ఆ ఇద్దరిదీ ఒకే కాలేజ్. ముందుగా చూపులూ, ఆ తర్వాత మనసులూ కలిశాయి. అనంతరం ఏం జరిగింది? కాలేజీలో సీనియర్స్, జూనియర్స్ మధ్య ఏం జరుగుతోంది? అనే కథతో రూపొందిన చిత్రం ‘సింపుల్ లవ్‌స్టోరి’. రవివర్మ దర్శకత్వంలో గాయత్రీ సినీ క్రియేషన్స్ పతాకంపై కుండలి పాండురంగమ్, మద్దెల అనిల్‌కుమార్ ఈ చిత్రాన్ని నిర్మించారు. నిర్మాతలు మాట్లాడుతూ - ‘‘యూత్‌ఫుల్ ఎంటర్‌టైనర్ ఇది. డిసెంబర్‌లో చిత్రాన్ని విడుదల చేసేందుకు సన్నాహాలు చేస్తున్నాం’’ అని చెప్పారు. కార్తీక్, నరేష్, కార్తికేయ, కిరణ్, అమితారావు, సమలీ శర్మ తదితరులు ఇందులో ముఖ్యతారలు.