రిలయన్స్ జియో తన కస్టమర్ల కోసం 'జియో ప్రైమ్ మెంబర్‌షిప్‌'ను(Jio Prime Membership) తీసుకొచ్చింది. జియో 10వ వార్షికోత్సవం సందర్భంగా ఈ మెంబర్‌షిప్‌ను రీలాంచ్ చేసింది. అయితే.. ఈసారి ప్రైమ్‌లో ప్రధాన ఆకర్షణ కేవలం అదనపు ఆఫర్లు కాదు.. టారిఫ్ ధరలు పెరిగినా కస్టమర్లపై ఆ భారం పడకుండా రక్షణ కల్పించడం.రూ.300 చెల్లిస్తే..జియో ప్రైమ్ మెంబర్‌షిప్‌ కోసం ఒక్కసారి రూ.300 చెల్లించాలి. ఈ మెంబర్‌షిప్ జియో ప్రీపెయిడ్, పోస్ట్ పెయిడ్ కస్టమర్లందరికీ అందుబాటులో ఉంటుంది. సభ్యత్వం తీసుకున్న తర్వాత.. ప్లాన్స్ ధరలు పెరిగినా, ప్రస్తుతం ఉన్న ధరలకే రీఛార్జ్ చేసుకోవచ్చు. ఈ అవకాశం మెంబర్‌షిప్‌ తీసుకున్న వాళ్లకు మాత్రమే. ఇది 5 సెప్టెంబర్ 2027 వరకు వర్తిస్తుంది. అంటే ఏడాది పాటు రీఛార్జ్ ధరలు పెరిగినా భయం లేదన్నమాట.రూ.600 క్యాష్‌బ్యాక్జియో ప్రైమ్‌లో సభ్యత్వం తీసుకున్న వారికి రూ.600 విలువైన క్యాష్‌బ్యాక్ వోచర్లు కూడా లభిస్తాయి. ఇందులో రూ.300 క్యాష్‌బ్యాక్‌ను కొత్త జియో హోమ్ లేదా జియో పీసీ కనెక్షన్ తీసుకునేటప్పుడు ఉపయోగించుకోవచ్చు. మరో రూ.300 వోచర్‌ను స్నేహితులు లేదా కుటుంబ సభ్యుల కోసం కొత్త జియో సిమ్ కనెక్షన్ తీసుకునేటప్పుడు పొందవచ్చు.కొత్త సేవలకు ముందుగానే యాక్సెస్ప్రైమ్ సభ్యులకు జియో తీసుకొచ్చే కొత్త ఉత్పత్తులు, సేవలు, ట్రయల్స్‌కు ముందస్తు యాక్సెస్ కూడా లభిస్తుంది. అంతేకాదు.. కస్టమర్లకు ప్రత్యేకంగా ప్రయారిటీ కస్టమర్ సపోర్ట్ అందించేందుకు ప్రత్యేక సర్వీస్ ఛానల్‌ను కూడా జియో ఏర్పాటు చేయనుంది. మెంబర్‌షిప్ వ్యవధిలో మరిన్ని ప్రత్యేక ప్రయోజనాలను ప్రకటిస్తామని కంపెనీ తెలిపింది.ఎవరు తీసుకోవచ్చు?ప్రస్తుతం జియో ప్రీపెయిడ్ లేదా పోస్ట్ పెయిడ్ వాడుతున్న అందరు జియో కస్టమర్లు రూ.300 చెల్లించి ప్రైమ్ మెంబర్‌షిప్‌ తీసుకోవచ్చు. అయితే.. ఇతర నెట్‌వర్క్‌లలో ఉన్నవారు జియోకి మారడం లేదా కొత్త జియో కనెక్షన్ తీసుకోవడం ద్వారా ఈ మెంబర్‌షిప్‌లో చేరవచ్చు.ఎక్కడ తీసుకోవాలి?జియో ప్రైమ్ మెంబర్‌షిప్‌ కావాలనుకునే వారు మైజియో యాప్ లేదా జియో.కామ్, జియో స్టోర్స్, జియో పార్ట్‌నర్ స్టోర్స్ ద్వారా తీసుకోవచ్చు. తరచూ రీఛార్జ్ ధరలు పెరుగుతాయేమోనని ఆందోళన చెందే జియో కస్టమర్లకు ఇది ఉపయోగపడుతుంది.

ప్రముఖ దేశీయ టెలికాం దిగ్గజం జియో భారీ ఆఫర్లతో మరోసారి తన యూజర్లను కట్టిపడేసింది. జియో రూ. 499 టారిఫ్‌ ప్లాన్‌లను సవరించి మరోసారి అడిషనల్‌ బెన్‌ఫిట్స్‌ను అందిస్తుంది. యూజర్లు రూ.499తో రీఛార్జ్‌ చేయించుకుంటే ప్రతి రోజు 2జీబీ డేటాతో పాటు డిడ్నీ ప్లస్‌ హాట్‌స్టార్‌ను వినియోగించుకునే అవకాశాన్ని కల్పించింది.   జియో రూ.499 ప్లాన్‌ బెన్ ఫిట్స్‌ యూజర్లు రూ.499తో రీఛార్జ్‌ చేయించుకుంటే ప్రతి రోజు 2జీబీ డేటాను పొందవచ్చు. అదే సమయంలో తగ్గిన 64 కేబీపీఎస్‌ డేటా స్పీడ్‌ను వినియోగించుకోవచ్చు. ప్రైమ్‌ మెంబర్‌ షిప్‌తో 28 రోజుల వ్యాలిడిటీతో జియో టూ జియో అన్‌లిమిటెడ్‌ వాయిస్‌ కాలింగ్‌,రోజుకు 100 మెసేజ్‌లను సెండ్‌ చేసుకోవచ్చు. రూ.499ప్లాన్‌లో డిస్నీ ప్లస్‌ హాట్‌ స్టార్‌ సబ్‌స్క్రిప్షన్‌  సంవత్సరం వరకు ఎలాంటి అదనపు ఛార్జీలు లేకుండా వినియోగించుకోవచ్చు. వీటితో పాటు జియో సినిమా, జియోటీవీని పొందవచ్చు.  హ్యాపీ న్యూఇయర్‌ ఆఫర్‌ పొడిగింపు జియో న్యూఇయర్‌ రూ.2,545 ప్లాన్‌ను పొడిగిస్తున్నట్లు ప్రకటించింది. గత డిసెంబర్‌ నెలలో జియో ఈ ఆఫర్‌ను అందుబాటులోకి తెచ్చింది. జనవరి 2వరకు వ్యాలిడిటీ విధించింది. కానీ ఇప్పుడు ఆ ఆఫర్‌ను జనవరి 7వరకు పొడిగించింది. రూ.2,545 ప్లాన్‌లో ప్రతిరోజు 100ఎస్‌ఎంఎస్‌లు, 1.5జీబీను 336 రోజులు వినియోగించుకోవచ్చు. హ్యాపీ న్యూయర్‌ ఆఫర్‌లో భాగంగా ఈ ప్లాన్‌తో రీఛార్జ్‌ చేస్తే యూజర్లు అదనంగా 29 రోజుల వ్యాలిడిటీను పొందవచ్చు. దీంతో 365 రోజులపాటు వ్యాలిడిటీ యూజర్లు వినియోగించుకోవచ్చు. చదవండి: రిలయన్స్‌ జియో కీలక నిర్ణయం...! ఇక యూజర్లకు పండగే..?    


 ఈ నెల 31 వరకే గడువు
 హైదరాబాద్‌: రిలయన్స్‌ జియో ఇటీవల ప్రకటించిన ‘జియో ప్రైమ్‌’ ఆఫర్‌ ఇప్పుడు వినియోగదారులకు అందుబాటులోకి వచ్చింది. కస్టమర్లు రూ.99ల వన్‌టైమ్‌ వార్షిక ఫీజుతో జియో ప్రైమ్‌ సబ్‌స్క్రిప్షన్‌లో సభ్యులుగా చేరి తర్వాత అందుబాటులో ఉన్న ప్లాన్స్‌లో అనువైన దాన్ని ఎంపిక చేసుకుని కంపెనీ అపరిమిత సేవలను ఏడాదిపాటు నిరంతరాయంగా పొందొచ్చు. కంపెనీ  రూ.149, రూ.303, రూ.499 వంటి పలు రకాల సబ్‌స్క్రిప్షన్‌ ప్లాన్‌లను ఆవిష్కరించింది.
 జియో కొత్త యూజర్లు, హ్యాపీ న్యూ ఇయర్‌ కస్టమర్లు ఇరువురు రూ.99 ఫీజుతో మైజియో యాప్‌ లేదా www.Jio.com అనే కంపెనీ వెబ్‌సైట్‌ ద్వారా జియో ప్రైమ్‌ సబ్‌స్క్రిప్షన్‌కు అప్‌గ్రేడ్‌ కావొచ్చు. అయితే జియో ప్రైమ్‌ సబ్‌స్క్రిప్షన్‌ కేవలం వచ్చే ఏడాది మార్చి 31 వరకు మాత్రమే ఉంటుంది. ప్రి–పెయిడ్, పోస్ట్‌–పెయిడ్, ప్రైమ్‌ యూజర్లు, నాన్‌–ప్రైమ్‌ కస్టమర్లు అందరూ ప్లాన్స్‌ వివరాల కోసం దగ్గరిలోని జియో స్టోర్‌ లేదా కంపెనీ అనుబంధ ఔట్‌లెట్స్‌కు వెళ్లొచ్చు. స్టోర్‌కు వెళ్లలేని వారు కంపెనీ వెబ్‌సైట్‌లో టారిఫ్‌లకు సంబంధించిన పూర్తి వివరాలను తెలుసుకోవచ్చు. ఇక్కడే ప్రైమ్‌ సభ్యత్వం తీసుకున్న కస్టమర్లకు, తీసుకోని యూజర్లకు లభించే సేవల మధ్య వ్యత్యాసాన్ని కూడా గమనించవచ్చు.