government proposals

భారతదేశంలో డ్రైవింగ్‌ లెర్నర్స్‌ లైసెన్స్‌ తీసుకోవాలనుకునేవారికి కేంద్ర ప్రభుత్వం కొత్త నిబంధనలు తీసుకొచ్చేందుకు సిద్ధమవుతోంది. రోడ్డు ప్రమాదాలను తగ్గించడం, డ్రైవింగ్‌ చేసేవారికి ట్రాఫిక్‌ నియమాలపై అవగాహన పెంచడమే లక్ష్యంగా కొన్ని కీలక మార్పులను ప్రతిపాదించింది. దీనికి సంబంధించిన మరిన్ని వివరాలు ఈ కథనంలో తెలుసుకుందాం.కొత్త ప్రతిపాదనల ప్రకారం.. డ్రైవింగ్‌ ట్యుటోరియల్‌ టెస్టులో ఉత్తీర్ణత మార్కులను 60 శాతం నుంచి 75 శాతానికి పెంచాలని నిర్ణయించింది. అంతే కాకుండా.. ట్యుటోరియల్‌ను పూర్తి చేయడానికి కనీసం 30 నిమిషాల సమయం కేటాయించాలని ప్రతిపాదించింది. అయితే.. ఇవన్నీ ప్రస్తుతం ప్రతిపాదనల దశలోనే ఉన్నాయి.లెర్నర్స్‌ లైసెన్స్‌ పరీక్షలో మార్పులుకేంద్ర మోటారు వాహన నియమాల ప్రకారం.. డ్రైవింగ్‌ ట్యుటోరియల్‌ను పూర్తి చేయడానికి ఏడు రోజుల గడువు ఉండగా, దాన్ని 15 రోజులకు పెంచాలని కేంద్రం ప్రతిపాదించింది. దీంతో దరఖాస్తుదారులకు ట్యుటోరియల్‌ పూర్తి చేసేందుకు మరింత సమయం లభిస్తుంది.గతంలో లెర్నర్స్‌ లైసెన్స్‌ పొందినవారు లేదా డ్రైవింగ్‌ స్కూల్‌ నుంచి సర్టిఫికెట్‌ ఉన్నవారికి ఇచ్చే మినహాయింపులను తొలగించాలని కూడా ప్రతిపాదించారు. కొత్త నిబంధనలు అమల్లోకి వస్తే, సంబంధిత దరఖాస్తుదారులు కూడా నిర్దేశించిన ట్యుటోరియల్‌, పరీక్షను పూర్తి చేయాల్సి ఉంటుంది.ఆధార్‌తో ఉచిత సేవలుడ్రైవింగ్‌ లైసెన్స్‌కు సంబంధించిన కొన్ని సేవలను ఆధార్‌ ఆధారిత ఆన్‌లైన్‌ ధ్రువీకరణ ద్వారా ఉచితంగా అందించాలని కేంద్రం భావిస్తోంది. లైసెన్స్‌లో పేరు లేదా ఇతర వ్యక్తిగత వివరాలను మార్చుకోవడం, చిరునామా, మొబైల్‌ నంబర్‌, ఈమెయిల్‌ ఐడీని అప్‌డేట్‌ చేసుకోవడం వంటి సేవలకు ఫీజు మినహాయింపు ఇవ్వాలని ప్రతిపాదించింది. ఈ మార్పులు అమల్లోకి వస్తే లైసెన్స్‌ వివరాలను సవరించుకునే సమయంలో వాహనదారులకు కొంత ఖర్చు తగ్గుతుంది.కావలసిన డాక్యుమెంట్స్లైసెన్స్‌ కోసం దరఖాస్తు చేసుకునేవారు తమ చిరునామా, వయస్సు, గుర్తింపుకు సంబంధించిన డాక్యుమెంట్స్ జాబితాలోనూ మార్పులు ప్రతిపాదించారు. ఆధార్‌ కార్డు, ఓటర్‌ ఐడీ, పాస్‌పోర్ట్‌, ఈ-రేషన్‌ కార్డు, పాన్‌ కార్డు, నిర్దిష్ట ప్రభుత్వ ఉద్యోగ లేదా పెన్షన్‌ పత్రాలను సంబంధిత అవసరాలకు అనుగుణంగా అంగీకరించనున్నారు.కరెంట్ బిల్లు, ఇంటి గ్యాస్‌ బిల్లు వంటి పత్రాలను చిరునామా ధ్రువీకరణ కోసం సమర్పించవచ్చు. అయితే.. అవి మూడు నెలలకు మించకుండా జారీ చేసినవై ఉండాలి. వయస్సు నిర్ధారణకు పాస్‌పోర్ట్‌, బర్త్ సర్టిఫికెట్, గుర్తింపు పొందిన విద్యాసంస్థ జారీ చేసిన మార్కుల జాబితా లేదా సర్టిఫికెట్‌ వంటి పత్రాలను కూడా ప్రతిపాదిత జాబితాలో చేర్చారు.లైసెన్స్‌ కార్డులలోనూ మార్పులుడ్రైవింగ్‌ లైసెన్స్‌లను లామినేట్‌ చేసిన కార్డులు లేదా పీవీసీ కార్డుల రూపంలో అందించేలా కొత్త ఫార్మాట్‌ను ప్రతిపాదించారు. అయితే భారతీయులకు ఒక విధంగా.. విదేశీ పౌరుల కోసం వేర్వేరు ఫార్మాట్లు ఉండనున్నట్లు సమాచారం.లైసెన్స్‌లో వివరాలను మార్చుకోవాలనుకునేవారు అవసరమైన ఆధారాలతో ఆన్‌లైన్‌లో దరఖాస్తు చేసుకోవాలి. అధికారులు 15 రోజుల్లో దరఖాస్తును ఆమోదించాలి లేదా తిరస్కరించాలి. తిరస్కరిస్తే.. అందుకు కారణాలను కూడా నమోదు చేయాలి. చిరునామా మార్చుకోవడం కోసం అప్లై చేసుకుంటే.. దానిపై సంబంధిత అధికారులు 30 రోజుల్లో ఎలాంటి నిర్ణయం తీసుకోకపోతే, అది ఆమోదం పొందినట్లుగా పరిగణించేలా ప్రతిపాదించారు.కొత్త నిబంధనలు ఎప్పటి నుంచి అమల్లోకి వస్తాయి?ప్రస్తుతం ఇవన్నీ కేంద్ర ప్రభుత్వం ప్రతిపాదించిన ముసాయిదా నిబంధనలు మాత్రమే. వీటిపై ప్రజలు, సంబంధిత వర్గాలు తమ అభిప్రాయాలను తెలియజేయడానికి 30 రోజుల సమయం ఇవ్వనున్నారు. ఆ తర్వాత ప్రభుత్వం తుది నిర్ణయం తీసుకుని అధికారిక గెజిట్‌లో ప్రచురించినప్పుడు నిబంధనలు అమల్లోకి వస్తాయి. కాబట్టి లెర్నర్స్‌ లైసెన్స్‌ కోసం దరఖాస్తు చేసుకోవాలనుకునేవారు ప్రస్తుత నిబంధనలనే పాటించాలి. కొత్త మార్పులు ఖరారైన తర్వాత పరీక్షలో ఉత్తీర్ణత మార్కులు, అవసరమైన పత్రాలు, ఇతర సేవలకు సంబంధించిన పూర్తి వివరాలపై స్పష్టత రానుంది.ఇదీ చదవండి: వెండి ధరల్లో కలకలం.. కొనేవారికి బిగ్‌ అప్‌డేట్‌!


 ► రిజిస్ట్రేషన్ల శాఖ ప్రతిపాదనలను తిరస్కరించిన సర్కారు
 ► సవరిస్తే ఏటా రూ.400 కోట్ల ఆదాయం పెరుగుతుందన్న కమిషనర్‌
 ► నోట్ల రద్దు నుంచి రియల్‌ఎస్టేట్‌ ఇంకా కోలుకోలేదన్న స్పెషల్‌ సీఎస్‌  
 
 సాక్షి, హైదరాబాద్‌: రాష్ట్రవ్యాప్తంగా భూము లు, భవనాల మార్కెట్‌ విలువల పెంపునకు సర్కారు విముఖత వ్యక్తం చేసింది. దీంతో వచ్చే ఆర్థిక సంవత్సరంలో కూడా ప్రస్తుత విలువలే కొనసాగనున్నాయి. వాస్తవానికి నాలుగేళ్లుగా మార్కెట్‌ విలువలను ప్రభుత్వం సవరించకపోవడంతో రిజిస్ట్రేషన్ల శాఖకు ఆశించిన మేర రాబడి లభించడం లేదు. ఏటా ఈ శాఖ ఆదాయ లక్ష్యాన్ని పెంచుకుంటూ పోతున్నా.. మార్కెట్‌ విలువలను సవరించ కపోవడంతో ఆ లక్ష్యాన్ని చేరుకోలేకపోతున్నా రు. 2016–17లోనైనా మార్కెట్‌ విలువలను సవరించాలని రిజిస్ట్రేషన్ల శాఖ కమిషనర్‌ అహ్మద్‌ నదీమ్‌ గతేడాది ఏప్రిల్‌లోనే ప్రభు త్వానికి ప్రతిపాదనలు పంపారు. ఆలస్యంగా స్పందించిన సర్కారు.. అది సరైన సమయం కాదంటూ ఆ ప్రతిపాదనలను పక్కన పెట్టిం ది.కొద్ది రోజుల్లో 2016–17 ఆర్థిక సంవత్సరం ముగిసిపోనుంది. ఇక ప్రభుత్వ తాజా నిర్ణ యంతో వచ్చే ఆర్థిక సంవత్సరంలో కూడా భూములు, భవనాల మార్కెట్‌ విలువలు పెరిగే అవకాశం ఉండకపోవచ్చని రిజిస్ట్రేషన్‌ శాఖ వర్గాలు చెబుతున్నాయి.
 
 ఆదాయానికి గండి: ఏపీ మార్కెట్‌ విలువ సవరణ నిబంధనలు, మార్గదర్శకాలు–1998 మేరకు ఏటా భూములు, భవనాల మార్కెట్‌ విలువలను రిజిస్ట్రేషన్ల శాఖ సవరించాల్సి ఉంది. ఒక ఏడాది పట్టణ ప్రాంతాల్లో, మరుసటి ఏడాది గ్రామీణ ప్రాంతాల్లో మార్కెట్‌ విలువలను సవరించాలి. ఏటా ఏప్రిల్‌లో మార్కెట్‌ విలువల పెంపు కసరత్తు ప్రారంభించి.. ఆగస్టు 1 నుంచి సవరణ ప్రతిపాదనలను అమలు చేయాల్సి ఉంటుంది. బహిరంగ మార్కెట్‌లో ధరలను అనుసరించి రిజిస్ట్రేషన్‌ విలువలను సమీక్షిస్తారు. అయితే ఉమ్మడి రాష్ట్రంలో 2013లో చివరిసారిగా భూములు, భవనాల మార్కెట్‌ విలువలను సవరించారు. ఆ తర్వాతగానీ, రాష్ట్రం ఏర్పాటయ్యాకగానీ సవరణ చేపట్టలేదు. గత మూడేళ్లుగా రిజిస్ట్రేషన్‌ శాఖ విలువల సవరణ ప్రతిపాదనలను సమర్పిస్తున్నా.. ప్రభుత్వం నుంచి సానుకూలత వ్యక్తం కాలేదు.
 
 సవరిస్తే రూ.400 కోట్ల ఆదాయం
 రాష్ట్ర ఏర్పాటు అనంతరం అన్ని జిల్లాల్లో రియల్‌ ఎస్టేట్‌ క్రమేపీ పుంజుకుంటోందని.. పట్టణ, గ్రామీణ ప్రాంతాల్లో భూములు, భవనాల మార్కెట్‌ విలువలను సవరించేందుకు అనుమతించాలని రిజిస్ట్రేషన్ల శాఖ కమిషనర్‌ అహ్మద్‌ నదీమ్‌ గత ఏప్రిల్‌లోనే ప్రభుత్వానికి ప్రతిపాదించారు. సవరణ జరిపితే ఏటా రూ.400 కోట్లకు పైగా రాబడి పెరుగుతుందని పేర్కొన్నారు. అయితే రాష్ట్రంలో భూములు, భవనాల మార్కెట్‌ విలువలు పెంచేందుకు ఇది సరైన సమయం కాదని రెవెన్యూ (రిజిస్ట్రేషన్లు) శాఖ ప్రత్యేక ప్రధాన కార్యదర్శి బీఆర్‌ మీనా రిజిస్ట్రేషన్ల శాఖకు పంపిన ఉత్తర్వుల్లో పేర్కొన్నారు. 2014, 2015 సంవత్సరాల్లో మార్కెట్‌ విలువలను పెంచేందుకు సరైన కారణాలు లేవని.. ఇటీవల వృద్ధిరేటు తక్కువగా ఉండడం, పెద్ద నోట్ల రద్దు ప్రభావంతో రిజిస్ట్రేషన్ల రాబడి తగ్గిందని స్పష్టం చేశారు. రాబోయే రోజుల్లో రియల్‌ ఎస్టేట్‌ రంగం పుంజుకునే అవకాశముందని, ఈ పరిస్థితుల్లో మార్కెట్‌ విలువల సవరణ సరికాదని సూచించారు.


 భారత రాష్ట్రపతి, ఉపరాష్ట్రపతుల జీతం త్వరలోనే దాదాపు మూడురెట్ల వరకు పెరగనుంది. ఈ మేరకు కేంద్ర హోం మంత్రిత్వ శాఖ ప్రతిపాదనలు రూపొందించింది. ప్రస్తుతం రాష్ట్రపతి జీతం దేశంలో అత్యున్నత అధికారి అయిన కేబినెట్ కార్యదర్శి జీతం కంటే కూడా లక్ష రూపాయలు తక్కువగా ఉంది. దీనిపై ఏడో వేతన సంఘం కొన్ని సిఫార్సులు చేసింది. వాటికి అనుగుణంగానే హోం శాఖ ప్రతిపాదనలు రూపొందించింది. ఈ ప్రతిపాదనలను కేంద్ర మంత్రివర్గం ఆమోదించాల్సి ఉంటుంది. ప్రస్తుతం రాష్ట్రపతికి నెలకు రూ. 1.5 లక్షలు, ఉప రాష్ట్రపతికి రూ. 1.25 లక్షలు, గవర్నర్లకు రూ. 1.10 లక్షల చొప్పున జీతం ఉంది. 
  
 హోంశాఖ ప్రతిపాదనల ప్రకారం రాష్ట్రపతి జీతం రూ. 5 లక్షలు, ఉపరాష్ట్రపతి జీతం రూ. 3.5 లక్షలు అవుతాయని అంటున్నారు. ఏడో వేతన సంఘం సిఫార్సులు అమలుచేసిన తర్వాత కేబినెట్ కార్యదర్శి జీతం నెలకు రూ. 2.5 లక్షలు అయింది. కేంద్ర ప్రభుత్వంలో కార్యదర్శి జీతం కూడా రూ. 2.25 లక్షలు అయింది. ఇప్పుడు కేబినెట్ ఆమోదం పొందిన తర్వాత పార్లమెంటు శీతాకాల సమావేశాల్లో రాష్ట్రపతి, ఇతరుల జీతాల పెంపు ప్రతిపాదనలను ప్రవేశపెడతారు. చిట్టచివరిసారిగా 2008 సంవత్సరంలో రాష్ట్రపతి, ఉపరాష్ట్రపతి, గవర్నర్ల జీతాలు పెంచారు. అప్పటివరకు రాష్ట్రపతి జీతం రూ. 50వేలు, ఉపరాష్ట్రపతికి రూ. 40వేలు, గవర్నర్‌కు రూ. 36వేల చొప్పున జీతాలు ఉండేవి. జీతాల పెంపుతో పాటు మాజీ రాష్ట్రపతులు, దివంగత రాష్ట్రపతుల భార్యలు తదితరుల పింఛన్లను కూడా పెంచాలని ప్రతిపాదించారు.