caller

మన ఫోన్‌కు రోజూ ఎన్నో తెలియని నంబర్ల నుంచి కాల్స్‌ వస్తుంటాయి. అవతలి వ్యక్తి ఎవరో తెలియక కొందరు కాల్స్‌ లిఫ్ట్‌ చేయడానికి వెనుకాడుతుంటారు. ఈ సమస్యకు పరిష్కారంగా నవంబర్‌ 1 నుంచి దేశవ్యాప్తంగా కొత్త సేవ అందుబాటులోకి రానుంది. ఫోన్‌లో సేవ్‌ చేయని నంబర్‌ నుంచి కాల్‌ వచ్చినా.. ఆ నంబర్‌ ఎవరి పేరుతో నమోదైందో స్క్రీన్‌పై కనిపించనుంది.కేంద్ర టెలికాం శాఖ ఆదేశాల మేరకు కాలర్‌ నేమ్‌ ప్రెజెంటేషన్‌ (CNAP) సేవను అమల్లోకి తీసుకురానున్నారు. ఈ సేవ ద్వారా కాల్‌ చేసిన వ్యక్తి పేరు ఫోన్‌ స్క్రీన్‌పై కనిపించేలా ఏర్పాట్లు చేయాలని టెలికాం సర్వీస్‌ ప్రొవైడర్లను శాఖ ఆదేశించింది. ప్రస్తుతం 4జీ, 5జీతో పాటు అంతకంటే ఆధునిక నెట్‌వర్క్‌లలో ఈ సదుపాయాన్ని అందుబాటులోకి తీసుకురావాలని సూచించింది. ఇందుకోసం వినియోగదారులు ప్రత్యేకంగా దరఖాస్తు చేసుకోవాల్సిన అవసరం లేదని పేర్కొంది.ఫోన్‌లో ఆ నంబర్‌ను ఇప్పటికే సేవ్‌ చేసుకుంటే.. కాంటాక్ట్స్‌లో ఉన్న పేరే కనిపిస్తుంది. ఒకవేళ నంబర్‌ సేవ్‌ చేయకపోతే, సిమ్‌ తీసుకునే సమయంలో టెలికాం సంస్థ వద్ద నమోదు చేసిన పేరు స్క్రీన్‌పై చూపించనున్నారు. అంటే సిమ్‌ ఎవరి పేరుతో నమోదైందో ఆ వివరాల ఆధారంగా కాలర్‌ పేరు కనిపిస్తుందని అధికారులు తెలిపారు.అయితే ఈ సదుపాయం ప్రస్తుతానికి 4జీ, 5జీ నెట్‌వర్క్‌లకే పరిమితం కానుంది. 2జీ, 3జీ ఫోన్లకు ఈ సేవను తర్వాత అందుబాటులోకి తీసుకురావడంపై నిర్ణయం తీసుకోనున్నారు. అలాగే విదేశాల నుంచి వచ్చే కాల్స్‌ విషయంలో, సేవ్‌ చేయని నంబర్లకు వ్యక్తి పేరు బదులుగా ఇంటర్నేషనల్‌ కాల్‌ (International Call) అని కనిపించేలా ఏర్పాటు చేయనున్నట్లు టెలికాం శాఖ పేర్కొంది.తెలియని నంబర్ల నుంచి వచ్చే కాల్స్‌ విషయంలో కాలర్‌ వివరాలను తెలుసుకునేందుకు ఈ సేవ ఉపయోగపడుతుందని అధికారులు భావిస్తున్నారు. ముఖ్యంగా ఇతరుల పేర్లతో ఫోన్‌ చేసి మోసాలకు పాల్పడే ఘటనలను అరికట్టడంలో ఈ విధానం తోడ్పడుతుందని టెలికాం శాఖ తెలిపింది. అయితే స్క్రీన్‌పై పేరు కనిపించినంత మాత్రాన ఆ కాల్‌ నమ్మదగినదని భావించకూడదు. అపరిచిత నంబర్ల నుంచి వచ్చే కాల్స్‌ విషయంలో వినియోగదారులు అప్రమత్తంగా ఉండటం అవసరం.ఇదీ చదవండి: బినాన్స్‌పై సైబర్‌ దాడి.. బిట్‌కాయిన్‌ సహా క్రిప్టోల పతనం!

ముంబై: ప్రముఖ పారిశ్రామిఖవేత్త రిలయన్స్‌ అధినేత ముఖేశ్‌ అబానీ కుటుంబానికి చంపేస్తామంటూ ఓ గర్తు తెలియని నెంబర్‌ నుంచి బెదిరింపు కాల్‌ వచ్చింది. ఒక దుండగుడు రిలయన్స్‌ ఫౌండేషన్‌ ఆస్పత్రికి కాల్‌చేసి ఆస్పత్రిని బాంబుతో పేల్చేస్తానని, అలాగే రిలయన్స్‌ కుటుంబ సభ్యులను చంపేస్తానంటూ ఫోన్‌ చేసి బెదిరింపులకు పాల్పడ్డాడు. ఈ మేరకు పోలీసులు రిలయన్స్‌ ఆస్పత్రికి బుధవారం మధ్యాహ్నం 12 గంటల ప్రాంతంలో ఒక ల్యాండ్‌లైన్‌ నంబర్‌ నుంచి కాల్‌ వచ్చినట్లు తెలిపారు. ఆస్పత్రిని పేల్చేస్తానని బెదిరించడమే కాకుండా అంబాని కుటుంసభ్యులను కూడా చంపేస్తానని బెదరించాడని అన్నారు. ఐతే ఇలాంటి బెదిరింపు కాల్‌ హెచ్‌ఎన్‌ రిలయన్స్‌ ఫౌండేషన్‌ హాస్పిటల్‌కి ఆగస్టు15న హెల్ప్‌లైన్‌ నెంబర్‌కు వచ్చాయి. ఆ ఘటనలో దుండగడు ఎనిమిది కాల్స్‌ చేశాడని అన్నారు. ఐతే కాల్‌ చేసిన వ్యక్తిని దహిసర్‌గా గుర్తించి పోలీసులు అరెస్టు చేశారు కూడా  (చదవండి: చీతా హెలికాప్టర్‌ క్రాష్‌ ...పైలెట్‌ మృతి)


 పార్టీకి వెళ్లాలంటే డిజైనర్ దుస్తులున్నా సరైనా ఆభరణాలు లేకపోతే మేకప్ సంతృప్తినివ్వదు. వేడుక అంతా తమదే అన్నట్టు తిరగాలంటే మెడనిండుగా  నప్పే ఆభరణాలతో కళ కళలాడుతూ ఉంటేనే సాధ్యం. అవి బంగారు, వజ్రాభరణాలే కానక్కర్లేదు. కేవలం ఒక షర్ట్... దానికో కాలర్ ఉంటే చాలు. కట్ చేయచ్చు. ఇలా కంఠాభరణంగా రూపుకట్టేయచ్చు.
  
 పాత చొక్కాలు, ఫ్రాక్‌లు బ్యాగు అడుగనో.. పాత బట్టల మూటలోనో చేరుతూనే ఉంటాయి. వాటి కాలర్స్ చూస్తే ఏదైనా ఆలోచన వస్తుందా?! ట్రై చేయండి. ముందుగా నచ్చిన షర్ట్, ఫ్రాక్ (కాలర్ ఉన్నది) తీసుకొని కాలర్ భాగాన్ని కట్ చేయాలి. కాలర్ ప్లెయిన్‌దైతే మీ టాప్‌కి పూర్తి కాంట్రాస్ట్ ఉండే ప్రింట్లు లేదంటే ఎంబ్రాయిడరీ చేసి హారంలా ధరించవచ్చు. ఇది ఫ్యాషన్ జువెల్రీగా కూడా బాగుంటుంది.
 
 కాలర్‌కి ముత్యాలు ఇతర పూసలు, స్టోన్స్, ఎంబ్రాయిడరీ లేసులు కూడా అతికించి అందమైన కంఠాభరణాన్ని రూపొందించుకోవచ్చు.  పెద్ద పెద్ద పూసలు, రిబ్బన్ మెటీరియల్‌ను ఉపయోగించి పిల్లల దుస్తుల మీదకు ఫ్యాన్నీ జ్యువెల్రీగా వాడచ్చు. హెయిర్ క్లిప్‌గానూ తయారుచేయవచ్చు.  కాలర్‌కి రెండు వైపులా ఆభరణాలను అతికించి, మరో అందమైన ఆభరణాన్ని తయారుచేసుకోవచ్చు. ఈ తరహా కాలర్ డిజైన్స్ మిమ్మల్ని నలుగురిలో ప్రత్యేకంగా నిలుపుతాయి.


 ముంబై: బాలీవుడ్ హీరో సల్మాన్ ఖాన్ను చంపేస్తామంటూ వరుస బెదిరింపులు రావడం  కలకలం రేపింది. సాక్షాత్తు పోలీస్ కార్యాలయానికి ఫోన్ చేసి బెదిరించడం బీటౌన్‌లో ప్రకంపనలు రేపింది. ముంబై పోలీసులు ఈ విషయాన్ని ప్రకటించారు. సల్మాన్ ఖాన్‌ను ఖతం చేస్తామంటూ  తమ కార్యాలయానికి  గుర్తుతెలియని వ్యక్తులు  ఫోన్ చేసినట్టు తెలిపారు.  
 ఫిబ్రవరి 16, 17 తేదీల్లో వరుసగా  రెండురోజులు  ముంబైలోని సిటీ పోలీస్ కంట్రోల్ రూంకు ఈ బెదిరింపు కాల్ వచ్చినట్టు  పోలీసు ఉన్నతాధికారులు పేర్కొన్నారు.  దక్షిణ ముంబై  శివారు మలద్ లోని పబ్లిక్ బూత్ నుంచి ఈ కాల్ వచ్చినట్టు పోలీసులు తేల్చారు.  మరిన్ని వివరాల కోసం   సీసీ టీవీ ఫుటేజ్ ద్వారా ఆగంతకుల ఆచూకీ కనుక్కునేందుకు  ప్రయత్నిస్తున్నామన్నారు. దీనిపై తమ విచారణ కొనసాగుతుందన్నారు. దీనిపై ఎలాంటి కేసు నమోదు చేయలేదని, ఇది ఫేక్ కాల్ కావచ్చని వారు అనుమానిస్తున్నామన్నారు.