combat positions

బాగ్దోరా (పశ్చిమ బెంగాల్‌): భారతీయ రక్షణ దళాలు అత్యున్నత స్థాయి యుద్ధ సన్నద్ధతను కొనసాగించాలని కేంద్ర రక్షణ శాఖ మంత్రి రాజ్‌నాథ్‌ సింగ్‌ శనివారం పిలుపునిచ్చారు. దేశ భద్రత పరిస్థితులు రోజు రోజుకూ సంక్లిష్టంగా మారుతున్నా యని, సంప్రదాయ యుద్ధానికి మించిన ముప్పు ఎదుర్కొవాల్సిన పరిస్థితులు ఉన్నాయని ఆయన ఓ వ్యూహాత్మక వైమానిక క్షేత్రంలో చెప్పారు. పశ్చిమ బెంగాల్‌లోని దేశ తూర్పు సరిహద్దుల్లో ఉన్న ఈ క్షేత్రంలో దీపావళి సంబరాలు జరుపుకున్న మంత్రి మాట్లాడుతూ ఇటీవలి కాలంలో శత్రువులు ప్రత్యక్ష యుద్ధం కంటే సైబర్‌ దాడులు, సమాచార యుద్ధం, డ్రోన్ల గుంపులతో పరోక్ష యుద్ధం చేసేందుకే మొగ్గు చూపుతున్నారని హెచ్చరించారు. బలహీనతలను గుర్తించి వాటిపై దాడి చేసే ప్రయత్నం చేస్తున్నారని చెప్పారు. సోషల్‌ మీడియా ద్వారా తప్పుడు సమాచారాన్ని వ్యాప్తి చేయడం ద్వారా స్థానికుల్లో, మిలిటరీలోనూ అనుమానాలు సృష్టించే ప్రయత్నం జరుగుతుందని అన్నారు. ఇలాంటి పరిస్థితుల్లో మీ పాత్ర సాధారణ సైనికుడికి మించి ఉంటుందని సూచించారు. సరిహద్దుల వెంబడి కాల్పుల కాలం చెల్లిపోయి, సైబర్‌ ముప్పు, సమాచారం సాయంతో యుద్ధం, ప్రచారం ఎలా జరుగుతోందన్న అంశాన్ని నియంత్రించడం, కొత్త కొత్త టెక్నాలజీలు రంగంలోకి వస్తున్న నేపథ్యంలో సైన్యం కూడా ఏకకాలంలో చాలా అంశాలపై అప్రమత్తంగా ఉండాల్సిన పరిస్థితి ఏర్పడిందని చెప్పారు. మిలిటరీ సిబ్బంది ఆయా విషయాలపై అవగాహన పెంచుకోవాలని, అప్పుడే ముప్పులను సమర్థంగా ఎదుర్కొవడం సాధ్యమవుతుందని చెప్పారు. ఈశాన్య భారతంలో భారత వ్యూహాత్మక అవసరా లకు, భద్రతకూ బాగ్దోరా కీలకమని స్పష్టం చేసిన మంత్రి ఇక్కడి వాయుసేన సిబ్బంది స్థైర్యాన్ని, సన్నద్ధతను కొనియాడారు. మిలిటరీ సిబ్బంది ప్రవర్తన స్థానికుల్లో రక్షణ దళాలపై ఉండే అభిప్రాయాన్ని మారుస్తుంది కాబట్టి వారితో సత్సంబంధాలు పెంచుకోవాలని సూచించారు.ఆత్మనిర్భరతకు కట్టుబడి ఉన్నాం..భారతదేశం ఆత్మనిర్భరత సాధించే విషయంలో కట్టుబడి ఉందని కేంద్ర రక్షణ శాఖ మంత్రి రాజ్‌నాథ్‌ సింగ్‌ స్పష్టం చేశారు. ప్రభుత్వ ప్రోత్సాహంతో భారతీయ స్టారప్‌ కంపెనీలు, పరిశ్రమలు డ్రోన్లు, యాంటీ డ్రోన్‌ వ్యవస్థలు, అత్యాధునిక డిఫెన్స్‌ టెక్నాలజీలను అభివృద్ధి చేస్తున్న విషయాన్ని గుర్తు చేశారు. త్రివిధ దళాలు కూడా స్వదేశీ టెక్నాలజీలను అందిపుచ్చుకోవడం ద్వారా డ్రోన్‌ ఆపరేషన్లు, సైబర్‌ సెక్యూరిటీ రంగాల్లో కొత్త సామర్థ్యాలను సంపాదించుకుంటున్నాయని కొనియాడారు. భారతీయ సాయుధ దళాలు టెక్నాలజీ రంగంలో మరింత ముందడుగు వేయాలని, భవిష్యత్తు సవాళ్లకు సిద్ధం కావాలని పిలుపునిచ్చారు. దీపావళి పండుగ సమయంలో కుటుంబానికి దూరంగా ఉన్న విషయం తనకు తెలుసునని చెబుతూ సైనికుల నిబద్ధతకు, దేశభక్తికి దేశం రుణపడి ఉందని అన్నారు. వాయుసే ముఖ్యాధికారి ఎయిర్‌ చీఫ్‌ మార్షల్‌ అశుతోశ్‌ దీక్షిత్, బాగ్దోరా ఎయిర్‌ఫోర్స్‌ స్టేషన్‌ ఎయిర్‌ ఆఫీసర్‌ కమాండింగ్‌ ఎయిర్‌ కమడోర్‌ మనీశ్‌ శర్మ, వాయుసేన సీనియర్‌ అధికారులు ఈ కార్యక్రమంలో పాల్గొన్నారు.


 ► లింగపరమైన అడ్డంకులు అధిగమించి అనుమతిస్తాం
 ► ప్రస్తుతం ఈ మార్పుల ప్రక్రియ వేగంగా సాగుతోంది
 ► తొలుత మిలిటరీ పోలీస్‌గా మహిళల రిక్రూట్‌మెంట్‌
 ► వ్యూహాత్మక భాగస్వామ్య మోడల్‌ మంచిదే..
 ► మిలిటరీ ఆధునీకరణ ప్రక్రియకు చేయూత
 ►  ఆర్మీ చీఫ్‌ జనరల్‌ బిపిన్‌ రావత్‌ వెల్లడి
 
 న్యూఢిల్లీ: భారత సైన్యం భారీ మార్పులకు శ్రీకారం చుడుతోంది. లింగపరమైన అడ్డంకు లను అధిగమిస్తూ యుద్ధరంగంలోకి మహిళ లను అనుమతించనుంది. ఇప్పటి వరకు యుద్ధ క్షేత్రంలో పోరాటంలో పురుషులు మాత్రమే కనిపించగా.. ఇక ముందు మహి ళలు సైతం పాలుపంచుకోనున్నారు. ప్రస్తు తం  కదన రంగంలో మహిళలకు కొద్ది దేశా ల్లోనే అనుమతి ఉంది. మహిళలను యుద్ధంలో అడుగుపెట్టేందుకు అనుమతిస్తా మని, దీనికి సంబంధించిన మార్పులకు రంగం సిద్ధం చేశామని భారత ఆర్మీ చీఫ్‌ జనరల్‌ బిపిన్‌ రావత్‌ వెల్లడించారు.  పురుషులకు మాత్రమే పరిమితమైన ఈ  హోదాలోకి ఇకపై మహిళలను అనుమతి స్తామన్నారు.
 ప్రస్తుతం ఈ ప్రక్రియ వేగంగా సాగుతోందని, తొలుతగా మహిళలను మిలి టరీ పోలీసులుగా రిక్రూట్‌మెంట్‌ చేసుకుంటా మని చెప్పారు. ‘మహిళలు జవాన్లుగా రావా లని  కోరుకుంటున్నాను. ప్రస్తుతం ఈ ప్రక్రియను ప్రారంభించేందుకు చర్యలు తీసు కుంటున్నాం. తొలుత మిలిటరీ పోలీసు జవా న్లుగా మహిళలకు బాధ్యతలు అప్పగిస్తాం’ అని చెప్పారు. ప్రస్తుతం మిలిటరీ విభాగానికి అనుసంధానంగా ఉండే మెడికల్, లీగల్, ఎడ్యుకేషనల్, సిగ్నల్స్, ఇంజనీరింగ్‌ విభా గాల్లో ఇప్పటికే మహిళకు అవకాశం కల్పిస్తు న్నారు.
 అయితే కార్యాచరణ ఇబ్బందులు, వసతి సమస్యల దృష్ట్యా యుద్ధ క్షేత్రంలోకి వారిని అనుమతించే వారు కాదు. జవాన్లుగా మహిళలను తీసుకునేందుకు తాము సిద్ధంగా ఉన్నామని, ఈ అంశాన్ని ప్రభుత్వం దృష్టికి తీసుకెళ్లామని, ప్రస్తుతం ఈ ప్రక్రియను మొదలుపెట్టామని రావత్‌ చెప్పారు.  శత్రువుతో పోరాటంలో ఎదురయ్యే సవాళ్లను ఎదుర్కొనేందుకు మహిళలు ధైర్యసాహసాలు చూపాలని, అడ్డంకులను అధిగమించాలని పేర్కొన్నారు. ప్రస్తుతం జర్మనీ, ఆస్ట్రేలియా, కెనడా, అమెరికా, బ్రిటన్, డెన్మార్క్, ఫిన్లాండ్, ఫ్రాన్స్, నార్వే, స్వీడన్, ఇజ్రాయెల్‌ తదితర దేశాలు మాత్రమే యుద్ధరంగంలోకి మహిళలను అనుమతిస్తున్నాయి.
 
 భాగస్వామ్య మోడల్‌ మంచిదే..
 రక్షణ రంగ ఉత్పత్తుల్లోకి ప్రైవేటు సంస్థలను అనుమతిస్తూ కేంద్ర ప్రభుత్వం రూపొం దించిన వ్యూహాత్మక భాగస్వామ్య నమూనా పద్ధతి మంచిదే అని ఆర్మీ చీఫ్‌ అభిప్రా యపడ్డారు. భారత సైనిక బలగాల ఆధునీక రణకు ఈ విధానం ఊతమిస్తుందని పేర్కొ న్నారు. ఈ కొత్త విధానం వల్ల ఆధునీకరణ ప్రక్రియ వేగంగా ముందుకెళుతుందని, కొత్త టెక్నాలజీలు అందుబాటులోకి వచ్చి.. ప్రధాన మిలిటరీ మౌలికవసతుల ప్రాజెక్టులకు సహా యపడతాయని ఆశాభావం వ్యక్తం చేశారు. వ్యూహాత్మక భాగస్వామ్య నమూనా వల్ల కాలం చెల్లిన ట్యాంకులు, ఆయుధాల స్థానంలో అధునాతన ఆయుధాలు, విని యోగంలోకి వస్తాయని, రానున్న ఏడెనిమి దేళ్లలో పాత వ్యవస్థ స్థానంలో కొత్త వ్యవస్థ అందుబాటులోకి వస్తుందని చెప్పారు.
 
 సైనికులకు పనే మతం..
 సైనికులకు పనే మతం అని, పనే  దైవం అని  రావత్‌ అన్నారు. శనివారం జమ్మూకశ్మీర్‌లో ఉగ్రవాద దాడిలో మరణించిన ఇద్దరు సైనికులకు ఆర్మీ చీఫ్, ఆర్మీ ఉన్నతాధికారులు ఆదివానం ఢిల్లీలో ఘనంగా నివాళు లర్పించారు.  ‘దేశం కోసం ప్రాణాలర్పించిన వీరులను మనం గౌరవించాలి. నివాళులర్పించాలి’ అని రావత్‌ అన్నారు.
 
 మిలిటరీ పోలీస్‌ విధులు..
 మహిళలను అనుమతించనున్న మిలిటరీ పోలీసుల విధులు ఏమిటంటే.. కంటోన్మెంట్, సైనిక స్థావరాల వద్ద పోలీసింగ్, సైనికులు నియమ, నిబంధనలను ఉల్లంఘించకుండా చూడటం, సైనికుల కదలికల్ని పర్య వేక్షించడం, యుద్ధం, శాంతి సమయాల్లో వసతి, రవాణా సదుపాయాలను పర్యవేక్షించడం, యుద్ధఖైదీలను హ్యాండిల్‌ చేయడం, అవసరమైన సమయాల్లో సివిల్‌ పోలీసులకు సహాయం అందజేయడం. ముగ్గురు మహిళలను ఫైటర్‌ పైలట్లుగా తీసుకుని వాయు సేన చరిత్ర సృష్టించిన ఏడాదిలోపేభారత ఆర్మీ ప్రయోగాత్మ కంగా యుద్ధరంగంలోకి మహిళలను అనుమతించేందుకు సిద్ధమైంది.