వాతవరణ మార్పులు, కాలుష్యం కారణంగా ఇప్పటికే పలు జంతు జాతులు అంతరించిపోతున్నాయి. పర్యావరణ ప్రేమికులు వాటిన సంరక్షించేందుకు పలు విధాలు ప్రయత్నిస్తున్నారు. ఆ నేపథ్యంలో తాజాగా శాస్త్రవేత్తలు ఆ అంతరించిపోతున్న జాతుల పరీరక్షణకు మార్గం సుగమం చేసేలా తొలిసారిగా మానవ ఇన్ విట్రో ఫెర్టిలైజేషన్ (IVF) ఉపయోగించారు. దీని సాయంతో అంతరించిపోతున్న జాతుల పిండాలను విజయంతంగా సృష్టించి సరికొత్త పరిష్కారానికి నాంది పలికారు. ఇంతకీ ఈ ఐవీఎఫ్‌ని ఉపయోగించి ఏ జంతు పిండాలను సృష్టించారంటే..ఆస్ట్రేలియన్‌ శాస్త్రవేత్తలు(Australian Scientists) తొలిసారిగా ఐవీఎఫ్‌ని ఉపయోగించి అంతరించిపోతున్న మార్సుపియల్ జాతి కంగారు పిండాలను(kangaroo embryos) విజయవంతగా సృష్టించారు. ఇలా మానవ ఐవీఎఫ్‌ సాయంతో జంతు పిండాలను ఉత్పత్తి చేయడం ఇదే తొలిసారి. ఆస్ట్రేలియాలో ఉండే ఈ మార్సుపియల్‌(marsupial species) అంతరించిపోతున్న జాతుల జాబితాలో ఉన్నాయి. ఈ జాతికి సంబంధించిన కోలాస్, టాస్మానియన్ డెవిల్స్, నార్తర్న్ హెయిరీ-నోస్డ్ వొంబాట్స్, లీడ్‌బీటర్స్ పోసమ్స్ వంటి కంగారు జాతులు అంతరించిపోతున్న దశలో ఉన్నట్లు చెబుతున్నారు పరిశోధకులు. ఆ జంతువులను పరిరక్షించడమే లక్ష్యంగా ఈ పరిశోధనకు శ్రీకారం చుట్టినట్లు క్వీన్స్‌ల్యాండ్ విశ్వవిద్యాలయ(Queensland University) పరిశోధకుడు డాక్టర్‌ ఆండ్రీస్‌ గాంబిని( Andres Gambini,) తెలిపారు. తమ పరిశోధనా బృందం మానవ IVFలో సాధారణంగా ఉపయోగించే ఇంట్రాసైటోప్లాస్మిక్ స్పెర్మ్ ఇంజెక్షన్ (ICSI) ద్వారా 20 కి పైగా కంగారూ పిండాలను విజయవంతంగా ఉత్పత్తి చేసినట్లు తెలిపారు. ఈ పరిశోధన కోసం తమ బృందం ఇటీవలే మరణించిన కంగారూల నుంచి స్పెర్మ్, గుడ్డు కణాలను సేకరించినట్లు వివరించారు. ఈ ఐవీఎప్‌కి బూడిద రంగు కంగారులే అనువైనవని గాంబిని చెబుతున్నారు. ఎందుకంటే వాటి జనాభా కొన్ని ప్రాంతాల్లో విస్తృతంగా ఉనికిలో ఉండటం కారణంగా వాటి జన్యు పదార్థం సమృద్ధిగా అందుబాటులో ఉంటుంది. అలాగే ఈ ఇంట్రాసైటోప్లాస్మిక్ స్పెర్మ్ ఇంజెక్షన్ (ICSI) జాతుల పరిరక్షణకు, సంతానోత్పత్తి ప్రయత్నాలలో గణనీయమైన ప్రయోజనాన్ని అందించిందని చెప్పారు. దీనికోసం లక్షలాది స్పెర్మ్ సజీవంగా ఉండాల్సిన అవసరం లేదని అన్నారు. ఈ పరిశోధన విజయవంతం కావడంతో పరిశోధకులు జన్యువైవిధ్యాన్ని ప్రవేశ పెట్టేలా మరణించిన జంతువుల నుంచి జన్యు పదార్థాన్ని సంరక్షించడానికి ఐవీఎఫ్‌ని ఉపయోగించాలని పరిశోధన బృందం చూస్తోంది. అలాగే ఈ సృష్టించిన జంతువులు పర్యావరణానికి అనుకూలంగా మనుగడ సాగించాలే చూడటానికి ఈ జన్యువైవిధ్యం తప్పనిసరని అంటున్నారు. అదీగాక ప్రస్తుతం ఆస్ట్రేలియాలో క్షీరదాల క్షీణత రేటు భయానకంగా ఉంది. ఇప్పటికే 38 జాతులు కనుమరుగైనట్లు నివేదికలు చెబుతున్నాయి. ఈ పరిస్థితుల్లో ఈ పరిశోధన సరికొత్త ఆశను అందిస్తోంది. (చదవండి:

కంగారు తన పిల్లలను ఎలా సంరక్షిస్తుందో మనకు తెలుసు. అది తన శరీరంతో అతక్కునేలా బిడ్డను ఉంచుకుంటుంది. ఎక్కడకు వెళ్లినా వెన్నంటే బిడ్డను ఉంచుకుంటూ..అనుక్షణం రక్షించుకుంటుంది. ఇక్కడ తల్లులు నవజాత శిశువులను అలాగే సంరక్షించుకోవాలని సూచిస్తున్నారు నిపుణులు. ఇది తల్లి బిడ్డల అనుబంధానికి ఎంతగానో ఉపయోగపడుతుందని చెబుతున్నారు. అదీగాక సోషల్‌ మీడియాలో ఇది ఎక్కువగా ట్రెండ్‌ అవుతోంది. తల్లి బిడ్డల అనుబంధానికి కంగారు మదర్‌ కేర్‌ ఏ విధంగా ఉపయోగపడుతుందో సవివరంగా చూద్దాం..!.అప్పుడే పుట్టిన శిశువు తల్లి పొత్తిళ్లలోని వెచ్చదనానికి హాయిగా నిద్రపోతుంది. అదీగాక ఈ ఉష్ణోగ్రత బిడ్డను పలు వ్యాధుల బారినపడకుండా ఉండేలా చేస్తుందని చెబుతున్నారు నిపుణులు. ఇక్కడ కంగారు తన పిల్లలను తన పొట్ట మాదిరి సంచిలో చక్కగా ఉంచుకుని సంరక్షించుకుంటుంది. ఈ కేరింగ్‌ తక్కువ బరువుతో పుట్టే శిశువులకు ఆక్సిజన్‌ స్థాయిలను మెరుగుపరుస్తుంది. ఆహారం తీసుకునేలా చేస్తుంది. శిశువు పెరుగుదలకి, అభివృద్ధికి ఎంతగానో ఉపయోగపడుతుంది. ముఖ్యంగా ప్రీమెచ్యూర్‌ బేబీలో ఈ కంగారు మదర్‌ కేరింగ్‌ విధానం పుట్టిన మొదటి ఆరు గంటల్లోనే కార్డియోస్పిరేటరీ సిస్టమ్‌లను స్థిరీకరిస్తుందని పరిశోధనలో తేలింది. అంతేగాదు ప్రపంచ ఆరోగ్య సంస్థ పుట్టిన వెంటనే కంగారు మదర్‌ కేర్‌(కేఎంసీ) ప్రారంభించడం వలన మరణాల రేటును తగ్గించవచ్చని పేర్కొంది. ఈ విధానాన్ని తొలిసారిగా అమెరికాలో బొగోటా వైద్యులు ప్రారంభించారు. ఇంక్యుబేటర్‌ కొరత, ఇన్ఫెక్షన్‌ల సమస్యకు పరిష్కారంగా ఈ విధానాన్ని తీసుకొచ్చారు వైద్యులు. ఈ కేరింగ్‌ల వల్ల కలిగే సత్ఫలితాలను చూసి అమ్మలు కచ్చితంగా ఈ విధానాన్ని పాటించేలా చేస్తున్నారు వైద్యలు. అంతేగాదు కొన్ని దేశాల్లో ఈ విధానాన్ని రోజువారీగా ఒక గంట పాటు చేయగా, మిగతా దేశాల్లో మాత్రం నిరంత సంరక్షణ చర్యగా ఈ విధానాన్ని అములు చేస్తారట. (చదవండి: టీచర్‌ కాస్త రేసర్‌గా..ఏకంగా నేషనల్‌ కారు రేసింగ్‌ ఛాంపియన్‌షిప్‌..!)

సోషల్‌ మీడియాలో స్నేహానికి సంబంధించిన వీడియోలు తెగ వైరల్‌ అవుతుంటాయ. అయితే జంతువుల స్నేహానికి సంబంధించిన వీడియోలైతే ఇక చెప్పనక్కరలేదు. రెండు విభిన్న స్వభావాలు కలిగిన జంతువుల మధ్య స్నేహం కుదిరితే అది చూపరులను ఇట్టే ఆకట్టుకుంటుంది.  సరిగ్గా అటువంటి వీడియో ఒకటి సోషల్‌ మీడియాలో హల్‌చల్‌ చేస్తోంది. ఈ వీడియోలో ఒక కంగారు, కుక్క మధ్య స్నేహం కుదరడాన్ని మనం గమనించవచ్చు. ఈ రెండూ బెస్ట్‌ఫ్రెండ్స్‌ మాదిరిగా ఎంతో కలివిడిగా ఉండటాన్ని చూడవచ్చు. ఈ వీడియో చూపరులను ఇట్టే ఆకట్టుకుంటోంది. అట్‌ అమెజింగ్‌ నేచర్‌ పేరిట ట్విట్టర్‌లో షేర్‌ అయిన ఈ వీడియోను ఇప్పటివరకూ 1.3 మిలియన్ల మంది వీక్షించారు.   ఇది కూడా  చదవండి: మళ్లీ ‘లోకల్‌’ ఫైట్‌: మెడపట్టి రైలులో నుంచి..   This kangaroo and dog seem to be best friends pic.twitter.com/3oUDgLF0Gu — Nature is Amazing ☘️ (@AMAZlNGNATURE) October 11, 2023

సిడ్నీ: ఒక అడవి కంగారు 77 ఏళ్ల వృద్ధుడిపై దాడి చేసి హతమార్చింది. ఈ ఘటన ఆస్ట్రేలియాలో చోటు చేసుకుంది. ఒక అడవి కంగారును ఆ వృద్ధుడు పెంపుడు జంతువుగా పెంచుకుంటున్నట్లు ఆస్ట్రేలియా పోలీసులు అనుమానిస్తున్నారు. పోలీసులు సంఘటన స్థలానికి చేరుకునేటప్పటికీ కంగారు దాడిలో త్రీవంగా గాయపడి ఆ వృద్ధుడు మృతి చెంది ఉన్నాడని తెలిపారు. ఐతే అంబులెన్స్‌ సిబ్బంది ఆ వృద్ధుడిని తరలించే సమయంలో అడవి కంగారు అక్కడే ఉండి ప్రమదకరంగా ఉండటంతో తప్పనసరి పరిస్థితుల్లో కాల్చి చంపినట్లు వెల్లడించారు. 1936 తర్వాత కంగారు చేసిన ప్రాణాంతక దాడి ఇదేనని పోలీసులు చెబుతున్నారు. గతంలో క్రూక్‌షాంక్‌ అనే వ్యక్తి కూడా కంగారు దాడి నుంచి రెండు కుక్కలను రక్షించే క్రమంలో ఇలానే దాడికి గురై మృతి చెందాడని చెప్పారు. (చదవండి: చందమామే దిగి వచ్చిందా!)

ప్రకృతి నియమం ప్రకారం ప్రతి జీవి ఏదో ఒకదానికి ఆహారమవుతుంది. ఆ తరుణంలో కొన్ని జంతువులు క్రూరంగా వేటాడటాన్ని చూస్తే చాలం భయానకంగా ఉంటుంది. ఆ క్రూర జంతువులు నుంచి ఈ జంతువు తప్పించుకుంటే బావుండును అనిపిస్తుంది కూడా. అచ్చం అలాంటి జుగుప్సకరమైన సంఘటన ఈ వైరల్‌ వీడియోలో చోటు చేసుకుంది.  ఆ వీడియోలో ఒక కంగారును కొండచిలువ గట్టిగా చుట్టి చంపేందుకు ప్రయత్నిస్తుంటుంది.  ఇంతలో మరో కంగారు జంప్‌ చేసుకుని వచ్చి మరీ తన స్నేహితుడిని విడిపించేందకు శతవిధాల యత్నిస్తుంటుంది. కానీ మరోవైపు కొండ చిలువ ఏదో విధంగా చంపి తినేందుకు చూస్తుంటుంది. కానీ కంగారు మాత్రం తనకు చేతనైనంత మేర ఆ కొండచిలువను రకరకాలుగా కొరుకుతూ తన స్నేహితుడుని విడిపించేందుకు ప్రయత్నించడం చూస్తేంటే ఒక విధమైన భావన కలుగుతుంది. కొండచిలువకు చిక్కిన ఆ కంగారు బతికితే బావుండును అనిపిస్తుంది.  View this post on Instagram A post shared by Wildlifeanimall (@wildlifeanimall)

అజింక్య రహానే.. ప్రస్తుత టీమిండియా జట్టులో కీలక ఆటగాడు. టీమిండియా కెప్టెన్‌ విరాట్‌ కోహ్లి గైర్హాజరీలో ఆసీస్‌ గడ్డపై బోర్డర్‌ గవాస్కర్‌ ట్రోపీ గెలిచిన భారత జట్టుకు తాత్కాలిక కెప్టెన్‌గా వ్యవహరించాడు. ఒకపక్క జట్టులో సీనియర్‌ ఆటగాళ్లు ఒక్కొక్కరుగా దూరమవుతున్నా సరే... తనలోని పట్టుదలను మాత్రం వదలని రహానే ఉన్న జట్టులోనే తన మాటలతో స్పూర్తి నింపి సిరీస్‌ గెలవడంలో ప్రముఖపాత్ర పోషించి చరిత్ర సృష్టించాడు.కోహ్లి గైర్హాజరీలో ఆసీస్‌ గడ్డపై నాయకత్వ బాధ్యతలను సమర్థంగా నిర్వహించినందుకు అన్ని వైపుల నుంచి ప్రశంసలు అందాయి. స్వదేశానికి వచ్చాక తాను నివసిస్తున్న ప్రాంతంలో అతనికి రెడ్‌ కార్పెట్‌ పరిచి ఘనస్వాగతం పలికారు. అయితే సిరీస్‌ విజయం తర్వాత రహానే ఎన్నో సందర్భాల్లో గెస్టర్స్‌ ఇచ్చాడు. ఈ నేపథ్యంలో కంగారు బొమ్మ ఉన్న కేక్‌ మాత్రం రహానే కట్‌ చేయలేదు. అది ఎందుకు చేయలనేది తాజాగా రహానే రివీల్‌ చేశాడు. ప్రఖ్యాత కామెంటేటర్‌ హర్షా బోగ్లేతో జరిగిన చిట్‌చాట్‌లో పాల్గొన్న రహానే దానివెనుక ఉన్న కారణం వివరించాడు. రహానే చేసిన వ్యాఖ్యలు ఇప్పుడు సోషల్‌ మీడియాలో వైరల్‌గా మారాయి. చదవండి: 'ఓడిపోయుండొచ్చు.. కోహ్లి మనసు గెలిచాం' 'కంగారూ అనేది ఆస్ట్రేలియా జాతీయ జంతువు.. దేశమేదైనా సరే వారి గౌరవాన్ని కించపరచడం కరెక్ట్‌ కాదు.  ఒక దేశంపై గెలిచామా.. చరిత్ర సృష్టించామా అన్నది ముఖ్యం కాదు.. ప్రత్యర్థి దేశాన్ని ఎంత గౌరవించామా అనేది ప్రధానంగా చూడాలి. అందుకే కంగారు బొమ్మ ఉన్న కేక్‌ను కట్‌ చేయలేదు అని వివరించాడు. కాగా ఫిబ్రవరి 5వ తేదీ నుంచి చెన్నై వేదికగా ఇంగ్లండ్‌తో తొలి టెస్టు మ్యాచ్‌ జరగనున్న సంగతి తెలిసిందే. ఈ నేపథ్యంలో ఇరు జట్ల ఆటగాళ్లు ఇప్పటికే చెన్నైకు చేరుకొని ఆరు రోజుల క్వారంటైన్‌లో ఉన్నారు. చదవండి: 'స్వదేశానికి వచ్చాక అస్సలు టైం దొరకలేదు'

క్వీన్స్‌లాండ్‌, ఆస్ట్రేలియా : సహ రైడర్ల కంటే ముందుగా వెళ్తున్న ఓ సైక్లిస్టును కంగారూ ఢీ కొట్టిన ఘటన క్వీన్స్‌లాండ్‌లోని గోల్డ్‌కోస్ట్‌లో జరిగింది. దీంతో సైక్లిస్టు అక్కడికక్కడే కుప్పకూలిపోయారు. కంగారూ బలంగా తాకడంతో ఆమె భుజం ఒక వైపునకు జరిగింది. అయితే, ఈ ప్రమాదంలో కంగారూకు ఎలాంటి గాయాలు కాలేదు. సైక్లిస్టును ఢీ కొట్టిన అనంతరం భారీ జంప్‌లతో ఆ ప్రాంతం నుంచి పరారైంది. వేగంగా వెళ్తుండటం వల్ల కంగారూ నుంచి తప్పుకోలేకపోయినట్లు ప్రమాదంలో గాయపడిన రెబకా చెప్పారు.

పెర్త్‌ : మెలితిరిగిన శరీరం అచ్చూ బాడీ బిల్డర్‌ను పోలిన కంగారూ ఇప్పుడు ఆస్ట్రేలియాలో హాట్‌ టాపిక్‌గా మారింది. వెస్టర్న్‌ ఆస్ట్రేలియాలో గల మార్గరెట్‌ నదిలో బాడీ బిల్డర్‌ కంగరూ స్నానం చేస్తూ ఓ వ్యక్తి కంటపడింది. కంగారూ దేహధారుడ్యాన్ని చూసి మతి పోయిన అతను తన కెమెరాకు పని చెప్పాడు. 6.5 అడుగుల ఎత్తున్న కంగరూను పలు చిత్రాల్లో బంధించాడు. ప్రస్తుతం ఈ చిత్రాలు సోషల్‌ మీడియాలో వైరల్‌ అయ్యాయి. కంగారూ తన వైపు రావడంతో అక్కడి నుంచి తప్పించుకుని వచ్చినట్లు చెప్పాడు. కండలు తిరిగిన కంగారూ దాదాపు 100 కిలోల బరువు ఉంటుందని వెల్లడించాడు.


 మెల్బోర్న్: ఆస్ట్రేలియా దేశంలో సందర్శనీయ ప్రదేశాలు చాలానే ఉన్నాయి. కానీ, వాటితో పాటు ఒక్కటి చూడకపోతే ఆ టూర్లో ఏదో వెలితిగా ఫీలయ్యే వారు చాలా మంది ఉన్నారు. ఆ ఒక్కటే 'కంగారు'. ఆస్ట్రేలియా ఖండంలో మాత్రమే కనిపించే ఈ జంతువుల సంఖ్యను తగ్గించడానికి ఆ దేశ ప్రభుత్వం పూనుకుంది.
 
 ఇంత అందంగా కనిపించి.. ఒక్క ఉదుటున కొన్ని మీటర్ల దూరం దూకగల ఈ ప్రాణుల సంఖ్య అక్కడి వాతావరణానికి హాని కలుగజేస్తోందట. అందుకే దేశరాజధాని పరిధిలోని నేషనల్ పార్కుల్లో ఉండే 1,991కంగారూలను చంపేయాలని నిర్ణయం తీసుకున్నారు. ఏటా భారీగా పెరుగుతున్న కంగారుల సంఖ్య వల్ల ఆస్ట్రేలియాలోని వృక్ష సంపద బాగా దెబ్బతింటోంది. కొన్ని ప్రదేశాల్లో అయితే అసలు చెట్లే కనిపించకుండా పోతుండటంతో అక్కడి ప్రభుత్వం గత రెండేళ్లుగా నష్టనివారణా చర్యల కింద కంగరూలను చంపేస్తోంది.
 
 అయితే ప్రతిసారీ ఈ జంతువులను చంపకుండా గర్భం దాల్చకుండా ఉండే పద్దతులపై పరిశోధనలు చేస్తున్నట్లు ప్రభుత్వం తెలిపింది. ఇప్పటివరకు ఆస్ట్రేలియాలో మొత్తం 4000 కంగారూలను ప్రభుత్వం చంపించింది.
 
  


 ఇదేమిటీ కండల వీరుడు సల్మాన్‌ఖాన్‌లా పోజిచ్చిందనేగా మీ సందేహం. బాడీగార్డ్ సినిమాలో సల్మాన్‌ఖాన్ కండలతో కనిపిస్తాడు. తన లేడీ బాస్‌కు అంగరక్షకుడిగా పనిచేస్తాడు. సరిగ్గా ఈ మేల్ కంగారూ పనికూడా అదే. మీరు కూడా ఔత్సాహిక బాడీ బిల్డర్ అయితే ఇది తన కాళ్లతో లోహపు బకెట్లను తొక్కేటపుడు గమనించండి. ఆ సమయంలో వచ్చే శబ్దాలు ఎలా ఉంటాయో తెలుసా. తుపాకీలోనుంచి తూటాలు వెళుతున్నట్టు ఉంటుంది. ఇక విషయానికొద్దాం. ఆస్ట్రేలియాలోని కంగారూ వన్యప్రాణి సంరక్షణ కేంద్రానికెళితే అక్కడ కూడా మీకొక బాడీగార్డు కనిపిస్తుంది.
 
 దాని పేరు రోజర్. ఇంతకీ ఇది బాడీగార్డు ఎలా అయిందంటే....ఆలిస్‌స్ప్రింగ్స్ ప్రాంతంలోని వన్యప్రాణి సంరక్షణ కేంద్రంలోగల ఆడ కంగారూలను కాపాడుకునే బాధ్యతను నెత్తికెత్తుకోవడం ద్వారా. ఇందుకోసం కిక్‌బాక్సింగ్ కూడా నేర్చుకుంది. ఇది ఒక్క కిక్ ఇచ్చిందంటే ప్రత్యర్థి గింగిరాలు తిరిగి కిందపడిపోవాల్సిందే. ఇందుకోసం ఇది ఖాళీ సమయంలో కిక్ బాక్సింగ్ ప్రాకీ ్టస్ చేస్తూ ఉంటుంది. తొమ్మిదేళ్ల రోజర్ పొట్టిగా ఉన్నా శారీరకంగా ఎంతో బలిష్టమైనది. దాని పోజు చూస్తే మీకే అవలీలగా అవగతమవుతుంది మరి. ఇందుకోసం దానికో శిక్షకుడు కూడా ఉన్నాడు మరి.


 సినిమాల్లో నిర్మాతలది నిర్భాగ్యపు బతుకేనని యువ నిర్మాత సురేష్‌కామాక్షి వ్యాఖ్యానించారు. ఇక్కడ అందరూ సురక్షితంగానే ఉన్నారని, డబ్బు పెట్టే నిర్మాత మాత్రం నిత్యం చచ్చి బతుకుతున్నారని అన్నారు. వీహౌస్ ప్రొడక్షన్స్ పతాకంపై సంచలన దర్శకుడు స్వామి దర్శకత్వంలో నిర్మించిన చిత్రం కంగారు. ఈ చిత్రం ఈనెల 24న తెర మీదకు రానున్నది. ఈసందర్భంగా సురేష్ కామక్షితో చిట్‌చాట్.
  
  ప్ర: చాలా ఆవేదనలో ఉన్నారు?
  జ: సినిమాకు పనిచేసే లైట్ మెన్‌నుంచి స్టార్ హీరో హీరోయిన్ల వరకు వేతనాలు ఇచ్చేది నిర్మాతలే. అలా, అందరికీ పారితోషికాల్ని ఇచ్చే నిర్మాత ఇవాళ సంతోషంగా ఉన్నాడా అంటే కచ్చితంగా లేదు. నిర్మాతల పాట్లు, వాళ్లు ఎదుర్కొనే సవాళ్లు చెప్పలేనివి. చిత్రానికి టెంకాయ కొట్టిన నాటి నుంచి సెన్సార్‌పూర్తి చేసుకుని విదుదల అయ్యే వరకు నిర్మాత పడే వే దన అంతా ఇంతా కాదు.
  
   ప్ర: లైట్‌మెన్ సమస్యను సృష్టించినట్టున్నారే?
  జ:  షూటింగ్ ఆరంభమైందంటే రోజూ ఖర్చే. ఏ రోజుకు ఆ రోజు వేతనాలు చెల్లించాల్సిందే. మధ్యలో ఒకటి రెండు రోజులు వేతనాలు చెల్లించకుంటే, షూటింగ్ నిలిపి వేస్తారు. అలా, లైట్ మెన్, హెయిర్ డ్రెస్సర్ కూడా షూటింగ్‌లను నిలిపి వేయగలరు. వారందరికీ వేతనాలు ఇచ్చే నిర్మాత మాత్రం ఏమీ చేయలేడు. అలాంటి ఒక చేదు అనుభవం నాకూ ఎదురు అయింది. ఒక లైట్ మెన్ రెండు రోజుల పాటుగా షూటింగ్ నిలిపి వేయించాడు.  కొడెకైనాల్‌లో షూటింగ్ జరుగుతుండగా, అనుకున్న సమయానికి డబ్బు చేతికి అందక పోవడంతో వేతనాలు ఇవ్వడం రెండు రోజులు ఆలస్యమైంది. అంత వరకు ఆగలేక ఓ లైట్ మెన్ షూటింగ్ నిలిపి వేయించాడు. నిర్మాతది ఎంతటి నిర్భాగ్యపు పరిస్థితో చూడండి. ఇక్కడ నిర్మాత పెట్టుబడికే ఎలాంటి గ్యారంటీ లేదు.
  
  ప్ర: సినిమాను వ్యాపారం చేసుకుంటారుగా...?
  జ : మంచి ప్రశ్న. ఒక చిత్రం నిర్మిస్తే అది నాలాంటి చిన్న నిర్మాత చిత్రం అయితే, వ్యాపారం చేయడం చాలా కష్టం. ఎవరి ఆకాంక్ష మేరకు సినిమా తీయాలో తెలియదు. ఒప్పందాల ప్రకారం ఇక్కడ వ్యాపారం జరగడం లేదు. మరో విషయం ఏమిటంటే, చిన్న నిర్మాతలకు ఇక్కడ మర్యాద లేదు. ప్రముఖ హీరోల చిత్రాలనే కొనుగోలు చేయడానికి బయ్యర్లు ఆసక్తి చూపుతున్నారు. ఇక, చిన్న చిత్రాలకు సెన్సార్‌సమస్య, పైరసీ బెడద తప్పదు. ఇలాంటికష్ట నష్టాలు ఎన్నో.
  
  ప్ర: కంగారు చిత్రం గురించి చెప్పరూ...?
  జ: కంగారు చిత్రం చాలా బాగా వచ్చింది. పాటలు ఇప్పటికే మార్కెట్‌లోకి విడుదలై ప్రజాదరణ పొందాయి. ఈ చిత్రాన్ని 24న విడుదల చేస్తున్నాం. కంగారు చిత్రం విజయంపై నాకు చాలా నమ్మకం ఉంది.


     కంగారూలు నాలుగు కాళ్లమీదా నడవగలవు, రెండు కాళ్లమీదా నడవగలవు. వెనక్కి మాత్రం ఒక్క అడుగు కూడా వేయలేవు. వాటి కాళ్ల నిర్మాణం అందుకు సహకరించదు!
      మగ కంగారూని బక్ లేదా బూమర్ అంటారు. ఆడ కంగారూని డో లేదా ఫ్లయర్ అంటారు. కంగారూ పిల్లని జోయ్ అంటారు!
      కంగారూల చెవుల నిర్మాణం విచ్రితంగా ఉంటుంది. అవి ఎటునుంచి శబ్దం వస్తే అటువైపు తిరుగుతూ ఉంటాయి!
      ఇవి నీళ్లు తాగకుండా రెండు నుంచి నాలుగు నెలల వరకూ ఉండగలవు!
      కంగారూలు ఉప్పగా ఉండే ఆకులను ఇష్టంగా తింటాయి. యూకలిప్టస్, అకాసియా చెట్ల ఆకుల్ని అస్సలు ముట్టకోవు. అయితే కంగారూలు ఉండే ఆస్ట్రేలియాలో అత్యధికంగా ఉండేవి ఈ రెండు రకాల చెట్లే!
      ఎందుకో తెలీదు కానీ... ఇవి వాతావరణం చల్లగా ఉన్నప్పుడే ఆహారాన్ని తీసుకుంటాయి. అందుకే మధ్యాహ్నం పూట తినవు. సాయంత్రం చల్లబడిన తర్వాత తింటాయి. అంతేకాదు... ఇవి పగలు కంటే రాత్రిపూట ఎక్కువ యాక్టివ్‌గా ఉంటాయి!
      నాలుగు నుంచి ఇరవై కంగారూలు కలిపి గుంపుగా ఉంటాయి. ఈ గుంపును ట్రూప్ లేదా కోర్ట్ అంటారు. అన్నిటిలోకీ పెద్దదైన మగ కంగారూ గుంపునకు లీడర్‌గా ఉంటుంది. ఏదైనా ప్రమాదం వచ్చినప్పుడు ఇది తన కాలును నేలకేసి టపటపా కొడుతుంది. వెంటనే అన్నీ అలర్ట్ అయిపోతాయి!
  
  ఇది మహా తుంటరి!
  ‘ప్రపంచాన్ని మర్చిపోవాలంటే... పక్కన ఓ పెంపుడు జంతువు ఉండాలి’ అంటారు కంగనా రనౌత్. బాలీవుడ్‌లో ఫేమస్ హీరోయిన్ అయిన కంగనా... ‘ఏక్ నిరంజన్’ చిత్రంతో తెలుగువారికి కూడా దగ్గరయ్యారు. సినిమా షూటింగులతో బిజీ బిజీగా ఉండే ఈమె... కాస్త తీరిక దొరికిందంటే చేసే పనేంటో తెలుసా? తన పెంపుడు కుక్కతో ఆడుకోవడం.
  కంగనా ఇంటికి వెళితే... తెలుపు, బ్రౌన్ కలర్స్ కలగలిపి ఉండే బుజ్జి కుక్కపిల్ల అటూ ఇటూ పరిగెడుతూ కనిపిస్తుంది. ఇది ఒకచోట కుదురుగా కూర్చోదు, నిలబడదు. కాళ్లకడ్డుపడుతూ పరుగులు తీస్తుంది. సోఫాలు, కుర్చీలు ఎక్కి నానా హంగామా చేస్తుంది. దాని అల్లరి చూడటం తనకెంతో ఇష్టం అని మురిసిపోతూ చెబుతుంటారు. కంగనా. దానితో ఎంతసేపు ఆడుకున్నా విసుగే రాదని అంటారు. అది కూడా కంగనా దగ్గర భలే గారాలు పోతుంటుంది.
  
  ఒకసారి ఏమయ్యిందంటే... కంగనా షూటింగుకి వెళ్లడానికి రెడీ అయ్యారు. చెప్పులు వేసుకుందామని స్టాండ్ దగ్గరకు వెళ్లారు. అంతే, అక్కడ తన చెప్పులు చూసి షాకయ్యారామె. కొన్ని వేలు పోసి కొన్ని ఖరీదైన చెప్పులు ముక్కలు ముక్కలుగా పడి ఉన్నాయి. వాటిని చూడగానే ఆమెకు అర్థమైపోయింది.. అది ఎవరి పనో! కానీ ఏం చేయగలదు? ‘‘నాకు తెలుసు ఇది దాని పనే అని. ఆ చెప్పుల విలువెంతో నాకు తెలుసు గానీ దానికేం తెలుసు’’ అంటూ నవ్వుకున్నారు కంగనా. అంత తుంటరిది ఆ బుజ్జి కుక్క!