చుండుపల్లె (వైఎస్సార్ జిల్లా) : ప్రమాదవశాత్తు లారీ ఢీకొని నాలుగు విద్యుత్ స్తంభాలు విరిగిపడటంతోపాటు తీగలు తెగిపోయాయి. అయితే ఆ సమయంలో విద్యుత్ సరఫరా కాకపోవటంతో పెనుప్రమాదం తప్పింది. వివరాల్లోకి వెళ్తే ..చుండుపల్లె పట్టణం శివాజీనగర్‌కు చెందిన ఓ వ్యక్తి మధ్యాహ్నం 2.15 గంటల సమయంలో ఇనుప తుక్కు లోడు లారీని రివర్స్ చేస్తుండగా వెనుకనున్న విద్యుత్ స్తంభాలను ప్రమాదవశాత్తు ఢీకొట్టాడు.
 
 దీంతో వరుసగా నాలుగు స్తంభాలు విరిగిపోయాయి. విద్యుత్ తీగలు తెగి రహదారిపై పడ్డాయి. అయితే అదృష్టవశాత్తు ఆ సమయంలో కరెంటు సరఫరా లేదు. దీంతో పెను ప్రమాదం తప్పింది. లారీకి, డ్రైవర్‌కు కూడా ఎటువంటి అపాయం సంభవించలేదు.


 చుండుపల్లె: కుటుంబ కలహాల నేపథ్యంలో ఓ మహిళ ఆత్మహత్యకు పాల్పడింది. వైఎస్సార్ జిల్లా చుండుపల్లి మండల కేంద్రంలో గురువారం ఈ ఘటన చోటు చేసుకుంది. మండల కేంద్రంలోని శివాజీనగర్‌కు చెందిన జొన్నలగడ్డ చిరంజీవి, రెడ్డెమ్మలకు వివాహమై నాలుగేళ్లయింది. తరచూ వారి మధ్య కలతలు తలెత్తుతున్నాయి. ఈ కారణంగానే గురువారం వేకువజామున ఇంట్లోనే ఉరి వేసుకుని ఆత్మహత్యకు పాల్పడింది. భర్త ఫిర్యాదు మేరకు పోలీసులు ఘటనా స్థలికి చేరుకున్నారు. మృతదేహాన్ని ప్రభుత్వాస్పత్రికి తరలించి, దర్యాప్తు ప్రారంభించారు.