Appellate

భారతదేశంలో సోషల్ మీడియా వినియోగదారుల హక్కుల పరిరక్షణ కోసం ఏర్పాటు చేసిన ‘గ్రీవెన్స్ అప్పలేట్ కమిటీ’(జీఏసీ) తీవ్రమైన సవాళ్లను ఎదుర్కొంటోంది. సాఫ్ట్‌వేర్ ఫ్రీడమ్ లా సెంటర్ ఇండియా వెల్లడించిన తాజా గణాంకాల ప్రకారం, దాదాపు 50,000 అప్పీళ్లు పెండింగ్‌లో ఉన్నట్లు తేలింది. సోషల్ మీడియా ప్లాట్‌ఫారమ్‌లు తీసుకునే నిర్ణయాలపై వినియోగదారులు వేగవంతమైన పరిష్కారాన్ని పొందేందుకు ఉద్దేశించిన ఈ వ్యవస్థ ప్రస్తుతం పెండింగ్‌ ఫైళ్లతో సతమతమవుతోంది.వినియోగదారుల్లో నిరాశసాధారణంగా సోషల్ మీడియా సంస్థలు కంటెంట్ మోడరేషన్ విషయంలో ఏకపక్షంగా నిర్ణయాలు తీసుకుంటున్నాయని వినియోగదారులు ఆరోపిస్తుంటారు. అటువంటి సందర్భాల్లో ప్లాట్‌ఫారమ్ గ్రీవెన్స్ ఆఫీసర్ నిర్ణయాన్ని సవాలు చేస్తూ జీఏసీని ఆశ్రయించడం పరిపాటిగా ఉండేది. అయితే, ఇప్పుడు పెండింగ్ అప్పీళ్ల సంఖ్య విపరీతంగా పెరిగిపోవడం, వినియోగదారుల్లో నిరాశ కలిగిస్తోంది. ఈ ఆలస్యం వల్ల డిజిటల్ వేదికలపై తమ వాదనలు వినిపించే హక్కు కోల్పోతున్నట్లు విశ్లేషకులు అభిప్రాయపడుతున్నారు.ఏం చేయాలంటే..ప్రస్తుత పరిస్థితి వెనుక మౌలిక సదుపాయాల కొరత, సిబ్బంది సామర్థ్యానికి మించిన పనిభారం ప్రధాన కారణాలుగా కనిపిస్తున్నాయి. సాఫ్ట్‌వేర్ ఫ్రీడమ్ లా సెంటర్ ఇండియా తన విశ్లేషణలో గ్రీవెన్స్ అప్పలేట్ కమిటీ కార్యకలాపాల్లో పారదర్శకత లేకపోవడం, నిర్ణయాల వెల్లడిలో జాప్యం కలుగుతుండడాన్ని ఎత్తిచూపింది. ఈ వ్యవస్థపై తిరిగి విశ్వాసాన్ని పెంచాలంటే ప్రభుత్వం తక్షణమే జోక్యం చేసుకోవాలని నిపుణులు కోరుతున్నారు. పరిష్కార ప్రక్రియకు నిర్దిష్ట సమయ పరిమితులను విధించడం, డేటా అప్‌డేట్‌లను క్రమబద్ధీకరించడం, కమిటీ వనరులను పెంచడం వంటి చర్యలు అత్యవసరం.డిజిటల్ యుగంలో సోషల్ మీడియా ప్లాట్‌ఫారమ్‌ల నియంత్రణ, వినియోగదారుల రక్షణ అత్యంత కీలకమైన అంశాలు. జీఏసీ సమర్థవంతంగా పనిచేయడం లేదనే విమర్శలొస్తున్నాయి. ఈ తరుణంలో ఈ వ్యవస్థను మరింత పటిష్టం చేసి సామాన్య వినియోగదారుడికి సత్వర న్యాయం అందేలా ప్రభుత్వం చర్యలు తీసుకోవాలని మార్కెట్‌ వర్గాలు చెబుతున్నాయి. లేనిపక్షంలో ఈ కమిటీ కేవలం పేరుకే పరిమితమై అసలైన ఉద్దేశ్యాన్ని నెరవేర్చలేకపోయే ప్రమాదం ఉంది.ఇదీ చదవండి: రూ.లక్షన్నర కిందే బంగారం.. పెట్రోల్‌తోపాటు వాటర్‌ సేల్‌!


 ప్రారంభించిన సుప్రీం ధర్మాసనం
 న్యూఢిల్లీ: ఇరవై ఏళ్ల కిందట హిందుత్వంపై తాను ఇచ్చిన తీర్పుపై సుప్రీం కోర్టు మంగళవారం పునర్విచారణ ప్రారంభించింది. రాజకీయ ప్రయోజనాల కోసం మతాన్ని దుర్వినియోగం చేయడంపై ఆనాడు త్రిసభ్య ధర్మాసనం ఇచ్చిన తీర్పుపై సమీక్షిస్తోంది. ఈ విషయంలో అటార్నీ జనరల్‌ను భాగస్వామిని చేయాలన్న  కొంతమంది  కక్షిదారుల వినతిని ధర్మాసనం తిరస్కరించింది. చట్టానికి సంబంధించిన ప్రతీ కేసులో అటార్నీ జనరల్ సాయం అవసరమవుతుందని అనుకుంటున్నారా? అని చీఫ్ జస్టిస్ టీఎస్ ఠాకూర్ నేతృత్వంలోని ఏడుగురు సభ్యుల  ధర్మాసనం ప్రశ్నించింది.
 హిందూయిజం అనేది ఈ ఉపఖండంలో జీవించే ప్రజల జీవన విధానమని మనోహర్ జోషి వర్సెస్ ఎన్‌బీ పాటిల్ కేసులో సుప్రీం త్రిసభ్య ధర్మాసనం 1995లో తీర్పునిచ్చింది. అయితే ఇది ప్రజా ప్రాతినిధ్య చట్టంలో 123 సెక్షన్‌లోని సబ్ సెక్షన్ (3) ప్రకారం అవినీతి లేదా తప్పుడు విధానం కిందకి వస్తుందా అన్న ప్రశ్న తలెత్తింది. అయితే ఈ విషయం 2014 జనవరి 30న మళ్లీ ఐదుగురు న్యాయమూర్తులతో కూడిన సుప్రీం ధర్మాసనం ముందుకు రావడంతో దీన్ని ఏడుగురు సభ్యుల బెంచ్‌కు సిఫారసు చేసింది. ఇప్పుడు ఏడుగురు జడ్జిల ధర్మాసనం ఈ తీర్పుపై పునర్వివిచారణ చేపట్టింది.


 జెనీవా/వాషింగ్టన్: అమెరికా నుంచి కోడిమాంసం, గుడ్లు, పందుల దిగుమతులను నిషేధిస్తూ భారత్ తీసుకున్న నిర్ణయంపై డబ్ల్యూటీవోలో చుక్కెదురైంది. దీనికి సంబంధించిన కేసును ప్రపంచ వాణిజ్య సంస్థ వద్ద భారత్ ఓడిపోయింది. భారత్ నిర్ణయం అంతర్జాతీయ నిబంధనల ప్రకారం లేదని డబ్ల్యూటీవో అప్పీలేట్ తేల్చి చెప్పింది. తమ తీర్పును అమలు చేసేందుకు భారత్‌కు 12 నుంచి 18 నెలల సమయం ఇచ్చిన అప్పీలేట్ ఆ తరువాత అమెరికా భారత్‌కు ఆయా ఉత్పత్తులను ఎగుమతి చేయొచ్చని స్పష్టం చేసింది.
 
 బర్డ్ ఫ్లూకు సంబంధించి భారత్ నిబంధనలు సరిగా లేవని పేర్కొంది. అమెరికా దిగుమతుల నిషేధం సరికాదంటూ గత సంవత్సరం డబ్ల్యూటీవో కమిటీ ఇచ్చిన తీర్పు సరైనదేనని అప్పీలేట్ పేర్కొంది.