‘‘నటుడిగా నాలోని భిన్న కోణాలు చూపించుకోవాలని తాపత్రయపడతాను. అందుకే ఒకదానికి ఒకటి పోలిక లేని పాత్రలు చేస్తున్నాను’’ అని అవసరాల శ్రీనివాస్‌ అన్నారు. ఆయన హీరోగా నటించిన హిందీ ‘హంటర్‌’ రీమేక్‌ ‘బాబు బాగా బిజీ’ ఈ శుక్రవారం విడుదల కానుంది. నవీన్‌ మేడారం దర్శకత్వంలో అభిషేక్‌ పిక్చర్స్‌ పతాకంపై అభిషేక్‌ నామా నిర్మించారు. అవసరాల చెప్పిన విశేషాలు..
 
 ‘అష్టా చమ్మా’లో నేను చేసిన పాత్ర అందరికీ నచ్చింది. ఆ తర్వాత అలాంటి పాత్రలు దాదాపు 30 వరకూ వచ్చాయి. అవి చేసి ఉంటే, ‘అవసరాల ఇలాంటి పాత్రలకే పనికొస్తాడు’ అని నాకో ఇమేజ్‌ ఫిక్స్‌ చేసేసేవారు. నేను కూడా అందులోంచి బయటకు రావడానికి ఇష్టపడకుండా రొటీన్‌ క్యారెక్టర్స్‌ చేస్తూ వస్తే, నాకే బోర్‌ కొట్టి ఉండేది. అందుకే డిఫరెంట్‌ రోల్స్‌ చేస్తున్నా. ఎవరైనా సరే సినిమాని సినిమాగా చూడాలి. అలాగే, తెర మీద నటించే ఆర్టిస్ట్‌ని కాకుండా పాత్రను చూడాలి. సినిమాలో హంతకుడి పాత్ర చేస్తే నిజజీవితంలో నేను హత్యలు చేస్తానని కాదు కదా? సినిమా వరకే హంతకుణ్ణి.
 
 ∙‘క్లీన్‌’ ఇమేజ్‌ ఉన్న నేను ‘బాబు బాగా బిజీ’లాంటి అడల్డ్‌ సినిమా సెలక్ట్‌ చేసుకోవడం కొంతమందిని ఆశ్చర్యపరచి ఉండొచ్చు. ‘వర్క్‌ ఈజ్‌ వర్క్‌’. నా వ్యక్తిత్వానికి సినిమాల్లో చేసే పాత్రలకూ సంబంధం ఉండదు. వాస్తవానికి ‘హంటర్‌’ సినిమా చూసి, చేయాలా? వద్దా అనుకున్నాను. చివర్లో ఇచ్చిన మెసేజ్‌ చూసి, చేయాలని నిర్ణయించుకున్నాను. నేనే పని చేసినా ఇతరుల సలహాల మీద ఆధారపడను. నా సొంత నిర్ణయాలకే ప్రాధాన్యం ఇస్తాను. ఆ తర్వాత వాటి గురించి ఆలోచించను.
 
 ∙నేను డైరెక్షన్‌ చేస్తానన్నప్పుడు నటుడిగా చేస్తున్నావ్‌. డైరెక్షన్‌ ఎందుకని చాలామంది అన్నారు. ఒకవేళ డైరెక్షన్‌ చేస్తే, కమర్షియల్‌ స్క్రిప్ట్స్‌ సెలక్ట్‌ చేసుకోమని సలహా కూడా ఇచ్చారు. మనల్ని ఏది ఎగై్జట్‌ చేస్తుందో అది చేయడమే మంచిదని నా ఫీలింగ్‌. అందుకని నా ఇష్టానికి తగ్గట్టుగా సినిమాలు చేస్తున్నా. ∙ధనార్జనే ధ్యేయం అనుకుని ఉంటే ఈ సినిమాని ఇంకా వల్గర్‌గా తీయొచ్చు. కానీ, దర్శక–నిర్మాతల ప్రధానోద్దేశం అది కాదు. అందుకే కథకు ఏం కావాలో అదే చూపించాలనుకున్నారు. అభిషేక్‌ నామాకి ఇది మొదటి సినిమా అయినా రాజీపడకుండా నిర్మించారు.
 
 నా మొదటి సినిమా ‘అష్టా చమ్మా’ నిర్మాత రామ్మోహన్‌కు మొదటి సినిమా. ఆ సినిమా సక్సెస్‌. ఇప్పుడు అభిషేక్‌ పిక్చర్స్‌కి ఇది మొదటి సినిమా. సెంటిమెంట్‌గా ఆలోచిస్తే.. ఇది కూడా హిట్టే.  ∙దర్శకుడిగా నా మూడో సినిమా మంచి థ్రిల్లర్‌. కొత్త జానర్‌లో ఈ సినిమా ఉంటుంది. ఇప్పటికే ఇద్దరు ముగ్గురు నిర్మాతలకు కథ చెప్పాను. చేద్దామన్నారు. నటుడిగా ‘అల్లరి’ నరేశ్‌ కాంబినేషన్‌లో ఓ సినిమా చేస్తున్నా. అందులో నాది సీబీఐ ఆఫీసర్‌ పాత్ర. వీఐ ఆనంద్‌ దర్శకత్వంలో అల్లు శిరీష్‌ హీరోగా నటిస్తున్న సినిమాలో కీలక పాత్ర చేస్తున్నా. ‘అమీ తుమీ’ రీలీజ్‌కు సిద్ధమవుతోంది.


 ‘‘బాబు బాగా బిజీ’ చిత్రం నాకో జర్నీలాంటిది. ఏడాదిగా ఈ చిత్రం విడుదల కోసం ఆసక్తిగా ఎదురు చూస్తున్నా. రియల్‌ లైఫ్‌లో నేనెలా ఉంటానో, దానికి పూర్తి విరుద్ధంగా ఈ చిత్రంలో నా పాత్ర ఉంటుంది’’ అన్నారు కథానాయిక తేజస్వి మదివాడ. అవసరాల శ్రీనివాస్‌ హీరోగా, తేజస్వి మదివాడ, సుప్రియ ఐసోల, శ్రీ ముఖి, మిస్తీ చక్రవర్తి హీరోయిన్లుగా నవీన్‌ మేడారం దర్శకత్వంలో అభిషేక్‌ పిక్చర్స్‌ బ్యానర్‌పై అభిషేక్‌ నామా నిర్మించిన  ‘బాబు బాగా బిజీ’ ఈ శుక్రవారం విడుదలవుతోంది. ఈ సందర్భంగా తేజస్వి చిత్ర విశేషాలు మీడియాతో పంచుకున్నారు.
 
 ♦ బాలీవుడ్‌ హిట్‌ మూవీ ‘హంటర్‌’కు రీమేక్‌గా ‘బాబు బాగా బిజీ’ తెరకెక్కింది. హిందీలో పరుల్‌ కొటక్‌ చేసిన పాత్ర నాది. ఆ పాత్ర చూసి, ఇమిటేట్‌ చేయడానికి ప్రయత్నించా. ఈ చిత్రంలో నేను స్విమ్మర్‌గా కనిపిస్తా. రియల్‌ లైఫ్‌లో నాకు స్విమ్మింగ్‌ రాదు. సినిమా కోసం ఎలాగోలా మేనేజ్‌ చేశాను?
 
 ♦ నా రోల్‌ వెరీ సింపుల్‌ అండ్‌ స్వీట్‌. సైలెంట్‌గా, అమాయకమైన అమ్మాయిగా నటించా. నాపై ఎలాంటి స్పైసీ సన్నివేశాలు, డైలాగులు లేవు. ఒక పాట మాత్రం ఉంటుంది. షూటింగ్‌లో అవసరాలను ర్యాగింగ్‌ చేశా. అందర్నీ బాగా విసిగించా. అయినా అందరూ లైట్‌ తీసుకున్నారు.
 
 ♦ నేను తెలుగమ్మాయిని కావడంతో డైలాగులు పలకడానికి నాకు పెద్ద కష్టం ఉండేది కాదు. కానీ, పాత్ర పర్‌ఫెక్షన్‌ కోసం ఒక్కో సీన్‌ను దర్శకుడు నవీన్‌ ఐదుసార్లు  చేయించేవారు. ప్రస్తుతానికి కొత్త చిత్రాలేవీ ఒప్పుకోలేదు. దర్శకురాలు నందినీరెడ్డిగారి రైటింగ్స్‌లో ఓ వెబ్‌సిరీస్‌కు సైన్‌ చేశా. ఆర్నెల్ల పాటు ఆ సిరీస్‌ ఉంటుంది.


 – దర్శకుడు నవీన్‌ మేడారం
 
 ‘‘బాబు బాగా బిజీ’ నా తొలి చిత్రం. తెలుగు చిత్ర పరిశ్రమలో ఇటువంటి సినిమా తీయాలంటే దమ్ముండాలి. ఈ సినిమా చేయడానికి కారణం అభిషేక్‌ నామాగారు. ముగ్గురు స్నేహితులు కలిసి మాట్లాడుకుంటే ఎలా ఉంటుందో ఈ చిత్రం అలా సరదాగా సాగుతుంది’’ అని  దర్శకుడు నవీన్‌ మేడారం అన్నారు. అవసరాల శ్రీనివాస్‌ హీరోగా బాలీవుడ్‌ హిట్‌ మూవీ ‘హంటర్‌’కు రీమేక్‌గా నవీన్‌ దర్శకత్వంలో అభిషేక్‌ పిక్చర్స్‌ బ్యానర్‌పై అభిషేక్‌ నామా నిర్మించిన చిత్రం ‘బాబు బాగా బిజీ’. అవసరాల శ్రీనివాస్, మిస్తీ చక్రవర్తి, తేజస్వి మదివాడ, సుప్రియ ఐసోల, శ్రీ ముఖి ముఖ్య తారలు. మే 5న ఈ చిత్రం విడుదల కానుంది.
 
 ఈ సందర్భంగా హైదరాబాద్‌లో ప్రీ రిలీజ్‌ ఫంక్షన్‌ నిర్వహించారు. దర్శకుడు మాట్లాడుతూ– ‘‘ఈ చిత్రంలో హీరోగా అవసరాలని తప్ప మరెవర్నీ ఊహించుకోలేదు. ఆయన కూడా ‘హంటర్‌’ చూడగానే ‘బాబు బాగా బిజీ’ చేయటానికి సిద్ధమయ్యారు. ఈ చిత్రంలో ఎక్కడా వల్గారిటీ కనపడదు. రియల్‌ లైఫ్‌ను చూస్తున్నట్లు అనిపిస్తుంది’’ అన్నారు. ‘‘ఈ సినిమా ఎందుకు చేస్తున్నావని చాలా మంది అడిగారు. ఇందులో సైకలాజికల్‌ కంటెంట్, ఇంట్రెస్టింగ్‌ క్యారెక్టర్‌ కావడంతో చేశా’’ అన్నారు అవసరాల. నటుడు తనికెళ్ళ భరణి, సంగీత దర్శకుడు సునీల్‌ కశ్యప్, శ్రీముఖి, సుప్రియ ఐసాల తదితరులు పాల్గొన్నారు.


 ప్రస్తుతం దేశవ్యాప్తంగా బాహుబలి ఫీవర్ నడుస్తోంది. ఈ సినిమా ప్రపంచ వ్యాప్తంగా భారీగా రిలీజ్ అవుతుండటంతో ఆ దరిదాపుల్లో ఓ మాదిరి సినిమా రిలీజ్ చేయడానికి కూడా సినీ ప్రముఖుల సాహసించటం లేదు. బాహుబలి రిలీజ్కు ముందు వారం ఒకటి రెండు సినిమాలను విడుదల చేస్తున్నా.. రిలీజ్ తరువాత మాత్రం పదిహేను రోజుల పాటు మరే సినిమా థియేటర్లలోకి రాదని భావించారు.
 
 కానీ అందరికీ షాక్ ఇస్తూ చిన్న సినిమాలు బాహుబలితో ఢీ అంటున్నాయి. ఇప్పటికే బాహుబలి రిలీజ్ అయిన వారం తరువాత అవసరాల శ్రీనివాస్ లీడ్ రోల్లో తెరకెక్కిన బాబు బాగా బిజీ రిలీజ్ అవుతుందని ప్రకటించారు. ఇప్పుడు మరో చిన్న సినిమా మరింత రిస్క్ చేసేందుకు రెడీ అవుతోంది. హ్యాపిడేస్ ఫేం రాహుల్ ప్రధాన పాత్రలో తెరకెక్కిన వెంకటాపురం సినిమాను బాహుబలి రిలీజ్ అయిన తరువాతి రోజు (ఏప్రిల్ 29)న రిలీజ్ చేస్తున్నట్టుగా ప్రకటించారు.
 
 ఎవరి మార్కెట్ వారిదే అనుకున్నారో లేక, బాహుబలి టికెట్ దొరకని వారైనా మన సినిమా చూస్తారని భావిస్తున్నారో  గాని.., వెంకటాపురం చిత్రయూనిట్ నిర్ణయానికి ఇండస్ట్రీ ప్రముఖులు కూడా షాక్ అవుతున్నారు. చాలా కాలంగా రిలీజ్ వాయిదా పడుతూ వస్తున్న ఈ చిన్న సినిమా బాహుబలి సునామీని తట్టుకొని ఎంత వరకు నిలబడుతుందో చూడాలి.


 బాబు చాలా ఇన్నోసెంట్‌గా కనిపిస్తాడు. అతను మాత్రం ఇన్నోసెంట్‌ కాదు. ఇప్పటివరకూ వంద మంది అమ్మాయిలను మాటల గారడీతో మాయలో పడేశాడు. అతని కథేంటనేది వచ్చే నెల 13న చూడమంటున్నారు దర్శకుడు నవీన్‌ మేడారం. అవసరాల శ్రీనివాస్‌ హీరోగా నవీన్‌ దర్శకత్వంలో అభిషేక్‌ పిక్చర్స్, ఫాంటమ్‌ ఫిల్మ్స్‌ పతాకాలపై అభిషేక్‌ నామా నిర్మించిన సినిమా ‘బాబు బాగా బిజి’.
 
  మిస్తీ చక్రవర్తి, తేజస్వి, శ్రీముఖి, సుప్రియ హీరోయిన్లు. హిందీ హిట్‌ ‘హంటర్‌’కు తెలుగు రీమేక్‌ ఇది. ఏప్రిల్‌ 13న చిత్రాన్ని రిలీజ్‌ చేయాలనుకుంటున్నారు. ‘‘ఇది రొమాంటిక్‌ కామెడీ ఎంటర్‌టైనర్‌. ఇలాంటి కాన్సెప్ట్‌తో తెలుగులో ఏ సినిమా రాలేదు. అవసరాల చక్కగా నటించారు. టీజర్‌కు, ట్రైలర్‌కు మంచి రెస్పాన్స్‌ వస్తోంది. ఈ సినిమాకు సునీల్‌ కశ్యప్‌ మ్యూజిక్‌ స్పెషల్‌ ఎట్రాక్షన్‌’’ అన్నారు నిర్మాత.


 కమెడియన్గా ఎంట్రీ ఇచ్చి తరువాత దర్శకుడిగా మారిన టాలీవుడ్ స్టార్ అవసరాల శ్రీనివాస్. స్టార్ కమెడియన్గా కొనసాగుతూనే ఊహలు గుసగుసలాడే, జ్యో అచ్యుతానంద సినిమాలతో దర్శకుడిగా కూడా మంచి విజయాలు సాధించాడు. ఇటీవల విడుదలైన జెంటిల్మన్ సినిమాతో విలన్ గానూ మంచి మార్కులు సాధించాడు. ప్రస్తుతం అవసరాల శ్రీనివాస్ హీరోగా తెరకెక్కుతున్న 'బాబు బాగా బిజీ' రిలీజ్కు రెడీ అవుతోంది.
 
 బాలీవుడ్ అడల్డ్ మూవీ హంటర్కు రీమేక్గా తెరకెక్కుతున్న ఈ సినిమా అవసరాల సెక్స్ అడిక్ట్గా నటిస్తున్నాడు. తాజాగా మరో సినిమాలో హీరోగా నటించేందుకు అంగీకరించాడు అవసరాల శ్రీనివాస్. విజయ్ అనే కొత్త దర్శకుడి సినిమాలో హీరోగా నటించేందుకు ఓకె చెప్పాడు. బాబు బాగా బిజీ రిలీజ్ తరువాత దర్శకుడిగా నానితో సినిమా చేసే ప్లాన్లో ఉన్నాడు. ఆ సినిమా పూర్తయిన తరువాత., తను హీరోగా విజయ్ తెరకెక్కించే సినిమాకు డేట్స్ అడ్జస్ట్ చేసే పనిలో ఉన్నాడు.