check in Baggage

బ్యాంకాక్: విమానయాన భద్రతను పటిష్టం చేయడంతో పాటు విమానాల రాకపోకల్లో ఆలస్యాన్ని నివారించేందుకు థాయ్‌లాండ్‌ ప్రభుత్వం కీలక నిర్ణయం తీసుకుంది. విమానాశ్రయాల్లో ప్రయాణికుల చెక్-ఇన్ లగేజీని, సదరు ప్రయాణికుడు అక్కడికి రాకపోయినా నేరుగా తెరిచి తనిఖీ చేసేందుకు సెక్యూరిటీ సిబ్బందికి అధికారమిస్తూ నూతన మార్గదర్శకాలను అమల్లోకి తెచ్చింది. ఈ నిబంధనలు అక్టోబర్ 16 నుంచి తక్షణమే అమల్లోకి వచ్చినట్లు థాయ్ ప్రభుత్వ అధికార ప్రతినిధి ప్లోయ్‌తలే లక్ష్మీ సేంగ్జాన్ వెల్లడించారు.అనుమానిత వస్తువుల గుర్తింపు కోసమేసివిల్ ఏవియేషన్ అథారిటీ ఆఫ్ థాయ్‌లాండ్ (CAAT) జారీ చేసిన ఈ మార్గదర్శకాలు సాధారణ ప్రయాణికులందరి లగేజీకి వర్తించవని అధికారులు స్పష్టం చేశారు. ఎక్స్-రే స్క్రీనింగ్‌లో లగేజీ బ్యాగులో విమాన భద్రతకు హాని కలిగించే వస్తువులు, పేలుడు పదార్థాలు లేదా నిషేధిత వస్తువులు ఉన్నట్లు బలమైన అనుమానం వచ్చిన సందర్భాల్లో మాత్రమే సిబ్బంది బ్యాగును తెరిచి పరిశీలిస్తారు. View this post on Instagram A post shared by Sakshi Post (@sakshi_post_) పూర్తి వీడియో చిత్రీకరణ – నోటీస్ జారీప్రక్రియలో పారదర్శకత, జవాబుదారీతనం కోసం తనిఖీ విధానాన్ని అంతా కఠిన నిబంధనల నడుమ నిర్వహిస్తారు. నిర్దేశిత సెక్యూరిటీ ఏరియాలోనే బ్యాగులను తెరవాల్సి ఉంటుంది. అంతేకాకుండా, బ్యాగును తెరవడం నుంచి ముగించే వరకు ప్రతి అడుగును సీసీటీవీ లేదా వీడియో కెమెరాల్లో నిరంతరం రికార్డు చేస్తారు. ఒకవేళ అనుమానిత బ్యాగును తెరిచి పరిశీలిస్తే, ఆ విషయాన్ని ప్రయాణికుడికి తెలియజేసేందుకు బ్యాగు లోపల ‘నోటీస్ ఆఫ్ బ్యాగేజ్ ఇన్‌స్పెక్షన్’ (Notice of Baggage Inspection) అనే రసీదును ఉంచుతారు. బ్యాగులో ప్రమాదకర వస్తువులు గుర్తిస్తే వాటిని వెంటనే స్వాధీనం చేసుకుని చట్టపరమైన చర్యలు చేపడతారు.BREAKING: Court to US government: Allow up to 55,000 people from around the world to apply for Green Card, approve and process by these dates BANGKOK – The Civil Aviation Authority of Thailand (CAAT) has implemented rules which authorise airport staff to open checked bags immediately without waiting for their owners to be present. Deputy government spokeswoman Ploythalay Laksameesaengjan announced on Oct 16 that the notification issued by the CAAT on the inspection of aircraft checked baggage took immediate effect.— Sakshi (@SakshiNews) October 16, 2026 ఆలస్యాలకు చెక్ – ప్రయాణికులకు సూచనలుగతంలో చెక్-ఇన్ లగేజీలో ఏదైనా అనుమానం వస్తే సదరు ప్రయాణికుడిని బోర్డింగ్ గేట్ల వద్ద వెతికి రప్పించేవరకు బ్యాగును తెరిచేవారు కాదు. దీనివల్ల విమానాలు తీవ్రంగా ఆలస్యమయ్యేవి. ఈ విధానం ఇప్పటికే అమెరికా, సింగపూర్, దక్షిణ కొరియా వంటి దేశాల్లో అమల్లో ఉంది. నూతన నిబంధనల నేపథ్యంలో థాయ్‌లాండ్‌ వెళ్లే ప్రయాణికులు అంతర్జాతీయ ప్రమాణాలు కలిగిన ‘టీఎస్ఏ (TSA) లాక్స్’ ఉన్న బ్యాగులనే వాడాలని ఎయిర్‌పోర్ట్ అధికారులు సూచించారు. సాధారణ తాళాలు వేస్తే సిబ్బంది వాటిని పగలగొట్టి తనిఖీ చేస్తారని, అందుకు ఎలాంటి నష్టపరిహారం చెల్లించబోమని స్పష్టం చేశారు. అలాగే లిథియం బ్యాటరీలు, పవర్ బ్యాంకులు, విలువైన డాక్యుమెంట్లు, బంగారు ఆభరణాలను ఎట్టి పరిస్థితుల్లోనూ చెక్-ఇన్ లగేజీలో పెట్టవద్దని హెచ్చరించారు.

న్యూఢిల్లీ : దేశీయ విమానాల్లో 15 కేజీల కంటే అదనంగా చెక్‌-ఇన్‌ బ్యాగేజీ తీసుకెళ్తున్నారా? అయితే ఇక మీకు ఛార్జీల మోత మోగినట్టేనట. ప్రైవేట్‌ విమానయాన సంస్థలు ఇండిగో, స్పైస్‌జెట్‌, గోఎయిర్‌లు అదనపు బ్యాగేజీల ప్రీ-బుకింగ్‌ ఛార్జీలను, ఎయిర్‌పోర్ట్‌ల వద్ద చెల్లించే అదనపు చెక్‌-ఇన్‌ బ్యాగేజీల ఛార్జీలను పెంచేశాయి. ఎయిర్‌పోర్టుల వద్ద 15 కేజీలకు మించి అదనపు బ్యాగేజీని తీసుకెళ్లాల్సి వస్తుందని తెలిపితే, ఒక్కో కిలోకు ప్రస్తుతం 400 రూపాలను ఛార్జ్‌ చేస్తున్నాయి విమానయాన సంస్థలు.  ఇండిగో అదనపు బ్యాగేజీ ఛార్జీలను మూడో వంతు లేదా 33 శాతం పెంచుతున్నట్టు ప్రకటించింది. ప్రీ-బుకింగ్‌ చేసుకునేటప్పుడు దేశీయ ప్రయాణికులు ఉచితంగా అందించే 15 కేజీలను మించి మరో 5, 10, 15, 30 కేజీలను తీసుకెళ్తున్నట్టు నమోదు చేస్తే, ఇక నుంచి రూ.1900, రూ.3800, రూ.5700, రూ.11,400ను చెల్లించాల్సి ఉంటుంది. గత ఆగస్టులోనే ఇండిగో ఈ ఛార్జీలను పెంచింది. తాజాగా మరోసారి కూడా వీటిని పెంచుతూ ప్రకటన విడుదల చేసింది. ఇక స్పైస్‌జెట్‌ సైతం 5, 10, 15, 20, 30 కేజీల అదనపు బ్యాగేజీకి విధించే ప్రీబుక్‌ ఛార్జీలను రూ.1600, రూ.3200, రూ.4800, రూ.6400, రూ.9600కు పెంచుతున్నట్టు తెలిపింది. ఎవరైతే ప్రీబుక్‌ చేసుకోరో వారు అదనపు చెక్‌-ఇన్‌ బ్యాగేజీకి ఒక్కో కిలోకు 400 రూపాయలు చెల్లించాల్సి ఉంటుంది.  గోఎయిర్‌ అదనపు బ్యాగేజీ ఛార్జీలు అచ్చం ఇండిగో మాదిరిగానే ఉన్నాయి. ప్రభుత్వం రంగ విమానయాన సంస్థ ఎయిరిండియా మాత్రమే 25 కేజీల వరకు చెక్‌-ఇన్‌ బ్యాగేజీని ఉచితంగా అనుమతి ఇస్తోంది. గతేడాది ఆగస్టు వరకు ఎయిర్‌లైన్స్‌ అన్నీ 15 కేజీలకు మించి.. తొలి ఐదు కిలోల అదనపు బ్యాగేజీకి కేవలం 500 రూపాయలు మాత్రమే ఛార్జ్‌ చేసేవి. డీజీసీఏ ఆదేశాల ప్రకారం ఎయిర్‌లైన్స్‌ నడుచుకునేవి. కానీ డీజీసీఏ ఆదేశాలను కోర్టులో సవాల్‌ చేసిన ఎయిర్‌లైన్స్‌, 15 కేజీలకు మించిన తర్వాత విధించే అదనపు బ్యాగేజీ ఛార్జీలను అవి మాత్రమే నిర్ణయించుకునేలా ఆదేశాలను తెచ్చుకున్నాయి.    

న్యూఢిల్లీ : పర్సనల్‌ ఎలక్ట్రానిక్‌ డివైజెస్‌(పీఈడీ)లను చెక్‌ఇన్‌ లగేజిలో ఉంచడంపై నిషేధం పడే అవకాశం ఉంది. ల్యాప్‌టాప్స్‌ లాంటి వస్తువుల బ్యాటరీలు పేలితే గుర్తించే అవకాశాలు తక్కువగా ఉండటమే ఇందుకు కారణంగా తెలుస్తోంది. న్యూఢిల్లీ నుంచి ఇండోర్‌ బయల్దేరిన విమానంలో పాసింజర్‌ సెల్‌ఫోన్‌ పేలడంతో క్యాబిన్‌ క్రూ ప్రమాదం నుంచి తప్పించారు. ఇందుకోసం దేశీయ విమానయాన సంస్థలు క్యాబిన్‌ క్రూ ప్రత్యేక శిక్షణ కూడా ఇప్పించింది. చెక్‌ఇన్‌ లగేజిలో పీఈడీలపై నిషేధానికి సంబంధించి అంతర్జాతీయ విమానయాన సంస్థలు ఇప్పటికే ఓ నిర్ణయానికి రాగా, భారత్‌ కూడా అదే మార్గంలో నడవాలని భావిస్తోంది. భారత్‌లో ఇప్పటికే పవర్‌ బ్యాంక్స్‌, పొర్టబుల్‌ మొబైల్‌ చార్జర్స్‌, ఈ సిగరెట్స్‌ను చెక్ ఇన్‌ లగేజిలో ఉంచడం నిషేధించారు. laptops, DGCA, Check-in luggage


 - చెకిన్ బ్యాగేజీ చార్జీలను పెంచనున్న స్పైస్‌జెట్‌
 - డీజీసీఏ ఆదేశాలను హైకోర్టు కొట్టేయడంతో ముందుకు..
 న్యూఢిల్లీ: తక్కువ ధరలకే విమానయాన సేవలు అందిస్తోన్న స్పైస్‌జెట్‌ సంస్థ ఇక.. చెకిన్‌ బ్యాగేజీపై భారీ రుసుము వసూలుచేయనున్నట్లు తెలిసింది. విమానాల్లో చెకిన్‌ లగేజీ బరువు 15 కేజీలు దాటితే.. ఒక్కో అదనపు కేజీకి రూ.300 వసూలు చేయాలని నిర్ణయించినట్లు సమాచారం. దీనికి సంబంధించి ఒకటిరెండు రోజుల్లో అధికారిక ప్రకటన వెలువడనుంది.
 
 ప్రైవేటు విమానయాన సంస్థల చెకిన్‌ బ్యాగేజీ చార్జిలను నియంత్రిస్తూ డైరెక్టర్‌ జనరల్‌ ఆఫ్‌ సివిల్‌ ఏవియేషన్‌(డీజీసీఏ) గత ఏడాది స్పష్టమైన ఆదేశాలు జారీచేసింది. ఒక్కో విమాన ప్రయాణికుడు 15 కేజీల బ్యాగేజీని ఉచితంగా తీసుకెళ్లవచ్చు. ఆపై ఒక్కో కేజీపై రూ.100 మాత్రమే అదనంగా తీసుకోవాలని పేర్కొంది. తమకు నష్టం కలిగించే ఈ నిర్ణయాన్ని ఫెడరేషన్‌ ఆఫ్‌ ఇండియన్‌ ఎయిర్‌లైన్స్‌(ఎఫ్‌ఐఏ) తీవ్రంగా వ్యతిరేకించింది. ప్రైవేటు ఎయిర్‌లైన్స్‌ విధించే చార్జీలను నియంత్రించే అధికారం డీజీసీఏకు లేదని ఢిల్లీ హైకోర్టులో పిటిషన్‌ వేసింది.
 
 సమగ్ర విచారణ అనంతరం డీజీసీఏ ఉత్తర్వులను రద్దు చేస్తున్నట్లు గురువారం హైకోర్టు తీర్పు చెప్పింది. దీంతో ప్రైవేట్‌ సంస్థలు బ్యాగేజీలపై చార్జీలు పెంచేందుకు ఆటంకాలు తొలిగిపోయినట్లయింది. అందరికంటే ముందు స్పైస్‌ అదనపు చార్జీలను ప్రకటించే వీలుంది. ఇక ప్రభుత్వ విమానయాన సంస్థ ఎయిర్‌ ఇండియాలో మాత్రమే 23 కేజీల బ్యాగేజీని ఉచితంగా తీసుకెళ్లేవీలుంది.


 జీరో బ్యాగేజ్ చార్జీ ఆఫర్లకు డీజీసీఏ అనుమతి
 
 న్యూఢిల్లీ: జీరో బ్యాగేజ్ చార్జీ ఆఫర్లు ప్రకటించేందుకు దేశీ విమానయాన సంస్థలకు ఏవియేషన్ రంగ నియంత్రణ సంస్థ డీజీసీఏ అనుమతినిచ్చింది. ఒకవేళ ఇలాంటి ఆఫర్‌లో టికెట్ పొందినవారు ప్రయాణ సమయంలో చెకిన్ బ్యాగేజ్‌తో వచ్చిన పక్షంలో నిర్దేశిత జరిమానా వసూలు చేసుకునేందుకు గ్రీన్ సిగ్నల్ ఇచ్చింది. చెకిన్ బ్యాగేజ్ ఉండని ప్రయాణికులకు.. డిస్కౌంట్లు ఇచ్చేలా జీరో బ్యాగేజ్ ఆఫర్లకు అనుమతించాలంటూ ఇండిగో, స్పైస్‌జెట్, ఎయిర్‌ఏషియా ఇండియా సంస్థలు గతంలోనే కోరినప్పటికీ తిరస్కరించిన డీజీసీఏ తాజాగా ఈ ప్రతిపాదనకు ఆమోదముద్ర వేసింది.
 
 పరిశ్రమలో మారుతున్న పరిణామాలకు అనుగుణంగా డీజీసీఏ నిర్ణయం ఉందంటూ విమానయాన సంస్థ స్పైస్‌జెట్ వర్గాలు తెలిపాయి. ప్రస్తుతం ఎయిరిండియా 23 కేజీల దాకా, చాలామటుకు దేశీ ప్రైవేట్ విమానయాన సంస్థలు 15 కేజీల దాకా చెకిన్ బ్యాగేజ్‌కు ఎటువంటి చార్జీలు వసూలు చేయడం లేదు. తాజా పరిణామంతో ఎయిర్‌లైన్స్ సంస్థలు.. ఆఫర్లలో టికెట్లను విక్రయించినప్పుడు ఇటువంటి ఉచిత చెకిన్ బ్యాగేజ్‌కు కూడా చార్జీలు వసూలు చేసుకునే వీలు లభిస్తుంది.
 
 ప్రత్యేకమైన ఎయిర్‌పోర్ట్ లాంజ్‌ల వినియోగం నుంచి ప్రయాణికులు కోరుకునే నిర్దిష్ట సీటు కేటాయింపు దాకా వివిధ సర్వీసులకు ఎయిర్‌లైన్స్ అదనంగా వసూలు చేసుకునేందుకు డీజీసీఏ ఇప్పటికే అనుమతించింది.  చెకిన్ బ్యాగేజ్ లేకుండా కేవలం హ్యాండ్‌బ్యాగ్‌తోనే ప్రయాణించే వారికి రూ. 200 డిస్కౌంటు ఇచ్చేటువంటి ఆఫర్‌ను స్పైస్‌జెట్ గతంలోనే ప్రకటించింది. డిస్కౌంటు రేట్లకు టికెట్ తీసుకున్నవారు తర్వాత చెకిన్ బ్యాగేజ్‌తోగనుక వస్తే... 10 కేజీల దాకా బరువున్న వాటిపై రూ. 500, 15 కేజీల బరువున్న వాటిపై రూ. 750 చార్జీలు కట్టాల్సి ఉంటుందంటూ షరతు పెట్టింది.