Germany scientists

మూలిగే నక్కపై తాటిపండు పడనుందా? ఇప్పటికే భూగోళమంతటినీ శరవేగంగా వినాశనం వైపు నెడుతున్న గ్లోబల్‌ వార్మింగ్‌ అతి త్వరలో ప్రపంచ ఆహార భద్రతను కూడా మరింతగా దెబ్బతీయబోతోందా? వాతావరణంలో నానాటికీ పెరిగిపోతున్న కార్బన్‌ డయాక్సైడ్‌ (సీఓటూ)తో అత్యధిక దేశాల్లో ప్రధాన ఆహార ధాన్యమైన గోధుమ దిగుబడితో పాటు నాణ్యత కూడా బాగా తగ్గనుందా? అలాంటి ప్రమాదం నిజంగానే పొంచి ఉందని హెచ్చరిస్తోంది తాజా అధ్యయనం ఒకటి!అదే గనక జరిగితే ప్రపంచ ఆహార భద్రత కాస్తా పరిస్థితి పెనం నుంచి పొయ్యిలోకి జారడం ఖాయమనే ఆందోళనలు వ్యక్తమవుతున్నాయి...! ఎల్‌ నినో దెబ్బకు అసలే ప్రపంచమంతా అతలాకుతలమైపోతోంది. ఆహారోత్పత్తి గణనీయంగా పడిపోయి అన్ని దేశాలనూ అమితంగా కలవరపెడుతోంది. యూరప్‌వ్యాప్తంగా కొద్ది రోజులుగా ఊపందుకుంటున్న జనాందోళనలకు తిండి గింజల కొరత కూడా ఓ ప్రధాన కారణంగా మారింది.ఇలాంటి పరిస్థితుల్లో మ్యూనిక్‌ (జర్మనీ)లోని లెబ్నిజ్‌ ఇన్‌స్టిట్యూట్‌ ఫర్‌ టెక్నికల్‌ యూనివర్సిటీకి చెందిన పరిశోధకుల బృందం మరో బాంబు పేల్చింది. వాతావరణంలో నానాటికీ పెరిగిపోతున్న సీఓటూ గోధుమల్లోని ప్రొటీన్‌ కూర్పును నేరుగా దెబ్బ తీయనుందని అది జరిపిన తాజా అధ్యయనం తేల్చింది! ‘‘దాంతో ఈ కారణంగా గోధుమల నాణ్యత విపరీతంగా తగ్గవచ్చు. ఫలితంగా బ్రెడ్‌తో పాటు గోధుమలతో తయారయ్యే అన్ని ఆహార పదార్థాల్లో పోషకాల స్థాయిలు కూడా బాగా పడిపోతాయి’’అని అధ్యయన బృంద సారథి సబ్రీనా గెస్లిట్జ్‌ ఆందోళన వెలిబుచ్చారు. ‘‘ప్రపంచవ్యాప్తంగా వాతావరణంలో సీఓటూ సాంద్రత ఇప్పటికే ప్రమాదకర వేగంతో పెరిగిపోతోంది. 1980ల్లో 340 పీపీఎం (పార్ట్స్‌ పర్‌ మిలియన్‌) ఉన్నది కాస్తా 2024 నాటికి 425 పీపీఎంకు పెరిగింది. కాలుష్యం, గ్లోబల్‌ వార్మింగ్‌ ఇలాగే కొనసాగితే 2050 కల్లా అది ఏకంగా 600 పీపీఎంకు చేరినా ఆశ్చర్యం లేదు. పెరుగుతున్న సీఓటూ స్థాయిలతో గోధుమపై పడే ప్రభావాన్ని మా బృందం లోతుగా అధ్యయనం చేసింది. ఎంచుకున్న పది గోధుమ రకాల్లో కొన్నింటిని బయటి వాతావరణంలో పండించాం. మరికొన్నింటిని కృత్రిమ పరిస్థితుల్లో 546 పీపీఎం సీఓటూ స్థాయిల్లో పండించి చూశాం. అలా పండిన గోధుమల్లో ప్రొటీన్‌ కూర్పు గణనీయంగా మార్పులకు లోనైంది. ఆరోగ్యానికి హానికరమైన అమైలేజ్, ట్రిప్సిన్‌ ఇన్హిబిటర్స్‌ తదితరాల స్థాయి పెరిగింది. ప్యూరోఇండోలైన్స్‌ వంటి ఆరోగ్యకరమైన గ్లూటెన్‌ ప్రొటీన్ల స్థాయి మాత్రం తగ్గింది’’అని ఆమె వివరించారు. ‘‘దీనివల్ల గోధుమను ప్రధాన ఆహారంగా తీసుకునే వారిలో రోగ నిరోధక శక్తి తగ్గిపోతుంది దాంతో దీర్ఘకాలంలో వారు నానా రకాల ఆరోగ్య సమస్యల బారిన పడవచ్చు’’అని లెబ్నిజ్‌ ఇన్‌స్టిట్యూట్‌లో ఫుడ్‌ బయోపాలిమర్‌ కెమిస్ట్రీ రీసెర్చ్‌ గ్రూప్‌ సారథి క్యాథరినా షెర్ఫ్‌ ఆందోళన వెలిబుచ్చారు. ఈ అధ్యయన ఫలితాలు ప్రఖ్యాత ‘జర్నల్‌ ఫుడ్‌ కెమిస్ట్రీ’లో ప్రచురితమయ్యాయి.ఇదీ చదవండి: డబ్బున్నోళ్లకే గుండె జబ్బుల ముప్పు!

న్యూఢిల్లీ: ఈ ఏడాది ప్రధాని మోదీ మొట్టమొదటి విదేశీ పర్యటన ఖరారైంది. ఈనెల 2 నుంచి 4వ తేదీ వరకు ప్రధాని జర్మనీ, ఫ్రాన్సు, డెన్మార్క్‌లను సందర్శించనున్నారని శనివారం ప్రభుత్వ వర్గాలు వెల్లడించాయి. ఉక్రెయిన్‌ సంక్షోభం విషయంలో యూరప్‌ దేశాలు రష్యాకు వ్యతిరేకంగా ఏకమైన నేపథ్యంలో జరుగుతున్న ప్రధాని పర్యటన ప్రాధాన్యం సంతరించుకుంది.  ఏడు దేశాలకు చెందిన 8 మంది నేతలతో ద్వైపాక్షిక, బహుళపాక్షిక చర్చలు జరుపుతారు.  మొదటగా జర్మనీకి, తర్వాత డెన్మార్క్‌కు వెళ్లనున్న ప్రధాని తిరుగు ప్రయాణంలో పారిస్‌లో కొద్దిసేపు ఆగి, అధ్యక్షుడు మాక్రాన్‌తో భేటీ అవుతారు.

బెర్లిన్‌: నిద్రలేమి సమస్యలకు చెక్‌ పెట్టేందుకు జర్మనీ శాస్త్రవేత్తలు ఓ కొత్త పరికరాన్ని రూపొందించారు. దీన్ని ఉపయోగించడం వల్ల మనకు నాణ్యమైన నిద్ర ఎంతవరకు అందింది, ఇంకా ఎంత నిద్ర అవసరమో సూచిస్తుంది. ఆక్టిమీటర్‌గా పిలిచే ఈ పరికరాన్ని చేతికి గడియారంలా ధరించాల్సి ఉంటుంది. లుడ్విగ్‌ మాక్సిమిలియన్‌ వర్సి టీ ఆఫ్‌ మునిచ్‌ (ఎల్‌ఎంయూ)కి చెందిన శాస్త్రవేత్తలు దీన్ని తయారుచేశారు. ఈ ఆక్టిమీటర్‌ లేచినప్పటి నుంచి విశ్రాంతి తీసుకున్న సమయం, యాక్టివ్‌గా పనిచేస్తున్న సమయం మొత్తాన్ని పరిగణనలోకి తీసుకుంటుంది. 3 నెలల కాలానికి సరిపడా డాటాను భద్రపరుస్తుంది. 8 నుంచి 92 ఏళ్ల వయసు గల 574 మందిపై  ఆక్టిమీటర్‌ అమర్చి..నిద్ర నమూనాలు సేకరించి శాస్త్రవేత్తలు పరిశోధించారు.  


 హైడ్రోజన్‌.. భవిష్యత్తులో మానవాళిని నడిపే ఇంధనం. ప్రస్తుతానికి నీటి అణువులో దాగి ఉన్న ఈ మరేదాని నుంచైనా ఉత్పత్తి చేయగలిగితే.. మన ఇంధన అవసరాలు తీరినట్టే. దీనిపై దృష్టిసారించిన జర్మనీ శాస్త్రవేత్తలు సూర్యకాంతి నుంచి హైడ్రోజన్‌ను ఉత్పత్తి చేయడంపై దృష్టిసారించారు. ఒకవేళ ఇది సాధ్యమైతే సూర్యుడి నుంచి వెలువడే అపార కాంతిని హైడ్రోజన్‌గా మార్చి, పర్యావరణ అనుకూల ఇంధనంగా వినియోగించుకోవచ్చు. ఇందుకోసం ఏకంగా ఓ కృత్రిమ సూర్యుడినే తయారు చేశారు. వివరాల్లోకెళ్తే...
 
 సిన్‌లైట్‌ టెస్ట్‌..: పర్యావరణ అనుకూల ఇంధన ఉత్పత్తికి దోహదపడేలా కాంతిని ఉపయోగించే పరీక్షను జర్మనీ శాస్త్రజ్ఞులు గురువారం చేపట్టారు. ఒకే ఫ్రేములో 149 స్పాట్‌లైట్లను అమర్చి వాటిని గురువారం స్విచాన్‌ చేసి పరీక్షించారు. ఈ 149 లైట్ల ఫ్రేమును అధికారికంగా ‘సిన్‌లైట్‌’అని పిలుస్తారు. అలాగే ప్రపంచపు అతిపెద్ద కృత్రిమ సూర్యుడిగా దీనిని వ్యవహరిస్తున్నారు. జర్మనీలోని జ్యూలిచ్‌లో జర్మన్‌ ఏరోస్పేస్‌ సెంటర్‌ శాస్త్రవేత్తలు ఈ పరీక్షను నిర్వహించారు.
 
 అసాధారణ ఉష్ణోగ్రత..: 149 లైట్ల కాంతిని కేవలం 20 చదరపు సెంటీమీటర్లున్న ఒక ప్రదేశంపైకి ప్రసరించేలా ఏర్పాటు చేశారు. అప్పుడు ఆ ప్రదేశం సాధారణం కన్నా పదివేల రెట్ల ఎక్కువ రేడియేష న్‌తో వెలిగిపోయింది. అక్కడ దాదాపు 3 వేల డిగ్రీ సెల్సియస్‌ దాకా ఉష్ణోగ్రతలు ఉండేలా చూసి హైడ్రోజన్‌ ఉత్పత్తి చేయడానికి కొత్త మార్గాలను శాస్త్రవేత్తలు కనుగొంటున్నారు.
 
 కర్బన ఉద్గారాలు లేని ఇంధనం..: హైడ్రోజన్‌ మండినప్పుడు కర్బన ఉద్గారాలు వెలువడవు. తద్వారా గ్లోబల్‌ వార్మింగ్‌కు హైడ్రోజన్‌ కారణమవ్వదు. అందువల్ల దానిని భవిష్యత్తు ఇంధనంగా చాలా మంది భావిస్తున్నారు. కానీ హైడ్రోజన్‌ సహజంగా ప్రకృతిలో దొరకదు. నీటి నుంచి విడదీయాలి. దీనికి పెద్దమొత్తంలో విద్యుత్తు అవసరం. అంత విద్యుత్తు వాడకుండా సూర్యకాంతితో హైడ్రజోజన్‌ను ఉత్పత్తి చేసేందుకు శాస్త్రవేత్తలు ప్రయత్నిస్తున్నారు. అందులో భాగంగానే ఈ పరీక్షను నిర్వహించారు.