Baking soda

మిద్దె /పెరటి తోటల్లో మొక్కలకు వచ్చే వివిధ రకాల ఫంగస్, తెగుళ్లు, పురుగుల నివారణకు బేకింగ్‌ సోడా (వంట సోడా & Sodium Bicarbonate) ఒక అద్భుతమైన, తక్కువ ఖర్చుతో కూడిన సేంద్రియ నివారణ మార్గం. ఇది మొక్కల ఆకులపై తెల్లటి బూజు తెగులు, నల్ల మచ్చలను తగ్గించటంలో సహాయపడుతుంది.1. బేకింగ్‌ సోడా ద్రావణం తయారు చేసే విధానం: 1 లీటరు నీరు + 1 టేబుల్‌ స్పూన్‌ బేకింగ్‌ సోడా + 1 టీస్పూన్‌ మైల్డ్‌ లిక్విడ్‌ సోప్‌ (లేదా వంట నూనె) బాగా కలపాలి. 2. చిక్కుడు, గుమ్మడి, దోస, టమాటా వంటి మొక్కలకు వచ్చే తెల్లటి బూజు, ఆకులపై నల్ల మచ్చల నివారణకు ఈ ద్రావణం బాగా ఉపయోగం. 3. అఫిడ్స్, నల్లి, గొంగళి పురుగులు వంటి మెత్తటి శరీరం గల కీటకాలను, వాటి సంతతిని అరికడుతుంది.4. మిద్దె తోటలో చీమల నివారణకు బేకింగ్‌ సోడాను ఉపయోగించవచ్చు. అయితే, దీన్ని నేరుగా మొక్కల మీద కాకుండా, చీమలు తిరిగే మార్గాల్లో మాత్రమే ఉపయోగించాలి. సమపాళ్లలో బేకింగ్‌ సోడా, పంచదార పొడి బాగా కలపి ఈ మిశ్రమాన్ని చిన్న మూతల్లో/ చిన్న పళ్లెంలో వేసి చీమలు ఎక్కువగా తిరిగే కుండీల అంచుల వద్ద లేదా నేల మీద ఉంచాలి. తీపికి ఆకర్షితమై చీమలు ఈ మిశ్రమాన్ని తింటాయి. అది వాటి పొట్టలోకి వెళ్లగానే బేకింగ్‌ సోడా రసాయనిక చర్య జరిపి కార్బన్‌ డయాక్సైడ్‌ గ్యాస్‌ను ఉత్పత్తి చేస్తుంది, దీనివల్ల చీమలు చనిపోతాయి.5. మట్టి కొద్దిగా ఆమ్ల గుణాన్ని కలిగి ఉంటే, బేకింగ్‌ సోడా దాన్ని కొద్దిగా ఆల్కలీన్‌ (క్షార) స్థితికి తెస్తుంది.6. టమాటా మొక్కల మొదళ్ల చుట్టూ కొద్దిగా బేకింగ్‌ సోడా చల్లటం ద్వారా మట్టిలోని ఆమ్లతను తగ్గించి, టమాటాలు మరింత రుచిగా /తీయగా మారేలా చేయవచ్చు.7. బేకింగ్‌ సోడాను మితిమీరి వాడితే మొక్కల ఆకులు కాలిపోయే అవకాశం ఉంది. ద్రావణం పలుచగా ఉండేలా చూసుకోవాలి (1% కంటే ఎక్కువ ఉండకూడదు). మట్టిలో సోడియం శాతం పెరిగి మొక్కల ఎదుగుదలపై ప్రతికూల ప్రభావం చూపుతుంది.8. ఎండ ఎక్కువగా ఉన్నప్పుడు స్ప్రే చేయకూడదు. తెల్లవారుజామున లేదా సాయంత్రం వేళల్లో స్ప్రే చేయటం మంచిది. ఒకేసారి అన్ని మొక్కలపై కాకుండా, ఒక చిన్న కొమ్మపై స్ప్రే చేసి 24 గంటల తర్వాత ఫలితాన్ని గమనించి, మిగిలిన మొక్కలకు వాడాలి.9. తెగులు ఎక్కువగా ఉన్నప్పుడు వారానికి 1–2 సార్లు పిచికారీ చేయాలి.- కొల్లి కృష్ణ కుమారి, అడ్మిన్, గుంటూరు జిల్లా, మిద్దె తోటల బృందం, మొబైల్‌: 94906 02366నిర్వహణ: పంతంగి రాంబాబు, సాక్షి సాగుబడి డెస్క్‌ఇదీ చదవండి: భూతాపంతో రైతులకు పెను ముప్పు.. ఐరాస హెచ్చరిక!

వంటిల్లు, వంట ఇంటి సామాను జిడ్డు వదిలించడం అంత తేలిక కాదు. దీనికి సంబంధించి అనేక చిట్కాలను మనం  చూసే ఉంటాం. వాటిని  చాలామంది పాటించి ఉంటారు కూడా. తాజాగా  ఇలాంటి  వంట ఇంటి చిట్కా ఒకటి సోషల్‌ మీడియాలో వైరల్‌ అవుతోంది. టూత్‌పేస్ట్+కోకాకోలా+క్లీనర్+బేకింగ్-సోడా+వాటర్‌తో తయారు చేసిన లిక్విడ్‌ మ్యాజిక్‌ఇంటర్నెట్‌ హల్‌చల్‌ చేస్తోంది. లెర్న్‌ సంథింక్‌ అనే ట్విటర్‌ హ్యాండిల్‌ షేర్‌ చేసిన ఈ వీడియో ఇప్పటికే మూడు మిలియన్లకుపైగా వ్యూస్‌ సాధించింది. చిన్ని కోకోకాలా బాటిల్‌లో  కొద్దిగా టూత్‌ ప్లేస్‌ వేసి బాగా కలిపాడు. ఆ రువాత  ఆమిశ్రమాన్ని ఒకగిన్నెలోపోసి, దానికి బేకింగ్‌ సోడా,  లిక్విడ్‌ క్లీనర్‌,కొద్దిగా నీళ్లు కలిపాడు. ఆ తరువాత దీన్నీ ఒక  స్ప్రే బాటిల్‌లోకి తీసుకుని జిడ్డు పట్టిన పెనాన్ని శుభ్రం చేయడం ఇందులో  చూడొచ్చు. This Magic products made by toothpaste+cocacola+cleaner+baking-soda+water pic.twitter.com/KOOeJwuvWn — Learn Something (@cooltechtipz) March 12, 2024

ఆలు చిప్స్‌ తినీతిని బోర్‌ కొట్టిందా! అయితే, బంగాళా దుంపతో ఈ వైరైటీ వంటకాన్ని ట్రై చేయండి. రొటీన్‌కు భిన్నంగా పొటాటో టోర్నడో రుచిని ఆస్వాదించండి. పొటాటో టోర్నడో తయారీకి కావాల్సిన పదార్థాలు: ►బంగాళ దుంపలు – 4 లేదా 5 ►మైదాపిండి – అర కప్పు ►మొక్కజొన్నపిండి – 1 టేబుల్‌ స్పూన్‌ ►బేకింగ్‌ సోడా – అర టీ స్పూన్‌ ►ఉప్పు – కొద్దిగా, నీళ్లు – కావాల్సినన్ని ►నూనె – డీప్‌ ఫ్రైకి సరిపడా ►గార్లిక్‌ పౌడర్‌ – 1 టేబుల్‌ స్పూన్‌ ►చీజ్‌ తురుము – 3 టేబుల్‌ స్పూన్లు ►చీజ్‌ సాస్‌ – 4 టేబుల్‌ స్పూన్ల పైనే ►డ్రై పార్సీ – అర టేబుల్‌ స్పూన్‌ ►ఎండు మిర్చి పొడి – 1 టేబుల్‌ స్పూన్‌ తయారీ: ముందుగా ఒక బౌల్‌లో గార్లిక్‌ పౌడర్, చీజ్‌ తురుము, డ్రై పార్సీ.. వేసుకుని బాగా మిక్స్‌ చేసుకుని పక్కన పెట్టుకోవాలి. తర్వాత ఒక్కో బంగాళదుంపను ఒక్కో పొడవాటి పుల్లకు గుచ్చి.. చాకుతో స్ప్రిల్స్‌లా (వలయంలా, మొత్తం కట్‌ చెయ్యకుండా చిత్రంలో ఉన్న విధంగా) కట్‌ చేసుకుని పెట్టుకోవాలి. ►అనంతరం వెడల్పుగా ఉండే బౌల్‌లో మైదాపిండి, మొక్కజొన్నపిండి, బేకింగ్‌ సోడా, ఉప్పు వేసుకుని కొద్దికొద్దిగా నీళ్లు పోసుకుంటూ పలుచటి మిశ్రమంలా చేసుకోవాలి. ►ఆ మిశ్రమంలో ఒక్కో పొటాటో స్ప్రింగ్‌ని ముంచి.. నూనెలో దోరగా వేయించాలి. అనంతరం వాటిని వరుసగా పెట్టుకుని.. అటు ఇటు తిప్పుతూ గార్లిక్‌–చీజ్‌ మిశ్రమాన్ని చల్లుకోవాలి. ►ఆ పైన చీజ్‌ సాస్‌ స్ప్రిల్స్‌ పొడవునా స్ప్రెడ్‌ చేసుకుని.. చివరిగా ఎండుమిర్చి పొడిని చల్లి.. సర్వ్‌ చేసుకోవాలి.  చదవండి: Summer Drink: సుగంధ షర్బత్‌ ఎలా తయారు చేస్తారో తెలుసా?


 బేకింగ్ సోడాలో కొద్దిగా నీళ్లు కలిపి పేస్ట్‌లా చేయాలి. దీనితో మాడును బాగా రుద్ది వదిలేయాలి. పావుగంట తర్వాత కుంకుడు రసంతో కానీ షీకాయతో కానీ తలంటుకోవాలి. వారానికి రెండుసార్లు ఇలా చేస్తే రెండు మూడు వారాల్లో చుండ్రు సమస్య వదిలిపోతుంది.
 ♦ కలబంద గుజ్జులో కొద్దిగా నిమ్మరసం కలిపి మాడుకు పట్టించాలి. బాగా ఆరిన తర్వాత తలంటుకోవాలి. చుండ్రుతో బాధపడుతున్నవారు తరచూ ఇలా చేస్తే సమస్య తీరిపోతుంది.
 ♦ వెల్లుల్లిని మెత్తగా దంచి, ఆలివ్ ఆయిల్‌లో వేసి వెచ్చబెట్టాలి. గోరువెచ్చగా ఉండగానే మాడుకు పట్టించి, అరగంట తర్వాత తలంటుకోవాలి. చుండ్రుకు ఇది మంచి మందు.
 ♦ గుప్పెడు వేపాకుల్ని నీటితో కలిపి పేస్ట్ చేయాలి. దీనిలో కొద్దిగా కొబ్బరి నూనె కలిపి తలకు పట్టించాలి. గంట తర్వాత తలస్నానం చేస్తే చుండ్రు మాత్రమే కాదు, పేలు కూడా పోతాయి.


 ఇంటిటిప్స్
 
 ఇత్తడి లోహం పూజా సామగ్రి, ఇంటి అలంకరణ వస్తువులలో ప్రధానమైనది. అయితే, ఈ వస్తువులు సరిగా శుభ్రపరచకపోతే నల్లబడటం కళ తప్పడం చూస్తుంటాం. ఇత్తడి వస్తువులు కొత్తగా మెరవాలంటే... ఒక చిన్న పాత్రలో టీ స్పూన్ నిమ్మరసం, టీ స్పూన్ బేకింగ్ సోడా వేసి కలపాలి. ఈ మిశ్రమాన్ని మెత్తని క్లాత్‌కి అద్దుకుంటూ, ఇత్తడి పాత్రలపై రుద్దాలి. తర్వాత మరో పొడి క్లాత్ తీసుకొని శుభ్రంగా తుడవాలి.
 
 క్లాత్‌కి కొద్దిగా ఆలివ్ ఆయిల్ అద్దుకొని శుభ్రపరిచిన వస్తువులపై మృదువుగా తుడవాలి. దీంతో అవి కొత్తవాటిలా మెరుస్తాయి. నిమ్మకాయ (అర చెక్క), టీ స్పూన్ ఉప్పు తీసుకోవాలి. నిమ్మ చెక్కపై ఉప్పు వేసి నల్లబడిన ఇత్తడి వస్తువులపై రుద్ది, నీళ్లతో శుభ్రపరచాలి. తర్వాత మెత్తటి కాటన్ క్లాత్‌తో తుడవాలి. మురికి అంతా పోయి కొత్తవాటిలా మెరుస్తాయి.