రాష్ర్ట మంత్రి గల్లా అరుణకుమారి మేనల్లుడు కృష్ణమాధవ్ హీరోగా సంస్కృతి షినయ్, అనూష హీరోయిన్లుగా పవన్ మంత్రి ప్రగడ, సంజయ్ ముప్పనేని నిర్మించిన చిత్రం ‘హృదయం ఎక్కడున్నది’. వి.ఐ.ఆనంద్ దర్శకత్వం వహించిన ఈ చిత్రానికి విశాల్ చంద్రశేఖర్ స్వరాలందించారు. ఈ ఆడియో సీడీని మహేష్‌బాబు ఆవిష్కరించి గల్లా అరుణకుమారికి ఇచ్చారు. మాధవ్ సినిమాల్లోకి వెళ్తానంటే వద్దన్నానని, కానీ తన తపన చూసి చివరకు అంగీకరించానని అరుణకుమారి చెప్పారు.