2012లో కోల్‌కత్తాలోని పార్క్ స్ట్రీట్‌లోని ఒక నైట్ క్లబ్‌లో స్నేహితులతో కదులు తున్న కారులో ఒక మహిళపై సామూహిక అత్యాచారచేసిన శిక్ష అనుభవించిన నాజర్‌ ఖాన్ మరో అఘాయిత్యానికి తెగబడ్డాడు. కోల్‌కత్తాలో ఒక ఫైవ్ స్టార్ హోటల్‌లో ఒక మహిళను లైంగికంగా వేధించాడు. గాజు సీసాలతో దాడి చేశాడు.సంచలనం రేపిన పార్క్‌ స్ట్రీట్‌ గ్యాంగ్‌ రేప్‌ కేసులో దోషిగా తేలిన 35 ఏళ్ల నాజర్ ప్రెసిడెన్సీ జైలు నుండి బయటకు వచ్చాడు. మంచి ప్రవర్తన కారణంగా ఏడాది ముందే జైలు విడుదలైన అతగాడు ఏమీ మారలేదు సరికదా, మరోసారి తన దుర్మార్గ వైఖరిని చాటుకున్నాడు. కోల్‌కత్తాలోని పార్క్ స్ట్రీట్‌లోని 5-స్టార్ హోటల్‌లో మహిళపై లైంగిక వేధింపులకు పాల్పడ్డాడు. తన భర్త, స్నేహితులతో ఉండగా, ఆమెను వేధించడంతోపాటు, గాజుసీసాలతో వారిపై దాడికి పాల్పడ్డాడు. బిధాన్‌నగర్‌లోని హయత్ రీజెన్సీలోని ప్లే బాయ్ క్లబ్‌లో ఆదివారం తెల్లవారుజామున 4.15 గంటల ప్రాంతం ఈ ఘటన జరిగింది. పోలీసులు తెలిపిన వివరాల ప్రకారం, ఈకేసులో ఉన్న నిందితులతోపాటు 2012 పార్క్ స్ట్రీట్ గ్యాంగ్ రేప్ కేసులో దోషిగా తేలిన నాజర్ ఖాన్ ఉన్నాడు. మరో నిందితుడు నాజర్‌ మేనల్లుడు జునైద్ ఖాన్. ఈ ఘటనలో ఇప్పటివరకు ఎవరినీ అరెస్టు చేయలేదు. క్లబ్‌లో తాను, తన భర్త, సోదరుడు, ఇతర స్నేహితులతో కూర్చుని ఉండగా నిందితులు గలాటా చేశారని ఆ మహిళ తన ఫిర్యాదులో పేర్కొంది. నాజర్‌, జునైద్ ఇంకా వారి స్నేహితులు తమపై దాడి చేసి, తనను అనుచితంగా తాకడానికి ప్రయత్నించారని ఆ మహిళ ఆరోపించింది. సోదరుడు తనను రక్షించడానికి ప్రయత్నించినప్పుడు, గాజు సీసాలు విసిరారని పేర్కొంది. హోటల్ నుంచి పారిపోవడానికి ప్రయత్నించి నప్పటికీ వారు వదల్లేదనీ, జునైద్ ఖాన్ దాదాపు 20 మందికి ఫోన్ చేసి తమపై దాడి చేశాడని, ఫోన్‌లో చంపుతామని కూడా బెదిరించారని ఆమె తన ఫిర్యాదులో పేర్కొంది. రెస్టారెంట్ క్లబ్ CCTVలో ఈ దాడికి సంబంధించిన మొత్తం వీడియోను మీరు చూడవచ్చన్నారు ఆమె.కాగా 2012 ఫిబ్రవరిలో నగరం నడిబొడ్డున ఉన్న పార్క్ స్ట్రీట్‌లోని ఒక నైట్ క్లబ్ ముందు 40 ఏళ్ల మహిళను కారులో తీసుకెళ్లి, కదులుతున్న కారులోనే సామూహిక అత్యాచారం చేసి, రోడ్డు క్రాసింగ్ దగ్గర విసిరేసి వెళ్లిపోయారు. ఈ కేసులో దోషిగా తేలిన ఐదుగురు వ్యక్తులలో నాజర్‌ కూడా ఉన్నాడు. పదేళ్ల శిక్షాకాలం ముగియడానికి ఒక సంవత్సరం కంటే ముందే 2020లో జైలు నుండి విడుదలయ్యాడు. ఇదీ చదవండి: హ్యాండ్సమ్ బాయ్ : సినీ స్టార్‌లా ఇంత అందమా? ఎలా?


 దేశమంతా విస్తుపోయేలా పశ్చిమబెంగాల్ రాజధాని కోల్‌కతాలోని పార్క్‌స్ట్రీట్‌లో జరిగిన దారుణ అత్యాచారం కేసులో ప్రధాన నిందితుడిని నాలుగేళ్ల తర్వాత పోలీసులు అరెస్టు చేశారు. ఉత్తరప్రదేశ్‌లోని ఘజియాబాద్ జిల్లాలో ఖాదర్ ఖాన్ అనే ఈ నిందితుడు అరెస్టయ్యాడు. అతడితో పాటు అతడి అనుచరుడు అలీఖాన్‌ను కూడా కోల్‌కతా పోలీసుల ప్రత్యేక బృందం ఢిల్లీ పోలీసులతో కలిసి నిర్వహించిన సంయుక్త ఆపరేషన్‌లో అరెస్టుచేసింది. ఘజియాబాద్‌లోని ఒక అపార్టుమెంటులో దాక్కుని ఉండగా వారిని పట్టుకున్నట్లు బృందంలోని ఒక అధికారి తెలిపారు. వాళ్లిద్దరినీ ట్రాన్సిట్ రిమాండ్ మీద తీసుకొచ్చి శనివారం నాడు కోల్‌కతా కోర్టులో ప్రవేశపెడతామన్నారు.
 
 ఇద్దరు పిల్లల తల్లి అయిన బాధితురాలిపై 2012 ఫిబ్రవరి 6వ తేదీన కోల్‌కతాలోని పార్క్ స్ట్రీట్ ప్రాంతంలో సామూహిక అత్యాచారం జరిగింది. ఆమెను ఇంటివద్ద దింపుతామన్న ఐదుగురు వ్యక్తులు కారులో ఎక్కించుకుని ఆమెపై లైంగిక దాడికి పాల్పడ్డారు. ఈ కేసులో ప్రధాన నిందితుడైన కాదర్ ఖాన్ నాలుగేళ్లుగా తప్పించుకుని తిరుగుతున్నాడు. అతడిపై విశ్వసనీయ సమాచారం అందడంతో.. అతడి మొబైల్ సిగ్నళ్లను ట్రాక్ చేసి పట్టుకున్నారు. తొలుత అతడు ఢిల్లీ సమీపంలో ఉన్నట్లు సెల్ సిగ్నళ్ల ద్వారా తెలిసింది. కోల్‌కతా సీపీ రాజీవ్ కుమార్ సూచనల మేరకు ప్రత్యేక బృందం అతడి వెంట పడింది. కొన్నాళ్ల పాటు బంగ్లాదేశ్‌లో తలదాచుకున్న కాదర్.. తర్వాత నేపాల్ మీదుగా ఢిల్లీకి వచ్చాడు. అతడి కుటుంబ సభ్యులతో ఫోన్లో మాట్లాడటంతో అతడి ఆనుపానులు తెలిశాయి.