నేలకొండపల్లి (ఖమ్మం): రాముడిపై అపార భక్తి భావం చూపించి భక్తరామదాసుగా పేరొందిన కంచర్ల గోపన్న ఆరాధనోత్సవాలు నేటి నుంచి మూడు రోజుల పాటు (మే 1 వరకు) ఖమ్మం జిల్లా నేలకొండపల్లిలో జరగనున్నాయి. నేలకొండపల్లి భక్త రామదాసు జన్మస్థలం. భద్రాచలం శ్రీ సీతారామచంద్ర స్వామి దేవస్థానం, భక్తరామదాసు విద్వత్ కళాపీఠం ఆధ్వర్యంలో ఇవి జరగనున్నాయి. వీటిని రాష్ట్ర మంత్రి తుమ్మల నాగేశ్వరరావు బుధవారం ప్రారంభించనున్నారు.