న్యూఢిల్లీ : జర్మనీ లగ్జరీ కార్ల తయారీ సంస్థ బీఎండబ్ల్యూ తన ప్రీమియం కాంపాక్ట్ కారు ‘మినీ కంట్రీమ్యాన్’లో కొత్త అప్‌డేటెడ్ వెర్షన్‌ను మార్కెట్‌లోకి విడుదల చేసింది. దీని ధర రూ. 36 లక్షలు (ఎక్స్ షోరూం ఢిల్లీ). ఈ లగ్జరీ కాంపాక్ట్ కారులో ఆరు ఎయిర్ బ్యాగ్స్, డైనమిక్ ట్రాక్షన్ కంట్రోల్, యాంటీ-లాక్ బ్రేకింగ్ సిస్టమ్, బ్రేక్ అసిస్ట్, ర న్-ఫ్లాట్ ఇండికేటర్ వంటి త దితర ప్రత్యేకతలు ఉన్నాయి. ఈ కార్లు బుధవారం నుంచి కంప్లీట్లీ బిల్ట్-అప్ (సీబీయూ) రూపంలో మినీ డీలర్‌షిప్స్ వద్ద వినియోగదారులకు అందుబాటులో ఉన్నాయని కంపెనీ పేర్కొంది. 2012లో ప్రారంభమైన మినీ మోడల్‌లో ప్రస్తుతం మినీ-3 డోర్, మినీ-5 డోర్, మినీ కన్వర్టబుల్, మినీ కంట్రీమ్యాన్ అనే నాలుగు వేరియంట్లు ఉన్నాయి.


 తమ సంస్థకు చెందిన వివిధ మోడల్స్ పై 5 శాతం ధరను పెంచనున్నట్టు జర్మనీ కార్ల ఉత్పత్తి సంస్థ ఆడీ ఓ ప్రకటనలో తెలిపింది. పలు ఆర్ధికపరమైన కారకాలు వ్యాపారంపై ఒత్తిడి పెంచాయని, దాంతో ధరను పెంచక తప్పడం లేదని ఆడి ఇండియా విభాగం ఇంచార్జి జో కింగ్ తెలిపారు.  ధరల పెరుగుదలతో కార్ల అమ్మకాలపై కొంత ప్రభావం చూపుతుంది అని కింగ్ అన్నారు. అంతేకాక వినియోగదారులను ఆకర్షించడానికి ఆడి ఫైనాన్స్  నుంచి సులభతరమైన ఆప్షన్లను ఇవ్వనున్నట్టు వెల్లడించారు. 
  
 ఆడి సంస్థ సెడాన్స్ A4, A6, A8, S4, S6, ఎస్ యూ వీఎస్ Q3, Q5, Q7, స్పోర్ట్స్ కార్లు R8, V8, R8 స్పైడర్ మోడల్స్ ను 27.93 లక్షల నుంచి 2.14 కోట్ల ధరతో మార్కెట్లో అందుబాటులో ఉన్నాయి. ప్రతికూల పరిస్థుతుల్లో కూడా ఆడి కంపెనీ ఉత్పత్తులకు మంచి డిమాండ్ ఉంది అని సంస్థ మేనేజర్ తెలిపారు. జనవరి-అక్టోబర్ మధ్య కాలంలో 8393 యూనిట్ల అమ్మకాలు జరిగాయని తెలిపారు. ఈ మధ్యకాలంలోనే బీఎమ్ డబ్ల్యూ కార్ల సంస్థ కూడా భారత్ లో పది శాతం మేరకు ధరలను పెంచింది.