న్యూఢిల్లీ: ఆసియా క్లోజ్డ్ జూనియర్ టెన్నిస్ చాంపియన్‌షిప్‌లో హైదరాబాద్ అమ్మాయి యడ్లపల్లి ప్రాంజల సింగిల్స్ విభాగంలోనూ విజేతగా నిలిచింది. శనివారం జరిగిన ఫైనల్లో రెండో సీడ్ ప్రాంజల 5-7, 6-2, 7-5తో టాప్ సీడ్ వుషువాంగ్ జెంగ్ (చైనా)పై గెలిచింది.
  
   శుక్రవారం జరిగిన డబుల్స్ ఫైనల్లోనూ ప్రాంజల తన సింగిల్స్ విభాగం ఫైనల్ ప్రత్యర్థి వుషువాంగ్ జెంగ్‌తో కలిసి టైటిల్ సాధించడం విశేషం. హైదరాబాద్‌లోని జీవీకే టెన్నిస్ అకాడమీలో కోచ్ ఇలియాస్ గౌస్ వద్ద శిక్షణ పొందుతున్న 16 ఏళ్ల ప్రాంజలకు ఐటీఎఫ్ జూనియర్ సర్క్యూట్‌లో ఇది ఐదో సింగిల్స్ టైటిల్.
  


 సాక్షి, హైదరాబాద్: సియోవిపో ఆసియా ఓసియానియా ఇంటర్నేషనల్ జూనియర్ టెన్నిస్ చాంపియన్‌షిప్‌లో ఆంధ్రప్రదేశ్ అమ్మాయి యడ్లపల్లి ప్రాంజల ప్రిక్వార్టర్ ఫైనల్లోకి ప్రవేశించింది.
  
   దక్షిణ కొరియాలో జరుగుతున్న ఈ ఈవెంట్‌లో ఆమె 11వ సీడ్‌గా బరిలోకి దిగింది. రెండో రౌండ్ పోరులో ఆమె 3-6, 6-1, 6-3తో క్లెయిర్ యూన్‌కీ చోయ్ స్పాక్‌మన్ (హంకాంగ్)పై విజయం సాధించింది. తొలి సెట్‌లో చతికిలబడిన ప్రాంజల తర్వాతి సెట్లలో పుంజుకొని ఆడింది. దీంతో ప్రత్యర్థికి పరాజయం తప్పలేదు. ప్రిక్వార్టర్స్‌లో ఏపీ క్రీడాకారిణి... కొరియాకు చెందిన ఐదో సీడ్ డబిన్ కిమ్‌తో తలపడనుంది.
  


 జింఖానా, న్యూస్‌లైన్: న్యూట్రిలైట్ ఆసియా అండర్-14 జూనియర్ టెన్నిస్ చాంపియన్‌షిప్‌లో బాలికల సింగిల్స్‌లో టాప్ సీడ్ సామ సాత్విక ఫైనల్లోకి దూసుకె ళ్లింది. ఎల్బీ స్టేడియంలోని శాప్ టెన్నిస్ కాంప్లెక్స్‌లో గురువారం జరిగిన సెమీఫైనల్లో సాత్విక 3-6, 6-0, 6-1తో ఎనిమిదో సీడ్ ప్రింకిల్ సింగ్‌పై విజయం సాధించింది. తనతో పాటు రెండో సీడ్ శివాని 7-5, 6-1తో ఏడో సీడ్ శివానుజపై నెగ్గి ఫైనల్స్‌కు అర్హత సాధించింది.
  
   బాలుర సింగిల్స్‌లో ఆదిల్ కళ్యాణ్‌పూర్, శ్రీవత్స రాతకొండ ఫైనల్స్‌లోకి ప్రవేశించారు. సెమీస్‌లో ఆదిల్ 6-3, 6-1తో ప్రాకృత్ కార్తీక్ పటేల్‌పై, శ్రీవత్స 6-2, 6-4తో రెండో సీడ్ యావిన్ సాల్మన్‌పై గెలుపొందారు. మిగిలిన ఫలితాలు బాలుర డబుల్స్ క్వార్టర్‌ఫైనల్స్: ఆదిల్-కార్తీక్ జోడి 6-0, 6-0తో రిషిల్ గుప్తా-యశోధన్ జోడిపై, ప్రలోక్ ఇక్కుర్తి-గౌరవ్ కుర్వ జోడి 6-2, 6-1తో అరవింద్ కళ్యాణ్-తుషార్ శర్మ జోడిపై, నీల్ గరుడ్-ఆతిఫ్ షేక్ 4-6, 7-5, 10-5తో దేవ్-రోనిత్ రాణా జోడిపై, ఆయనంపూడి-గౌరవ్ జోడి 6-2, 6-1తో సుందర్-కేల్ జోడిపై, బొల్లిపల్లి-సాయి కార్తీక్ రెడ్డి 6-0, 6-3తో ఆశిష్ ఆనంద్- సాయి ప్రతీక్ జోడిపై, రాతకొండ-సాకినేని జోడి 6-0, 6-1తో తరుణ్-తేజస్వి జోడిపై, నితిన్-అమన్ జోడి 6-4, 6-4తో రుచిత్ గౌడ్-ప్రీతమ్ జోడిపై, ఆదిత్య-యావిన్ సాల్మన్ జోడి 6-4, 6-4తో ఆదిత్య కల్లేపల్లి-టి.మాచెర్ల జోడిపై గెలిచారు.
  
  బాలికల డబుల్స్ క్వార్టర్‌ఫైనల్స్: జువేరా ఫాతిమా-సాన్యా సిన్హా జోడి 6-2, 6-1తో షాలిక-నిఖిత జోడిపై, ప్రత్యూష-శివాని జోడి 6-3, 6-2తో అన న్య-రైనా జాఫీ జోడిపై, శివాని-సాత్విక 6-2, 6-1తో భక్తి-మాన్య విశ్వనాథ్ జోడిపై, పాన్య- ఎస్.భమిడిపాటి జోడి 1-6, 6-4, 10-6తో అక్షయ-షాజిహా బేగం జోడిపై, ఎస్.చిలకలపూడి-శివానుజ జోడి 3-6, 7-5, 10-7తో ఎ.చక్రబొర్తి-హర్ష సాయి జోడిపై, భవ్య-భూమిక జోడి 6-2, 6-1తో బిపాషా-సాహితీ రెడ్డి జోడిపై, మెహక్ జైన్-షేక్ హుమేరా జోడి 6-3, 6-2 ధరణి-నేహ జోడిపై నెగ్గారు.
  


 జింఖానా, న్యూస్‌లైన్: ఇంటర్నేషనల్ జూనియర్ టెన్నిస్ చాంపియన్‌షిప్‌లో ఆంధ్రప్రదేశ్ అమ్మాయి యడ్లపల్లి ప్రాంజల రెండో రౌండ్లోకి దూసుకెళ్లింది.
  
  కొరియాలోని చున్‌చియోన్ సిటీలో జరుగుతున్న ఈ టోర్నీ మొదటి రౌండ్లో ప్రాంజల 6-3, 7-6తో లిజెటీ క్యాబ్రెర (ఆస్ట్రేలియా)పై విజయం సాధించింది. మొదటి సెట్‌లో ప్రాంజల సునాయాసంగా గెలిచినప్పటికీ, రెండో సెట్‌లో గట్టి పోటీ ఇచ్చిన క్యాబ్రెర 5-3 ఆధిక్యంలో నిలిచినా... ప్రాంజల 5-5తో స్కోరు సమం చేసుకుని,  చివరకు టై బ్రేక్‌లో గెలిచింది.