ఞప్తి చేసింది.మున్సిపల్‌ ఎన్నికల సీసీ టీవీ ఫుటేజ్, బ్యాలెట్‌ పత్రాలు భద్రపరచాలికోర్టుల్లో తాము ఎన్నికల పిటిషన్లు వేసేందుకు వీలుగా అన్ని పోలింగ్‌ కేంద్రాలు, స్ట్రాంగ్‌ రూమ్లు, ఓట్ల లెక్కింపు కేంద్రాల సీసీ టీవీ ఫుటేజిలు, వీడియో, వెబ్‌కాస్టింగ్‌ రికార్డులను ఒరిజినల్, డిజిటల్‌ రికార్డులు, బ్యాకప్‌లతో సహా భద్రపరచాలని కోరింది. ఆధారాలు మార్చకుండా, ధ్వంసం చేయకుండా చర్యలు తీసుకోవాలని కోరింది. కర్నూలు 23వ వార్డులో రీకౌంటింగ్‌ నిర్వహించాలి దీంతో పాటు కర్నూలు కార్పొరేషన్‌ 23వ వార్డు ఫలితాల ప్రకటనలో వ్యత్యాసం నేపథ్యంలో ఓట్ల రీకౌంటింగ్‌కు ఆదేశించాలని ఎస్‌ఈసీని వైఎస్సార్‌సీపీ కోరింది.

సాక్షి, అమరావతి/ఎమ్మిగనూరు టౌన్‌: రాష్ట్రంలోని వివిధ జిల్లాల్లో వర్షాలు కురుస్తున్నా జెడ్పీటీసీ, ఎంపీటీసీ ఎన్నికలు యథాతథంగా కొనసాగుతాయని రాష్ట్ర ఎన్నికల క­మిషన్‌ (ఎస్‌ఈసీ) బుధవారం ప్రకటించింది. రాష్ట్ర ఎన్నికల కమిషనర్‌ అనిల్‌ చంద్రపునేఠ పలు ప్రాంతాల్లో కురుస్తున్న భారీ వర్షాలు, ము­రసు తుపాను ప్రభావిత ప్రాంతాల్లో నెలకొన్న పరి­స్థితులపై జిల్లా కలెక్టర్లు, ఎస్పీల నుంచి వివరాలు అడిగి తెలుసుకున్నారని.. కొన్ని ప్రాంతాలు మినహా పోలింగ్‌ నిర్వహణకు ఎలాంటి ఇబ్బందులు లేవని కలెక్టర్లు నివేదించినట్టు ఎస్‌ఈసీ వెల్లడించింది. కలెక్టర్ల ద్వారా నిరంతరం పర్యవేక్షిస్తూ ఎక్కడైనా ఎన్నికల నిర్వహణకు ఇబ్బందులు ఎదురైతే క్షేత్రస్థాయి అధికారుల నుంచి వాస్తవ పరిస్థితులపై సమగ్ర నివేదికలు తెప్పించుకుని, వాటి ఆధారంగా తగిన ని­ర్ణయాలు తీసుకుంటామని స్పష్టం చేసింది. వ­ర్షాల కారణంగా గుంటూరు జిల్లా పెదనందిపాడు, కాకుమాను, ఫిరంగపురం మండలాల్లో ఎన్నిక వా­యిదా వేస్తున్నట్టు ఆ జిల్లా కలెక్టర్లు బుధవారం ఉద­యం ప్రకటించినా.. గంటన్నర అనంతరం తిరిగి అక్కడ పో­లింగ్‌ ప్రక్రియ కొనసాగుతుందని స్పష్టం చేశారు. ఉదయం 7 గంటలకే పోలింగ్‌ మొదలు ఏకగ్రీవాల అనంతరం 28 జిల్లాల పరిధిలో 582 జెడ్పీటీసీ స్థానాలు, 7,767 ఎంపీటీసీ స్థానాలకు గురువారం ఉదయం 7 గంటలకే పోలింగ్‌ ప్రక్రియ ప్రారంభమవుతుందని ఎస్‌ఈసీ వెల్లడించింది. రాష్ట్రవ్యాప్తంగా 659 మండలాల్లో జెడ్పీటీసీ ఎన్నికల నోటిఫికేషన్‌ జారీ కాగా, 77 మండలాల్లో ఎన్నిక ఏకగ్రీవం కావడంతో మిగిలిన 582 మండలాల్లో 2,169 మంది అభ్యర్ధులు పోటీలో ఉన్నారు. 9,821 ఎంపీటీసీ స్థానాలకు గాను 2,051 ఎంపీటీసీ స్థానా­లు ఏకగ్రీవం కాగా.. మూడుచోట్ల ఎవరూ నామినేషన్లు దాఖలు చేయలేదు. మిగిలిన 7,767 ఎంపీటీసీ స్థానాలకు గురువారం పోలింగ్‌ జరగనుంది. ఆయా ఎంపీటీసీ స్థానాల్లో 18,843 మంది అభ్యర్థులు పోటీ పడుతున్నారు. ఎంపీటీసీ, జెడ్పీటీసీ స్థానాలకు కలిపి మొత్తం 20,966 మంది పోటీ పడుతున్నారు. మొత్తంగా 31,460 పోలింగ్‌ కేంద్రాల ఏర్పాటు చేయగా.. 2,61,52,377 మంది ఓటర్లు ఓటుహక్కు వినియోగించుకునే అవకాశం ఉంది. 16,064 సమస్యాత్మక ప్రాంతాలు.. 15,396 చోట్లే సీసీ కెమెరాలు మొత్తం 31,460 పోలింగ్‌ కేంద్రాలకు గాను 8,904 సమస్యాత్మక, 7,160 అత్యంత సమస్యాత్మక ప్రాంతాలుగా గుర్తించినట్టు ఎన్నికల కమిషన్‌ పేర్కొంది. 16,064 సమస్యాత్మక, అత్యంత సమస్యాత్మక ప్రాంతాల్లో 15,396 సీసీ కెమెరాలు ఏర్పాటు చేసినట్టు ఎస్‌ఈసీ పేర్కొంది. సమస్యాత్మక, అత్యంత సమస్యాత్మక ప్రాంతాలుగా గుర్తించిన వాటిలోనూ 668 చోట్ల సీసీ కెమెరాలు ఏర్పాటు చేయకుండా వీడియోగ్రఫీకి పరిమితం చేశారు. మరోవైపు సాధా­రణ పోలింగ్‌ కేంద్రాలుగా పేర్కొన్న చోట్ల 6 వేల­చోట్ల ల్యాప్‌టాప్‌ల ద్వారా వెబ్‌కాస్టింగ్, మరో 6,507 చోట్ల వీడియోగ్రఫీ, 2,889 చోట్ల ఇతర ఏర్పాట్లు చేసినట్టు వివరించింది. ఎన్నికల నిర్వహణలో 49,121 పోలింగ్‌ సిబ్బంది, బందోబస్తు కోసం 40,769 మంది పోలీసులు పాల్గొంటారని తెలిపింది.

సాక్షి, అమరావతి: ఊళ్లో జనం లేని సమయం చూసి, ఇళ్లకు తాళాలు వేసినప్పుడు కాపుకాచి.. దొంగల ముఠాలు పంజా విసిరి ప్రజల విలువైన సంపదను కొల్లగొట్టుకు పోవడం చూస్తుంటాం. అచ్చం అదే రీతిలో ‘మురసు’ తుపాను బీభత్సంతో ఓటర్లు వరద ముంపులో చిక్కుకుని, కనీసం ఇళ్ల నుంచి బయటకు అడుగు పెట్టలేని నిస్సహాయ స్థితిని పచ్చ పార్టీ ముఠాలు ఆసరాగా చేసుకుని కుటిల రాజకీయం చేస్తున్నాయి. ఈ క్రమంలో గురువారం జెడ్పీటీసీ, ఎంపీటీసీ పోలింగ్‌ సందర్భంగా తుపాన్‌ విరుచుకు పడుతున్న వేళ ప్రజలు ఇళ్ల నుంచి బయటకు రాలేని, ఆలస్యంగా వచ్చే వారి ఓటు హక్కును హైజాక్‌ చేయడానికి దొంగల ముఠా పక్కా స్కెచ్‌ వేసింది. ఇందుకు రాష్ట్ర ఎన్నికల కమిషన్‌ (ఎస్‌ఈసీ)ను మరోమారు పావుగా వాడుకుంది. భారీ వర్షాలకు ఊళ్లకు ఊళ్లు జలమయమైన నేపథ్యంలో ఎంపీటీసీ, జెడ్పీటీసీ ఎన్నికలను వాయిదా వేయాలని భావించిన ఎస్‌ఈసీని సైతం వెనక్కు తగ్గేలా ఒత్తిడి తెచ్చింది. యధావిధిగా ఎన్నికలు జరుగుతాయని ఎస్‌ఈసీ ప్రకటించడం వెనుక ఉన్న వ్యూహం ఇదేనని రాజకీయ పరిశీలకులు భావిస్తున్నారు. ఇప్పటికే పోలీసులు, పచ్చ పార్టీ గూండాలు జట్టు కట్టి జెడ్పీటీసీ, ఎంపీటీసీ ఎన్నికల్లో వైఎస్సార్‌సీపీ అభ్యర్థుల నామినేషన్‌లను అడ్డుకోవడం, వేసిన నామినేషన్‌లను విత్‌డ్రా చేయించడం ద్వారా పలు చోట్ల బలవంతపు ఏకగ్రీవాలకు పాల్పడ్డారు. మున్సిపల్‌ పోలింగ్‌ సందర్భంగా వైఎస్సార్‌ కడప, తిరుపతి, చిత్తూరు సహా అనేక జిల్లాల్లో పోలీసులు, పచ్చ పార్టీ గూండాలు ఓటర్లను పోలింగ్‌ కేంద్రాలకు వెళ్లకుండా అడ్డుకుని యథేచ్ఛగా రిగ్గింగ్‌కు పాల్పడ్డారు. మున్సిపల్‌ ఎన్నికల తరహాలోనే జెడ్పీటీసీ, ఎంపీటీసీ పోలింగ్‌లోనూ రిగ్గింగ్‌కు పాల్పడేందుకు వ్యూహ రచన చేసినట్లు సమాచారం. ఈ క్రమంలో వరదలు, వర్షాల దెబ్బకు ఓటర్లు సైతం ఇళ్ల నుంచి బయటకు రాకుంటే బూత్‌లను ఆక్రమించి ఏకపక్షంగా ఓట్లన్నీ గుద్దేసుకోవచ్చనే పన్నాగానికి తెరలేపారు. ఇందుకు ఎస్‌ఈసీ సైతం పచ్చజెండా ఊపడంపై ప్రజాస్వామ్య వాదులు ఆగ్రహం వ్యక్తం చేస్తున్నారు. క్షేత్ర స్థాయిలో పర్యటించే వీల్లేకుండా ఏరియల్‌ సర్వే: గత వారంలో అర్నబ్, ఈ వారంలో మురసు తుపాన్ల దెబ్బకు శ్రీకాకుళం జిల్లా నుంచి నెల్లూరు జిల్లా వరకు అంటే రాష్ట్రంలో మూడొంతుల ప్రాంతం అతలాకుతలమైంది. మూడు రోజులుగా మురసు తుపాను ధాటికి కాకినాడ, అంబేడ్కర్‌ కోనసీమ, కృష్ణ, ఎన్టీఆర్, గుంటూరు, పల్నాడు, బాపట్ల, ప్రకాశం జిల్లాల్లో వర్షాలు బీభత్సం సృష్టించాయి. ఊళ్లన్నీ జల దిగ్బంధంలో ఉన్నాయి. ఈ క్రమంలో తుపాను ప్రభావిత ప్రాంతాల్లో పర్యటించాలని సీఎం చంద్రబాబు నిర్ణయించారు. అయితే, అక్కడ హెలికాప్టర్‌ ల్యాండింగ్, క్షేత్ర స్థాయి పరిశీలనకు అనుకూల పరిస్థితులు లేవని.. కేవలం ఏరియల్‌ సర్వే చేశారు. ఇంతటి ప్రతికూల పరిస్థితుల్లో ఓటర్లు ఎలాగూ పోలింగ్‌ బూత్‌లకు రారని, దాన్ని ఆసరాగా చేసుకుని, పచ్చ గూండాలను బరిలోకి దించి బూత్‌లను ఏకపక్షంగా ఆక్రమించుకోవాలని పార్టీ శ్రేణులకు దిశా నిర్దేశం చేసినట్లు సమాచారం. వాయిదా అన్నారు.. వెంటనే కాదన్నారు.. తుపాను కారణంగా తమ పరిధిలోని కొన్ని మండలాల్లో పోలింగ్‌ నిర్వహించే పరిస్థితి లేదని గుంటూరు, బాపట్ల జిల్లాల జెడ్పీ సీఈవోలు ఎస్‌ఈసీ­కి సమాచారం ఇచ్చారు. గుంటూరు జిల్లాలోని కాకుమాను, పెదనందిపాడు, ఫిరంగిపురం మండలాల్లో గురువారం కాకుండా శుక్రవారం ఎన్ని­క­లు నిర్వహిస్తామని జిల్లా కలెక్టర్‌ బుధవారం విలేకరుల సమావేశంలో ప్రకటించారు. మళ్లీ కొద్ది సే­పటికే వాయిదా నిర్ణయాన్ని విరమించుకున్నామని, యథావిధిగా గురువారమే జిల్లాలోని అన్ని మండలాల్లో ఎన్నికలు ఉంటాయని స్పష్టం చేశారు. దీని వెనుక టీడీపీ కూటమి రిగ్గింగ్‌ వ్యూహం స్పష్టమవుతోందని రాజకీయ పరిశీలకులు చెబుతున్నారు.

సాక్షి, అమరావతి : ‘మురసు’ తుపాను విరుచుకు పడటంతో రాష్ట్రంలోని సగం గ్రామాలు, పట్టణాలు జలమయమై జన జీవన స్రవంతికి ఇబ్బందులెదురైన పరిస్థితి కళ్లకు కడుతున్నా, ముఖ్యమంత్రి చంద్రబాబు మాత్రం వీలైనన్ని ఓట్లు గుద్దిపోసుకోవడానికి ఇదే సరైన తరుణమని భావించడం విస్తుగొలుపుతోంది. పలు జిల్లాల కలెక్టర్లు తుపాను వేళ పోలింగ్‌ వాయిదా వేయాలని కోరినా ససేమిరా అంటూ.. అనుకున్నది అనుకున్నట్లు జరగాలని పట్టుబట్టి నివేదికలను మార్పించడం అధికార వర్గాల్లో తీవ్ర చర్చనీయాంశమైంది. స్థానిక ఎన్నికల ప్రక్రియ మొదలైనప్పటి నుంచి అడుగడుగునా అక్రమాలు, దౌర్జన్యాలు, బెదిరింపులతో.. డజన్‌ కుట్రలతో అడ్డగోలుగా విజయం సాధించేలా కుతంత్రాలు పన్నిన విషయం విదితమే. ఈ క్రమంలో మున్సిపల్‌ ఎన్నికల్లో వైఎస్సార్‌సీపీ అభ్యర్థులు నామినేషన్‌ వేయకుండా ఆదిలోనే అడ్డుకోవడం.. టీడీపీ గూండాలు పత్రాలు లాక్కొని చింపేయడం.. ఈ అడ్డంకులు దాటుకుని ఎవరైనా నామినేషన్‌ దాఖలు చేసి ఉంటే.. ఏకంగా ఆర్వోల వద్దకే వెళ్లి వారి వద్ద ఉన్న పత్రాలు ఎత్తుకెళ్లడం.. ఆపై ఎవరైనా పోటీలో నిలిచి ఉంటే బెదిరింపులకు గురిచేయడం కళ్లకు కట్టినట్లు చూశాం. ఇందుకు సంబంధించి వందలాది వీడియోలు, ఫొటోలు సోషల్‌ మీడియాలో వైరల్‌ అయ్యాయి. అన్ని అడ్డంకులను అధిగమించి పోలింగ్‌ దాకా వచ్చిన చోట్ల ఏకంగా ప్రత్యర్థి పార్టీ ఏజెంట్లనే గెంటి వేయడమూ చూశాం. ఇప్పుడూ అదే పంథా జిల్లా, మండల పరిషత్‌ ఎన్నికల్లోనూ ఇదే దౌర్జన్యం కొనసాగింది. నేడు (గురువారం) పోలింగ్‌ జరగనుంది. అయితే మురసు తుపాను కారణంగా వాతావరణ శాఖ రాష్ట్రంలోని పలు జిల్లాలకు ఆరెంజ్, రెడ్‌ అలెర్ట్‌లను జారీ చేసింది. ఈ క్రమంలో భారీ వర్షాలు కురుస్తున్న ప్రాంతాల్లో ఆయా జిల్లాల కలెక్టర్లు పోలింగ్‌ను వాయిదా వేయాలంటూ ఎస్‌ఈసీకి లేఖ రాశారు. ఈ విషయం సీఎం చంద్రబాబుకు తెలియడంతో వెంటనే రంగంలోకి దిగిపోయారు. ఆయా జిల్లాల కలెక్టర్లతో మాట్లాడి.. గురువారం పోలింగ్‌ నిర్వహించేందుకు అనుకూల పరిస్థితులు ఉన్నాయంటూ వెంటనే మరో నివేదిక తెప్పించారు. దీంతో పోలింగ్‌ను ఎస్‌ఈసీ వాయిదా వేయలేక పోయింది. వాస్తవానికి ప్రజలు ఓటు వేసే పరిస్థితి లేదని స్వయంగా సీఎం చంద్రబాబు సైతం తన ఏరియల్‌ సర్వేలో గుర్తించారు. అయినప్పటికీ తుపాను వేళ అయితే రిగ్గింగ్, సైక్లింగ్‌కు పూర్తి అనుకూలంగా ఉంటుందని పార్టీ శ్రేణులకు దిశా నిర్దేశం చేస్తూ ఈ నిర్ణయం తీసుకున్నారు. అయితే ప్రజలను మభ్యపెట్టడానికన్నట్లు తూతూ మంత్రంగా కేవలం నాలుగైదు చోట్ల మాత్రమే వాయిదా వేశారు. ముఖ్యమంత్రి స్థానంలో ఉన్న వ్యక్తి ఇంత కుంచిత బుద్ధితో వ్యవహరించడం దేశంలో ఎప్పుడూ, ఎక్కడా చూడలేదని అధికార వర్గాల్లో ఈ విషయం తీవ్ర చర్చనీయాంశమైంది.

సాక్షి, అమరావతి: రాష్ట్రంలో స్థానిక ఎన్నికల సందర్భంగా అధికార పార్టీ బరి తెగించి అక్రమాలకు పాల్పడుతున్నా రాష్ట్ర ఎన్నికల కమిషన్‌ నిర్లిప్తంగా వ్యవహరించడం.. సుప్రీంకోర్టు ఆదేశాలనూ బేఖాతర్‌ చేయడంపై వైఎస్సార్‌సీపీ తీవ్రంగా పరిగణించింది. ఎస్‌ఈసీ నిర్లక్ష్యం కారణంగా మున్సిపల్‌ ఎన్నికల కౌంటింగ్‌ సందర్భంగా చోటు చేసుకుంటున్న ఘటనలపై ప్రతి స్పందించింది. కుప్పం మున్సిపాలిటీలో ఓట్ల లెక్కింపు సందర్భంగా.. వైఎస్సార్‌సీపీ అభ్యర్థులు, కౌంటింగ్‌ ఏజెంట్లను బయటకు పంపించడం, పోలీసుల లాఠీచార్జి.. అనంతపురం జిల్లా కళ్యాణదుర్గం మున్సిపాలిటీలో ఓట్ల లెక్కింపు సందర్భంగా వైఎస్సార్‌సీపీ గెలిచిన వార్డుల్లోనే రీకౌంటింగ్‌కు అనుమతి ఇవ్వడంపై ఎన్నికల కమిషన్‌ తక్షణ జోక్యం చేసుకోవాలని వైఎస్సార్‌సీపీ కోరింది. ఈ నేపథ్యంలో సుప్రీంకోర్టు ఆదేశాల మేరకు ఇప్పటికైనా స్పందించి చర్యలు తీసుకోవాలని సూచిస్తూ వైఎస్సార్‌సీపీ మంగళవారం 16 వేర్వేరు ఫిర్యాదులు చేసింది. ఈ మేరకు పార్టీ ఎమ్మెల్సీ లేళ్ల అప్పిరెడ్డి ఎస్‌ఈసీకి లేఖలు రాశారు. అందులో వివరాలివీ... సమస్యాత్మక కేంద్రాల్లో ప్రత్యేక భద్రతా ఏర్పాట్లు.. రాష్ట్రంలోని పలు జిల్లాల్లో సమస్యాత్మక ప్రాంతాల్లో గతంలో చోటు చేసుకున్న ఘటనలను దృష్టిలో ఉంచుకుని సుప్రీంకోర్టు ఆదేశాల ప్రకారం సీసీటీవీ, వీడియోగ్రఫీ ఏర్పాటుతోపాటు అదనపు పోలీసు బలగాలను మోహరించాలి. శ్రీసత్యసాయి జిల్లా ధర్మవరం రూరల్‌ మండలం, ధర్మవరం అసెంబ్లీ నియోజకవర్గ పరిధిలోని ముదిగుబ్బ, తాడిమర్రి మండలాలు, ఇదే జిల్లాలోని బత్తలపల్లి మండలంలో తగిన ఏర్పాట్లు చేయాలి. తిరుపతి జిల్లా పెల్లకూరు మండలం పునబాక, చిల్లకూరు గ్రామాల ఎస్సీ, ఎస్టీ ఓటర్లకు రక్షణతోపాటు అన్ని పోలింగ్‌ కేంద్రాల్లో ఏజెంట్లకు తగిన పోలీసు భద్రత కల్పించాలి. శ్రీకాకుళం జిల్లా నందిగాం మండలంలోని 56, 57, 58, 59 పోలింగ్‌ కేంద్రాల వద్ద, మార్కాపురం జిల్లా హనుమంతునిపాడు మండలంలోని సమస్యాత్మక కేంద్రాల్లో ప్రత్యేక భద్రతా ఏర్పాట్లు చేయాలి. 100 శాతం వెబ్‌కాస్టింగ్, సీసీటీవీలు.. తిరుపతి జిల్లా చినగొట్టిగల్లు, రామచంద్రాపురం మండలాల్లోని కీలక, అత్యంత కీలకమైన పోలింగ్‌ కేంద్రాల్లో కేంద్ర సాయుధ పోలీసు బలగాల మోహరింపు, వెబ్‌కాస్టింగ్, ప్రత్యేక భద్రతా ఏర్పాట్లు చేయాలి. చిత్తూరు జిల్లా పలమనేరు నియోజకవర్గంలోని సమస్యాత్మక, అత్యంత సమస్యాత్మక పోలింగ్‌ కేంద్రాల్లో అదనపు బలగాలు, కేంద్ర సాయుధ పోలీసు బలగాలు, 100 శాతం వెబ్‌కాస్టింగ్, సీసీటీవీలు ఏర్పాట్లు చేయాలి. దీంతో పాటు తిరుపతి జిల్లా పెల్లకూరు మండలంలో అధికారికంగా నియమించిన ఏజెంట్లను అన్ని పోలింగ్‌ కేంద్రాల్లోకి అనుమతించి స్వేచ్ఛాయుత, నిష్పక్షపాత ఎన్నికలు జరిగేలా చూడాలి. కుప్పంలో విపక్ష అభ్యర్థులు, ఏజెంట్లను గెంటేసి కౌంటింగ్‌... మున్సిపల్‌ ఎన్నికల కౌంటింగ్‌ సందర్భంగా పలుచోట్ల చోటు చేసుకున్న ఘటనలపై ఎన్నికల కమిషన్‌ తక్షణం చర్యలు తీసుకోవాలి. కుప్పం మున్సిపాలిటీలో ఓట్ల లెక్కింపు సందర్భంగా వైఎస్సార్‌సీపీ అభ్యర్థులు, కౌంటింగ్‌ ఏజెంట్లను బయటకు పంపించడం, పోలీసుల లాఠీచార్జి, అనంతపురం జిల్లా కళ్యాణదుర్గం మున్సిపాలిటీలో ఓట్ల లెక్కింపు సందర్భంగా అక్రమాలకు తెర తీస్తూ.. వైఎస్సార్‌సీపీ గెలిచిన వార్డుల్లోనే రీకౌంటింగ్‌కు అనుమతి ఇవ్వడంపై ఎన్నికల కమిషన్‌ తక్షణ జోక్యం చేసుకోవాలి. వీటితో పాటు ప్రకాశం జిల్లా చీమకుర్తి కౌంటింగ్‌ కేంద్రంలో టీడీపీ నాయకులు, వారి అనుచరులు వైఎస్సార్‌సీపీ కౌంటింగ్‌ ఏజెంట్లను అడ్డుకోవడం, పోలీసులు స్పందించకపోవడంపై తక్షణ జోక్యం చేసుకోవాలి. ఆత్మకూరు మున్సిపాలిటీలో 26, 27 వార్డుల్లో రీకౌంటింగ్‌ సందర్భంగా చోటు చేసుకున్న అక్రమాలు, అనధికార వ్యక్తులు కౌంటింగ్‌ హాల్‌లోకి ప్రవేశించడంపై స్వతంత్ర బృందం పర్యవేక్షణలో తిరిగి లెక్కింపు జరపాలి. ఆ అధికారులపై చర్యలు తీసుకోవాలి... గతంలో పులివెందుల జెడ్పీటీసీ ఉపఎన్నికల సందర్భంగా జిల్లా ఎన్నికల అధికారిగా వ్యవహరించిన కడప కలెక్టర్‌ చెరుకూరి శ్రీధర్‌ ఎన్నికల ప్రక్రియను అధికార పార్టీకి అనుకూలంగా నిర్వహించేలా అవకాశం కల్పించారు. ఆ ఉపఎన్నిక సందర్భంగా జరిగిన చోటు చేసుకున్న అక్రమాల గురించి తెలిసి కూడా పట్టించుకోలేదు. ఓటరు స్లిప్పుల పంపిణీలో అక్రమాలు, పెద్ద సంఖ్యలో ఓటర్లను ఒక ప్రాంతం నుంచి మరొక ప్రాంతానికి తరలించడం లాంటి అంశాలపై ఫిర్యాదులు అందినా తగిన చర్యలు తీసుకోలేదు. దీనిపై స్వతంత్ర విచారణ జరిపించడంతో పాటు పక్షపాతంగా వ్యవహరించిన అధికారులపై చర్యలు తీసుకోవాలి. వారిని ఎన్నికల విధుల నుంచి తప్పించి స్థానిక సంస్థల ఎన్నికలు నిష్పక్షపాతంగా జరిగేలా చర్యలు తీసుకోవాలి. పోలింగ్‌ రికార్డింగ్‌లు భద్రపరచాలని ఆదేశం.. వైఎస్సార్‌సీపీ ఎమ్మెల్సీ లేళ్ల అప్పిరెడ్డి ఫిర్యాదులపై స్పందించిన రాష్ట్ర ఎన్నికల కమిషన్‌ తాజాగా కీలక ఆదేశాలు జారీ చేసింది. సుప్రీంకోర్టు ఆదేశాల ప్రకారం ఎంపీటీసీ, జెడ్పీటీసీ ఎన్నికల్లో అన్ని పోలింగ్‌ కేంద్రాలు, స్ట్రాంగ్‌ రూములు, కౌంటింగ్‌ కేంద్రాల్లో సీసీటీవీ లేదా వీడియోగ్రఫీ ఏర్పాట్లు చేయాలని అన్ని జిల్లాల కలెక్టర్లు, జిల్లాల ఎన్నికల అధికారులు, ఎస్పీలు, పోలీసు కమిషనర్లను ఆదేశించింది. ఎన్నికల పిటిషన్‌ దాఖలు చేసే గడువు ముగిసే వరకు లేదా దానిపై తుది పరిష్కారం అయ్యేవరకు రికార్డింగ్‌లను భద్రపరచాలని స్పష్టం చేసింది. అలాగే ఆయా ఫిర్యాదులపై తీసుకున్న చర్యల నివేదికను ఈ నెల 4వ తేదీ సాయంత్రం 4 గంటలలోపు సమర్పించాలని ఆదేశించింది.

సాక్షి, అమరావతి: ఎన్నికల ప్రక్రియలో అడుగడుగునా అక్రమాలు, అరాచకాలతో ప్రజాస్వామ్యాన్ని ఖూనీ చేసిన చంద్రబాబు, పోలీసులు, రాష్ట్ర ఎన్నికల కమిషన్‌ (ఎస్‌ఈసీ)కు అభినందనలు తెలుపుతూ వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఎద్దేవా చేశారు. మీరంతా కలిసి ఎన్నికల్లో ప్రతిపక్షానికి ఎన్నికల్లో పోటీపడే అవకాశమే ఇవ్వకుండా అద్భుతంగా ఎలా గెలవాలో నిరూపించారని వ్యంగ్యాస్త్రాలు విసిరారు. ప్రజాస్వామ్యాన్ని పరిరక్షించడానికి, ఎన్నికల ప్రక్రియను సమూలంగా ప్రక్షాళన చేయడానికి సంస్కరణలు తేవాల్సిన ఆవశ్యకతను నొక్కి చెబుతూ ‘చంద్రబాబు జంగిల్‌రాజ్‌’ హ్యాష్‌ ట్యా­గ్‌తో.. కేంద్ర ఎన్నికల సంఘం (ఈసీఐ)ను ట్యాగ్‌ చేస్తూ మంగళవారం సామాజిక మాధ్యమం ‘ఎక్స్‌’లో పోస్టు చేశారు. ఆ పోస్టు­లో వైఎస్‌ జగన్‌ ఏమన్నారంటే.. ‘‘అభినందనలు.. నారా చంద్ర­బాబునాయుడి బృందానికి, పోలీసులకు, రాష్ట్ర ఎన్నికల కమిషన్‌కు! ప్రతిపక్షానికి అసలు పోటీ చేసే అవకాశం కూడా లేకుండా చేసి, ఎన్నికల్లో అద్భుతంగా ఎలా గెలవవచ్చో మీరు నిరూపించారు. ఎన్నికల ప్రక్రియలో ప్రతి దశనూ హైజాక్‌ చేశారు. నామినేషన్లు హైజాక్‌! నామినేషన్ల పరిశీలన హైజాక్‌! నామినేషన్ల ఉపసంహరణ హైజాక్‌! పోలింగ్‌ ఏజెంట్లు అందరినీ అడ్డుకున్నారు.. బలవంతంగా బయటకు లాగేశారు! పోలింగ్‌ రోజున రిగ్గింగ్‌ చేశారు! పోలింగ్‌ శాతం తారుమారు చేశారు! ఓట్ల లెక్కింపునూ హైజాక్‌ చేశారు! అభ్యర్థులను మీరే ఎంపిక చేసుకున్నారు. ప్రజలు వారిని ఎన్నుకోలేదు! అందుకే ఇవి ఇక ఎన్నికలు కావు.. ఎంపికలు మాత్రమే!’ అని వైఎస్‌ జగన్‌ స్పష్టం చేశారు.

సాక్షి, అమరావతి: పురపాలక ఎన్నికల్లో అధికార యంత్రాంగం చేష్టలుడిగిన వేళ అధికార పచ్చమూకలు చెలరేగి యథేచ్ఛగా రిగ్గింగ్‌కు పాల్పడిన నేపథ్యంలో పులివెందుల మునిసిపాలిటీకి చెందిన అన్ని వార్డుల్లో రీపోలింగ్‌ జరపాలని ఎన్నికల సంఘానికి (ఎస్‌ఈసీ) ఆదేశాలు జారీ చేయాలని కోరుతూ వైఎస్సార్‌సీపీ మునిసిపల్‌ చైర్మన్‌ అభ్యర్థి వైఎస్‌ ప్రమీలమ్మ, కడప పార్లమెంట్‌ సభ్యుడు వైఎస్‌ అవినాష్‌రెడ్డి సోమవారం హైకోర్టులో అత్యవసరంగా అనుబంధ పిటిషన్‌ దాఖలు చేశారు. ఈ వ్యాజ్యంపై న్యాయమూర్తి జస్టిస్‌ మండవ కిరణ్మయి విచారణ జరిపారు. ఇరుపక్షాల వాదనలు విన్న న్యాయమూర్తి, మంగళవారం ఉదయం 7.30 గంటలకు రీ పోలింగ్‌పై నిర్ణయం వెలువరిస్తానని స్పష్టం చేస్తూ ఉత్తర్వులు జారీ చేశారు. అంతక్రితం పులివెందులలో అధికారపక్షం అరాచకాలు, అక్రమాలపై పిటిషనర్ల తరఫున సీనియర్‌ న్యాయవాది సుబ్రమణ్య శ్రీరాం సుదీర్ఘ వాదనలు వినిపించారు. మంగళవారం జరగనున్న కౌంటింగ్‌ ప్రక్రియను నిలుపుదల చేసేలా మధ్యంతర ఉత్తర్వులు ఇవ్వాలని అభ్యర్థించారు. వాదనల్లో ముఖ్యాంశాలు..హైకోర్టు ఆదేశాలపై ఎన్నికల సంఘం స్పందన శూన్యంపులివెందులలో ఎన్నికలు స్వేచ్ఛగా, ప్రశాంత వాతావరణంలో నిర్వహించేందుకు తగిన ముందస్తు రక్షణ చర్యలు తీసుకొనేలా ఎస్‌ఈసీని ఆదేశించాలని కోరుతూ గత వారం ఇదే హైకోర్టులో పిటిషన్‌ దాఖలు చేశాం. ఎంపీ అవినాష్‌రెడ్డి ఆ మేరకు ఇచ్చిన వినతిపై తగిన నిర్ణయం తీసుకోవాలని ఈ కోర్టు ఎస్‌ఈసీని ఆదేశించింది. అయితే ఎస్‌ఈసీ ఎలాంటి నిర్ణయం తీసుకోలేదు. దీంతో అధికార పార్టీ నేతలు పులివెందులలో బూత్‌లను ఆక్రమించి యథేచ్ఛగా రిగ్గింగ్‌కు పాల్పడ్డారు. ఇందుకు ఆధారాలు సమర్పించినా ఎన్నికల సంఘం స్పందించ లేదు. అధికార పార్టీతో కుమ్మక్కైన అధికారులు ఇచ్చిన నివేదిక ఆధారంగా కంటి తుడుపు చర్యగా కేవలం నాలుగు వార్డుల్లోనే రీపోలింగ్‌కు ఆదేశాలు ఇచ్చింది. ఎన్నికల సంఘం తన రాజ్యాంగ బాధ్యతలను నిర్వర్తించడంలో దారుణంగా విఫలమైంది. అన్ని పోలింగ్‌ కేంద్రాల్లో ఏర్పాటు చేసిన సీసీటీవీ ఫుటేజ్, వెబ్‌ కాస్టింగ్, ఇతర ఆధారాలను పరిశీలిస్తే అధికార పార్టీ అక్రమాలు వెలుగులోకి వస్తాయి. ఇందుకుగాను సీసీటీవీ ఫుటేజ్, వెబ్‌కాస్టింగ్‌ రికార్డులను భద్రపరచాలి. ఓటు హక్కును వినియోగించుకోలేకపోయిన నిజమైన ఓటర్లుపోలింగ్‌ కేంద్రాల వద్ద అధికార పార్టీ నేతలు పెద్ద ఎత్తున అక్రమాలకు పాల్పడుతారని ముందే ఫిర్యాదులు చేసినా అటు పోలీసులు, ఇటు ఎన్నికల అధికారులు ఎవరూ పట్టించుకోలేదు. దీంతో పోలింగ్‌ ప్రారంభమైన కొద్దిసేపటికే పోలింగ్‌ స్టేషన్లు పూర్తిగా అధికార పార్టీ మద్దతుదారుల నియంత్రణలోకి వెళ్లిపోయాయి. మొత్తం 70 బూత్‌లలో వైసీపీ పోలింగ్‌ ఏజెంట్లు లేకుండా బయటకు నెట్టివేశారు. వారి నియామక పత్రాలను చింపివేశారు. అన్ని వార్డుల్లో అధికార పార్టీ నాయకులు, బయటి ప్రాంతాల నుండి వచ్చిన వ్యక్తులు పోలింగ్‌ కేంద్రాల వద్ద కర్రలు, రాడ్లతో దౌర్జన్యాలకు పాల్పడ్డారు. ఓటర్ల జాబితాలో పేర్లు లేని వ్యక్తులు, నిజమైన ఓటర్లు కానివారు పోలింగ్‌ స్టేషన్లలోకి ప్రవేశించి, నిజమైన ఓటర్లకు బదులుగా దొంగ ఓట్లు వేసినప్పటికీ పోలింగ్‌ సిబ్బంది, పోలీసులు ఎలాంటి అభ్యంతరం చెప్పలేదు. అంతిమంగా ఓటర్లను, వైఎస్సార్‌సీపీ నాయకులను భయభ్రాంతులకు గురిచేశారు. దీనివల్ల భారీ సంఖ్యలో నిజమైన ఓటర్లు తమ ఓటు హక్కును వినియోగించుకోలేకపోయారు. వైఎస్సార్‌సీపీ నేతలను అక్రమంగా నిర్బంధించారుఅధికార పార్టీ నాయకుల సూచన మేరకు, పోలీసు అధికారులు పిటిషనర్లతో పాటు వైఎస్సార్‌సీపీకి చెందిన పలువురు ముఖ్య నాయకులను, కార్యకర్తలను అక్రమంగా నిర్బంధించారు. దీనివల్ల వారు పోలింగ్‌ స్టేషన్లకు చేరుకోలేకపోయారు. తద్వారా పెద్ద ఎత్తున జరుగుతున్న ఎన్నికల అక్రమాలను ప్రశ్నించలేకపోయారు. పోలింగ్‌ కేంద్రాల వద్ద జరుగుతున్న చట్టవిరుద్ధ కార్యకలాపాలను గ్రామస్తులు, వైఎస్సార్‌సీపీ పోలింగ్‌ ఏజెంట్లు వీడియో తీయకుండా అధికార పార్టీ మద్దతుదారులు, కొందరు పోలీసు అధికారుల ప్రత్యక్ష సహకారంతో అడ్డుకున్నారు. ఈ రకమైన అడ్డంకుల వెనుక ప్రధాన ఉద్దేశం చట్టవిరుద్ధమైన కార్యకలాపాలు రికార్డు కాకుండా, ఎలక్ట్రానిక్, సోషల్‌ మీడియాలో ప్రచారం కాకుండా అణచివేయడమే. అయినప్పటికీ, కొంతమంది గ్రామస్తులు, మీడియా సిబ్బంది ధైర్యంగా.. అధికార పార్టీ నేతలు నిజమైన ఓటర్లను అడ్డుకోవడం, భౌతికంగా బెదిరించడం, పోలింగ్‌ ఏజెంట్లను బలవంతంగా బయటకు గెంటడం వంటి అక్రమాలను వీడియో రికార్డ్‌ చేయగలిగారు. అరాచకాలపై ఆర్వోకి వైఎస్‌ జగన్‌ ఫిర్యాదుఅధికార పార్టీ నేతల దురాగతాలపై, అధికారులు ముఖ్యంగా పోలీసుల నిర్లిప్తతపై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి స్వయంగా 70 మందికి పైగా పోలింగ్‌ ఏజెంట్లతో కలిసి పులివెందుల మున్సిపాలిటీ రిటర్నింగ్‌ అధికారికి 01.11.2026 లిఖితపూర్వక ఫిర్యాదు చేశారని సీనియర్‌ న్యాయవాది సుబ్రమణ్య శ్రీరాం కోర్టు దృష్టికి తీసుకొచ్చారు. పులివెందులలోని మొత్తం 80 పోలింగ్‌ బూత్‌లలో ఎన్నికలను రద్దుచేసి, రీ పోలింగ్‌కు ఆదేశాలు ఇవ్వాలని కోరారన్నారు. కడప కార్పొరేషన్‌ మేయర్‌ అభ్యర్థి బండి దీప్తి, వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌ రెడ్డి కూడా ఎన్నికల్లో జరిగిన అక్రమాలు, బోగస్‌ ఓటింగ్, పోలింగ్‌ ఏజెంట్లను అడ్డుకోవడంపై రాష్ట్ర ఎన్నికల సంఘానికి వేర్వేరుగా ఫిర్యాదులు సమర్పించారని తెలిపారు. అర్ధరాత్రి పోలీసుల సోదాలు, బెదిరింపులను కూడా శ్రీరాం కోర్టు దృష్టికి తెచ్చారు.

సాక్షి, అమరావతి: ప్రజాస్వామ్యాన్ని పరిరక్షించాల్సిన రాష్ట్ర ఎన్నికల కమిషన్‌ (ఎస్‌ఈసీ) చంద్రబాబుకు తొత్తుగా మారిందని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు. చంద్రబాబు ఎన్నికల అక్రమాలకు ఎస్‌ఈసీ ఎంతలా అండగా నిలుస్తోందో చెప్పడానికి.. పులివెందుల సహా రాష్ట్ర వ్యాప్తంగా జరిగిన మున్సిపల్‌ పోలింగ్‌లో చోటుచేసుకున్న దారుణ ఘటనలే ప్రత్యక్ష సాక్ష్యమన్నారు. ఎన్నికల్లో అక్రమాలపై న్యాయ పోరాటం చేస్తామని చెప్పారు. చివరకు న్యాయం, ధర్మమే గెలుస్తాయన్నారు. ఈ మేరకు సోమవారం ఆయన సామాజిక మాధ్యమం ఎక్స్‌లో పోస్టు చేశారు. ఆ పోస్టులో వైఎస్‌ జగన్‌ ఇంకా ఏమన్నారంటే.. కేవలం 4 బూత్‌ల్లో రీపోలింగ్‌ ఎంత వరకు న్యాయం? పోలింగ్‌ రోజున పులివెందులలో 80 పోలింగ్‌ బూత్‌ల్లో 70 చోట్ల వైఎస్సార్‌సీపీ ఏజెంట్లను లేకుండా చేశారు. ఎన్నికల అధికారులు, పోలీసుల అండదండలతో బయటి ప్రాంతాల నుంచి వచి్చన టీడీపీ గూండాలు స్వైర విహారం చేశారు. మా పార్టీ కి చెందిన ఏజెంట్లు బూత్‌ల లోకి పోకుండా దాడులు చేశారు. ఇంకొన్ని చోట్ల మా ఏజెంట్లను పోలింగ్‌ కేంద్రాల నుంచి బయటకు లాగేశారు. ఇవన్నీ పోలీసుల సహకారంతోనే జరిగాయి. ఓటర్ల నుంచి స్లిప్పులు లాక్కుని, బూత్‌లను ఆక్రమించి రిగ్గింగ్, సైక్లింగ్‌ చేశారు. ఈ దారుణాలకు సంబంధించిన వీడియో ఆధారాలు చాలా స్పష్టంగా ఉన్నాయి. ఆ 70 బూత్‌లలో మా పార్టీ కి చెందిన ఏజెంట్లు నేరుగా నా సమక్షంలోనే అధికారులకు ఏజెంట్ల ఫారాలు చూపుతూ ఫిర్యాదు చేసి, నిరసన తెలిపారు. రాష్ట్రం మొత్తం దీన్ని చూసింది. అయినా ఎస్‌ఈసీ స్పందించిన తీరు అత్యంత దారుణం. 80 బూత్‌లకు గాను, 70 బూత్‌ల్లో అక్రమాలు జరిగితే.. దాడులు చేసి, అక్కడి నుంచి ఏజెంట్లనే తరిమేస్తే.. కేవలం 4 బూత్‌లలో మాత్రమే రీ పోలింగ్‌కు ఆదేశించి చేతులు దులుపుకోవడం ఎంత వరకు న్యాయం? ఎన్నికల అక్రమాలపై న్యాయ పోరాటం చేస్తాం ఎస్‌ఈసీ చేసింది ప్రజలను మభ్యపెట్టడానికి చేసిన కంటి­తుడుపు చర్య కాదా? వీటిని స్వేచ్ఛాయుత, నిష్పక్షపాత ఎ­న్నికలని అంటామా? ప్రజాస్వామ్యాన్ని కాపాడాల్సిన ఎన్నికల సంఘమే అధికార పార్టీ అక్రమాలపై కళ్లు మూ­సుకుంటే, ఇక ప్రజల ఓటు హక్కుకు రక్షణ ఎక్కడ? ఎన్నికల వ్యవస్థపై ప్రజలకు నమ్మకం ఎలా ఉంటుంది? పులివెందులలోనే కాదు.. రాష్ట్ర వ్యాప్తంగా ఇలాంటి ఘటనలే జరిగా­యి. కడప, అనంతపురం, తిరుపతి, కర్నూలు, చి­త్తూ­రు, ఒంగోలు, గుంటూరు, నెల్లూరు, విశాఖపట్నం, విజయ­వా­డ కార్పొరేషన్లలో.. మాచర్ల, చిలకలూరిపేట, వినుకొండ, జమ్మలమడుగు, నంద్యాల, చీమకుర్తి, గిద్ద­లూ­రు, ఎమ్మిగనూరు, నంద్యాల, సూళ్లూరుపేట, పలాస, డోన్, నాయుడుపేట, నందిగామ, జగ్గయ్యపేట, కుప్పం, పుత్తూరు, పార్వతీపురం సహా పలు మున్సిపాల్టీల్లోనూ యథేచ్ఛగా ఎన్నికల అక్రమాలు జరిగాయి. ప్రజాస్వామ్య పరిరక్షణలో భాగంగా ఎన్నికల అక్రమాలపై న్యాయ పోరాటం చేస్తాం. వీటికి సంబంధించిన ప్రతి ఆధారాన్ని కోర్టుల దృష్టికి తీసుకెళ్తాం. ఆలస్యం కావొచ్చేమోగానీ, చివరకు న్యాయం, ధర్మమే గెలుస్తాయి’ అని ఆ పోస్టులో పేర్కొన్నారు.

సాక్షి ప్రతినిధి, కడప : పులివెందుల్లో ఎలాగైనా గెలవాలని పచ్చ తోడేళ్లు గుంపులు గుంపులుగా వచ్చి విధ్వంసం సృష్టించాయి. ఖాకీల మాటున దౌర్జన్యకాండ సాగించాయి. తెల్లారకముందే అరాచకానికి తెరతీస్తూ.. ప్రజాస్వామ్యంపై మూకుమ్మడిగా దాడి చేశాయి. ఫలితంగా ప్రజాస్వామ్యం అపహాస్యం పాలైంది. స్థానిక ఎన్నికలను ధైర్యంగా ఎదుర్కోలేని వెన్నుపోటు ప్రభుత్వం గూండాలను మోహరించి దొడ్డి దారిని గెలుపు కోసం కుట్రలు, కుతంత్రాలు, దౌర్జన్యాలకు తెర లేపింది. ఈ క్రమంలో వైఎస్సార్‌సీపీ నేతలను ఎక్కడికక్కడ గృహ నిర్బంధాలు చేసి.. ఓటు హక్కును హరించేశారు. ఏజెంట్లను అడుగడుగునా అడ్డుకున్నారు. సామాన్య ఓటరును ఆంక్షల సంకెళ్లలో బంధించి వారి ఓటుకూ పచ్చపోటు పొడిచారు. ఖాకీల సమక్షంలో దర్జాగా పోలింగ్‌ బూత్‌లను క్యాప్చర్‌ చేసి.. యథేచ్ఛగా రిగ్గింగ్‌ చేసుకున్నారు. ఏకంగా వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌ను పులివెందుల్లో అడుగుపెట్టనీయకుండా చివరి వరకు కుట్రలుపన్నారు. మునుపెన్నడూ లేని విధంగా వెన్నుపోటు పార్టీ సాగించిన అరాచకం జుగుప్సాకర స్థాయికి చేరింది. తెలుగుదేశం పార్టీ అల్లరిమూకలు ఆదివారం ఉదయం 5 గంటల నుంచే పోలింగ్‌ కేంద్రాలను ఆక్రమించారు. శాంతిభద్రతలను కాపాడాల్సిన పోలీసు యంత్రాంగం ఏకపక్షంగా కూటమి శ్రేణులకు వంత పాడుతూ ప్రజాస్వామ్యాన్ని నడిరోడ్డుపై ఖూనీ చేయడానికి పూర్తిగా సహకరించాయి. బెంగళూరు నుంచి పులివెందుల చేరుకున్న అనంతరం కాన్వాయ్‌లో వెళ్తున్న వైఎస్‌ జగన్‌ భద్రతా వలయాన్ని దాటుకుని, వివేకా హత్య కేసు నిందితుడు/అప్రూవర్‌ దస్తగిరి తన కారుతో ఒక్కసారిగా కాన్వాయ్‌ ముందుకు దూసుకురావడం కలకలం రేపింది. స్వయంగా పోలీసుల ప్రొటెక్షన్‌ మధ్యే దస్తగిరితో టీడీపీ ఈ హైడ్రామాకు తెరలేపిందని, కావాలనే కాన్వాయ్‌లోకి అనుమతించి ఆ తర్వాత పక్కకు తప్పించినట్లు డ్రామాలు ఆడారని వైఎస్సార్‌సీపీ నేతలు మండిపడుతున్నారు.తమను పోలింగ్‌ బూత్‌లోకే రానివ్వలేదని ఆవేదన వ్యక్తం చేస్తున్న పులివెందుల 9వ వార్డు అభ్యర్థి, ఏజెంట్, ఓటర్లు 14 మందికి 681 ఓట్లు ఎలా? పచ్చమూకలు యథేచ్ఛగా సాగించిన మాస్‌ రిగ్గింగ్‌ బాగోతం ఎన్నికల అధికారుల అధికారిక గణాంకాల సాక్ష్యాలతో బట్టబయలైంది. ఉదయం 11 గంటల సమయానికి పులివెందులలో ’ఇతరులు’ కేటగిరీలో 1.25 శాతం పోలింగ్‌ జరిగిందని, అంటే 681 ఓట్లు పోలయ్యాయని అధికారులు ప్రకటించారు. వాస్తవానికి రాష్ట్ర ఎన్నికల కమిషన్‌ అధికారిక రికార్డుల ప్రకారం పులివెందుల మున్సిపాలిటీ మొత్తం మీద ’ఇతరుల’ కేటగిరీలో ఉన్న ఓటర్లు కేవలం 14 మంది మాత్రమే. ఇలాంటప్పుడు 681 ఓట్లు ఎలా పోలవుతాయో అధికారులకే ఎరుక. ఉదయం నుంచే బూత్‌లను ఆక్రమించి టీడీపీ శ్రేణులు ఎడాపెడా దొంగ ఓట్లు గుద్దడం వల్లే ఈ అంకెలు తారుమారయ్యాయని స్పష్టమవుతోంది. కాగా కేవలం 4 గంటల్లోనే పులివెందులలో దాదాపు 40 శాతం పోలింగ్‌ నమోదు కావడం మాస్‌ రిగ్గింగ్‌కు అద్దం పడుతోంది. ఆర్వో ఆఫీస్‌కు తాళాలు.. చరిత్రలో ఎన్నడూ లేని విధంగా 80 పోలింగ్‌ కేంద్రాల్లో 70 చోట్ల ఏజెంట్లు లేకుండా ఎన్నికలు నిర్వహించారు. పులివెందుల మున్సిపాలిటీ పరిధిలోని మొత్తం 80 పోలింగ్‌ బూత్‌లలో దాదాపు 70 బూత్‌ల నుంచి వైఎస్సార్‌సీపీ పోలింగ్‌ ఏజెంట్లను పోలీసులు, టీడీపీ గూండాలు బయటకు తోసేయడంతో వైఎస్‌ జగన్‌ స్వయంగా ఆ ఏజెంట్లను వెంటబెట్టుకుని రిటర్నింగ్‌ అధికారి కార్యాలయానికి చేరుకున్నారు. అభ్యర్థులు వస్తున్నారని తెలిసి అధికారులు ఆర్వో ఆఫీస్‌ ప్రధాన గేట్లకు తాళాలు వేశారు. లోపలికి వెళ్లకుండా కడప ఎంపీ వైఎస్‌ అవినాష్‌ రెడ్డిని పోలీసులు అడ్డుకోవడంతో తీవ్ర తోపులాట జరిగింది. అనంతరం వైఎస్‌ జగన్‌ ఏజెంట్లతో కలిసి ఆర్వో ఆఫీస్‌ ఎదుట రోడ్డుపైనే బైఠాయించి తీవ్ర నిరసన తెలిపారు. ఆర్వో శ్రీనివాస్, ఆర్డీవో చిన్నయ్యలను నిలదీస్తూ.. ‘ఓడిపోతామనే భయం ఉన్నప్పుడు ఈ దొంగ ఎన్నికలు ఎందుకు? మాజీ సీఎం నియోజకవర్గంలోనే ఏజెంట్లు లేకుండా ఏకపక్షంగా రిగ్గింగ్‌ చేసుకుంటారా? లాఠీచార్జ్‌ చేస్తారా.. చేయనీయండి.. అదొక్కటే మిగిలింది‘ అంటూ జగన్‌ గర్జించారు. జగన్‌ ప్రాణాలతో చెలగాటం వైఎస్‌ జగన్‌ పులివెందుల పర్యటనను అడ్డుకునేందుకు కూటమి ప్రభుత్వం ఆఖరి నిమిషం వరకు కుట్రలు పన్నింది. శనివారమే హెలికాఫ్టర్‌ ల్యాండింగ్‌కు అనుమతి ఇచ్చిన పోలీసులు, ఆదివారం హఠాత్తుగా మాట మార్చారు. మధ్యాహ్నం 2:30 గంటల తర్వాతే ల్యాండింగ్‌కు అనుమతిస్తామని కలెక్టర్‌ శ్రీధర్‌ చెరుకూరి ఆకస్మికంగా కొత్త ఆదేశాలు జారీ చేశారు. అప్పటికే బెంగళూరు నుంచి విచ్చేస్తూ.. మార్గం మధ్యలో ఉన్న హెలికాప్టర్‌ పైలెట్‌ను తీవ్ర ఒత్తిడి, గందరగోళానికి గురి చేశారు. పైలట్‌ తీవ్ర ఉత్కంఠ మధ్య పులివెందులలోనే హెలికాప్టర్‌ను ఎమర్జెన్సీ ల్యాండ్‌ చేయాల్సి వచ్చింది. ఒక మాజీ సీఎం ప్రాణాలతో ప్రభుత్వం ఇంత దారుణంగా చెలగాటమాడటంపై ప్రజాస్వామ్యవాదులు, వైఎస్సార్‌సీపీ శ్రేణులు నిప్పులు చెరుగుతున్నాయి. పులివెందులలో దాడులకు కర్రలను సిద్ధం చేస్తున్న టీడీపీ గూండాలు అభ్యర్థులపై దాడులు.. ప్రశ్నిస్తే లాఠీచార్జ్‌!పులివెందుల మున్సిపల్‌ చైర్‌పర్సన్‌ అభ్యర్థి వైఎస్‌ ప్రమీలమ్మ బూత్‌ నంబర్‌ 21 వద్దకు వెళ్లగా, ఆమెపై టీడీపీ రౌడీలు భౌతిక దాడికి తెగబడటమే కాకుండా, ఆమె ప్రయాణిస్తున్న అధికారిక వాహనాన్ని కర్రలతో కొట్టి పూర్తిగా ధ్వంసం చేశారు. పోలింగ్‌ బూత్‌లో వైఎస్సార్‌సీపీ ఏజెంట్లు రాకుండా అడ్డుకుని, టీడీపీ ఏజెంట్లతో ఏకపక్షంగా పోలింగ్‌ నిర్వహించడాన్ని ప్రశ్నించిన వైఎస్సార్‌సీపీ శ్రేణులపై పోలీసులు, టీడీపీ శ్రేణులు దాడి చేశాయి. పులివెందులలో చెన్నారెడ్డి కాలనీ, ఇస్లాంపురం, పెద్ద రంగాపురం, ఐదో వార్డు పోలింగ్‌ బూత్‌ల వద్ద దౌర్జన్యాలు పతాక స్థాయికి చేరాయి. తమ ఓటు హక్కు వినియోగించుకోవడానికి వచ్చిన వృద్ధులను, మహిళలను పోలీసులు లోపలికి వెళ్లనివ్వకుండా క్యూలైన్ల నుంచి బలవంతంగా వెనక్కు తోసేశారు. దారుణంగా లాగి అవతలకు పడేశారు. ‘మర్యాదగా ఇక్కడి నుండి వెళ్లిపోండి.. మీకు ఓటు వేసే హక్కే లేదు.. మీ ఓట్లు మేము ముందే వేసేసుకున్నాం‘ అంటూ డీఎస్పీ మురళీ నాయక్‌ ఓటర్లకు వార్నింగ్‌ ఇచ్చారు. ఈ అరాచకాలపై సాక్షి టీవీ ఇన్‌ఫుట్‌ ఎడిటర్‌ ఇస్మాయిల్, మహిళా ఓటర్లు ఒక్కసారిగా డీఎస్పీని నిలదీయడంతో ఆయన సమాధానం చెప్పలేక పరారయ్యారు. అక్కడ విధుల్లో ఉన్న మహిళా కానిస్టేబుళ్లే స్వయంగా కట్టెలను సమకూర్చుకుని ఓటర్లను బెదిరిస్తున్నారని మహిళలు ఆధారాలు బయటపెట్టారు. పులివెందులలో పచ్చగూండాల వీరంగం 27వ వార్డులో ఒక వృద్ధురాలి నుంచి బ్యాలెట్‌ పేపర్లను లాక్కొని టీడీపీ ఏజెంటే స్వయంగా ఓటు వేశాడు. ఈ అన్యాయాలపై పులివెందుల బాలుర జూనియర్‌ కాలేజీ వద్ద సుమారు 400 మందికి పైగా సామాన్య ఓటర్లు రోడ్డుపైనే బైఠాయించి తీవ్ర నిరసనకు దిగారు. ఈ దారుణాలను చిత్రీకరిస్తున్న జాతీయ మీడియా ప్రతినిధులపై కూడా పచ్చ మూకలు దాడికి పాల్పడటం విస్తుగొలుపుతోంది. మొత్తంగా పులివెందుల మున్సిపల్‌ ఎన్నికల పోలింగ్‌ ప్రక్రియ ప్రజాస్వామ్య వ్యవస్థలో ఒక చీకటి రోజుగా మిగిలిపోయింది.

ఈ రోజు మాజీ ముఖ్యమంత్రి, ప్రతిపక్ష నాయకుడి నియోజకవర్గంలోనే ఇంత దారుణంగా ఎన్నికలు జరిగితే ఇక ప్రజాస్వామ్యం ఎక్కడ బతుకుతుంది?నేను తలచుకుంటే ఈ రోజు ఎన్నికల ప్రక్రియను పూర్తిగా నిలిపివేయగలిగేవాడిని. మా కార్యకర్తలు కూడా తిరగబడే పరిస్థితి రావచ్చు. కానీ నేను అలా చేయడం లేదు. ఎందుకంటే ప్రజాస్వామ్యాన్ని నేనే గౌరవించకపోతే, ఎన్నికల ప్రక్రియను నేనే గౌరవించకపోతే ప్రజలకు ఎలాంటి సందేశం ఇచ్చినట్లవుతుంది? అందుకే బాధితులైన పోలింగ్‌ ఏజెంట్లను, రిలీవింగ్‌ ఏజెంట్లను మాత్రమే మీ ముందుకు తీసుకొచ్చి, ఆధారాలతో సహా జరిగిన అన్యాయాన్ని వివరిస్తున్నాను.సాక్షి, కడప / పులివెందుల: ‘మీ చేతుల్లో అధికారం ఉంది. మీ మనస్సాక్షి ప్రకారం నిర్ణయం తీసుకోండి. ఈరోజు మీరు తీసుకునే నిర్ణయం కేవలం పులివెందుల ఎన్నికలకే పరిమితం కాదు. రాష్ట్రంలో, దేశంలో భవిష్యత్తు ఎన్నికలు ఎలా జరగాలన్న దానికి కూడా ఒక ప్రమాణంగా నిలుస్తుంది. ప్రజాస్వామ్యాన్ని కాపాడే బాధ్యత మీపై ఉంది. 70 మంది పోలింగ్‌ ఏజెంట్లు, రిలీవింగ్‌ ఏజెంట్లు మీ ముందుకు వచ్చి తమకు జరిగిన అన్యాయాన్ని వివరిస్తున్నారు. ఇంతకంటే ఏం ఆధారాలు కావాలి? నిష్పక్షపాత విచారణ జరిపించి, ప్రజాస్వామ్యాన్ని పునరుద్ధరించేందుకు రీ పోల్‌కు ఆదేశాలు ఇవ్వండి. మీరు ఈరోజు న్యాయం చేయకపోతే ప్రజాస్వామ్యం శాశ్వతంగా దెబ్బ తింటుంది. ఇది మీ చేతుల్లోనే ఉంది. నిర్ణయం మీరే తీసుకోండి’ అని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పులివెందుల రిటర్నింగ్‌ (ఆర్వో) అధికారిని కోరారు. వైఎస్సార్‌ జిల్లా పులివెందులలో మున్సిపల్‌ ఎన్నికల పోలింగ్‌ సందర్భంగా టీడీపీ మూకల దౌర్జన్యాలు, అవన్నీ చూస్తూ కూర్చున్న అధికారుల నిర్లక్ష్యాన్ని ఎలుగెత్తి చాటుతూ.. 70 పోలింగ్‌ బూత్‌ల నుంచి వైఎస్సార్‌సీపీ ఏజెంట్లను తరిమి వేయడాన్ని ప్రశ్నిస్తూ ఆర్‌ఓ కార్యాలయం వద్ద ఆదివారం ఆయన ధర్నాకు దిగారు. బాధిత పోలింగ్‌ ఏజెంట్లు, రిలీవింగ్‌ ఏజెంట్లతో కలిసి రిటర్నింగ్‌ అధికారిని కలిసి టీడీపీ మూకల అరాచకాలను వివరించారు. ఈ సందర్భంగా వైఎస్‌ జగన్‌ ఇంకా ఏమన్నారంటే.. మీ మనస్సాక్షిని అడగండి ‘మీ మనస్సాక్షిని ఒక్కసారి ప్రశ్నించుకోండి. ఇంతమంది ఆధారాలతో సహా వచ్చి జరిగిన అన్యాయాన్ని వివరిస్తున్నప్పుడు దానిని అడ్డుకోవడం ధర్మమా? లేక న్యాయం చేయడం ధర్మమా? మీపై ఎవరి ప్రభావం ఉండకూడదు. మీకు ఉన్న అధికారాన్ని ఉపయోగించి న్యాయం చేయాలి. కనీసం ఇప్పుడు న్యాయం చేయకపోతే భవిష్యత్తులో ప్రజాస్వామ్యాన్ని ఎవరు కాపాడుతారు? మీకు (ఆర్‌ఓ) పైస్థాయి నుంచి ఒత్తిళ్లు రావచ్చు. కానీ మీ చేతుల్లో ఉన్న అధికారంతో న్యాయం చేయవచ్చు. మీరు ఈరోజు మౌనంగా ఉంటే ప్రజాస్వామ్యం శాశ్వతంగా చితికిపోతుంది. రేపు భవిష్యత్తులో ఎన్నికలే జరగని పరిస్థితి వస్తుంది. ఈ రోజు మాజీ ముఖ్యమంత్రి, ప్రతిపక్ష నాయకుడి నియోజకవర్గంలోనే ఇంత దారుణంగా ఎన్నికలు జరిగితే ఇక ప్రజాస్వామ్యం ఎక్కడ బతుకుతుంది? మేము 70 బూత్‌లకు సంబంధించిన ఏజెంట్లు, రిలీవింగ్‌ ఏజెంట్లందర్నీ మీ ముందుకు తీసుకొచ్చాం. ఒక్కొక్కరిని విచారించండి. అవసరమైతే విచారణ జరిపించండి. మేము ఇక్కడే కూర్చుంటాం. జరిగిన అక్రమాలకు సంబంధించి మా దగ్గర వందలాది వీడియో ఆధారాలు ఉన్నాయి. కొన్ని ప్రాంతాల్లో సీసీ టీవీ ఫుటేజ్‌ కూడా ఉంది. మరికొన్ని ప్రాంతాల్లో సీసీ టీవీలు లేకపోయినా పోలింగ్‌ సరళిని పరిశీలిస్తే రిగ్గింగ్, ఓట్ల రీసైక్లింగ్‌ జరిగిన విషయం స్పష్టమవుతుంది. పులివెందులలో దౌర్జన్యాలను సాక్ష్యాలతో ఎన్నికల అధికారికి వివరిస్తున్న వైఎస్‌ జగన్‌మోహన్‌రెడ్డి ప్రజాస్వామ్యాన్ని గౌరవించేవాడిని కాబట్టి వైఎస్సార్‌సీపీకి చెందిన ఏజెంట్లను పోలింగ్‌ కేంద్రాల నుంచి బయటకు పంపించడం, వారి ఏజెంట్‌ కార్డులను లాక్కోవడం వంటి ఘటనలు పోలీసుల సహకారంతోనే జరిగాయి. తెల్లవారుజామున ఐదు గంటలకే కొన్ని బూత్‌లను తమ ఆధీనంలోకి తీసుకుని, తమ మనుషులను ముందుగానే పెట్టుకున్నారు. ఓటు వేయడానికి వచ్చి­న వారిని అడ్డుకోవడమే కాకుండా, ఓటర్‌ స్లిప్పులను చింపేసి, ఓటు వేసేశారని చెప్పి వెనక్కి పంపిస్తున్నారు. ఓటర్లను గుర్తించి, అక్రమాలను ప్రశ్నించాల్సిన పోలింగ్‌ ఏజెంట్లనే లేకుండా చేస్తున్నారు.నేను తలచుకుంటే ఈ రోజు ఎన్నికల ప్రక్రియను పూర్తిగా నిలిపివేయగలిగేవాడిని. మా కార్యకర్తలు కూడా తిరగబడే పరిస్థితి రావచ్చు. కానీ నేను అలా చేయడం లేదు. ఎందుకంటే ప్రజాస్వామ్యాన్ని నేనే గౌరవించకపోతే, ఎన్నికల ప్రక్రియను నేనే గౌరవించకపోతే ప్రజలకు ఎలాంటి సందేశం ఇచ్చినట్లవుతుంది? అందుకే బాధితులైన పోలింగ్‌ ఏజెంట్లను, రిలీవింగ్‌ ఏజెంట్లను మాత్రమే మీ ముందుకు తీసుకొచ్చి, ఆధారాలతో సహా జరిగిన అన్యాయాన్ని వివరిస్తున్నాను. ఎన్నికల ప్రక్రియపై మాకు నమ్మకం ఉండాలంటే అధికారులు నిష్పక్షపాతంగా వ్యవహరించాలి.ప్రజల్లో వ్యతిరేకతతోనే అరాచకంప్రభుత్వానికి ప్రజల మద్దతు లేదనే విషయం వారికి కూడా తెలుసు. సూపర్‌ సిక్స్‌లు లేవు, సూపర్‌ సెవెన్‌లు లేవు. ఇంటింటికీ బాండ్లు ఇచ్చి ప్రజలను మభ్యపెట్టే ప్రయత్నం చేశారు. ప్రజల్లో వ్యతిరేకత ఉందనే భయంతోనే ఎన్నికలను స్వేచ్ఛగా నిర్వహించలేని పరిస్థితి తెచ్చారు. ఎన్నికలంటే పోటీ జరగాలి.. ప్రజలు తమ తీర్పు చెప్పాలి. కానీ ఇక్కడ టీడీపీ గూండాలు బూత్‌లను ఆక్రమించుకోవడం, పోలీసుల సహకారంతో ప్రత్యర్థి ఏజెంట్లను బయటకు పంపించడం జరుగుతోంది. ఇది ఎన్నికల నిర్వహణ కాదు. ప్రజాస్వామ్యాన్ని కళ్ల ముందే కూల్చి వేయడం. ఈ వ్యవహారంపై మరింత లోతైన విచారణ జరగాలి. మా దగ్గర ఉన్న అన్ని వీడియో ఆధారాలను అందిస్తాం’ అని వైఎస్‌ జగన్‌ స్పష్టం చేశారు.

సిగ్గుండాలయ్యా నీకు చంద్రబాబునాయుడూ.. ఇదే ఎస్‌ఈసీని కూడా అడుగుతున్నా. టీడీపీకి సహకరిస్తున్న కలెక్టర్లు, ఎస్పీలనూ అడుగుతున్నాను. ఇప్పుడు మీరు సెట్‌ చేస్తున్న ఒక తప్పుడు సంప్రదాయం, రేపు పొద్దున రాబోయే రోజుల్లో ఎలా ఉండబోతుంది? భావితరానికి మీరు పంపిస్తున్న మెసేజ్‌ ఏమిటి? రేపు రాష్ట్రంలో ఎన్నికలు అనేవి జరగవు.70 బూత్‌ల్లో నుంచి మా పార్టీ ఏజెంట్లను తరిమేశారు. ఇదే విషయం ఎస్పీకి ఫోన్‌ చేసి అడిగాను. ఆయనకన్నీ తెలుసు. అన్నీ చూస్తూ అలాగే ఊరకుంటారు. కలెక్టర్‌కు కూడా అన్నీ తెలుసు. అయినా ఆయన అలాగే అన్నీ చూస్తూ కూర్చుంటారు. మరి ఇది ఏ రకంగా నిజమైన ఎన్నిక?మీ పాలన బాగుంటే, నిజంగా మీరు ప్రజలకు మంచి చేశారని అనుకుంటే, ఎందుకు ఇంతగా దిగజారాల్సిన పరిస్థితి? స్థానిక ఎన్నికలు ఎందుకు సాఫీగా నిర్వహించడం లేదు? ఎందుకిన్నిన్ని అక్రమాలు చేస్తున్నారు?సాక్షి, కడప / పులివెందుల: స్థానిక ఎన్నికల్లో మున్సి­­పల్‌ పోలింగ్‌ సందర్భంగా పట్టపగలు ప్రజాస్వామ్యాన్ని ఖూనీ చేస్తున్నారని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌­రెడ్డి మండిపడ్డారు. పులివెందులలో బరి తెగించిన టీడీపీ తెల్లవారుజాము నుంచే పోలింగ్‌ బూత్‌లు స్వాధీనం చేసుకుందని, పట్టణంలో మొత్తం 80 బూత్‌లు ఉంటే, ఏకంగా 70 బూత్‌ల నుంచి వైఎస్సార్‌సీపీ ఏజెంట్లను తరిమేశారని ఆగ్రహం వ్యక్తం చేశారు. పులివెందులలో ఇన్ని అరాచకాలు జరుగుతున్నాయి కాబట్టి, ఇక్కడ రీపోలింగ్‌ జరపాలని డిమాండ్‌ చేశారు. ఇంత అప్రజాస్వామికంగా జరిగే ఎన్నికలు.. అసలు ఎన్నికలేనా? అని నిలదీశారు.వైఎస్సార్‌సీపీ ఏజెంట్లు లేకుండా పోలింగ్‌ ఎలా నిర్వహిస్తున్నారని ప్రశ్నించారు. పులివెందులలో ఓటు వేయడానికి వచ్చిన ఆయన మీడియాతో మాట్లాడారు. పులివెందులలో టీడీపీ గూండాలు దగ్గరుండి వైఎస్సార్‌సీపీ ఏజెంట్లను పోలింగ్‌ బూత్‌ల నుంచి లాగి బయటకు పంపేశారని, పోలీసులు దగ్గరుండి వారికి సహకరిస్తున్నారని.. అసలు ఇది ప్రజాస్వామ్యమేనా? మనం ప్రజాస్వామ్య వ్యవస్థలోనే ఉన్నామా? అన్న సందేహం కలుగుతోందన్నారు. ఈ సందర్భంగా వైఎస్‌ జగన్‌ ఇంకా ఏమన్నారంటే.. పులివెందులలో ఇదీ అరాచక పర్వం పులివెందులలో ఇన్ని జరుగుతున్నా కనీసం అడిగే నాథుడు లేడు. ఎస్పీకి, కలెక్టర్‌కు ఫోన్‌ చేశాం. కానీ ఏ మాత్రం ప్రయోజనం లేదు. పొద్దున నుంచి పులివెందులలో జరిగిన ఘటనల క్రమం చూస్తే.. తెల్లవారుజామున 4 గంటల నుంచే తెలుగుదేశం పార్టీ వాళ్లు బూత్‌లు ఆక్రమించారు. అలా పోలింగ్‌ కేంద్రాలు ఆక్రమించి, ఓటర్లను భయభ్రాంతులను గురి చేస్తున్నారు. మా పార్టీ ఛైర్‌పర్సన్‌ అభ్యర్థి ప్రమీలమ్మపై దాడి చేశారు. పోలింగ్‌ ఏజెంట్‌ సునంద చెయ్యి విరగ్గొట్టారు. ఓటు వేయడానికి వచ్చిన ప్రజలను పోలింగ్‌ కేంద్రాల వద్దే అడ్డుకున్నారు.మహిళలను బెదిరించారు. ఓటర్‌ స్లిప్‌లను బలవంతంగా లాక్కొని వెనక్కి పంపించారు. అలా పోలింగ్‌ బూతులను ఆక్రమించి దొంగ ఓట్లు వేస్తున్నారు. అసలు ఓటరు వచ్చే సరికే, దొంగ ఓట్లు వేసేస్తున్నారు. మరోవైపు పోలీసులు టీడీపీ కార్యకర్తలకు సహకరిస్తూ, వైఎస్సార్‌సీపీ పోలింగ్‌ ఏజెంట్లను అడ్డుకుంటున్నారు. పలుచోట్ల లాఠీఛార్జ్‌ చేశారు. మా పార్టీ కౌన్సిలర్‌ అభ్యర్థిని బలవంతంగా పోలీసులు జీప్‌లో ఎక్కించుకొనిపోయారు. ఎన్నికల్లో అక్రమాలు చిత్రీకరిస్తున్న ఇండియా టుడే ఛానల్, ఎన్టీవీ ఛానల్‌ రిపోర్టర్లు, కెమెరామెన్ల మీద దాడి చేశారు. వారి కెమెరాలు, సెల్‌ ఫోన్లు ధ్వంసం చేశారు. తమను ఓటు వేయనీయడం లేదని చివరకు ఓటర్లు ధర్నాకు దిగుతున్నా పట్టించుకునే నాథుడు లేడు. కనీసం వారిని తీసుకెళ్లి ఓట్లు వేయించే కార్యక్రమం కూడా చేయలేదు. అంత దారుణమైన పరిస్థితి ఉంది. ఇక్కడ నా ఇల్లు, ఓటు ఉంది కాబట్టి, ఈ బూత్‌లో మాత్రమే మా పార్టీ ఏజెంట్లను కూర్చోబెట్టారు. పులివెందులతో పాటు, కడప, జమ్మలమడుగు, చిత్తూరు, మాచర్ల, చిలకలూరిపేట, తాడిపత్రి, మదనపల్లి, చీమకుర్తి, కుప్పంలో కూడా ఇవే పరిస్థితులు కనిపిస్తున్నాయి. పులివెందులలో మీడియాతో మాట్లాడుతున్న మాజీ ముఖ్యమంత్రి వైఎస్‌ జగన్‌మోహన్‌రెడ్డి ఇది తప్పుడు సంప్రదాయం.. మరి రేపు? సిగ్గుండాలయ్యా నీకు చంద్రబాబునాయుడూ.. ఇదే ఎస్‌ఈసీని కూడా అడుగుతున్నా. టీడీపీకి సహకరిస్తున్న కలెక్టర్లు, ఎస్పీలనూ అడుగుతున్నాను. ఇప్పుడు మీరు సెట్‌ చేస్తున్న ఒక తప్పుడు సంప్రదాయం, రేపు పొద్దున రాబోయే రోజుల్లో ఎలా ఉండబోతుంది? భావితరానికి మీరు పంపిస్తున్న మెసేజ్‌ ఏమిటి? రేపు రాష్ట్రంలో ఎన్నికలు అనేవి జరగవు. ఈ మాదిరిగా కక్షలు, కార్పణ్యాలతో ఇలా ఎలక్షన్లు నిర్వహిస్తే రేపు ఇంకొక పార్టీ అధికారంలోకి వచ్చినప్పుడు, మీరు గతంలో ఇదే మాదిరిగా చేస్తే తప్పు లేనప్పుడు, మేము చేస్తే తప్పు ఏముంది అని.. కార్యకర్తలు కూడా తిరగబడతారు. అలా ఇప్పుడు మీరు ఒక తప్పుడు సంప్రదాయం మొదలు పెడుతున్నారు.చంద్రబాబునాయుడు దాదాపు 80 ఏళ్ల వయసులోకి వచ్చిన తర్వాత కూడా ఇటువంటి దరిద్రమైన పనులు చేస్తూ, ప్రజాస్వామ్యాన్ని ఖూనీ చేస్తున్న పరిస్థితులు చూస్తే, అసలు ఈ మనిషి ముఖ్యమంత్రిగా కొనసాగడానికి ఒక్క రోజు కూడా అర్హుడు కాదు. రొటేషన్‌ పద్ధతిలో ఓట్లన్నీ వీళ్లంతకు వీళ్లే గుద్దుకుంటా ఉన్నారు. కళ్ల ముందే ఇలా ప్రజాస్వామ్యం అపహాస్యం పాలవుతోంది. ఇక్కడ బందోబస్తు కోసం 1,000 మంది పోలీసులను తీసుకొచ్చినట్లు చెప్పారు. అసలు ఆ పోలీసులను ఎందుకు తీసుకొచ్చారంటే ఈ అక్రమాలకు సపోర్ట్‌ చేయడం కోసం. కళ్లెదుటే అన్నీ.. సుప్రీం ఆదేశాలూ బేఖాతరు మన కళ్లెదుటే ఇన్ని వందల మంది ప్రతి బూత్‌ దగ్గర కనిపిస్తున్నారు. పక్కాగా తెలుగుదేశం పార్టీ గూండాలు కనిపిస్తున్నారు. అయినా వారిపై ఎలాంటి చర్యలు తీసుకోరు. 70 బూత్‌ల్లో నుంచి మా పార్టీ ఏజెంట్లను తరిమేశారు. ఇదే విషయం ఎస్పీకి ఫోన్‌ చేసి అడిగాను. ఆయనకన్నీ తెలుసు. అన్నీ చూస్తూ అలాగే ఊరకుంటారు. కలెక్టర్‌కు కూడా అన్నీ తెలుసు. అయినా ఆయన అలాగే అన్నీ చూస్తూ కూర్చుంటారు. మరి ఇది ఏ రకంగా నిజమైన ఎన్నిక? పోలింగ్‌ కేంద్రాల్లో సీసీ కెమెరాలు అమర్చాలని సుప్రీంకోర్టు ఆదేశించింది. ఎన్ని చోట్ల ఆ ఏర్పాట్లు చేశారు? సీసీ టీవీ లైవ్‌ ఫుటేజ్‌ లేకుండా మీరు ఏ రకంగా ఎన్నికలు నిర్వహిస్తున్నారు? నా ఛాపర్‌ ప్రయాణంపైనా కుట్రబెంగళూరు నుంచి పులివెందులకు నేను ఛాపర్‌లో బయలుదేరాను. ఇక్కడికి రావడానికి నిన్న అనుమతి కూడా ఇచ్చారు. కానీ, నా ఛాపర్‌ ప్రయాణం మధ్యలో ఉండగా, పులివెందులలో ఛాపర్‌ ల్యాండింగ్‌కు అనుమతి నిరాకరించారు. పులివెందులలో జగన్‌ ఛాపర్‌ ల్యాండ్‌ కాకూడదని కుట్ర చేశారు. 3 గంటల తర్వాతే నేను ఇక్కడికి రావాలని చెప్పారు. నిన్న ఇచ్చి­న పర్మిషన్‌ రద్దు చేసినట్లు ప్రకటించారు. దీంతో విషయాన్ని నేరుగా పౌర విమానయాన శాఖకు చెప్పాను. దాంతో వారు అధికారుల నిర్ణయాన్ని తీవ్రంగా తప్పుపట్టారు. ఛాపర్‌ ల్యాండింగ్‌కు నిన్న పర్మిషన్‌ ఇచ్చి, హఠాత్తుగా ఈరోజు దాన్ని రద్దు చేయడం సరికాదని ఆ శాఖ అధికారులు తప్పు బట్టారు. ఛాపర్‌ మార్గంమధ్యలో ఉన్నప్పుడు ఇలా ల్యాండింగ్‌ పర్మిషన్‌ రద్దు చేయడం సరికాదని వారు తేల్చి చెప్పడంతో, ఎట్టకేలకు ఇక్కడ ఛాపర్‌ ల్యాండింగ్‌కు ఒప్పుకున్నారు. అంటే ఏ స్థాయిలో కుట్ర జరుగుతోందన్న విషయం అర్థం చేసుకోవచ్చు. పెద్దలంతా కలిసి ప్రజాస్వామ్యాన్ని ఇలా ఖూనీ చేస్తుంటే ఎలా? నక్సలిజం అనేది ఎక్కడి నుంచి పుడుతుంది? ప్రజలను కాపాడాల్సిన వాళ్లే, ప్రజలను భక్షించే కార్యక్రమాలు చేసినప్పుడు, ప్రజలను కాపాడాల్సిన వారే, ప్రజలకు అన్యాయం చేసినప్పుడు నక్సలిజం పుడుతుంది, కాక్రోచ్‌లు పుడతాయి. రాష్ట్రంలో దయనీయ పరిస్థితి ప్రస్తుత పాలకుల వల్ల ఈ రోజు రాష్ట్రంలో పరిస్థితి దయనీయంగా మారింది. పాలన ఎలా ఉందో వారు వారి మనస్సాక్షిని అడగాలి. పాలన బాగుంటే, మరీ ఈ స్థాయికి దిగజారాల్సిన అవసరం ఉందా? సూపర్‌ సిక్స్‌లు లేవు. సూపర్‌ సెవెన్లు లేవు. ప్రజలకు ఇచ్చిన బాండ్లు అన్నీ ఉత్తుత్తే. దీంతో ఎక్కడికక్కడ ప్రజలు నిలదీస్తున్నారు. మరోవైపు వ్యవస్థలన్నీ కుప్పకూలాయి. ఫీజు రీయింబర్స్‌మెంట్‌ లేక.. విద్యా దీవెన, వసతి దీవెన రాక పిల్లలు తిరగబడుతున్నారు. ఉద్యోగస్తులకు మేనిఫెస్టోలో చెప్పి­నవి ఏవీ అమలు కాక, వారూ తిరగబడుతున్నారు. మహిళలకు చివరికి సున్నా వడ్డీ కూడా రద్దు చేశారు. దాంతో వారూ తిరగబడుతున్నారు. రైతులకు ఏ ఒక్కరికి గిట్టుబాటు ధర రావడం లేదు. రైతులకు ఇచ్చిన హామీలన్నీ మోసాలుగా తేలడంతో వారూ తిరగబడుతున్నారు. అందుకే చంద్రబాబుకు ఎన్నికలంటే భయం రాష్ట్రంలో ఏ ఒక్క వర్గం కూడా చంద్రబాబునాయు­డి పాలనతో సంతోషంగా లేదు. అందుకే ఎన్నికలు జరగకూడదన్న కుట్ర. అలా ఎన్నికలను బుల్డో­జ్‌ చేసే ప్రయత్నం చేస్తున్నారు. మీ పాలన బాగుంటే, నిజంగా మీరు ప్రజలకు మంచి చేశారని అనుకుంటే, ఎందుకు ఇంతగా దిగజారాల్సిన పరిస్థితి? స్థా­ని­క ఎన్నికలు ఎందుకు సాఫీగా నిర్వహించడం లే­దు? ఎందుకిన్నిన్ని అక్రమాలు చేస్తున్నారు? ప్రజాస్వామ్యంలో ఉన్న వాళ్లంతా ఒక్కసారి ఆలోచించాలి. అది మా హక్కు.. అందుకే అడుగుతాంఎన్నికలు సజావుగా జరగనప్పుడు ఆర్‌ఓ దగ్గరికి వెళ్లి అడిగే హక్కు మాకుంది. దాన్ని అడ్డుకునే కార్యక్రమం ఎవరైనా చేస్తే, ఇంతకన్నా ఇంకా దారుణం అనేది ఉండదు. రాష్ట్రంలో దారుణ పరిస్థితిపై ఎన్డీఏ కూడా స్పందించాలి. ఎందుకంటే వారి భాగస్వామ్య పార్టీనే ఇక్కడ ఇన్ని అరాచకాలు చేస్తోంది కాబట్టి. వెంటనే స్పందించాల్సిన అవసరం ఉంది’ అని వైఎస్‌ జగన్‌ అన్నారు. ఈ కార్యక్రమంలో ఎంపీ వైఎస్‌ అవినాష్‌రెడ్డి, పార్టీ రాష్ట్ర ప్రధాన కార్యదర్శి ఎస్వీ సతీష్‌కుమార్‌రెడ్డి, పార్టీ పులివెందుల ఇన్‌ఛార్జి చవ్వా దుష్యంత్‌రెడ్డి, ఛైర్‌పర్సన్‌ అభ్యర్థి వైఎస్‌ ప్రమీలమ్మ, టీడీపీ మూకలు దౌర్జన్యం వల్ల బయటకు వచ్చిన 70 మంది వైఎస్సార్‌సీపీ పోలింగ్‌ ఏజెంట్లు పాల్గొన్నారు.రీపోలింగ్‌ నిర్వహిస్తేనే వచ్చి ఓటు వేస్తాపులివెందులలో ఏం జరిగిందో అందరూ చూశారు. ఈ పరిస్థితుల్లో నేను ఓటు వేయను. ఇప్పుడు నేను ఓటు వేస్తే, ఎన్నికల ప్రక్రియ అంతా బాగున్నట్లు ఒప్పుకున్నట్టే. అందుకే నా ఓటు వేయకుండా, ఇక్కడ పరిస్థితి ఎంత దారుణంగా ఉందన్న విషయాన్ని అందరికీ చెప్పాలనుకుంటున్నా. మేము అడిగినట్లుగా ఇక్కడ 80 బూత్‌లలో రీపోలింగ్‌ పెడితే.. న్యాయం, ధర్మం అనేది ఒకటి బతికి ఉండి.. మనస్సాక్షి అనేది ఒకటి బతికి ఉండి.. వాటికి అనుగుణంగా రీపోలింగ్‌కు ఆదేశిస్తే, అప్పుడు వచ్చి కచ్చితంగా ఓటు వేస్తాను. ఎన్నికల ప్రక్రియ, వ్యవస్థ మొత్తం దిగజారిపోయినప్పుడు, అంతా బాగుందని ఒప్పుకోవడం ఏ మాత్రం సరికాదు. ఈ ఎన్ని­కల్లో జరుగుతున్న దారుణాలన్నింటిపై తప్పకుండా కోర్టును ఆశ్రయిస్తాం. న్యాయ పోరాటం కూడా చేస్తాం. రాష్ట్రంలో ప్రజాస్వామ్యాన్ని ఖూనీ చేస్తున్నారు. ఈ పరిస్థితి కచ్చితంగా మారాల్సి ఉంది. ఈ రోజు ఇక్కడ నామినేషన్‌ హక్కు, ఓటు హక్కు పోతోంది. ఇప్పుడు మనం ప్రజాస్వామ్యాన్ని కాపాడుకోలేకపోతే.. రేపు కూడా ప్రజాస్వామ్య వ్యవస్థ ఇలాగే ఉంటే.. ఆస్తి హక్కులు కూడా ప్రజలకు లేకుండా పోతాయి.అంతా చంద్రబాబుతోలు బొమ్మలురాష్ట్ర ఎన్నికల కమిషన్‌(ఎస్‌ఈసీ) మొదలు, ఆర్‌ఓలు, ఎస్పీ­లు, కలెక్టర్లు అంతా దురదృష్టవశాత్తు చంద్రబాబునాయుడు చేతిలో తోలు బొమ్మలుగా మా­రారు. ఇది వ్యవస్థలో ఒక పెద్ద లోపం. ఎప్పు­డైతే ఎస్‌ఈసీ ప్రజాస్వామ్యబద్ధంగా, పారదర్శకంగా, ఏ ఒత్తిళ్లు లేకుండా స్వేచ్ఛగా పని చేయ­డం మొదలు పెడుతుందో, అప్పుడు ఇలాంటి పరిస్థితి ఉత్పన్నం కాకుండా ఉంటుంది. మేము అధికారంలో ఉన్నప్పుడు నిమ్మగడ్డ రమేష్‌ ఎస్‌ఈసీగా ఉన్నాడు. ఆయన్ను అంతకు ముందు చంద్రబాబు నియమించారు. ఆయన ఆధ్వర్యంలో మేము ఎన్నికలకు పోయాం కాబట్టే, అప్పుడు కూడా చంద్రబాబు కోరుకున్నట్లుగా ఎన్నికలు జరిగాయి. మాకు నచ్చినా, నచ్చక­పోయినా.. అధికారులందరినీ ఇష్టారాజ్యంగా ఎన్నికల విధు­ల నుంచి తప్పించారు. అది మంచో, చెడో అన్నది పక్కన పెడితే అప్పుడు చంద్రబాబునాయుడు మాత్రం బాగా తృప్తి చెందారు. చంద్రబాబు తన స్వార్థం, ప్రయోజనాల కోసం తన వీరాభిమాని అయిన వ్యక్తిని ఎస్‌ఈసీగా నియమించారు. అక్కడి నుంచే వ్యవస్థ దిగజారిపోయింది. ఇప్పుడు మిగతా వాళ్లంతా కూడా చంద్రబాబు చేతిలో తోలు బొమ్మలు కాబట్టి, ఈ వ్యవస్థ అంతకంతకూ దిగజారి కుప్పకూలుతో­ం­ది.పులివెందులలో మొత్తం పోలింగ్‌ ప్రక్రియనురద్దు చేయాలి» సమగ్ర విచారణ చేపట్టాలి.. 80 బూత్‌లలో రీపోలింగ్‌ నిర్వహించాలి » బాధిత పోలింగ్‌ ఏజెంట్లు, ప్రిసైడింగ్‌ అధికారుల వాంగ్మూలాలను నమోదు చేయాలి » రీపోలింగ్‌ నిర్వహించాలనే సిఫార్సుతో ఎస్‌ఈసీకి తక్షణమే నివేదిక పంపాలి » పులివెందుల మున్సిపాలిటీ రిటర్నింగ్‌ అధికారికి లేఖ రాసిన వైఎస్‌ జగన్‌ ఎస్‌ఈసీ, జిల్లా కలెక్టర్, ఎస్పీలకు లేఖ ప్రతులు అందజేతపులివెందుల మున్సిపాలిటీ పరిధిలో జరిగిన మొత్తం ఎన్నికల పోలింగ్‌ ప్రక్రియను రద్దు చేసి, 80 పోలింగ్‌ బూత్‌లలో మళ్లీ ఎన్నికలు నిర్వహించాలని మాజీ ముఖ్యమంత్రి వైఎస్‌ జగన్‌ డిమాండ్‌ చేశారు. ఈ మేరకు పులివెందుల మున్సిపాలిటీ రిటర్నింగ్‌ అధికారికి ఆదివారం ఆయన లేఖ అందజేశారు. 80 పోలింగ్‌ బూత్‌లలో కేవలం 10 బూత్‌లలో మాత్రమే వైఎస్సార్‌సీపీ పోలింగ్‌ ఏజెంట్లను అనుమతించారని లేఖలో వెల్లడించారు. మిగిలిన 70 బూత్‌లలో వైఎస్సార్‌సీపీ ఏజెంట్లను టీడీపీకి చెందిన వ్యక్తులు బలవంతంగా అడ్డుకున్నారని, వారి ఆథరైజేషన్‌ పత్రాలను చించివేశారని తెలిపారు. రాష్ట్ర వ్యాప్తంగా టీడీపీ గూండాలను పులివెందులకు తరలించి ఎన్నికల ప్రక్రియకు ఆటంకాలు సృష్టించారని చెప్పారు.టీడీపీ దౌర్జన్యాలకు పోలీసులు సహకరించారని, అధికారులు ప్రేక్షకపాత్ర పోషించారని ఆక్షేపించారు. ఎన్నికల అక్రమాలు కేవలం 70 బూత్‌లకే పరిమితం కాలేదని, మొత్తం మున్సిపాలిటీ ఎన్నికల ప్రక్రియ విశ్వసనీయతపైనే తీవ్ర సందేహాలు తలెత్తాయని స్పష్టం చేశారు. స్వేచ్ఛాయుత, నిష్పక్షపాత, పారదర్శక ఎన్నికలకు అవసరమైన ప్రాథమిక రక్షణ వ్యవస్థలనే ఉల్లంఘించారని ఆందోళన వ్యక్తం చేశారు. పులివెందుల మున్సిపాలిటీ వ్యాప్తంగా జరిగిన ఘటనలపై తక్షణమే సమగ్ర విచారణ చేపట్టాలని డిమాండ్‌ చేశారు. అన్ని పోలింగ్‌ కేంద్రాల సీసీటీవీ ఫుటేజీ, పోలింగ్‌ రికార్డులు, సంబంధిత సాక్ష్యాధారాలను భద్రపరచాలని విజ్ఞప్తి చేశారు. బాధిత పోలింగ్‌ ఏజెంట్లు, ప్రిసైడింగ్‌ అధికారుల వాంగ్మూలాలను నమోదు చేయాలని డిమాండ్‌ చేశారు. మొత్తం 80 బూత్‌లలో రీపోలింగ్‌ నిర్వహించాలనే సిఫార్సుతో రాష్ట్ర ఎన్నికల సంఘానికి తక్షణమే నివేదిక పంపాలని కోరారు. విచారణలో బాధ్యులుగా తేలిన వారందరిపైనా చట్టపరమైన చర్యలు తీసుకోవాలని డిమాండ్‌ చేశారు. రీ పోలింగ్‌ సమయంలో పోలింగ్‌ ఏజెంట్లకు తగిన భద్రత, రక్షణ కల్పించాలని విజ్ఞప్తి చేశారు. తన లేఖపై తక్షణమే లిఖిత పూర్వక నిర్ణయం తీసుకుని, సంబంధిత ఎన్నికల అధికారులకు సమాచారం ఇవ్వాలన్నారు. ఈ లేఖ ప్రతులను రాష్ట్ర ఎన్నికల కమిషనర్, వైఎస్సార్‌ కడప జిల్లా కలెక్టర్, జిల్లా ఎన్నికల అధికారి, జిల్లా ఎస్పీలకు పంపించారు.

సాక్షి, అమరావతి: ‘నారా’రూప రాక్షస రాజ్యంలో ప్రజాస్వామ్యాన్ని పట్టపగలే ఖూనీ చేశారు. చంద్రబాబు పెంచిపోషిస్తున్న రౌడీ మూకలు రాజ్యాంగం కల్పించిన ప్రజాస్వామ్య హక్కులను నిలువునా పాతరేశాయి. మారీచ, సుబాహుల మాదిరిగా చెలరేగిన టీడీపీ కిరాయి మూకలు ప్రజాస్వామ్య యజ్ఞవాటికలైన పోలింగ్‌ కేంద్రాలపై మారణాయుధాలతో విరుచుకుపడ్డాయి. వైఎస్సార్‌సీపీ ఏజెంట్లను బలవంతంగా బయటకు తరిమేశాయి. అభ్యర్థులపై దాడులకు తెగబడి బీభత్సం సృష్టించాయి. ప్రజాతీర్పునకు ప్రతీక అయిన బ్యాలెట్‌ పత్రాల సాక్షిగా ప్రజాస్వామ్యాన్ని కాలరాశాయి. ఆదివారం తెల్లవారుజాము నుంచే టీడీపీ రౌడీ మూకలు ఆయుధాలతో పట్టణాలపై దండెత్తాయి. తాలిబన్‌ ముష్కర మూకలను తలపించేలా దాడులు, దౌర్జన్యాలతో భయానక వాతావరణాన్ని సృష్టించాయి. ప్రజలు నిర్భయంగా ఓటు హక్కు వినియోగించుకునేలా భద్రత కల్పించాల్సిన పోలీసు యంత్రాంగం నిస్సిగ్గుగా టీడీపీ గూండాగిరీకి వత్తాసు పలికింది. అడ్డూ అదుపూ లేకుండా సాగిన విధ్వంసకాండకు అండగా నిలిచింది. నిష్పక్షపాతంగా ఎన్నికలు నిర్వహించాల్సిన అధికార యంత్రాంగం సైతం టీడీపీ కూటమి అక్రమాలకు కొమ్ముకాసిందన్న విమర్శలు వెల్లువెత్తాయి. సాక్షాత్తూ మాజీ ముఖ్యమంత్రి వైఎస్‌ జగన్‌మోహన్‌రెడ్డినే లక్ష్యంగా చేసుకుని కుట్రలకు తెగబడటం చంద్రబాబు ప్రభుత్వ దుర్మార్గానికి పరాకాష్టగా నిలిచింది. జడ్‌ ప్లస్‌ భద్రతలో ఉన్న ఆయన హెలికాప్టర్‌ ప్రమాదానికి గురయ్యే పరిస్థితి తలెత్తేలా ల్యాండింగ్‌ అనుమతిలో జాప్యం చేయడం తీవ్ర ఆందోళనకు దారితీసింది. పులివెందుల కేంద్రంగా టీడీపీ ఫ్యాక్షన్‌ మూకలు నడివీధుల్లో స్వైరవిహారం చేశాయి. ప్రజల ఓటు హక్కును కాపాడాలని వైఎస్‌ జగన్‌ రిటర్నింగ్‌ అధికారి కార్యాలయం ఎదుట ధర్నా చేయాల్సిన పరిస్థితి నెలకొంది. ఎన్నికల అక్రమాలపై న్యాయమైన రీపోలింగ్‌ డిమాండ్‌ను అధికారులు బేఖాతరు చేశారు. దీంతో వైఎస్‌ జగన్‌ తన ఓటు హక్కును వినియోగించుకోకుండా వెనుదిరిగారు. పురపాలక ఎన్నికల పోలింగ్‌ సందర్బంగా శ్రీకాకుళం జిల్లా నుంచి శ్రీసత్యసాయి జిల్లా వరకు టీడీపీ కూటమి రౌడీ మూకలు విచ్చలవిడిగా చెలరేగిపోయాయి. దాడులు, దౌర్జన్యాలు, హత్యాయత్నాలు, పోలింగ్‌ కేంద్రాల ఆక్రమణలు, యథేచ్ఛగా రిగ్గింగ్‌తో ఎన్నికల ప్రక్రియను అపహాస్యం చేశాయి. ఓటర్లను భయభ్రాంతులకు గురిచేసి, ప్రతిపక్ష ఏజెంట్లను తరిమేసి, ప్రజాతీర్పును తమకు అనుకూలంగా మలుచుకునేందుకు బరితెగించాయి. ఎన్నికలు ప్రజాస్వామ్యానికి పండుగ కావాలి.. కానీ టీడీపీ కూటమి పాలనలో అవి దాడులు, దౌర్జన్యాలు, దమనకాండకు వేదికలయ్యాయి. మున్సిపల్‌ ఎన్నికలు జరిగిన ఆదివారం రాష్ట్ర ప్రజాస్వామ్య చరిత్రలో ఒక చీకటి రోజుగా మిగిలిపోయింది. పులివెందులలో పచ్చమూకల మాస్‌ రిగ్గింగ్‌.. మాజీ ముఖ్యమంత్రి వైఎస్‌ జగన్‌ సొంత నియోజకవర్గం పులివెందులలో శనివారం అర్ధరాత్రే నుంచే అలజడి మొదలైంది.అరాచకం జుగుప్సాకర స్థాయికి చేరింది. పచ్చ మూకలు అడ్డుఅదుపులేకుండా మాస్‌ రిగ్గింగ్‌కు పాల్పడితే.. అందుకు సహకరించిన ఖాకీలు విలువలను వలువల్లా విడిచేశారు. వెన్నుపోటుపార్టీ రౌడీ మూకలు ఉదయం 5 గంటల నుంచే పోలింగ్‌ కేంద్రాలను ఆక్రమించారు. శాంతిభద్రతలను కాపాడాల్సిన పోలీసు యంత్రాంగం ఏకపక్షంగా టీడీపీ శ్రేణుల కొమ్ముకాస్తూ ప్రజాస్వా­మ్యాన్ని నడిరోడ్డుపై ఖూనీ చేసింది. తెల్లవారుజాము నాలుగు గంటలకు వేముల, చక్రాయపేట, వేంపల్లి నుంచి వచ్చిన మూకలు బూత్‌ల దగ్గర మోహరించాయి. పోలింగ్‌ కేంద్రాలకు వెళ్తున్న వైఎస్సార్‌సీపీ ఏజెంట్లు, అభ్యర్థులపై దారిలోనే కర్రలు, రాళ్లతో దాడి చేశాయి. 80 బూత్‌లలో 70 బూత్‌ల నుంచి ఏజెంట్లను తరిమేశాయి. 31వ వార్డు మహిళా ఏజెంట్‌ సునంద చేయి విరిగింది. మరో ఏజెంట్‌ లక్ష్మీదేవి రాళ్ల దాడిలో గాయపడింది. 21వ వార్డులో నరసింహారెడ్డిని గాయపరిచారు. 11, 12 బూత్‌ల దగ్గర ఏజెంట్లు, ఓటర్లపై రాళ్ల వర్షం కురిపించారు. ఎర్రగుడిపల్లి దగ్గర ఇద్దరు వైఎస్సార్‌సీపీ కార్యకర్తలను చితకబాదారు. 18వ వార్డు దగ్గర చైర్మన్‌ అభ్యర్థి కారు ధ్వంసం చేశారు. ఈ దాడులకు ఎమ్మెల్యే ఆదినారాయణరెడ్డి, ఎమ్మెల్సీ బీటెక్‌ రవి వర్గాలు నేతృత్వం వహించాయని ఎంపీ అవినాష్‌రెడ్డి పేర్కొన్నారు. మేయర్‌ అభ్యర్థి బండి దీప్తి రెడ్డి నిరసన.. కడప ఉమెన్స్‌ కాలేజీ బూత్‌ వద్ద వైఎస్సార్‌సీపీ ఏజెంట్లను పోలీసులు లోపలికి రానివ్వకుండా గేట్లు వేయడంతో వైఎస్సార్‌సీపీ మేయర్‌ అభ్యర్థి బండి దీప్తి రెడ్డి నిరసనకు దిగారు. పాస్‌లు ఉన్నా అడ్డుకోవడంపై పోలీసులపై ఆగ్రహం వ్యక్తం చేశారు. అక్కడే ఓటర్లుకు ఇవ్వాల్సిన స్లిప్‌లు చెత్తకుప్పలో పడేయాడాన్ని అమె స్వయంగా చూపెట్టారు. మరోవైపు, నగరంలోని 8వ డివిజన్‌లో వైఎస్సార్‌సీపీ ఏజెంట్ల ఫామ్‌లను టీడీపీ గూండాలు చించేశారు. పాత కడప జెడ్పీ హైస్కూల్‌ బూత్‌కు ఓటు వేయడానికి వెళ్లిన మహిళా ఓటర్లను అడ్డుకున్న పచ్చ శ్రేణులు.. ‘మీ ఓట్లు మేము ముందే వేసేసుకున్నాం, ఇక మీరు వెళ్ళిపోండి‘అని బహిరంగంగా చెప్పడంతో వారు నిరాశతో, కన్నీళ్లతో వెనుదిరిగారు. జమ్మలమడుగులో ప్రజాస్వామ్యం ఖూనీ జమ్మలమడుగు పురపాలక సంఘం పరిధిలో పోలింగ్‌ ప్రారంభమైన తొలి గంట నుంచే కూటమి శ్రేణులు పక్కా ప్లాన్‌తో బూత్‌లను తమ గుప్పిట్లోకి తెచ్చుకునేందుకు ప్రయత్నించడంతో హైటెన్షన్‌ వాతావరణం ఏర్పడింది. వైఎస్సార్‌సీపీ అభ్యర్థులు, ఏజెంట్లను లక్ష్యంగా చేసుకుని దాడులకు తెగబడటంతో పలు వార్డుల్లో పోలింగ్‌ ప్రక్రియ వివాదాస్పదంగా మారింది. మున్సిపల్‌ చైర్‌పర్సన్‌న్‌అభ్యర్థి హైమావతితో, వైఎస్సార్‌సీపీ ఎమ్మెల్సీ రామసుబ్బారెడ్డి పోలింగ్‌ సరళిని పరిశీలించేందుకు బూత్‌ వద్దకు వెళ్లగా, కూటమి శ్రేణులు వారిని లోపలికి వెళ్లకుండా దారుణంగా అడ్డుకున్నాయి. ప్రజాస్వామ్యబద్ధంగా బూత్‌లను సందర్శించే హక్కు ఉన్న అభ్యర్థులను గేట్ల ముందే నిలువరించడంతో తోపులాట జరిగింది. అదే సమయంలో బీజేపీ ఎమ్మెల్యే ఆదినారాయణరెడ్డి తన భారీ అనుచరగణంతో ఎత్తపు వారి కాలనీ, జూనియర్‌ కాలేజ్‌ బూత్‌ల వద్దకు చేరుకుని హల్‌చల్‌ చేశారు. పల్నాడులో వైఎస్సార్‌సీపీ అభ్యర్థులు, ఏజెంట్లపై దాడులు.. పల్నాడు జిల్లాలో చిలకలూరిపేట, వినుకొండలో వైఎస్సార్‌సీపీ అభ్యర్థులు, ఏజెంట్లను లక్ష్యంగా చేసుకుని దాడులు, నిర్బంధాలు కొనసాగాయి. వినుకొండ 8వ వార్డు వైఎస్సార్‌సీపీ అభ్యర్థి పోలూరు అర్చన మూర్తిని, ఆమె భర్త నరసింహమూర్తిని పోలింగ్‌ కేంద్రం లోపలి నుంచి ఈడ్చుకొచ్చి విచక్షణారహితంగా కొట్టారు. పక్కనే ఉన్న పోలీసులు పట్టించుకోలేదు. సీఐ ప్రభాకర్‌ అభ్యర్థిని ఏకవచనంతో దూషించారు. 5వ వార్డు ఏజెంట్‌ కొత్త కోటేశ్వరరావును బూత్‌లోంచి బయటకు లాగేశారు. మాచర్ల 31వ వార్డులో రిగ్గింగ్‌ అడ్డుకునేందుకు వెళ్లిన కార్యకర్తలపై మూకుమ్మడిగా దాడి చేశారు. 23వ వార్డు బూత్‌లోని సీసీ కెమెరాలను పగలగొట్టారు.చిలకలూరిపేట 28వ వార్డు అభ్యర్థి చిన్నం లలిత కుమారుడు చిన్నం వెంకటేష్‌ను అర్ధరాత్రి 12.30 గంటలకు పోలీసులు అరెస్టు చేశారు. 27వ వార్డు అభ్యర్థి అన్నపురెడ్డి శ్రీలక్ష్మి కోసం అర్ధరాత్రి ఆమె ఇంటికి వెళ్లి, ఆచూకీ చెప్పాలంటూ బంధువులను బెదిరించారు. 4వ వార్డు అభ్యర్థి కవల నాగయ్య కుమారుడు కవల దినకర్‌ను పోలింగ్‌ కేంద్రం వద్ద అరెస్టు చేసి పోలీస్‌స్టేషన్‌కు తరలించారు. 6, 14, 17, 23, 27, 32, 36, 40, 41, 44వ వార్డుల్లో వైఎస్సార్‌సీపీ అభ్యర్థులు, ఏజెంట్లను పోలింగ్‌ కేంద్రాల్లోకి వెళ్లకుండా అడ్డుకున్నారు. వినుకొండలో 8వ వార్డు అభ్యర్థి పోలూరు అర్చనమూర్తి, ఆమె భర్త నరసింహమూర్తిపై పోలింగ్‌ కేంద్రం వద్ద టీడీపీ మూకలు దాడి చేశాయి. సగానికిపైగా పోలింగ్‌ కేంద్రాల్లో వైఎస్సార్‌సీపీ ఏజెంట్లను బలవంతంగా బయటకు లాగి దాడులకు పాల్పడ్డారు. గుంటూరు కార్పొరేషన్‌లోనూ పోలింగ్‌ కేంద్రాలన్నింటిలో టీడీపీ భారీగా దొంగ ఓట్లు వేయించింది. సగానికిపైగా కేంద్రాల్లో వైఎస్సార్‌సీపీ ఏజెంట్లను పోలీసులే బలవంతంగా బయటకు పంపించారు. కార్పొరేటర్లుగా పోటీ చేస్తున్న వైఎస్సార్‌సీపీ అభ్యర్థులు ధనావత్‌ వెంకటేశ్వర నాయక్, బోడపాటి కిషోర్, మాజీ కార్పొరేటర్‌ బోడపాటి ఉషారాణి తదితరులపై టీడీపీ రౌడీలు దాడులకు పాల్పడ్డారు. అనంతపురంలో యథేచ్ఛగా రిగ్గింగ్‌.. అనంతపురం మున్సిపల్‌ కార్పొరేషన్‌లో పలు పోలింగ్‌ కేంద్రాల్లో వైఎస్సార్‌సీపీ ఏజెంట్లను పోలీసులు బలవంతంగా బయటకు తరలించి టీడీపీ రిగ్గింగ్‌కు సహకరించారు. ఎమ్మెల్యే దగ్గుపాటి ప్రసాద్‌ నేతాజీ స్కూల్‌ పోలింగ్‌ కేంద్రం వద్ద పోలీసులను దూషించి, ఏజెంట్ల ఐడీ కార్డులు చించివేశారు. 1, 23, 30, 61వ డివిజన్లలో ఏజెంట్లను బయటకు నెట్టివేసి టీడీపీ గూండాలు రిగ్గింగ్‌కు పాల్పడ్డారు. 40వ డివిజన్‌ గుడ్‌ ఛిల్డ్రన్స్‌ స్కూల్‌ వద్ద ఏజెంట్‌ లోకనాథ్‌పై దాడి జరిగింది. అనంతపురంలో టీడీపీ ఎమ్మెల్యే దగ్గుపాటి ప్రసాద్‌ ఆదేశాలతో పోలింగ్‌ కేంద్రంలోకి చొచ్చుకొచ్చి యథేచ్ఛగా రిగ్గింగ్‌కు పాల్పడుతున్న టీడీపీ గూండాలు 45వ డివిజన్‌ జ్ఞాన సరస్వతి స్కూల్‌ వద్ద దౌర్జన్యాన్ని అడ్డుకున్న విశ్వనాథరెడ్డి, కార్పొరేటర్‌ అభ్యర్థి అనిల్‌ కుమార్‌రెడ్డిపై దాడి చేయగా అనిల్‌ గాయపడ్డారు. 39వ డివిజన్‌ అభ్యర్థి సాకే చంద్రశేఖర్‌ ఇంటిపై మాజీ డిప్యూటీ మేయర్‌ గంపన్న వర్గీయులు రాళ్లు, ఇటుకలతో దాడి చేశారు. ఈ ఘటనలో గాయపడిన శ్రీనివాసులు, సాకే ఈశ్వరయ్యలను ప్రభుత్వ సర్వజనాస్పత్రికి తరలించారు. అనంత వెంకటరామిరెడ్డి, మేయర్‌ అభ్యర్థి రమేష్‌ గౌడ్‌ ఆస్పత్రికి వెళ్లి బాధితులను పరామర్శించారు. కర్నూలు జిల్లాలో టీడీపీ బరితెగింపు.. కర్నూలు జిల్లాలో డోన్, బేతంచెర్ల మున్సిపాలిటీల్లో టీడీపీ కూటమి యథేచ్ఛగా రిగ్గింగ్‌కు పాల్పడింది. డోన్‌లో టీడీపీ చైర్‌పర్సన్‌ అభ్యర్థి కోట్ల సుజాతమ్మ పోలీసుల అండతో వైఎస్సార్‌సీపీ మహిళా అభ్యర్థుల భర్తలు, కుటుంబ సభ్యులను పోలీస్‌స్టేషన్‌కు పిలిపించి డీఎస్పీ శ్రీనివాసులు ఎదుట బెదిరింపులకు దిగారు. పోలింగ్‌ ఏజెంట్లను అక్రమంగా నిర్బంధించి కేంద్రాలకు వెళ్లకుండా అడ్డుకున్నారు. కొందరిపై పోలీసులు చేయి చేసుకున్నారు. బేతంచెర్లలోనూ టీడీపీ నేతలు ఇదే తరహాలో రిగ్గింగ్‌కు పాల్పడ్డారు. ఈ అక్రమాలను నిరసిస్తూ మాజీ మంత్రి బుగ్గన రాజేంద్రనాథ్‌రెడ్డి ఉదయం 11 నుంచి మధ్యాహ్నం 1 గంట వరకు డోన్‌ టౌన్‌ పోలీస్‌స్టేషన్‌ ఎదుట వైఎస్సార్‌సీపీ శ్రేణులతో కలిసి ఆందోళన నిర్వహించారు. డోన్, బేతంచెర్లలో రీపోలింగ్‌ నిర్వహించాలని డిమాండ్‌ చేశారు. టీడీపీ ఎన్నికల అక్రమాలపై న్యాయస్థానాన్ని ఆశ్రయిస్తామని ప్రకటించారు. మరోవైపు ఎమ్మిగనూరులో వైఎస్సార్‌సీపీ సమన్వయకర్త ఎర్రకోట రాజీవ్‌రెడ్డిని, నంద్యాల జిల్లాలో మాజీ ఎమ్మెల్యే శిల్పా రవిచంద్ర కిశోర్‌రెడ్డిని పోలీసులు హౌస్‌ అరెస్ట్‌ చేశారు. కర్నూలు కార్పొరేషన్‌ ఎన్నికల్లోనూ టీడీపీ రిగ్గింగ్, రీసైక్లింగ్‌కు తెగబడింది. వైఎస్సార్‌సీపీ మాజీ ఎమ్మెల్యేలు ఎస్వీ మోహన్‌రెడ్డి, కాటసాని రాంభూపాల్‌రెడ్డిలను పోలీసులు అడ్డుకుని వారి వాహనాలను సీజ్‌ చేశారు. మరోవైపు మంత్రి టీజీ భరత్‌ వాహనంతోపాటు ఆయన కాన్వాయ్‌ను మాత్రం పోలీసులు అడ్డుకోలేదు. దీంతో మంత్రి నగరంలో యథేచ్ఛగా పర్యటిస్తూ పోలింగ్‌ బూత్‌లలోకి వెళ్లి దగ్గరుండి రిగ్గింగ్‌ చేయించారు. కర్నూలు కార్పొరేషన్‌ పరిధిలోని 30 డివిజన్లలో టీడీపీ గుండాలు భారీగా దొంగ ఓట్లు వేశారు. చిత్తూరు, తిరుపతి జిల్లాల్లో యథేచ్ఛగా రిగ్గింగ్‌..చిత్తూరు, తిరుపతి జిల్లాల్లోని కార్పొరేషన్లు, మున్సిపాలిటీల్లో టీడీపీ శ్రేణులు పోలీసుల, ఎన్నికల అధికారుల సహకారంతో యథేచ్ఛగా రిగ్గింగ్‌కు పాల్పడ్డారు. చిత్తూరు వళ్లియప్ప నగర్‌ 21/1 పోలింగ్‌ కేంద్రంలో వైఎస్సార్‌సీపీ ఏజెంట్లను బయటకు పంపించి, బ్యాలెట్‌ పత్రాలపై ఫోర్జరీ సంతకాలు, స్వస్తిక్‌ ముద్రలతో రిగ్గింగ్‌ చేశారు. ఈ దృశ్యాలు సోషల్‌ మీడియాలో వైరల్‌ అయ్యాయి. తిరుపతి 36వ వార్డులో జనసేన నేత పసుపులేటి హరిప్రసాద్‌ అనుచరులు సీసీ కెమెరాలు ధ్వంసం చేసి, వైఎస్సార్‌సీపీ ఏజెంట్లు, అభ్యర్థి ఇమామ్‌పై దాడి చేశారు. 500కు పైగా ఓట్లు రిగ్గింగ్‌ చేశారు. కుప్పంలో వైఎస్సార్‌సీపీ ఏజెంట్లను అడ్డుకుని, విద్యుత్‌ సరఫరా నిలిపివేసి రిగ్గింగ్‌ పూర్తి చేశారు. పలమనేరులో స్థానికేతరులతో దొంగ ఓట్లు వేయించారు. నాయుడుపేటలో దొంగ ఓట్లను అడ్డుకున్న ఏజెంట్లను పోలీసులు నిర్బంధించారు. వెంకటగిరిలో గుర్తుల కేటాయింపు గందరగోళంతో 35వ వార్డు పోలింగ్‌ వాయిదా పడింది. పుత్తూరులో రిగ్గింగ్‌ను ప్రశ్నించిన వైఎస్సార్‌సీపీ నేత మనోజ్‌రెడ్డిపై దాడి చేశారు. ప్రకాశం జిల్లాలో ఏజెంట్లపై దాడులు ప్రకాశం జిల్లాలో టీడీపీ ఎన్నికల అక్రమాలను అడ్డుకునేందుకు ప్రయత్నించిన వైఎస్సార్‌సీపీ నేతలను పోలీసులు నిర్బంధించారు. దర్శి ఎమ్మెల్యే బూచేపల్లి శివప్రసాద్‌ను ఆదివారం తెల్లవారుజామునే హౌస్‌ అరెస్ట్‌ చేశారు. అద్దంకిలో టీడీపీ దొంగ ఓట్లను అడ్డుకునేందుకు వెళ్తున్న వైఎస్సార్‌సీపీ సమన్వయకర్త చింతలపూడి అశోక్‌కుమార్‌ను సింగరాయకొండ వద్ద పోలీసులు అడ్డుకుని హౌస్‌ అరెస్ట్‌ చేశారు. చీమకుర్తి మున్సిపాలిటీలో వైఎస్సార్‌సీపీ ఏజెంట్లు, నాయకులను ఉదయాన్నే సంతనూతలపాడు పోలీస్‌స్టేషన్‌లో నిర్బంధించారు.గిద్దలూరులోని సెయింట్‌ పాల్‌ కళాశాల పోలింగ్‌ కేంద్రంలో రెండో వార్డు ఏజెంట్లు అమీర్‌ భాష, నరసింహారెడ్డిపై విచక్షణారహితంగా దాడి చేశారు. శెట్టిరెడ్డిపల్లెలో టీడీపీ దొంగ ఓట్లను అడ్డుకునేందుకు ప్రయత్నించిన వైఎస్సార్‌సీపీ ఏజెంట్‌ చంద్రశేఖర్‌పైనా దాడికి తెగబడ్డారు. మార్కాపురంలో వైఎస్సార్‌సీపీ పట్టణ శాఖ అధ్యక్షుడు షేక్‌ సలీమ్‌ను పోలీసులు అరెస్టు చేశారు. ఈ అరెస్టును నిరసిస్తూ మాజీ ఎమ్మెల్యే అన్నా రాంబాబు, మున్సిపల్‌ చైర్‌పర్సన్‌ అభ్యర్థి కనకదుర్గ పోలీస్‌స్టేషన్‌ ఎదుట ధర్నా నిర్వహించారు. గుంటూరులో బ్యాలెట్‌ బాక్సులు ధ్వంసంగుంటూరు 57వ డివిజన్‌ లిటిల్‌ ఫ్లవర్‌ స్కూల్‌ ఐదో బూత్‌లో బ్యాలెట్‌ బాక్సులను పగలగొట్టారు. దొంగ ఓట్లను అడ్డుకున్న వైఎస్సార్‌సీపీ నేత భాస్కర్‌రెడ్డిపై దాడి చేశారు. 59వ డివిజన్‌ అభ్యర్థి ధనావత్‌ వెంకటేశ్వర్లు నాయక్‌ను కొట్టారు. తెనాలిలో వైఎస్సార్‌సీపీ పట్టణ మహిళా అధ్యక్షురాలు నాగమంజరిపై దాడికి యత్నించారు. ప్రకాశం జిల్లా గిద్దలూరు శెట్టిరెడ్డిపల్లెలో దొంగ ఓట్లను అడ్డుకున్న ఏజెంట్‌ చంద్రశేఖర్‌పై దాడి జరిగింది. విశాఖలో పలు పోలింగ్‌ బూత్‌లలో రిగ్గింగ్‌ విశాఖలోని గాజువాక, భీమిలి, విశాఖ దక్షిణ, తూర్పు నియోజకవర్గాల్లో పలు పోలింగ్‌ బూత్‌లలో రిగ్గింగ్‌ జరిగింది. తమ ఓట్లను ఇతరులు వేసేయడంతో పలువురు ఓటర్లు ఆందోళన వ్యక్తం చేశారు. విశాఖ మేయర్‌ అభ్యర్థి వరుదు కల్యాణి ఓటు వేసిన అనంతరం మీడియాతో మాట్లాడుతుండగా టీడీపీ శ్రేణులు వైఎస్సార్‌సీపీ కార్యకర్తలతో వాగ్వాదానికి దిగి తోపులాటకు పాల్పడ్డారు. 37వ వార్డులో రిగ్గింగ్‌ జరుగుతోందన్న సమాచారంతో మాజీ ఎమ్మెల్యే వాసుపల్లితో కలిసి అక్కడికి వెళ్లిన వరుదు కల్యాణితో జనసేన నేతలు వాగ్వాదానికి దిగారు. మదనపల్లెలో వైఎస్సార్‌సీపీ నేతలపై, ఏజెంట్లపై దాడులు.. అన్నమయ్య జిల్లా మదనపల్లెలో పలు పోలింగ్‌ కేంద్రాల్లో దాడులు, రిగ్గింగ్‌ యత్నాలు చోటుచేసుకున్నాయి. 16వ పోలింగ్‌ కేంద్రంలో మాక్‌ పోలింగ్‌ సమయంలో వైఎస్సార్‌సీపీ ఏజెంట్‌ లేకపోవడాన్ని ప్రశ్నించిన చైర్మన్‌ అభ్యర్థి జింకా వెంకట చలపతిపై ఎస్‌ఐ శివకుమార్‌ లాఠీతో దాడి చేయడంతో గాయపడ్డారు. 12వ కేంద్రంలో చైర్మన్‌ బ్యాలెట్‌ పేపర్లను ఎత్తుకెళ్లేందుకు మాస్కులు ధరించిన వ్యక్తులు ప్రయత్నించగా అడ్డుకున్నారు. 19వ వార్డులో పోలింగ్‌ కేంద్రంలోకి టీడీపీ కార్యకర్తల ప్రవేశాన్ని ప్రశ్నించిన వైఎస్సార్‌సీపీ నేత రఫీపై దాడి చేశారు. దక్నిపేట, మేదరవీధి, రామారావు కాలనీ పోలింగ్‌ కేంద్రాల వద్ద కూడా వైఎస్సార్‌సీపీ నేతలపై దాడులకు పాల్పడ్డారు. పలువురు ఏజెంట్ల పాసులను లాక్కెళ్లడంతో పాటు పలు కేంద్రాల్లో రిగ్గింగ్‌కు యత్నించినట్లు ఆరోపణలు వచ్చాయి.‘సుప్రీం’ ఆదేశాలు సైతం బేఖాతరుసుప్రీంకోర్టు స్పష్టమైన ఆదేశాలు జారీ చేసినప్పటికీ, వాటి అమలును పర్యవేక్షించాల్సిన రాష్ట్ర ఎన్నికల సంఘం, పోలీసు యంత్రాంగం పట్టించుకోలేదు. వైఎస్సార్‌సీపీ అభ్యర్థులకు తగిన భద్రత కల్పించాలని, పోలింగ్‌ కేంద్రాల్లో తప్పనిసరిగా సీసీటీవీ కెమెరాలు ఏర్పాటు చేయాలని సుప్రీంకోర్టు ఆదేశించింది. కానీ క్షేత్రస్థాయిలో ఈ ఆదేశాలు అమలైన దాఖలాలు కనిపించలేదు. వైఎస్సార్‌సీపీ అభ్యర్థులకు ఎక్కడా తగిన భద్రత కల్పించలేదు. ఇదే పరిస్థితిని ఆసరాగా చేసుకుని పలు ప్రాంతాల్లో టీడీపీ శ్రేణులు వైఎస్సార్‌సీపీ మేయర్, మున్సిపల్‌ చైర్‌పర్సన్, కార్పొరేటర్, కౌన్సిలర్‌ అభ్యర్థులపై దాడులకు దిగాయి. పోలింగ్‌ సరళిని పర్యవేక్షించేందుకు కూడా వారికి అవకాశం లేకుండా అడ్డుకున్నాయి. అభ్యర్థులపై దాడులు జరుగుతున్నా, వారిని రక్షించాల్సిన పోలీసులు తగిన చర్యలు తీసుకోకపోవడం పలు ప్రశ్నలకు తావిచ్చింది. ఇక ఎన్నికలు నిర్వహించిన 92 పట్టణ స్థానిక సంస్థల్లో అత్యధిక పోలింగ్‌ కేంద్రాల్లో సీసీటీవీ కెమెరాలు ఏర్పాటు చేయకపోవడం మరింత ఆందోళనకరం. కడప, పులివెందుల, అనంతపురం, తిరుపతి, కర్నూలు, డోన్, బేతంచర్ల, గుంటూరు, విజయవాడ, నెల్లూరు సహా అనేక ప్రాంతాల్లో ఇదే పరిస్థితి నెలకొంది. సీసీటీవీ నిఘా కొరవడిన చోట్ల వైఎస్సార్‌సీపీ పోలింగ్‌ ఏజెంట్లను బలవంతంగా బయటకు పంపించి, ఇతర ప్రాంతాల నుంచి వచ్చిన వ్యక్తులతో దొంగ ఓట్లు వేయించారు. టీడీపీ నేతలు, కార్యకర్తలు పోలింగ్‌ కేంద్రాల్లోకి చొరబడి రిగ్గింగ్‌కు పాల్పడ్డారు. పలు చోట్ల సీసీటీవీ కెమెరాలను ధ్వంసం చేశారు. అర్ధరాత్రి అరెస్టులు.. పోలింగ్‌కు ముందురోజు రాత్రే పోలీసులు వైఎస్సార్‌సీపీ శ్రేణులే లక్ష్యంగా వేట మొదలుపెట్టారు. శాంతిభద్రతల విషయంలో నిష్పక్షపాతంగా వ్యవహరించాల్సిన పోలీసులు పక్షపాత ధోరణితో వైఎస్సార్‌సీపీ నాయకులను కట్టడి చేసి కూటమి అభ్యర్థులకు అనుకూలంగా రిగ్గింగ్‌కు లైన్‌క్లియర్‌ చేశారు. చిలకలూరిపేటలో అర్ధరాత్రి 12:30 గంటలకు 28వ వార్డు అభ్యర్థి చిన్నం లలిత కుమారుడు వెంకటేష్‌ను, 4వ వార్డు అభ్యర్థి కవల నాగయ్య కుమారుడు దినకర్‌ను స్టేషన్‌కు తరలించారు. 27వ వార్డు అభ్యర్థి శ్రీలక్ష్మి కోసం అర్ధరాత్రి ఇంటికి వెళ్లారు. ఆమె కనిపించకపోవడంతో బంధువులను స్టేషన్‌కు తీసుకెళ్తామని బెదిరించారు. సత్తెనపల్లి 12వ వార్డు అభ్యర్థి గోవిందమ్మ భర్త వెంకటేశ్వర్లును రాత్రి 11:30 గంటలకు తీసుకెళ్లారు. మాచర్ల 32వ వార్డు అభ్యర్థి భర్త షేక్‌ మస్తాన్‌ను అర్ధరాత్రి ఇంటి నుంచి తీసుకెళ్లారు. ఈ ఇద్దరి ఆచూకీ ఆదివారం సాయంత్రం వరకు కుటుంబాలకు చెప్పలేదు. మాచర్లలో 12 మంది అభ్యర్థులు, నేతలను నాలుగు గంటలపాటు స్టేషన్‌లో కూర్చోబెట్టారు. చిత్తూరులో అర్ధరాత్రి ఒంటిగంటకు వార్డు ఇన్‌ఛార్జులు, బూత్‌ ఏజెంట్లను బైండోవర్‌ పేరుతో స్టేషన్లలో నిర్బంధించారు. డోన్‌లో పోలింగ్‌ మొదలవకముందే పట్టణ అధ్యక్షుడు మల్లికార్జునరెడ్డితోపాటు ఐదుగురు అభ్యర్థులను అదుపులోకి తీసుకున్నారు. ఒంగోలు 55వ డివిజన్‌ అభ్యర్థి పల్నాటి రవీందర్‌రెడ్డిని తాలూకా సీఐ అరెస్ట్‌ చేసి స్టేషన్‌లో ఉంచారు.కడపలో బరితెగించిన ‘కౌరవ’..‘సేన’.. వైఎస్సార్‌ కడప జిల్లాలో కౌరవ సేన బరితెగించింది. తీవ్ర ఉద్రిక్తతలు, రాజకీయ ఘర్షణల మధ్య పోలింగ్‌ సాగింది. కడప నాగరాజుపేట పోలింగ్‌ కేంద్రం వద్ద ఉదయం నుంచే హైడ్రామా మొదలైంది. నగరంలోని కోటిరెడ్డి ప్రభుత్వ మహిళా డిగ్రీ కళాశాల బూత్‌లోకి వైఎస్సార్‌సీపీ ఏజెంట్లను ప్రత్యర్థులు అడ్డుకోవడంతో ఒక్క ఏజెంట్‌ కూడా లోపల లేని పరిస్థితి ఏర్పడింది. ఈ సమాచారం అందుకున్న వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనా«థరెడ్డి నేరుగా బూత్‌ లోపలికి వెళ్లి.. తానే స్వయంగా ఏజెంట్‌గా కూర్చున్నారు. ‘జిల్లా ఎన్నికల అధికారి కలెక్టర్‌ వచ్చి సమాధానం చెప్పే వరకు బూత్‌ నుండి కదిలేది లేదు’ అనడంతో పొలిటికల్‌ హీట్‌ ఒక్కసారిగా పెరిగింది. కడప నగరంలో 361 పోలింగ్‌ కేంద్రాల్లోనూ వైఎస్సార్‌సీపీ ఏజెంట్లు ఎక్కడా లేకుండా పచ్చమూకలకు పోలీసులు పూర్తి సహకారం అందించారు. కడప మోచంపేట పోలింగ్‌ బూత్‌లో టీడీపీ నేత శ్రీనివాసులరెడ్డి బూత్‌ లోపలికి చొరబడి వైఎస్సార్‌సీపీ ఏజెంట్ల ఫారాలను ముక్కలు ముక్కలుగా చించివేసి వారిని గెంటేశారు. పోలింగ్‌ కేంద్రానికి 100 మీటర్ల పరిధిలో ఎలాంటి ప్రచారం చేయరాదనే ఎన్నికల కోడ్‌ నిబంధనలను బూడిదలో పోసి.. ఏకంగా బూత్‌ ఆవరణలోనే మీడియా సమావేశం పెట్టి ‘అభివృద్ధికి పట్టం కట్టాలి’అంటూ ఓటర్లను ప్రలోభపెట్టేలా మాట్లాడారు. పులివెందులలో ఓటర్లను బెదిరించి వెనక్కి పంపుతున్న డీఎస్పీ మురళీ నాయక్‌ నెల్లూరులో మంత్రి నారాయణ ఆధ్వర్యంలో దొంగ ఓట్ల దందా.. నెల్లూరు మున్సిపల్‌ కార్పొరేషన్‌లో మంత్రి నారాయణ తన విద్యాసంస్థల విద్యార్థులను బస్సుల్లో తరలించి దొంగ ఓట్లు వేయించారు. నగరంలోని 14, 16, 17వ డివిజన్లలో విద్యార్థులతో దొంగ ఓట్లు వేయించేందుకు వచ్చిన నారాయణ విద్యాసంస్థల బస్సులను వైఎస్సార్‌సీపీ శ్రేణులు అడ్డుకున్నాయి. దొంగ ఓట్లు ఎందుకు వేస్తున్నారని ప్రశ్నించిన వారిపై టీడీపీ శ్రేణులు దాడులకు దిగాయి. నెల్లూరు కార్పొరేషన్‌తోపాటు ఆత్మకూరు, బుచ్చిరెడ్డిపాలెం మున్సిపాలిటీల్లో వైఎస్సార్‌సీపీ అభ్యర్థులు, నేతలపై పోలీసులు ఆంక్షలు విధించారు. వారిని పోలింగ్‌ కేంద్రాల్లోకి కూడా వెళ్లనివ్వలేదు. మరోవైపు టీడీపీ కూటమి నేతలు పోలింగ్‌ బూత్‌లలోకి యథేచ్ఛగా చొరబడి రిగ్గింగ్‌కు పాల్పడుతున్నా పోలీసులు అడ్డుకోలేదు. పోలీసుల ఏకపక్ష వైఖరిపై ఆత్మకూరు మాజీ ఎమ్మెల్యే మేకపాటి విక్రమ్‌రెడ్డి తీవ్ర ఆగ్రహం వ్యక్తం చేశారు. వైఎస్సార్‌సీపీ ఎమ్మెల్సీ చంద్రశేఖర్‌రెడ్డిని సైతం పోలీసులు అడ్డుకున్నారు. నెల్లూరు రూరల్‌ నియోజకవర్గం 4వ డివిజన్‌ పెద్దచెరుకూరు పోలింగ్‌ బూత్‌ వద్ద వైఎస్సార్‌సీపీ ఏజెంట్‌ యర్రంరెడ్డి రామ్‌మోహన్‌రెడ్డిపై 25 మందికి పైగా టీడీపీ శ్రేణులు దాడికి పాల్పడ్డాయి. టీడీపీ ఏఎంసీ చైర్మన్‌ మనుబోలు శ్రీధర్‌రెడ్డి సోదరుడు మనుబోలు రామ్‌మోహన్‌రెడ్డి తన అనుచరులతో కలిసి పోలింగ్‌ బూత్‌ వద్ద హంగామా సృష్టించారు. ఈ క్రమంలో పోలీసులతో మాట్లాడేందుకు బయటకు వచ్చిన యర్రంరెడ్డి రామ్‌మోహన్‌రెడ్డిపై మూకుమ్మడిగా దాడి చేశారు. దాడిని అడ్డుకోవాల్సిన పోలీసులు ప్రేక్షకపాత్ర వహించారు.ఓటమి భయంతోనే ‘నారా’సుర కుతంత్రం! రెండున్నరేళ్ల టీడీపీ కూటమి రాక్షస పాలనపై రాష్ట్రవ్యాప్తంగా ప్రజావ్యతిరేకత వెల్లువెత్తుతుండటంతో ముఖ్యమంత్రి చంద్రబాబు తీవ్ర భయాందోళనలకు గురవుతున్నారు. మున్సిపల్‌ ఎన్నికలు స్వేచ్ఛగా, నిష్పక్షపాతంగా జరిగితే ప్రజలు కూటమిని నిర్ద్వంద్వంగా తిరస్కరిస్తారన్న భయం ఆయనను వెంటాడుతోంది. అందుకే ప్రజాతీర్పును ఎదుర్కొనే ధైర్యం లేక, ఎన్నికల ప్రక్రియనే తమకు అనుకూలంగా మలుచుకుని ప్రజల తీర్పును హైజాక్‌ చేసేందుకు పక్కా కుట్రకు తెరతీశారు. రాష్ట్ర ఎన్నికల సంఘం, డీజీపీతో పాటు పోలీసు యంత్రాంగాన్ని కూడా ఈ కుట్రలో భాగస్వాములను చేసుకుని ప్రజాస్వామ్యాన్ని ఖూనీ చేసే పన్నాగానికి శ్రీకారం చుట్టారు. టీడీపీ గూండాలు, రౌడీ మూకలు, గంజాయి బ్యాచ్‌లు, ఇతర రాష్ట్రాల నుంచి రప్పించిన మాఫియా బలగాలను శనివారం నుంచే ఎన్నికలు జరుగుతున్న పట్టణ స్థానిక సంస్థల్లో మోహరించారు. చంద్రబాబు రచించిన ఈ పథకాన్ని ఆదివారం తెల్లవారుజాము నుంచే అమల్లోకి తెచ్చారు. వైఎస్సార్‌సీపీ అభ్యర్థులు పోలింగ్‌ కేంద్రాలకు చేరుకోకుండా పోలీసులే అడ్డంకులు సృష్టించారు. టీడీపీ రౌడీ మూకలు వైఎస్సార్‌సీపీ పోలింగ్‌ ఏజెంట్లపై దాడులకు తెగబడుతున్నా పోలీసులు ప్రేక్షకపాత్రకే పరిమితమయ్యారు. పోలీసుల అండతో టీడీపీ గూండాగిరీ మరింతగా రెచ్చిపోయింది. దాడులు, దౌర్జన్యాలతో పోలింగ్‌ కేంద్రాల వద్ద భయానక వాతావరణాన్ని సృష్టించారు.వైఎస్సార్‌సీపీ ఓటర్లతో పాటు తటస్థ ఓటర్లను కూడా లక్ష్యంగా చేసుకుని వారిని భయభ్రాంతులకు గురిచేశారు. ఓటు హక్కును వినియోగించుకునేందుకు బయటకు వచ్చిన సామాన్యులపై దాడులకు దిగారు. అసభ్య పదజాలంతో దూషించారు. ఓటర్ల చేతుల్లోని ఓటరు స్లిప్పులను బలవంతంగా లాక్కుని చింపివేసి, వారిని వెనక్కి పంపించారు. పోలింగ్‌ కేంద్రాలకు వెళ్లాలంటేనే భయపడేలా నడిరోడ్లపై రౌడీ మూకలతో బీభత్స వాతావరణాన్ని సృష్టించారు. ప్రజల మద్దతుతో గెలవలేమన్న భయంతోనే ఓటర్లను ఓటు వేయకుండా అడ్డుకోవడం.. ప్రజాతీర్పును దౌర్జన్యంతో హైజాక్‌ చేయడమే చంద్రబాబు కూటమి ఎన్నికల వ్యూహంగా మారింది. సీఎంఓ డైరెక్షన్‌లో అధికారులు టీడీపీ కార్యకర్తల్లా పనిచేశారు. సీఎం సెక్రటరీ ప్రద్యుమ్న కలెక్టర్లను ఇష్టారాజ్యంగా వాడేశారని అధికారవర్గాల్లో వినిపిస్తోంది. ఇక డీఐజీ కోయ ప్రవీణ్‌ చౌదరి, జిల్లాల ఎస్‌పీలంతా డీజీపీ పర్యవేక్షణలో చెలరేగి పోయారు. కలెక్టర్‌ చెరుకూరి శ్రీధర్‌ చౌదరి, ఎస్‌పీ నచికేత విశ్వనాథ్, అడిషనల్‌ ఎస్‌పీ ప్రకాష్‌ చౌదరి కడప, పులివెందుల లక్ష్యంగా పనిచేశారు. పోలీసులను అధికారపార్టీ కోసం పనిచేయించారు. నేతలను ఇళ్ల నుంచి కదలనివ్వలేదు..పోలింగ్‌ రోజు ప్రతిపక్ష నేతలెవరూ బయట కాలు పెట్టకుండా పోలీసులు తీవ్ర నిర్భంధం అమలు చేశారు. కడప మాజీ మేయర్‌ పాకా సురేష్‌ను ఇంటి నుంచే అరెస్ట్‌ చేశారు. జిల్లా అధ్యక్షుడు రవీంద్రనాథ్‌రెడ్డి, మాజీ డిప్యూటీ సీఎం అంజాద్‌ బాషా గృహనిర్బంధం చేశారు. పులివెందులలో దుష్యంత్‌రెడ్డి గృహనిర్బంధం. ఎంపీ వైఎస్‌ అవినాష్‌రెడ్డిని పార్టీ కార్యాలయం గేటు దగ్గరే అడ్డుకున్నారు. ఆయన వస్తున్నారని మున్సిపల్‌ కార్యాలయం గేట్లకు తాళాలు వేశారు. పల్నాడు జిల్లాలో మాజీ ఎమ్మెల్యే పిన్నెల్లి రామకృష్ణారెడ్డి ఇంటి చుట్టూ ముళ్లకంచెలు వేశారు. మాజీ మంత్రి విడదల రజిని, మాజీ ఎమ్మెల్యే బొల్లా బ్రహ్మనాయుడు, అద్దంకి ఇన్‌ఛార్జ్‌ చింతలపూడి అశోక్‌కుమార్‌లను గృహనిర్బంధం చేశారు. తాడిపత్రి మాజీ ఎమ్మెల్యే కేతిరెడ్డి పెద్దారెడ్డిని పది రోజులుగా గృహనిర్బంధంలోనే ఉన్నారు. నాయుడుపేట మాజీ ఎమ్మెల్యే కిలివేటి సంజీవయ్య, నేతలు హౌస్‌ అరెస్ట్‌ చేశారు. 14వ వార్డు నేత కిషోర్‌రెడ్డిని బయటకు రావొద్దని ఇంటికి వెళ్లి మరీ పోలీసులు హుకుం జారీ చేశారు. కుప్పం మున్సిపల్‌ అధ్యక్షుడు హఫీజ్‌ను అదుపులోకి తీసుకున్నారు. మాజీ కౌన్సిలర్‌ ఇళయరాజా హౌస్‌ అరెస్ట్‌ చేశారు. నెల్లూరులో ఎమ్మెల్సీ పర్వతరెడ్డి చంద్రశేఖర్‌రెడ్డిని రోడ్డుపైనే ఆపి నోటీసులిచ్చారు. పలాసలో సీనియర్‌ నేత బోనెల బాలకృష్ణ అరెస్ట్‌ చేశారు. తిరుపతిలో కలెక్టర్‌ను కలిసేందుకు వెళ్లిన ఎంపీ గురుమూర్తి, మాజీ ఎమ్మెల్యే బియ్యపు మధుసూదన్‌రెడ్డి, ఎమ్మెల్సీ సిపాయి సుబ్రహ్మణ్యంను కలెక్టరేట్‌ గేటు దగ్గరే నిలిపేశారు. బాధితులపైనే లాఠీలు, కేసులు.. దాడులు చేసిన అధికారపక్షం వాళ్లను వదిలేసిన పోలీసులు బాధితులైన వైఎస్సార్‌సీపీ శ్రేణులపైనే లాఠీలు ఝుళిపించారు. పులివెందుల బూత్‌ 17 దగ్గర వైఎస్సార్‌సీపీ కార్యకర్తలపై లాఠీచార్జ్‌ చేశారు. 13వ వార్డు అభ్యర్థి కలందర్‌ను బలవంతంగా జీపులో ఎక్కించి స్టేషన్‌కు తరలించారు. మదనపల్లెలో చైర్మన్‌ అభ్యర్థి జింకా వెంకటచలపతిని సీఐ లాఠీతో కొట్టి కాళ్లతో తన్నారు. సత్తెనపల్లి మండల పరిషత్‌ కేంద్రంలో వైఎస్సార్‌సీపీ ఏజెంట్‌పై ఎస్సై చేయి చేసుకున్నారు. అనంతపురం 61వ డివిజన్‌లో అభ్యర్థి వాసంతి కుటుంబంపై దౌర్జన్యం చేసిన తర్వాత, ఆమె కుటుంబం మీదే రివర్స్‌ కేసు పెట్టారు. చీమకుర్తిలో దాడికి గురైన ఏజెంట్లనే సీఐ స్టేషన్‌కు తీసుకెళ్లారు.నాయుడుపేటలో దొంగ ఓట్లను అడ్డుకున్న ఏజెంట్లను డీఎస్పీ ఎత్తుకెళ్లారు. డోన్‌లో హలచల్‌ చేసిన టీడీపీ వాళ్లను ప్రశ్నించిన వైఎస్సార్‌సీపీ నేతలనే స్టేషన్‌కు తరలించారు. విజయవాడ 43వ డివిజన్‌లో డబ్బు పంపిణీని నిలదీసిన నేతలను అదుపులోకి తీసుకున్నారు. బేతంచెర్లలో రీపోలింగ్‌ కోసం మాజీ మంత్రి బుగ్గన పోలీస్‌ స్టేషన్‌ ఎదుట బైఠాయించాల్సి వచ్చింది. పులివెందులలో రాళ్ల దాడి జరిగిందని కర్నూలు రేంజ్‌ డీఐజీ స్వయంగా అంగీకరించారు. అయినా ఆదివారం సాయంత్రం వరకు ఒక్క దాడికి పాల్పడిన వ్యక్తి అరెస్ట్‌ అయినట్లు సమాచారం లేదు. దాడి చేసినవాళ్లు బయట దర్జాగా తిరుగుతున్నారు. దెబ్బలు తిన్నవాళ్లు స్టేషన్లలో, ఆసుపత్రుల్లో ఉన్నారు.

సాక్షి, అమరావతి/సాక్షి నెట్‌వర్క్‌: స్థానిక ఎన్నికల్లో అధికారపార్టీ ఆగడాలు ఆగడం లేదు. దమనకాండ యథేచ్ఛగా సాగుతోంది. ప్రతిపక్ష వైఎస్సార్‌సీపీ శ్రేణులే లక్ష్యంగా దౌర్జన్యాలకు పాల్పడుతోంది. ఖాకీలు, పచ్చగూండాలను ఉసిగొలిపి ప్రజాస్వామ్యాన్ని ఖూనీ చేస్తోంది. ఆదివారం మున్సిపల్‌ పోలింగ్‌ జరగనున్న నేపథ్యంలో కూటమి దాష్టీకా లు మరింత శ్రుతిమించాయి. దాడులు, అరాచకాలతో పచ్చమూకలు పేట్రేగిపోతున్నాయి. అధికారపార్టీ ప్రోద్బలంతో ఖాకీలూ రెచ్చిపోతున్నారు. పొరుగుప్రాంతాల నుంచి టీడీపీ దిగుమతి చేసిన రౌడీలు, గూండాలు ఎన్నికలు జరిగే నగరాలు, పట్టణాల్లో పాగా వేశారు. పోలింగ్‌లో బూత్‌లను ఆధీనంలోకి తీసుకుని భారీగా రిగ్గింగ్‌కు పాల్పడా లని పథక రచన చేశారు. ఎవరైనా అడ్డొస్తే విధ్వంసకాండ సృష్టించేందుకు కుట్రపన్నారు. పోలీసులు వీరికి సహకరిస్తూ ప్రతిపక్ష నేతలపై బైండోవర్‌ కేసులు పెడుతున్నారు. దీనిపై ఇప్పటికే జిల్లాల్లో ఎన్నికల అధికారులకు, ఎస్పీలకు వైఎస్సార్‌సీపీ ఫిర్యాదు చేసింది. బెడిసికొట్టిన పచ్చ సీఐ కుతంత్రంతిరుపతి జిల్లా నాయుడు పేట అర్బన్‌ సీఐ వెంకటరమణ తన సిబ్బందితో వచ్చి వైఎస్సార్‌సీపీ ఎంపీటీసీ అభ్యర్థి ఇంట్లో మద్యం బాటిళ్లు పెడుతూ అడ్డంగా దొరికిపోయారు. మద్యం బాటిళ్లు తెచ్చి పెట్టి అభ్యర్థిపై కేసు పెట్టేందుకు చేసిన ఈ కుతంత్రం అంతా పార్కింగ్‌లో ఉన్న కెమెరాల్లో రికార్డవడంతో పన్నాగం బెడిసికొట్టింది. ప్రచారం చేస్తే కాళ్లూచేతులు విరిచేస్తా చిత్తూరు జిల్లా పలమనేరు మున్సిపాలిటీలో టీడీపీ నేతలు బరితెగించారు. 17వ వార్డు టీడీపీ ఇన్‌చార్జి రూపేష్‌ రాయల్‌ వైఎస్సార్‌సీపీ కార్యకర్త సోమశేఖర్‌రెడ్డికి ఫోన్‌ చేసి బెదిరించారు. వైఎస్సార్‌సీపీ తరఫున ప్రచారం చెయ్యొద్దని, కాదని ప్రచారం చేస్తే కాళ్లూచేతులు విరిచేస్తానని బెదిరింపులకు దిగారు. చెప్పుతో కొడతానని అవమానించారు. నిబంధనలు ‘స్లిప్‌’ చేశారు పెనుకొండలో యథేచ్ఛగా ఎన్నికల కోడ్‌ ఉల్లంఘన జరుగుతున్నా ఎన్నికల అధికారులకు కన్పించడంలేదు. ప్రచార సమయం ముగిసినా టీడీపీ కార్యకర్తలు సీరియల్‌ నంబర్లతో కూడిన స్లిప్పులు పంపిణీ చేస్తున్నారు. వైఎస్సార్‌సీపీ నాయకులు, కార్యకర్తలపై బైండోవర్‌ కేసులు నమోదు చేస్తున్న పోలీసులు ఎన్నికల కోడ్‌ ఉల్లంఘించిన టీడీపీ వాళ్ల విషయంలో ఎందుకు మౌనం వహిస్తున్నారని ప్రజలు ప్రశ్నిస్తున్నారు. ఎన్నికల నిబంధనలు ప్రతిపక్షానికి ఒకలా? అధికారపక్షానికి మరొకలా? ఉంటాయా? అని నిలదీస్తున్నారు. శ్రీ సత్యసాయి జిల్లా పెనుకొండ మున్సిపాలిటీ పరిధిలో ఎన్నికల ప్రచార సమయం ముగిసినప్పటికీ టీడీపీ స్లిప్‌లు పంపిణీ చేస్తోందని, పోలీసులు, అధికారులు చూసీచూడనట్టు వ్యవహరిస్తున్నారని వైఎస్సార్‌సీపీ నేతలు విమర్శించారు. వైఎస్సార్‌సీపీ నాయకులు, కార్యకర్తలపై బైండోవర్‌ కేసులు నమోదు చేస్తూ, మరోవైపు టీడీపీ కోడ్‌ ఉల్లంఘనకు పాల్పడుతున్నా పోలీసులు పట్టించుకోవడంలేదని ప్రతిపక్ష నేతలు ఆగ్రహం వ్యక్తం చేస్తున్నారు. పోలింగ్‌ స్టేషన్‌ వద్దే టీడీపీ ఫ్లెక్సీలు అనంతపురం వేణుగోపాల్‌ నగర్‌ పోలింగ్‌ స్టేషన్‌ వద్ద టీడీపీ అభ్యర్థి ఫ్లెక్సీలను ఏర్పాటు చేశారు. ఈ ఫ్లెక్సీలపై వైఎస్సార్‌సీపీ నేతలు ఫిర్యాదు చేసినా అధికారులు వాటిని తొలగించలేదు. అనంతపురం మున్సిపల్‌ కార్పొరేషన్‌ ఎన్నికల్లో టీడీపీ నేతల బరితెగింపునకు అధికారులు సహకరించడంపై ఓటర్లు మండిపడుతున్నారు. » శ్రీకాకుళం జిల్లా టెక్కలి నియోజకవర్గం సంతబొమ్మాళి మండలంలో వైఎస్సార్‌సీపీ ఎంపీటీసీ అభ్యర్థులు కల్లూరి పాపారావు, మల్ల నిర్మలరాజు, జగ్గారావులపై బైండోవర్‌ పేరుతో పోలీసులు బెదిరింపులకు దిగారు. మంత్రి అచ్చెన్నాయుడు ప్రోద్బలంతో పోలీస్‌ స్టేషన్‌కు పిలిచి రెండు రోజులుగా వేధిస్తున్నారు. సంతబొమ్మాళి పోలీస్‌ స్టేషన్‌లో వైఎస్సార్‌సీపీ కార్యకర్త కొన్న శ్రీరాములు అనారోగ్యంతో బాధపడుతున్నానని చెప్పినా వినని పోలీసులు కనీసం మందులు వేసుకోవడానికి, భోజనం చేయడానికి కూడా అనుమతించలేదు. అదేమని అడిగితే పోలీసులు బూతులు తిట్టారని శ్రీరాములు ఆవేదన వ్యక్తం చేశారు. » వైఎస్సార్‌ జిల్లా కడప జిల్లాలో పచ్చ మూకలు రిగ్గింగ్‌ కోసం రంగంలోకి దిగాయి. నగరంలోని సాయిపేటలో మకాం వేశాయి. దాడులు, రిగ్గింగ్‌ చేసేందుకు ఇతర ప్రాంతాల నుంచి రౌడీ మూకలను దించినట్టు సమాచారం. పులివెందులలో హింసా కాండకు టీడీపీ కార్యాలయం వెనుక కర్రలను సిద్ధం చేశాయి. మోటార్లు, పంపుసెట్లు ధ్వంసం కర్నూలు జిల్లా మంత్రాలయం మండలం మాధవరం గ్రామంలో టీడీపీ గూండాలు రెచ్చిపోయారు. స్థానిక సంస్థల ఎన్నికల్లో వైఎస్సార్‌సీపీ అభ్యర్థుల తరుపున ప్రచారం చేస్తున్న కురవ నాగరాజును టార్గెట్‌ చేశారు. నాగరాజుకు సంబంధించిన పొలంలో మోటార్లు, పంపు సెట్లు ధ్వంసం చేశారు. వాటి విలువ దాదాపు రూ.3 లక్షలు ఉంటుందని చెబుతున్నారు. దీంతో బాధితుడు నాగరాజుకు అండగా ఉంటామని వైఎస్సార్‌సీపీ నేతలు భరోసా ఇచ్చారు. బొల్లా బ్రహ్మనాయుడుపై పోలీస్‌ పచ్చప్రతాపం పల్నాడు జిల్లా వినుకొండలోని మాజీ ఎమ్మెల్యే బొల్లా బ్రహ్మనాయుడు ఇంటికి భారీ స్థాయిలో చేరుకున్న పోలీసులు పచ్చప్రతాపం చూపించారు. వినుకొండ నుంచి నరసరావుపేట వెళ్లిపోవాలని బ్రహ్మనాయుడుకు పోలీసులు నోటీసు ఇచ్చారు. ‘మా ఇంట్లో నేను ఉంటే ఎలా వెళ్లిపొమ్మంటారు’ అని పోలీసులను బ్రహ్మన్నాయుడు ప్రశ్నించారు. పోలీసుల వ్యవహారంపై తీవ్ర అసహనం వ్యక్తం చేశారు. అయినా వినకుండా భారీ ఎస్కార్ట్‌తో బొల్లాను నరసరావుపేటకు పోలీసులు తరలించారు. అయితే ఎమ్మెల్యే జీవీఎస్‌ ఆంజనేయులుకు మాత్రం పోలీసులు ఎలాంటి నోటీసు ఇవ్వలేదు. ఆయన వినుకొండలో ఉండి, యథేచ్ఛగా అక్రమాలకు పాల్పడేందుకు సహాయపడ్డారు. దీనిని వైఎస్సార్‌సీపీ శ్రేణులు తప్పుబడుతున్నాయి. తరలిస్తే రెండు పార్టీల వారినీ నరసరావుపేట తరలించాలిగానీ ఇలా పక్షపాతం చూపడం ఏమిటని ప్రశ్నిస్తున్నాయి. మంత్రి సత్యకుమార్‌ బెదిరింపుల పర్వంఅనంతపురం మునిసిపల్‌ కార్పొరేషన్‌లో బీజేపీ అభ్యర్థి కోసం మంత్రి సత్యకుమార్‌ అడ్డదారులు తొక్కుతున్నారు. డబ్బు, మద్యం, బెదిరింపులతో ఓటర్లను ప్రలోభాలకు గురి చేస్తున్నారు. అనంతపురం జిల్లా వ్యాప్తంగా శనివారం నుంచి ఓటర్లను ప్రలోభాలకు గురిచేసే చర్యలను కూటమి నేతలు విచ్చలవిడిగా చేపట్టినా పోలీసులు అటువైపు కన్నెత్తి చూడలేదు. దీంతోపాటు విజయవాడ, రాష్ట్రవ్యాప్తంగా ఉన్న నగరాలు, పట్టణాల్లోనూ ఓటర్లను ప్రలోభపెట్టేందుకు టీడీపీ కూటమి నేతలు యత్నిస్తున్నారు. ఓటుకు రూ.1,500 నుంచి రూ.2,000 వరకు డబ్బులు, మద్యం, మాంసం పంచుతున్నట్టు విమర్శలు వినిపిస్తున్నాయి.

సాక్షి, అమరావతి: స్థానిక సంస్థల ఎన్నికల నిర్వహణలో రాష్ట్ర ఎన్నికల కమిషన్‌ (ఎస్‌ఈసీ) పూర్తిగా విఫలమైందని, కనీసం పోలింగ్‌ కేంద్రాల్లో సీసీ కెమెరాలు పెట్టాలన్న సుప్రీం కోర్టు ఆదేశాలను కూడా లెక్కచేయడం లేదని వైఎస్సార్‌సీపీ ఎమ్మెల్సీ లేళ్ల అప్పిరెడ్డి, మాజీ ఎమ్మెల్యే మల్లాది విష్ణు, పార్టీ లీగల్‌ సెల్‌ అధ్యక్షుడు మలసాని మనోహర్‌ రెడ్డి మండిపడ్డారు. వారు శనివారం మరోసారి ఎస్‌ఈసీని కలిసి పోలింగ్‌ కేంద్రాల్లో సీసీ కెమెరాల ఏర్పాటు, పోలింగ్‌ రోజు నిరంతర వెబ్‌ క్యాస్టింగ్‌తో పాటు పలు అంశాలపై వినతిపత్రం సమర్పించారు. నామినేషన్ల ప్రక్రియ మొదలైన నాటి నుంచీ తాము చేస్తున్న ఫిర్యాదుల్ని పట్టించుకోని ఎస్‌ఈసీ.. ఆదివారం పోలింగ్‌ నిర్వహణలో కూడా విఫలమైతే మాత్రం న్యాయపోరాటం తప్పదని వైఎస్సార్‌సీపీ నేతలు హెచ్చరించారు. ఎవరి అండతో ఎస్‌ఈసీ ఈ విధంగా వ్యవహరిస్తోంది?ఎస్‌ఈసీని కలిసిన అనంతరం మల్లాది విష్ణు, మలసాని మనోహర్‌ రెడ్డితో కలిసి లేళ్ల అప్పిరెడ్డి మీడియాతో మాట్లాడుతూ... ‘ఈ ఎన్నికల్లో అధికార కూటమి అక్రమాలు, దౌర్జన్యాలపై దాదాపు ప్రతి రోజూ ఎస్‌ఈసీకి ఫిర్యాదులు చేస్తూనే ఉన్నాం. రెవెన్యూ, పోలీసు అధికారులు, రాష్ట్ర ఎన్నికల కమిషన్‌ వైఫల్యాలపైనా ఫిర్యాదులు చేస్తున్నాం. అయినా ఎలాంటి స్పందన లేదు. ఎస్‌ఈసీ కార్యాలయం కేవలం పోస్టాఫీసులా మారింది. ప్రజాస్వామ్యాన్ని కాపాడే స్వతంత్ర సంస్థలా లేదు. పోలింగ్‌ బూత్‌లలో సీసీ కెమెరాలు పెట్టాలని సుప్రీం కోర్టు చెప్పినా లెక్కచేయలేదు. ఎస్‌ఈసీ ఎవరి అండ చూసుకుని ఈ విధంగా ప్రవరిస్తున్నారు? కనీసం 7 వేల పోలింగ్‌ బూత్‌లలో కూడా సీసీ కెమెరాలు, వెబ్‌ క్యాస్టింగ్‌ లేవని అధికారులే చెప్తున్నారు. దేశంలో ఇంత అసమర్ధమైన ఎస్‌ఈసీని చూడలేదు. చివరి నిమిషంలో కోర్టు ఆదేశాలు వస్తే ఇప్పటికిప్పుడు సీసీ కెమెరాలు ఎలా పెట్టగలమని ఎస్‌ఈసీ ప్రైవేటు సంభాషణల్లో మాట్లాడు­తున్నారు. ఎస్‌ఈసీ మాట్లాడాల్సిన మాటలా ఇవి? ఈరోజు ప్రెస్‌ కాన్ఫరెన్స్‌లో పోలింగ్‌కు సంబంధించి కఠిన నిర్ణయాలు వెల్లడిస్తారని భావించాం. కానీ ఆయన ఆఫ్‌ ది రికార్డ్‌గా సీసీ కెమెరాలు పెట్టలేమని తేల్చేశారు. వెన్నుపోటు పార్టీకి చెందిన వారు ఏకగ్రీవంగా గెలిచారని ఎస్‌ఈసీ చెప్పడం ఏంటి? రాజ్యాంగ పదవిలో ఉన్న ఆయన కూడా పచ్చ చొక్కా వేసుకుంటే సరిపోతుంది. ఆదివారం జరిగే ఎన్నికల్లో రాష్ట్రంలో ఏ చిన్న ఘటన జరిగినా, దొంగ ఓట్లు వేసుకున్నా, రిగ్గింగ్‌ జరిగినా ఎస్‌ఈసీ పూర్తి బాధ్యత వహించాలి. ఎస్‌ఈసీపై న్యాయ­పోరాటానికి సిద్ధంగా ఉన్నాం. పదవిలో ఉన్నా, లేకున్నా వదిలిపెట్టేది లేదు’ అని స్పష్టం చేశారు.ఆ సర్క్యులర్‌ ఎందుకు బయటపెట్టరు? ‘ఏజెంట్లుగా ఫారాలు ఇచ్చిన వాళ్లను గంట ముందు పోలింగ్‌ కేంద్రాల్లో కూర్చొబెట్టాలన్న సర్క్యులర్‌ ఎందుకు ఇవ్వరు? అదే అడిగితే నిన్న చెప్పిన మాటే ఇవాళా చెప్పారు. బూత్‌ల ఆక్రమణ, రిగ్గింగ్‌ కోసం బయటి వ్యక్తులు వందల సంఖ్యలో నగరాలకు, పట్టణాలకు వచ్చి తిష్ట వేస్తున్నారు. వారిని బయటకు పంపమంటే వినిపించుకోరు. ఎప్పుడైనా రాజకీయ పార్టీల మధ్య ఎన్నికలు జరుగుతాయి. ఇప్పుడు ఏపీలో వైఎస్సార్‌సీపీ ఓవైపు టీడీపీతో, మరోవైపు పచ్చ చొక్కాలు వేసుకున్న రెవెన్యూ అధికారులు, ఎస్‌ఈసీతో పోరాడాల్సి వస్తోంది. దీనిపై ప్రజలు, ఓటర్లు విజ్ఞతతో ఆలోచించాలి. అధికారం అండ చూసుకుని దుర్మార్గాలకు పాల్పడుతున్న టీడీపీకి ఓటు అనే ఆయుధంతో బుద్ధి చెప్పాలి. ప్రజాస్వామ్య పునరుద్ధరణలో వైఎస్సార్‌సీపీకి అండగా నిలవాలి’ అని చెప్పారు.

సాక్షి, అమరావతి: స్థానిక సంస్థల ఎన్నికల నిర్వహణలో రాష్ట్ర ఎన్నికల కమిషన్‌ (ఎస్‌ఈసీ)ఘోర వైఫల్యంపై నేడు వైఎస్సార్‌సీపీ దేశ అత్యున్నత న్యాయస్థానం సుప్రీంకోర్టులో పిటిషన్‌ దాఖలు చేయనుంది. నామినేషన్ల నుంచి పోలింగ్‌ వరకు ప్రశాంత వాతావరణం కల్పించాలని స్పష్టమైన ఆదేశాలు జారీ చేసినా ఎస్‌ఈసీ పట్టించుకోలేదు. శాంతి భద్రతలకు తీవ్రంగా విఘాతం కలుగుతున్నా, చూసిచూడనట్లు వ్యవహరిస్తూ కోర్టు ఆదేశాలను ధిక్కరిస్తోంది. నామినేషన్లు దాఖలు చేయనివ్వక పోవడం, ఏకంగా ఆర్వోల చేతుల్లోంచే పత్రాలు లాక్కోవడం.. ఇవన్నీ ఎదుర్కొని నామినేషన్‌ దాఖలు చేసిన చోట పోలింగ్‌ సజావుగా జరిగేలా ఏమాత్రం చర్యలు తీసుకోవడం లేదని స్పష్టంగా తెలుస్తోంది. ఎన్నికలు జరిగే ప్రతి పోలింగ్‌ కేంద్రంలో సీసీ కెమెరాలు ఏర్పాటు చేయాలని, పోలింగ్‌ రోజు నిరంతర వెబ్‌ కాస్టింగ్‌ జరిగేలా చర్యలు తీసుకోవాలని సుప్రీంకోర్టు స్పష్టంగా ఆదేశాలిచ్చినా.. ఆ దిశగా ఎస్‌ఈసీ చర్యలు తీసుకోలేదు. ఆదివారం మున్సిపల్‌ ఎన్నికల పోలింగ్‌ జరుగుతున్న నేపథ్యంలో శనివారం రాత్రి పొద్దుపోయే సమయానికి కూడా చాలాచోట్ల సీసీ కెమెరాలు ఏర్పాటు చేయలేదు. కొన్నిచోట్ల సీసీ కెమెరాలు మొక్కుబడిగా ఏర్పాటు చేసినా, వాటిని కంప్యూటర్లకు అనుసంధానం చేయలేదు. పైకి మాత్రం అన్నీ చేస్తున్నట్లు కలరింగ్‌ ఇస్తూ సుప్రీంకోర్టునే తప్పుదోవ పట్టించేలా వ్యవహరిస్తోంది. వీటన్నింటిపై నేడు వైఎస్సార్‌సీపీ సుప్రీంకోర్టు దృష్టికి తీసుకెళ్లనుంది.

సాక్షి, అమరావతి: రాజకీయ పార్టీల అభ్యర్థులు పోలింగ్‌ కేంద్రాల్లో నియమించే పోలింగ్‌ ఏజెంట్ల అర్హతలు, నేపథ్యం తనిఖీ చేయడానికి ఎన్నికల ప్రక్రియలో ఎటువంటి నిబంధనలు లేవని రాష్ట్ర ఎన్నికల కమిషనర్‌ (ఎస్‌ఈసీ) అనిల్‌చంద్ర పునేఠ తెలిపారు. పరిశీలన పేరుతో పోలింగ్‌ ఏజెంట్లను ప్రిసైడింగ్‌ అధికారులు, పోలీసులు అడ్డుకోరాదని స్పష్టం చేశారు. మున్సిపల్‌ ఎన్నికలతో పాటు ఎంపీటీసీ, జెడ్పీటీసీ ఎన్నికల్లో పోలింగ్‌ ఏజెంట్ల నియామకంపై మరింత స్పష్టత ఇస్తూ శనివారం ఆయన ఆ­దేశాలు జారీచేశారు. అభ్య­ర్థులు పోలింగ్‌ కేంద్రాల్లో నియమించుకునే ఏజెంట్లను మార్చుకునే వెసులుబాటు ఉందని తెలిపారు. పోలింగ్‌ ఏజెంట్‌ను మార్చినప్పుడు, అందుకు సంబంధించిన నియామక, తొలగింపు ఫారాన్ని అభ్యర్థులు సంబంధిత ప్రిసైడింగ్‌ అధికారికి ఇవ్వాలని పేర్కొన్నారు. ఆ ఆదేశాల్లో మరికొన్ని అంశాలు..» పోలింగ్‌ ఏజెంట్‌గా నియమితులయ్యే వ్యక్తి అదే వార్డు లేదా ప్రాదేశిక నియోజకవర్గం పరిధిలోని అదే పోలింగ్‌ స్టేషన్‌కు లేదా పొరుగున ఉన్న పోలింగ్‌ స్టేషన్‌కు చెందిన ఓటరై ఉండాలి.» ఏజెంట్‌ వద్ద ఓటరు గుర్తింపు కార్డు లేదా రాష్ట్ర ఎన్నికల సంఘం ఆమోదించిన ఇతర గుర్తింపుపత్రం ఉండాలి. పోలింగ్‌ స్టేషన్‌లో, ప్రిసైడింగ్‌ అధికారి జారీచేసిన గుర్తింపు కార్డును కనిపించేలా ఉంచుకోవాలి. » ఒక అభ్యర్థి ఒక పోలింగ్‌ స్టేషన్‌లో ఒక పోలింగ్‌ ఏజెంట్‌ను, మరో ప్రత్యామ్నాయ ఏజెంట్‌ను మాత్రమే నియమించుకోవచ్చు. అయితే ఏ సమయంలోనైనా పోలింగ్‌ స్టేషన్‌ లోపల ఒక పోలింగ్‌ ఏజెంట్‌కు మాత్రమే అనుమతి ఉంటుంది. » మంత్రులు, ఎంపీలు, ఎమ్మెల్యేలు, ఎమ్మెల్సీలు, ప్రభుత్వ భద్రతతో ఉన్న వ్యక్తులను పోలింగ్‌ ఏజెంట్లుగా నియమించకూడదు. » పోలింగ్‌ ఏజెంట్లు ఓటింగ్‌ ప్రక్రియను గమనించేలా, ఓటర్లను గుర్తించేలా కూర్చోవాలి. అయితే ఓటింగ్‌ రహస్యానికి ఎటువంటి భంగం కలగకుండా చూసుకోవాలి. » పోలింగ్‌ ఏజెంట్లకు కూర్చునే స్థలాలను రాజ­కీయ పార్టీల ప్రాధాన్యత మేరకు కేటాయించాలి. తొలుత గుర్తింపు పొందిన జాతీయ పార్టీలు, ఆ తర్వాత గుర్తింపు పొందిన రాష్ట్ర పార్టీలు, తర్వాత ప్రత్యేక గుర్తులు కలిగిన నమోదిత రాజకీయ పార్టీలు, ప్రత్యేక గుర్తులు లేని నమోదిత రాజకీయ పార్టీలు, స్వతంత్ర అభ్యర్థుల ఏజెంట్లకు వరుస క్రమంలో సీట్లు కేటాయించాలి. రాజకీయ పార్టీల ప్రాతిపదికన కాకుండా నిర్వహించే గ్రామ పంచాయతీ ఎన్నికలకు ఈ నిబంధన వర్తించదు.» పోలింగ్‌ ఏజెంట్లు పోలింగ్‌ జరుగుతున్న సమయంలో ఎట్టి పరిస్థితుల్లోను తాము గుర్తించిన ఓటర్ల జాబితా ప్రతిని పోలింగ్‌ కేంద్రం బయటకు తీసుకెళ్లకూడదు. వారు పోలింగ్‌ కేంద్రం నుంచి బయటకు వెళ్లాలంటే, తమ వద్ద ఉన్న ఓటర్ల జాబితాలను ప్రిసైడింగ్‌ అధికారికి అప్పగించి, అనుమతితోనే వెళ్లాలి.శాంతిభద్రతలు, ప్రశాంత పోలింగ్‌కు ఏర్పాట్లు పూర్తిఓటర్లు స్వేచ్ఛగా తమ ఓటుహక్కును వినియోగించుకునేందుకు ముందుకు రావాలని ఎస్‌ఈసీ అనిల్‌చంద్ర పునేఠ పిలుపునిచ్చారు. ఆదివారం జరిగే మున్సిపల్‌ ఎన్నికలకు, నవంబర్‌ ఐదోతేదీ జరిగే మండల, జిల్లా పరిషత్‌ ఎన్నికలకు అన్ని ఏర్పాట్లు చేశామని చెప్పారు. శాంతిభద్రతల పరిరక్షణకు, ప్రశాంత ఎన్నికల నిర్వహణకు ఏర్పాట్లు చేసినట్టు పోలీసులు నివేదించారని తెలిపారు. పొలింగ్‌ రోజున ఎలాంటి ఘటనలు జరగకుండా అదనపు బలగాలు ఏర్పాటు చేస్తున్నామని, ఆయా అంశాలను డీజీపీ పర్యవేక్షిస్తున్నారని చెప్పారు.

విజయవాడ: స్థానిక సంస్థల ఎన్నికల ప్రక్రియలో భాగంగా రేపు(ఆదివారం, నవంబర్‌ 1వ తేదీ) జరిగే పోలింగ్‌కు సంబంధించి యాభై శాతం పోలింగ్‌ కేంద్రాల్లోనే రాష్ట్ర ఎన్నికల సంఘం(ఎస్‌ఈసీ) సీసీ కెమెరాలను ఏర్పాటు చేసింది. అన్ని పోలింగ్‌ కేంద్రాల్లోనూ సీసీ కెమెరాలు, వీడియో రికార్డింగ్‌లు ఉండాలని ఒకవైపు సుప్రీంకోర్టు ఆదేశించగా, అన్ని పోలింగ్‌ స్టేషన్లలో సీసీ కెమెరాలు ఏర్పాటు కష్టమని అంటోంది ఎస్‌ఈసీ. వైఎస్సార్‌సీపీ న్యాయపోరాటంలో భాగంగా సుప్రీంకోర్టు ఆదేశాలు జారీ చేసిన కొద్ది వ్యవధిలోనే ఎస్‌ఈసీ మీడియా ద్వారా ఓ ప్రకటన విడుదల చేసింది. అన్ని పోలింగ్‌ కేంద్రాల్లో సీసీ కెమెరాలు పెట్టలేమనే నిర్ణయాన్ని ఎస్‌ఈసీ అనిల్‌ చంద్ర పునెట స్పష్టం చేశారు. 5,737 పోలింగ్‌ స్టేషన్లలో 12 వేల కెమెరాలను ఏర్పాటు పెట్టినట్లు తెలిపారు. సీసీ కెమెరాల ఫుటేజ్‌ను భద్రపరుస్తామని పేర్కొన్నారు. ఇదీ చదవండి: ‘స్థానిక’ ఎన్నికలపై సుప్రీంకోర్టు కీలక ఆదేశాలు జారీ

సాక్షి, విజయవాడ: స్థానిక సంస్థల ఎన్నికల్లో పోటీ చేసే అభ్యర్థుల అఫిడవిట్లు ఆన్‌లైన్‌లో ఉంచుతున్నట్లు హైకోర్టుకు ఎస్‌ఈసీ నివేదించింది. ఈమేరకు ఆయా శాఖలకు ఆదేశాలు జారీ చేసినట్లు ఎస్‌ఈసీ అఫిడవిట్ దాఖలు చేసింది. స్థానిక సంస్థల ఎన్నికల్లో పోటీ చేసే అభ్యర్థుల నామినేషన్ పత్రాలు, అఫిడవిట్లను ఆన్‌లైన్‌లో ఉంచేలా ఆదేశాలు ఇవ్వాలని దాఖలైన పిటిషన్‌పై హైకోర్టు విచారణ జరిపింది.ఎస్‌ఈసీ.. హైకోర్టుకు నివేదించిన అఫిడవిట్‌లో అంశాలు..రాష్ట్ర ఎన్నికల సంఘం అధికారిక వెబ్‌సైట్‌లో ప్రత్యేక పోర్టల్ ఏర్పాటు చేయాలని ఆదేశాలు ఇచ్చామని.. పోర్టల్ ద్వారా మున్సిపల్, గ్రామీణ స్థానిక సంస్థల అభ్యర్థుల వివరాలు వీక్షించే అవకాశం ఉందని ఎస్‌ఈసీ పేర్కొంది. మేయర్లు, మున్సిపల్ చైర్‌పర్సన్లు,వార్డు సభ్యుల నామినేషన్ పత్రాలు ఆన్‌లైన్‌లో అప్‌లోడ్ చేయాలని చెప్పామన్న ఎస్‌ఈసీ.. ఎంపీటీసీ, జడ్పీటీసీ, సర్పంచ్ అభ్యర్థుల నామినేషన్ పత్రాలు, సెల్ఫ్ అఫిడవిట్లు కూడా వెబ్‌సైట్‌లో ఉంచాలని సూచించాం. పోలింగ్ తేదీకి ముందుగానే అభ్యర్థుల వివరాలు ప్రజలకు అందుబాటులో ఉంచాలని చెప్పామని తెలిపింది.భారీ స్థాయిలో ఉండే డేటా దృష్ట్యా పీఆర్‌ అండ్‌ ఆర్‌డీ, మున్సిపల్ శాఖల అధికారిక వెబ్‌సైట్ల ద్వారా సమాచారం అందించేలా ఏర్పాట్లు చేయాలని ఆదేశించాం. సంబంధిత శాఖల వెబ్‌సైట్లకు రాష్ట్ర ఎన్నికల సంఘం వెబ్‌సైట్ నుంచి లింకులు. నామినేషన్ పత్రాలు, అఫిడవిట్లను ఎప్పటికప్పుడు అప్‌డేట్ చేయాలని సూచించామని ఎస్‌ఈసీ తెలిపింది.. ఈ మేరకు పీఆర్‌ అండ్‌ ఆర్‌డీ, మున్సిపల్ శాఖల కమిషనర్లకు రాష్ట్ర ఎన్నికల సంఘం లేఖ రాసింది.ఇదీ చదవండి: కూటమి ఓటమికి రె‘బెల్స్‌’

సాక్షి,విజయవాడ: రాష్ట్రంలో ఉత్కంఠ రేపుతున్న స్థానిక సంస్థల ఎన్నికల పోలింగ్‌, కౌంటింగ్‌ తేదీల్లో రాష్ట్ర ఎన్నికల సంఘం మార్పులు చేసింది. ఈ మేరకు బుధవారం జరిగిన అత్యున్నత స్థాయి సమావేశంలో ఎన్నికల కమిషనర్ అనిల్ చంద్ర పునేఠ కీలక నిర్ణయాలు తీసుకున్నారు.కొత్త షెడ్యూల్ వివరాలు:ఎంపీటీసీ, జెడ్పీటీసీ పోలింగ్‌: నవంబర్‌ 5న నిర్వహించనున్నారుకౌంటింగ్‌ తేదీ: నవంబర్‌ 7న ఓట్ల లెక్కింపు జరగనుంది.మున్సిపల్ ఎన్నికల కౌంటింగ్ నవంబర్‌ 3న ఉండటంతో.. ఒకే సమయంలో ఎన్నికల నిర్వహణ, పోలీస్‌ సిబ్బంది కొరత వంటి పరిపాలనా పరమైన ఇబ్బందులు తలెత్తకుండా ఈ నిర్ణయం తీసుకున్నారు.మున్సిపల్ ఎన్నికల షెడ్యూల్ యథాతథం పట్టణ స్థానిక సంస్థల (మున్సిపల్) ఎన్నికల పోలింగ్‌ తేదీలను ఇటీవల అక్టోబర్ 28 నుంచి నవంబర్ 1వ తేదీకి, ఓట్ల లెక్కింపును అక్టోబర్ 30 నుంచి నవంబర్ 3వ తేదీకి మార్చిన విషయం తెలిసిందే. ఈ మున్సిపల్ ఎన్నికల పోలింగ్ యథావిధిగా నవంబర్‌ 1న జరగనుండగా, నవంబర్‌ 3న ఫలితాలు విడుదలవుతాయని రాష్ట్ర ఎన్నికల సంఘం స్పష్టం చేసింది.ఇదీ చదవండి : మీరేం ఎస్‌ఈసీ!

సాక్షి, అమరావతి: స్థానిక సంస్థల ఎన్నికల్లో అధికార పార్టీ అక్రమాలు, దౌర్జన్యాలకు అడ్డుకట్ట వేసి, ప్రజాస్వామ్యాన్ని పరిరక్షించడంలో రాష్ట్ర ఎన్నికల కమిషన్‌ విఫలమైందని వైఎస్సార్‌సీపీ నేతలు మండిపడ్డారు. అయినా, ప్రజాస్వామ్య పరిరక్షణకు వైఎస్సార్‌సీపీ పోరాటం ఆగదని స్పష్టం చేశారు. ప్రజాస్వామ్య విలువలు, ఎన్నికల నిబంధనలు ఉల్లంఘనకు గురవుతున్నాయని పేర్కొంటూ వైఎస్సార్‌సీపీ నేతలు ఎమ్మెల్సీ లేళ్ల అప్పిరెడ్డి, మాజీ ఎమ్మెల్యే టీజేఆర్‌ సుధాకర్‌బాబు, పార్టీ లీగల్‌ సెల్‌ రాష్ట్ర అధ్యక్షుడు మలసాని మనోహర్‌రెడ్డి, ఎస్సీ సెల్‌ వర్కింగ్‌ ప్రెసిడెంట్‌ యోనా రాజు తదితరులు రాష్ట్ర ఎన్నికల కమిషనర్‌ అనిల్‌చంద్ర పునేఠకు సోమవారం ఫిర్యాదు చేశారు. ఎన్నికల ప్రక్రియలో అభ్యర్థుల హక్కులకు భంగం కలుగుతున్న తీరును ఎస్‌ఈసీ దృష్టికి తీసుకెళ్లారు. అధికార పార్టీ అండతో ఎన్నికల అక్రమాలు, నామినేషన్ల తిరస్కరణలు, అభ్యర్థులకు బెదిరింపులు, పోలీసుల దౌర్జన్యాలను వివరించారు. రాజకీయ పార్టీలతోనే కాకుండా, నిర్వీర్యమవుతున్న వ్యవస్థలు, బాధ్యతలను విస్మరిస్తున్న రాష్ట్ర ఎన్నికల కమిషన్‌తోనూ పోరాడాల్సిన పరిస్థితి ఏర్పడిందని చెప్పారు. ఎస్‌ఈసీ తన బాధ్యతలను సమర్థంగా నిర్వర్తించకపోయినా ప్రజాస్వామ్య పరిరక్షణ కోసం, అభ్యర్థుల హక్కులు, ప్రజల ఓటు హక్కు, రాజ్యాంగ విలువలను కాపాడేందుకు రాజకీయంగా, న్యాయపరంగా పోరాటాన్ని కొనసాగిస్తామని తేల్చిచెప్పారు. సుప్రీం కోర్టు ఆదేశాలనూ అధికారులు పట్టించుకోవడంలేదు అనంతరం ఎస్‌ఈసీ కార్యాలయం వద్ద నేతలు మీడియాతో మాట్లాడుతూ.. స్థానిక సంస్థల ఎన్నికల్లో అధికార పార్టీ నామినేషన్ల దశ నుంచే అక్రమాలకు పాల్పడుతోందని ఎమ్మెల్సీ లేళ్ల అప్పిరెడ్డి చెప్పారు. చంద్రగిరిలో తమ పార్టీకి చెందిన 142 నామినేషన్లు తిరస్కరణకు గురయ్యాయన్నారు. కందుకూరుతో పాటు అనేక ప్రాంతాల్లోనూ ఇదే పరిస్థితి ఉందన్నారు. అవసరం లేని ధ్రువపత్రాలను సాకుగా చూపి నామినేషన్లు తిరస్కరిస్తున్నారని మండిపడ్డారు. అప్పీళ్లలోనూ అభ్యర్థుల వాదనలు వినడం లేదని, సుప్రీంకోర్టు, హైకోర్టు ఆదేశాలను సైతం పట్టించుకోవడంలేదని చెప్పారు. పోలీసు, రెవెన్యూ అధికారుల్లో కొందరు అధికార పార్టీకి అనుకూలంగా వ్యవహరిస్తూ అభ్యర్థులను బెదిరించడం, అక్రమంగా అరెస్టులు చేయడం, నామినేషన్‌ పత్రాలను చించేయడం వంటి చర్యలకు పాల్పడుతున్నారన్నారు. నకిరికల్లు జెడ్పీటీసీ అభ్యర్థి కందుల హనుమాయమ్మ భర్త లక్ష్మారెడ్డిని పోలీసులు తీసుకెళ్లి ఎక్కడ ఉంచారో కూడా చెప్పడంలేదని తెలిపారు. ఇలా అనేకానేక అక్రమాలకు పాల్పడుతున్నారని తెలిపారు. ఎన్నికల కమిషన్‌ నిబంధనలను అధికారులు అమలు చేయడం లేదు అని చెప్పారు. వైఎస్సార్‌సీపీ పేరుతో సంబంధం లేని వ్యక్తులు నామినేషన్లు వేయడం, రాజకీయ పార్టీల గుర్తులు లేకుండా బ్యాలెట్‌ పత్రాలు రూపొందించాలనే సర్క్యులర్‌ వంటి అంశాలపై సమాధానం చెప్పాల్సి ఉందన్నారు. ఎస్‌ఈసీ న్యాయం చేయకపోతే సుప్రీంకోర్టును ఆశ్రయిస్తామని చెప్పారు. మాజీ ఎమ్మెల్యే టీజేఆర్‌ సుధాకర్‌బాబు మాట్లాడుతూ.. ఈ నెల 13 నుంచి పలుమార్లు రాష్ట్ర ఎన్నికల కమిషన్‌ను కలిసి వినతిపత్రాలు ఇచ్చి, ఎన్నికల్లో జరుగుతున్న అక్రమాలపై అభ్యంతరాలను తెలియజేస్తున్నామని, అయినా ఎటువంటి చర్యలు లేవని తెలిపారు. చివరకు వార్డు మెంబర్‌ ఎన్నికలను కూడా చంద్రబాబు ప్రభుత్వం రాజకీయ కక్ష సాధింపులకు వాడుకుంటూ జాతీయ స్థాయిలో ఆంధ్రప్రదేశ్‌ పరువును దెబ్బతీస్తోందన్నారు. ఒక వ్యక్తి, ఒక కుటుంబం ప్రయోజనాల కోసం ప్రజాస్వామ్య వ్యవస్థలను పక్కదారి పట్టించడం సమంజసం కాదని చెప్పారు.

సాక్షి, అమరావతి: స్థానిక సంస్థల ఎన్నికల్లో అక్రమాలకు అంతే లేకుండా పోయింది. రోజుకో అరాచకం, అక్రమం వెలుగు చూస్తోంది. ప్రభుత్వ పెద్దల ఒత్తిడితో ఎన్నికల అధికారులు అభ్యర్థుల నామినేషన్లు సైతం తారుమారు చేశారు. కూటమి పార్టీల ఏకగ్రీవాల కోసం ఎన్నికల అధికారులు ప్రభుత్వ పెద్దలు చెప్పినట్టే నడుచుకున్నారు. నగరి మున్సిపాలిటీలో వైఎస్సార్‌సీపీ తరుఫున చైర్మన్‌ అభ్యర్థిగా ఈవీ బాలకృష్ణన్‌ వేసిన నామినేషన్‌ను అధికారులు తారుమారు చేశారు. నామినేషన్ల పరిశీలనలో ఆయన నామినేషన్‌ ఆమోదించినట్టు ఈ నెల 19న లేఖ కూడా ఇచ్చిన అధికారులు.. అదే రోజు పరిశీలన కార్యక్రమం ముగిశాక.. జాబితా ఫారం–4లో మాత్రం ఆయన పేరును ప్రకటించలేదు. నామినేషన్లు ముగిసిన 18వ తేదీ నాటికి ఆ మున్సిపాలిటీలో మొత్తం 19 మంది అభ్యర్థులు చైర్మన్‌ పదవికి పోటీలో ఉండగా, పరిశీలన అనంతరం కేవలం తెలుగుదేశం పార్టీ అభ్యర్థి నామినేషన్‌ మాత్రమే చెల్లుబాటు అయినట్లుగా చూపారు. అదే రోజు ఈ విషయంపై వైఎస్సార్‌సీపీ నేతలు అభ్యంతరం తెలిపినా ప్రభుత్వ పెద్దల సూచనతో అధికారులు ఏమాత్రం పట్టించుకోలేదు. మున్సిపల్‌ ఎన్నికల నామినేషన్ల ఉపసంహరణ అనంతరం రాష్ట్ర ఎన్నికల కమిషన్‌ మొత్తం 87 మున్సిపాలిటీల్లో 17 చోట్ల అధికార కూటమి పార్టీల చైర్మన్‌ అభ్యర్థులు ఏకగ్రీవంగా గెలిచినట్టు ప్రకటించింది. నగరి మున్సిపాలిటీ వైఎస్సార్‌సీపీ చైర్మన్‌ అభ్యర్థి ఈవీ బాలకృష్ణన్‌ నామినేషన్‌ను ఆమోదించినట్లు అధికారులు ఇచ్చిన లేఖ టీడీపీ 15, జనసేన, బీజేపీలు చెరొకటి చొప్పున గెలిచినట్టు ప్రకటించారు. ఎన్నికలు జరుగుతున్న 13 నగర కార్పొరేషన్లలో మొత్తం 922 వార్డుల్లో 117 వార్డులు ఏకగ్రీవమైనట్టు ప్రకటించిన రాష్ట్ర ఎన్నికల కమిషన్‌.. అందులో టీడీపీ 110 చోట్ల, బీజేపీ, జనసేనలు మూడేసి చోట్ల ఏకగ్రీవంగా గెలిచినట్టు పేర్కొంది. ఎన్నికలు జరిగే 87 మున్సిపాలిటీల్లో మొత్తం 3,020 వార్డులకు గాను 602 చోట్ల ఏకగ్రీవాలైనట్లు పేర్కొన్న రాష్ట్ర ఎన్నికల కమిషన్‌.. అందులో 512 చోట్ల టీడీపీ, 36 చోట్ల జనసేన, 27 చోట్ల బీజేపీ, 18 చోట్ల వైఎఎస్సార్‌సీపీ, తొమ్మిది చోట్ల ఇతరులు ఏకగ్రీవమైనట్టు ప్రకటించింది. చివరకు టీడీపీ అభ్యర్థి నామినేషన్‌ మాత్రమే చెల్లుబాటు అయినట్లుగా అధికారులు ఇచ్చిన ప్రకటన దేశమంతా చూసినా కళ్లు మూసుకున్న ఎస్‌ఈసీ మున్సిపల్‌ ఎన్నికల నామినేషన్ల ప్రక్రియలో అధికార పార్టీ గూండాలు భారీ సంఖ్యలో నామినేషన్ల కేంద్రాల్లో.. ఆ చుట్టు పక్కల మోహరించి, ప్రతిపక్ష పార్టీల అభ్యర్థులు నామినేష్లన్లు వేసే పరిస్థితి లేకుండా తీవ్ర హింసాత్మక ఘటనలకు పాల్పడటం తెలిసిందే. ఈ దుర్మార్గాలన్నింటిలో పోలీసులు, అధికారులు ప్రేక్షక పాత్రకే పరిమితమవ్వడమూ విదితమే. పలు చోట్ల వైఎస్సార్‌సీపీ అభ్యర్థుల నామినేషన్‌ పత్రాలు లాక్కొని చింపేసిన దృశ్యాలు పలు టీవీ చానళ్లలో ప్రసారం అయ్యాయి. అయినా ఎస్‌ఈసీ ఏమాత్రం స్పందించక పోవడం ప్రజలను ఆశ్చర్యానికి గురిచేసింది. కడప కార్పోరేషన్‌ పరిధిలోనే నామినేషన్‌ దాఖలు చేయడానికి వెళ్లిన బీజేపీ ఎస్సీ మోర్చా రాష్ట్ర అధ్యక్షుడు పనతల సురేష్‌పై సైతం టీడీపీ గూండాలు దాడి చేసి నామినేషన్లు వేయకుండా అడ్డుకున్నారు. ఇలా అడ్డంకులు అధిగమించి నామినేషన్లు దాఖలు చేసిన వారిని సైతం అధికార పార్టీ గూండాలు బెదిరించి పలువురి నామినేషన్లను ఉపసంహరింపజేశారు. ఇంకొన్ని చోట్ల వైఎస్సార్‌సీపీ అభ్యర్థుల స్థానంలో టీడీపీ నేతలే నామినేషన్లు వేసి.. తర్వాత ఉపసంహరించుకుని ఏకగ్రీవం చేసుకోవడం రాష్ట్ర ఎన్నికల చరిత్రలో సరికొత్త నీచ అంకం. 87 మున్సిపాలిటీలలో 361 నామినేషన్లు ఉపసంహరించుకోగా, అందులో చైర్మన్‌ పదవులు ఏకగ్రీవం అయిన 17 మున్సిపాలిటీల్లోనే 81 ఉండటం గమనార్హం.దౌర్జన్యం చేసి.. బెదిరించి..» పల్నాడు జిల్లా పిడుగురాళ్ల, దాచేపల్లి, గురజాల మున్సిపాలిటీల్లో చైర్మన్‌ పదవులు ఏకగ్రీవం కాగా, ఆయా చోట్ల నామినేషన్‌ దాఖలు సమయంలో వందల మంది అధికార పార్టీ గూండాలు నామినేషన్ల కేంద్రాల్లో తిష్టవేసి పేట్రేగిపోయారు. వైఎస్సార్‌సీపీ అభ్యర్థులను నామినేషన్లు వేయనీయకుండా భయభ్రాంతులకు గురి చేశారు. ఈ గూండాగిరిని పోలీసులు చోద్యం చూశారు. » వైఎస్సార్‌ కడప జిల్లాలో మాజీ ముఖ్యమంత్రి వైఎస్‌ జగన్‌మోహన్‌రెడ్డి సొంత నియోజకవర్గంలోని పులివెందులలో నామినేషన్లు వేయడానికి వెళ్లే అభ్యర్థుల కార్లపై పోలీసులే దాడులు చేయడం, కాల్పులు జరపడంతో వైఎస్సార్‌సీపీ అభ్యర్థులు 20 వార్డులకు నామినేషన్లు దాఖలు చేయలేని పరిస్థితి.» మైదుకూరు మున్సిపాలిటీలో వైఎస్సార్‌సీపీ వాళ్లను నామినేషన్లు వేయనీయకుండా అడ్డుకున్న అధికార పార్టీ గూండాలు.. వైఎస్సార్‌సీపీ అభ్యర్థులు కూడా నామినేషన్లు దాఖలు చేసినట్టు ఫేక్‌ డ్రామా ఆడారు. మైదుకూరు చైర్మన్‌ పదవికి టీడీపీ నాయకులే వైఎస్సార్‌సీపీ తరుఫున ఫేక్‌ నామినేషన్లు వేసి, తర్వాత వాటిని ఉపసంహరించుకోవడంతో అక్కడ చైర్మన్‌ పదవి ఏకగ్రీవమైంది. ఎర్రగుంట్ల మున్సిపాలిటీలో సైతం పోలీసులను అడ్డంపెట్టుకొని అధికార కూటమి పార్టీ గూండాలు వైఎస్సార్‌సీపీ అభ్యర్థులు నామినేషన్లు వేయకుండా అడ్డుకోవడంతో ఆ స్థానం ఏకగ్రీవ జాబితాలోకి వెళ్లింది. » బద్వేలు, ప్రొద్దుటూరు, రాజంపేట మున్సిపాలిటీల్లో వైఎస్సార్‌సీపీ అభ్యర్థులు చైర్మన్‌ పదవికి నామినేషన్లు దాఖలు చేసినప్పటికీ.. అధికార పార్టీ నేతల ఒత్తిళ్లతో అధికారులు అవి చెల్లుబాటు కావని ప్రకటించడంతో ఆ మూడు చోట్ల చైర్మన్‌ పదవులు ఏకగ్రీవమయ్యాయి. » నంద్యాల జిల్లా ఆత్మకూరు, ఆ«ళ్లగడ్డ మున్సిపాలిటీల్లో చైర్మన్‌ పదవులకు నామినేషన్లు దాఖలు చేసిన వారిని అధికార పార్టీ గూండాలు బెదిరించి బలవంతంగా ఉపసంహరింపజేశారు. » ప్రకాశం జిల్లా దర్శిలో జనసేనకు కేటాయించిన సీట్లలో అధికార తెలుగుదేశం ఇన్‌చార్జి తనకు అనుకూల వ్యక్తినే పోటీలో ఉంచి.. ఇతరులెవ్వరూ నామినేషన్‌ వేయకుండా రౌడీలను దించి అడ్డుకున్నాడు. కనిగిరి మున్సిపాలిటీలో వైఎస్సార్‌సీపీ అభ్యర్థి నామినేషన్‌ దాఖలు చేసినప్పటికీ, దానిని చెల్లుబాటు కాకుండా అడ్డుకున్నారు. అనంతపురం జిల్లా గుత్తిలోనూ ఇదే దౌర్జన్యంతో వైఎస్సార్‌సీపీ అభ్యర్థిని రంగంలో లేకుండా చేశారు.

చిలకలూరిపేట: మాజీ మంత్రి విడదల రజినిపై దౌర్జన్యానికి పాల్పడిన చిలకలూరిపేట రూరల్‌ ఎస్‌ఐ కె . లేఖా ప్రియాంకపై ఎస్‌ఈసీ శాఖాపరమైన చర్యలకు ఆదేశించింది. శుక్రవారం జరిగిన సంఘటన గురించి మీడియా ద్వారా తెలుసుకున్న ఎన్నికల సంఘం సంబంధిత ఎస్‌ఐపై శాఖాపరమైన చర్యలు తీసుకోవాలని పల్నాడు జిల్లా ఎస్పీని ఆదేశించింది. ఈ నేపథ్యంలో ఎస్‌ఐను ఎన్నికల విధులతోపాటు అన్ని విధుల నుంచి కూడా ఎస్పీ తప్పించారు. ఆమెను వీఆర్‌కు పంపినట్లు సమాచారం.

సాక్షి, అమరావతి: వైఎస్సార్‌ జిల్లా, పులివెందుల డీఎస్‌పీ మురళీ నాయక్‌ను ఎన్నికల విధుల నుంచి తప్పించబోమని రాష్ట్ర ఎన్నికల సంఘం (ఎస్‌ఈసీ) తెలపడంతో, ఈ నిర్ణయానికి గల కారణాలను అఫిడవిట్‌ రూపంలో తెలియజేయాలని హై­కోర్టు ఆదేశించింది. తదుపరి విచారణను సోమ­వారానికి వాయిదా వేసింది. ఈ మేరకు న్యాయమూర్తి జస్టిస్‌ చింతలపూడి పురుషోత్తంకుమార్‌ శుక్రవారం ఉత్తర్వులు జారీ చేశారు. మురళీనాయక్‌ డీఎస్‌పీగా ఉంటే స్థానిక ఎన్నికలు స్వేచ్ఛగా జరిగే అవకాశమే లేనందున, ఆయనను బదిలీ చేయాలని కోరుతూ ఈ నెల 19న సమర్పించిన వినతిపత్రంపై ఎస్‌ఈసీ ఎలాంటి చర్యలు తీసుకోవడం లేదని పేర్కొంటూ కడప ఎంపీ వైఎస్‌ అవినాష్‌రెడ్డి హైకోర్టును ఆశ్రయించిన సంగతి తెలి­సిందే. ఎన్నికల్లో అధికార పార్టీ నేతలతో కుమ్మక్కై వైఎస్సార్‌సీపీ నేతలే లక్ష్యంగా తప్పుడు కేసు­లు పెడుతూ డీఎస్‌పీ ఇబ్బందులు పెడుతున్నా­రని వైఎస్‌ అవినాష్‌రెడ్డి కోర్టుకు విన్నవించారు. 2025 ఆగస్టు 12 న జరిగిన పులివెందుల జెడ్పీటీసీ ఉప ఎన్నిక సమయంలోనూ నాయక్‌ అధికార తెలుగుదేశం పార్టీకి అనుకూలంగా పక్షపాత ధోరణితో వ్యవహరించారని వైఎస్‌ అవినాష్‌ రెడ్డి తరఫు న్యాయవాది వీఆర్‌రెడ్డి కొవ్వూరి హైకోర్టుకు విన్నవించారు. డీఎస్‌పీని ఎన్నికల విధుల నుంచి తప్పించేలా చర్యలు తీసుకోవాలని అభ్యర్థించారు. విచారణ క్రమంలో తాజాగా శుక్రవారం ఈ పిటిషన్‌ కోర్టు ముందుకు వచ్చినప్పుడు ఎన్నికల సంఘం తరఫు న్యాయవాది నర్సీపట్నం అశ్వినీకుమార్‌ వాదనలు వినిపిస్తూ క్షేత్రస్థాయిలో పరిస్థితులపై ఉన్నతాధికారుల నుంచి నివేదిక తెప్పించుకుని, దానిని పరిశీలించిన అనంతరం నాయక్‌ను తొలగించాల్సిన అవసరం లేదని నిర్ణయించినట్లు తెలిపారు.

సాక్షి, అమరావతి: ఎంపీటీసీ, జెడ్పీటీసీ ఎన్నికల్లో నామినేషన్లు వేయకుండా వైఎస్సార్‌సీపీ అభ్యర్థులను అటు అధికార పార్టీ నేతలు, ఇటు పోలీసులు అడ్డుకున్న నేపథ్యంలో వైఎస్సార్‌సీపీ మరోసారి న్యాయ పోరాటానికి దిగింది. నామినేషన్లు వేయకుండా అభ్యర్థులను అడ్డుకున్న జిల్లాల్లో నామినేషన్ల గడువును కనీసం 48 గంటలు పొడిగించేలా రాష్ట్ర ఎన్నికల సంఘాన్ని (ఎస్‌ఈసీ) ఆదేశించాలని కోరుతూ వైఎస్సార్‌ కాంగ్రెస్‌ పార్టీ శుక్రవారం అత్యవసర లంచ్‌మోషన్‌ పిటిషన్‌ దాఖలు చేసింది. అంతేకాక దాడులు, బెదిరింపులు, నామినేషన్‌ పత్రాల ధ్వంసానికి పాల్పడిన వారిపై రాజకీయ పార్టీలతో సంబంధం లేకుండా వెంటనే కేసులు నమోదు చేసి దర్యాప్తు చేసేలా పోలీసులను ఆదేశించాలని అభ్యర్థించింది. ఈ వ్యాజ్యంపై విచారణ జరిపిన న్యాయమూర్తి జస్టిస్‌ గంధం సునీత తదుపరి విచారణను సోమవారానికి వాయిదా వేశారు. అంతక్రితం వైఎస్సార్‌సీపీ తరఫున సీనియర్‌ న్యాయవాది సుబ్రమణ్య శ్రీరామ్‌ వాదనలు వినిపిస్తూ, ‘ఇక ఎన్నికలు సక్రమంగా జరిగేలా చూడాల్సిన రాష్ట్ర ఎన్నికల సంఘం తన విధి నిర్వహణలో దారుణంగా విఫలమైంది. ఎన్నికల సంఘం సక్రమంగా విధులు నిర్వర్తిస్తే మేము కోర్టుకు రావాల్సిన పని లేదు. నామినేషన్లు దాఖలు చేసే విషయంలో న్యాయ పోరాటం చేయాల్సిన పరిస్థితి వచ్చిందంటే, రాష్ట్రంలో పరిస్థితులు ఎలా ఉన్నాయో అర్థం చేసుకోవాలి. వైఎస్సార్‌సీపీ అభ్యర్థులు దాఖలు చేసిన నామినేషన్లను అధికార పార్టీ నేతలు ఇతర వ్యక్తులతో ఉపసంహరింపజేసిన ఘటనలూ ఉన్నాయి. దీనిపై ఫిర్యాదు చేసినా ఎన్నికల సంఘం పట్టించుకోవడం లేదు. ఏకగ్రీవాల కోసం అధికార పార్టీ బరి తెగించి వ్యవహరిస్తోంది’ అని కోర్టుకు వివరించారు. పోలీసులు కోర్టుకు ‘దృశ్యం–3’ సినిమా చూపిస్తున్నారు అధికార పార్టీ నేతలతో పోలీసులు కుమ్మక్కై నామినేషన్లు దాఖలు చేయనివ్వకుండా అడ్డుకుంటున్నారు. ఇందుకు సంబంధించిన ఫోటోలు, వీడియోలు ఉన్నాయి. వాటిని పరిశీలిస్తే క్షేత్రస్థాయిలో ఏం జరుగుతుందో స్పష్టంగా తెలుస్తుంది. పోలీసులు పక్షపాత వైఖరితో అధికార పార్టీకి అనుకూలంగా చేయాల్సిందంతా చేస్తూ, తమకేమీ తెలియదని కోర్టుకు చెబుతున్నారు. కోర్టుకు ‘దృశ్యం–3’ సినిమా చూపిస్తున్నారు. – వైఎస్సార్‌సీపీ తరఫున సీనియర్‌ న్యాయవాది సుబ్రమణ్య శ్రీరామ్‌ వాదనలు

సాక్షి, అమరావతి: సుప్రీం కోర్టు మధ్యంతర ఉత్తర్వులను రాష్ట్ర ఎన్నికల కమిషనర్‌ అపహాస్యం చేశారు. స్థానిక సంస్థల ఎన్నికలకు స్వేచ్ఛాయుత వాతావరణం ఎలాగూ లేదు. కనీసం పారదర్శకతను కూడా రాష్ట్ర ఎన్నికల కమిషనర్‌ (ఎస్‌ఈసీ) పట్టించుకోవడం లేదన్నది మరోసారి బట్టబయలైంది. మున్సిపల్‌ ఎన్నికల నామినేషన్ల అక్రమాలపై సుప్రీంకోర్టు ప్రాథమిక ఆధారాలుగా పేర్కొన్న వాటిని లెక్కచేయకుండా ఎస్‌ఈసీ అనిల్‌ చంద్ర పునేఠ నిర్ణయం ప్రకటించారు. అధికార టీడీపీ రాజకీయ ప్రయోజనాలను కాపాడేందుకు అత్యున్నత న్యాయస్థానమైన సుప్రీం కోర్టు ఉత్తర్వులను సైతం ఎస్‌ఈసీ పునేఠ తుంగలో తొక్కేశారు. మైదుకూరు మున్సిపల్‌ ఎన్నికలను ఎస్‌ఈసీ ముందుగానే వాయిదా వేసింది. ఆ పట్టణంలోని 32 వార్డులతో సహా కడప కార్పొరేషన్‌లో 11, తిరుపతి కార్పొరేషన్‌లో 18 డివిజన్‌లు, రాజంపేట మున్సిపాల్టీలో 11 వార్డులు కలిపి మొత్తం 72 వార్డులకే మళ్లీ నామినేషన్లు వేసేందుకు వీలు కల్పిస్తూ ఎస్‌ఈసీ ఉత్తర్వులు జారీ చేయడంపై సర్వత్రా విస్మయం వ్యక్తమవుతోంది. మున్సిపల్‌ ఎన్నికల్లో అక్రమాలకు సంబంధించి వైఎస్సార్‌సీపీ అన్ని ఆధారాలతో కోర్టు వచ్చిందని సుప్రీం కోర్టు వ్యాఖ్యానించిన తర్వాత కూడా అత్యున్నత న్యాయస్థానం అభిప్రాయాన్ని రాష్ట్ర ఎన్నికల కమిషన్‌ పరిగణనలోకే తీసుకోలేదని నిఫుణులు పేర్కొంటున్నారు.వైఎస్సార్‌సీపీ దాఖలు చేసిన పిటిషన్‌లో ‘కార్పొరేషన్, మున్సిపల్‌ ఎన్నికలలో మొత్తం 19 చోట్ల నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలు కోర్టు ముందుంచారు’ అని సుప్రీంకోర్టు వ్యాఖ్యలు చేసింది. సుప్రీంకోర్టు గుర్తించిన ఆధారాలను కూడా పరిగణనలోకి తీసుకోకుండా నిర్ణయం ప్రకటించడం రాష్ట్ర ఎన్నికల కమిషన్‌ ఏకపక్ష ధోరణిని తెలియజేస్తుందని రాజకీయ వర్గాల్లో చర్చ సాగుతోంది. వైఎస్సార్‌సీపీ, ఇతరులు ఇచ్చిన ఫిర్యాదులను, ఆధారాలను పరిశీలించండి అని కోర్టు స్పష్టమైన సూచన చేసినప్పటికీ, ఆ పిటిషనర్ల అభిప్రాయాలు కూడా తీసుకోకుండా ఎస్‌ఈసీ ఏకపక్షంగా నిర్ణయం ఎలా ప్రకటిస్తుందన్న చర్చ సాగుతోంది. వైఎస్సార్‌సీపీ చైర్మన్‌ నామినేషన్లే వేయలేకపోవడం ఆధారం కాదా?మున్సిపల్‌ ఎన్నికల నామినేషన్లలో హింసాత్మక ఘటనలు జరిగిన చోట ఛైర్‌పర్సన్‌ పదవులకు కూడా ప్రతిపక్ష వైఎస్సార్‌సీపీ అభ్యర్థుల నామినేషన్లు దాఖలు కాకపోవడం ఆధారం కాదా అని విశ్లేషకులు ప్రశ్నిస్తున్నారు. ఇంత పెద్ద ఆధారమున్నా ఎస్‌ఈసీ ఎందుకు పరిగణనలోకి తీసుకోలేదని నిలదీస్తున్నారు. నామినేషన్ల ప్రక్రియ మొదలైన పావు గంటలోనే పుంగనూరులో ఆశావహ అభ్యర్ధులను పోలింగ్‌ కేంద్రం వద్ద దింపేందుకు వచ్చిన ఎంపీ మిథున్‌ రెడ్డిపై పట్టపగలే అందరి ఎదుటే దాడి జరిగింది. అధికారులు కూడా అభ్యర్థుల నుంచి నామినేషన్లు తీసుకోలేదు. నామినేషన్లు వేయడానికి వచ్చిన వైఎస్సార్‌సీపీ అభ్యర్థులను చంద్రబాబు కూటమి గూండాలు అడ్డుకోవడమే ఒక తప్పయితే, అభ్యర్థుల నుంచి అధికారులు నామినేషన్లే తీసుకోకపోవడం మరింత తీవ్రమైన అంశం. ఇదే విషయంపై ఎంపీ మిథున్‌రెడ్డి గట్టిగా ప్రశ్నించారు. రాయచోటి మున్సిపాలిటీలో వైఎస్సార్‌సీపీ అభ్యర్థులను నామినేషన్లు వేయనివ్వకుండా టీడీపీ మూక వీరంగం చేసింది. ఇలా రాష్ట్రవ్యాప్తంగా అనేక చోట్ల నామినేషన్లు వేయడానికి వచ్చిన వైఎస్సార్‌సీపీ అభ్యర్థులను అడ్డగించడం, దాడులు చేయడం, దౌర్జన్యపూరితంగా నామినేషన్‌ పత్రాలు లాగేసుకోవడం, వాటిని చించివేయడం వంటి ఘటనలు బహిరంగంగానే జరిగాయి. ఇవన్నీ అన్ని మీడియాల్లో కథనాలుగా ప్రసారమయ్యాయి. ఇంతలా కళ్లకు కట్టినట్లు దారుణాలు కనిపిస్తున్నా, కేవలం 2 నగరపాలక సంస్థలు, 2 మున్సిపాలిటీల్లోనే.. అదీ కొన్ని వార్డుల్లోనే మళ్లీ నామినేషన్లు స్వీకరిస్తామనడంపై రాజకీయ విశ్లేషకులు మండిపడుతున్నారు. స్వేచ్ఛాయుత ఎన్నికలు నిర్వహించాలని రాష్ట్ర ఎన్నికల కమిషనర్‌ భావిస్తే, బెదిరింపుల కారణంగా నామినేషన్లు దాఖలు కాని అన్ని చోట్లా సుప్రీం సూచనలను పాటిస్తూ కొత్తగా నామినేషన్ల దాఖలుకు అవకాశమిచ్చి ఉండే వారన్న చర్చ సాగుతోంది.మైదుకూరు పైనా మాట తప్పారు!మైదుకూరు మున్సిపాలిటీ ఎన్నిక వాయిదా వేసినట్లు ఈ నెల 19న ప్రకటించిన రాష్ట్ర ఎన్నికల కమిషనర్‌.. ఆ విషయంలో మాట తప్పారన్న చర్చ సాగుతోంది. మైదుకూరు మున్సిపాలిటీకి నోటిఫికేషన్‌ మళ్లీ ఇస్తామని చెప్పారు. మొత్తం మున్సిపాలిటీకి కొత్తగా నోటిఫికేషన్‌ ఇవ్వడం అంటే.. ఛైర్‌పర్సన్‌తో పాటు ఆ మున్సిపాలిటీలోని 32 వార్డులకు కొత్తగా ఎన్నికలు నిర్వహించడమే అవుతుందని అంటున్నారు. అయితే, గురువారం రాష్ట్ర ఎన్నికల కమిషనర్‌ విడుదల చేసిన ప్రకటనలో మైదుకూరులో 32 వార్డులకు మాత్రమే కొత్తగా నామినేషన్లు స్వీకరించనున్నట్టు ప్రకటించి, ఛైర్‌పర్సన్‌ ఎన్నికను పేర్కొనకపోవడాన్ని విశ్లేషకులు తప్పుపడుతున్నారు.ఎంపీటీసీ, జెడ్పీటీసీ ఎన్నికల రోజే మున్సిపల్‌ కౌంటింగ్‌ నిర్ణయంపైనా..సాధారణంగా రాజకీయ గుర్తులతో ఒకే సమయంలో వివిధ రకాల పదవుల ఎన్నికలు జరుగుతుంటే, ఒక ఎన్నికల ఫలితం ప్రభావం మిగతా వాటిపై పడకుండా ఓట్ల లెక్కింఫు షెడ్యూల్‌ ప్రకటిస్తుంటారు. అంటే ఆ రెండు రకాల పోలింగ్‌ ముగిశాక లెక్కింపు చేపట్టడం సాధారణంగా జరిగేదే. కానీ, రాష్ట్ర ఎన్నికల కమిషనర్‌ ఇప్పుడు ఆ అంశాన్ని కూడా పట్టించుకోలేదన్న చర్చ సాగుతోంది. మున్సిపల్‌ ఎన్నికల తాజా షెడ్యూల్‌ ప్రకారం మున్సిపాలిటీల ఓట్ల లెక్కింపు వచ్చే నెల 3న చేపడతారు. కానీ, అదే రోజు ఎంపీటీసీ, జెడ్పీటీసీ ఎన్నికల పోలింగ్‌ జరుగుతుంది. దీనికి ఇప్పటికే నోటిఫికేషన్‌ కూడా ఇచ్చారు. కానీ, అదే రోజున మున్సిపల్‌ ఓట్ల లెక్కింపు జరిగితే, దాని ప్రభావం మరో ఎన్నికపై చూపే అవకాశంతో పాటు ఒకేసారి రెండు ప్రక్రియల కారణంగా అధికార, పోలీసు యంత్రాంగంపై తీవ్ర ఒత్తిడి ఉంటుందని విశ్లేషకులు అంటున్నారు. కానీ రాష్ట్ర ఎన్నికల కమిషనర్‌ ఈ అంశాన్ని కూడా పరిగణనలోకి తీసుకోకపోవడాన్ని తప్పుపడుతున్నారు. ఎస్‌ఈసీ నిర్ణయాలు ఏకపక్షంగా, ప్రజాస్వామ్య విరుద్ధంగా ఉన్నాయన్న విమర్శలు వస్తున్నాయి.

సాక్షి, అమరావతి: ఏపీలో మున్సిపల్‌ ఎన్నికలను రాష్ట్ర ఎన్నికల కమిషన్‌(ఎస్‌ఈసీ) రీషెడ్యూల్‌ చేసింది 100 పట్టణ, నగర, స్థానిక సంస్థల ఎన్నికలు రీ షెడ్యూల్‌ చేస్తు‍న్నట్లు రాష్ట్ర ఎన్నికల కమిషన్ గురువారం(అక్టోబర్‌ 22వ తేదీ) రాత్రి 10గంటల ప్రాంతంలో ప్రకటించింది. నవంబర్‌ 1న మున్సిపల్‌ ఎన్నికల పోలింగ్, 3న ఫలితాలు వెల్లడించనున్నట్లు తెలిపింది. అయితే నాలుగు మున్సిపాలిటీల్లో మాత్రమే నామినేషన్లు స్వీకరించాలనే వివాదాస్పద నిర్ణయం తీసుకుంది. 19 మున్సిపాలిటీల్లో టీడీపీ నామినేషన్ల ప్రక్రియను అడ్డుకుని అరాచకం సృష్టిస్తే.. ఎస్‌ఈసీ కేవలం నాలుగు చోట్లే తిరిగి నామినేషన్లు స్వీకరించాలని వివాదాస్పద నిర్ణయం తీసుకుంది. కడపలో 11 వార్డులు, రాజంపేటలో 11 వార్డులు, తిరుపతిలో 18, మైదుకూరులో మెుత్తం వార్డులకు నామినేషన్లు స్వీకరించాలని నిర్ణయించింది. రాష్ట్రంలో చాలా చోట్ల నామినేషన్ల అడ్డగింత ప్రక్రియ జరిగితే కేవలం నాలుగు చోట్ల మాత్రమే నామినేషన్లు తిరిగి స్వీకరించాలనే ఎస్‌ఈసీ నిర్ణయంపై వైఎస్సార్‌సీపీ అసంతృప్తి వ్యక్తం చేసింది. ఎస్‌ఈసీ రీషెడ్యూల్‌ చేసిన దాని ప్రకారం.. ఈ నెల 28వ తేదీన జరగాల్సిన పోలింగ్‌ నవంబర్‌ 1కి వాయిదా వేసింది. దీనిలో భాగంగా ఈనెల 25వ తేదీన అభ్యర్థుల జాబితాను ప్రకటించనుంది. మైదుకూరు కూడా ఎన్నికలు నిర్వహించాలని నిర్ణయించింది. కేవలం నాలుగు మున్సిపాలిటీల్లోనే నామినేషన్లు తిరిగి స్వీకరించాలని నిర్ణయించింది.ఇదీ చదవండి: ఫేక్‌ నామినేషన్లు.. టీడీపీ నేతలే వైఎస్సార్‌సీపీ తరఫున నామినేషన్లు!

సాక్షి, విజయవాడ: ఎస్‌ఈసీ కార్యాలయంలో వైఎస్సార్‌సీపీ నేతల ఆందోళనకు దిగారు. వైఎస్సార్‌సీపీ నేతలకు ఎస్ఈసీ అనిల్ చంద్ర పునేఠా అపాయింట్‌మెంట్ ఇవ్వకపోవడంతో.. ఎస్‌ఈసీ తీరుకు నిరసనగా వైఎస్సార్‌సీపీ నేతలు బైఠాయించారు. జడ్పీటీసీ, ఎంపీటీసీ నామినేషన్లు అడ్డుకున్నవారిపై చర్యలు తీసుకోవాలని వైఎస్సార్‌సీపీ నేతలు డిమాండ్‌ చేశారు.ఫిర్యాదు తీసుకోకుండా తాత్సారం చేస్తున్నారన్న వైఎస్సార్‌సీపీ నేతలు.. సుప్రీం ఆదేశాలను అమలు చేయాలని డిమాండ్‌ చేశారు. రెండో రోజు కూడా ఎస్‌ఈసీని కలిసేందుకు వైఎస్సార్‌సీపీ నేతలు వచ్చారు. నామినేషన్ల ప్రక్రియలో జరుగుతున్న పరిణామాలను వివరించేందుకు వచ్చిన వైఎస్సార్‌సీపీ నేతలకు మొదట అపాయింట్‌మెంట్ ఇవ్వలేదు. ఎస్‌ఈసీ తీరుకు నిరసనగా ఆందోళనకు దిగడంతో చివరికి దిగొచ్చిన ఎస్‌ఈసీ.. అపాయింట్‌మెంట్ ఇచ్చారు.వైఎస్సార్సీపీ ఎమ్మెల్సీ లేళ్ల అప్పిరెడ్డి మీడియాతో మాట్లాడుతూ.. టీడీపీ గూండాలు.. పోలీసులను అడ్డుపెట్టుకుని నామినేషన్లు వేయకుండా అడ్డుకుంటున్నారంటూ మండిపడ్డారు. అక్రమ అరెస్టులు, గృహ నిర్భందాలు చేస్తున్నారు. ‘‘నామినేషన్లు వేయకుండా అడ్డుకుంటున్నారు. అందుకే సుప్రీంకోర్టును ఆశ్రయించాం. నామినేషన్లు వేసేవారికి భద్రత కల్పించాలని సుప్రీంకోర్టు ఆదేశించింది...సుప్రీంకోర్టు చెప్పినా వైఎస్సార్‌సీపీ అభ్యర్థులను నామినేషన్ వేసే పరిస్థితి లేదు. నామినేషన్లు వేసే అభ్యర్థులపై దాడులు చేస్తున్నారు. తలలు పగలగొడుతున్నారు. వైఎస్సార్‌సీపీకి ఫేవర్ చేయమని మేం అడగటం లేదు. ఎన్నికలు ప్రశాంత వాతావరణంలో జరిపించాలని కోరుతున్నాం. నామినేషన్ వేయకుండా భయపెడుతున్నారు కొడుతున్నారు. అధికారుల చేతుల్లో ఉన్న నామినేషన్ పత్రాలను కూడా చించివేస్తున్నారు. చిత్తూరులో మున్సిపల్ కార్పొరేషన్‌కి సంబంధించి ఇచ్చిన బీఫారాలను కూడా చించి వేశారు. ఈ రాష్ట్రంలో వ్యవస్థలన్నీ నిర్వీర్యం అయ్యాయిఎస్‌ఈసీని కలిసేందుకు రాష్ట్ర ప్రభుత్వం పర్మిషన్ కావాలా? రాష్ట్ర ఎన్నికల కమిషనర్ తనకున్న అధికారాలను వినియోగించాలి. కింది స్థాయి అధికారులు ఇచ్చిన రిపోర్టులతో మాకు అన్యాయం చేయాలని చూస్తే ఊరుకోం. సుప్రీంకోర్టు తలుపు తడతాం. మేం అడ్డుకుంటే టీడీపీ వాళ్లు నామినేషన్లు ఎలా వేశారు?. దెబ్బలు ఎవరికి తగిలాయి... గాయ పడింది ఎవరు? మీకు తెలియదా? అవసరమైతే రాష్ట్ర ఎన్నికల కమిషన్‌పై కూడా న్యాయ పోరాటం చేస్తాం. తలలు పగలగొడుతున్నా.. లాఠీ దెబ్బలు తిన్నా వైఎస్సార్‌సీపీ అభ్యర్థులు ఎక్కడా వెనకడుగు వేయడం లేదు’’ అని లేళ్ల అప్పిరెడ్డి పేర్కొన్నారు.ఇదీ చదవండి: వైఎస్సార్‌సీపీలో చేరిన గుండా లక్ష్మీదేవి

సాక్షి, అమరావతి: స్థానిక సంస్థల ఎన్నికల నామినేషన్లు పరిశీలనలో కూడా అధికార పార్టీ నేతలు అరాచకాలకు పాల్పడ్డారని, అధికారులపై ఒత్తిడి తెచ్చి పలుచోట్ల వైఎస్సార్‌సీపీ అభ్యర్థుల నామి­నేషన్లు తిరస్కరించేలా చేశారని వైఎస్సార్‌సీపీ నేతలు సోమవారం రాష్ట్ర ఎన్నికల కమిషనర్‌ (ఎస్‌ఈసీ) అనిల్‌చంద్ర పునేఠను కలిసి వినతిపత్రం అందజేశారు. సీసీ కెమెరాలు, వెబ్‌కాస్టింగ్‌ ఏర్పా­టు చేయాలని కోరినా అనేక ప్రాంతాల్లో ఏర్పాటు చేయలేదని ఫిర్యాదు చేశారు. ఎస్‌ఈసీ ఇప్పటికైనా మేల్కొని అక్రమాలపై చర్యలు తీసుకోవాలని, తదుపరి స్థానిక సంస్థల ఎన్నికలైనా స్వేచ్ఛగా, నిష్పక్షపాతంగా జరిగేలా చూడాలని కోరారు.ఈ మేరకు ఎమ్మెల్సీ లేళ్ల అప్పిరెడ్డి, మాజీ ఎమ్మెల్యే టీజేఆర్‌ సుధాకర్‌బాబు, లీగల్‌ సెల్‌ రాష్ట్ర అధ్యక్షుడు మనోహర్‌రెడ్డి, ఎంప్లాయీస్‌ అండ్‌ పెన్షనర్స్‌ విభాగం రాష్ట్ర అధ్యక్షుడు నలమారు చంద్రశేఖర్‌రెడ్డి తదితరులు ఎస్‌ఈసీకి వినతిపత్రంతో పాటు వీడియోలు, ఇతర సాక్ష్యాధారాలను అందజేశారు. ఎంపీలు మిథున్‌రెడ్డి, గురుమూర్తి, వైఎస్‌ అవినాష్ రెడ్డిపై జరిగిన దాడుల దృశ్యాలను కూడా సమరి్పంచారు. పోలీసులు వ్యవహరించిన తీరుపైనా ఫిర్యాదు చేశారు. తిరుపతి మేయర్‌ అభ్యర్థి వాసు యాదవ్‌ బీసీ ధ్రువీకరణ పత్రాలను పరిశీలించి ఆయన నామినేషన్‌పై నిబంధనల ప్రకారం నిర్ణయం తీసుకోవాలని కోరారు. ఒత్తిళ్లతో అభ్యర్థుల నామినేషన్లను తిరస్కరించవద్దని ఎస్‌ఈసీకి విజ్ఞప్తి చేశారు. నంద్యాల జిల్లా ఆత్మకూరు, కనిగిరి స్క్రూటినీ కేంద్రాల్లోనే నామినేషన్‌ పత్రాలు చించివేశారని తెలిపారు. ప్రొద్దుటూరు, కుప్పంలో వైఎస్సార్‌సీపీ నేతలు, కార్యకర్తలపై దాడులు జరి­గాయని చెప్పారు. కుప్పంలో తమ పార్టీ అభ్యర్థి విజయ్‌కుమార్‌ను కిడ్నాప్‌ చేశారని, ఆయన ఆచూకీ కనుగొనేలా చర్యలు తీసుకోవాలని కోరారు. దాడులు చేస్తున్న టీడీపీ శ్రేణులను పోలీసులు అడ్డుకోకపోగా, కొన్ని చోట్ల పోలీసులే నామినేషన్‌ పత్రాలను బలవంతంగా లాక్కున్నారని ఎస్‌ఈసీకి వివరించారు. రాష్ట్రవ్యాప్తంగా 22 ప్రాంతాల్లో నామినేషన్ల అడ్డగింతలు, దాడులు జరిగాయని తెలిపారు. అక్రమాలు జరిగిన ఆ 22 ప్రాంతాల్లో నామినేషన్ల ప్రక్రియను తిరిగి నిర్వహించాలని, లేదా ఎన్నికలను వాయిదా వేయాలని డిమాండ్‌ చేశారు. అనంతరం పార్టీ నేతలతో కలిసి అప్పిరెడ్డి విలేకరులతో మాట్లాడారు. జరిగిన ఘటనలపై చర్యలు తీసుకోవడంతో పాటు రాబోయే ఎంపీటీసీ, జెడ్పీటీసీ తదితర స్థానిక సంస్థల ఎన్నికల్లో ఇలాంటి ఘటనలు పునరావృతం కాకుండా చూడాలని డిమాండ్‌ చేశారు.

విజయవాడ: స్థానిక సంస్థల ఎన్నికల వేళ టీడీపీ కొనసాగిస్తున్న దౌర్జన్యాలపై వైఎస్సార్‌సీపీ ఎమ్మెల్సీ లేళ్ల అప్పిరెడ్డి మండిపడ్డారు. వైఎస్సార్‌సీపీ నేతలు సోమవారం విజయవాడలో రాష్ట్ర ఎన్నికల కమిషనర్‌ను కలిసి ఫిర్యాదు చేశారు. అనంతరం లేళ్ల అప్పిరెడ్డి మీడియాతో మాట్లాడారు.‘‘ఆంధ్రప్రదేశ్‌లో ఎన్నడూలేని విధంగా హింసాత్మక ఘటనలు జరిగాయి. 96 చోట్ల హింసాత్మక ఘటనలు, నామినేషన్ లాక్కోవడం, పోలీసులు అడ్డుకోవడం వంటివి జరిగాయి. రెండు చోట్ల నిప్పు పెట్టారు. 22 చోట్ల నామినేషన్ ప్రక్రియను అడ్డుకున్నారు. చైర్మన్ నామినేషన్ వేయనివ్వలేదు. మైదుకూరు ఎన్నిక వాయిదా వేశారు. మైదుకూరుతో పాటు బద్వేల్ ఇతర ప్రాంతాల్లో నామినేషన్ వేయనివ్వలేదు.తెలుగుదేశం పార్టీ గూండాలు ఎలా ప్రవర్తించారో, పోలీసులు ఎలా సహకరించారో​ తెలుపుతూ, ఎంపీలపై జరిగిన దాడి గురించి చెబుతూ అన్ని వివరాలు ఎన్నికల కమిషన్‌కు ఇచ్చాము. నామినేషన్ వేసే ప్రదేశాల్లో లోపల బయట సీసీటీవీ కెమెరాలు పెట్టాలని చెప్పాము. కానీ, స్టేట్ ఎన్నికల కమిషన్ చేయలేకపోయింది. ఎక్కడ అక్రమాలు, ఎక్కడ నామినేషన్ అడ్డుకొన్నారో అక్కడ ఎన్నికలు తిరిగి ప్రారంభించాలి. 22 చోట్ల తిరిగి ఎన్నికలు జరపాలి. ఎన్నికల కమిషన్ కళ్లు తెరవాలి ప్రజలకు చంద్రబాబు మేలు చేస్తే చెప్పి ఓట్లు వేయించుకోవాలని లేళ్ల అప్పిరెడ్డి అన్నారు. ‘‘బ్యాలెట్ ప్రజాస్వామ్యంపై చంద్రబాబుకు నమ్మకం లేదు. బ్యాలెట్ కాదు బుల్లెట్ కావాలని చంద్రబాబు అనుకుంటున్నారు. తీర్మానం చేసుకుని మీకు కావాల్సిన వ్యక్తులను చైర్మన్‌గా జిల్లా పరిషత్ చైర్మన్లుగా పెట్టుకోండి. ఎన్నికల కమిషన్ కళ్లు తెరవాలి. గాంధీ గారి మూడు కోతుల్లా ఎలక్షన్ కమిషన్ ప్రవర్తిస్తుంది. స్టేట్ ఎన్నికల కమిషన్ స్పందిస్తుందని ఆశిస్తున్నాము. ఎన్నికలు హైజాక్ అయిపోయాయి. తాను రాసిన స్క్రిప్ట్ ను అమలు చేయడానికి కొంతమంది కలెక్టర్లను, ఎస్పీలను చంద్రబాబు సిద్ధం చేసుకున్నారు. కోయ ప్రవీణ్ అనే వ్యక్తి అరాచకం సృష్టిస్తున్నారు. ఎన్నికలు జరిగితే గెలుపు వైఎస్సార్‌సీపీదే అనే విషయం అందరికీ తెలుసు. రాష్ట్రంలో 22 చోట్ల తిరిగి ఎన్నికలు పెట్టాలి. ఒక్క అధికారి మీద కూడా ఎన్నికల కమిషన్ చర్యలు తీసుకోకపోవడం వెనుక కారణం ఏంటి? ఎంపీ చేతిలో నామినేషన్ పత్రాలు లాక్కొని చింపారు. మరో ఎంపీ బయటకి రాకుండా ముళ్ల కంచె వేశారు. చంద్రబాబు.. గౌతమ్ బుద్ధుడు.. గాంధీ మహాత్ముడిలా కబుర్లు చెబుతున్నారు’’ అని లేళ్ల అప్పిరెడ్డి చెప్పారు.

నామినేషన్‌ వేసే అవకాశం కల్పించడం ఎస్‌ఈసీ కనీస బాధ్యత. రాష్ట్రంలో ఎన్నికలు పూర్తి పారదర్శకంగా, నిష్పక్షపాతంగా జరగాలంటే పోలింగ్‌ దగ్గర నుంచి 17సీ ఫారం తీసుకునే వరకు మొత్తం లైవ్‌ వెబ్‌ కాస్టింగ్‌ ద్వారా అందరికీ అందుబాటులో ఉంచాలి. చంద్రబాబు ప్రభుత్వంపై మాకు నమ్మకం లేదు. ఎన్నికల తర్వాత బ్యాలెట్‌ బాక్సులను మార్చేసే అవకాశం ఉంది. అందుకే బ్యాలెట్‌ బాక్స్‌లను ఉంచే స్ట్రాంగ్‌ రూమ్‌ల నుంచి కూడా లైవ్‌ వెబ్‌ కాస్టింగ్‌ కల్పించాలి. – వైఎస్‌ జగన్‌ సాక్షి, అమరావతి: ‘ప్రజాస్వామ్యంలో పోటీ చేసే హక్కు, నామినేషన్‌ వేసే హక్కు ప్రతి ఒక్కరికీ ఉంది.. దీన్ని కాపాడాల్సిన ధర్మం రాష్ట్ర ఎన్నికల కమిషన్‌పై (ఎస్‌ఈసీ) ఉంది. నామినేషన్లు వేస్తానని వచ్చిన వాళ్ల చేత నామినేషన్లు వేయించలేకపోతే పోయేది ఎస్‌ఈసీ పరువే. పోలీసులు రక్షణ ఇచ్చి అందరి చేత నామినేషన్లు వేయించేలా చర్యలు తీసుకోవాలి.’ అని మాజీ ముఖ్యమంత్రి వైఎస్‌ జగన్‌ డిమాండ్‌ చేశారు. రాష్ట్రంలో పోలీసు వ్యవస్థ చంద్రబాబుకు ప్రైవేటు వాచ్‌మెన్‌లా పని చేస్తోందని ఆగ్రహం వ్యక్తం చేశారు. స్థానిక ఎన్నికల నామినేషన్లలో జరుగుతున్న అరాచకాలపై ఆదివారం మధ్యాహ్నం ఆయన విజయవాడలో ఎస్‌ఈసీ కార్యాలయంలో ఎస్‌ఈసీ అనిల్‌ చంద్ర పునేఠను కలిసి ఫిర్యాదు చేశారు. రాష్ట్రంలో స్థానిక సంస్థల ఎన్నికల నామినేషన్ల ప్రక్రియ సందర్భంగా చోటు చేసుకుంటున్న దౌర్జన్యాలు, టీడీపీ శ్రేణుల హింసాకాండ, వైఎస్సార్‌సీపీ అభ్యర్థులపై అక్రమ కేసులు, అరెస్టులు, నామినేషన్‌ పత్రాలను చించివేసిన ఘటనలు.. పుంగనూరులో వైఎస్సార్‌సీపీ లోక్‌సభ పక్ష నేత పీవీ మిథున్‌రెడ్డిపై హత్యాయత్నం, పులివెందులలో పోలీసుల బాష్పవాయువు ప్రయోగం, గాలిలోకి కాల్పుల ఘటనలపై ఎస్‌ఈసీకి ఫిర్యాదు చేశారు. అనంతరం ఎస్‌ఈసీ కార్యాలయం వద్ద మీడియాతో మాట్లాడారు. రాష్ట్రంలో అసలు ప్రజాస్వామ్యం ఉందా? అని ప్రశ్నించారు. డీజీపీ, ఐజీ, డీఐజీ ఇలా అందరూ ఒక మాఫియాలా ఏర్పడి ఎన్నికలు నిర్వహిస్తున్నారని చెప్పారు. నిబంధనల ప్రకారం రెండేళ్లకు ఒకసారి కీలక అధికారులను బదిలీ చేయాల్సి ఉన్నా, అలా చేయకుండానే రెండున్నరేళ్లుగా మాఫియాలా ఉన్న అధికారులతోనే ఎస్‌ఈసీ ఎన్నికలు నిర్వహిస్తోందని ఎత్తి చూపారు. చివరకు డీఐజీ కోయ ప్రవీణ్‌ వంటి వాళ్లు వెన్నుపోటు పార్టీ కార్యకర్తల్లా మాట్లాడుతున్నారన్నారు. రాష్ట్రంలో ఎన్నికలు పూర్తి పారదర్శకంగా, నిష్పక్షపాతంగా జరగాలంటే పోలింగ్‌ దగ్గర నుంచి 17సీ ఫారం తీసుకునే వరకు మొత్తం లైవ్‌ వెబ్‌ కాస్టింగ్‌ ద్వారా అందరికీ అందుబాటులో ఉంచాలని డిమాండ్‌ చేశారు. చంద్రబాబు ప్రభుత్వంపై తమకు నమ్మకం లేదని, ఎన్నికల తర్వాత బ్యాలెట్‌ బాక్సులను మార్చేసే అవకాశం ఉందని.. అందుకే బ్యాలెట్‌ బాక్స్‌లను స్ట్రాంగ్‌ రూమ్‌ల నుంచి లైవ్‌ వెబ్‌కాస్టింగ్‌ కల్పించాలన్నారు. ఈ సందర్భంగా వైఎస్‌ జగన్‌ ఇంకా ఏమన్నారంటే..ప్రజాస్వామ్య వ్యవస్థలను ఫణంగా పెట్టొద్దు‘ఇవాళ ఎస్‌ఈసీ అనిల్‌ చంద్ర పునేఠను కలిసి స్థానిక సంస్థల ఎన్నికలను పారదర్శకంగా, స్వేచ్ఛగా నిర్వహించాలని గట్టిగా డిమాండ్‌ చేశాం. ఒక స్టేట్‌ ఎలక్షన్‌ కమిషనర్‌గా నిష్పక్షపాతంగా ప్రజాస్వామ్య విలువలను కాపాడాల్సిన రాజ్యాంగబద్ధమైన బాధ్యత ఉంది. ఈ వ్యవస్థను ఏ ఒక్కరి స్వార్థం కోసం కూడా ఫణంగా పెట్టకూడదన్న అంశాన్ని కమిషనర్‌కు స్పష్టంగా నొక్కి చెప్పాం. మాకు అందిన సమాచారం మేరకు దాడులకు సంబంధించిన తాజా పరిస్థితులతో కూడిన జాబితాను ఆయనకు అందజేశాం. ఈ రాష్ట్రంలో ఇవాళ ‘నేను నామినేషన్‌ వేయాలనుకున్నాను.. కానీ నన్ను వేయనివ్వలేదు’ అన్న మాట వస్తే, పోయేది రాష్ట్ర ఎన్నికల కమిషనర్‌ పరువే అని గట్టిగా చెప్పాం. దీనిపై కమిషనర్‌ సానుకూలంగా స్పందిస్తూ.. సమయం పొడిగించి అయినా సరే పోటీ చేయాలనుకున్న ప్రతి ఒక్కరితో నామినేషన్‌ వేయిస్తామని హామీ ఇచ్చారు.టీడీపీకి కొమ్ము కాస్తున్న పోలీసులుగురజాల నియోజకవర్గంలోని మూడు మున్సిపాలిటీల్లో స్వయంగా పోలీసులే మున్సిపల్‌ చైర్‌పర్సన్‌ అభ్యర్థులపై దొంగ కేసులు బనాయించి అక్రమంగా అరెస్ట్‌ చేసి పోటీకి దూరం చేస్తున్నారు. అక్రమంగా నిర్బంధించిన ఆ అభ్యర్థులను పోలీసులు వెంటనే తీసుకొచ్చి వారితో నామినేషన్లు వేయించాలని గట్టిగా డిమాండ్‌ చేశాం. రాష్ట్రంలో నామినేషన్ల ప్రక్రియ ఇంత దారుణంగా సాగుతుంటే, పోలీసులు మాత్రం నిస్సిగ్గుగా వెన్నుపోటు పార్టీకి, చంద్రబాబుకు కొమ్ముకాస్తున్నారు. నిబంధనల ప్రకారం నలుగురు మాత్రమే వెళ్లాలని మా వైఎస్సార్‌సీపీ వాళ్లను ఆపుతున్నారు.తీరా నామినేషన్‌ కేంద్రాల వద్ద చూస్తే అప్పటికే టీడీపీ వాళ్లు వందల సంఖ్యలో గుమిగూడి మారణాయుధాలతో తిష్ట వేస్తున్నారు. పోలీసుల సమక్షంలోనే మా అభ్యర్థుల చేతుల్లోని నామినేషన్‌ పత్రాలను లాక్కొని చింపేస్తున్నారు. పోలీసులు ప్రేక్షక పాత్ర పోషిస్తూ టీడీపీకి వత్తాసు పలు­కుతున్నందున ఎన్నికల విధులకు వెంటనే కేంద్ర ప్రభుత్వ బలగాలను, పారా మిలటరీ ఫోర్సెస్‌ను దించాలని డిమాండ్‌ చేశాం.అన్ని చోట్లా సీసీ కెమెరా ఫుటేజ్‌ కావాలి పోలింగ్‌ బూత్‌ల లోపల, బయట సీసీ టీవీ లైవ్‌ ఫుటేజ్‌ సామాన్యులకు సైతం అందుబాటులో ఉండేలా లైవ్‌ వెబ్‌ కాస్టింగ్‌ ఏర్పాటు చేయాలి. మాకు చంద్రబాబునాయుడు, వెన్నుపోటు పార్టీ నైజంపై ఏ మాత్రం నమ్మకం లేదు. వాళ్లు స్ట్రాంగ్‌ రూమ్‌లలో బ్యాలెట్‌ బాక్సులను మారుస్తారన్న అనుమానం మాకుంది. అందుకే స్ట్రాంగ్‌ రూమ్‌లలో బ్యాలెట్‌ బాక్సులు ఉంచే ప్రదేశాల్లో కూడా సీసీ టీవీ కెమెరాల లైవ్‌ ఫుటేజ్‌ను ప్రజలందరికీ అందుబాటులో పబ్లిక్‌ డొమైన్‌లో ఉంచాలి. కౌంటింగ్‌ హాల్‌లో కూడా సీసీ కెమెరాలు పెట్టి లైవ్‌ టెలి కాస్ట్‌ ఇవ్వాలి.కౌంటింగ్‌ హాల్‌లో పోలింగ్‌ ముగిసిన తర్వాత ఏజెంట్లు సంతకాలు చేసి స్టిక్కర్లు అతికించే ’ఫామ్‌ 17సి’ వెరిఫికేషన్‌ ప్రక్రియ అత్యంత కీలకం. ఆ సంతకాలు సరిపోల్చే ప్రక్రియలో ఎలాంటి పోర్జరీలకు తావు లేకుండా సీసీ టీవీ కెమెరాల్లో స్పష్టంగా రికార్డ్‌ చేసి చూపించాలి. ఈ డిమాండ్లపై గతంలోనే మా ఎమ్మెల్సీలు, పార్టీ నేతలు పలుమార్లు వినతి పత్రాలు ఇచ్చారు. ఇవాళ నేను కూడా స్వయంగా వచ్చి వీటిని అమలు చేయాలని గట్టిగా చెప్పాను. మేము అడిగిన వాటని్నంటికీ కమిషనర్‌ తల ఊపారు. ఎస్‌ఈసీ నిజంగా ట్రాన్స్‌పరెంట్‌గా ఉంటే ఇవన్నీ అమలవుతాయి.కమిషన్‌ పారదర్శకంగా లేకపోతే ఇవేవీ జరగవు. దీన్నిబట్టే వీళ్లు నిష్పక్షపాతంగా ఉన్నారా లేదా అనేది ప్రజలకు స్పష్టంగా అర్థమైపోతుంది. ప్రజాస్వామ్యంలో ప్రజలకు నచ్చిన వారికి ఓటు వేసే స్వేచ్ఛ, నాయకులకు పోటీ చేసేందుకు నామినేషన్‌ వేసే హక్కు రాజ్యాంగబద్ధమైనవి. ఈ ప్రాథమిక హక్కులను కాపాడాల్సిన ధర్మం ఎస్‌ఈసీపైనే ఉంది.నాడు నిష్పక్షపాతంగా ఎన్నికలు జరిపాంమా ప్రభుత్వ హయాంలో స్థానిక ఎన్నికలు నిర్వహించినప్పుడు స్టేట్‌ ఎలక్షన్‌ కమిషనర్‌గా ఎవరున్నారు? చంద్రబాబుకు కరడు గట్టిన తీవ్రవాదిలా మద్దతుదారుడైన నిమ్మగడ్డ రమేష్‌ కుమార్‌ ఉన్నారు. 2024 ఎన్నికల్లో చంద్రబాబును గెలిపించండి అంటూ స్వయంగా బలపం కట్టుకుని తిరిగిన వ్యక్తి ఆయన. అంతటి వ్యతిరేక వ్యక్తి కమిషనర్‌గా ఉన్నప్పటికీ మా హయాంలో ధైర్యంగా ఎన్నికలకు వెళ్లాం. నోటిఫికేషన్‌ రాగానే నిమ్మగడ్డ రమేష్‌.. కలెక్టర్లు, ఎస్పీలు, డీఐజీలు, డీఎస్పీలు, సీఐలను లెఫ్ట్, రైట్, సెంటర్‌ బదిలీలు చేసి ఎన్నికల విధుల నుంచి తప్పించారు. ఈరోజు అలాంటి చర్య ఒక్కటైనా జరుగుతోందా? మేనిఫెస్టోలోని ప్రతి హామీని నెరవేర్చి విద్య, వైద్యం, వ్యవసాయం, గ్రామ సచివాలయాలు, వలంటీర్లు, మహిళా సాధికారత, పారదర్శక పాలన అందించాం కాబట్టే ప్రజలు మాకు అఖండ విజయాన్ని కట్టబెట్టారు.టీడీపీ శ్రేణుల హింసాకాండపై ఎస్‌ఈసీ అనిల్‌ చంద్రపునేఠకు ఫిర్యాదు చేస్తున్న వైఎస్‌ జగన్‌ నిజాయితీగా ఎన్నికలు జరిపే ధైర్యం లేకే కుయుక్తులునేడు చంద్రబాబు ప్రభుత్వంలో సూపర్‌ సిక్స్‌లు లేవు, సూపర్‌ సెవెన్‌లు లేవు.. అన్నీ మోసాలుగా తేలిపోయాయి. ఎన్నికలప్పుడు ఇచ్చిన బాండ్లను చేతబట్టుకుని ప్రజలు ‘మాకు మూడేళ్లుగా బాకీ పడ్డ సొమ్ము ఎప్పుడు ఇస్తారు?’ అని టీడీపీ నేతలను నిలదీస్తున్నారు. లా అండ్‌ ఆర్డర్, సచివాలయాలు, వలంటీర్‌ వ్యవస్థ, ఆరోగ్యశ్రీ, విద్యా దీవెన, వసతి దీవెన అన్నీ కుదేలైపోయాయి. అందుకే బాబుకు ఫ్రీ అండ్‌ ఫెయిర్‌ ఎన్నికలు జరిపే ధైర్యం లేక ఇలాంటి కుయుక్తులకు పాల్పడుతున్నారు. ఎంపీ పెద్దిరెడ్డి మిథున్‌రెడ్డికి సీఆరీ్పఎఫ్‌ సెక్యూరిటీ ఉంది. అక్కడ ఏం జరిగిందో కేంద్ర ప్రభుత్వానికి సాక్ష్యాలతో సహా వాళ్లే ప్రత్యక్ష సాక్షులుగా రిపోర్టులు ఇస్తారు. మిథున్‌రెడ్డి కేవలం నలుగురితో కలిసి నామినేషన్‌ కేంద్రానికి వెళ్తే, అప్పటికే వేలాదిగా మోహరించిన టీడీపీ కార్యకర్తలు ఆయనపై దాడి చేశారు. మిథున్‌రెడ్డిని మూడు గంటల పాటు నిర్బంధించి, నామినేషన్‌ పత్రాలను తీసుకోకుండా అడ్డుకుని, కార్లను ధ్వంసం చేసి హత్యాయత్నం చేశారు. బోల్తా పడిన కార్లలో మద్యం బాటిళ్లు మాత్రం నిటారుగా నిలబడి ఉన్నాయి! కారు బోల్తా పడితే మద్యం బాటిళ్లు పడకుండా నిటారుగా ఎలా ఉంటాయి? మద్యం అలవాటు లేని మిథున్‌రెడ్డి కారులో పోలీసులే దగ్గరుండి బాటిళ్లు పెట్టి, తప్పుడు ఆధారాలు సృష్టించారు. డీఐజీ పరిధిలోనే ఈ దారుణాలన్నీ జరిగాయి.నామినేషన్లు వేసే వరకు సమయం పొడిగించాల్సిందేఈ పరిస్థితుల్లో మధ్యాహ్నం 3:30 దాటినా, రాత్రి 8 గంటల వరకైనా సరే సమయం పొడిగించి అర్హులైన వైఎస్సార్‌సీపీ అభ్యర్థులందరితో నామినేషన్లు వేయించాలని కోరగా కమిషనర్‌ అంగీకరించారు. ప్రజాస్వామ్యంలో ప్రజల ఓటు హక్కును, పోటీ చేసే స్వేచ్ఛను పరిరక్షించాల్సిన బాధ్యత కమిషన్‌పైనే ఉంది’ అని వైఎస్‌ జగన్‌ స్పష్టం చేశారు. అంతకు ముందు వైఎస్‌ జగన్‌ రాష్ట్రంలో జరుగుతున్న పరిణామాలను 20 నిమిషాల పాటు ఎస్‌ఈసీకి వివరించారు. ప్రతి నామినేషన్‌ కేంద్రం, పోలింగ్‌ కేంద్రంలో నిరంతర సీసీటీవీ రికార్డింగ్ తో పాటు ప్రత్యక్ష వెబ్‌ కాస్టింగ్‌ ఏర్పాటు చేయాలని.. స్ట్రాంగ్‌ రూమ్‌ల ప్రవేశ ద్వారాలు, పరిసర ప్రాంతాలపై నిరంతర నిఘా ఉంచి, బ్యాలెట్‌ పెట్టెల భద్రతకు పటిష్ఠ చర్యలు తీసుకోవాలని కోరారు. కౌంటింగ్‌ కేంద్రాల్లోనూ సీసీ టీవీ పర్యవేక్షణ, రికార్డుల భద్రత ఏర్పాట్లు ఉండేలా ఏర్పాటు చేయాలన్నారు. వైఎస్‌ జగన్‌ వెంట వైఎస్సార్‌సీపీ పార్లమెంటరీ పార్టీ నేత వైవీ సుబ్బారెడ్డి, మాజీ ఎంపీ అయోధ్యరావిురెడ్డి, శాసన మండలి డిప్యూటీ చైర్మన్‌ తూమాటి మాధవరావు, ఎమ్మెల్సీలు తలశిల రఘురాం, అప్పిరెడ్డి, రుహుల్లా, కల్పలతారెడ్డి, పార్టీ నేతలు వెలంపల్లి శ్రీనివాస్, మల్లాది విష్ణు, అవినాష్, రాయన భాగ్యలక్ష్మి, సుధాకర్‌బాబు, నాగార్జున యాదవ్‌ తదితరులు పాల్గొన్నారు.చంద్రబాబుకు ప్రైవేట్‌ వాచ్‌మెన్లుగా మారిన పోలీసులురాష్ట్ర చరిత్రలో ఎన్నడూ లేని విధంగా పోలీసు యంత్రాంగం చంద్రబాబునాయుడుకు ప్రైవేట్‌ వాచ్‌మెన్లుగా తయారైంది. ఒక ఐజీ, ఆయన కింద డీఎస్పీలు, సీఐలు ఒక సిండికేట్‌ మాఫియాగా ఏర్పడ్డారు. సాధారణంగా ఏ అధికారైనా ఒకే చోట రెండేళ్లకు మించి ఉండకూడదన్న నిబంధన ఉన్నా, రెండున్నరేళ్లుగా వాళ్లనే పాత స్థానాల్లో కొనసాగిస్తున్నారు. టీడీపీకి అనుకూలంగా ఎన్నికలను నడిపించేందుకే ఈ వ్యవస్థీకృత మాఫియాను కంటిన్యూ చేస్తున్నారు.ఈ పోలీసు మాఫియా స్థానిక ఎమ్మెల్యేలతో కుమ్మక్కై ఇసుక రీచ్‌ల నుంచి లిక్కర్‌ వ్యాపారం దాకా అందినకాడికి దోచుకుంటూ ‘చిన్నబాబుకు ఇంత.. పెద్దబాబుకు ఇంత’ అని వాటాలు పంచుకుంటూ రాష్ట్రాన్ని లూటీ చేస్తోంది. ఇలాంటి వారి చేతుల మీదుగా ఇవాళ ఎన్నికలు నిర్వహిస్తున్నారు. డీఐజీ కోయ ప్రవీణ్‌ అచ్చం టీడీపీ కార్యకర్తలా మాట్లాడుతున్నారు. ఆయన మాట్లాడిన తీరు చూస్తే ఐపీఎస్‌ అనే వృత్తి ధర్మాన్ని, యూనిఫాం టోపీపై ఉన్న మూడు సింహాల గౌరవాన్ని సైతం గాలికొదిలేసి టీడీపీ తొత్తులా ఎలా వ్యవహరిస్తున్నారో అర్థమవుతోంది.

సాక్షి, విజయవాడ: ప్రజాస్వామ్యాన్ని కాపాడాలని ఎస్‌ఈసీకి విజ్ఞప్తి చేశామని వైఎస్సార్‌సీపీ నేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి అన్నారు. ఎస్‌ఈసీని కలిసిన వైఎస్‌ జగన్‌.. టీడీపీ అరాచకాలు, హింసపై ఫిర్యాదు చేశారు. టీడీపీ దాడులపై ఆధారాలతో సహా వైఎస్‌ జగన్‌ ఫిర్యాదు చేశారు. అనంతరం ఆయన మీడియాతో మాట్లాడుతూ.. నిష్పక్షపాతంగా ఎన్నికలు జరపాలని ఎస్‌ఈసీని కోరామని తెలిపారు.‘‘నామినేషన్‌ వేయకుండా వైఎస్సార్‌సీపీ అభ్యర్థులను అడ్డుకుంటున్నారు. ఏపీలో ఎక్కడా స్వేచ్ఛగా నామినేషన్లు వేయనివ్వడం లేదు. పరిస్థితి ఇలా ఉంటే ఎస్‌ఈసీ ఏం చేస్తోందని అడిగాం’’ అని వైఎస్‌ జగన్‌ వివరించారు. నామినేషన్‌ ప్రక్రియలోనే పోలీసులు, అధికారులు చంద్రబాబుకు కొమ్ముకాస్తున్నారంటూ ఆయన ధ్వజమెత్తారు.‘‘నామినేషన్‌ కేంద్రాల దగ్గరే పత్రాలు చించేస్తున్నారు. పారా మిలటరీ దళాలను దించాలని ఎస్‌ఈసీని కోరాం. కేంద్ర బలగాలను దించాలని గవర్నర్‌నూ కోరాతాం. స్ట్రాంగ్‌ రూమ్స్‌లో బ్యాలెట్‌ బాక్సులు మారుస్తారని అనుమానం. స్ట్రాంగ్‌ రూమ్స్‌లోనే కూడా సీసీ కెమెరాలు పెట్టాలి. కౌంటింగ్‌ హాల్‌లో కూడా సీసీ కెమెరాల నిఘా ఉండాలి. 17cలో ఫోర్జరీ సంతకాలు లేకుండా చర్యలు తీసుకోవాలి. ఎస్‌ఈసీ నిష్పక్షపాతంగా పనిచేయాలి’’ అని వైఎస్‌ జగన్‌ పేర్కొన్నారు.ఇదీ చదవండి: సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి,విజయవాడ: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌ రెడ్డి రాష్ట్ర ఎన్నికల కమిషనర్‌ అనిల్ చంద్ర పునేఠాతో భేటీ అయ్యారు. స్థానిక సంస్థల ఎన్నికల నామినేషన్‌ ప్రక్రియలో చోటు చేసుకుంటున్న హింసాత్మక ఘటనలపై పునేఠాకు ఫిర్యాదు చేశారు. స్థానిక ఎన్నికల నామినేషన్ల ప్రక్రియలో విధ్వంస కాండ, వైఎస్సార్‌సీపీ అభ్యర్థులపై యథేచ్ఛగా దాడులు, వైఎస్సార్‌సీపీ అభ్యర్థులను నామినేషన్లు వేయకుండా అడ్డుకోవడం, నామినేషన్‌ పేపర్లు చింపివేయడం. లోక్‌సభ పక్షనేత పీవీ మిథున్‌రెడ్డిపై పుంగనూరులో హత్యాయత్నం, పులివెందులలో పోలీసులు గాలిలోకి కాల్పులు, బాష్పవాయు ప్రయోగం తదితర హింసాకాండలపై ఎన్నికల కమిషనర్‌కు వివరించారు.ఇదీ చదవండి: సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి, తాడేపల్లి: వైఎస్సార్‌సీపీ అభ్యర్థులే టార్గెట్‌గా అధికారులు పని చేస్తున్నారు. ఎన్నికల‌ సంఘాన్ని కూడా అధికారులు లెక్క చేయడం లేదు. ఎన్నిసార్లు చెప్పినా క్యాస్ట్ సర్టిఫికేట్లు, నో డ్యూస్ సర్టిఫికేట్లు జారీ చేయడం లేదు. నామినేషన్లు ప్రారంభమైనా సర్టిఫికేట్లు జారీ కాకపోవడం వెనుక ప్రభుత్వ పెద్దల కుట్ర బయటపడుతోంది. 24 గంటల్లో సర్టిఫికేట్లన్నీ అందుబాటులోకి వస్తాయన్న ఎస్ఈసీ.. అయితే, ఆయన ఆదేశాలను అధికారులు పట్టించుకోవడం లేదు. కాగా, ఇప్పటికే స్థానిక ఎన్నికల్లో పోటీ చేసే అభ్యర్థులు తమపై నమోదైన కేసుల వివరాలు ఇవ్వాలని కోరితే, ఆ వివరాలను నిర్ణీత గడువులోపు అందించేలా పోలీసులను ఆదేశించాలని కోరుతూ వైఎస్సార్‌సీపీ.. హైకోర్టును ఆశ్రయించిన సంగతి తెలిసిందే. ఒక వేళ ఎలాంటి కేసులు లేకపోతే, ఆ విషయాన్ని తెలియజేస్తూ ధ్రువీకరణ పత్రం ఇచ్చేలా కూడా ఆదేశాలు జారీ చేయాలని తమ పిటిషన్‌లో హైకోర్టును అభ్యర్థించింది.‘ఏ పోలీసు స్టేషన్‌లో కేసు నమోదైంది.. క్రై మ్‌ నంబర్‌ ఎంత వంటి వివరాలతో కూడిన ఒక అధికారిక ధ్రువీకరణ పత్రాన్ని రెండు రోజుల్లోగా లేదా నిర్ణయించిన గడువులోగా అభ్యర్థికి అందించేలా ఆదేశాలివ్వండి.’ అని వైఎస్సార్‌సీపీ తన పిటిషన్‌లో కోర్టును కోరింది. ఈ వ్యాజ్యంపై అత్యవసర విచారణ జరపాలని సీనియర్‌ న్యాయవాది పొన్నవోలు సుధాకర్‌రెడ్డి గురువారం అభ్యర్థించగా శుక్రవారం వాదనలు వింటామని జస్టిస్‌ వడ్డిబోయన సుజాత స్పష్టంచేశారు.ఇదీ చదవండి: సమరానికి ముందే ఉక్కుపాదం

సాక్షి, తాడేపల్లి: ఏపీ హైకోర్టులో వైఎస్సార్‌సీపీ మరో పిటిషన్‌ వేసింది. స్థానిక ఎన్నికల్లో పోటీ చేసే అభ్యర్థులపై ఉన్న కేసు వివరాలు దరఖాస్తు చేసిన 24 గంటల్లో ఇచ్చేలా ఆదేశాలు ఇవ్వాలంటూ వైఎస్సార్‌సీపీ ఎమ్మెల్సీ లేళ్ల అప్పిరెడ్డి పిటిషన్‌ వేశారు. అభ్యర్థులపై ఎక్కడ ఏఏ కేసులు ఉన్నాయో తెలియని పరిస్థితి ఉందని పిటిషన్‌లో ఆయన పేర్కొన్నారు. వైఎస్సార్‌సీపీ పిటిషన్‌ రేపు(శుక్రవారం) విచారణకు వచ్చే అవకాశం ఉంది.కాగా, స్థానిక సంస్థల ఎన్నికల్లో పోటీ చేసే అభ్యర్థులపై నమోదైన, పెండింగ్‌లో ఉన్న క్రిమినల్‌ కేసుల వివరాలను వెల్లడించేలా రాష్ట్ర­వ్యాప్తంగా పోలీసు అధికారులకు ఆదేశాలు జారీ చేయాలని రాష్ట్ర ఎన్నికల కమిషన్‌ (ఎస్‌ఈసీ)ని కూడా వైఎస్సార్‌సీపీ కోరింది. ఈ మేరకు లేళ్ల అప్పిరెడ్డి.. ఎస్‌ఈసీకి లేఖ రాశారు. కూటమి సర్కారు పోలీసుల సాయంతో వైఎస్సార్‌సీపీ ఆశావహ అభ్యర్ధులపై చేస్తున్న వేధింపుల్ని ఈ లేఖలో ప్రస్తావించారు.వాటిని అడ్డుకోవడంతో పాటు తమ పార్టీ తరఫున పోటీ చేస్తున్న అభ్యర్ధులకు అవసరమైన వివరాలు అందించేందుకు రాష్ట్ర డీజీపీకి తగిన ఆదేశాలు ఇవ్వాలని కూడా లేఖలో కోరారు. రాష్ట్రంలో జరుగుతున్న ఘటనలతో ప్రత్యక్షంగా, పరోక్షంగా ఎలాంటి సంబంధం లేకపోయినా, వివిధ పోలీస్‌ స్టేషన్లలో తమ పార్టీ నేతలపై క్రిమినల్‌ కేసులు నమోదు చేస్తున్నారన్నారు. తద్వారా వారిలో భయాందోళనలు సృష్టించి, ఎన్నికల ప్రక్రియలో పాల్గొనకుండా ఆ­టంకం కలిగిస్తున్నారన్నారు.ఇదీ చదవండి: 14నే ఎన్నికల షెడ్యూల్ ఎందుకు ప్రకటించారు?

సాక్షి, తాడేపల్లి: రాష్ట్ర ఎన్నికల సంఘం నిష్పక్షపాతంగా పనిచేస్తుందా?. అధికార పార్టీ ఒత్తిళ్లకు తలొగ్గుతుందా?. ఎన్నికల సంఘం నిర్ణయాలే దాని విశ్వసనీయతపై అనుమానాలు కలిగిస్తున్నాయి’’ అంటూ వైఎస్సార్‌సీపీ నేత, మాజీ ఎమ్మెల్యే టీజేఆర్ సుధాకర్ బాబు వ్యాఖ్యానించారు. గురువారం ఆయన మీడియాతో మాట్లాడుతూ.. చంద్రబాబు హయాంలో సీఎస్‌గా పనిచేసిన అనిల్ చంద్ర పునేఠా ఇప్పుడు రాష్ట్ర ఎన్నికల కమిషనర్‌గా ఉన్నారు. ఎన్నికల సంఘం రాజ్యాంగబద్ధంగా పనిచేయాలి.. ఎవరి ఆదేశాలకో తలొగ్గకూడదు’’ అని టీజేఆర్‌ పేర్కొన్నారు.‘‘అక్టోబర్ 16న కొత్త ఓటర్ల జాబితా వస్తుందని తెలిసినా 14నే ఎన్నికల షెడ్యూల్ ఎందుకు ప్రకటించారు?. కేవలం 30 గంటలు ఆగలేనంత తొందర ఎన్నికల సంఘానికి ఎందుకు వచ్చింది?. కొత్త ఓటర్ల జాబితా కోసం వేచి ఉండకుండా ఎన్నికలకు వెళ్లడంలో ఆంతర్యమేంటి?. కొత్తగా చేరే 11 నుంచి 13 లక్షల మంది ఓటర్ల హక్కులపై ఎన్నికల సంఘం సమాధానం చెప్పాలి. చనిపోయినవారు, డూప్లికేట్ ఓటర్లు, వలస వెళ్లినవారి వివరాలు సరిచూసిన తర్వాతే ఎన్నికలు నిర్వహించాలి...అక్టోబర్ 30 వరకు ఓటర్ల జాబితా ప్రక్రియ గడువు పొడిగించిన విషయం రాష్ట్ర ఎన్నికల సంఘానికి తెలియదా?. కేంద్ర ఎన్నికల సంఘానికి, రాష్ట్ర ఎన్నికల సంఘానికి మధ్య సమాచార లోపం ఉందా?. ఉదయం ప్రకటించాల్సిన షెడ్యూల్‌ను మధ్యాహ్నం 3.30 గంటలకు మార్చాల్సిన అవసరమేంటి?. మొదట ప్రకటించిన స్థానాల్లో మంగళగిరి, తాడేపల్లిని తర్వాత ఎందుకు తొలగించారు?. లోకేష్ ప్రాతినిధ్యం వహిస్తున్న నియోజకవర్గంలోని స్థానాలకే మినహాయింపు ఎందుకు?. ఎన్నికల సంఘాన్ని నడిపిస్తున్నదెవరు? ముఖ్యమంత్రా, ఉప ముఖ్యమంత్రా, షాడో ముఖ్యమంత్రా?..పులివెందుల, ఒంటిమిట్ట ఎన్నికల్లో జరిగిన ఘటనలపై ఎన్నికల సంఘం ఏ చర్యలు తీసుకుంది?. నామినేషన్లు ఉపసంహరించుకోవాలని మా అభ్యర్థులను బెదిరించిన ఘటనలను ఎన్నికల సంఘం దృష్టికి తీసుకెళ్లాం. రాష్ట్ర పోలీసు వ్యవస్థపై మాకు నమ్మకం లేదు.. కేంద్ర పారామిలటరీ బలగాలను మోహరించాలి. ఎన్నికల ప్రక్రియ మొత్తం సీసీటీవీ పర్యవేక్షణలో జరగాలని కోరాం. ఎన్నికల నిర్వహణ అధికార పార్టీ చేతుల్లో కాకుండా ఎన్నికల సంఘం నియంత్రణలో ఉండాలి. వైఎస్సార్‌సీపీ అభ్యర్థులకు కుల ధ్రువీకరణ పత్రాలు ఇవ్వకుండా అడ్డుకుంటున్నారు‘‘కుల ధ్రువీకరణ పత్రాల జారీలో రాజకీయ వివక్షపై ఎన్నికల సంఘం ఏం చర్యలు తీసుకుంది?. నో డ్యూస్ సర్టిఫికెట్లు అందకపోతే అభ్యర్థుల నామినేషన్లకు ఇబ్బందులు ఎదురవుతాయి. మా ఫిర్యాదులపై తీసుకున్న చర్యలను ఎన్నికల సంఘం బహిరంగంగా ప్రకటించాలి. 2024 ఎన్నికల్లో పోలింగ్ శాతాల మార్పులపై అడిగిన ప్రశ్నలకు ఇప్పటికీ సమాధానం లేదు. సాయంత్రం 5 గంటల నుంచి పోలింగ్ ముగిసే వరకు ఎన్ని ఓట్లు పోలయ్యాయో వెల్లడించాలి. రాత్రి 11.45 గంటల తర్వాత పోలింగ్ కొనసాగిన కేంద్రాల సంఖ్య ఎంత?. పోలింగ్ శాతం 68 శాతం స్థాయి నుంచి 81.78 శాతానికి చేరడంపై స్పష్టమైన వివరణ ఇవ్వాలి.’’ అని టీజేఆర్‌ డిమాండ్‌ చేశారు.‘‘ఈవీఎంల బ్యాటరీ రీడింగులపై లేవనెత్తిన సందేహాలకు సమాధానం ఎందుకు ఇవ్వలేదు?. వీవీప్యాట్ వెరిఫికేషన్ కోరిన అభ్యర్థుల ఫిర్యాదులపై ఏం చర్యలు తీసుకున్నారు?. హిందూపురంలోని ఒక పోలింగ్ కేంద్రంలో వైఎస్సార్‌సీపీకి ఒక్క ఓటే రావడంపై అడిగిన ప్రశ్నకు సమాధానం ఏది?. ఫారం-20 పత్రాల లభ్యతలో జాప్యంపై సమాధానం చెప్పాలి. పండుగల సమయంలోనే స్థానిక సంస్థల ఎన్నికలు జరపాల్సిన అవసరమేంటి?. దసరా, నవరాత్రి ఉత్సవాలు పూర్తయ్యే వరకు వేచి ఉండాలని అఖిలపక్ష సమావేశంలో కోరాం. సనాతన ధర్మం గురించి మాట్లాడే కూటమి నేతలకు ప్రజల పండుగల ఇబ్బందులు కనిపించడం లేదా?కుప్పంలో ఇప్పటికీ రాజకీయ ఫ్లెక్సీలు, జెండాలు, బ్యానర్లు ఉన్నా చర్యలు ఎందుకు తీసుకోవడం లేదు?. విజయవాడ పరిసరాల్లో ఎన్నికల కోడ్ అమల్లో ఉన్నా రాజకీయ ర్యాలీలు, ప్రచార కార్యక్రమాలు కొనసాగుతున్నాయి. ఎన్నికల కోడ్ వైఎస్సార్‌సీపీకి మాత్రమేనా? అధికార కూటమి పార్టీలకు వర్తించదా?. కూటమి నేతల కోడ్ ఉల్లంఘనలపై ఎన్నికల సంఘం ఎందుకు మౌనంగా ఉంది?. ఎన్నికల సంఘం ప్రజలందరినీ సమానంగా చూడాలి. పార్టీల ఆధారంగా వివక్ష చూపకూడదు. ఇప్పటికైనా రాష్ట్ర ఎన్నికల సంఘం స్వతంత్రంగా, నిష్పక్షపాతంగా, పారదర్శకంగా వ్యవహరించాలి’’ అని టీజేఆర్‌ సుధాకర్‌బాబు పేర్కొన్నారు.ఇదీ చదవండి: ‘స్థానిక’ నగారా మోగింది

సాక్షి, హైదరాబాద్‌: తెలంగాణలో కొత్త ఓటర్లుగా నమోదు చేసుకోవాలనుకునేవారికి ఎన్నికల అధికారులు అవకాశం కల్పిస్తున్నారు. ఇవాళ, రేపు (అక్టోబర్‌ 15, 16 తేదీల్లో) రాష్ట్రంలోని అన్ని పోలింగ్‌ కేంద్రాల్లో బూత్‌ లెవల్‌ అధికారులు (BLO) అందుబాటులో ఉండనున్నారు. అర్హులైన వారు ఈ అవకాశాన్ని వినియోగించుకుని ఓటరుగా నమోదు చేసుకోవచ్చు.కొత్తగా ఓటరు జాబితాలో పేరు చేర్చుకోవాలనుకునేవారు ఫామ్‌-6 నింపి బీఎల్వోలకు అందజేయాలి. పోలింగ్‌ కేంద్రాలకు వెళ్లి నమోదు ప్రక్రియకు సంబంధించిన వివరాలను తెలుసుకోవచ్చు. ఓటరు జాబితాలో పేరు లేని అర్హులు ఈ అవకాశాన్ని సద్వినియోగం చేసుకోవాలని అధికారులు సూచిస్తున్నారు.సర్‌ నేపథ్యంలో..ఓటరు జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియ, ఓట్ల తొలగింపుపై వివిధ ప్రాంతాల్లో నెలకొన్న ఆందోళనలు, గందరగోళం నేపథ్యంలో ఓటరు జాబితాలో పేరు ఉందో లేదో సరిచూసుకోవడం కీలకంగా మారింది. అర్హత ఉన్నప్పటికీ జాబితాలో పేరు నమోదు కానివారు ఫామ్‌-6 ద్వారా దరఖాస్తు చేసుకోవచ్చు. తమ పేరు తొలగించబడిందని అనుమానం ఉన్నవారు బీఎల్వోను సంప్రదించి వివరాలను నిర్ధారించుకోవాలి.ఓటు హక్కు ప్రజాస్వామ్యంలో కీలకమైనది. అర్హులైన ప్రతి ఒక్కరూ ఓటరు జాబితాలో తమ పేరు ఉండేలా చూసుకోవడంతోపాటు, అవసరమైన సవరణల కోసం సంబంధిత అధికారులను సంప్రదించాలని సూచిస్తున్నారు.ఇదీ చదవండి: కరెంట్‌ పోతే ఐఏఎస్‌లపై వేటా?

విజయవాడ: ఆంధ్రప్రదేశ్‌లో స్థానిక సంస్థల ఎన్నికల నగారా మోగింది. రాష్ట్ర ఎన్నికల కమిషనర్‌ అనిల్‌చంద్ర పునేఠా మున్సిపల్‌, మండల, జిల్లా పరిషత్‌ ఎన్నికలకు సంబంధించి షెడ్యూల్‌ విడుదల చేశారు. ఏపీలోని 13 నగరపాలక సంస్థలు, 77 మున్సిపాలిటీలు, 10 నగర పంచాయతీలకు ఎన్నికల షెడ్యూల్‌ ప్రకటించారు. మూడు దశల‍్లో స్థానిక సంస్థల ఎన్నికలు జరుగుతాయి. ఏపీ వ్యాప్తంగా నేటి నుంచి ఎన్నికల కోడ్ అమల‍్లోకి వచ్చింది.మున్సిపాలిటీ, కార్పొరేషన్లు, నగర పంచాయతీ ఎన్నికల షెడ్యూల్‌ ఇదే..అక్టోబర్‌ 14-నోటిఫికేషన్‌అక్టోబర్‌ 18 వరకు నామినేషన్ల గడువుఅక్టోబర్‌ 21- నామినేషన్ల ఉపసంహరణఅక్టోబర్‌ 28- పోలింగ్‌అక్టోబర్‌ 30-కౌంటింగ్‌ఎంపీటీసీ, జెడ్పీటీసీ ఎన్నికల షెడ్యూల్‌అక్టోబర్‌ 19- నోటిఫికేషన్‌అక్టోబర్‌ 23- నామినేషన్లకు గడువుఅక్టోబర్‌ 27- నామినేషన్ల ఉపసంహరణ నవంబర్‌ 3- పోలింగ్‌ నవంబర్‌ 5- కౌంటింగ్మూడు విడతల్లో గ్రామ పంచాయతీ ఎన్నికలుగ్రామ పంచాయతీ షెడ్యూల్‌నవంబర్‌ 13- తొలి దశ నోటిఫికేషన్‌ నవంబర్‌ 26- తొలి దశ పోలింగ్‌, కౌంటింగ్‌ నవంబర్‌ 16- రెండో దశ నోటిఫికేషన్‌ నవంబర్‌ 29- రెండో దశ పోలింగ్‌, కౌంటింగ్‌ నవంబర్‌ 19- మూడో దశ నోటిఫికేషన్‌ డిసెంబర్‌ 2- మూడో దశ పోలింగ్‌, కౌంటింగ్‌

సాక్షి, అమరావతి: ఆంధ్రప్రదేశ్‌లో స్థానిక సంస్థల ఎన్నికల నిర్వహణలో అభ్యర్థుల భద్రత, నామినేషన్‌ కేంద్రాలు మొదలుకొని ఓట్ల లెక్కింపు వరకు భద్రతా ఏర్పాట్లపై హైకోర్టు కీలక ఆదేశాలు జారీ చేసింది. ఎన్నికల ప్రక్రియ ముగిసే వరకు పోటీ చేసే అభ్యర్థులందరికీ తగిన భద్రత కల్పించే అంశంపై పూర్తి వివరాలను తమ ముందు ఉంచాలని రాష్ట్ర ఎన్నికల సంఘాన్ని బుధవారం ఆదేశించింది.స్థానిక సంస్థల ఎన్నికల్లో అభ్యర్థులకు భద్రత కల్పించడంతోపాటు నామినేషన్‌ కేంద్రాలు, పోలింగ్‌ కేంద్రాలు, స్ట్రాంగ్‌ రూములు, కౌంటింగ్‌ కేంద్రాల వద్ద పటిష్టమైన భద్రత ఏర్పాటు చేయాలని, సీసీటీవీ కెమెరాల నిఘా, లైవ్‌ వెబ్‌కాస్టింగ్‌ అందుబాటులో ఉంచాలని కోరుతూ వైఎస్సార్సీపీ ఉన్నత న్యాయస్థానంలో పిటిషన్‌ దాఖలు చేసింది. ఈ పిటిషన్‌పై విచారణ చేపట్టిన న్యాయస్థానం ఎన్నికల భద్రతకు సంబంధించి వివరాలు సమర్పించాలని ఎన్నికల సంఘాన్ని ఆదేశిస్తూ నోటీసులు జారీ చేసింది.నామినేషన్ల దాఖలు తేదీ నుంచి ఓట్ల లెక్కింపు, ఫలితాల ప్రకటనతో సహా మొత్తం ఎన్నికల ప్రక్రియ పూర్తయ్యే వరకు పోటీ చేసే అభ్యర్థులకు ఎలాంటి భద్రతా చర్యలు తీసుకుంటారో వివరించాలని స్పష్టం చేసింది. ఈ మేరకు రాష్ట్ర ఎన్నికల సంఘం కార్యదర్శితో పాటు పంచాయతీరాజ్‌ శాఖ ముఖ్య కార్యదర్శి, డీజీపీకి నోటీసులు జారీ చేసింది.ఎన్నికల సమయంలో అభ్యర్థుల భద్రత, పోలింగ్‌ ప్రక్రియ పారదర్శకంగా సాగడం, ఓట్ల లెక్కింపు కేంద్రాల వద్ద భద్రత వంటి అంశాలపై తీసుకునే చర్యలకు సంబంధించిన వివరాలను సమర్పించాల్సి ఉంది. తదుపరి విచారణను హైకోర్టు శుక్రవారానికి వాయిదా వేసింది.ఇదీ చదవండి: ఏపీ సర్కార్‌కు సుప్రీంకోర్టు నోటీసులు

తాడేపల్లి: స్థానిక సంస్థల ఎన్నికల అంశానికి సంబంధించి రాష్ట్ర ఎన్నికల ప్రధానాధికారికి వైఎస్సార్‌సీపీ లేఖ రాసింది. స్థానిక ఎన్నికల బరిలో ఉండే అభ్యర్థులకు సర్టిఫికేట్ల జారీ ఆలస్యంపై ఫిర్యాదు చేస్తూ లేఖ రాసింది. ఈ మేరకు వైఎస్సార్‌సీపీ ప్రధాన కార్యదర్శి లేళ్ల అప్పిరెడ్డి.. రాష్ట్ర ఎన్నికల ప్రధానాధికారికి లేఖ రాశారు.కుల, కమ్యూనిటీ సర్టిఫికెట్లు, నో-డ్యూస్, ఎన్‌ఓసీ సర్టిఫికెట్ల జారీలో జాప్యంపై ఫిర్యాదు చేశారు. సర్టిఫికేట్లు అందకపోతే నామినేషన్ ప్రక్రియలో ఇబ్బందులు ఎదురవుతాయని ఆందోళన వ్యక్తం చేశారు. సర్టిఫికేట్ల జారీని ఆలస్యం లేకుండా చూడాలని ఎస్‌ఈసీకి విన్నవించారు. ఈ మేరకు అధికారులకు తక్షణ ఆదేశాలు ఇవ్వాలని ఎస్‌ఈసీని కోరారు. ఇందులో ఎలాంటి వివక్షతకు తావులేకుండా చూడాలని విజ్ఞప్తి చేశారు. ఇదీ చదవండి: సిగ్గుచేటు.. ఏం సమాధానం చెప్తారు చంద్రబాబు?: చెల్లుబోయిన

విజయవాడ: ఆంధ్రప్రదేశ్‌లో ఓటర్ల ప్రత్యేక సమగ్ర సవరణ (SIR-స్పెషల్ ఇంటెన్సివ్ రివిజన్) గడువును రాష్ట్ర ఎన్నికల కమిషన్‌ పెంచింది. ఈ నెల 10 వరకు సర్ గడువు ఉంటుందని తెలిపింది. క్లెయిమ్స్, అభ్యంతరాల పరిష్కారానికి అక్టోబర్ 5 వరకు అవకాశం ఇస్తున్నట్లు పేర్కొంది. అక్టోబర్ 9న తుది ఓటర్ల జాబితా వెలువడనుంది.

సాక్షి, అమరావతి: రాష్ట్రంలో ఓటర్ల జాబితాల ప్రత్యేక సవరణ (సర్‌) ప్రక్రియలో టీడీపీ సాగిస్తున్న అక్రమ కార్యకలాపాలపై రాష్ట్ర ఎన్నికల ప్రధాన అధికారికి వైఎస్సార్‌సీపీ ఫిర్యాదు చేసింది. వైఎస్సార్‌ సీపీ ఎమ్మెల్సీలు లేళ్ల అప్పిరెడ్డి, రుహుల్లా, పార్టీ లీగల్‌ సెల్‌ రాష్ట్ర అధ్యక్షుడు మనోహర్‌ రెడ్డి, ఉద్యోగులు, పెన్షనర్ల విభాగం రాష్ట్ర అధ్యక్షుడు నలమారు చంద్రశేఖర్‌రెడ్డి, పార్టీ గ్రీవెన్స్‌ సెల్‌ అధ్యక్షుడు నారాయణమూర్తి తదితరులు రాష్ట్ర ఎన్నికల ప్రధానాధికారిని సోమవారం సచివాలయంలో కలిశారు. ‘సర్‌’ ప్రక్రియ సందర్భంగా ‘మై టీడీపీ యాప్‌’ ద్వారా ఓటర్ల కులం, ఏ రాజకీయ పార్టీ సానుభూతిపరుడు? అనే వ్యక్తిగత వివరాలను అధికార టీడీపీ సేకరించడంపై ఫిర్యాదు చేశారు.అనంతరం వారంతా రాష్ట్ర ఎన్నికల ప్రధానాధికారి కార్యాలయం ఉన్న సచివాలయం ఐదో బ్లాక్‌ వద్ద మీడియాతో మాట్లాడేందుకు సిద్ధం కాగా, సెక్యూరిటీ సిబ్బంది, పోలీసులు అడ్డుకున్నారు. ఈ క్రమంలో ఎదురుగా మరో బ్లాక్‌ ఎదుట మాట్లాడేందుకు వెళ్తుండగా అడ్డుకోవడం, సచివాలయ ఆవరణలో మాట్లాడకుండా నిరోధించటాన్ని వైఎస్సార్‌ ఎమ్మెల్సీలు తీవ్రంగా ఆక్షేపించారు. సచివాలయం బయట మాట్లాడాలని సెక్యూరిటీ సిబ్బంది, పోలీసులు చెప్పడంపై మండిపడ్డారు.రాష్ట్ర ఎన్నికల ప్రధానాధికారిని కలిసిన తర్వాత ప్రతిపక్షంగా తాము ఏం చెప్పామో వివరాలు వెల్లడించకూడదా? అంటూ నిలదీశారు. తాము ఎమ్మెల్సీలమని, సచివాలయంలో ఎమ్మెల్సీలను మీడియాతో మాట్లాడనివ్వకుండా ప్రభుత్వం నిరంకుశంగా వ్యవహరిస్తోందని సచివాలయం ఐదో బ్లాక్‌ ముందు మెట్లపై బైఠాయించారు. ప్రభుత్వ తీరును ఖండిస్తూ నిరసన తెలిపారు. మైక్‌లు లేకుండానే వైఎస్సార్‌సీపీ నేతలు మీడియాతో మాట్లాడారు. ‘సర్‌’ తొలిరోజే డేటా చోరీ..⇒ వైఎస్సార్‌ సీపీ ఎమ్మెల్సీలు లేళ్ల అప్పిరెడ్డి, రుహుల్లా ⇒ ‘మై టీడీపీ’ యాప్‌ ద్వారా వ్యక్తిగత వివరాల సేకరణ ⇒ సీఈవోను కలిసి అక్రమాలపై ఫిర్యాదు చేశాంరాష్ట్రంలో ఓటర్ల జాబితా ప్రత్యేక సవరణ (సర్‌) ప్రక్రియ ప్రారంభమైన తొలిరోజే టీడీపీ నిస్సిగ్గుగా యాప్‌ ద్వారా ఓటర్ల డేటా చోరీకి తెర తీసిందని వైఎస్సార్‌సీపీ ఎమ్మెల్సీ లేళ్ల అప్పిరెడ్డి మండిపడ్డారు. సహచర ఎమ్మెల్సీ రుహుల్లా, పార్టీ లీగల్‌ సెల్‌ రాష్ట్ర అధ్యక్షుడు మనోహర్‌ రెడ్డి, ఉద్యోగులు, పెన్షనర్ల విభాగం రాష్ట్ర అధ్యక్షుడు నలమారు చంద్రశేఖర్‌ రెడ్డి, పార్టీ గ్రీవెన్స్‌ సెల్‌ అధ్యక్షుడు నారాయణమూర్తితో కలిసి సోమవారం వెలగపూడిలోని సచివాలయంలో ఎన్నికల ప్రధానాధికారి వివేక్‌యాదవ్‌ని కలిసి సర్‌ ప్రక్రియ సందర్భంగా టీడీపీ చేస్తున్న అక్రమాలు, ఓటర్ల డేటా గోప్యతలో లోపాలపై ఫిర్యాదు చేశారు.అనంతరం అప్పిరెడ్డి మీడియాతో మాట్లాడారు. ‘గోప్యంగా ఉండాల్సిన ఓటర్ల వ్యక్తిగత వివరాలను టీడీపీ అధికారాన్ని అడ్డుపెట్టుకుని యాప్‌ ద్వారా సేకరిస్తున్నట్లు ఎన్నికల ప్రధానాధికారికి ఫిర్యాదు చేశాం. ‘మై టీడీపీ’ యాప్‌ ద్వారా ఒక్కో ఓటరును మీరు ఏ రాజకీయ పార్టీ? ఏ కులం? అని అడుగుతూ ఓటర్ల వివరాలను యాప్‌లో నమోదు చేసుకుంటున్నారు. ఇలాంటి అంశాలపై గోప్యత పాటించాలని రాజ్యాంగం చెబుతోంది. కానీ ఎక్కడా అది కనిపించడం లేదు. గోప్యంగా ఉండాల్సిన సమాచారం సేకరించి ప్రత్యర్థుల ఓట్లు తొలగించేందుకు ప్రయతి్నస్తున్నారు.ఎన్నికల కమిషన్, అధికారుల వద్ద మాత్రమే ఉండాల్సిన ఓటర్ల కలర్‌ ఫొటోలతో కూడిన జాబితాలు టీడీపీకి చెందిన బీఎల్‌ఏల చేతుల్లో కనిపిస్తున్నాయి. మాకు కూడా అలాంటి జాబితాలు ఇవ్వాలని అడిగాం. యాప్‌ లను అనుమతించే అవకాశం ఉంటే వైఎస్సార్‌ కాంగ్రెస్‌ పార్టీ కూడా యాప్‌లను వినియోగించుకుంటుందని చెప్పాం. మ్యాపింగ్‌ కాని ఓటర్లను నమోదు చేసే ప్రక్రియలో డాక్యుమెంట్లు ఇస్తే తీసుకోవాలి.కానీ చాలాచోట్ల బీఎల్వోలు మాత్రం ఓటర్ల లిస్ట్‌ ప్రచురణ అయిన తర్వాత తీసుకుంటారని చెబుతున్నారు. అది సరికాదు. ఇప్పుడే డాక్యుమెంట్స్‌ ఇస్తే తీసుకోవాలి. అక్నాలెడ్జ్‌మెంట్‌ కూడా ఇవ్వాలని కోరాం. బీఎల్వోకు రాజకీయ పార్టీలు ఐడీ కార్డులు ఇస్తే వాటిని ఈసీ అధికారులు ధృవీకరించాలని కోరాం. ఏ నియోజకవర్గంలో ఎంతమంది ఓటర్లను నమోదు చేశారు? ఎన్ని ఓట్లు మ్యాప్‌ చేశారు? ఎన్ని కాలేదు? అనే వివరాలు ఆన్‌లైన్‌లో పెట్టాలని సీఈవోను కోరాం. దీనిపై ఆయన సానుకూలంగా స్పందించారు’ అని అప్పిరెడ్డి తెలిపారు. ఎమ్మెల్సీలకు గొంతెత్తి మాట్లాడే అవకాశం లేదా..? రాష్ట్రంలో గతంలో ఎన్నడూ లేని తరహాలో కూటమి ప్రభుత్వం ప్రజల గొంతులను నొక్కేందుకు యత్నిస్తోందని ఎమ్మెల్సీ అప్పిరెడ్డి, నేతలు దుయ్యబట్టారు. ‘ఈ ప్రభుత్వం ఏ దిశగా పాలన చేయాలని ఆలోచిస్తోందో అర్థం కావడం లేదు. ఎమ్మెల్సీలుగా మాకు గొంతెత్తి మాట్లాడేందుకు మాకు అవకాశం లేదా? నియంత రాజ్యంలా ప్రభుత్వం వ్యవహరిస్తున్న తీరును ప్రజాస్వామ్యవాదులు ఖండించాలి. అధికారులను అడ్డుపెట్టుకుని మా గొంతు నొక్కాలని చూస్తోంది. ఎవరినీ అభిప్రాయాలు, సమస్యలు చెప్పుకోనివ్వడం లేదు. అంతా రెడ్‌ బుక్‌ రాజ్యాంగమే. ఎన్ని నిర్భంధాలు పెట్టినా మేం ప్రజల గొంతుకగా మాట్లాడుతూనే ఉంటాం. ప్రజాస్వామ్య పద్ధతుల్లో నిరసన తెలియజేస్తాం’ అని అప్పిరెడ్డి స్పష్టం చేశారు.

సాక్షి, హైదరాబాద్‌: పంచాయితీ ఎన్నికల వేల రాష్ట్ర ఎన్నికల సంఘం కీలక ఆదేశాలు చేసింది. గ్రామ పంచాయతీ ఎన్నికల్లో పదవుల ఆక్షన్, బలవంతపు విత్‌డ్రాల్స్‌పై కఠిన చర్యలు తీసుకునేందుకు ప్రత్యేక మానిటరింగ్ సెల్ ఏర్పాటు చేసింది. అన్‌కాంటెస్టెడ్ ఫలితాలపై Rule–15 దుర్వినియోగం నివారించేందుకు కొత్త మార్గదర్శకాలు జారీ చేసింది. ప్రతి విత్‌డ్రా సమయంలో అభ్యర్థుల నుంచి రెండు డిక్లరేషన్లు తప్పనిసరి. ఒక్క అభ్యర్థి మిగిలితే RO వెంటనే Form-X సిద్ధం చేయాలి. ఆర్వో పంపిన సమాచారం డీఈఏ అదేరోజు ధృవీకరించాలి. వేలం/బెదిరింపు ఆధారాలు ఉంటే ఫలితాన్ని ఆర్వో తాత్కాలికంగా నిలిపేయాలి. నిబంధనలు అతిక్రమిస్తే పంచాయతీ ఎన్నికలను రద్దు చేయాలి అని ఆదేశాల్లో స్పష్టం చేసింది. అన్‌కాంటెస్టెడ్ ఫలితాలు స్వచ్ఛమైనవి అని నిర్ధారించినప్పుడే ప్రకటించాలని.. మొత్తం ప్రక్రియను ఆలస్యం లేకుండా పూర్తి చేయాలని ఎస్‌ఈసీ పేర్కొంది.

సాక్షి, హైదరాబాద్‌: పల్లెల్లో పంచాయతీ పోరుకు రంగం సిద్ధమైంది. రాష్ట్రవ్యాప్తంగా 31 జిల్లాల్లోని 564 మండలాల్లో 12,728 గ్రామ పంచాయతీల్లోని 12,728 సర్పంచ్, 1,12,242 వార్డు సభ్యుల స్థానాలకు (32 జీపీలు, 292 వార్డులు మినహా) మూడు విడతల్లో ఎన్నికలు జరగనున్నాయి. వచ్చేనెల 11న తొలి, 14న రెండో, 17న మూడో విడత జరగనున్న ఎన్నికలకు రాష్ట్ర ఎన్నికల కమిషనర్‌ ఐ.రాణీకుముదిని మంగళవారం నోటిఫికేషన్‌ జారీచేశారు.ఏ దశకు ఆ దశ ఎన్నిక ముగియగానే అదే రోజు సాయంత్రం సర్పంచ్, వార్డు సభ్యుల ఓట్లు లెక్కించాక విజేతలను ప్రకటించనున్నారు. ఈ షెడ్యూల్‌ జారీతోనే 31 గ్రామీణ జిల్లాల్లో ఎన్నికల ప్రవర్తనా నియమావళి వెంటనే అమల్లోకి వచ్చిందని ఆమె తెలియజేశారు. ఈ ఎన్నికలను బ్యాలెట్‌ పేపర్లతో నిర్వహిస్తుండగా, బ్యాలెట్‌ పత్రాల్లో ‘నోటా’ (‘నన్‌ ఆఫ్‌ద అబౌవ్‌) గుర్తును కూడా ముద్రించనున్నారు. రాష్ట్ర ఎన్నికల కమిషన్‌ (ఎస్‌ఈసీ) కార్యాలయంలో పంచాయతీరాజ్, గ్రామీణాభివృద్ధి శాఖ డైరెక్టర్‌ డా.జి.సృజన, అదనపు డీజీపీ మహేశ్‌ భగవత్, ఎస్‌ఈసీ కార్యదర్శి మంద మకరందంలతో కలిసి రాణీకుముదిని నోటిఫికేషన్‌ విడుదల చేశారు. ప్రత్యేక కాల్‌సెంటర్‌ హైకోర్టులో ఉన్న వివిధ కేసుల్లో స్టే విధించిన కారణంగా ములుగు జిల్లాలోని మంగపేట మండలంలోని 25 గ్రామ పంచాయతీలు, కరీంనగర్‌ జిల్లా సైదాపూర్‌ మండలంలోని కుర్మపల్లి, రామచంద్రాపూర్‌ పంచాయతీలు, ఖమ్మం జిల్లా ఎన్నూరు మండంలోని 4 జీపీలు, పెనుబల్లి మండలంలోని ఒక గ్రామపంచాయతీకి, అలాగే వీటిలోని మొత్తం 292 వార్డుల్లో ఎన్నికలు నిర్వహించడంలేదని కమిషనర్‌ రాణీకుముదిని తెలిపారు. గత సెప్టెంబర్‌ 29న ఐదు విడతల్లో ఎన్నికల నిర్వహణకు ఎస్‌ఈసీ విడుదల చేసిన షెడ్యూల్‌ను నిలుపుదల చేసినట్టు చెప్పారు.ప్రస్తుతం మూడు విడతల్లో పంచాయతీ ఎన్నికల కోసం రీనోటిఫికేషన్‌ విడుదల చేస్తున్నామన్నారు. అన్ని జిల్లాల్లో ఎన్నికల పరిశీలకులను నియమించామని, ఎన్నికల ఉల్లంఘనలపై వారు ఎప్పటికప్పుడు తమకు నివేదికలు పంపిస్తారని చెప్పారు. పంచాయతీ ఎన్నికల కోసం ఈసారి కొత్తగా ‘గ్రీవెన్స్‌ మాడ్యూల్‌’ను ఏర్పాటు చేశామని, త్వరలో అందుబాటులోకి తెస్తున్న యాప్‌ ద్వారా ఫిర్యాదులు, అభ్యంతరాలు వంటివి స్వీకరిస్తామన్నారు. ఈ ఎన్నికల నిమిత్తం ఎస్‌ఈసీ కార్యాలయంలో 9240021456 నంబర్‌తో కాల్‌సెంటర్‌ కూడా ఏర్పాటు చేసినట్టు వెల్లడించారు. నామినేషన్లకు మూడు రోజులు గ్రామ పంచాయతీల్లోని సర్పంచ్, వార్డు సభ్యుల స్థానాలకు సవరించిన రిజర్వేషన్లను ప్రభుత్వం తమకు సమరి్పంచిందని రాణీ కుముదిని తెలిపారు. దీంతో పంచాయతీలకు రెండో సాధారణ ఎన్నికలకు సంబంధించిన నోటిఫికేషన్, జిల్లాలు–గ్రామపంచాయతీల వారీగా రిజర్వేషన్లు తదితర అంశాలను గెజిట్‌లలో ప్రచురించినట్టు చెప్పారు. గ్రామీణ స్థానిక సంస్థల పోస్టులకు ఖాళీలు ఏర్పడడంతో మూడు విడతల్లో ఎన్నికలు నిర్వహించాలని నిర్ణయించామని తెలిపారు.ఒక్కో దశను 15 రోజుల్లోగా ముగించేలా చర్యలు చేపడుతున్నామన్నారు. ఒక్కో దశకు మధ్య రెండు రోజుల వ్యవధి ఉన్నట్టుగా వెల్లడించారు. ఆయా తేదీలను బట్టి ఎక్కడికక్కడ రిటరి్నంగ్‌ అధికారులు ఎన్నికల నోటిఫికేషన్లు విడుదల చేస్తారని ప్రకటించారు. ఈ ఎన్నికల నోటీఫికేషన్‌ జారీచేసిన రోజు కలుపుకుని మూడురోజులు నామినేషన్ల దాఖలుకు అవకాశం ఉంటుందన్నారు. ఓటర్లందరూ తమ ఓటు హక్కు వినియోగించుకోవాలని, స్వేచ్ఛాయుత వాతావరణంలో, శాంతియుతంగా, నియమ నిబంధనలకు లోబడి ఎన్నికలు జరిగేలా అందరూ సహకరించాలని కోరారు. ఎన్నికలు జరిగే స్థానాలివీమొత్తం జిల్లాలు : 31 రెవెన్యూడివిజన్లు : 72 మండలాలు : 564 పంచాయతీలు :12,728 వార్డుల సంఖ్య :1,12,242 పోలింగ్‌ కేంద్రాలు :1,00,000కు పైగా గ్రామీణ ఓటర్లు పురుషులు :81,42,231 మహిళలు :85,12,455 ఇతరులు :500 మొత్తం :1,66,55,186

సాక్షి, హైదరాబాద్‌: రాష్ట్రంలో స్థానిక సంస్థల ఎన్నికలను ఎప్పుడు నిర్వహిస్తారో తెలియజేయాలని రాష్ట్ర ప్రభుత్వం, ఎన్నికల కమిషన్‌ను హైకోర్టు ఆదేశించింది. ఈ మేరకు వివరాలను తమ ముందు ఉంచాలని జీపీ, ఈసీ తరఫు న్యాయవాదికి స్పష్టం చేసింది. దీనికి రెండు వారాలు సమయమిస్తూ, విచారణను వాయిదా వేసింది. స్థానిక సంస్థల ఎన్నికల నోటిఫికేషన్‌ను సస్పెండ్‌ చేస్తూ రాష్ట్ర ఎన్నికల కమిషన్‌ జారీ చేసిన ఉత్తర్వులను సవాల్‌ చేస్తూ మంచిర్యాల మండలం లక్సెట్టిపేట్‌కు చెందిన రేంక సురేందర్‌ అనే వ్యక్తి హైకోర్టులో పిటిషన్‌ దాఖలు చేశారు.ఈ పిటిషన్‌పై ప్రధాన న్యాయమూర్తి జస్టిస్‌ అపరేశ్‌కుమార్‌ సింగ్, జస్టిస్‌ జీఎం మోహియుద్దీన్‌ ధర్మాసనం శుక్రవారం విచారణ చేపట్టింది. పిటిషనర్‌ తరఫున న్యాయవాది వాదనలు వినిపిస్తూ.. ‘రిజర్వేషన్లపై పిటిషన్‌ నేపథ్యంలో గతంలో ఇచ్చిన నోటిఫికేషన్‌ను ఎన్నికల కమిషన్‌ నిలిపివేస్తూ ఈ నెల 9న ఉత్తర్వులు జారీ చేసింది. హైకోర్టు, సుప్రీంకోర్టులో స్పష్టత వచ్చినా ఎన్నికల నిర్వహణకు ఎలాంటి చర్యలు చేపట్టడం లేదు. వెంటనే మరో నోటిఫికేషన్‌ జారీ చేసి, స్థానిక సంస్థల ఎన్నికలు నిర్వహించేలా ఎన్నికల కమిషన్‌ను ఆదేశించాలి’అని కోరారు.ఎన్నికల కమిషన్‌ తరఫున సీనియర్‌ న్యాయవాది విద్యాసాగర్‌ వాదనలు వినిపిస్తూ.. రిజర్వేషన్లు, షెడ్యూల్‌కు సంబంధించి ప్రభుత్వం నుంచి స్పష్టత రావాల్సి ఉందన్నారు. ఎన్నికల నిర్వహణకు ఈసీ సిద్ధంగా ఉందని చెప్పారు. ప్రభుత్వం తరఫున షాజియా పర్వీన్‌ వాదనలు వినిపిస్తూ.. కౌంటర్‌ దాఖలు చేసేందుకు 3 వారాలు సమయం కావాలని విజ్ఞప్తి చేశారు. వాదనలు విన్న ధర్మాసనం కౌంటర్‌ అవసరం లేదని, ఎన్నికల తేదీలు తెలియజేస్తే చాలని స్పష్టం చేస్తూ, విచారణను వాయిదా వేసింది.

సాక్షి, హైదరాబాద్‌: తెలంగాణ స్థానిక సంస్థల ఎన్నికలపై హైకోర్టు విచారణ జరిపింది. ఎన్నికలు ఎప్పుడు నిర్వహిస్తారో ప్రభుత్వం, ఎన్నికల కమిషన్‌ చర్చించి చెప్పాలని హైకోర్టు పేర్కొంది. స్థానిక సంస్థల ఎన్నికలపై తెలంగాణ హైకోర్టులో మరో పిటిషన్ దాఖలు కాగా.. స్థానిక సంస్థల ఎన్నికలకు రీ నోటిఫికేషన్ ఇచ్చి ఎన్నికలు నిర్వహించాలని పిటిషనర్‌ పేర్కొన్నారు. ఈ నెల 9 న స్థానిక ఎన్నికల నోటిఫికేషన్ సస్పెండ్ చేస్తూ స్టేట్ ఎలక్షన్ కమిషన్ ఉత్తర్వులు జారీ చేయగా.. నోటిఫికేషన్‌ను సస్పెండ్ చేయడానికి సవాలు చేస్తూ సురేందర్ అనే న్యాయవాది పిటిషన్ దాఖలు చేశారు. దీనిపై విచారణ చేపట్టిన హైకోర్టు.. నిన్న సుప్రీం కోర్టు కూడా ఎన్నికలకు వెళ్లమని చెప్పింది కదా అంటూ వ్యాఖ్యానించింది. ఎన్నికలు పెట్టుకోవచ్చని ఓరల్‌గా మాత్రమే చెప్పిందని.. ఆర్డర్‌లో ఎక్కడా చెప్పలేదని ఎలక్షన్ కమిషన్ తరఫు న్యాయవాది అన్నారు.నిన్ననే(అక్టోబర్‌ 16, గురువారం) రాష్ట్ర ప్రభుత్వానికి లేఖ రాశామని కోర్టుకు తెలిపారు. బీసీ రిజర్వేషన్‌లను 42 శాతానికి పెంచుతూ ఎన్నికల నోటిఫికేషన్ ఇచ్చాం కాబట్టే దాన్ని సస్పెండ్ చేశాం. ఫ్రెష్ గా రిజర్వేషన్ లను గూర్చి ప్రభుత్వంతో చర్చించాకే రీ నోటిఫికేషన్ ఉంటుంది. రెండు వారాల సమయం కావాలంటూ కోర్టును స్టేట్ ఎలక్షన్ కమిషన్, రాష్ట్ర ప్రభుత్వం కోరింది. దీంతో తదుపరి విచారణ రెండు వారాలకు హైకోర్టు వాయిదా వేసింది.

సాక్షి, హైదరాబాద్‌: రాష్ట్ర ఎన్నికల కమిషన్‌ (ఎస్‌ఈసీ) ద్వారా స్థానిక సంస్థల ఎన్నికల షెడ్యూల్, నోటిఫికేషన్‌ సోమవారం విడుదల కానున్నట్టు తెలుస్తోంది. ఆదివారం సాయంత్రం స్టేట్‌ ఎలక్షన్‌ కమిషనర్‌కు స్థానిక సంస్థల్లో సీట్ల రిజర్వేషన్ల జాబితాను పంచాయతీరాజ్, గ్రామీణాభివృద్ధిశాఖ డైరెక్టర్‌ డా.జి.సృజన అందజేశారు. రాష్ట్రంలోని 31 జిల్లాలకు (హైదరాబాద్, మేడ్చల్‌ మల్కా జిగిరి అర్బన్‌ మినహాయించి) సంబంధించిన జిల్లా ప్రజా పరిషత్‌ (జెడ్పీ), ఎంపీపీ, జెడ్పీటీసీ, ఎంపీటీసీ, సర్పంచ్‌లు, వార్డు సభ్యుల రిజర్వేషన్ల ఖరా రు నివేదికను సమరి్పంచారు.రాష్ట్ర ప్రభుత్వం నుంచి కూడా స్థానిక సంస్థల నిర్వహణకు ముందుకెళ్లాలంటూ ఎస్‌ఈసీకి ‘కాన్సెంట్‌’చేరినట్టుగా చెబుతున్నారు. ఎస్‌ఈసీకి ప్రభుత్వం నుంచి బీసీ రిజర్వేషన్ల ఖరారు జీఓ, పంచాయతీరాజ్‌ శాఖ నుంచి స్థానిక సంస్థల్లో ఆయా స్థానాలకు రిజర్వేషన్ల ఖరారు జాబితా, రాబోయే 15 నుంచి 18 రోజుల్లో ఎన్నికల ప్రక్రియ పూర్తి చేయా లంటూ ఆదేశాలు అందినట్టుగా అధికారవర్గాల్లో చర్చసాగుతోంది. ఈ పరిస్థితుల్లో సోమవారం నోటిఫికేషన్‌ విడుదల చేస్తే, వెంటనే మూడురోజుల్లో అభ్యర్థుల నుంచి నామినేషన్లు స్వీకరించనున్నట్లు సమాచారం. మొదట రెండు దశల్లో (గతంలో మూడు దశల్లో) ఎంపీటీసీ, జెడ్పీటీసీ ఎన్నికలు పూర్తిచేసి, ఆ తర్వాత వారం, పదిరోజుల అంతరంలోనే మూడు దశల్లో (గతంలోనూ మూడు దశల్లో) గ్రామ పంచాయతీ ఎన్నికలు జరపాలని నిర్ణయించినట్టు తెలిసింది.సోమవారం ఎస్‌ఈసీ ఆధ్వర్యంలో స్థానిక ఎన్నికలపై రిటరి్నంగ్‌ అధికారులకు శిక్షణ కార్యక్రమం నిర్వహించనున్నారు. ఆదివారం సాయంత్రం 5 గంటల వరకు పీఆర్‌ కమిషనరేట్‌ కార్యాలయంలో అన్ని జిల్లాలకు సంబంధించి మూడేసీ చొప్పున రిజర్వేషన్ల ఖరారు సైన్డ్‌ కాపీలు చేరాయి. వీటిని ఎన్నికల కమిషనర్‌కు పీఆర్‌ డైరెక్టర్‌ చేరవేశారు. జిల్లా పరిషత్‌ల స్థాయిలో జెడ్పీ చీఫ్‌ ఎగ్జిక్యూటివ్‌ ఆఫీసర్లు (సీఈఓ), మండల, గ్రామ పంచాయతీల పరిధిలోని స్థానాల రిజర్వేషన్లను జిల్లా పంచాయతీ అధికారులు (డీపీఓ)లు జెడ్పీటీసీ, ఎంపీటీసీ, సర్పంచ్, వార్డు సభ్యుల రిజర్వేషన్లను ఖరారు చేసిన విషయం తెలిసిందే.పీఆర్‌ డైరెక్టర్‌ సమరి్పంచిన రిజర్వేషన్ల జాబితాలపై రాత్రి పొద్దుపోయే దాకా ఎస్‌ఈసీ అధికారులు, సిబ్బంది జిల్లాల వారీగా అందిన రిజర్వేషన్ల సమాచారాన్ని క్రోడీకరించినట్టు తెలుస్తోంది. ఈ డేటా ఆధారంగా మండల, జిల్లా పరిషత్, గ్రామపంచాయతీ ఎన్నికల స్థానాలు, ఎన్ని దశల్లో నిర్వహణ, తదితర అంశాలపై నిర్ణయం తీసుకున్నట్టు తెలిసింది. దీనికి సంబంధించి ఎస్‌ఈసీ అధికారులు నోట్‌ ఫైల్‌ కూడా సిద్ధం చేసినట్టు తెలిసింది. ఈ ఫైల్‌పై రాష్ట్ర ఎన్నికల కమిషనర్‌ సంతకం కాగానే వెంటనే సోమవారం నోటిఫికేషన్‌ జారీ చేయనున్నట్టు సమాచారం. అయితే 31 జిల్లాల నుంచి రిజర్వేషన్ల ఖరారుకు సంబంధించి స్కాన్డ్‌ కాపీలను ఎస్‌ఈసీ కోరడంతో...అర్ధరాత్రి దాకా ఈ పనిలో పీఆర్‌ అధికారులు నిమగ్నమైనట్టు సమాచారం.నోటిఫికేషన్‌ జారీకి ముందే ఎస్‌ఈసీ ఆధ్వర్యంలో అఖిలపక్ష సమావేశం నిర్వహించాలి. దీనిపై లేదు. స్పష్టత కొరవడింది.

సాక్షి, హైదరాబాద్‌: తెలంగాణలో ఏ క్షణమైనా స్థానిక సంస్థల ఎన్నికల షెడ్యూల్ విడుదలయ్యే అవకాశముంది. ఇందుకు రాష్ట్ర ఎన్నికల సంఘం సన్నాహాలు చేస్తోంది. మూడు దశల్లో ఎన్నికలు నిర్వహించడానికి ఎన్నికల సంఘం ప్రణాళిక సిద్ధం చేసింది. ఈ నెల 30వ తేదీ లోపు ఎలక్షన్ షెడ్యూల్ విడుదల చేయాలని ఎస్‌ఈసీని తెలంగాణ సర్కార్‌ కోరిన సంగతి తెలిసిందే.రిజర్వేషన్ల నివేదికలు అందగానే స్టేట్‌ ఎలక్షన్‌ కమిషన్‌ నోటిఫికేషన్ విడుదల చేయనున్నట్లు సమాచారం. ప్రభుత్వం ఇవాళ(శనివారం) గెజిట్ నోటిఫికేషన్ విడుదల చేసే అవకాశం ఉంది. కోర్టులో కేసులను క్షుణ్ణంగా పరిశీలిస్తున్న ఎలక్షన్ కమిషన్.. కోర్టు ఏమైనా అదేశాలు ఇస్తే దాన్ని బట్టి ఎస్‌ఈసీ తదుపరి చర్యలు తీసుకునే అవకాశముంది. ఎలక్షన్ నిర్వహణకు ఎలక్షన్‌ కమిషన్‌.. ఎక్సైజ్, పోలీస్, పంచాయతీ రాజ్ శాఖల నివేదికలు తీసుకున్నట్లు తెలుస్తోంది. మొదటగా ఎంపీటీసీ, తర్వాత సర్పంచ్ ఎన్నికలకు కసరత్తు మొదలపెట్టనుంది.

సాక్షి, తాడేపల్లి: ప్రజాస్వామ్యాన్ని పట్టపగలు ఖూనీ చేస్తూ, అత్యంత దారుణంగా, ఏకపక్షంగా నిర్వహించిన పులివెందుల, ఒంటిమిట్ట జడ్పీటీసీ ఉప ఎన్నికలపై వైఎస్సార్‌సీపీ పోరాటం కొనసాగిస్తోంది. ఆ దిశలోనే ఆ రెండు ఎన్నికల పోలింగ్‌కు సంబంధించి.. ‘‘పోలింగ్‌ స్టేషన్లు, ఆయా ప్రాంగణాల సీసీ కెమెరా ఫుటేజ్‌, పలు ఘటనలకు సంబంధించిన వీడియో కవరేజ్‌, పోలింగ్‌కు సంబంధించిన వెబ్‌కాస్టింగ్‌, ఆ రోజు పోలింగ్‌ బూత్‌ల్లో కూర్చున్న ఏజెంట్ల పేర్లు జాబితా....పోలింగ్‌ ఆఫీసర్‌ (పీఓ) డైరీ, ఫామ్‌–12. ఫామ్‌–32 ఈ ఏడు అంశాల పూర్తి వివరాలు, సమాచారం ఇవ్వాలంటూ రాష్ట్ర ఎన్నికల సంఘాని(ఎస్‌ఈసీ)కి వైఎస్సార్‌ కాంగ్రెస్‌ పార్టీ రాష్ట్ర ప్రధాన కార్యదర్శి, ఎమ్మెల్సీ లేళ్ల అప్పిరెడ్డి వేర్వేరుగా రెండు (పులివెందుల, ఒంటిమిట్ట) వినతిపత్రాలు పంపించారు. వీలైనంత త్వరగా ఆ వివరాలు, పూర్తి సమాచారం ఇవ్వాలి’’ అని లేఖల్లో లేళ్ల అప్పిరెడ్డి విజ్ఞప్తి చేశారు.పులివెందుల, ఒంటిమిట్ట జడ్పీటీసీ ఉప ఎన్నికలు ప్రకటించిన నాటి నుంచి అధికార పక్షం చేసిన అరాచకాలు, వారికి వత్తాసు పలుకుతూ పోలీసులు వ్యవహరించిన తీరుపై వైఎస్సార్‌సీపీ ప్రత్యక్షంగానూ, లేఖల ద్వారానూ మొత్తం 35 పర్యాయాలు ఎస్‌ఈసీకి వినతిపత్రాలు అందజేసింది. ఫిర్యాదు చేసింది. ఎన్నికలకు వారం రోజుల ముందు వైఎస్సార్‌సీపీ ఎమ్మెల్సీ రమేష్‌యాదవ్, పార్టీ నాయకుడు వేల్పుల రామలింగారెడ్డిపై హత్యాయత్నం జరిగింది. దానిపై ఆధారాలతో సహా ఎస్‌ఈసీకి వైయస్సార్‌సీపీ ఫిర్యాదు చేసింది. అయినా ఎస్‌ఈసీ పట్టించుకోలేదు.ఇక ఎన్నికల రోజున ప్రజాస్వామ్యాన్ని ఖూనీ చేస్తూ, తెల్లవారుజాము నుంచే అన్ని పోలింగ్‌ బూత్‌లు స్వాధీనం చేసుకున్న అధికార పక్షం నాయకులు, కార్యకర్తలు.. చివరకు ఏ పోలింగ్‌ బూత్‌లోకి వైఎస్సార్‌పీపీ ఏజెంట్లను అడుగు కూడా పెట్టనీయలేదు. వారి నుంచి ఏజెంట్‌ అధీకృత ఫామ్స్‌ లాగేసుకున్నారు. వైఎస్సార్‌సీపీ సానుభూతిపరులెవ్వరూ ఓటు వేయకుండా ఎక్కడికక్కడ అడ్డుకున్నారు. చివరకు పులివెందులలో వైఎస్సార్‌సీపీ అభ్యర్థి తుమ్మల హేమంతరెడ్డిని కూడా ఓటు వేయనీయలేదు.ఆయన్ను ఇంట్లో నుంచి బయటకు కదలనీయలేదు. ప్రతిచోటా పోలీసు బలగాలను ఉపయోగించారు. యథేచ్ఛగా రిగ్గింగ్‌ చేసుకున్నారు. దీనిపై అప్పటికప్పుడు ఆధారాలతో సహా, ఎస్‌ఈసీకి వినతిపత్రం అందజేసినా, ఎలాంటి ప్రయోజనం లేకపోయింది. ఈ నేపథ్యంలో ఆ రెండు ఉప ఎన్నికల పూర్తి వివరాలు, సమాచారం, వీడియోలు ఇవ్వాలంటూ వైఎస్సార్‌సీపీ రెండు లేఖల ద్వారా ఎస్‌ఈసీకి విజ్ఞప్తి చేసింది.

అదానీ గ్రూప్ ఛైర్మన్ గౌతమ్ అదానీ, ఆయన మేనల్లుడు సాగర్ అదానీపై ఫిర్యాదు చేసేందుకు భారత ప్రభుత్వం సాయం కోరుతూ అమెరికా సెక్యూరిటీస్ అండ్ ఎక్స్ఛేంజ్ కమిషన్ (యూఎస్ ఎస్ఈసీ) సాహసోపేత నిర్ణయం తీసుకుంది. ప్రస్తుతం భారత్‌లో ఉన్న అదానీలకు తమ ఫిర్యాదును అందించేందుకు కృషి చేస్తున్నట్లు అమెరికా ఎస్ఈసీ న్యూయార్క్ జిల్లా కోర్టుకు తెలిపింది. ఈ ప్రక్రియను సులభతరం చేసేందుకు భారత న్యాయ మంత్రిత్వ శాఖ సాయాన్ని కోరినట్లు ఎస్ఈసీ పేర్కొంది. అయితే అందుకు మోదీ ప్రభుత్వం ఒప్పుకుంటుందా? అని ప్రముఖ న్యాయవాది ప్రశాంత్‌భూషణ్‌ తన ఎక్స్‌లో అనుమానం వ్యక్తం చేశారు. దీనిపై తృణమూల్‌ కాంగ్రెస్‌ ఎంపీ మహువా మోయిత్రా స్పందిస్తూ అదానీతో ఉన్న ‘పర్సనల్ మామ్లా(వ్యక్తిగత సంబంధం)’కు మోదీ కట్టుబడి ఉంటారో.. లేదో.. తెలియాలని కామెంట్‌ చేశారు.అసలేం జరిగిందంటే..అదానీ గ్రీన్ ఎనర్జీ లిమిటెడ్ (AGEL) సోలార్ ఎనర్జీ కాంట్రాక్టులు దక్కించుకునేందుకు భారత ప్రభుత్వ అధికారులకు 250 మిలియన్ డాలర్లకు పైగా లంచాలు చెల్లించిందన్న ఆరోపణలున్నాయి. దాంతో అమెరికాలోని పెట్టుబడిదారులు కూడా ఏజీఈఎల్‌లో ఇన్వెస్ట్‌ చేయడంతో కంపెనీపై వచ్చిన ఆరోపణలకు సంబంధించి యూఎస్‌లోని ఎస్‌ఈసీ, ఈస్టర్న్ డిస్ట్రిక్ట్ ఆఫ్ న్యూయార్క్ ప్రాథమిక దర్యాప్తు జరిపి సివిల్, క్రిమినల్ కేసులు పెట్టింది. వాటిని ఎదుర్కొనేందుకు అదానీ గ్రూప్‌ గతంలో రెండు సంస్థలను కూడా నియమించింది.కేసు నేపథ్యంసోలార్ ఎనర్జీ కార్పొరేషన్ ఆఫ్ ఇండియా (SECI) నుంచి కాంట్రాక్టులు పొందడానికి ఏజీఈఎల్‌కు అనైతికంగా సాయపడటానికి భారత అధికారులకు లంచం ఇచ్చారనే ఆరోపణలు వచ్చాయి. దాంతో అదానీ గ్రూప్ వ్యవస్థాపకుడు గౌతమ్ అదానీ, ఆయన బంధువు సాగర్ అదానీ, ఇతర ఎగ్జిక్యూటివ్‌లపై 2024 నవంబర్ 21న అమెరికా అధికారులు అభియోగాలు మోపారు. ఈ ఆరోపణలు ఉన్నప్పటికీ గౌతమ్ అదానీ, సాగర్ అదానీ, సీనియర్ ఎగ్జిక్యూటివ్ వినీత్ ఎస్ జైన్‌లపై యూఎస్ ఫారిన్ కరప్షన్ ప్రాక్టీసెస్ యాక్ట్ (ఏఫ్‌సీపీఏ) ఉల్లంఘనలకు సంబంధించి అభియోగాలు మోపలేదని ఎజీఈఎల్ నొక్కి చెప్పింది.ఇదీ చదవండి: ‘గ్రోక్ 3’ను ఆవిష్కరించిన మస్క్‌అదానీ గ్రూప్ ఈ ఆరోపణలను తీవ్రంగా ఖండించింది. అవి ‘నిరాధారమైనవి’ అని కొట్టిపారేసింది. దాంతోపాటు ఈ వివాదాన్ని పరిష్కరించేందుకు సాధ్యమైన అన్ని చట్టపరమైన మార్గాలను అనుసరిస్తామని చెప్పింది. ఎస్ఈసీ అభ్యర్థనపై భారత ప్రభుత్వం ఇంకా ఏ విధంగానూ స్పందించలేదు. ప్రభుత్వం అదానీలకు ఫిర్యాదును అందించడానికి అంగీకరిస్తుందో.. లేదో చూడాలి.

సాక్షి, హైదరాబాద్‌: రాష్ట్ర ఎన్నికల సంఘం (ఎస్‌ఈసీ) తాజాగా గ్రామ పంచాయతీల్లో వార్డుల వారీగా తుది ఓటర్ల జాబితాలను ప్రచురించింది. దీనికి సంబంధించి ఇదివరకే ప్రచురించిన ముసాయిదా ఓటర్ల జాబితాలపై వచ్చిన అభ్యంతరాల పరిష్కారం, ఆ మేరకు ఓట్ల తొలగింపు తర్వాత మండల, పంచాయతీ కార్యాలయాల్లో నోటీస్‌ బోర్డులపై డిస్‌ప్లే చేసింది. ఇందుకు అనుగుణంగా రాష్ట్రంలో 1,67,33, 584 మంది గ్రామీణ ఓటర్లు ఉన్నట్టుగా తేలింది. రాష్ట్రంలోని మొత్తం 538 మండలాలు, వాటి పరిధిలోని 12,867 గ్రామ పంచాయతీలు, 1,13,722 వార్డుల్లో ఈ మొత్తం ఓటర్లలో 82,04,518 మంది పురుషులు, 85,28,573 మంది మహిళలు, 493 మంది ఇతరులు (ట్రాన్సజెండర్లు) ఉన్నారు. నల్లగొండ జిల్లా టాప్‌.. మేడ్చల్‌ లాస్ట్‌ గ్రామీణ ఓటర్ల పరంగా చూస్తే నల్లగొండ జిల్లా రాష్ట్రంలోనే అగ్రస్థానంలో ఉంది. ఈ జిల్లాలోని 31 మండలాల్లోని 856 గ్రామపంచాయతీల్లో 7,392 వార్డుల్లో మొత్తం 10,42,545 ఓటర్లున్నారు. మేడ్చల్‌ మల్కాజిగిరిలో అత్యల్ప గ్రామీణ ఓటర్లు ఉన్నారు. ఈ జిల్లాలో గతంలో ఐదు మండలాలు ఉండగా వాటిలో కీసర, ఘట్‌కేసర్‌ మండలాలను మున్సిపాలిటీల్లో విలీనం చేస్తూ రాష్ట్ర ప్రభుత్వం నిర్ణయం తీసుకున్న విషయం తెలిసిందే. దీంతో మేడ్చల్‌ జిల్లా 3 మండలాల్లోని 34 గ్రామపంచాయతీలు..320 వార్డుల్లో మొత్తం 64,397 ఓటర్లు ఉన్నట్టుగా తేలింది.

ప్రపంచ కుబేరుడు 'ఎలాన్ మస్క్' (Elon Musk) 2022లో ఎక్స్ (ట్విటర్) సంస్థను 44 బిలియన్ డాలర్లకు కొనుగోలు చేసిన విషయం తెలిసిందే. అయితే ఆ కంపెనీని కొనుగోలు చేసే సమయంలో ఏవైనా ఫెడరల్ సెక్యూరిటీస్ చట్టాలను ఉల్లంఘించారా అనే దిశలో అమెరికాకు చెందిన SEC దర్యాప్తు చేస్తోంది. దీనికి సంబంధించిన మరిన్ని వివరాలు ఈ కథనంలో తెలుసుకుందాం. నివేదికల ప్రకారం, ట్విటర్ సంస్థను కొనుగోలు చేసిన సమయంలో ఏవైనా చట్టాలను ఉల్లంగించారా అని యూఎస్ సెక్యూరిటీస్ అండ్ ఎక్స్ఛేంజ్ కమిషన్ దర్యాప్తు చేస్తోంది. ఇందులో భాగంగానే ఎస్ఈసీ స్టేట్‌మెంట్స్, డీల్స్ వంటి వాటికి సంబందించిన ఫైలింగ్ గురించి మస్క్‌ను ప్రశ్నించడానికి సన్నద్ధమైంది. ఎలాన్ మస్క్ ఈ దర్యాప్తుకు హాజరు కావడానికి నిరాకరించినట్లు సమాచారం. కానీ దీనికి సాక్ష్యమివ్వడానికి ఎస్ఈసీ మస్క్‌ను బలవంతం చేస్తోంది, దీనికోసం ఫెడరల్ కోర్టులో దావా కూడా వేసింది. అయితే ఇప్పటికే యూఎస్ ఎక్స్ఛేంజ్ కమిషన్ అనేక సార్లు మస్క్ వాంగ్మూలాన్ని తీసుకున్నట్లు, మళ్ళీ హాజరు కావాల్సిన అవసరం లేదని మస్క్ తరపు లాయర్ తెలిపాడు. ఇదీ చదవండి: ఉద్యోగం పోయి చాలా రోజులైంది.. అప్పటి నుంచి.. మెటా మాజీ ఉద్యోగి పోస్ట్ వైరల్! ఎలాన్ మస్క్ ట్విటర్‌లో ఎంత వాటా కలిగి ఉన్నారనే దాని గురించి నిజం చెప్పారా.. లేదా అని తెలుసుకోవడానికి ఎస్ఈసీ మొదటి నుంచి ప్రయత్నిస్తోంది. 2023 మేలో శాన్‌ఫ్రాన్సిస్కోకి వచ్చి మాట్లాడాల్సిందిగా ఎస్ఈసీ  కోరింది. దీనికి మస్క్ సెప్టెంబర్ 15న రావడానికి అంగీకరించారు. కానీ ఆ తరువాత మనసు మార్చుకుని రాలేకపోతున్నట్లు తెలిపాడు.  ఇదీ చదవండి: ఎలాన్ మస్క్‌పై పిటిషన్.. ఆ రైట్స్ కల్పించాలంటున్న మాజీ భార్య! ఎస్ఈసీ చేపట్టిన దర్యాప్తు కేసులను కొట్టివేయడానికి మస్క్ చేసిన ప్రయత్నాలను US డిస్ట్రిక్ట్ జడ్జి ఆండ్రూ కార్టర్ తిరస్కరించారు. మిలియన్ల కొద్దీ స్టాక్‌లను కొనుగోలు చేయడానికి, ట్విటర్, సోషల్ మీడియా ప్లాట్‌ఫారమ్‌ల ద్వారా ట్వీట్స్ చేయడానికి, ఎగ్జిక్యూటివ్‌లు, అంతర్గత వ్యక్తులతో సమావేశం కావడానికి సమయం ఉంటుంది, కానీ విచారణకు రావడానికి మాత్రం సమయం ఉండదా అంటూ అసహనం వ్యక్తం చేశాడు.

న్యూయార్క్‌: ఇన్‌సైడర్‌ ట్రేడింగ్‌ స్కీముతో అక్రమంగా ఒక మిలియన్‌ డాలర్లు(దాదాపు రూ.7.5 కోట్లు) పైగా లాభాలు ఆర్జించారంటూ భారత సంతతికి చెందిన ఏడుగురిపై అమెరికాలో అభియోగాలు నమోదయ్యాయి. సెక్యూరిటీస్‌ అండ్‌ ఎక్సే్చంజ్‌ కమిషన్‌(ఎస్‌ఈసీ) ప్రకారం.. శాన్‌ఫ్రాన్సిస్కోకి చెందిన క్లౌడ్‌ కంప్యూటింగ్‌ సంస్థ ట్విలియోలో హరి ప్రసాద్‌ సూరి, లోకేష్‌ లగుడు, ఛోటు ప్రభు తేజ్‌ పులగం సాఫ్ట్‌వేర్‌ ఇంజినీర్లుగా పని చేసేవారు. కంపెనీకి సంబంధించిన అంతర్గత వివరాలను వీరు తమ స్నేహితులైన దిలీప్‌ కుమార్‌ రెడ్డి కముజుల, సాయి నెక్కలపూడి, అభిషేక్‌ ధర్మపురికర్, చేతన్‌ ప్రభు పులగంలకు చేరవేసేవారు. ఆ సమాచారాన్ని ఉపయోగించుకుని వీరంతా ట్విలియో ఆప్షన్స్‌లో ట్రేడింగ్‌ చేశారు.  2020 తొలి త్రైమాసికం ఫలితాలను ప్రకటించడానికి ముందు ఈ విధంగా ఇన్‌సైడర్‌ ట్రేడింగ్‌ ద్వారా వీరు 1 మిలియన్‌ డాలర్ల పైగా లాభాలు అక్రమంగా ఆర్జించినట్లు ఎస్‌ఈసీ అభియోగాలు మోపింది. సూరి, లోకేష్, ఛోటులు ప్రత్యేకంగా చాటింగ్‌ కోసం కంపెనీలో ప్రైవేట్‌ చానల్‌ ఏర్పాటు చేసుకుని .. 2020 మార్చి-మే మధ్య కాలంలో కంపెనీ త్రైమాసిక ఆర్థిక ఫలితాల అంచనాల గురించి తెలుగులో చర్చించుకున్నారని తెలిపింది. అప్పట్లో 110 డాలర్లుగా ఉన్న షేరు 150 డాలర్లకు వెడుతుందని వారు అంచనాకు వచ్చారని ఎస్‌ఈసీ తన ఫిర్యాదులో పేర్కొంది. ఇన్‌సైడర్‌ ట్రేడింగ్‌ ద్వారా లబ్ధి పొందేందుకు, తమను ఎవరూ గుర్తుపట్టకుండా ఉండేందుకు వీరంతా తమ స్నేహితులు, కుటుంబ సభ్యులను ఉపయోగించుకున్నారని తెలిపింది. నిందితులు ఇలా సెక్యూరిటీస్‌ ఎక్సే్చంజ్‌ యాక్ట్‌ను ఉల్లంఘించారంటూ నార్తర్న్‌ డిస్ట్రిక్ట్‌ ఆఫ్‌ కాలిఫోర్నియా న్యాయస్థానంలో దాఖలైన కేసులో ఎస్‌ఈసీ పేర్కొంది. (చదవండి: హమ్మ బాబోయ్! ఈ బైక్ ధరకు కారు వ‌చ్చేస్తుందిగా) 

సాక్షి, కరీంనగర్‌: కేంద్ర ఎన్నికల సంఘం ఆదేశాల ప్రకారం హుజూరాబాద్‌ ఉప ఎన్నికలకు సంబంధించి ఎగ్జిట్‌ పోల్‌ సర్వేలపై నిషేధం విధించినట్లు జిల్లా ఎన్నికల అధికారి, కలెక్టర్‌ ఆర్‌వీ కర్ణన్‌ గురువారం ఒక ప్రకటనలో తెలిపారు. ప్రజాప్రాతినిధ్య చట్టం 1951, సెక్షన్‌ 126 (ఎ) ప్రకారం అక్టోబర్‌ 30 రాత్రి 7.30 గంటల వరకు ఎలాంటి ఎగ్జిట్‌ పోల్‌ నిర్వహించరాదని, ప్రింట్, ఎలక్ట్రానిక్, ఇతర మాధ్యమాల ద్వారా ప్రచారం చేయకూడదని ఎన్నికల సంఘం నిషేధించినట్లు ఆయన పేర్కొన్నారు. కేంద్ర ఎన్నికల సంఘం ఆదేశాలను అతిక్రమించి ఎగ్జిట్‌ పోల్స్‌ నిర్వహించి నా, దినపత్రిక, టీవీ మాధ్యమాల్లో ప్రసారం చేసినా.. ఎన్నికల నిబంధనల మేరకు శిక్షార్హులని స్పష్టం చేశారు.   

సాక్షి, పశ్చిమ గోదావరి : ఏలూరు మున్సిపల్‌ కార్పొరేషన్‌ ఎన్నికల కౌంటింగ్‌కు ఎస్‌ఈసీ గ్రీన్‌ సిగ్నల్‌ వచ్చింది. ఈనెల 25న ఉ.8 నుంచి కౌంటింగ్‌ ప్రారంభించాలని ఉత్తర్వులు జారీ చేసింది. ఏలూరు కార్పొరేషన్‌ ఎన్నికల కౌంటింగ్‌ నిర్వహించుకోవచ్చన్న డివిజన్‌ బెంచ్‌ ఆదేశాలతో ఎస్‌ఈసీ తాజా ఉత్తర్వులు ఇచ్చింది. కోవిడ్‌ నిబంధనలతో కౌంటింగ్‌ ప్రక్రియ చేపట్టాలని కలెక్టర్‌ను ఆదేశించింది. కాగా, మార్చి 10న ఏలూరు మున్సిపల్‌ కార్పొరేషన్‌కు ఎన్నికలు జరిగిన విషయం తెలిసిందే. అత్యంత కట్టుదిట్టమైన భద్రత, కోవిడ్‌ జాగ్రత్తల మధ్య జరిగిన ఎలక్షన్‌లో  56.86% పోలింగ్ నమోదైంది. అయితే, ఓటర్ల జాబితాలో తప్పులున్నాయంటూ ఏలూరు మునిసిపల్‌ కార్పొరేషన్‌ ఎన్నికపై స్టే విధిస్తూ సింగిల్‌ జడ్జి గతంలో ఉత్తర్వులిచ్చారు. దీన్ని సవాల్‌ చేస్తూ రాష్ట్ర ప్రభుత్వంతో పాటు టీవీ అన్నపూర్ణ శేషుకుమారి అనే అభ్యర్థి వేర్వేరుగా ధర్మాసనం ముందు అప్పీళ్లు దాఖలు చేశారు. వీటిపై విచారణ జరిపిన సీజే నేతృత్వంలోని ధర్మాసనం, ఏలూరు కార్పొరేషన్‌ ఎన్నికల నిర్వహణకు అనుమతిచ్చి, ఫలితాలను వెల్లడించవద్దంటూ గతంలో మధ్యంతర ఉత్తర్వులు ఇచ్చింది. మేలో జరిగిన విచారణలో ఎన్నికల కౌంటింగ్‌ ప్రక్రియ కొనసాగించవచ్చని పేర్కొంటూ హైకోర్టు తీర్పునిచ్చింది.

సాక్షి, విజయవాడ: ఆంధ్రప్రదేశ్‌ రాష్ట్ర ఎన్నికల కమిషనర్‌గా నీలం సాహ్ని నియమితులయ్యారు. నీలం సాహ్ని పేరును గవర్నర్ బీబీ హరిచందన్ ఆమోదించారు. ప్రస్తుతం ముఖ్యమంత్రి వైఎస్‌ జగన్‌మోహన్‌రెడ్డి ముఖ్య సలహాదారుగా నీలం సాహ్ని ఉన్నారు. ఆంధ్రప్రదేశ్‌ రాష్ట్రానికి కొత్త ఎన్నికల కమిషనర్‌ నియామకానికి సంబంధించి ముగ్గురు రిటైర్ట్‌ ఐఏఎస్‌ అధికారులతో కూడిన ప్యానల్‌ను రాష్ట్ర ప్రభుత్వం గవర్నర్‌ కార్యాలయానికి పంపించిన సంగతి తెలిసిందే.. ప్రస్తుత ఎన్నికల కమిషనర్‌ నిమ్మగడ్డ పదవీ కాలం ఈ నెల 31తో ముగియనుంది. చదవండి: పోలవరం ప్రాజెక్టు: మరో కీలక అంకం పూర్తి..

సాక్షి, అమరావతి: ఎంపీటీసీ, జెడ్పీటీసీ రీ-నోటిఫికేషన్‌పై హైకోర్టులో శుక్రవారం విచారణ జరిగింది. కౌంటర్ దాఖలు చేయడానికి ఎస్‌ఈసీ సమయం కోరారు. కోర్టు కేసులు ఉన్నాయని ఎస్‌ఈసీ ఆలస్యం చేస్తోందని ప్రభుత్వం తెలిపింది. కౌంటర్ దాఖలు చేయనందుకు కోర్టుకు ఎస్‌ఈసీ క్షమాపణ చెప్పారు. సోమవారంలోగా కౌంటర్ దాఖలు చేయాలని హైకోర్టు ఆదేశించింది. ఎస్‌ఈసీ కౌంటర్ దాఖలు చేయనిపక్షంలో.. కౌంటర్‌ దాఖలు చేసినట్లుగానే భావించి విచారణ చేపడతామని ధర్మాసనం తెలిపింది. తదుపరి విచారణ హైకోర్టు.. సోమవారానికి వాయిదా వేసింది. చదవండి: చంద్రబాబు ఫ్లాప్‌ షో: టీడీపీలో నిరుత్సాహం సిట్టింగ్‌లకు టీడీపీ షాక్‌.. జనసేనతో లోపాయికారి  ఒప్పందం! 

సాక్షి, అమరావతి : ఆంధ్రప్రదేశ్‌ ఎన్నికల కమిషనర్‌ నిమ్మగడ్డ రమేష్‌ కుమార్‌కు ఎదురు దెబ్బ తగిలింది. మున్సిపల్‌ ఎన్నికల్లో రీ నామినేషన్‌కు అవకాశం ఇస్తూ జారీ చేసిన ఆదేశాలను బుధవారం హైకోర్టు కొట్టివేసింది. కొత్తగా మున్సిపల్‌ నామినేషన్లకు అవకాశం ఇవ్వొద్దని స్పష్టం చేసింది. మున్సిపల్‌ ఎన్నికలకు సంబంధించి వార్డు వాలంటీర్లపై ఎస్‌ఈసీ జారీ చేసిన ఆదేశాలను కూడా కొట్టేసింది. వాలంటీర్ల ట్యాబ్‌లను స్వాధీనం చేసుకోవద్దని సూచించింది.  కాగా, తిరుపతి కార్పోరేషన్‌లో ఆరు, పుంగనూరు మున్సిపాలిటీలో మూడు, కడప జిల్లా రాయచోటిలో రెండు ఏకగ్రీవాలలో రీ నామినేషన్‌కు అవకాశం కల్పిస్తూ ఎస్‌ఈసీ సోమవారం ఉత్తర్వులు జారీ చేశారు. నామినేషన్ వేయకుండా అడ్డుకుని బలవంతంగా ఏకగ్రీవం చేయించుకున్నందునే రీ నామినేషన్‌కి అవకాశమిస్తున్నట్లు ఉత్తర్వులలో పేర్కొన్నారు. అంతేకాదు..వార్డు వాలంటీర్లను మున్సిపల్‌ ఎన్నికల విధుల నుంచి దూరంగా ఉంచాలంటూ ఆదేశాలు జారీ చేశారు. వారి ఫోన్లను స్వాధీనం చేసుకోవాలని ఉత్తర్వుల్లో పేర్కొన్నారు. చదవండి : పంచాయతీ రీ కౌంటింగ్‌పై ఈసీ మరో కీలక ఉత్తర్వు 

సాక్షి, అమరావతి: ఆంధ్రప్రదేశ్‌లో పంచాయతీ ఎన్నికలు ప్రశాంతంగా జరిగాయని ఎస్‌ఈసీ నిమ్మగడ్డ రమేష్‌కుమార్‌ అన్నారు. సోమవారం ఆయన మీడియా సమావేశంలో మాట్లాడుతూ ప్రభుత్వ యంత్రాంగం సమర్థవంతంగా పనిచేసిందన్నారు. 90 వేల మంది ప్రభుత్వ ఉద్యోగులు, 50 వేల మంది పోలీసులు విధుల్లో పాల్గొన్నారని పేర్కొన్నారు. వ్యాక్సినేషన్ ప్రక్రియ పక్కనపెట్టి ఉద్యోగులు పనిచేశారని, ప్రభుత్వ ప్రధాన కార్యదర్శి, డీజీపీ పూర్తిగా సహకరించారని ఆయన తెలిపారు. జిల్లా కలెక్టర్లు, ఎస్పీలు సమన్వయంతో పనిచేశారని పేర్కొన్నారు. ప్రతి విడతలో 80 శాతం మంది ఓటింగ్‌లో పాల్గొన్నారని ఎస్‌ఈసీ వెల్లడించారు. చదవండి: పంచాయతీల్లో వైఎస్సార్‌సీపీ ప్రభంజనం పులివెందుల ‘పంచ్‌’ అదిరింది

సాక్షి, అమరావతి : ప్రొద్దుటూరులో వైఎస్సార్‌ సీపీ నేతలపై దౌర్జన్యాలకు పాల్పడిన టీడీపీ మాజీ ఎమ్మెల్యే వరదరాజులరెడ్డిపై వైఎస్సార్‌ సీపీ ప్రధాన కార్యదర్శి లేళ్ల అప్పిరెడ్డి రాష్ట్ర ఎన్నికల సంఘానికి ఫిర్యాదు చేశారు.  ఈ మేరకు ఆయనపై చర్యలు తీసుకోవాలని కోరుతూ సోమవారం వినతి పత్రం అందజేశారు. అనంతపురం జిల్లా ఉరవకొండ, గుంటూరు జిల్లా పొన్నూరు.. చిత్తూరు జిల్లా కుప్పం నియోజకవర్గాల్లో టీడీపీ నేతలు డబ్బులు పంచుతూ.. ఎన్నికల కోడ్‌ను ఉల్లంఘిస్తున్నారని, వెంటనే చర్యలు తీసుకోవాలని కోరారు. అప్పిరెడ్డి మాట్లాడుతూ.. ‘‘ అనంతపురం జిల్లా కళ్యాణదుర్గం మండలం కొండాపురంలో సర్పంచ్ అభ్యర్థి లక్ష్మిదేవిని టీడీపీ సీనియర్ నేతలు మల్లికార్జున, ఉన్నం మారుతీచౌదరి, అనిల్ చౌదరి, పవన్‌ చౌదరి బెదిరించారు. కొండాపురం ఘటనలో టీడీపీ నేతలపై చర్యలు తీసుకోవాలి. కొండాపురంలో బలవంతపు ఏకగ్రీవాన్ని ఎస్‌ఈసీ రద్దు చేయాలి. 45 ఏళ్లుగా టీడీపీ మాజీ ఎమ్మెల్యే వరదరాజులరెడ్డి కామనూరులో బలవంతపు ఏకగ్రీవాలతో ఎన్నికలు జరగకుండా చేస్తున్నారు. బీసీ రిజర్వ్‌డ్‌ అభ్యర్థిగా నామినేషన్ దాఖలు చేసిన షేక్ కరీమూన్‌ను వరదరాజులరెడ్డి బెదిరిస్తున్నారు. షేక్‌ కరీమూన్‌కు రక్షణ కల్పించి ప్రశాంతంగా ఎన్నికలు జరిగేలా చూడాలి. వరదరాజులరెడ్డిని అరెస్ట్ చేయాలి’’ అని విజ్ఞప్తి చేశారు.

సాక్షి, నెల్లూరు: మంత్రి గౌతమ్‌రెడ్డి ఇలాకలో పంచయతీ ఎన్నికలు సంచలనంగా మారాయి. గుంటూరు, చిత్తూరు జిల్లాలలో పెద్ద సంఖ్యలో జరిగిన ఏకగ్రీవాలపై ఎస్ఈసీ నిమ్మగడ్డ రమేశ్ సీరియస్ అయిన సంగతి తెలిసిందే. దీంతో పంచాయతీ ఎన్నికల ఏకగ్రీవాలపై ఎస్‌ఈసీ నిమ్మగడ్డ చేసిన వ్యాఖ్యలపై కంపసముద్రం గ్రామస్తులు తిరగుబాటు చేశారు. ఏకగ్రీవాలపై ఆయన చేసిన ప్రకటన నేపథ్యంలో ఎన్నికలు బహిష్కరించాలని గ్రామస్తులు తీర్మాణం తీసుకుని ఎస్‌ఈసీకి షాక్‌ ఇచ్చారు. నిమ్మగడ్డ ఎసీఈసీగా ఉన్నంతకాలం పంచాయతీ ఎన్నిక వద్దంటూ గ్రామస్తులు తీర్మాణించడంతో అభ్యర్థులు నామినేషన్‌లను ఉపసంహరించుకున్నారు. కాగా సర్పంచ్‌ స్థానానికి మొదట 8 మంది అభ్యర్థులు నామినేషన్‌ వేయగా వారంతా గ్రామస్తుల తీర్మాణంతో నామినేషన్‌ను ఉపంసహరించుకున్నారు.  

సాక్షి, అమరావతి: ఎస్‌ఈసీ నిమ్మగడ్డ చిత్రవిచిత్రంగా ప్రవర్తిస్తున్నారని వైఎస్సార్‌ కాంగ్రెస్‌ పార్టీ సీనియర్‌ ఎమ్మెల్యే అంబటి రాంబాబు మండిపడ్డారు. టీడీపీకి మేలు చేసేలా నిమ్మగడ్డ పని చేస్తున్నారని ధ్వజమెత్తారు. ప్రభుత్వంతో నిమ్మగడ్డ ఎప్పుడూ సంప్రదించలేదని ఆయన స్పష్టం చేశారు. సెక్యూరిటీ సర్టిఫికెట్‌ లేకుండానే ఈ-వాచ్‌ యాప్‌ తీసుకొచ్చారని అంబటి పేర్కొన్నారు. మేనిఫెస్టో విడుదల చేసిన చంద్రబాబుపై ఎస్‌ఈసీ చర్యలు తీసుకోలేదని ఆయన విమర్శించారు. గతంలోనూ చాలాచోట్ల ఏకగ్రీవాలు అయ్యాయని.. నిమ్మగడ్డ మాత్రం ఎందుకు ఏకగ్రీవాలను వ్యతిరేకిస్తున్నారని ఆయన నిలదీశారు. మంత్రి పెద్దిరెడ్డి రామచంద్రారెడ్డిపై ఎస్‌ఈసీ నిమ్మగడ్డ ఆంక్షల నేపథ్యంలో అంబటి శనివారం మీడియా సమావేశం నిర్వహించారు. మంత్రి పెద్దిరెడ్డిపై ఆంక్షలు సరికావని ఆయన అన్నారు. మంత్రిని కట్టడి చేసే అధికారం నిమ్మగడ్డకు లేదని ఆయన తేల్చి చెప్పారు. నిమ్మగడ్డ కూడా చట్టానికి లోబడే పనిచేయాలని హితవు పలికారు. గీత దాటితే నిమ్మగడ్డకు రాజ్యాంగ రక్షణ ఉండదని హెచ్చరించారు. చట్టవిరుద్ధంగా పనిచేసే అధికారులపై చర్యలు తప్పవని అంబటి గుర్తుచేశారు. ఇది దుర్మాగం ఎస్‌ఈసీ నిమ్మగడ్డ వ్యవహరిస్తున్న తీరు గర్హనీయమని రాజంపేట ఎంపీ మిథున్‌రెడ్డి పేర్కొన్నారు. నిమ్మగడ్డ తన పరిధి దాటి ప్రవర్తిస్తున్నారని ఆగ్రహం వ్యక్తం చేశారు. నిమ్మగడ్డ తీరు దుర్మార్గంగా తయారైందని ఆయన అధికారులను బెదిరిస్తున్నారని ఆరోపించారు. ఎస్‌ఈసీ ఆంక్షలపై న్యాయ పోరాటం చేస్తామని తెలిపారు. నిమ్మగడ్డ నిరంకుశంగా వ్యవహరిస్తున్నారని సాలూరు వైఎస్సార్‌సీపీ ఎమ్మెల్యే రాజన్నదొర ఆగ్రహం వ్యక్తంచేశారు. ప్రజాప్రతినిధుల హక్కులను నిమ్మగడ్డ కాలరాస్తున్నారని మండిపడ్డారు. మా హక్కులకు అడ్డుతగిలితే చూస్తూ ఊరుకోమని ఆయన హెచ్చరించారు.

విజయవాడ: ఎస్ఈసీ నిబద్ధతపైన ఈ-వాచ్ యాప్‌తో అనుమానం వస్తోందని వైఎస్సార్ కాంగ్రెస్ పార్టీ ప్రధాన కార్యదర్శి లేళ్ల అప్పిరెడ్డి సందేహం వ్యక్తం చేశారు. ఈ-వాచ్ యాప్ డేటా విషయంలో గోప్యత కనిపిస్తోందని ఆరోపించారు. ఇంత గోప్యంగా ఎందుకు అని ప్రశ్నించారు. జెడ్పీ, ఎంపీటీసీ ఎన్నికలకు తయారుచేసిన నిఘా యాప్‌ను ఎందుకు పక్కన పెట్టారని నిలదీశారు. కేంద్ర ఎన్నికల సంఘం తీసుకువచ్చిన సీ-విజిల్ యాప్‌ను ఎందుకు తేలేదని పేర్కొన్నారు. ప్రభుత్వాలతో, సీఈసీతో సంబంధం లేకుండా కొత్త యాప్ ఎలా తెచ్చారని అడిగారు. టీడీపీ నాయకులు ఈ-వాచ్ యాప్ తయారు చేయడానికి టైం పట్టిందని ఆరోపించారు. ఇప్పటికైనా సీఈసీ తీసుకొచ్చిన సీ-విజిల్ యాప్‌ను వాడాలని కోరినట్లు తెలిపారు. ఈ వాచ్ యాప్‌పై అభ్యంతరాలు వ్యక్తం చేస్తూ బుధవారం ఎన్నికల సంఘం కార్యాలయంలో కార్యదర్శి కన్నబాబుకు లేళ్ల అప్పిరెడ్డి ఫిర్యాదు చేశారు. ఎన్నికల్లో సీ విజిల్‌ యాప్‌ వినియోగించాలని విజ్ఞప్తి చేసినట్లు లేళ్ల తెలిపారు. ఈ వాచ్ యాప్‌పై అనేక అభ్యంతరాలున్నాయని చెప్పారు. ఎస్ఈసీ రాజ్యాంగబద్ధ సంస్థ అని గుర్తుచేశారు. నిమ్మగడ్డ ఇంత రహాస్యంగా యాప్‌ని ఎందుకు తయారుచేయాల్సి వచ్చిందో చెప్పాలని, ప్రభుత్వం గతేడాది తీసుకొచ్చిన నిఘా యాప్‌ను ఎందుకు పక్కన పెట్టారని ప్రశ్నించారు. నిఘా యాప్ పక్కన పెడితే సీ విజిల్ యాప్ వినియోగిస్తారనుకుంటే ప్రైవేట్ వ్యక్తులు రూపొందించిన ఈ వాచ్ ఎలా ఉపయోగిస్తారని అప్పిరెడ్డి ఆగ్రహం వ్యక్తం చేశారు. ఈ వాచ్ యాప్ టీడీపీ కార్యాలయంలో తయారైందని భావిస్తున్నట్లు పేర్కొన్నారు. నిమ్మాడలో టీడీపీ రాష్ట్ర అధ్యక్షుడు అరాచకాలు ఎస్ఈసీకి కనిపించవా అని ప్రశ్నించారు. ఈ వాచ్ ఎక్కడ తయారు చేశారో.. ఎలా తయారు చేశారో.. ఫిర్యాదులు చేరతాయో లేదో కూడా తెలియదని.. దీనిపై ఎన్నో అనుమానాలున్నాయని లేళ్ల అప్పిరెడ్డి సందేహాలు వ్యక్తం చేశారు. వెంటనే చర్యలు తీసుకోవాలని విజ్ఞప్తి చేశారు.

సాక్షి, విజయవాడ: తొలివిడత నామినేషన్ల సమయంలో టీడీపీ రాష్ట్ర అధ్యక్షుడు అచ్చెన్నాయుడు సొంత గ్రామం నిమ్మాడలో పాల్పడుతున్న దౌర్జన్యాలపై వైఎస్సార్‌ సీపీ నాయకులు రాష్ట్ర ఎన్నికల కమిషనర్‌కి ఫిర్యాదు చేశారు. ఎమ్మెల్యే మల్లాది విష్ణు, ప్రధాన కార్యదర్శి లేళ్ల అప్పిరెడ్డి సోమవారం అచ్చెన్నాయుడిపై ఎస్‌ఈసీకి ఫిర్యాదు చేశారు. అనంతరం మల్లాది విష్ణు మాట్లాడుతూ.. ‘‘అచ్చెన్నాయుడి దౌర్జన్యాలను ఎస్ఈసీ దృష్టికి తీసుకెళ్లాం. ఎన్నికలు పూర్తి అయ్యేవరకు అచ్చెన్నాయుడుని అరెస్ట్ చేయాలి. టీడీపీ దౌర్జన్యాలపై ఎన్నికల కమిషనర్ స్పందించాలి. చంద్రబాబు రౌడీ రాజకీయాలని పెంచిపోషిస్తున్నారు. నిమ్మాడలో అచ్చెన్నాయుడు ఫోన్‌లో ఏ విధంగా బెదిరించారో ఆధారాలు కూడా సమర్పించాం. గ్రామాలలో నెలకొన్న ప్రశాంత వాతావరణాన్ని చెడగొట్టాలని టీడీపీ చూస్తోంది. ఎన్నికల నిబంధనలకి విరుద్దంగా మేనిఫెస్టో ప్రకటించిన టీడీపీపై ఎందుకు చర్యలు తీసుకోవటం లేదు’’ అని ప్రశ్నించారు. సురేష్‌పై చర్యలు తీసుకోవాలి: లేళ్ల అప్పిరెడ్డి  అనంతరం లేళ్ల అప్పిరెడ్డి మాట్లాడుతూ.. ‘‘చిత్తూరు జిల్లాలో టీడీపీ ఎమ్మెల్యేలు రౌడీలతో తిరుగుతూ వైఎస్సార్సీపీ మద్దతుదారులను బెదిరిస్తున్నారు. నిమ్మాడలో టీడీపీ రాష్ట్ర అధ్యక్షుడు అచ్చెన్నాయుడు దౌర్జన్యాలని చూశాం. ఆయన ప్రోద్బలంతోనే టీడీపీ మద్దతుదారు సురేష్ వైఎస్సార్సీపీపై దౌర్జన్యానికి దిగారు. సురేష్‌పై చర్యలు తీసుకోవాలి. ప్రజాస్వామిక విలువలతో వైఎస్సార్సీపీ వ్యవహరిస్తోంది. పోలీస్ వ్యవస్ధపై టీడీపీ ఆరోపణలను ఖండిస్తున్నాం. డీజీపీ, పోలీస్ పనితీరును ఎస్ఈసీ సైతం అభినందించారు’’ అని తెలిపారు.  (చదవండి: అచ్చెన్న బరితెగింపు) ఏపీ సీఎస్‌కు ఎస్ఈసీ లేఖ రాష్ట్ర ఎన్నికల కమిషన్‌ ఆంధ్రప్రదేశ్‌ సీఎస్‌కి లేఖ రాసింది. వివిధ కార్పొరేషన్ల చైర్మన్లు, డైరెక్టర్లు ఎన్నికల జరిగే ప్రాంతాల్లో ప్రయాణిస్తే అది ఎన్నికల ప్రచారంగానే భావిస్తామని సీఎస్‌కు రాసిన లేఖలో స్పష్టం చేసింది. ప్రభుత్వ వాహనాలు, సదుపాయాలు వినియోగించరాదని సూచించింది. చైర్మన్లతో పాటు ప్రభుత్వ అధికారులను తీసుకుని వెళ్లవద్దని.. ప్రైవేట్ వాహనాల్లో ప్రయాణించేటపుడు వారి నేమ్ బోర్డ్స్ ఉండవద్దని సీఎస్‌కు రాసిన లేఖలో సూచించింది.

సాక్షి, అమరావతి: రాజ్యాంగబద్ధంగా రాష్ట్ర అధిపతి హోదాలో ఉన్న గవర్నర్‌ విశ్వభూషణ్‌ను శాసించే రీతిలో రాష్ట్ర ఎన్నికల కమిషనర్‌ నిమ్మగడ్డ లేఖ రాయడంపై న్యాయ కోవిదులు, నిపుణులు, రాజకీయ పరిశీలకులు తీవ్ర విస్మయం వ్యక్తం చేస్తున్నారు. గవర్నర్‌ను ఉద్దేశించి శుక్రవారం రాసిన లేఖలో నిమ్మగడ్డ  ఉపయోగించిన భాష, తద్వారా ప్రస్ఫుటమైన భావం తీవ్ర అభ్యంతరకరంగా ఉన్నాయని, తద్వారా రేఖ దాటారని స్పష్టం చేస్తున్నారు. మంత్రులు పెద్దిరెడ్డి రామచంద్రారెడ్డి, బొత్స సత్యనారాయణ, ప్రభుత్వ సలహాదారు సజ్జల రామకృష్ణారెడ్డి తన పనితీరును విమర్శిస్తున్నారని నిమ్మగడ్డ గవర్నర్‌కు ఫిర్యాదు చేశారు. అయితే ఆయన అంతటితో ఆగకుండా తన ఫిర్యాదుపై స్పందించి గవర్నర్‌ ఏం చేయాలో కూడా నిర్దేశించడం కచ్చితంగా పరిధి దాటటమేనని నిపుణులు తేల్చి చెబుతున్నారు. ఆదేశించే అధికారం ఎక్కడిది?  ‘ఈ వ్యవహారంపై రాష్ట్ర అడ్వొకేట్‌ జనరల్‌ను సంప్రదించవద్దు... కేంద్ర అటార్నీ జనరల్‌నే సంప్రదించండి’ అని హుకుం జారీ చేస్తున్నట్లుగా గవర్నర్‌కు చెప్పడమంటే.. తన దృష్టికి వచ్చిన ఓ అంశంపై ఎలా వ్యవహరించాలో గవర్నర్‌కు తెలియదన్నట్లుగా నిమ్మగడ్డ వ్యవహార శైలి ఉందని నిపుణులు పేర్కొంటున్నారు. ‘గవర్నర్‌ తన దృష్టికి వచ్చిన అంశాలపై ఉన్నతాధికారులు, రాజ్యాంగబద్ధ పదవిలో ఉన్నవారు, నిపుణులను సంప్రదించి తగిన విధంగా స్పందిస్తారు. అది ఆయన విచక్షణాధికారాలకు సంబంధించిన విషయం. కానీ అందులో నిమ్మగడ్డ అనుచిత జోక్యం చేసుకోవడం ద్వారా తన పరిధిని పూర్తిగా అతిక్రమించారు’ అని రాజ్యాంగ నిపుణుడు ఒకరు అభిప్రాయపడ్డారు. రాష్ట్ర అడ్వొకేట్‌ జనరల్‌ను సంప్రదించవద్దని, కేంద్ర అటార్నీ జనరల్‌నే సంప్రదించాలని గవర్నర్‌ను ఆదేశించే అధికారం ఎన్నికల కమిషనర్‌కు ఎక్కడిదని వ్యాఖ్యానించారు.   ఆనవాయితీ ప్రకారం చూసినా..  ‘నిమ్మగడ్డకు విశ్వాసం లేకుంటే ఆయన సంప్రదించకూడదు. కానీ గవర్నర్‌ ఎందుకు సంప్రదించకూడదో అర్థం కావడం లేదు. అంటే తనకు విశ్వాసం లేదు కాబట్టి గవర్నర్‌ కూడా విశ్వసించరాదని ఆదేశించినట్లుగా ప్రవర్తించారు. అడ్వొకేట్‌ జనరల్‌పై గవర్నర్‌ తన పరిశీలనతో ఓ అంచనాకు వస్తారు. సంప్రదించాలో లేదో ఆయన నిర్ణయించుకుంటారు. అంతేగానీ తన ఆంతర్యాన్ని గవర్నర్‌పై రుద్దాలని ఎస్‌ఈసీ భావించడం సరికాదు’ అని ఉన్నతాధికారి ఒకరు పేర్కొన్నారు. సాధారణంగా రాజ్యాంగపరమైన నిబంధనలు, ఇతర అంశాలపై గవర్నర్‌ తొలుత రాష్ట్ర అడ్వొకేట్‌ జనరల్‌నే పిలిపించి మాట్లాడటం సంప్రదాయమని గుర్తు చేశారు.   చివరిసారిగా చెబుతున్నా....  నిమ్మగడ్డ హుకుం జారీ చేసినట్లుగా ఈ అంశంపై న్యాయస్థానంలో కేసు వేస్తానని గవర్నర్‌ను హెచ్చరించే ధోరణిలో లేఖ రాయడంపై సర్వత్రా విస్తుపోతున్నారు. ‘మీకు చివరిసారిగా చెబుతున్నా..’ అని గవర్నర్‌నుద్దేశించి లేఖలో పేర్కొనడం తీవ్ర అభ్యంతరకరమని రాజ్యాంగ నిపుణులు స్పష్టం చేస్తున్నారు. ‘మంత్రులకు సూచించండి... నిర్దేశించండి... వారి నుంచి హామీ తీసుకోండి’ అంటూ లేఖ రాయడం గవర్నర్‌ను ఆదేశిస్తున్నట్లుగా ఉందని తేల్చి చెబుతున్నారు. రాజ్యాంగబద్ధ పదవిలో ఉన్న నిమ్మగడ్డ రమేశ్‌ కుమార్‌ మరో రాజ్యాంగబద్ధ పదవిలోనే ఉన్న అడ్వొకేట్‌ జనరల్‌ను తూలనాడుతూ, అవమానిస్తున్నట్లుగా లేఖలో సంబోధించడం.. చివరకు గవర్నర్‌ను సైతం ఆదేశించేలా లేఖ రాయడం కచ్చితంగా లక్ష్మణ రేఖను దాటటమేని పేర్కొంటున్నారు.   

సాక్షి, విజయవాడ :  రాష్ట్ర ఎన్నికల కమిషనర్‌ నిమ్మగడ్డ రమేష్‌ కుమార్‌ మరో​ వివాదాస్పద నిర్ణయం తీసుకున్నారు. మెడికల్‌ లీవ్‌లో వెళ్లిన అధికారిని ఉద్యోగం నుంచి తొలగిస్తూ ఉత్తర్వులు జారీ చేశారు. రాష్ట్ర ఎన్నికల సంఘం జాయింట్ డైరెక్టర్ జీవీ సాయి ప్రసాద్‍ అనారోగ్య సమస్యలతో నెలరోజులపాటు మెడికల్ లీవు పెట్టారు. సాయి ప్రసాద్‌తో పాటు రాష్ట్ర ఎన్నికల‌ కమిషనర్‌కు పీఎస్‌గా వ్యవహరిస్తున్న అసిస్టెంట్ సెక్రటరీ రామారావు, మరో అసిస్టెంట్ సెక్రటరీ సాంబమూర్తి కూడా లీవ్‌ పెట్టారు. అయితే ముగ్గురు లీవ్‌ పెట్టినప్పటికి జేడీ సాయి ప్రసాద్‌పైనే నిమ్మగడ్డ చర్యలు తీసుకున్నారు. ( టీడీపీతో నిమ్మగడ్డ చెట్టపట్టాల్‌ ) ఛార్జి మెమో కూడా ఇవ్వకుండా ఏకంగా ఉద్యోగం నుంచి తొలగిస్తున్నట్లు ఉత్తర్వులు జారీ చేశారు. పదవీ విరమణ బెనిఫిట్స్ కూడా ఇవ్వకూడదన్న ఎస్‌ఈసీ ఉత్తర్వులపై ఉద్యోగ సంఘాలు విస్మయం చెందాయి. ఉద్యోగులను బెదిరించడం ద్వారా పంచాయితీ ఎన్నికలు నిర్వహించడానికే ఈ తరహా ఉత్తర్వులు జారీ చేశారంటూ వాపోతున్నాయి.

సాక్షి, అమరావతి: ఎస్‌ఈసీ నిమ్మగడ్డ రమేష్‌కుమార్‌ మొండి వైఖరిని ఉద్యోగ సంఘాలు తప్పుపట్టాయి. కోవిడ్‌ జాగ్రత్తలు పాటిస్తూ ఎన్నికల విధుల్లో పాల్గొనమనడంపై మండిపడుతున్నారు. నిమ్మగడ్డ ప్రకటనపై జేఏసీ నేతలు అభ్యంతరం వ్యక్తం చేశారు. పీపీఈ కిట్లు, మాస్క్‌లు కరోనాను అడ్డుకోగలవా? అని ఏపీ ఉద్యోగుల జేఏసీ ప్రశ్నించింది. (చదవండి: బాబు చేతిలో తోలుబొమ్మలా నిమ్మగడ్డ) ‘‘ప్రస్తుత పరిస్థితుల్లో ఎన్నికల విధుల్లో పాల్గొనలేం. గడిచిన 10 నెలల్లో ఎంతో మంది ఉద్యోగులు కరోనాతో ప్రాణాలు కోల్పోయారు.ఉద్యోగుల ప్రాణాలు ఎస్‌ఈసీకి పట్టవా?.ఎన్నికల నిర్వహణ అంత చిన్న విషయం కాదు.మరో మూడు నెలలు స్థానిక ఎన్నికలు వాయిదా వేయాలి.ఉద్యోగుల విజ్ఞప్తిని ఎస్‌ఈసీ పరిగణలోకి తీసుకోవాలి. వ్యాక్సినేషన్ తర్వాత స్థానిక ఎన్నికలు నిర్వహించాలి. ఉద్యోగులను విమర్శించే అర్హత టీడీపీ నేత అశోక్‌బాబుకు లేదు. రాజకీయ వ్యవహారాలు చూసుకోవాలంటూ’ జేఏసీ నేత బొప్పరాజు వెంకటేశ్వర్లు కౌంటర్‌ ఇచ్చారు. (చదవండి: స్థానిక ఎన్నికలను వాయిదా వేయండి) ఎస్‌ఈసీ పునరాలోచించాలి.. పీపీఈ కిట్లు, మాస్క్‌లు, శానిటైజర్లు కరోనాను ఆపలేవని పోలీస్ అధికారుల సంఘం రాష్ట్ర అధ్యక్షుడు జనకుల శ్రీనివాసరావు మండిపడ్డారు. కరోనాతో ఎంతో మంది పోలీసులు ప్రాణాలు కోల్పోయారని, వ్యాక్సినేషన్ తర్వాతే ఎన్నికలు నిర్వహించాలన్నారు. తమ విజ్ఞప్తిని ఎస్‌ఈసీ పునరాలోచించాలని ఆయన కోరారు.  

సాక్షి, ప్రకాశం: స్థానిక ఎన్నికలను నిర్వహించడమనేది ప్రజల ప్రాణాలతో చెలగాటమేనని రాష్ట్ర విద్యుత్‌ శాఖ మంత్రి బాలినేని శ్రీనివాస్‌రెడ్డి అన్నారు. ఆదివారం ఆయన మీడియా సమావేశంలో మాట్లాడుతూ, ప్రజల ఆరోగ్యాన్ని దృష్టిలో ఉంచుకునే వ్యతిరేకిస్తున్నామన్నారు. ముఖ్యమంత్రి వైఎస్‌ జగన్‌మోహన్‌రెడ్డి చేస్తోన్న సంక్షేమ పాలన చూసి చంద్రబాబు ఓర్వలేక పోతున్నారని.. రాష్ట్రంలో అలజడి సృష్టించేందుకు చంద్రబాబు యత్నిస్తున్నారని మంత్రి దుయ్యబట్టారు. ‘‘చంద్రబాబు ఎలా చెబితే ఎస్‌ఈసీ అలా పనిచేస్తోంది. ప్రభుత్వ సలహా కూడా తీసుకోకుండా ఎన్నికలు నిర్వహించాలనుకుంటున్నారు. ఎన్నికల నిర్వహణను ఉద్యోగ సంఘాలు వ్యతిరేకిస్తున్నాయి. గుజరాత్‌లో కూడా ఎన్నికలు వాయిదా వేశారని’’ బాలినేని పేర్కొన్నారు.(చదవండి: అమ్మ ఒడి ఆగదు: మంత్రి సురేష్‌) ప్రజాశ్రేయస్సుకు అవిరామ కృషి: మంత్రి వేణుగోపాల కృష్ణ పశ్చిమగోదావరి: కులమతాలకు అతీతంగా సీఎం వైఎస్‌ జగన్‌ మంచి పరిపాలన అందిస్తున్నారని మంత్రి చెల్లుబోయిన వేణుగోపాల కృష్ణ అన్నారు. ప్రజాశ్రేయస్సుకు అవిరామంగా సీఎం కృషి చేస్తున్నారన్నారు. ఆనాడు చంద్రబాబు భస్మాసురుడులా వచ్చి.. మహిళల నెత్తిన చేతులు పెట్టారని’’ ఆయన ఎద్దేవా చేశారు.(చదవండి: పేదలకు పథకాలందే వేళ ఎన్నికల కోడ్‌ తెస్తారా!)

సాక్షి, అమరావతి: ఎస్‌ఈసీ నిమ్మగడ్డ రమేష్‌ కుమార్‌ నిర్ణయాన్ని సవాల్ చేస్తూ ఆంధ్రప్రదేశ్‌ ప్రభుత్వం పిటిషన్‌ దాఖలు చేసింది. శనివారం హైకోర్టులో హౌస్‌ మోషన్ పిటిషన్ దాఖలు చేసింది. హౌస్‌ మోషన్ పిటిషన్‌ను హైకోర్టు.. సోమవారం విచారించనుంది. ఇది ఇలా ఉండగా, రాష్ట్ర ప్రభుత్వాన్ని సంప్రదించిన తర్వాతే స్థానిక సంస్థల ఎన్నికల ప్రక్రియను తిరిగి ప్రారంభించాలన్న సుప్రీంకోర్టు తీర్పును తోసిరాజని గ్రామ పంచాయతీ ఎన్నికలను నాలుగు దశల్లో నిర్వహించేందుకు శుక్రవారం రాత్రి ఏకపక్షంగా షెడ్యూల్‌ జారీ చేసిన సంగతి తెలిసిందే. (చదవండి: మళ్లీ ఏకపక్ష నిర్ణయం) ఏకపక్ష ధోరణితో వ్యవహరిస్తున్న రాష్ట్ర ఎన్నికల కమిషనర్‌ (ఎస్‌ఈసీ) నిమ్మగడ్డ రమేష్‌ కుమార్‌ తీరుపై సర్వత్రా విమర్శలు వెల్లువెత్తుతున్నాయి. ఓ వైపు కరోనా ఉధృతి కొనసాగుతుంటే గ్రామ పంచాయతీ ఎన్నికల షెడ్యూలు జారీ చేయడంపై విస్మయం వ్యక్తమవుతోంది. రాజకీయ దురుద్దేశంతోనే ఆయన ఇలాంటి వివాదాస్పద నిర్ణయం తీసుకున్నారనే ఆరోపణలు వెల్లువెత్తుతున్నాయి. (చదవండి: ‘నిమ్మగడ్డ.. చంద్రబాబు తొత్తు’)

సాక్షి, హైదరాబాద్‌: టీఆర్‌ఎస్‌ సర్కార్‌ ఎన్నికల కోడ్‌ను ఉల్లంఘిస్తుందని కాంగ్రెస్‌ నేతలు ఎస్‌ఈసీకి ఫిర్యాదు చేశారు. ఉత్తమ్‌కుమార్‌రెడ్డి, జీవన్‌రెడ్డి శనివారం ఎస్‌ఈసీని కలిశారు. హైదరాబాద్‌లో ప్రభుత్వ ప్రకటనల ఫ్లెక్సీలపై ఎస్‌ఈసీకి వారు ఫిర్యాదు చేశారు. మరో వైపు కాంగ్రెస్‌లో పలు అభ్యర్థిత్వాల ఖరారుపై అసంతృపి జ్వాలలు వ్యక్తమవుతున్నాయి. మరికొన్ని స్థానాలకు తీవ్ర పోటీ నెలకొనడంతో వాటి అభ్యర్థిత్వాల ఖరారుపై ఇంకా తర్జన భర్జన కొనసాగుతూనే ఉంది. (చదవండి: పవన్‌ కళ్యాణ్‌పై బాల్కసుమన్‌ సెటైర్లు) ప్రదేశ్‌ కాంగ్రెస్‌ కమిటీ ఐదు విడతలుగా దాదాపు 116 డివిజన్లకు అభ్యర్థిత్వాలను ఖరారు చేసి జాబితా ప్రకటించింది. నామినేషన్‌ దాఖలు గడువు ముగిసినా మిగిలిన 34 స్థానాలకు అభ్యర్థిత్వ ఖరారును పెండింగ్‌లో పడేసింది. అయితే ఆ స్థానాలకు పోటీపడుతున్న ఆశవహులు మాత్రం నామినేషన్లను దాఖలు చేసినట్లు పార్టీ అధిష్టానవర్గంపై అన్ని విధాలుగా ఒత్తిడి తెస్తున్నట్లు తెలుస్తోంది. (చదవండి: జీహెచ్‌ఎంసీ : ఆ వదంతులు నమ్మకండి)

సాక్షి, అమరావతి: రాష్ట్రంలో ప్రజాస్వామ్యం మనుగడ ప్రశ్నార్థకమైంది అంటూ చంద్రబాబు చేసిన కామెంట్లపై వైఎస్సార్‌ కాంగ్రెస్‌ పార్టీ ప్రధాన కార్యదర్శి, రాష్ట్ర ప్రభుత్వం సలహాదారు సజ్జల రామకృష్ణారెడ్డి మండిపడ్డారు. ఈ మేరకు తన ట్విటర్‌ ఖాతాలో.. చంద్రబాబుగారూ.. మీ గురివింద నీతి. ప్రజాస్వామ్యం గురించి, ఎన్నికల సంఘం స్వయంప్రతిపత్తి గురించి మీరు మాట్లాడటం విడ్డూరం. 2019 ఎన్నికల్లో మీరు ఎలా బెదిరించి, దబాయించారో అందరూ చూశారు. ఒక్కసారి ఈ వీడియో చూడండి అంటూ ఎన్నికలకు ముందు అపద్ధర్మ సీఎంగా చంద్రబాబు రాష్ట్ర ఎన్నికల సంఘం అధికారి ద్వివేదిని ఉద్దేశించిన వీడియోను జతచేశారు.  ('చంద్రబాబు చేస్తున్న కుట్రే సునామీ అలజడి') చంద్రబాబుగారూ @ncbn మీది గురివింద నీతి. ప్రజాస్వామ్యం గురించి, ఎన్నికల సంఘం స్వయంప్రతిపత్తి గురించి మీరు మాట్లాడ్డం విడ్డూరం. 2019 ఎన్నికల్లో మీరు ఎలా బెదిరించి, దబాయించారో అందరూ చూశారు. ఒక్కసారి ఈ వీడియో చూడండి. (1/4) https://t.co/a1qRRhZ9eK pic.twitter.com/INBpx304bi — Sajjala Ramakrishna Reddy (@SRKRSajjala) July 22, 2020 మీరు మాట్లాడే లెజిస్లేచర్, అడ్మినిస్ట్రేషన్, జ్యుడిషియరీ, మీడియా ఈ నాలుగు వ్యవస్థలను చుట్టాలుగానూ, పనిముట్లుగానూ మార్చుకునే అలవాటు మీకు ఉందని మీ మామగారికి వెన్నుపోటు దగ్గరనుంచి అందరికీ తెలుసు. ఎన్నికల వాయిదా ముందురోజు వరకూ అంతాబానే ఉందని, కరోనాపై ప్రభుత్వం చర్యలు తీసుకుంటుందని నిమ్మగడ్డే చెప్పారు. కానీ, ఎవ్వరితోనూ సంప్రదింపులు చేయకుండా, ప్రభుత్వంతో మాట్లాడకుండా హఠాత్తుగా వాయిదావేశారు. దీనిపైనే అభ్యంతరం. రాష్ట్ర ప్రభుత్వంతో సంప్రదింపులు జరపకపోవడం తప్పేనని సుప్రీంకోర్టు కూడా చెప్పింది. ఎస్‌ఈసీగా రిటైర్డ్‌ హైకోర్టు న్యాయమూర్తి ఉంటే నిష్పాక్షికత, పారదర్శకత ఉంటుందని ప్రభుత్వం భావించి సంస్కరణలు తీసుకొచ్చింది. దీని పర్యవసానంగానే నిమ్మగడ్డ పదవి నుంచి వైదొలగాల్సి వచ్చింది. చట్టంద్వారా జరిగిన ప్రక్రియపై 14ఏళ్లు సీఎంగా ఉన్న మీకు తెలియదా? అంటూ వరుస ట్వీట్లలో చంద్రబాబుపై విరుచుకుపడ్డారు. (నిమ్మగడ్డకు ఆ డబ్బులు ఎవరిస్తున్నారు?)

న్యూఢిల్లీ: కంపెనీ టాప్‌ మేనేజ్‌మెంట్‌ ’అనైతిక’ విధానాలకు పాల్పడుతోందంటూ వచ్చిన ఆరోపణలకు సంబంధించి తమకు ఇంకా ప్రాథమిక ఆధారాలేమీ లభించలేదని ఐటీ దిగ్గజం ఇన్ఫోసిస్‌ వెల్లడించింది. ‘ప్రస్తుతం ప్రాథమిక ఆధారాలేమీ లేవు. గుర్తు తెలియనివారు చేసిన ఆరోపణలపై విచారణ ఇంకా కొనసాగుతోంది. ఈ నేపథ్యంలో సదరు ఆరోపణల విశ్వనీయత, నిజానిజాల గురించి కంపెనీ వ్యాఖ్యానించే పరిస్థితిలో లేదు‘ అని నేషనల్‌ స్టాక్‌ ఎక్సే్ఛంజీకి (ఎన్‌ఎస్‌ఈ) తెలియజేసింది. ఈ అంశంపై దర్యాప్తు చేసేందుకు శార్దూల్‌ అమర్‌చంద్‌ మంగళ్‌దాస్‌ అండ్‌ కంపెనీని నియమించుకున్నామని, అలాగే అంతర్గతంగా స్వతంత్ర ఆడిటర్‌ ఎర్న్‌స్ట్‌ అండ్‌ యంగ్‌తో కూడా చర్చలు జరుపుతున్నామని పేర్కొంది. ఆరోపణల్లో ప్రస్తావించిన నిర్దిష్ట ప్రక్రియలను సమీక్షించాల్సిందిగా స్వతంత్ర ఆడిటర్‌ను కోరినట్లు ఇన్ఫీ వివరించింది. భారీ ఆదాయాలు చూపించడం కోసం ఇన్ఫీ సీఈవో సలిల్‌ పరీఖ్, సీఎఫ్‌వో నీలాంజన్‌ రాయ్‌ ’అనైతిక’ విధానాలకు పాల్పడుతున్నారంటూ పేరు వెల్లడించని కొందరు ఉద్యోగులు కంపెనీ బోర్డుకు ఫిర్యాదు చేసిన సంగతి తెలిసిందే. ఆధారాలు కూడా అందిస్తామని వారు పేర్కొన్నారు.  ఈ ఆరోపణలపై సత్వరం ఇన్ఫోసిస్‌ యాజమాన్యం విచారణ ప్రారంభించింది. అటు అమెరికాలో కూడా సెక్యూరిటీస్‌ ఎక్సే్ఛంజీ (ఎస్‌ఈసీ) దీనిపై విచారణ జరుపుతోంది. ఈ ఆరోపణల గురించి ముందుగానే ఎందుకు వెల్లడించలేదన్న దానిపై ఎన్‌ఎస్‌ఈ వివరణ కోరిన మీదట.. ఇన్ఫోసిస్‌ తాజా అంశాలు తెలియజేసింది. సోమవారం ఇన్ఫోసిస్‌ షేరు 3 శాతం పెరిగి రూ. 709 వద్ద క్లోజయ్యింది.

సాక్షి, హైదరాబాద్‌: మున్సిపల్‌ ఎన్నికల సందర్భంగా పోలింగ్‌ బూత్‌లలో, పోలింగ్‌ కేంద్రాలకు 100 మీటర్ల పరిధిలో ఏ వ్యక్తి కూడా సెల్‌ ఫోన్లు, కార్డ్‌లెస్‌ ఫోన్లు, వైర్‌లెస్‌ సెట్లు తీసుకెళ్లేందుకు అనుమతి లేదని రాష్ట్ర ఎన్నికల కమిషన్‌ (ఎస్‌ఈసీ) స్పష్టం చేసింది. కౌంటింగ్‌ కేంద్రాలు, చుట్టుపక్కల కూడా ఇలాంటి పరికరాలేవీ ఉపయోగించడానికి వీల్లేదని తెలిపింది. ఉల్లంఘించిన వారి నుంచి వాటిని జప్తు చేసి పోలింగ్‌ ముగిశాక, ఓట్ల లెక్కింపు పూర్తయ్యాక మాత్రమే తిరిగి ఇస్తామని పేర్కొంది. ఈ ఆదేశాలు శాంతిభద్రతలు పర్యవేక్షించే అధికారి, పోలింగ్‌బూత్‌లు, కౌంటింగ్‌ సెంటర్ల వద్ద విధులు నిర్వహించే భద్రతా సిబ్బందికి వర్తించవని గురువారం విడుదల చేసిన ఉత్తర్వులో ఎస్‌ఈసీ కార్యదర్శి ఎం.అశోక్‌కుమార్‌ తెలిపారు.  పోలింగ్‌ స్టేషన్‌ నుంచి 200 మీటర్ల లోపు అభ్యర్థుల ఎన్నికల బూత్‌లు పెట్టరాదని, అభ్యర్థులు ఇలాంటి ఒక్కో బూత్‌లో ఒక టార్పాలిన్‌లో గొడుగు కింద ఒక బల్ల, రెండు కుర్చీలు మాత్రమే ఏర్పాటు చేసుకోవాలని, దీనికి టెంట్‌ వేయరాదని స్పష్టం చేశారు. ఒక్కో బూత్‌లో అభ్యర్థికి సంబంధించిన ఒక్క బ్యానర్‌ను మాత్రమే ప్రదర్శించాలని తెలిపారు. ఇలాంటి బూత్‌లలో ప్రజలు గుమికూడరాదని, ఓటేశాక ఎవరూ ఈ బూత్‌ల వద్దకు రావొద్దని పేర్కొన్నారు. నిబంధనలను ఉల్లంఘించే వారిపై చట్టపరంగా చర్యలు తీసుకుంటామని, ఉల్లంఘనలపై ఏ అధికారి అయినా వెంటనే స్పందించి చర్యలు తీసుకోకపోతే సదరు అధికారిపై క్రమశిక్షణ చర్యలతో పాటు విధుల నిర్వహణలో వైఫల్యానికి చట్టప్రకారం చర్యలు చేపడతామని పేర్కొన్నారు.    ఆగస్టు తొలివారంలో మున్సిపోల్స్‌  పురపాలనలో సమూల ప్రక్షాళన కోసం తెస్తున్న కొత్త మునిసిపల్‌ చట్టాలు అమల్లోకి వచ్చిన తర్వాత ఆగస్టు మొదటి వారంలో మునిసిపల్‌ ఎన్నికలు నిర్వహించనున్నామని ముఖ్యమంత్రి కె.చంద్రశేఖర్‌రావు తెలిపారు. మునిసిపల్‌ బిల్లులకు తుదిరూపం ఇవ్వడానికి ఇప్పటికే న్యాయశాఖకు పంపించామని వెల్లడించారు. కొత్త మునిసిపల్‌ చట్టాల ఆమోదంకోసం ఈనెల 18, 19 తేదీల్లో రాష్ట్ర శాసనసభ ప్రత్యేక సమావేశాలు నిర్వహించాలని సీఎం నిర్ణయించారు. 18న బిల్లులను శాసనసభలో ప్రవేశపెట్టి వాటి ప్రతులను శాసన సభ్యులకు అందచేయనున్నారు. బిల్లులను చదివి అవగతం చేసుకోవడానికి సభ్యులకు అవసరమైన సమయం ఇచ్చేందుకు ఆ వెంటనే సభను మరుసటి రోజుకు వాయిదా వేయనున్నారు. 19న బిల్లులపై చర్చించి ఆమోదించాలని ప్రభుత్వం నిర్ణయించింది. రెండు రోజుల పాటు జరిగే ఈ సమావేశాలను కేవలం మునిసిపల్‌ బిల్లులను ఆమోదించేందుకు మాత్రమే ప్రభుత్వం నిర్వహిస్తోంది. పశ్నోత్తరాలు తదితర అసెంబ్లీ ప్రొసీడింగ్స్‌ ఈ సందర్భంగా ఉండవని ముఖ్యమంత్రి కార్యాలయం ఓ ప్రకటనలో తెలిపింది.  బైంసా మున్సిపల్‌ ఎన్నికలపై హైకోర్టు స్టే  నిర్మల్‌ జిల్లా బైంసా మున్సిపాలిటీ ఎన్నికలు నిర్వహించవద్దని హైకోర్టు స్టే విధించింది. ప్రభుత్వం జారీ చేసిన డ్రాఫ్ట్‌ నోటిఫికేషన్‌ను సవాల్‌ చేసిన కేసులో గురువారం మధ్యంతర ఉత్తర్వులిచ్చింది. చట్ట నిబంధనల మేరకు వార్డుల విభజన చేయాలని, అప్పటివరకూ బైంసా మున్సిపాలిటీ ఎన్నికలు నిర్వహించరాదని జస్టిస్‌ పి.నవీన్‌రావు ప్రభుత్వాన్ని ఆదేశించారు. తమ అభ్యంతరాలను పరిష్కరించకుండానే ప్రభుత్వం డ్రాఫ్ట్‌ నోటిఫికేషన్‌ జారీ చేసిందంటూ కపిల్‌ షిండే దాఖలు చేసిన పిటిషన్‌ను హైకోర్టు విచారణకు స్వీకరించింది. పిటిషనర్‌ తరఫు న్యాయవాది సీహెచ్‌ నరేశ్‌రెడ్డి వినిపిస్తూ బైంసా మున్సిపల్‌ మాజీ చైర్మన్‌ జబీర్‌ అహ్మద్‌కు అనుకూలంగా మున్సిపల్‌ కమిషనర్‌ చర్యలు ఉన్నాయన్నారు. వాదనల విన్న న్యాయమూర్తి బైంసా ఎన్నికలు నిర్వహించరాదన్న మధ్యంతర ఆదేశాల తోపాటు ప్రతివాదులకు నోటీసులు జారీ చేశారు.

సాక్షి, హైదరాబాద్‌: రాష్ట్రంలోని 21 జిల్లాల్లో మూడు విడతల్లో పరిషత్‌ ఎన్నికలు జరగనున్నాయి. 10 జిల్లాల్లో 2 విడతల్లో ఎన్నికలు జరగనుండగా, మేడ్చల్‌–మల్కాజిగిరి జిల్లాలో మాత్రమే (4 జెడ్పీటీసీ, 42 ఎంపీటీసీ స్థానాలకు) ఒకే విడతలో ఎన్నికలు నిర్వ హిస్తారు. గురువారం జిల్లా కలెక్టర్లు, ఎస్పీలతో రాష్ట్ర ఎన్నికల కమిషన్‌ (ఎస్‌ఈసీ) నిర్వహించనున్న సమావేశంలో పరిషత్‌ ఎన్నికల నిర్వహణకు సంబంధించిన పూర్తి స్పష్టత రానుంది. తదనుగుణంగా 20న జెడ్పీటీసీ, ఎంపీటీసీ ఎన్నికల షెడ్యూల్‌ను ఎస్‌ఈసీ విడుదల చేయనుంది. జిల్లాలు, మండలాల వారీగా 3 విడతల్లో ఎన్నికల నిర్వహణకు సిద్ధం చేసిన ముసాయిదా షెడ్యూల్‌ను ఇప్పటికే రాష్ట్ర ప్రభుత్వానికి ఎస్‌ఈసీ అందజేసింది. దీనికి అనుగుణంగానే 3 విడత ల్లో ఏయే జిల్లాలు, మండలాల్లో ఏయే తేదీల్లో ఎన్నికలు జరపాలనే అంశంపై ఏర్పాట్లు చేస్తోంది.   తేలిన ఎంపీటీసీ స్థానాల లెక్క...  రాష్ట్రంలోని మొత్తం 32 జిల్లా ప్రజా పరిషత్‌ (జెడ్పీపీ) ల పరిధిలో 535 మండల ప్రజా పరిషత్‌ (ఎంపీపీ)లున్నాయి. ఈ మండలాలనే 535 జెడ్పీటీసీ నియోజకవర్గాలుగా పరిగణిస్తారు. 535 మండలాల్లో 5,817 ఎంపీటీసీ స్థానాలున్నాయి. 535 జెడ్పీటీసీ, 5,817 ఎంపీటీసీ స్థానాలకు ఎన్నికలు నిర్వహిస్తారు. 32 జిల్లాల పరిధిలో 32,007 పోలింగ్‌ స్టేషన్లు ఏర్పాటు చేస్తారు. 400 మంది ఓటర్లున్న పోలింగ్‌ స్టేషన్లలో ముగ్గురు, 600 మంది ఓటర్లున్న పోలింగ్‌ కేంద్రాల్లో నలుగురు చొప్పున మొత్తం 54 వేల పోలీస్‌ సిబ్బంది అవసరమవుతారు. పోలింగ్‌ విధుల కోసం లక్షన్నర మంది సిబ్బందిని సిద్ధం చేసుకున్నారు.   విడతల వారీగా పరిషత్‌ ఎన్నికలు...  మొదటి విడతలో 212 జెడ్పీటీసీ, 2,365 ఎంపీటీసీ స్థానాలు; రెండో విడతలో 199 జెడ్పీటీసీ, 2,109 ఎంపీటీసీ స్థానాలు; మూడో విడతలో 124 జెడ్పీటీసీ, 1,343 ఎంపీటీసీ స్థానాలకు ఎన్నికలు జరగనున్నాయి. జిల్లాల వారీగా మూడు విడతల ఎన్నికలు...  మూడు విడతలు: నల్లగొండ, నిజామాబాద్, సంగారెడ్డి, ఖమ్మం, కామారెడ్డి, సూర్యాపేట, సిద్దిపేట, యాదాద్రి భువనగిరి, జనగామ, జయశంకర్‌ భూపాలపల్లి, మహబూబాబాద్, వరంగల్‌ రూరల్, ములుగు, ఆదిలాబాద్, కొమురం భీం ఆసిఫాబాద్, మంచిర్యాల, నిర్మల్, భద్రాద్రి కొత్తగూడెం, నాగర్‌ కర్నూల్, వనపర్తి, మెదక్‌.   రెండు విడతలు: రంగారెడ్డి, వికారాబాద్, వరంగల్‌ అర్బన్, జోగుళాంబ గద్వాల, మహబూబ్‌నగర్, నారాయణపేట, జగిత్యాల, కరీంనగర్, పెద్దపల్లి, రాజన్న సిరిసిల్ల.  ఒకే విడత: మేడ్చల్‌–మల్కాజ్‌గిరి.

సాక్షి, హైదరాబాద్‌: రాష్ట్రంలో మూడు విడతలుగా నిర్వహించిన గ్రామపంచాయతీ ఎన్నికలు బుధవారంతో ముగిశాయి. ఈ నెల 21, 25, 30 తేదీల్లో రాష్ట్రంలోని అన్ని జిల్లాల్లో (హైదరాబాద్‌ జిల్లా మినహా) జరిగిన పంచాయతీ ఎన్నికల్లో గెలుపొం దిన సర్పంచ్‌లు, వార్డు మెంబర్లకు ఫిబ్రవరి 2ను అపాయింట్‌మెంట్‌ డేగా నిర్ణయిస్తూ పంచాయతీ రాజ్‌ శాఖ నోటిఫికేషన్‌ జారీచేసింది. శనివారం (ఫిబ్రవరి 2న) కొత్త గ్రామపంచాయతీలు కొలువుదీరనున్నాయి. ఈ సందర్భంగా కొత్త గ్రామపంచాయతీల తొలి సమావేశం జరగనుంది. అదే రోజున సర్పంచ్‌లు, వార్డు సభ్యులు పదవీ ప్రమాణం చేసి బాధ్యతలు చేపడతారు. ఆ రోజు నుంచి వారి పదవీ కాలం ఐదేళ్ల పాటు కొనసాగనుంది. రాష్ట్ర ఎన్నికల కమిషన్‌ (ఎస్‌ఈసీ) నోటిఫికేషన్లకు అనుగుణంగా మూడు దశలుగా ఈ ఎన్నికలు జరిగిన విషయం తెలిసిందే. వివిధ కారణాలతో అంతకు ముందు, ఈ నెల 30న ఎన్నికలు జరగని పంచాయతీలు, ఇంకా గడువు ముగియని పంచాయతీలకు పంచాయతీరాజ్‌శాఖ విడిగా అపాయింటెడ్‌ డేను ప్రకటించనుంది. ఈ మేరకు పంచాయతీరాజ్‌శాఖ కమిషనర్‌ నీతూకుమారి ప్రసాద్‌ నోటిఫికేషన్‌ జారీ చేశారు. స్థానిక సంస్థల ప్రతినిధులకు ముఖ్యంగా గ్రామస్థాయిల్లోని పంచాయతీ సర్పంచ్‌లకు కొత్త పంచాయతీరాజ్‌ చట్టంతో సహా గ్రామస్థాయిలో ప్రభుత్వం ప్రతిష్టాత్మకంగా చేపడుతున్న హరితహారం తదితర కార్యక్రమాల గురించి సమగ్ర అవగాహన కల్పించి, క్షేత్రస్థాయిలో అభివృద్ధిలో భాగస్వాములను చేయాలన్న సీఎం కేసీఆర్‌ ఆదేశాల నేపథ్యంలో ఈ శిక్షణ కార్యక్రమాలకు ప్రాధాన్యత ఏర్పడింది.  11 నుంచి సర్పంచ్‌లకు శిక్షణ.. రాష్ట్రవ్యాప్తంగా గెలుపొందిన సర్పంచ్‌లకు ఫిబ్రవరి 11 నుంచి మార్చి 1 వరకు ఆయా జిల్లాల వారీగా విభజించి మూడు విడతలుగా శిక్షణ కార్యక్రమాలు నిర్వహించాలని నిర్ణయించారు. ఒక్కో విడతలో రెండు బ్యాచ్‌లుగా వంద మందికి శిక్షణ ఇస్తారు. తొలి విడత శిక్షణను ఫిబ్రవరి 11 నుంచి 15 వరకు, రెండో విడత శిక్షణను ఫిబ్రవరి 18 నుంచి 22 వరకు, మూడో విడత శిక్షణను ఫిబ్రవరి 25 నుంచి మార్చి 1 వరకు నిర్వహించేందుకు ప్రణాళికలు సిద్ధం చేశారు. సంబంధిత జిల్లా కేంద్రాల్లో ఈ శిక్షణ కార్యక్రమం ఉంటుంది. ముందుగా శిక్షకులకు శిక్షణ (ట్రైనింగ్‌ టు ట్రైనర్స్‌) కోసం పంచాయతీరాజ్, గ్రామీణాభివృద్ధి శాఖ ఏర్పాట్లు చేసింది. కొత్త పంచాయతీరాజ్‌ చట్టంపై అవగాహన.. తాజాగా ఎన్నికైన సర్పంచ్‌లకు ప్రధానంగా రాష్ట్ర ప్రభుత్వం ఇటీవల తీసుకొచ్చిన కొత్త పంచాయతీరాజ్‌ చట్టం పట్ల అవగాహన కల్పించేందుకు ఈ శిక్షణ కార్యక్రమాలు నిర్వహిస్తున్నారు. శిక్షణ అనంతరం వారి పనితీరుకు అనుగుణంగా సర్పంచ్‌లకు గ్రేడింగ్‌లు ఇస్తారు.


 న్యూఢిల్లీ: భారత కార్యకలాపాల్లో అనుబంధ సంస్థ అవకతవకలకు పాల్పడినందుకు గాను అంతర్జాతీయ కన్ఫెక్షనరీ సంస్థ మాండెలీజ్‌ ఇంటర్నేషనల్‌కు అమెరికా సెక్యూరిటీస్‌ అండ్‌ ఎక్సే్చంజ్‌ కమిషన్‌ (ఎస్‌ఈసీ) 13 మిలియన్‌ డాలర్ల (సుమారు రూ. 88.5 కోట్లు) జరిమానా విధించింది. వివరాల్లోకి వెడితే.. బ్రిటన్‌కు చెందిన క్యాడ్‌బరీస్‌ని అమెరికన్‌ సంస్థ మాండెలీజ్‌ 2010లో కొనుగోలు చేసింది. దీంతో క్యాడ్‌బరీస్‌ భారత విభాగం మాండెలీజ్‌కు అనుబంధ సంస్థగా మారింది.
 ఇది గతంలో (2009) హిమాచల్‌ ప్రదేశ్‌లో ప్లాంట్‌ విస్తరణకి అవసరమైన నియంత్రణపరమైన అనుమతుల కోసం క్యాడ్‌బరీస్‌ ఇండియా అనధికారిక ఏజంటుకు సుమారు రూ. 62 లక్షలు ముట్టచెప్పినట్లు ఆరోపణలు వెలుగులోకి వచ్చాయి. విదేశాల్లో అవినీతి చట్టాల ఉల్లంఘన కిందకి వచ్చే ఈ అభియోగాలపై విచారణ జరిపిన ఎస్‌ఈసీ తాజాగా మాండెలీజ్‌కు జరిమానా విధించింది. ఎస్‌ఈసీ ఆదేశాలకు అనుగుణంగా పెనాల్టీ చెల్లించనున్నట్లు సంస్థ తెలిపింది.


 న్యూఢిల్లీ: ఆరేళ్ల క్రితం నాటి నిధుల గోల్‌మాల్‌ వివాద పరిష్కారానికి సంబంధించి అమెరికా సెక్యూరిటీస్‌ అండ్‌ ఎక్సే్చంజ్‌ కమిషన్‌ (ఎస్‌ఈసీ)తో ఐటీ దిగ్గజం విప్రో ఒప్పందం కుదుర్చుకుంది.  5 మిలియన్‌ డాలర్ల జరిమానా  చెల్లించేందుకు అంగీకరించామని విప్రో పేర్కొంది. 2009 నవంబర్, డిసెంబర్‌ మధ్య కాలంలో తమ ఉద్యోగుల్లో ఒకరు రూ. 22.8 కోట్ల మేర (సుమారు 4 మిలియన్‌ డాలర్లు) నిధులను స్వాహా చేసినట్లు విప్రో గుర్తించింది. ఆ తర్వాత సదరు ఉద్యోగి నుంచి సింహభాగం రాబట్టింది. 2010 సెప్టెంబర్‌లో దర్యాప్తు ప్రారంభించిన ఎస్‌ఈసీ తాజాగా సెటిల్మెంట్‌కు అనుమతించింది.


 చైనీస్ ఈ-కామర్స్ దిగ్గజం అలీబాబా హోల్డింగ్ లిమిటెడ్ షేర్లు అంతర్జాతీయ మార్కెట్లో  భారీగా పతనమవుతున్నాయి. ఫెడరల్ చట్టాలను అతిక్రమణ ఆరోపణలు ఎదుర్కొంటున్న నేపథ్యంలో అలీబాబా షేర్లు నష్టాల్లో నడుస్తున్నాయి. అలీబాబా అకౌంటింగ్ ప్రాక్టీస్ లపై అమెరికా రెగ్యులేటర్స్ విచారణ కొనసాగిస్తున్నాయి. అమెరికా చట్టాలకు వ్యతిరేకంగా తప్పుడు ఉత్పత్తుల అమ్మకాలు చేపట్టిందనే ఆరోపణలతో పాటు, ఆలీబాబా ప్రవేశపెట్టిన "సింగల్ డే" ప్రమోషన్ స్కీమ్ పై వ్యతిరేక ఆరోపణలు ఆ కంపెనీపై వచ్చాయి. దీంతో సెక్యురిటీస్ అండ్ ఎక్సేంజ్ కమిషన్(సెక్) ఈ కంపెనీపై ఈ ఏడాది మొదటి నుంచి విచారణ కొనసాగిస్తోంది.
  సెక్ ప్రధానంగా లాజిస్టిక్ సంస్థ కైనియో నెట్ వర్క్ పై ఎక్కువగా దృష్టిసారించింది. అలీబాబా గ్రూప్ లో ఈ సంస్థ 47శాతం వాటా కలిగిఉంది. సాధారణంగా కంపెనీలో జరిగిన లావాదేవీలకు అకౌంటింగ్ ప్రాక్టీస్ లు ఎలా ఉన్నాయి. "సింగల్ డే" అమ్మకాల వార్షిక డేటా ఎలా ఉందో అనే దానిపై సెక్ విచారణ సాగిస్తుందని ఆలీబాబా వార్షిక రిపోర్టు నివేదించింది. అమెరికాలో బ్లాక్ ప్రైడే, సైబర్ మండే షాపింగ్ ఈవెంట్స్ కంటే నవంబర్ 11 సింగల్ డే చేపట్టిన ప్రమోషన్ ఫలితాలు ఎలా ఎక్కువగా ఉన్నాయని కొంతమంది  వ్యాపారులు  అనుమానాలు వ్యక్తంచేస్తున్నారు. గతేడాది 1400 కోట్ల డాలర్ల లావాదేవీలను సింగిల్ డే ప్రమోషన్ పై కంపెనీ ఆర్జించింది. 
 కాగా అయితే సెక్ అథారిటీల విచారణలకు తాము సహకరిస్తున్నామని అలీబాబా తెలిపింది.  సెక్ విచారణలో తమ పారదర్శకత ఎలాగైనా బయటపడుతుందనే ఆశాభావం యక్తంచేస్తోంది.


 ప్రాఫిట్ ప్యారడైజ్ పేరుతో ఇన్వెస్టర్లకు టోకరా
 పథకాన్ని నిర్వహించిన ఇద్దరు భారతీయులు
  
 న్యూఢిల్లీ/వాషింగ్టన్: ఒక స్కామ్‌పై దర్యాప్తు అంశంలో యూఎస్ మార్కెట్ల నియంత్రణ సంస్థ సెక్యూరిటీస్ అండ్ ఎక్స్ఛేంజ్ కమిషన్(ఎస్‌ఈసీ)కు దేశీ క్యాపిటల్ మార్కెట్ల నియంత్రణ సంస్థ సెబీ సహకారాన్ని అందించింది. సామాజిక మాధ్యమ(సోషల్ మీడియా) ప్లాట్‌ఫామ్‌ల ద్వారా నడుస్తున్న ప్రాఫిట్ ప్యారడైజ్ అనే పొంజి పథకానికి చెక్ పెట్టే బాటలో ఎస్‌ఈసీతో సెబీ చేతులు కలిపింది. ప్రాఫిట్ ప్యారడైజ్ స్కామ్‌ను ఇద్దరు భారతీయులు నిర్వహిస్తుండటంతో కేసు ప్రాధాన్యతను సంతరించుకుంది.
 
 ఒకరు ముంబైనుంచి, మరొకరు హైదరాబాద్ నుంచి ‘అత్యధిక లాభాలిచ్చే పెట్టుబడుల ప్రొడక్ట్(హెచ్‌వైఐపీ)’ పేరుతో ఈ పథకాన్ని నిర్వహించారు. ఫేస్‌బుక్, ట్విట్టర్, గూగుల్  ప్లస్, యూట్యూబ్ వంటి సైట్ల ద్వారా ఈ పథకాలకు భారీ ప్రచారాన్ని కల్పించడం ద్వారా అమాయక ఇన్వెస్టర్లను ఆకట్టుకున్నారు. తక్కువ కాలంలోనే గరిష్ట లాభాలు అంటూ ఇన్వెస్టర్ల నుంచి పెట్టుబడులను సమీకరించారు. ఈ బాటలో తాజాగా ప్రాఫిట్ ప్యారడైజ్ పేరుతో ఇన్వెస్టర్ల నుంచి డిపాజిట్లను ఆహ్వానించారు.
 
 ఇలా అత్యధిక శాతం మంది నుంచి పెట్టుబడులను సమీకరించడం ద్వారా ఒక నిధిని ఏర్పాటు చేసి ఫారెక్స్, షేర్లు, కమోడిటీలలో ట్రేడింగ్ ద్వారా భారీ లాభాలను ఆర్జించడమనేది పథకం ప్రణాళిక. ఇండియా నుంచి ఈ పథకాలను నిర్వహిస్తున్నప్పటికీ, వెబ్‌సైట్ రిజిస్ట్రేషన్‌తోపాటు, కార్యాలయాలను అమెరికాలో ఏర్పాటు చేసినట్లు ఇన్వెస్టర్లను తప్పుదారి పట్టించారు.
 
 అయితే ఈ కేసు దర్యాప్తులో ఇండియా, కెనడా, హాంకాంగ్‌ల సహకారాన్ని ఎస్‌ఈసీ అర్థించింది. దర్యాప్తు పూర్తయ్యాక ఇద్దరు భారతీయులు పంకజ్ శ్రీవాస్తవ, నటరాజ్ కావూరిలపై కేసులు పెట్టింది. ఈ అంశంలో సెబీ సహకారాన్ని ఎస్‌ఈసీ ప్రశంసించింది. రెండు సంస్థలూ అంతర్జాతీయ సెక్యూరిటీస్ కమిషన్ సమితి(ఐవోఎస్‌సీవో)లో సభ్యులు కావడం గమనార్హం.


 హైదరాబాద్, బిజినెస్ బ్యూరో:   రక్షణ, ఏరోస్పేస్ రంగంలో ప్రత్యేక ఇంజనీరింగ్ పరికరాల తయారీలో నైపుణ్యం సొంతం చేసుకున్న ఎస్‌ఈసీ ఇండస్ట్రీస్‌కు విదేశీ ఆర్డర్లు వెల్లువలా వచ్చిపడుతున్నాయి. నౌకలు, జలాంతర్గాముల తయారీలో ప్రపంచ అగ్రగామిగా ఉన్న ఫ్రాన్స్ కంపెనీ డీసీఎన్‌ఎస్ తమతో చేతులు కలపడం కలిసి వచ్చిందని ఎస్‌ఈసీ ఎండీ దొంతినేని విద్యాసాగర్ అన్నారు. డీసీఎన్‌ఎస్ చేపడుతున్న ప్రాజెక్టుల్లో పాలుపంచుకోవడం ద్వారా ప్రపంచ దృష్టిని ఆకర్షించగలిగామని ఆయన చెప్పారు. కంపెనీ ఏర్పాటై అక్టోబరుకు 60 ఏళ్లు పూర్తి కావస్తున్న సందర్భంగా సాక్షి బిజినెస్ బ్యూరోకు ఇచ్చిన ఇంటర్వ్యూలో ఆయన మరిన్ని విషయాలను వెల్లడించారు. అవి ఆయన మాటల్లోనే.. 
  
  ఏదైనా సాధ్యం చేస్తాం..
  వ్యవసాయ పంపుసెట్ల తయారీ కంపెనీగా 60 ఏళ్ల క్రితం ప్రస్థానాన్ని ప్రారంభించాం. నేడు రక్షణ, ఏరోస్పేస్ రంగంలో ప్రత్యేకత ఉన్న హైటెక్ ఇంజనీరింగ్ పరికరాల తయారీలో నైపుణ్యం సొంతం చేసుకున్నాం. ప్రాజెక్టు ఏదైనా సరే సుసాధ్యం చేస్తాం. హైదరాబాద్‌లో మరో ప్లాంటు వచ్చే ఏడాది నెలకొల్పుతున్నాం. కేంద్రీకృత తయారీ కేంద్రంతోపాటు తీసుకున్న కాంట్రాక్టులనుబట్టి వివిధ అసెంబ్లింగ్ లైన్స్‌ను ఏర్పాటు చేస్తాం. 300 మందిని నియమించుకుంటాం. ఇక్కడ విదేశాలకు ఎగుమతయ్యే పరికరాలనే తయారు చేస్తాం. భావన(కాన్సెప్ట్) నుంచి తయారీ వరకు వన్ స్టాప్ సొల్యూషన్ అందించేందుకే కొత్త ప్లాంటును స్థాపిస్తున్నాం. 
  
  నిర్ణీత గడువులోగా..
  స్కార్పీన్ జలాంతర్గాముల కాంట్రాక్టును కేంద్ర ప్రభుత్వం డీసీఎన్‌ఎస్‌కు ఇచ్చింది. వీటి తయారీకి కావాల్సిన ప్రధాన భాగాల్లో 14 రకాలను మేం సరఫరా చేస్తున్నాం. కాంట్రాక్టు విలువ రూ.400 కోట్లు. గడువులోగా అంటే 2015 డిసెంబరు కల్లా సరఫరా చేస్తాం. మరో ఆరు జలాంతర్గాముల సరఫరా కాంట్రాక్టు డీసీఎన్‌ఎస్‌కు వచ్చే అవకాశం ఉంది. ఇదే జరిగితే మాకు మరోసారి రూ.400 కోట్ల కాంట్రాక్టు ఆశిస్తున్నాం. డీసీఎన్‌ఎస్ కోసం బాలానగర్‌లో ఉన్న ప్లాంటులో రూ.20 కోట్లతో ఫెసిలిటీ ఏర్పాటు చేశాం.
  
  డీసీఎన్‌ఎస్ భాగస్వామ్యంతో..
  డీసీఎన్‌ఎస్ ఒప్పందంతో మా సంస్థ నావికా రంగంలోకి ప్రవేశించింది. రక్షణ పరికరాల తయారీలో ఉన్న ప్రపంచ ప్రముఖ సంస్థలు హైదరాబాద్ వైపు మళ్లేందుకు కారణమయ్యాం. అయితే ఇతర దేశాలకు జలాంతర్గాములను సరఫరా చేసే కాంట్రాక్టుల్లో భాగంగా బాలానగర్ ప్లాంటును కేంద్ర బిందువుగా చేసుకోవాలని డీసీఎన్‌ఎస్ భావిస్తోంది. వచ్చే ఏడాది నుంచి సరఫరా ప్రారంభం కానుంది. అలాగే సముద్ర అలల ఆధారంగా పనిచేసే విద్యుత్ ప్లాంట్లను ఫ్రాన్స్‌లో పెట్టే పనిలో డీసీఎన్‌ఎస్ నిమగ్నమైంది. ఈ ప్లాంట్లకు కావాల్సిన 50 శాతం పరికరాలను మేం సరఫరా చేయనున్నాం. 
  
  వెల్లువలా కొత్త కాంట్రాక్టులు..
  ట్రైలర్ మౌంటెడ్ ఎయిర్ డిఫెన్స్ యాంటెన్నా సరఫరా ప్రాజెక్టును భారత రక్షణ శాఖ ఇజ్రాయెల్ ఏరోస్పేస్ ఇండస్ట్రీస్‌కు(ఐఏఐ) ఇచ్చింది. 300-600 కిలోమీటర్ల పరిధిలో క్షిపణుల రాకను ఇది గుర్తిస్తుంది. దేశీయంగా తొలిసారిగా ఐఏఐ, డీఆర్‌డీవోలు సంయుక్తంగా వీటిని రూపొందిస్తున్నాయి. ఎలక్ట్రానిక్ పరికరాలు మినహా మిగిలిన భాగాలను ఎస్‌ఈసీ అందిస్తోంది. మిరేజ్ 2000 ఎయిర్‌క్రాఫ్ట్‌కు క్షిపణుల సరఫరా కాంట్రాక్టు ఫ్రాన్స్‌కు చెందిన ఎంబీడీఏ కైవసం చేసుకుంది. ఈ కంపెనీకి ఎయిర్‌బోర్న్ పరికరాలను అందించనున్నాం. ఇక మీడియం మల్టీ రోల్ కాంబాట్ ఎయిర్‌క్రాఫ్ట్‌కు కావాల్సిన పరికరాలను అందించే అవకాశాన్ని చేజిక్కించుకోనున్నాం.