`బిచ్చగాడు` లాంటి సెన్సేషనల్ హిట్ చిత్రాన్ని అందించిన శ్రీ తిరుమ‌ల తిరుప‌తి వెంక‌టేశ్వ‌ర ఫిలింస్ ప‌తాకంపై చ‌ద‌ల‌వాడ ప‌ద్మావ‌తి  అందిస్తున్న మరో చిత్రం `పిల్ల రాక్షసి`. కేవలం రూ. 50 లక్షలతో డబ్బింగ్ రైట్స్ కొనుక్కున్న బిచ్చగాడు సినిమా దాదాపు రూ. 20 కోట్ల వసూళ్లు సాధించి సంచలన విజయం అందించిన విషయం తెలిసిందే. ఇప్పుడు కూడా మ‌ళయాళంలో ఘ‌నవిజయం సాధించిన `ఆన్ మ‌రియ క‌లిప్పిలాను` సినిమా డబ్బింగ్ హక్కులు తీసుకుని, దాన్ని తెలుగులో `పిల్ల రాక్షసి` పేరుతో విడుదల చేస్తున్నారు నిర్మాతలు. 
  
 `బిచ్చ‌గాడు` చిత్రానికి తెలుగులో మాట‌లు, పాటలు అందించిన ర‌చ‌యిత భాషా శ్రీ పిల్లా రాక్ష‌సి సినిమాకు కూడా మాటలు, పాట‌లు అందించారు. `బిచ్చగాడు` లాంటి హిట్ తర్వాత అదే బ్యానర్‌పై వస్తున్న సినిమా కావడంతో.. దీనిపై మంచి అంచనాలు నెలకొన్నాయి. ఇటీవ‌ల లియోన్ జేమ్స్ సంగీతం అందించిన పాట‌ల‌కు రెస్పాన్స్ బాగుంది. దర్శ‌కుడు మిథున్ మాన్యూల్ థామ‌స్  డిఫ‌రెంట్ కాన్సెప్ట్‌ను రియ‌లిస్టిక్‌ పంథాలో ఆవిష్క‌రించారు. `ఓకే బంగారం` ఫేం దుల్కర్ స‌ల్మాన్ ఓ ముఖ్య అతిథిగా న‌టించ‌గా, సారా అర్జున్‌ టైటిల్ పాత్ర‌లో న‌టించింది. స‌న్నీ వాయ్‌నే, లియోనా లిషాయ్ ఇత‌ర‌ ప్ర‌ధాన పాత్ర‌లు పోషించారు. ఈ సినిమా సెన్సార్ కార్య‌క్ర‌మాల‌ను పూర్తిచేసుకుని క్లీన్ యు స‌ర్టిఫికెట్ పొందింది. సినిమాను న‌వంబ‌ర్ 4న విడుద‌ల చేయ‌డానికి స‌న్నాహాలు చేస్తున్నారు.


  ఇటీవల ‘బిచ్చగాడు’ వంటి విజయవంతమైన చిత్రాన్ని ప్రేక్షకులకు అందించిన నిర్మాత చదలవాడ పద్మావతి ‘పిల్ల రాక్షసి’ పేరుతో మరో చిత్రాన్ని అందించనున్నారు. మలయాళంలో ఘన విజయం సాధించిన ‘ఆన్ మరియ కలిప్పిలాను’ చిత్రాన్ని శ్రీ తిరుమల తిరుపతి వెంకటేశ్వర ఫిలింస్ పతాకంపై ‘పిల్ల రాక్షసి’ పేరుతో ఆమె తెలుగులో విడుదల చేస్తున్నారు. సారా అర్జున్ టైటిల్  పాత్రలో నటించగా, ‘ఓకే బంగారం’ ఫేం దుల్కర్ సల్మాన్ ముఖ్య పాత్ర చేశారు.
  
  మిథున్ మాన్యూల్ థామస్ దర్శకత్వంలో తెరకె క్కిందీ చిత్రం. నిర్మాత మాట్లాడుతూ- ‘‘ఓ మోసగాడితో చిన్నారి ఎటువంటి సాహసం చేసింది? ఆ తర్వాత ఎటువంటి పరిణామాలు చోటు చేసుకున్నాయి? అన్నది ఆసక్తికరంగా ఉంటుంది. వైవిధ్యమైన ఈ కథను దర్శకుడు సహజంగా తెరకెక్కించాడు. స్క్రీన్‌ప్లే కొత్తగా ఉంటుంది.  ఈ చిత్రం తెలుగు ప్రేక్షకులకూ నచ్చుతుందనే నమ్మకం ఉంది’’ అని చెప్పారు.