న్యూఢిల్లీ: విదేశాల్లో ఉన్న మూడు హోటళ్ల ధరను పడగొట్టడానికి ‘దురుద్దేశ ప్రయత్నాలు’ జరుగుతున్నాయని సహారా గ్రూప్  పేర్కొంది.  కొన్ని సంస్థలు తగిన తమ బిడ్డింగ్ ధరను తగ్గించుకున్న నేపథ్యంలో సహారా తాజా ప్రకటన విడుదల చేసింది.  సహారాకు విదేశాల్లో ఉన్న  మూడు హోటళ్లలో ఒకటి లండన్‌లో (గ్రాస్‌వీనర్) ఉండగా, మరో రెండు  న్యూయార్క్‌లో (న్యూయార్క్ ప్లాజా, డ్రీమ్ డౌన్‌టౌన్) ఉన్నాయి. 3 అసోసియేట్స్ కన్సార్షియం చేసిన 1.3 బిలియన్ డాలర్ల ఆఫర్‌ను  ఇటీవల సహారా తోసిపుచ్చింది. తాజా ఆఫర్‌ను ‘హోటళ్ల రేటు తగ్గించే ప్రయత్నంగా’’గా సహారా  అప్పట్లో పేర్కొంది.