న్యూఢిల్లీ: ఇంజనీరింగ్, వ్యవసాయం, ఫార్మా, ఎల్రక్టానిక్స్‌ ఉత్పత్తులు దేశ ఎగుమతుల్లో గణనీయమైన వాటా ఆక్రమిస్తున్నాయి. 2024–25లో నమోదైన మొత్తం ఎగుమతుల్లో ఈ రంగాల వాటాయే 50 శాతంగా ఉన్నట్టు కేంద్ర వాణిజ్య శాఖ గణాంకాలు తెలియజేస్తున్నాయి. ముఖ్యంగా 26.67 శాతం వాటాతో ఇంజనీరింగ్‌ ఉత్పత్తులు ముఖ్య పాత్ర పోషిస్తున్నాయి. ఆ తర్వాత 11.85 శాతం ఎగుమతులు వ్యవసాయ రంగం నుంచి నమోదవగా.. ఫార్మా 6.96 శాతం, ఎల్రక్టానిక్స్‌ ఉత్పత్తుల ఎగుమతులు 8.82 శాతం చొప్పున ఉన్నాయి. గత ఆర్థిక సంవత్సరం ఎగుమతుల్లో అత్యధికంగా ఎల్రక్టానిక్స్‌ నుంచి 32.46 శాతం మేర వృద్ధి నమోదైంది. 2023–24లో 29.12 బిలియన్‌ డాలర్ల విలువైన ఎలక్ట్రానిక్స్‌ ఎగుమతులు జరగ్గా.. 2024–25లో 38.58 బిలియన్‌ డాలర్లకు పెరిగాయి. 2021–22లో ఇవే ఎలక్ట్రానిక్స్‌ ఎగుమతులు 15.7 బిలియన్‌ డాలర్లతో పోల్చి చూస్తే మూడేళ్లలో 130 శాతం వరకు వృద్ధి చెందాయి. ఎల్రక్టానిక్స్‌ ఎగుమతుల్లో కంప్యూటర్‌ హార్డ్‌వేర్, పెరిఫెరల్స్‌ వాటా 3.8 శాతంగా ఉన్నాయి. మూడేళ్లలో 101 శాతం పెరిగాయి. యూఏఈ, అమెరికా, నెదర్లాండ్స్, బ్రిటన్, ఇటలీ భారత ఎల్రక్టానిక్స్‌ ఉత్పత్తుల ఎగుమతులకు ప్రధాన కేంద్రాలుగా ఉన్నాయి. ఇంజనీరింగ్‌ ఎగుమతులు 117 బిలియన్‌ డాలర్లు ఇంజనీరింగ్‌ ఉత్పత్తుల ఎగుమతులు 2023–24తో పోల్చి చూస్తే 2024–25లో 6.74 శాతం పెరిగి 117 బిలియన్‌ డాలర్లుగా ఉన్నాయి. ఇంజనీరింగ్‌ ఎగుమతులకు అమెరికా, యూఏఈ, సౌదీ అరేబియా, బ్రిటన్, జర్మనీ కీలక మార్కెట్లుగా ఉన్నాయి. 2014–15 నుంచి 2020–21 వరకు దేశ ఇంజనీరింగ్‌ ఎగుమతులు 73–83 బిలియన్‌ డాలర్ల మధ్య ఉండగా.. 2021–22లో 112 బిలియన్‌ డాలర్లకు పెరిగాయి. అప్పటి నుంచి ఇవి ఏటా 100 బిలియన్‌ డాలర్లకు పైనే ఉంటున్నాయి. ఔషధాల ఎగుమతులు గత ఆర్థిక సంవత్సరంలో 9.4% పెరిగి 30.47 బిలియన్‌ డాలర్లకు చేరగా, వ్యవసాయం, దాని అనుబంధ రంగాల ఉత్పత్తుల ఎగుమతులు 7.36% పెరిగి 52 బిలియన్‌ డాలర్లుగా ఉన్నాయి. 200 దేశాలకు ఫార్మా ఎగుమతులు భారత్‌ నుంచి 200 దేశాలకు ఔషధాల ఎగుమతులు జరుగుతున్నట్టు వాణిజ్య శాఖ డేటా తెలిజేస్తోంది. ముఖ్యంగా 2014–15 నుంచి ఫార్మా ఎగుమతులు ఏటేటా పెరుగుతూ వెళుతున్నాయి. వ్యవసాయ రంగం నుంచి మసాలా దినుసులు, కాఫీ, టీ, పొగాకు, బియ్యం, పండ్లు, కూరగాయాలు, సముద్ర ఉత్పత్తుల్లో సానుకూల వృద్ధి నమోదైంది. దినుసుల ఎగుమతులు 4.45 బిలియన్‌ డాలర్లుగా ఉన్నాయి. చైనా, అమెరికా, యూఏఈ, బంగ్లాదేశ్, థాయిలాండ్‌ మసాలా దినుసులను ఎక్కువగా దిగుమతి చేసుకున్నాయి. మిరప, పసుపు, అల్లం, జీలకర్ర ఎగుమతులు ప్రధానంగా ఉన్నాయి. కాఫీ ఎగుమతుల్లో మెరుగైన వృద్ధి కాఫీ ఎగుమతులు 1.81 బిలియన్‌ డాలర్లకు పెరిగాయి. 2023–24లో కాఫీ ఎగుమతులు 1.29 బిలియన్‌ డాలర్లుగా ఉండడం గమనార్హం. కాఫీ ఉత్పత్తిలో భారత్‌ ప్రపంచంలో ఏడో స్థానంలో ఉంది. ఇటలీ, రష్యా, జర్మనీ, యూఏఈ, బెల్జియం, యూఎస్‌కు రొబుస్టా కాఫీ ఎక్కువగా ఎగుమతి అయింది. దేశీయంగా కాఫీ ఉత్పత్తిలో కర్ణాటక మొదటి స్థానంలో ఉంటే, కేరళ రెండో స్థానంలో ఉంది. ఈ రాష్ట్రాలకు చెందిన కొన్ని రకాల కాఫీలకు భౌగోళిక గుర్తింపు (జీఐ) ఉండడం సానుకూలిస్తోంది. ఇక తేయాకు ఎగుమతులు గత ఆర్థిక సంవత్సరంలో 0.92 బిలియన్‌ డాలర్లుగా ఉన్నాయి. అసోం, పశ్చిమబెంగాల్, తమిళనాడు, కేరళ రాష్ట్రాలు తేయాకు తయారీలో 81 శాతం వాటా కలిగి ఉన్నాయి. పొగాకు ఉత్పత్తులు 2 బిలియన్‌ డాలర్లు 2024–25 సంవత్సరం ఎగుమతుల్లో పొగాకు ఉత్పత్తులు 1.98 బిలియన్‌ డాలర్లుగా ఉన్నాయి. 2023–24లో నమోదైన 1.45 బిలియన్‌ డాలర్లతో పోల్చితే మెరుగైన వృద్ధి కనిపించింది. ప్రపంచంలో పొగాకు ఉత్పత్తి పరంగా భారత్‌ రెండో అతిపెద్ద దేశంగా ఉంది. ప్రధానంగా యూఏఈ, బెల్జియం, ఇండోనేషియా, ఈజిప్ట్, యూఎస్‌ఏ, టరీ్కకి పొగాకు ఎగుమతులు జరుగుతున్నాయి. గుజరాత్, ఆంధ్రప్రదేశ్, యూపీ, కర్ణాటక పొగాకు ఉత్పత్తిలో కీలక వాటా ఆక్రమిస్తుండగా, సుమారు 4.57 కోట్ల మందికి ఈ రంగం ఉపాధి కల్పిస్తోంది. జోరుగా బియ్యం ఎగుమతులు గత ఆర్థిక సంవత్సరంలో బియ్యం ఎగుమతులు రికార్డు స్థాయిలో 12.5 బిలియన్‌ డాలర్లుగా నమోదయ్యాయి. 2023–24లో ఇవి 10.4 బిలియన్‌ డాలర్లుకు చేరాయి. ప్రపంచ బియ్యం ఎగుమతుల్లో భారత్‌ వాటా 40 శాతంగా ఉంది. ముఖ్యంగా సౌదీ అరేబియా, ఇరాన్, యూఎస్‌ఏ, యేమెన్‌కు బియ్యం ఎగుమతులు అధికంగా జరిగాయి. ఆ తర్వాత కూరగాయల ఎగుమతులు 3.9 బిలియన్‌ డాలర్లుగా ఉన్నాయి. ద్రాక్ష, దానిమ్మ, మామిడి, అరటి, టమాటా ఎగుమతులు ఎక్కువగా జరుగుతున్నాయి. ఇక సుమద్ర ఉత్పత్తుల ఎగుమతులు 7.2 బిలియన్‌ డాలర్లకు పెరిగాయి.

న్యూఢిల్లీ: భారత్‌ నుంచి ఎగుమతులు వరుసగా మూడో నెలా క్షీణించాయి. ఏప్రిల్‌లో 12.7 శాతం తగ్గి 34.66 బిలియన్‌ డాలర్లకు పరిమితమయ్యాయి. కేంద్ర వాణిజ్య శాఖ సోమవారం విడుదల చేసిన గణాంకాల ప్రకారం దిగుమతులు కూడా వరుసగా అయిదో నెలా క్షీణించాయి. ఏప్రిల్‌లో 14 శాతం క్షీణించి 49.9 బిలియన్‌ డాలర్లకు తగ్గాయి. గత ఏప్రిల్‌లో ఇవి 58.06 బిలియన్‌ డాలర్లుగా నమోదయ్యాయి. భారత్‌కు ప్రధాన మార్కెట్లుగా ఉన్న అమెరికా, యూరప్‌లో డిమాండ్‌ అంతగా లేకపోవడం .. ఎగుమతులు మందగించడానికి కారణమైంది. పరిస్థితి మెరుగుపడటానికి మరికొద్ది నెలలు పట్టే అవకాశం ఉందని డైరెక్టర్‌ జనరల్‌ ఆఫ్‌ ఫారిన్‌ ట్రేడ్‌ (డీజీఎఫ్‌టీ) సంతోష్‌ కుమార్‌ సారంగి తెలిపారు. ‘యూరప్, అమెరికాలో డిమాండ్‌ క్షీణించింది. వచ్చే 2–3 నెలలు కూడా అంత ఆశావహంగా కనిపించడం లేదు. అయితే, చైనా ఎకానమీ కోలుకుని.. యూరప్, అమెరికా మార్కెట్లలో కూడా కాస్త డిమాండ్‌ నెలకొనే అవకాశం ఉన్నందున ఆగస్టు–సెప్టెంబర్‌ తర్వాత నుంచి ఎగుమతులు మళ్లీ పుంజుకోవడానికి ఆస్కారం ఉంది‘ అని ఆయన పేర్కొన్నారు.   20 నెలల కనిష్టానికి వాణిజ్య లోటు .. ఎగుమతులు, దిగుమతుల మందగమనంతో ఏప్రిల్‌లో వాణిజ్య లోటు 20 నెలల కనిష్టమైన 15.24 బిలియన్‌ డాలర్లకు తగ్గింది. చివరిసారిగా 2021 ఆగస్టులో వాణిజ్య లోటు ఇంతకన్నా తక్కువగా 13.81 బిలియన్‌ డాలర్లుగా నమోదు కాగా.. గతేడాది ఏప్రిల్‌లో ఇది 18.36 బిలియన్‌ డాలర్లుగా ఉంది. కమోడిటీల ధరలు, రత్నాభరణాల్లాంటి ఉత్పత్తులకు డిమాండ్‌ క్షీణించడంతో దిగుమతులు తగ్గినట్లు సారంగి వివరించారు. ఎగుమతులపరంగా రాబోయే రోజుల్లోనూ రత్నాభరణాలు, కొన్ని రకాల ఇంజినీరింగ్‌ ఉత్పత్తులు, దుస్తులపై ప్రభావం ఉండవచ్చన్నారు. ఎక్కువగా ఎగుమతులు చేసేందుకు ఆస్కారమున్న ఎలక్ట్రానిక్‌ ఉత్పత్తులు, నూనె గింజల్లాంటి వాటిపై వ్యాపారవర్గాలు మరింతగా దృష్టి పెట్టాలని సూచించారు. 2022–23 గణాంకాల సవరణ.. గత ఆర్థిక సంవత్సరం గణాంకాలను వాణిజ్య శాఖ ఎగువముఖంగా సవరించింది. దీని ప్రకారం.. ► 2022–23లో ఉత్పత్తులు, సర్వీసుల ఎగుమతులు 14.68 శాతం వృద్ధి చెంది 676.53 బిలియన్‌ డాలర్ల నుంచి 775.87 బిలియన్‌ డాలర్లకు చేరాయి. దిగుమతులు 17.65 శాతం పెరిగి 894.19 బిలియన్‌ డాలర్లకు చేరాయి. వాణిజ్య లోటు 118.31 బిలియన్‌ డాలర్లుగా నమోదైంది. ► ఉత్పత్తుల ఎగుమతులు 6.74% వృద్ధితో 450.43 బిలియన్‌ డాలర్లకు చేరగా, దిగుమతులు 16.47% పెరిగి 714 బిలియన్‌ డాలర్లుగా నమోదయ్యాయి. ► సేవల ఎగుమతులు 27.86 శాతం ఎగిసి 325.44 బిలియన్‌ డాలర్లకు, దిగుమతులు 22.54 శాతం పెరిగి 180 బిలియన్‌ డాలర్లకు చేరాయి.


 నెమ్మదస్తుగా ఉన్న శీతాకాల అనంతరం అమెరికన్  ఆర్థికవ్యవస్థ పుంజుకుంది. ఏప్రిల్ నెలలో అమెరికన్ వినియోగదారుల ఖర్చులు పెరిగాయి. మార్చి నెల కంటే ఏప్రిల్ నెలలో అమెరికన్ల ఖర్చు 1శాతం పెరిగాయని వాణిజ్య విభాగ డేటాలో తేలింది. వినియోగదారుల వ్యయాలు పెరగడం 2009 ఆగస్ఠు తర్వాత ఇదే మొదటిసారని గణాంకాలు పేర్కొన్నాయి. ఈ పెరుగుదల అమెరికా ఆర్థిక వ్యవస్థ మందగమనం నుంచి బయటపడి, వినియోగదారుల్లో ఆత్మవిశ్వాసాన్ని నింపుతుందనే సంకేతాలను అందిస్తోంది. రిటైల్ అమ్మకాలు పెరిగాయనే గణాంకాలు వెల్లడైన కొన్ని వారాల్లోనే వినియోగదారుల వ్యయ సూచి పెరగడం విశేషం.
 
 రిఫ్రిజిరేటర్లు, రూఫ్స్, కార్లు, డెలివిజన్లు వంటి భారీ ఉత్పత్తుల కొనుగోలు ఎక్కువగా నమోదైనట్టు గణాంకాలు తెలిపాయి. అమెరికన్ వినియోగదారులు ప్రస్తుతం ఆత్మవిశ్వాసంతో వారి వాలెట్లను తెరుస్తున్నారని పేర్కొంది. రెండో త్రైమాసిక ఆర్థిక వృద్ధికి ఈ వ్యయాలు పెరగడం ఎక్కువ ప్రయోజనం కల్పించబోతుందని హై ఫ్రీక్వెన్సీ ఎకనామిక్స్ రీసెర్చ్ సంస్థ చీఫ్ అమెరికన్ ఆర్థిక వేత్త జిమ్ ఓ సులీవాన్ అభిప్రాయం వ్యక్తంచేశారు. అదేవిధంగా మిచిగాన్ యూనివర్సిటీ వినియోగ వ్యయ ఇండెక్స్ సైతం పెరిగింది. ఏప్రిల్ లో 89శాతంగా ఉన్న ఈ ఇండెక్స్ మే నెలలో 95శాతంగా నమోదైంది.
 ఖరీదైన వస్తువుల కొనుగోళ్లలో కార్లు ఎక్కువ మొత్తంలో వాటాను నమోదుచేశాయని వాణిజ్య విభాగం గణాంకాలు తెలిపాయి. సెడాన్లు, మినీ వ్యాన్లను అమెరికన్ కారు డీలర్స్ రికార్డు స్థాయిలో అమ్మారని గణాంకాలు పేర్కొన్నాయి. జనవరి, ఫిబ్రవరి లో ఓ మోస్తారుగా నమోదైన ఆటో అమ్మకాలు, మార్చి నెలలో పడిపోయి, మళ్లీ ఏప్రిల్ నెలలో పుంజుకున్నాయని గణాంకాలు వెల్లడించాయి.  కేవలం కార్లు మాత్రమే కాకుండా గృహోపకరణాలు డిష్ వాషర్స్, డ్రైయర్స్, స్టవ్ లు ఇటీవల ఎక్కువ మొత్తంలో విక్రయాలు నమోదై, అధికమొత్తంలో రాబడులు సాధించాయని గణాంకాలు తెలిపాయి. అధికమొత్తంలో వినియోగదారుల వ్యయాలు పెరగడం, వృద్ధి అంచనాలపై ఆర్థికవేత్తల్లో ఆశాభావాన్ని నింపడానికి, ఏప్రిల్, జూన్ లో వృద్ధి అంచనాలు పెరగడానికి దోహదంచేస్తున్నాయని అమెరికన్ ఎకానమీ సూచిస్తోంది.