తెలుగు మాస్టర్‌గా పద్యాలు చెప్పిన వెంకటేశ్‌ ఇప్పుడు ఫిజిక్స్‌ చెప్పడానికి రెడీ అవుతున్నారని సమాచారం. ఆల్మోస్ట్‌ పాతికేళ్ల క్రితం రాఘవేంద్రరావు దర్శకత్వంలో వచ్చిన ‘సుందరకాండ’ చిత్రంలో వెంకటేశ్‌ తెలుగు మాస్టర్‌గా నటించిన సంగతి గుర్తుండే ఉంటుంది. ఇప్పుడు  తేజ దర్శకత్వంలో వెంకటేశ్‌ హీరోగా ఓ సినిమా రూపొందనుంది. ఈ సినిమాలోనే వెంకీ ఫిజిక్స్‌ లెక్చరర్‌గా నటించనున్నారని టాక్‌. ఈ చిత్రానికి ‘ఆట నాదే వేట నాదే’ అనే టైటిల్‌ను అనుకుంటున్నారు. ఈ సినిమాలో వెంకటేశ్‌ లుక్‌ ఇదేనంటూ ఓ ఫొటో సోషల్‌ మీడియాలో హల్‌చల్‌ చేసింది. ఇంతకీ ఫొటోను బాగా గమనించారు కదా! వెంకీ చేతిలో ఉంది ఫిజిక్స్‌ సబ్జెక్ట్‌కి చెందిన బుక్‌. సో.. ఈ సినిమాలో ఆయన ఫిజిక్స్‌ లెక్చరర్‌గా కనిపించనున్నారన్న ఊహాగానాలు ఊపందుకున్నాయి. నారా రోహిత్‌  ఓ కీలక పాత్రను చేయనున్నారు. ఈ సినిమా రెగ్యులర్‌ షూటింగ్‌ త్వరలోనే స్టార్ట్‌ కానుంది. ఈ సంగతి ఇలా ఉంచితే... త్రివిక్రమ్‌ దర్శకత్వంలో ఓ మూవీ, అనిల్‌ రావిపూడి మల్టీస్టారర్‌ మూవీలో వెంకటేశ్‌ హీరోగా నటించనున్న సంగతి తెలిసిందే.


 నల్లగొండ : నల్లగొండ జిల్లా కేంద్రంలో ఇంటర్ విద్యార్థిని భవానీ ఆత్మహత్యకు కారణమైన ఫిజిక్స్ లెక్చరర్ శ్రీనివాస్‌ను అరెస్టు చేసినట్లు డీఎస్పీ శనివారం విలేకరులకు తెలిపారు. నిందితుడిని శుక్రవారం అదుపులోకి తీసుకున్న పోలీసులు విచారించగా.. మొదట తనకేమీ తెలీదని బుకాయించిన టీచకుడు.. చివరికి బాలికతో అసభ్యంగా వ్యవహరించినట్లు ఒప్పుకున్నాడు. దీంతో సదరు వ్యక్తిని అరెస్టు చేసినట్లు ఈ రోజు పోలీసులు తెలిపారు.


  నల్లగొండ క్రైం : ఇంటర్ విద్యార్థిని భవానికి మృతికి కారణమైన ఫిజిక్స్ లెక్చరర్ శ్రీనివాస్‌ను ఉరితీయాలని ఏబీవీపీ నాయకులు డిమాండ్ చేశారు. ఈ మేరకు ఆ విద్యార్థి సంఘం శుక్రవారం వివిధ కళాశాలల నుంచి విద్యార్థులు ఎస్పీ కార్యాలయం నిరసన ర్యాలీ నిర్వహించారు. బాధిత కుటుంబానికి రూ.10 లక్షలు నష్టపరిహారం ఇచ్చి ఆదుకోవాలని డి ఎస్పీ కార్యాలయం వద్ద ధ ర్నాకు దిగడం, కార్యాలయంలోకి దూసుకెళ్లడానికి ప్రయత్నించడంతో ఉద్రిక్త పరిస్థితి నెలకొంది. దీంతో పోలీసులు వారిని అడ్డుకున్నారు. ఈ సమయంలో విద్యార్థులు పోలీసుల మధ్య తోపులాట జరిగింది. నిందితుడిని పట్టుకునేందుకు పోలీసు బృందాలు గాలిస్తున్నామని కఠినంగా శిక్షిస్తామని డీఎస్పీ రాములునాయక్ విద్యార్థులకు నచ్చజెప్పారు. అయినా విద్యార్థులు ఎస్పీ కార్యాలయంలోకి వెళ్లేందుకు ప్రయత్నించడంతో పోలీసులు చెదరగొట్టారు.  15 మంది విద్యార్థులను పోలీసులు అరెస్టు చేసి, సాయంత్రం వదిలిపెట్టారు. నగర కార్యదర్శి లింగరాజు, సంతోష్‌నాయక్, ఏడుకొండల్, గణేష్, రాహుల్, రాంరెడ్డి, అనిల్ , మహేందర్, నవీన్, రంజిత్, ప్రశాంత్, ప్రసన్న, పవన్,అశోక్ పాల్గొన్నారు.