ఇచ్ఛాపురం రూరల్‌: కూటమి ప్రభుత్వం విద్యార్థులకు ఇచ్చిన బ్యాగులు విద్యా సంవత్సరం మధ్యలోనే చిరిగిపోతున్నాయి. బ్యాగుల్లో పుస్తకాలు పెట్టుకోవాలంటే ఎక్కడ జారి పడిపోతాయోనని భయపడాల్సి వస్తోందని విద్యార్థులు అసహనం వ్యక్తం చేస్తున్నారు. ఈ ఏడాది జూన్‌ నెలలో పాఠశాలలు పునః ప్రారంభం కాగా, జూలైలో విద్యార్థులకు ఎనిమిది వస్తువులతో కూడిన డాక్టర్‌ సర్వేపల్లి రాధాకృష్ణన్‌ కిట్లు పేరుతో బ్యాగ్, పాఠ్య పుస్తకాలు, రాత పుస్తకాలు, బెల్టులు, బూట్లు, రెండు జతల సాక్షులు, యూనిఫాం క్లాత్, డిక్షనరీతో పాటు సంచులు ఇచ్చారు. ఇందులో బూట్లు అందరికీ సరిపడకపోవడంతో ఇచ్చిన బూట్లు ఇంటి వద్దనే విడిచి గత వైఎస్సార్‌సీపీ ప్రభుత్వ హయాంలో ఇచ్చిన బూట్లు బడికి వేసుకువస్తున్నారు. జిల్లాలో ఉన్న 2,632 ప్రాథమిక, ప్రాథమికోన్నత, ఉన్నత పాఠశాలల్లో చదువుతున్న ఒక లక్షా 59వేల 648 మంది విద్యార్థులకు బ్యాగులు ఇచ్చారు. ఇచ్చి న బ్యాగులు పైన పటారం...లోన లొటారం మాదిరిగా ఉన్నాయని విద్యార్థుల తల్లిదండ్రులు బహిరంగంగా విమర్శిస్తున్నారు. ఇచ్చిన బ్యాగులు నాసిరకంగా ఉండటంతో జిప్‌లు ఊడిపోవడంతో పాటు పైనా, కిందా, తగిలించుకునే కుచ్చుల వద్ద చిరిగిపోతున్నాయని విద్యార్థులు ఆవేదన వ్యక్తం చేస్తున్నారు. ఎనిమిది, తొమ్మిది, పది తరగతుల విద్యార్థులకు పుస్తకాలు ఎక్కువగా ఉంటాయి. దీంతో వారి బ్యాగులు మూడునాళ్ల ముచ్చటగానే మిగి లిపోతున్నాయి. చిరిగిపోయిన బ్యాగుల్ని సూది దారంతో కుట్టుకుంటూ బడికి వస్తుంటే తోటి విద్యార్థులు హేళన చేస్తున్నారని కొంత మంది విద్యార్థులు వాపోతున్నారు. దీంతో కొత్త బ్యాగులు కొనక తప్పడం లేదు. నాసిరకం బ్యాగులు మహానుభావుడు డాక్టర్‌ సర్వేపల్లి రాధాకృష్ణన్‌ పేరుతో విద్యార్థులకు ఇచ్చిన కిట్‌లో బ్యాగులు పూర్తిగా నాసిరకంగా ఉన్నాయి. విద్యా సంవత్సరం మధ్యలోనే బ్యాగులు చిరిగిపోతున్నాయి. కొంత మంది పేద విద్యార్థులు అవే బ్యాగుల్ని కుట్టుకుంటూ బడికి వెళ్తున్నారు. బ్యాగులు చూసి తోటి విద్యార్థుల హేళనకు గురవుతున్నారు. – బోర పుష్ప, ఎంపీపీ, ఇచ్ఛాపురం


 - ఐదో తరగతిలో 46 శాతం మందికి తెలుగు చదవడం రావట్లేదు..
 - 59 శాతం మందికి రాయడానికి ఇబ్బందే
 - ఇంగ్లిష్‌లో సులభ పదాలు రాయగలిగిన వారు 26 శాతమే
 - 8వ తరగతి విద్యార్థుల్లోనూ ఇదే పరిస్థితి
 - రాష్ట్రంలోని ప్రభుత్వ పాఠశాలల్లో విద్యార్థుల దుస్థితి
 - 2015-16 విద్యాశాఖ అంతర్గత సర్వే తేల్చిన వివరాలివి
  
 సాక్షి, హైదరాబాద్: రాష్ట్రంలోని ప్రభుత్వ పాఠశాలల్లో చదివే విద్యార్థులకు కనీసం తెలుగు కూడా చదవడం, రాయడం రావడం లేదు. ఏటా వివిధ పథకాల కింద వేల కోట్ల రూపాయలు వెచ్చిస్తున్నా... సుశిక్షితులైన ఉపాధ్యాయులు ఉన్నా... విద్యార్థులకు మాత్రం చదువు ఎక్కడం లేదు. కనీస లెక్కలైన కూడికలు, తీసివేతలూ రావడం లేదు. ఇంగ్లిష్‌లోనైతే పరిస్థితి మరీ దారుణం. ఏడో తరగతి, ఐదో తరగతి విద్యార్థులు కూడా రెండో తరగతిలోని పాఠ్యాంశాలను చదవడం, రాయడం కోసం ఇబ్బందులు పడుతున్నారంటే పరిస్థితి ఎలా ఉందో అర్థం చేసుకోవచ్చు. విస్తుపోయే ఈ వాస్తవాలు ఏ ప్రైవేటు సంస్థనో, ఏదో ఎన్జీవోనో చెప్పినవి కావు. 2015-16 విద్యా సంవత్సరంలో స్వయంగా విద్యాశాఖ అంతర్గతంగా అధ్యయనం చే సి తేల్చిన వాస్తవాలివి.     
 
 5వ తరగతిలో తెలుగు చదవగలిగిన వారు 54 శాతమే
 రాష్ట్రంలోని ప్రభుత్వ పాఠశాలల్లో 27.92 లక్షల మంది విద్యార్థులు చదువుతుండగా... అందులో 2.50 లక్షల మందికి పైగా ఐదో తరగతిలో ఉన్నారు. వారిలో 54 శాతం మంది మాత్రమే ఐదో తరగతి తెలుగును చదవగలుగుతున్నారు. మరో 46 శాతం మందికి తెలుగు చదవడమే రావడం లేదు. తెలుగులో రాయగలిగిన వారు కేవలం 41 శాతం మంది మాత్రమే. ఇంగ్లిష్ సబ్జెక్టులో విద్యార్థుల పరిస్థితి మరీ దారుణం. 40 శాతం మంది మాత్రమే ఆ తరగతి ఇంగ్లిష్ సబ్జెక్టులోని అంశాలను చదవ గలుగుతున్నారు. ఇందులో కనీసం సులభ పదాలను రాయగలిగిన వారు 26 శాతమే. ఇక 32 శాతం మంది మాత్రమే భాగహారం చేయగలిగే స్థాయిలో ఉన్నారు. 54 శాతం మందికి గుణకారాలు రావడం లేదు. 34 శాతం మందికి కూడికలు, 46 శాతం మంది విద్యార్థులకు తీసివేత లెక్కలు కూడా రాకపోవడం గమనార్హం.
 
 8వ తర గతిలోనూ అంతే..
 ఎనిమిదో తరగతి చదివే విద్యార్థుల్లో 38 శాతం మంది మాత్రమే ఆ తరగతికి చెందిన ఇంగ్లిష్ సబ్జెక్టులోని సులభ పదాలను రాయగలుగుతున్నారు. 62 శాతం మంది సులభ పదాలను కూడా రాయలేకపోతున్నారు. 48 శాతం మంది ఇంగ్లిష్ సబె ్జక్టు పుస్తకంలోని అంశాలను చదవలేకపోతున్నారు.
 
 కింది తరగతుల పదాలు చదవలేని పరిస్థితి!
 రాష్ట్రంలోని ప్రభుత్వ పాఠశాలల్లో చదువుతున్న విద్యార్థుల్లో చాలా మంది కింది తరగతుల్లోని పాఠ్య పుస్తకాలను కూడా చదవలేని పరిస్థితిలో ఉన్నారు. 3వ తరగతి చదివే విద్యార్థుల్లో 23.1శాతం మంది మాత్రమే రెండో తరగతి పాఠ్య పుస్తకాన్ని చదవగలుగుతున్నారు. ఐదో తరగతి విద్యార్థుల్లో 56.3 శాతం మంది విద్యార్థులు మాత్రమే రెండో తరగతికి చెందిన పాఠ్య పుస్తకాల్లోని అంశాలను చదవగలగడం దారుణమైన విషయం. ఏడో తర గతి విద్యార్థుల్లోనూ 28.2 శాతం మంది రెండో తరగతి పాఠ్య పుస్తకాల్లోని అంశాలను చదవలేకపోతున్నట్లు విద్యాశాఖ తేల్చింది.