హైదరాబాద్: నగరంలోని నెహ్రూ జూ పార్కు సందర్శనకు కొత్త టికెట్‌ రేట్లు ఈ నెల 1 నుంచి (శనివారం) అమలులోకి రానున్నాయి. గతంలో పెద్దలకు వారం రోజుల్లో రూ.70, చిన్నారులకు రూ.45 ఉండగా.. వీకెండ్‌తో పాటు సెలవు రోజుల్లో రూ.80, రూ.55 ఉండగా.. ప్రస్తుతం రెండు కేటగిరీలుగా కాకుండా వారం రోజుల్లో పెద్దలకు రూ.100, చిన్నారులకు రూ.50గా నిర్ధారించారు. వీటితో పాటు జూ సందర్శనలో వివిధ కేటగిరీలకు కూడా రేట్లు పెరిగాయి. కొత్త రేట్లు ఇలా.. గతంలో రూ.120 టికెట్‌ ఉన్న స్టిల్‌ కెమెరాకు ప్రస్తుతం రూ.150 వసూలు చేస్తారు. రూ.600 ఉన్న వీడియో కెమెరాకు రూ.1900 పెంచి రూ.2500గా నిర్ధారించారు. ఇక మూవీ కెమెరా షూటింగ్‌ (కమర్షియల్‌)కు రూ.10 వేలు, టాయ్‌ ట్రైన్‌కు పెద్దలకు రూ. 80, చిన్నారులకు రూ.40, బ్యాటరీ వెహికిల్‌ పెద్దలకు రూ.120, చిన్నారులకు రూ. 70, ఒక గంట పాటు తిరిగే 11 సీటర్ల వెహికిల్‌కు రూ.3000, 14 సీటర్ల వెహికిల్స్‌కు 4000, ఏసీ సఫారీ బస్సు ఒకొక్కరికి రూ. 150, నాన్‌ ఏసీ బస్సు రూ.100 చొప్పున కొత్త రేట్లు ఉండనున్నాయి. నేవిగేషన్‌ యాప్‌తో.. అంతేకాకుండా ప్రస్తుతం జూ సందర్శన టికెట్లను ఆన్‌లైన్‌ ద్వారా ముందస్తుగానే బుక్‌ చేసుకునే వెసులుబాటు ఉంది. మొబైల్‌ నేవిగేషన్‌ యాప్‌తో గైడ్‌ లేకుండానే జూ పార్కును చుట్టి రావచ్చు. గూగుల్‌ ప్లే స్టోర్‌ నుంచి యాప్‌ను డౌన్‌లోడ్‌ చేసుకుని జూ సందర్శనకు వెళితే.. అన్ని ఎన్‌క్లోజర్స్‌తో పాటు ఇతర సమాచారం ఇట్టే మన కళ్ల ముందుంటుంది.

హైద‌రాబాద్ న‌గ‌ర వాసుల‌కు అల‌ర్ట్. సెల‌వు రోజున స‌ర‌దాగా పిల్ల‌ల‌ను తీసుకుని జూపార్కుకు వెళ్లాల‌ని అనుకుంటున్నారా? అయితే మీ జేబు బ‌రువు పెర‌గాల్సిందే. ఎందుకంటే జూపార్కు ఎంట్రీ టికెట్‌ రేట్లు భారీగా పెర‌గ‌బోతున్నాయి. పెద్దల టికెట్ రేటు రూ. 30, పిల్ల‌ల‌కు 5 రూపాయలు పెంచారు.హైద‌రాబాద్‌ నగరంలోని నెహ్రూ జూలాజికల్‌ పార్క్‌ (Nehru Zoological Park) ఎంట్రీ టికెట్‌ రేట్లను పెంచారు. జూ అండ్‌ పార్క్స్‌ అథారిటీ ఆఫ్‌ తెలంగాణ 13వ గవర్నింగ్‌ బాడీ ఈ మేరకు నిర్ణయం తీసుకుంది. పెద్దలకు టికెట్‌ ధర రూ.100, చిన్నారులకు రూ.50కి పెంచారు. ఈ రేట్లు సందర్శకులకు మార్చి 1వ తేదీ (శనివారం) నుంచి అమలులోకి వస్తాయని జూ క్యూరేటర్‌ ఒక ప్రకటనలో తెలిపారు.ఇప్ప‌టివ‌ర‌కు సాధార‌ణ రోజుల్లో ఒక‌లా.. శ‌ని, ఆదివారాల‌తో పాటు సెల‌వురోజుల్లో మ‌రోలా టికెట్ రేట్లు ఉండేవి. ఇక నుంచి అన్నిరోజుల్లోనూ ఒకటే ధ‌ర‌లు ఉంటాయ‌ని జూ క్యూరేటర్‌ వెల్ల‌డించారు. ఎంట్రీ టికెట్ రేట్ల‌తో పాటు కెమెరా, బ్యాట‌రీ వెహిక‌ల్‌, టాయ్‌ట్రైన్‌, స‌ఫారీ పార్కు డ్రైవ్ రేట్లు కూడా పెంచిన‌ట్టు తెలిపారు.చ‌ద‌వండి: రైలు టికెట్‌ ఇలా కొంటే క్యాష్‌బ్యాక్‌..ప్ర‌స్తుతం సాధార‌ణ రోజుల్లో పెద్ద‌ల‌కు రూ. 70, పిల్ల‌ల‌కు రూ.45 ప్రవేశ రుసుం వ‌సూలు చేస్తున్నారు. వీకెండ్‌, సెల‌వు దినాల్లో పెద్ద‌ల‌కు రూ. 80, పిల్ల‌ల‌కు రూ.55 తీసుకుంటున్నారు. మార్చి 1 నుంచి అన్నిరోజుల్లోనూ పెద్ద‌ల‌కు రూ.100, పిల్ల‌ల‌కు రూ.50 వ‌సూలు చేస్తారు. ఆన్‌లైన్‌లో కూడా టికెట్లు బుక్ చేసుకునే స‌దుపాయం ఉంది. పూర్తి వివ‌రాల‌కు nzptsfd.telangana.gov.in/home.do వెబ్‌సైట్ చూడొచ్చు.ఉమెన్స్‌ డే రోజు ‘రన్‌ ఫర్‌ యాక్షన్‌–2025’ అంతర్జాతీయ మహిళా దినోత్సవం నేపథ్యంలో మార్చి 8న హైద‌రాబాద్‌ నగర షీ–టీమ్స్‌ ‘రన్‌ ఫర్‌ యాక్షన్‌–2025’పేరుతో ప్రత్యేక కార్యక్రమం నిర్వహిస్తున్నాయి. పీవీ నర్సింహారావు మార్గ్‌లోని పీపుల్స్‌ ప్లాజాలో జరిగే ఈ 5కే, 2కే పరుగుకు సంబంధించిన పోస్టర్‌ను కొత్వాల్‌ సీవీ ఆనంద్‌ మంగళవారం ఆవిష్కరించారు. వీటిలో పాల్గొనాలని భావించే వారు ( rfa.bebetter.run) వెబ్‌సైట్‌ ద్వారా రిజిస్ట్రేష‌న్‌ చేసుకోవాలని మహిళా భద్రత విభాగం డీసీపీ లావణ్య తెలిపారు. ‘మహిళల భద్రతకు అవసరమైన చర్యలు వేగవంతం చేయండి’అనే థీమ్‌తో ఈ రన్‌ నిర్వహిస్తున్నారు.

జూ.. ఈ పేరు చెబితేనే పిల్లల నుంచి పెద్దల వరకూ అదో వింత అనుభూతి కలుగుతుంది. ప్రకృతిలో మమేకమై సంచరించే వన్య ప్రాణులను చూస్తే ఒళ్లు పులకరిస్తుంది.. అలాంటి అనుభూతే నగరంలోని నెహ్రూ జూ పార్కులోనూ కనిపిస్తుంది. అయితే ఎప్పటి నుంచో ఉన్నదేగా! ఇప్పుడు ఆ సోదంతా ఎందుకు అనే సందేహం కలగక మానదు.. అదేనండి.. జంతు మార్పిడిలో భాగంగా నగరానికి కొత్త రకాల జాతులు, జంతువులు రానున్నట్లు అధికారులు చెబుతున్నారు. దీంతో నెహ్రూ జూపార్కు నగర వాసులకు కొత్త ఆకర్షణగా మారనుందని తెలుస్తోంది.. వీటిని దత్తత తీసుకునేందుకు ఇప్పటికే ఓ కార్పొరేట్‌ సంస్థ కూడా ముందుకొచ్చినట్లు అధికారులు చెబుతున్నారు. ఇందులో భాగంగానే జూకు 16 దేశాల నుంచే కాకుండా దేశంలోని పలు జూల నుంచి కూడా కొత్త అతిథులు రానున్నాయి. నగరంలోని నెహ్రూ జంతు ప్రదర్శనశాలలోకి ఈ వేసవిలో కొత్త జంతువులు రానున్నాయి. ఇక్కడి వాతావరణ పరిస్థితులకు అనుగుణంగా.. వాటి మనుగడకు ఇబ్బంది లేకుండా ఇప్పటికే ఏర్పాట్లు చేస్తున్నట్లు తెలుస్తోంది. ఇందులో భాగంగానే ఆసే్ట్రలియాలో మాత్రమే కనిపించే కంగారూలు త్వరలోనే భాగ్యనగరంలో కనువిందు చేయనున్నాయి. జంతు మార్పిడిలో భాగంగా రెండు కంగారూలు, అదే విధంగా చెక్‌ రిపబ్లిక్‌ నుంచి తెల్ల సింహం, థాయిలాండ్‌ జీబ్రాలు, ఆఫ్రికా చింపాంజీలు రానున్నాయి. వీటి మనుగడకు ఇబ్బంది లేకుండా ఇప్పటికే సంబంధిత జూ అధికారులు ఏర్పాట్లకు ప్రణాళికలు చేస్తున్నారు. దేశీయ జూల నుంచి.. దీంతో పాటు దేశీయ జూ పార్కుల నుంచి కూడా జంతు మార్పిడి ప్రక్రియలో భాగంగా పులులు, సింహాలు, మొసళ్లతో పాటు ఇతర జంతవులు కూడా సందర్శకులకు కనువిందు చేయనున్నాయి. కంగారూల సంరక్షణకు అయ్యే నిర్మాణ ఖర్చులను భరించేందుకు దుండిగల్‌లోని ఓ ఫార్మా కంపెనీ ముందుకొచ్చిందని అధికారులు చెబుతున్నారు. జంతు మార్పిడి పథకంలో భాగంగా జపాన్‌లోని ఓక్లాహోమా జూపార్కు కంగారూ జంతువులు రెండు నెలల్లో రానున్నాయని తెలిపారు. అనుమతి కోసం.. జపాన్‌లోని ఓక్లాహోమా గార్డెన్, హైదరాబాద్‌లోని నెహ్రూ జూపార్క్‌ మధ్య ఈ మేరకు ఇప్పటికే ఒప్పందాలు కుదిరాయని, కేంద్ర, రాష్ట్రాల అటవీ, పర్యావరణ శాఖ, సెంట్రల్‌ జూ అథారిటీ, విదేశీ వాణిజ్య వ్యహారాల డైరెక్టర్‌ జనరల్‌ అనుమతి లభించిన వెంటనే తరలింపు ప్రక్రియ ఉంటుందని అధికారులు చెబుతున్నారు. అయితే వేసవి సెలవులు ప్రారంభమయ్యే నాటికే కంగారు జంతువులు రంగప్రవేశం చేస్తాయని జూపార్క్‌ సంరక్షణాధికారి చెబుతున్నారు. మారి్పడి ఇలా.. రాజ్‌కోట్‌ జంతు ప్రదర్శనశాలకు చెందిన ఆసియా జాతి సింహం గతేడాది ఆగస్టులో వచ్చింది. రెండు జతల అడవి కుక్కలు, కొండ చిలువలు 2, మంగళూరు బయోలాజికల్‌ పార్కు నుంచి తీసుకొచ్చి, వీటికి బదులుగా ఒకటి మగ, మూడు ఆడ మూషిక జింకలను జూ పార్కు నుంచి ఇచ్చారు. పెద్ద ఎగ్రెట్‌ 3 మగ, 3 ఆడ, గ్రే పెలికాన్, ఆడ మంగళూర్‌ పిలికుల జూకు అందజేశారు. త్రివేండ్రం జూ నుంచి సౌత్‌ అమెరికా వైట్‌ రియా 2 జతలు, బ్రౌన్‌ రియా 2 జతలకు ఎగరని పక్షి జాతి, జత ఎలుగుబంటి, తొండ జాతి ఇగ్వానా సెంట్రల్‌ అమెరికన్‌ జత వచ్చాయి. జపాన్‌లోని ఓక్లాహోమా జూ నుంచి జత మీర్‌ క్యాట్‌ వచ్చాయి.. బదులుగా ఒక ఆడ ఆసియా సింహాన్ని ఇచ్చారు. కంగారూలు ఇక్కడ బతుకుతాయా? ఆ్రస్టేలియాలో ఎక్కువగా కనిపించే కంగారూలు.. ఆఫ్రికాలోని కలహారి ఎడారిలో జీవించే మీర్కట్‌ల కోసం జూ అధికారులు ఏర్పాట్లు చేసినట్లు తెలుస్తోంది. ఇతర విదేశీ జంతువుల కోసం కూడా అక్కడి వాతావరణ ఏర్పాట్లు కల్పిస్తున్నారు. విదేశాల నుంచి వచ్చే జంతువులు భారత ఉపఖండం వాతావరణంలో బతకగలవా? లేదా? అనే విషయంపై జీవశాస్త్రవేత్తలు పెద్ద ఎత్తున పరిశోధనలు చేశారు. మన దేశంలోనూ కంగారూలు సంచరించినట్లు పురాతత్వ శాస్త్రవేత్తలు ఓ అవగాహనకు వచ్చారు. ఈ నేపథ్యంలో రెండేళ్ల కిందట.. ఇదే జపాన్‌ నుంచి రెండు కంగారూలను కోల్‌కతాలోని కనజావా జూపార్కుకు తీసుకొచ్చారు. ప్రత్యేకంగా పెంచిన గడ్డిని, వాటికి అనువైన వాతావరణాన్ని కల్పించడంతో కంగారూలు మనుగడ సాగిస్తున్నాయి. నెహ్రూ జూపార్కులోనూ అదే తరహా ఏర్పాటు చేస్తున్నారు.183 జాతులు.. 1,860 ప్రాణులు.. దాదాపు 380 ఎకరాల్లో విస్తరించిన నెహ్రూ జూపార్కులో ప్రస్తుతానికి 183 జాతులతో మొత్తం 1,860 జీవాలు ఉన్నాయని అధికారులు చెబుతున్నారు. జంతు మార్పిడిలో భాగంగా నెహ్రూ జూపార్కుకు రెండు హిప్పోపొటమస్‌లు, సింహం లాంటి తోకలు ఉండే రెండు ముకాన్, బూడిద రంగు తోడేలు, జిరాఫీల జంట, నాలుగు కింగ్‌ కోబ్రాలను తీసుకొచ్చారు.ప్రతిపాదనలు పంపించాం.. జంతు మారి్పడిలో భాగంగా ఈ ఏడాది జూకు కొత్త జంతువుల కోసం ప్రతిపాధనలు కేంద్ర కార్యాలయానికి పంపాము. ఇప్పటికే దేశీయ జూల నుంచి వివిధ రకాల జంతువులను తరలించాము. గత ప్రతిపాధనలతో పాటు కొత్త ప్రతిపాదనల్లో తెల్ల సింహాలు, జీబ్రా, చింపాంజీ, కంగారు జంతువులు తేనున్నాం. ప్రస్తుతం జూలో ఉన్న వన్యప్రాణుల ఆలనా పాలనా విషయంలో ప్రత్యేక శ్రద్ధ తీసుకుంటున్నాం. వాతవరణ పరిస్థితులకు అనుగుణంగా ఏర్పాట్లు, ఆహారం అందజేస్తున్నాం. :::జె.వసంత, నెహ్రూ జూ పార్క్‌ క్యూరేటర్‌

బహదూర్‌పురా: నెహ్రూ జూ పార్క్‌లో అభిమన్యు అనే 8 ఏళ్ల తెల్లపులి కిడ్నీ సంబంధిత వ్యాధితో మంగళవారం మృతి చెందింది. నెహ్రూ జులాజికల్‌ పార్క్‌లో 2016 సంవత్సరం మే నెలలో బద్రి, సమీరాలకు రెండు తెల్లపులి కూనలు జని్మంచాయి. అందులో ఒకటైన అభిమన్యు జూలోనే పెరిగింది. ఇది మృతి చెందడంతో అధికారులు వీబీఆర్‌ఐ, లాంకోన్స్‌తో పాటు ఇతర విభాగాల శాస్త్రవేత్తలు, డాక్టర్లు జూలోనే పోస్టుమార్టం నిర్వహించారు. గత కొన్ని సంవత్సరాలుగా నెహ్రూ జులాజికల్‌ పార్కులో కిడ్నీ, ఊపిరితిత్తుల సంబంధిత వ్యాధులతో పులులు, సింహాలు, చిరుత పులులు మృతి చెందుతుండటం ఆందోళన కలిగిస్తోంది.

సాక్షి, హైదరాబాద్‌: హైదరాబాద్‌లోని జవహర్‌లాల్‌ నెహ్రు జూపార్క్‌లో విషాదకర ఘటన చోటుచేసుకుంది. జూపార్క్‌లోని ఓ ఏనుగు దాడిలో దాని కేర్‌ టేకర్‌ మృతి చెందాడు.  వివరాల ప్రకారం.. నెహ్రు జూపార్క్‌లో ఓ ఏనుగు బీభత్సం సృష్టించింది. కాగా, ఏనుగు దాడిలో కేర్‌ టేకర్‌ షెహబాజ్‌ మృతిచెందాడు. ఏనుగు దాడి అనంతరం, షెహబాజ్‌ను వెంటనే ఆసుపత్రికి తరలించగా.. చికిత్స పొందుతూ అతడు చనిపోయినట్టు వైద్యులు తెలిపారు.  ఇది కూడా చదవండి: నాకు బతకాలని లేదు. ఎంత ఆలోచించినా ప్రయోజనం లేకపోవడంతో...

నెహ్రూ జూలాజికల్‌ పార్కును సినీ నటుడు నాగబాబు మంగళవారం మధ్యాహ్నం సందర్శించారు. జూపార్కులోని ఆయా వన్యప్రాణుల ఎన్‌క్లోజర్‌ను సందర్శించి వన్యప్రాణుల సంరక్షణకు తీసుకుంటున్న చర్యలను అడిగి తెలుసుకున్నారు. జూపార్కు సందర్శన ఎంతో అనుభూతిని అందిస్తుందన్నారు. జూ నిర్వాహణ, వన్యప్రాణుల సంరక్షణ, క్లీన్‌ అండ్‌ గ్రీన్‌ చాలా చక్కగా నిర్వహిస్తున్నారని జూ మేనేజ్‌మెంట్‌ సిబ్బందిని ఆయన ప్రత్యేకంగా అభినందించారు. ఒక జత సెనెగల్‌ రామచిలుకలను కొనుగోలు చేయాలంటూ రూ.35 వేల చెక్కును తన సోదరి విజయ తరఫున జూపార్కు క్యూరేటర్‌ వి.వి.ఎల్‌.సుభద్రాదేవికి అందజేశారు.

బహదూర్‌పురా: నెహ్రూ జూలాజికల్‌ పార్కులో రాయల్‌ బెంగాల్‌ టైగర్‌ కదంబా (11) గుండె సంబంధ వ్యాధితో బాధపడుతూ శనివారం రాత్రి మృతి చెందింది. ప్రాథమిక నివేదికల ప్రకారం గుండె పనితీరు ఫెయిలవడం, రక్తం గడ్డ కట్టడం మృతికి కారణంగా అధికారులు పేర్కొన్నారు. రాజేంద్రనగర్‌ వెటర్నరీ సైన్స్‌ కాలేజీ ఫ్యాథలాజీ విభాగం అధిపతి డాక్టర్‌ ప్రొఫెసర్‌ లక్ష్మణ్, వీబీఆర్‌ఐ అసిస్టెంట్‌ డైరెక్టర్‌ డాక్టర్‌ దేవేందర్, వీబీఆర్‌ఐ వైద్యులు డాక్టర్‌ విజయ్‌ భాస్కర్‌ రెడ్డి, అత్తాపూర్‌ సీసీఎంబీ ల్యాంకోన్స్‌ సీనియర్‌ ప్రిన్సిపాల్‌ శాస్త్రవేత్త సదానంద్‌ సోన్‌టాకే, జూపార్కు వెటర్నరీ విశ్రాంత డిప్యూటీ డైరెక్టర్‌ డాక్టర్‌ నవీన్‌ కుమార్, జూపార్కు వెటర్నరీ డిప్యూటీ డైరెక్టర్‌ ఎం.ఎ.హకీం పులి మృతదేహానికి పోస్టుమార్టం నిర్వహించారు. ఇందుకు సంబందించిన నమునాలను రాజేంద్రనగర్‌ వెటర్నరీ సైన్స్‌ కాలేజీ, ల్యాంకోన్స్‌ సీసీఎంబీ, వీబీఆర్‌ఐకు పంపినట్లు తెలిపారు.  వారం రోజులుగా అస్వస్థతకు గురైన ‘కదంబా ఆహారం తీసుకోవడం లేదని జూ క్యూరేటర్‌ క్షితిజా తెలిపారు. జూ వెటర్నరీ వైద్యుల పర్యవేక్షణలో కదంబాకు చికిత్స అందించారు. అయితే శనివారం గుండె పనితీరు పూర్తిగా క్షీణించడంతో రాత్రి 9.20 గంటలకు మృతి చెందిందన్నారు. ప్రస్తుతం జూపార్కులో 11 ఎల్లో టైగర్లు ఉన్నాయని, ఇందులో మూడు పులులు 19–21 ఏళ్ల వయస్సు గలవని ఆమె తెలిపారు.  హడలెత్తించిన ‘కదంబా’ కర్ణాటక జూలాజికల్‌ పార్కు నుంచి 2014 మార్చి 6న వన్యప్రాణి జంతువు మార్పిడిలో భాగంగా ‘కదంబా’ను జూపార్కుకు తీసుకువచ్చారు. అప్పటి నుంచి జూపార్కులో ఉన్న కదంబాను 2015 ఆగస్టు 21న సంతానోత్పత్తి కోసం జూలో ఉన్న రాణి పులితో కలిపేందుకు ప్రయత్నం చేశారు. 10 అడుగుల ఎత్తున్న ఓపెన్‌ ఎన్‌క్లోజర్‌లో ఉంచి వాటిని కలిపేందుకు ప్రయత్నం చేస్తుండగా ‘కదంబా’ ఎన్‌క్లోజర్‌ను  దూకి బయటికి వచ్చింది. దీంతో అక్కడే ఉన్న యానిమల్‌ కీపర్లు, జూ వైద్యులు, అధికారులు ప్రాణాలు అరచేతిలో పెట్టుకొని పరుగులు తీశారు. దాదాపుగా 2 గంటల పాటు అటు ఇటు తిరిగి హల్‌చల్‌ చేసిన కదంబాను ఎట్టకేలకు ఎన్‌క్లోజర్‌లో బం«ధించారు. ఇందుకు జూ అసిస్టెంట్‌ క్యూరేటర్‌ మక్సూద్‌ వైఫల్యమే కారణమని భావించి అప్పట్లో అతడిని బదిలీ చేశారు. ఎన్‌క్లోజర్‌ నుంచి బయటికి వచ్చినా ఎవరికి హాని చేయకపోవడం గమనార్హం. అయితే 11 ఏళ్ల వయస్సులోనే ‘కదంబా’ గుండె వ్యాధితో మృతి చెందడం బాధాకరం.  కొనసాగుతున్న వన్యప్రాణుల మృత్యువాత 2016 నుంచి జూలో వరుసగా చిన్న వయస్సులోనే పులులు, సింహాలు, అడవిదున్నలు, ఐనాలు, నామాల కోతులు, నీటి కుక్కలు (ముంగిసలు), సంవత్సరం వయస్సున్న పులి సైతం మృతి చెందాయి. ప్రాథమిక నివేదికల ఆధారంగా కదంబా మృతి చెందిందని చెబుతున్న జూ అధికారులు... అంతకు ముందు మృతి చెందిన వన్యప్రాణులు ఫలానా వాటితో మృతి చెందాయని తెలిపారే తప్పా... సేకరించిన నమునాల నివేదికలను ఇప్పటి వరకు వెల్లడించకపోవడం గమనార్హం. 

సాక్షి, హైదరాబాద్‌ : నెహ్రూ జూపార్కులో విషాదం చోటుచేసుకుంది. బ్యాటరీ వాహనం ఢీ కొనటంతో ఓ చిన్నారి ప్రాణాలు కోల్పోయాడు. ఈ సంఘటన మంగళవారం చోటుచేసుకుంది. పోలీసులు తెలిపిన వివరాల మేరకు.. జూపార్కు సందర్శించేందుకు విద్యానగర్‌కు చెందిన మహమ్మద్‌ ఒమర్‌ అనే రెండు సంవత్సరాల చిన్నారి తల్లిదండ్రులతో కలిసి వచ్చాడు. పార్కులో పర్యటిస్తున్న సమయంలో బ్యాటరీ వాహనం ఒమర్‌ను ఢీకొట్టింది. దీంతో తీవ్రగాయాలపాలైన చిన్నారిని స్థానిక హాస్పిటల్‌కు తరలించారు. ఆసుపత్రిలో చికిత్స పొందుతూ చిన్నారి మృతి చెందాడు. బాలుడి మృతితో ఆ కుటుంబంలో విషాదఛాయలు అలుముకున్నాయి. ఈ మృతిపై ప్రభుత్వం స్పందించింది. అటవీ శాఖ ప్రత్యేక ప్రధాన కార్యదర్శి అజయ్‌ మిశ్రా విచారణకు ఆదేశించారు. పీసీసీఎఫ్‌.. పీకే ఝూ ఈ ఘటనపై విచారణ చేసి వారం రోజుల్లో నివేదిక ఇవ్వాలని పీసీసీఎఫ్‌ పృద్వీరాజ్‌ను నియమించారు. 

బహదూర్‌పురా: ఎండలు మండిపోతున్నాయి.. నీటి విరజిమ్మే స్పింకర్లు, చల్లదనాన్ని ఇచ్చే గ్రీన్‌ పరదాలు.. కూలర్లు.. నీటి ఫాంట్లు.. ఫాగర్స్‌ వన్యప్రాణులకు వేసవి తాపం నుంచి ఉపశమనం కలిగించనున్నాయి. నెహ్రూ జూలాజికల్‌ పార్కులో వీటిని ఏర్పాటు చేశారు. జూలో వన్యప్రాణుల ఎన్‌క్లోజర్ల పైభాగంలో గ్రీన్‌ పరదాలు, ఎండుగడ్డి, కొబ్బరి పీచును ఏర్పాటు చేసి నీటితో తడిపి చల్లదనాన్ని కల్పిస్తున్నారు. ఓపెన్‌ ఎన్‌క్లోజర్‌లో ఉండే వన్యప్రాణులకు చుట్టూ నీటిని స్ప్రింక్లర్లతో విరజిమ్ముతున్నారు. ఏనుగుల కోసం ప్రత్యేకంగా నిర్మించిన నీటి ఫాంట్‌లతో నీటిని విరజిమ్ముతూ వేసవితాపం నుంచి ఉపశమనం కల్పిస్తున్నారు. పులులు, సింహాలు, ఎలుగుబంట్ల ఎన్‌క్లోజర్ల వద్ద కూలర్ల ద్వారా చల్లనిగాలి, మధ్య మధ్యలో పైపుల ద్వారా నీటిని విరజిమ్ముతూ హాయిగా ఉండేలా ఏర్పాట్లు చేశారు. పక్షుల ఎన్‌క్లోజర్ల వద్ద నీటి బిందువులను పొగ రూపంలో విరజిమ్మే ఫాగర్స్‌లను ఏర్పాటు చేశారు. నిశాచర జంతువుశాల, సరీసృపాల జగత్తులో ఎండ వేడిమిని ఉపశమనం కల్పించేందుకు ఏసీలను ఏర్పాటు చేశారు. వీటికి తోడు అదనంగా బలవర్ధకమైన ఆహారం, విటమిన్స్, మినరల్స్‌ను అందజేస్తున్నారు.

కాలం కరిగిపోతోంది.. ఈడు ముదిరిపోతోంది.. జతగాడు దొరకక ఒంటరి జీవితం గడపాల్సి వస్తోంది. హైదరాబాద్‌ నెహ్రూ జంతు ప్రదర్శన శాలలోని వన్యప్రాణుల వేదన ఇదీ. దీంతో ఏ రోజుకారోజు తోడు కోసం ఎదురు చూస్తూ కాలాన్ని నెట్టుకొస్తున్నాయి. తమకు తోడెప్పుడు తెస్తారంటూ ‘జూ’అధికారులవైపు కొరకొరా చూస్తున్నాయి.అప్పుడప్పుడు అలుగుతున్నాయి. అరుస్తున్నాయి.. గోడలు దూకుతున్నాయి.. తిండితినక మారాం చేస్తున్నాయి. వీటి బాధ చూడలేక జూపెద్దలు తోడు కోసం దేశదేశాలూ తిరిగి చూస్తున్నారు.. ఇంటర్నెట్‌లో సైతం చాటింపు వేస్తున్నారు.     – సాక్షి, హైదరాబాద్‌ అతగాని కోసం.. దీని పేరు సుజీ. 25 ఏళ్ల వయసుకొచ్చింది. మగ తోడుంటే ఈ చింపాంజీ ఇప్పటికే రెండింటిని కని జూ అధికారుల చేతిలో పెట్టేది. ఈడు ముదిరి పోతోందిగానీ తోడు మాత్రం దొరకటం లేదు. పదేళ్ల కింద పూణె జూ నుంచి దీనిని పట్టుకొచ్చారు. అప్పటి నుంచి తోడు కోసం వెతుకుతూనే ఉన్నారు. సుజీకి 15 నుంచి 20 ఏళ్ల మగ చింపాంజీ కావాలి. ఎక్కడెక్కడో వెతికినా లాభం లేకపోయింది.విదేశాల నుంచి బ్రీడ్‌ పట్టుకొచ్చారు. ఆ బ్రీడ్‌తోనైనా సుజీకి తోడు పుడుతుందేమో అని ఎదురుచూశారు. కానీ దురదృష్టవశాత్తు అది సక్సస్‌ కాలేదు. ఇప్పట్లో సుజీకి మగ తోడు కష్టమే అని జూ అధికారులు నిట్టూరుస్తున్నారు. అన్నీ ఆడ ఏనుగులే.. జూలో ఆరు ఏనుగులు ఉన్నాయి. అన్నీ ఆడవే. ఒక్క మగ తోడూ లేదు. మావటీలకు ఈ ఏనుగులతో పెద్ద సమస్య అయ్యింది. ఆహారం తీసుకోవు. ఒక్కోసారి ఎన్‌క్లోజర్‌ పీకి పందిరి వేస్తాయి. వీటి కోసం ఒక్క మగ ఏనుగునైనా తీసుకురావాలని జూ అధికారులు ఉన్నతాధికారులకు నివేదిక పంపారు. ఓ మొసలి కూడా జూలో ఒంటరిగా ఉండలేకపోతోంది. తిండి తినటం మానేసి తోడు కోసం తహతహలాడుతోంది. ఏం చేసినా జూ అధికారులు జతగాడిని తీసుకురారు అనుకుందో ఏమో.. జూలోని ఎత్తైన ప్రహారీ గోడను ఒక్క ఊదుటన దూకి సందర్శకుల పార్కులోకి చొరబడింది. అప్రమత్తమైన అధికారులు గంటల తరబడి శ్రమించి దానిని తిరిగి ఎన్‌క్లోజర్‌లోకి పంపారు. అధికారులు కొద్దిగా చొరవ చూపితే దీనికి తోడు దొరికే అవకాశం ఉంది. ఇవే కాక జూలో ప్రధాన ఆకర్షణగా నిలిచిన నిశాచర జీవి స్ప్లెండర్‌ లోరిస్‌ కోతి, ఫారస్‌ కోతులు, 10 జాతుల పక్షులు తోడు కోసం తపన పడుతున్నాయి. ఆహారం తీసుకోక.. హిమాలయన్‌ సన్‌బెర్‌ ఎలుగుబంటి. ఒంటరిగా ఉండలేక దీని బాధ వర్ణనాతీతం. సహజంగానే ఈ జంతువులు సంఘ జీవులు. ఈ ఆడ జీవి తోడులేక యానిమల్‌ కీపర్లను ఇబ్బంది పెడుతున్నాయి. సరిగా ఆహారం తీసుకోదు. ఒక్కోసారి రోజుల తరబడి తినటం మానేసి అనారోగ్యం పాలవుతోంది. దీనికి ఆహారం తినిపించడం యానిమల్‌ కీపర్లకు తలకు మించిన భారమవుతోంది. ఆడతోడు కోసం.. పొడుగు కాళ్ల బసంత్‌కి 11 ఏళ్లు.. ఎత్తు 10 అడుగులు.. ఆరేళ్ల కిందటే ఈడుకు వచ్చింది. తోడు కావాలంటూ జూ అధికారులను ముప్పుతిప్పలు పెడుతోంది.. అప్పుడప్పుడు అలిగి తిండి మానేస్తోంది.. జూ అధికారులు దీని తోడు కోసం చూస్తున్నారు. నిబంధనల ప్రకారం విదేశాల నుంచి జంతువులను కొనటం నిషిద్ధం. ఈ నిబంధనను కూడా పక్కనబెట్టి ప్రపంచమంతా గాలించారు. అయినా లాభం లేకపోయింది. ఈడుకు తగిన తోడు దొరకనేలేదు. దీనికి జత కలపాలంటే కనీసం 5–6 ఏళ్ల వయసున్న ఆడ జిరాఫీ కావాలి. ఈ వయసు జిరాఫీలు ఎక్కడా దొరకటం లేదట. ఆస్ట్రేలియాలో ఓ జిరాఫీని చూసినా అక్కడి నుంచి తీసుకురావటం సాధ్యం కావట్లేదు. విదేశీ జంతువులను విమానంలో తీసుకురావటం ఒక్కటే మార్గం. కానీ 9 ఫీట్లు పెరిగిన ఈ జిరాఫీ విమానంలో పట్టే పరిస్థితి లేదు. ఓడలో తీసుకువస్తే 15 రోజులకుపైగా సముద్ర యానం చేయాలి. సముద్ర ప్రయాణంలో జిరాఫీ అన్ని రోజులు బతకటం కష్టమని అధికారులు భయపడుతున్నారు. ఇటీవల కోల్‌కతా జూ అధికారులు.. ‘మా దగ్గర జిరాఫీ ఉంది’మీ దగ్గర ఉన్న జాగ్వార్‌(అమేజాన్‌ అడవి నుంచి తెచ్చిన చిరుత పులి) మాకు ఇస్తే జిరాఫీని ఇస్తాం’అని కుబురు పంపారు. తీరా మాట ముచ్చట వరకూ వచ్చేసరికి కోల్‌కతా జూ పెద్దలు మా దగ్గర జిరాఫీ జంట ఉంది.. జంటను ఇస్తాం కానీ ఒక్క జిరాఫీని ఇవ్వబోమని కరాకండీగా చెప్పేశారు. అయినా వాటిని హైదరాబాద్‌ తీసుకురావటానికి ఒప్పందం చేసుకున్నారు. కానీ ఓ కొత్త సమస్య వచ్చింది. జంట జిరాఫీలను తీసుకువచ్చి జూలో ఎక్కడ ఉంచాలో తెలియక తలపట్టుకున్నారు. ఇచ్చే కొత్త జంటను, మన ఒంటరి జిరాఫీని కలిపి ఒకే చోట ఉంచితే.. ఒంటరి జిరాఫీ చిన్న మగ జిరాఫీని శత్రువుగా భావించి దాడి చేసి చంపే అవకాశం ఉందని అధికారుల్లో ఆందోళన వ్యక్తం అవుతోంది. వేర్వేరుగా ఉంచితే జంట జిరాఫీలు హ్యాపీగా ఉంటే.. ఒంటరి జిరాఫీ ఎలా ఉంటుందో తెలియక సతమతమవుతున్నారు. తోడు కోసం వెతుకుతున్నాం.. ఒంటరి జంతువులకు తోడు కోసం వెతుకుతున్నాం. జంతువుల వయసును పరిగణనలోకి తీసుకుని తోడు వెతకాలి. సుజీ, బసంత్‌ కోసం చేయని ప్రయత్నం లేదు. దేశంలోని అన్ని జూల్లో చూస్తున్నాం. కానీ ఎక్కడా జోడు దొరకటం లేదు. సెంట్రల్‌ జూ అథారిటీకి లేఖలు రాశాం. వేరే రాష్ట్రంలోని ఏ జూ అధికారులు ముందుకొచ్చినా సింహం, తెల్లపులి, పులి, చిరుత, అడవిదున్నలు ఇవ్వటానికి సిద్ధంగా ఉన్నాం.     – శివాని డోగ్రే, క్యూరేటర్, నెహ్రూ జంతుప్రదర్శనశాల


 బహదూర్‌పురా: తాడ్‌బన్ లోని మీరాలం చెరువు వర్షానికి నిండి ఉప్పొంగుతోంది. దీంతో నీరంతా జూలోకి చేరుకుంది. రహదారులన్నీ నీటితో నిండిపోయాయి. లయన్ సఫారీ, సింగోజీ ఫాంట్స్‌తో పాటు ఇతర ఫాంట్స్‌లో నీరు చేరడంతో వన్యప్రాణులను నైట్‌హౌస్‌లకే పరిమితం చేశారు. ఎన్ క్లోజర్లలోకి వర్షపు నీరు చేరడం, మీరాలం ట్యాంక్‌ నుంచి నీరు ఏకధాటిగా ప్రవహిస్తుండటంతో శుక్రవారం జూకు అధికారులు సెలవు ఇచ్చారు. 1983 తరువాత వర్షం కారణంగా జూకు సెలవు ఇవ్వడం ఇదే మొదటిసారి.
 శనివారం సెలవు ఇవ్వాలా? లేదా? అనే దానిపై ఉదయం పరిస్థితిని బట్టి ప్రకటిస్తామని జూ అధికారులు చెప్పారు. వివిధ ఎన్ క్లోజర్‌ మోడ్‌లలో చేరిన నీటిని డీజిల్‌ మోటార్లతో బయటికి పంపిస్తున్నారు. మీరాలం ఫిల్టర్‌ నుంచి వస్తున్న కలుషిత నీటితో వన్యప్రాణులు వ్యాధులకు గురి కాకుండా ముందస్తుగా జూ వెటర్నరీ అసిస్టెంట్‌ డైరెక్టర్‌ డాక్టర్‌ మహ్మద్‌ అబ్దుల్‌ హకీం క్యూరేటర్‌తో కలిసి తగిన చర్యలు తీసుకుంటున్నారు.
 
  


 బహదూర్‌ఫురా (హైదరాబాద్): నెహ్రూ జూ పార్కు క్యూరేటర్ శివానీ డోగ్రాపై దౌర్జన్యానికి పాల్పడిన ఇద్దరు సందర్శకులను బహదూర్‌పురా పోలీసులు అరెస్ట్ చేసి శుక్రవారం రిమాండ్‌కు తరలించారు. పోలీసులు తెలిపిన వివరాల ప్రకారం... సింహాల ఎన్‌క్లోజర్ వద్ద గురువారం విశాంత్ (20) అనే వ్యక్తి రేలింగ్ ఎక్కి సింహాలకు సైగలు చేస్తున్నాడు. అదే సమయంలో ఆ మార్గంలో పరిశీలనకు వచ్చిన క్యూరేటర్ శివానీ డోగ్రా గమనించి యువకున్ని మందలించింది.
 
 దీంతో విశాంత్ తండ్రి ప్రశాంత్ క్యూరేటర్‌ను కుమారుడితో కలిసి తోసేసి దౌర్జన్యానికి పాల్పడ్డారు. దీన్ని గమనించిన యానిమల్ కీపర్లు వారిని అదుపులోకి తీసుకొని పోలీసులకు అప్పగించారు. క్యూరేటర్ శివానీ డోగ్రా ఫిర్యాదు మేరకు నిందితులపై కేసు నమోదు చేసుకొని శుక్రవారం రిమాండ్‌కు తరలించారు.


 హైదరాబాద్: నగరంలోని నెహ్రూ జూలాజికల్ పార్క్లో ఓ మందబాబు హల్చల్ చేశాడు. రాజస్థాన్కు చెందిన ముఖేష్ అనే వ్యక్తి ఆదివారం మధ్యాహ్నం జూ పార్క్ సందర్శనకు వచ్చి ఆత్మహత్యాయత్నం చేసుకోబోయాడు. మద్యం మత్తులో ఉన్న అతను ఒక్కసారిగా పులి ఇంక్లోజర్లోనికి దూకేశాడు. అదృష్టవశాత్తు పులి అతన్ని గమనించలేదు. ఇంతలో సందర్శకుల అరుపులు, కేకలతో పులి డెన్లోనికి వెళ్లిపోయింది.
 
 వెంటనే గమనించిన జూలాజికల్ పార్క్ అధికారులు సమయస్ఫూర్తితో పులులను డెన్లోకి తీసుకువెళ్లారు. ఆదివారం కావడంతో పెద్ద సంఖ్యలో జూకు వచ్చిన సందర్శకులు ఈ పరిమాణంతో ఒక్కసారిగా భయభ్రాంతులకు గురయ్యారు. జూ అధికారులు అతన్ని అదుపులోకి స్థానిక పోలీసులకు అప్పగించారు. బతుకు దెరువు కోసం రాజస్థాన్ నుంచి ఇక్కడకు వచ్చినట్లు తెలుస్తుంది. ఆత్మహత్య యత్నానికి పాల్పడినట్లు పోలీసులు విచారణలో తెలిపాడు. సందర్శకుడు సురక్షితంగా బయటపడడంతో జూ అధికారులు ఊపిరి పీల్చుకున్నారు.


 హైదరాబాద్: నెహ్రూ జూపార్క్లో మంగళవారం విషాదం చోటుచేసుకుంది. సెల్ఫీ తీసుకుంటూ ఓ విద్యార్థి ప్రమాదవశాత్తూ కరెంట్ షాక్కు గురయ్యాడు. పురానాఫూల్కు చెందిన ముంజిత్ కుమార్ అనే టెన్త్ విద్యార్థి నెహ్రూ జూ పార్క్కు విహార యాత్రకు వచ్చాడు. బట్టర్ఫ్లై పార్క్లోకి వెళ్లిన సమయంలో సెల్ఫీ దిగుతుండగా ప్రమాదశాత్తూ అతడికి కరెంటు తీగలు తగిలి షాక్ తగిలింది.
 
 విద్యుత్ షాక్ కారణంగా తీవ్రగాయాలపాలైన విద్యార్థి ముంజిత్ను చికిత్స నిమిత్తం ఆస్పత్రికి తరలించారు. ఆస్పత్రికి వెళ్లే మార్గం మధ్యలో అతడు మృతిచెందినట్టు సమాచారం. పూర్తి వివరాలు తెలియాల్సి ఉంది.