Consideration

స్థిరాస్తుల క్రయవిక్రయాలలో ప్రతిఫలం అంటే Sale Consideration విషయంలో ఇరు పక్షాల వారు ఎన్నెన్నో తప్పులు చేయడం. అధికారులు నోటీసులు ఇవ్వడం.. అప్పుడు అటూ ఇటూ పరుగెత్తడం అలవాటై పోయింది. పదిమందికి పరిపాటయిపోయింది. ఇలా తప్పులు చేయడం వల్ల 1961 చట్టం ప్రకారం 50సి, 68, 69ఎ లను అనుసరించి నోటీసులు వస్తాయి. ప్రతిఫలాన్ని చూపించకపోవడం: కొందరు ‘మహానుభావులు’ ఎవరో చెప్పిన మాటలు విని అసలు ఈ మొత్తం వ్యవహారాన్ని ఎవరికీ చెప్పకుండా దాటవేస్తుంటారు. ‘తాతగారిచ్చారు’, ‘నాన్నగారు ఇచ్చారు’, ‘మావగారిచ్చారు’, ‘పెద్దలు కష్టపడి కొన్నారు’ అంటూ కాకమ్మ కబుర్లు చెబుతూ, ‘నేనేందుకు కట్టాలి’ అనే పిడివాదన కొందరిది.తక్కువగా చూపించడం: మరికొందరు కాస్త నయం. తాము ఎంత పుచ్చుకున్నా అందులో కొంత భాగం, వైట్‌గా చూపించి, కొంత బ్లాక్‌గా అట్టే పెట్టుకుని తనను మించిన వారు ఈ ప్రపంచంలో లేరనుకుంటూ, చట్టాన్ని పరిహాసం చేస్తుంటారు.చదరంగంలో ఎత్తులు కొందరివి: మొత్తం వ్యవహారాన్ని ముగించి, ఎంత అయితే, సబ్‌రిజిస్ట్రార్‌ కార్యాలయం వారు మార్కెట్‌ విలువ అని నిర్ధారిస్తారో, అంత మేరకు ఒప్పందంలో చూపిస్తారు. డీడ్, ప్రతిఫలం, బ్యాంకులు జమలు మిగతావన్నీ గోవిందా. ఏనుగులాగా ఒక పద్ధతి ప్రకారం లైన్‌లో వెళ్లేవాళ్లు పది మంది ఉంటే, శకటంలాగా వంకరగా వెళ్లే వాళ్లు వంద మంది. కొంత మందిదైతే గుర్రపుటెత్తు. ఎటైనా అడుగు వేస్తారు.నగదు పరిమితులు.. కానీ మతులే ఉండవు: రూ. 20,000కు మించి నగదు పుచ్చుకోకూడదు కానీ లక్షలు, కోట్లు కూడా తీసుకుంటున్నారు. నగదుని బ్యాంకు ఖాతాల్లో జమ చేయడం: ఆ బ్లాక్‌గా వచ్చిన నగదును ఇంట్లో ఉంచుకోవాలంటే దొంగల భయం. అందుకని, స్వయంగా ఏ అకౌంటులో వైట్‌ని జమ చేశారో అందులోనే జమ చేయడం మరో వ్యవహారం. కొందరు ఆ బ్లాక్‌ని తనకే చెందిన వివిధ అకౌంట్లలో స్వయంగా జమ చేసుకోవడం గమనార్హం. ఇక మరికొందరు, కొనుగోలుదారు చేత తమ ఖాతాల్లో జమ చేయిస్తుంటారు. ఈ తప్పుని సమర్ధించుకుంటూ ‘‘ఈ డిపాజిట్‌ నేను చేసినది కాదు’’ అని చెప్పడం. నగదును ఎఫ్‌డీలలో వేయడం. నగదును మ్యుచువల్‌ ఫండ్స్‌లో డిపాజిట్‌ చేయడం. నగదుతో తులాలు తులాలు బంగారాన్ని కొనడం. ఒక లాజిక్‌ వినండి. బ్లాక్‌ని తీసుకెళ్లి మీ అంతట మీరే వైట్‌ చేసుకుంటున్నారు. కొంత మంది అతి తెలివైన వాళ్లు, కుటుంబంలోని ఇతర సభ్యుల బ్యాంకు అకౌంట్లలో డిపాజిట్‌ చేసి, అది కూడా రూ. 10,00,000 దాటకుండా చేసి, మురిసిపోతున్నారు. మరిచిపోతున్నారు.టీడీఎస్‌ పట్టించుకోకపోవడం ప్రతిఫలం రూ. 50,00,000 దాటినా టీడీఎస్‌ రికవరీ చేయకుండా కొందరు అమ్మేస్తున్నారు. ఇంకొందరు ప్రతిఫలం రూ. 50,00,000 లోపలే ఉండేలా స్థిరాస్తిని రెండు దఫాలుగా అమ్ముతున్నారు. టీడీఎస్‌ నిబంధనను తప్పించుకోవడానికి రూ. 50,00,000 లోపే ప్రతిఫలం ఉండేలా రాసుకోవడం మరో ఎత్తు. ఇందుకోసం కొన్ని సేల్‌ డీడ్‌లు రూ. 49,00,000.. బాటా కంపెనీలో చెప్పుల రేట్లలా ఉండేలా చూసుకుంటున్నారు.తప్పు సంవత్సరంలో లెక్కలు మార్చిలో అగ్రిమెంటు కుదుర్చుకుంటే డబ్బు ఏప్రిల్‌లో వస్తుంది. ఆ తర్వాత రిజి్రస్టేషన్‌. దీనితో తికమక. తప్పుడు సంవత్సరంలో లెక్కలు చూపించడం.మిస్‌–మ్యాచ్‌ సేల్‌ డీడ్‌లో రూ. 80 లక్షలు. రిటర్నులో రూ. 60 లక్షలు.. బ్యాంకు అకౌంట్లలో జమలు వేరు. ఆ వ్యవహారాలు జరిగిన వారం రోజు అటూ, ఇటూ కుటుంబ సభ్యుల అకౌంట్లు పరిశీలిస్తే ప్రకంపనలు. ఒక్క ప్రతిఫలం .. మూడు లెక్కలు హైదరాబాద్‌ శివార్లలో భూమి విక్రయం వివరాలు.. అసలు ప్రతిఫలం రూ. 1 కోటి 20 లక్షలు. కాని బ్యాంకులో జమ అయినది రూ. 70 లక్షలు ..మిగతా రూ. 50 లక్షలు నగదు. కానీ సబ్‌ రిజిస్ట్రార్‌ కార్యాలయంలో సేల్‌ డీడ్‌లో రూ. 18 లక్షలే. ఈ విషయాలు తెలిస్తే డిపార్టుమెంటు వారు మూడో కన్ను తెరుస్తారు.బ్లాక్‌ నుంచి రీఇన్వెస్ట్‌మెంట్‌ బ్లాక్‌లో వచ్చిన మొత్తంతో రాతపూర్వకంగా అంటే.. వైట్‌గా మరో ఇల్లు కొనడం. క్యాపిటల్‌ గెయిన్‌ స్కీమ్‌లో వేయడం, బాండ్లు కొనడంలాంటివి చేస్తుంటారు. జాగ్రత్త వహించాలి. ప్రతిఫలానికి ఒకటే దారుంది సుమీ!

కొలిమిగుండ్ల: నాపరాతి గనుల యజమానులపై మరో పిడుగు పడింది. ఇప్పటికే నష్టాల్లో కూరుకు­పోయిన పరిశ్రమపై మళ్లీ కూటమి ప్రభుత్వం మరో బాదుడుకు రంగం సిద్ధం చేసింది. పెండింగ్‌లో ఉన్న కన్సిడరేషన్‌ ఫీజు బకాయిలు చెల్లించాలని లీజుదారులకు ఆదేశాలు అందాయి. దీంతో మంగళవారం మైనింగ్‌ యజమానులు బందార్ల­పల్లె క్రాస్‌ రోడ్డులోని రాయల్టీ చెక్‌పోస్టు వద్ద నిర­సనకు దిగారు. ప్రభుత్వ ఆదేశాల మేరకు భూగర్భ గనుల శాఖ అధికారులు కన్సిడరేషన్‌ ఫీజు బకా­యిలు చెల్లించాలని ఆన్‌లైన్‌లో ఆదేశించడంతో మైనింగ్‌ యజమానులు షాక్‌ గురయ్యారు. ఒక్కో లీజుదారుడు రూ.20 లక్షలు మొదలుకొని రూ.60 లక్షల వరకు చెల్లించాలని ఆన్‌లైన్‌లో చూపిస్తుండటంతో కంగుతిన్నారు. గతంలో రాయల్టీలు (పర్మిట్లు) తీసుకున్న వారంతా బల్క్‌గా కేటాయించిన అమౌంట్‌ను 2025 జనవరి 10వ తేదీలోగా చెల్లించాలని డెడ్‌లైన్‌ విధించారు. లేదంటే పర్మిట్లు రద్దవుతాయని హెచ్చరికలు జారీ చేశారు. ఇకపై కన్సిడరేషన్‌ మొత్తాన్ని బల్క్‌గా కాకుండా ప్రతి పర్మిట్‌పై వసూలు చేసేందుకు రంగం సిద్ధమైంది.మైనింగ్‌ లీజుదారులు ఆన్‌లైన్‌లో రాయల్టీ పొందాలంటే డీఎంఎఫ్‌తో కలిసి రూ.482 చెల్లించేవారు. ఇకపై ప్రతి రాయల్టీపై కన్సిడరేషన్‌ మొత్తాన్ని సైతం చెల్లించాల్సి వస్తోంది. అంటే రాయల్టీపై యజమానులకు అదనపు భారం పడ­నుంది. లక్షలాది రూపాయలు జరిమానా రూపంలో డెడ్‌లైన్‌ విధించి మరీ చెల్లించాలనడంతో యజమానులు దిక్కుతోచని స్థితిలో కొట్టుమిట్టాడు­తున్నారు. బనగానపల్లె నియోజకవర్గంలో దాదాపు 1,150 హెక్టార్లలో మైనింగ్‌ జరుగుతుండగా.. 600 మందికిపై లీజుదారులు ఉన్నారు. ఈసీ, మైనింగ్‌ ప్లానింగ్‌ తదితర రికార్డులు ఉన్న లీజుదారులకు మాత్రమే రాయల్టీలు వస్తున్నాయి. మిగిలిన లీజుదారులకు కూటమి ప్రభుత్వం దాదాపు 3 నెలల నుంచి ఆన్‌లైన్‌ రాయల్టీలు విడుదల చేయకపోవడంతో చాలామంది యజమా­నులు తీవ్ర ఇబ్బందులు ఎదుర్కొంటున్నారు.ఆందోళనతో స్తంభించిన రవాణారాయల్టీ చెక్‌పోస్టు వద్ద మైనింగ్‌ యజమానులు ఆందోళనతో నాపరాళ్లను రవాణా చేసే ట్రాక్టర్లు, లారీలతో పాటు ఆర్టీసీ బస్సులు, కార్లు ఇతర వాహనాలు ఇరువైపులా భారీగా నిలిచిపోయాయి. గంటన్నర పాటు ఎక్కడి వాహనాలు అక్కడే ఉండిపోయాయి. ప్రయాణికులు తీవ్ర అవస్థలు పడ్డారు. విషయం తెలుసుకున్న సీఐ రమేష్‌బాబు రాయల్టీ చెక్‌పోస్టు వద్దకు చేరుకుని మైనింగ్‌ యజమానులతో చర్చించి నిలిచిపోయిన వాహనాలను పంపించారు. ధర్నాలో టీడీపీ నాయకులు పాల్గొని ప్రభుత్వ తీరుకు వ్యతిరేకంగా నినాదాలు చేయడం కొసమెరుపు.


 ఆత్మీయం
 
 మనం చేసిన ప్రతిపనికీ ప్రతిఫలం ఉంటుంది. మంచిపని చేస్తే సత్ఫలం, చెడుపని చేస్తే దుష్ఫలం లభిస్తుందనే మాటా అక్షర సత్యమే. అందుకే జీవకోటిలోనివాడైన మనిషి తాను చేసిన, చేస్తున్న పుణ్యపాపాలకు అనుగుణంగా మనిషిగా, జంతువుగా, కీటకంగా, చెట్టుగా ఇంకా ఎన్నెన్నో రూపాల్లో జన్మల్ని పొందుతాడని పురాణాలు చెబుతున్నాయి. ఎన్నో సుకృతాల ఫలితంగా మానవజన్మ లభిస్తుంది. ఇక కర్మల విషయానికొస్తే... మనిషి చేసే కర్మలు మూడు రకాలు. అంటే గతంలో చేసినవీ, ప్రస్తుతం చేస్తున్నవీ, రాబోయే కాలాల కోసం చేసేవి అన్నమాట.
 
 మనిషి గతంలో చేసిన పుణ్యపాపాలు ‘సంచిత’ కర్మలు. చేసిన పాపాలుగానీ, పుణ్యాలుగానీ పక్వమై అనుభవించడానికి సిద్ధంగా ఉంటే అవి ’ప్రారబ్ధ’ కర్మలు. పుణ్యం చేయడం, పాపం చేయడం అనేవి మనిషి విచక్షణకు సంబంధించిన అంశాలు. ఒక్కొక్కసారి మనిషి చెడుపనులను చేసి, ఆ తరవాత జ్ఞానోదయమై చేసిన తప్పును సరిదిద్దుకోవాలని చూస్తాడు. అయితే అంతమాత్రాన చేసిన పాపం వూరకేపోదు కదా... దానికి తగిన ఫలాన్ని అనుభవించవలసిందే. ఇదే ప్రారబ్ధం అంటే.
 
 రాబోయే కాలం కోసం మనిషి చేసే సత్కర్మలు ‘ఆగామి’ కర్మలు. అంటే ఇతరులకు చేసే దానధర్మాలు, ఉపకారాలు, త్యాగాలు వంటివన్నమాట. మనిషికి ఇవి ఆగామికాలంలో ఉపయోగపడతాయి. గత జన్మలూ, ఆగామి జన్మలూ ఉన్నాయని నమ్మినా, నమ్మకపోయినా నష్టం లేదు కానీ– మంచి పనులు చేయకుంటే మాత్రం అడుగడుగునా ఇక్కట్లు, ఇబ్బందులు ఎదురవుతాయనేది కాదనలేని కఠిన సత్యం. అందుకే ఎప్పుడూ మంచినే భావించాలి. మంచినే భాషించాలి. మంచినే ఆచరించాలి. మంచినే అనుసరించాలి.