నెల్లూరు (బారకాసు): సమస్యల పరిష్కారం కోరు­తూ నెల్లూరు నగరపాలక సంస్థ కార్యాల­యం ఎ­దుట ధర్నా చేపట్టేందుకు వెళ్తున్న మున్సి­పల్‌ కార్మి­కులపై పోలీసులు లాఠీలు ఝుళిపించారు. మహి­ళలని కూడా చూడకుండా తోసేశారు. దీంతో తోపు­లాట చోటుచేసుకుంది. కిందపడి­పోయిన కొంద­రు.. లాఠీచార్జ్‌లో మరికొందరు గాయపడ్డారు. క్షత­గా­త్రుల్లో కొందర్ని చికిత్స నిమిత్తం ప్రభుత్వ సర్వ­జన ఆస్పత్రికి తరలించారు. సమస్యల పరిష్కారం కోసం మున్సిపల్‌ కాంట్రాక్ట్‌ కార్మికులు 45 రోజులు­గా సమ్మె చేస్తు­న్నా పాలకు­లు, అధికారులు పట్టించుకో­లేదు. దీంతో వారంతా గురువారం నగరపా­లక సంస్థ కార్యాలయం ముట్ట­డించేందుకు కార్యా­ల­య సమీపానికి చేరుకున్నారు. అక్కడి నుంచి ర్యాలీగా వచ్చేందుకు యత్నించారు. మరోవైపు మే­యర్‌ స్రవంతి రాజీనామా ఆమోదం కోసం కౌన్సిల్‌ అత్యవసర సమావేశం జరుగుతోంది. తమ సమ­స్యలపై వినతిపత్రాన్ని అధికారులకు అందజే­యాలనే ఉద్దేశంతో కార్యాలయంలోకి వెళ్లేందుకు యత్నించగా పోలీసులు కార్మికుల్ని అడ్డుకు­న్నారు. దీంతో తోపులాట జరిగింది. పోలీసు­లు ఒక్కసారి­గా లాఠీలు ఝుళిపించడంతో కార్మికులు కిందపడి­పోయారు. మహిళలని కూడా చూడకుండా మగ పోలీసులు తాకరాని చోట తాకుతూ గందరగోళం సృష్టించారు. కార్మికులను ఇష్టానుసారం లాఠీల­తో కొట్టారు. సీఐటీ­యూ నేతలు, కార్యకర్త­లతో­పాటు అనేకమంది మహిళా కార్మికు­లకు గాయాల­య్యాయి. రక్తగాయా­లైన మహి­ళల్ని ప్రభుత్వాస్ప­త్రికి తరలించారు. అనంతరం 63 మంది కార్మికు­లు, యూనియన్‌ నేతలను అరెస్ట్‌ చేసి పోలీస్‌ వ్యాన్లలో ఎక్కించి ముత్తుకూరు పోలీస్‌­స్టేషన్‌కు తరలించారు. కౌన్సిల్‌ సమావేశం ముగి­సిన అనంతరం రూరల్‌ ఎమ్మెల్యే శ్రీధర్‌రెడ్డి, కమిషనర్‌ నందన్, ఇన్‌చార్జి మేయర్‌ రూప్‌కుమార్‌­యాదవ్‌ వచ్చి సమస్యలపై రాష్ట్ర ప్రభుత్వంతో మాట్లాడు­తామని చెప్పగా కార్మికులు అంగీకరించలేదు. మంత్రి నారాయణ, కూటమి ప్రభుత్వం డౌన్‌ డౌన్‌ అంటూ పెద్దపెట్టున నినాదా­లు చేశారు. చివరికి అరెస్ట్‌ చేసిన వారిని తీసుకొచ్చి కార్పొ­రేషన్‌ కార్యాల­యం వద్ద విడిచి పెట్టడంతో నిరసనను తాత్కాలికంగా విరమించారు.


 
  సమస్యలను పరిష్కరించాలని నగరంలో ర్యాలీ 
 
 భారీగా పోలీసుల మొహరింపు
 
 నెల్లూరు (సెంట్రల్‌) : సమస్యలు పరిష్కరించమంటే కార్మికులపై దాడులు చేస్తున్న అధికార పార్టీ నాయకుల తీరుపై కార్మికులు కదం తొక్కారు. ఏపీ మున్సిపల్‌ వర్కర్స్‌ అండ్‌ ఎంప్లాయీస్‌ ఫెడరేషన్‌ , సీఐటీయూ ఆధ్వర్యంలో నగరంలోని ఆత్మకూరు బస్టాండు నుంచి వీఆర్సీ వరకు బుధవారం భారీ ర్యాలీ నిర్వహించారు. ఈ సందర్భంగా ఫెడరేషన్‌ గౌరవాధ్యక్షుడు మాదాల వెంకటేశ్వర్లు మాట్లాడుతూ కాయా కష్టం చేసే కార్మికులపై దాడులు చేయించడం సిగ్గు చేటన్నారు. 270  జీఓను రద్దు చేయాలని కోరితే దాడులు చేయించడం ఏమిటని ప్రశ్నించారు. శాంతియుతంగా నిరసన తెలుపుతున్న కార్మికులపై మేయర్‌ అబ్దుల్‌ అజీజ్‌ పోలీసులను ఉసిగొల్పి నిరసనను అడ్డుకునేందుకు ప్రయత్నాలు చేశారని ఆరోపించారు. నగరంలో శాంతియుత ర్యాలీకి అనుమతులు ఇవ్వకుండా భారీగా పోలీసులను మొహరించడం ఏమిటని ప్రశ్నించారు. కార్మికుల హక్కులను పోలీసులతో అణచివేయలేరన్నారు. ఎన్నడూ లేని విధంగా పోలీసు బలగాలను మొహరించి కార్మికులను అవమానపరిచారని మేయర్‌ తీరుపై మండి పడ్డారు. ఈ ర్యాలీకి ఏపీ ఎమ్మార్పీఎస్‌ రాష్ట్ర అధ్యక్షుడు జెన్ని రమణయ్య మద్దతు తెలిపారు. కార్మికుల సమస్యలను ఈ నెల 8న సీఎం దృష్టికి తీసుకుపోతామన్నారు. ఈ కార్యక్రమంలో సీఐటీయూ జిల్లా అధ్యక్షుడు కత్తి శ్రీనివాసులు, నాయకులు గోపాల్, పెంచలయ్య, మస్తాన్‌బీ, తదితరులు పాల్గొన్నారు.