రాత్రి పూట సంఘటన 
 
 జరగడంతో తప్పిన ప్రమాదం
 
 నెల్లూరు(బృందావనం) : నెల్లూరులోని బారాషహీద్‌దర్గా ప్రాంగణానికి సమీపం లో ఉన్న జన్నత్‌ ఇండోర్‌ స్టేడి యం సోమవా రం రాత్రి కూలిపోయింది. రెవెన్యూ అధికారులు, స్థానికులు తెలిపిన మేరకు వివరాలు ఇలా ఉన్నాయి. మూడున్నర దశాబ్దాల క్రితం కలెక్టర్‌గా పనిచేసిన జన్నత్‌హుస్సేన్‌ పేరుతో ఈ స్టేడియంను నిర్మించారు. వివిధ ప్రభుత్వశాఖలకు చెందిన జిల్లా ఉన్నతాధికారులతోపాటు, నగరంలోని వివిధ రంగాలకు చెందిన ప్రముఖులు బ్యాడ్మింటన్‌ ఆడేందుకు నిత్యం ఇక్కడకు వస్తారు. సోమవారం రాత్రి స్టేడియం ఒక్కపెట్టున కూలిపోయింది. ఈ సమయంలో ఎవరూ లేకపోవడంతో ప్రమాదం తప్పింది. దీనిపై నెల్లూరు ఆర్‌ఐ నాజర్‌ మాట్లాడుతూ ఎవరికీ ప్రమాదం జరగలేదని, ఘటనను ఉన్నతాధికారుల దృష్టికి తీసుకెళ్లనున్నట్లు చెప్పారు.