నటి సుధ.. తెలుగు ప్రేక్షకులకు ప్రత్యేకంగా పరిచయం అక్కర్లేదు. దాదాపు 500లకు పైగా చిత్రాల్లో నటించి తనకంటూ ప్రత్యేక గుర్తింపు సంపాదించుకుంది ఆమె. బాలనటిగా అలరించిన ఆమె పద్నాలుగేళ్ల వయసులోనే హీరోయిన్‌గానూ అలరించింది. అప్పట్లో తమిళ్‌, తెలుగులో పలువురు స్టార్‌ హీరో సరసన నటించిన ఆమె ప్రస్తుతం అక్క, అత్త, అమ్మ, వదిన వంటి పాత్రల్లో మెప్పిస్తోంది. ఈ నేపథ్యంలో ఆమెకు ఫ్యామిలీ ఆడియన్స్‌ ఫాలోయింగ్‌ ఎక్కువే అని చెప్పాలి.  చదవండి: రష్మికకు రిషబ్‌ శెట్టి గట్టి కౌంటర్‌, ట్వీట్‌ వైరల్‌ ఇదిలా ఉంటే ఇటివల ఓ యూట్యూబ్‌ చానల్‌కు ఇచ్చిన ఇంటర్య్వూలో సుధ మాట్లాడుతూ.. తాను నాలుగు తరాల హీరోలతో నటించానంటూ ఆనందం వ్యక్తం చేసింది. ఇలాంటి ఘనత తనకే దక్కిందంటూ సుధ మురిసిపోయింది. అలాగే ఇప్పుటి హీరోల్లో జూనియర్‌ ఎన్టీఆర్‌ అంటే తనకు చాలా ఇష్టమని చెప్పింది. తారక్‌తో ఆమె బాద్‌షా చిత్రంలో స్క్రీన్‌ షేర్‌ చేసుకున్న సంగతి తెలిసిందే. ఈ సందర్భంగా బాద్‌షా మూవీ షూటింగ్‌ సమయంటో చోటుచేసుకున్న ఓ సంఘటనను గుర్తు చేసుకుంటూ తారక్‌పై ఆసక్తికర వ్యాఖ్యలు చేసింది. ఈ మేరకు సుధ జూనియర్‌ ఎన్టీఆర్‌ గురించి మాట్లాడుతూ.. ‘తారక్‌ చాలా గొప్ప నటుడు. నిజానికి తనని వారు అని అనాలి. కానీ నా కొడుకు లాంటి వాడు కాబట్టి వాడు అంటున్నాను. తనతో నేను బాద్‌షా మూవీలో కలిసి నటించాను. తారక్‌ సెట్‌కి వస్తే చాలు గోలగోలగా ఉండేది. సెట్‌లో చాలా అల్లరి చేసేవాడు. అలాగే హుందాగా కూడా వ్యవహరించేవాడు. అంత పెద్ద స్టార్‌ అయినప్పుటికి సెట్‌లో అందరితో కలివిడిగా ఉంటాడు. బాద్‌షా షూటింగ్‌ అన్నపూర్ణ స్టూడియోస్‌లో జరుగుతుంది. నేనూ తారక్‌ స్టేజ్‌పై డాన్స్‌ చేసే సీన్‌ అది. చదవండి: మహేశ్‌-రాజమౌళి మూవీ నుంచి బిగ్‌ అప్‌డేట్‌ బయటపెట్టిన రచయిత మొదటి టేక్‌ బాగా వచ్చింది. కానీ నేను మరో టేక్‌కు వెళ్దాం అన్నారు. ఎందుకు బాగానే వచ్చింది కదా అన్నాడు తారక్‌. కానీ, ఎందుకో నేను మళ్లి చెద్దాం అన్నాను. అప్పుడు ప్రాక్టీస్ చేస్తుండగా నా కాలు స్లిప్ అయ్యి బెణికింది. వెంటనే కాలు వాచిపోయింది. అది చూసి ఎన్టీఆర్ పరిగెత్తుకుంటూ వచ్చి నా కాలు పట్టుకుని స్ప్రే చేసి జాగ్రత్తగా కూర్చోబెట్టాడు. అంత గొప్ప స్టార్‌కి అదంతా చేయాల్సిన అవసరం లేదు. ఏ బాబు చూడండమ్మా అని చెప్పచ్చు. చాలా మంది చూసి చూడనట్లు వెళ్లిపోతారు. కానీ, తారక్ అలాంటి వ్యక్తి కాదు. ఆ భగవంతుడు తారక్‌ చల్లగా చూడాలి’ అంటూ ఆమె చెప్పుకొచ్చింది. 

సామాజిక మాధ్య‌మాల్లో సినీ తార‌ల‌ను ఎంత‌మంది అనుస‌రిస్తున్నార‌నేది ఇప్పుడు అత్యంత ప్రాధాన్యంగా మారింది. ఎవ‌రికి ఎక్కువ ఫాలోవ‌ర్లు ఉంటే వారే పాపుల‌ర్‌. మొన్నామ‌ధ్య ట్విట‌ర్ న‌కిలీ ఖాతాల‌ను తొల‌గించిన‌ప్పుడు సెల‌బ్రిటీల‌ను ఫాలో అయ్యేవారి సంఖ్య గ‌ణ‌నీయంగా తగ్గిపోయింది. దీనివ‌ల్ల‌ అత్య‌ధికంగా బిగ్‌బీ అమితాబ్ బ‌చ్చ‌న్ 4,23,966 మంది ఫాలోవ‌ర్ల‌ను పోగొట్టుకున్నారు. ఆ త‌ర్వాత షారుక్ ఖాతాలో 3,62,382 మంది ఫాలోవ‌ర్లు త‌గ్గిపోయారు. ఈ విష‌యంపై అమితాబ్ ట్విట‌ర్‌పై ఆగ్ర‌హం కూడా వ్య‌క్తం చేశార‌నేది తెలిసిన విష‌య‌మే. అయితే ఇప్పుడో కొత్త ప్ర‌శ్న ఉత్ప‌న్న‌మ‌వుతోంది. కొంద‌రు కావాల‌నే న‌కిలీ ఫాలోవ‌ర్ల‌ను సృష్టిస్తున్నారా? వారి పాపులారిటీ పెంచేందుకు దొంగ‌చాటు మార్గాల‌ను ఎంచుకుంటున్నారా? ఏమో? ఇప్పుడు చెప్ప‌బోయే విష‌యం వింటే అవున‌నే అంటారేమో! బాలీవుడ్‌ ర‌్యాప‌ర్ బాద్‌షా నకిలీ ఫాలోవ‌ర్స్ స్కామ్‌లో ఇరుక్కున్నాడు. ఆయ‌న త‌న వీడియోల‌కు ఎక్కువ వ్యూస్‌ వ‌చ్చేందుకు డ‌బ్బులిచ్చి మ‌రీ వ్యూస్‌ను కొనుగోలు చేశార‌ని ముంబై పోలీసులు అంటున్నారు. దీనిపై అత‌నికి స‌మన్లు కూడా జారీ చేశారు. నిజానికి యూట్యూబ్‌లో త‌న‌ వీడియో రిలీజ్ చేసిన తొలి 24 గంట‌ల్లో అత్య‌ధిక వ్యూస్ సంపాదించి ప్ర‌పంచ రికార్డ్ బ‌ద్ధ‌లు కొడుదామ‌నుకున్నాడు బాద్‌షా. అనుకున్న‌ట్టుగానే అత‌ని "పాగ‌ల్ హై" సాంగ్ వీడియోకు తొలి రోజే అత్య‌ధికంగా 75 మిలియ‌న్ల వ్యూస్ వ‌చ్చాయి. (ఆ కళాకారుడికి బాలీవుడ్‌ సింగర్‌ సాయం..) దీంతో తొలి 24 గంట‌ల్లో అత్య‌ధిక వీక్ష‌ణ‌లు సంపాదించిన కొరియ‌న్ బ్యాండ్ బీటీఎస్ వీడియో రికార్డును తుడిచిపెట్టుకుపోయిందని ర్యాప‌ర్ చెప్పుకొచ్చారు. కానీ ఈ వార్త‌ను గూగుల్ ఖండించ‌డం గ‌మనార్హం. మ‌రోవైపు డీసీపీ నంద‌కుమార్ ఠాకూర్ మీడియాతో మాట్లాడుతూ.. "యూట్యూబ్‌లో త‌న వీడియో ద్వారా ప్ర‌పంచ రికార్డులు బ‌ద్ధ‌లు కొట్టాల‌నుకున్నాడు. 7.2 కోట్ల వ్యూస్‌కు గానూ స‌ద‌రు కంపెనీకి రూ.72 ల‌క్ష‌లు చెల్లించాడు. ఇప్పుడు అత‌ని మిగ‌తా పాట‌ల‌ను, దాని వ్యూస్‌ను కూడా ప‌రిశీలిస్తున్నాం" అని ఆయ‌న‌ పేర్కొన్నారు. అయితే వీట‌న్నింటినీ బాద్‌షా తోసిపుచ్చారు. త‌ను ఎప్పుడూ ఇలాంటి ప‌నుల‌కు పాల్ప‌డ‌లేద‌ని స్పష్టం చేశారు. (నేను ఉరేసుకుని కనిపిస్తే: హీరోయిన్‌)


 బాలీవుడ్ స్టార్ హీరోలలో అభిమానులతో తన అనుభవాలను, ఇష్టా ఇష్టాలను మొహమాటం లేకుండా పంచుకునే హీరో సూపర్ స్టార్ షారూఖ్ ఖాన్. తను పడ్డా కష్టాలతో పాటు ఇప్పుడు స్టార్ డమ్ను కాపాడుకోవటానికి తను ఎలాంటి జాగ్రత్తలు తీసుకుంటున్నాడో కూడా తన ఫ్యాన్స్తో షేర్ చేసుకుంటుంటాడు బాద్షా.
 
 ఇటీవల ఫ్యాన్స్తో నిర్వహించిన లైవ్ వీడియో చాట్లో తన ఆహారపు అలవాట్ల గురించి అభిమానులకు తెలియజేశాడు. ఫిట్గా ఉండేందుకు పక్కా డైట్ ఫాలో అయ్యే షారూఖ్, రెగ్యులర్గా గ్రిల్డ్ చికెన్, మొలకలు, బ్రోకొలి, పప్పు మాత్రమే తీసుకుంటాడట. అంతేకాదు ఏదైనా పార్టీకి వెళ్లినా.. ఇంట్లో వండిన ఆహారం తినడానికే ఇష్టపడతాడట.
 
 ముఖ్యంగా ఫంక్షన్స్, పార్టీలలో చాలా మంది ముందు తినటానికి ఇబ్బందిగా ఉంటుదన్నాడు షారూఖ్. తనలా ఫర్ఫెక్ట్ బాడీ మెయిన్టైన్ చేయడానికి అభిమానులకు టిప్స్ కూడా చెప్పాడు. ప్రతీరోజు తప్పకుండా వ్యాయామం చేయాలని, భోజనం చేసేప్పుడు మితంగా తినాలని, అది కూడా కింద కూర్చొని తినటం ఆరోగ్యానికి ఎంతో మంచిదని తెలియజేశాడు.