లడఖ్‌ ఖేరి సమీపంలో జరిగిన రోడ్డు ప్రమాదంలో 9 మంది ఇండియన్ ఆర్మీ జవాన్లు మృతిచెందారు. జవాన్లు ప్రయాణిస్తున్న వాహనం లోయలో పడిపోవడంతో ఈ దుర్ఘటన జరిగింది. ఇందులో ఎనిమిది మంది జవాన్లు కాగా, ఒకరు జేసీవో (జూనియర్ కమిషన్డ్ ఆఫీసర్) ఉన్నారు. లేహ్ ప్రాంతానికి సుమారు 150కిమీ దూరంలో ఉన్న ఖేరీలో ఈ ప్రమాదం జరిగింది. ఘటనా స్థలంలో ఇప్పటికే సహాయక చర్యలు కొనసాగుతున్నాయి. దీనికి సంబంధించి మరిన్ని వివరాలు తెలియాల్సి ఉంది. ఇండియన్ ఆర్మీ జవాన్లు మరణించడంతో యావత్ భారతదేశం ఒక్క సారిగా దిగ్బ్రాంతికి గురైంది.

అంద‌రి క‌డుపు నింపే రైత‌న్న క‌డుపు మండింది. అంద‌రి ఆక‌లి తీర్చే రైతులు నిద్రాహారాలు ప‌ట్టించుకోకుండా ఢిల్లీ స‌రిహ‌ద్దులోని సింఘా వ‌ద్ద‌ చ‌లిని సైతం లెక్క చేయ‌కుండా ఆందోళ‌న దీక్ష‌లు చేస్తున్నారు. కేంద్ర ప్ర‌భుత్వం తీసుకొచ్చిన వ్య‌వ‌సాయ చ‌ట్టాల‌ను ర‌ద్దు చేయాల‌ని డిమాండ్ చేస్తున్నారు. వీరి ఉద్య‌మానికి క్రీడాకారులు, క‌ళాకారులు, ర‌చ‌యిత‌లు, పౌర హ‌క్కుల కార్య‌కర్త‌లు మ‌ద్ద‌తు తెలిపారు. తాజాగా భార‌త‌ జ‌వాన్లు కూడా వీరి పోరాటానికి సంఘీభావం తెలిపారు. ఈ క్ర‌మంలో 25 వేల మంది జ‌వాన్లు శౌర్య చ‌క్ర అవార్డులను వెన‌క్కి ఇచ్చేయ‌నున్న‌ట్లు ఓ వార్తాప‌త్రిక క‌థ‌నం వెలువ‌రించింది. దీనికి సంబంధించిన క్లిప్పింగులు నెట్టింట చ‌క్క‌ర్లు కొడుతున్నాయి. (ఆ పోలీస్‌కు భార్యంటే భయం! అందుకే..) దీనిపై ప్ర‌భుత్వం స్పందిస్తూ త‌ప్పుడు వార్త‌గా కొట్టిపారేసింది. అస‌లు ఇప్ప‌టివ‌ర‌కు కేవ‌లం 2048 మందికి మాత్ర‌మే శౌర్య చ‌క్ర అవార్డుల‌ను ప్ర‌దానం చేసిన‌ట్లు స్ప‌ష్టం చేసింది. ఈ మేర‌కు పీఐబీ(ప్రెస్ ఇన్‌ఫ‌ర్మేష‌న్ బ్యూరో) అస‌త్య క‌థ‌నాన్ని ఖండిస్తూ ట్వీట్ చేసింది. 1956 నుంచి 2019 మ‌ధ్య 2048 మంది జ‌వాన్లు మాత్ర‌మే శౌర్య చ‌క్ర అవార్డులు అందుకున్నార‌ని పేర్కొంది. కాబ‌ట్టి 25 వేల మంది జ‌వాన్లు శౌర్య చ‌క్ర అవార్డుల‌ను వెన‌క్కు ఇవ్వ‌డ‌మనేది ఫేక్ న్యూస్. ఎందుకంటే అంత‌మందికి ప్ర‌భుత్వం శౌర్య‌చ‌క్ర అవార్డుల‌ను ఇవ్వ‌నేలేదు. (రైతు నిర‌స‌న‌లు: 18 రోజుల్లో 20 మంది మృతి)

నటనలో ప్రతిభ ఉంటే రూపం రెండవస్థానంలోకి నెట్టబడుతుంది. ఓంపురి, నసిరుద్దీన్‌షా వంటి వారు ప్రతిభతో రాణించారు. రూపంతో కాదు. విక్కీకౌశల్‌ చూడ్డానికి ‘గ్లామరస్‌’గా కనిపించడు. కాని అతడు ఏ పాత్ర వేసినా ఆ పాత్రలా మారిపోతాడు. కెమెరా ముందు అతడు దట్టించిన మందు గుండులా పేలతాడు. గురి తాకుతాడు. 2016 సెప్టెంబర్‌ 18న ‘ఉరి అటాక్స్‌’ జరిగాయి. బారాముల్లా జిల్లాలో వాస్తవాధీన రేఖకు ఎనిమిది కిలోమీటర్ల దూరంలో ఉండే ‘ఉరి’ అనే ప్రదేశంలోని భారతీయ సైనిక బలగాల మీద ఉగ్రదాడి జరిగింది. నలుగురు ఉగ్రవాదులు మూడు నిమిషాల వ్యవధిలో 17 గ్రెనేడ్‌లను సైనిక గుడారాల మీద విసరడంతో 17 మంది సైనికులు అక్కడికక్కడే ప్రాణాలు విడిచారు. 30 మంది సైనికులు గాయపడ్డారు. దీనికి ప్రతిస్పందనగా భారత్‌ చేతులు ముడుచుకుని కూచోదలుచుకోలేదు. ఇందుకు కారణమైన ఉగ్ర శిబిరాల మీద ప్రతీకారం తీర్చుకోదలిచింది. దానికి మార్గంగా ‘సర్జికల్‌ స్ట్రయిక్‌’ను ఎంచుకుంది. ఉరి దాడి జరిగిన పదకొండు రోజుల తర్వాత అంటే సెప్టెంబర్‌ 29న భారతదళాలు రహస్యంగా పాకిస్తాన్‌ ఆక్రమిత కాశ్మీర్‌లోకి ప్రవేశించి అక్కడి ఉగ్ర శిబిరాలను మట్టుబెట్టాయి. ఇదంతా మిలట్రీ కార్యక్రమం. సామాన్య ప్రజలకు ఇది ఎలా జరిగి ఉంటుందో ఊహకు అందే విషయం కాదు. కాని జరిగింది దేశ ప్రజలకు చూపాలనే ఉద్దేశ్యంతో ‘ఉరి: ద సర్జికల్‌ స్ట్రయిక్‌’ పేరుతో సినిమా నిర్మితమైంది. జనవరి 2019న విడుదలైంది. 25 కోట్ల ఖర్చుతో నిర్మించిన ఈ చిత్రం సూపర్‌ డూపర్‌ హిట్టయ్యి 342 కోట్లు సంపాదించింది. ఇంత ముఖ్యమైన సినిమాకు వెన్నముకలా నిలిచి సినిమా విజయంలో కీలకపాత్ర పోషించిన నటుడు విక్కీ కౌశల్‌. సినిమాలో మేజర్‌ విహాన్‌ సింగ్‌ షేర్‌గిల్‌గా నటించి అతడు దేశంలోని కోట్లాదిమంది ప్రేక్షకులను ఆకట్టుకున్నాడు. ఇప్పుడు ఇంతమంది అభిమానులను సంపాదించుకున్న విక్కీ ప్రయాణం కూడా ఒక సైనికుడి పోరాటంలాంటిదని చెప్పక తప్పదు. స్టంట్‌మెన్‌ కుమారుడు విక్కీ కౌశల్‌ తాత తండ్రులది హర్యాణ. విక్కీ వాళ్ల తాత హర్యాణలో ఒక చిన్న కిరాణాషాపు నడిపేవాడు. ఆర్థిక ఇబ్బందులు తట్టుకోలేక విక్కీ తండ్రి శ్యామ్‌ కౌశల్‌ ముంబై వచ్చి సినీ పరిశ్రమలో స్టంట్‌మెన్‌గా చేరాడు. ఆ తర్వాత స్టంట్‌ కోఆర్డనేనటర్‌గా ఎదిగాడు. తండ్రి సినిమా రంగంలో ఉన్నా ఇంటికి ఆ వాతావరణాన్ని తెచ్చేవాడు కాదు. ఉన్న ఇద్దరు కొడుకులు బాగా చదువుకోవాలని అనుకునేవాడు. పెద్ద కొడుకు విక్కీ చదువులో బాగున్నాడు కనుక ఏదైనా కాలేజ్‌లో ప్రొఫెసర్‌ అయితే నెలనెలా దిగుల్లేని జీతం అందుతుందని అతని ఆలోచన. కాని ముంబై రాజీవ్‌ గాంధీ ఇన్‌స్టిట్యూట్‌ ఆఫ్‌ టెక్నాలజీలో బి.టెక్‌ చేరాక ఈ చదువు తనకు పనికి రాదని అనిపించింది. చదువుతూనే ఒకసారి ఒక సాఫ్ట్‌వేర్‌ కంపెనీకి వెళ్లి చూసి ఇలాంటి ఉద్యోగం కూడా తనకు పనికి రాదని అనుకున్నాడు. చిన్నప్పటి నుంచి స్టేజ్‌ మీద నాటకాలు వేయడం, పాటలు పాడటం, గెంతడం చేసేవాడు కనుక నటుడు కావాలని అనిపించింది. బి.టెక్‌ను పూర్తి చేసి తండ్రికి ఈ విషయం చెప్తే వారించలేదుకానీ నీ ఇష్టం అన్నాడు. శిక్షణ తీసుకొని... నటుడు కావాలని నిర్ణయం తీసుకున్నాక విక్కీ చేసిన మొదటి పని ముంబైలోని ఒక శిక్షణాలయంలో నటన తర్ఫీదు కోసం చేరడం. ‘ఆ శిక్షణా సమయంలో నేను అందుకు పనికి వస్తానో రానో తేలిపోతుంది. ఆ తర్వాత కావాలంటే ఉద్యోగం చేసుకోవచ్చు’   అనుకున్నాడు. అదృష్టవశాత్తు ఆ శిక్షణ పని చేసింది. అది అతణ్ణి నటనకు మరింత ఆకర్షితుణ్ణి చేసింది. ఆ శిక్షణాలయం నుంచి బయటకు వచ్చాక దర్శకుడు అనురాగ్‌ కశ్యప్‌ దగ్గర ‘గ్యాంగ్స్‌ ఆఫ్‌ వాసేపూర్‌’కు అసిస్టెంట్‌ డైరెక్టర్‌గా పని చేశాడు. ఆ సినిమాలో మనోజ్‌ బాజ్‌పాయ్, నవాజుద్దీన్‌ సిద్దిఖీ, పీయుష్‌ మిశ్రా లాంటి గొప్ప నటులు పని చేశారు. అయితే వారంతా థియేటర్‌ నుంచి వచ్చినవారు. మంచి నటులు కావాలంటే నాటకానుభవం అవసరం అని విక్కీకి అనిపించింది. ఆ సినిమా అయ్యాక అతడు థియేటర్‌ చేస్తూ అవకాశాల కోసం ప్రయత్నించాడు. దాదాపు నాలుగేళ్లు అతడికి ఏ అవకాశమూ రాలేదు. కాని ప్రతిభకు వైఫల్యం ఉండదు. అపజయమూ ఉండదు. కాకపోతే విజయం రాకడ కాస్త ఆలస్యం కావచ్చు అంతే. ‘మసాన్‌’తో... ‘గ్యాంగ్స్‌ ఆఫ్‌ వాసెపూర్‌’కు మరో సహాయ దర్శకుడిగా పని చేసిన మన హైదరాబాద్‌ కుర్రాడు నీరజ్‌ ఘేవన్‌ వారణాసి ఘాట్‌లలో పని చేసే కాటికాపరుల జీవితాలపై సినిమా తీయదలిచాడు. ఆ సినిమా పేరు ‘మసాన్‌’. అందులో హీరోగా విక్కీని ఎంచుకోవడంతో విక్కీ కౌశల దశ తిరిగింది. చదువుకున్న కాటికాపరిగా నటించేందుకు విక్కీ మూడు వారాల ముందే వారణాసి చేరుకుని అక్కడి జీవితాలను అధ్యయనం చేశాడు. ‘మసాన్‌’ (శ్మశానం) విడుదలయ్యాక అతడికి విపరీతమైన పేరు వచ్చింది. అవార్డులు వచ్చాయి. ‘నటనను’ సీరియస్‌గా పరిగణించే చాలామంది నటులు అతడిని గుర్తించారు. సంజు... సంజయ్‌ దత్‌ ఆటోబయోగ్రఫీగా వచ్చిన ‘సంజు’లో సంజయ్‌ దత్‌ స్నేహితుడు ‘కమ్లేష్‌’గా నటించి విక్కీ కౌశల్‌ పాపులర్‌ సినిమాలలో కూడా తన ముద్ర వేయగలడని నిరూపించాడు. సంజు విజయంలో రణ్‌బీర్‌ కపూర్‌కు ఎంత పేరు వచ్చిందో విక్కీకి కూడా అంతే పేరు వచ్చింది. ఆ తర్వాత ఉరితో అతడి కెరీర్‌ ఒక పదేళ్ల వరకూ ఢోకా లేనట్టుగా స్థిరపడింది. వినమ్ర ప్రయాణం... విక్కీ కౌశల్‌ తన సక్సెస్‌ను ఎంజాయ్‌ చేయడం కంటే దానినొక బాధ్యతగా తీసుకుంటున్నాడు. మంచి మంచి పాత్రలు ఉన్న సినిమాలు చేయాలనుకుంటున్నాడు. కరణ్‌ జోహర్‌ నిర్మాణంలో వస్తున్న ‘భూత్‌’ అతని రాబోయే సినిమా. సూజిత్‌ సర్కార్‌ దర్శకత్వంలో స్వాతంత్య్ర సమరయోధుడు ‘సర్దార్‌ ఉధమ్‌సింగ్‌’ బయోపిక్‌లో కూడా అతడు నటించబోతున్నాడు. విక్కీ నుంచి మనం మరిన్ని మంచి సినిమాలు ఆశించవచ్చు.


 కారకోరమ్: ప్రపంచంలోనే అత్యంత ఎత్తై యుద్ధ క్షేత్రంగా పేరుగాంచిన సియాచిన్ మంచు పర్వత శ్రేణుల్లో శత్రు సేనలను ఎదుర్కోవడం చాలా సులభం. అక్కడి వాతావరణ పరిస్థితులను ఎదుర్కోవడమే చాలా కష్టం. అక్కడ భారత సైనికులు నిత్యం సాగించేది జీవన్మరణ పోరాటమే. అక్కడ పొరపాటున గ్లౌజు లేకుండా తుపాకీ ట్రిగ్గర్‌ను 15 సెకండ్లపాటు పట్టుకున్నామంటే చేతి వేళ్లకు ‘ఫ్రాస్ట్‌బైట్ (అతి శీతలం వల్ల జన్యువులు చచ్చిపోవడంతో పుండవడం)’ వస్తుంది. వెంటనే ఆ వేళ్లను కోసివేయాల్సిందే. సాక్స్ నుంచి బొటన వేళ్లు బయటకు వచ్చినా పరిస్థితి అంతే. ఒంటిలో అంగుళం కూడా వాతావరణానికి ఎక్స్‌పోజ్ కాకుండా నిండా చలి దుస్తులు ధరించాల్సిందే.
 
 సముద్ర మట్టానికి దాదాపు 19వేల అడుగుల ఎత్తులో శత్రువుల ఉనికి కోసం నిరంతర నిఘా కొనసాగిస్తున్న భారత సైనికులకు నిద్ర పట్టదు. ఆకలి వేయదు. కంటి చూపు మసకబారుతుంది. గొంతు పూడుకపోతోంది. మాట సరిగ్గా రాదు. మతి మరుపు ముంచుకొస్తుంది. ఈ లక్షణాలు ఎక్కువైనప్పుడు వారిని బేస్ క్యాంప్‌కు తీసుకొచ్చి చికిత్స చేస్తారు. సరైన ఆహారం కూడా అందుబాటులో ఉండదు. మైనస్ 45 డిగ్రీల నుంచి మైనస్ 60 డిగ్రీల వరకు శీతలీయంగా ఉండే సియాచిన్ మంచు పర్వతాల్లో గాలిలో ఆక్సిజన్ శాతం కేవలం పది శాతం (మైదాన ప్రాంతాలతో పోలిస్తే) మాత్రమే ఉంటుంది.
 
 
 ఆపిల్ పండుగానీ, నారింజ పండుగానీ క్షణాల్లోనే క్రికెట్ బాల్‌లా గట్టిగా తయారవుతుంది. ఆలుగడ్డను సుత్తిపెట్టి కొట్టినా ముక్కలవదు. అందుకని సైనికులు ఎక్కువగా కేన్‌లో భద్రపరిచిన డ్రై ఫుడ్‌నే తీసుకుంటారు. అది కూడా అతి తక్కువ మోతాదులో. నెలకు ఒక్కసారో, రెండు సార్లో తాజా ఆహారం అందుతుంది. చీతా హెలికాప్టర్ల ద్వారా సైన్యం 20 వేల అడుగులో తాజా ఆహార పదార్థాలను పడేసి వెళుతుంది. శత్రువుల కంటపడకుండా క్షణాల్లో పని ముగించాల్సి ఉంటుంది.
 
 భారత సైనికులు కనపడని శత్రువు కోసం కళ్లు కాయలు కాసేలా నిరంతర నిఘా కొనసాగించడంతోపాటు అస్తమానం కిరోసిన్ స్టౌను వెలిగించి తుపాకులను ఎప్పటికప్పుడు వేడిచేస్తుండాలి. లేకపోతే తుపాకీ గొట్టం మంచుతో గడ్డకట్టుకుపోతుంది. గంటకు వంద కిలోమీటర్ల వేగంతో శీతల గాలులు వీస్తూనే ఉంటాయి. నెలకు మూడువారాలు ఈ గాలులను తట్టుకొని నిలబడాల్సిందే. నెలకు ఒకసారి మాత్రమే స్నానం చేస్తారు. డీఆర్‌డీవో ప్రత్యేకంగా తయారు చేసిన టబ్‌లోనే స్నానం చేయాలి. రోజూ కళ్లు మాత్రమే కడుక్కుంటారు. మంచు కరగించి ఆ నీటినే తాగుతారు. 20 లీటర్ల నీటికోసం దాదాపు గంటసేపు మంచును వేడి చేయాల్సి ఉంటుంది.  మంచు తుపానుల కారణంగా గడచిన 30 ఏళ్లలో 846 మంది భారత సైనికులు మరణించారని లోక్‌సభలో ప్రభుత్వమే ప్రకటించింది. శత్రువుల కాల్పుల్లో చనిపోయింది వారిలో పదోవంతు మంది కూడా ఉండరు.
 
 ఇంతటి దారుణ పరిస్థితులు సరిహద్దుకు ఆవల కాపలాకాస్తున్న పాకిస్తాన్ సైనికలకు ఎదురుకావు. కారణం...మంచు పర్వతాలకు దిగువున వారి సైనిక స్థావరం ఉంది. వారు అక్కడి నుంచి పర్వతాలపైకి ఎక్కకూడదు. భారత సైనికులు పర్వతాల నుంచి ఆవలివైపు  కిందకు దిగకూడదు. అందుకోసమే ఇరువైపుల కాపలా కొనసాగుతోంది. ఇంతటి మృత్యువాతావరణంలో సైనిక నిఘాను కొనసాగించాల్సిన అవసరం ఉందా ? అంటూ అక్కడి భారత సైనికులు తరచూ చర్చించుకున్న సందర్భాలు అనేకం. ఫిబ్రవరి మూడవ తేదీన మంచు తపానులో కూరుకుపోయి చనిపోయిన పది మంది సైనికులతో కలసి అక్కడ రెండు సార్లు విధులు నిర్వహించి ప్రస్తుతం సెలవులో ఉన్న ఓ సైనికుడి కథనం ఇది. పేరు వెల్లడించడానికి ఆయన ఇష్టపడలేదు.