Ainul

హైదరాబాద్‌: గాంధీ జయంతిని పురస్కరించుకుని ఏషియన్ ఇన్‌స్టిట్యూట్ ఆఫ్ నెఫ్రాలజీ అండ్ యూరాలజీ (AINU) హాస్పిటల్ దిల్‌సుఖ్‌నగర్‌ ఆధ్వర్యంలో ఉచిత మెగా ప్రోస్టేట్, కిడ్నీ హెల్త్ క్యాంప్ నిర్వహించారు. ప్రజల్లో కిడ్నీ, ప్రోస్టేట్ ఆరోగ్య సమస్యలపై అవగాహన పెంచడం, ముందస్తు ఆరోగ్య పరీక్షలకు ప్రాధాన్యత ఇచ్చేలా ప్రోత్సహించడమే లక్ష్యంగా ఈ శిబిరాన్ని చేపట్టారు. ఈ అవకాశాన్ని 220 మంది పురుషులు, 70 మంది మహిళలతో సహా మొత్తం 300 మంది వినియోగించుకున్నారు.ఈ వైద్య శిబిరంలో భాగంగా పాల్గొన్న వారికి ప్రోస్టేట్-స్పెసిఫిక్ యాంటిజెన్ (PSA) టెస్ట్, ల్యాబ్ ఆధారిత రాండమ్ బ్లడ్ షుగర్ టెస్ట్, సీరం క్రియాటినిన్ టెస్ట్, కంప్లీట్ యూరిన్ ఎగ్జామినేషన్‌లతో సహా సమగ్ర నిర్ధారణ పరీక్షలు నిర్వహించి, అనంతరం నిపుణులైన వైద్యులతో వ్యక్తిగత సలహాలు, సంప్రదింపులు అందించారు. ఏఐఎన్‌యూ (AINU) హాస్పిటల్ దిల్‌‌సుఖ్‌నగర్ డిపార్ట్‌మెంట్ హెడ్, సీనియర్ కన్సల్టెంట్ యూరాలజిస్ట్ డాక్టర్ శ్రీనివాస నారాయణం మాట్లాడుతూ.. "కిడ్నీ, ప్రోస్టేట్ సమస్యలు తీవ్రమయ్యే వరకు తరచుగా ఎలాంటి బయటి లక్షణాలు కనిపించవు...వ్యాధి ముదిరిన తర్వాతే చాలామంది వైద్యులను ఆశ్రయిస్తుంటారు. ఇలాంటి ఉచిత వైద్య శిబిరాల ద్వారా ప్రజలు తమ ఆరోగ్యం పట్ల ముందస్తు జాగ్రత్తలు తీసుకునేలా ప్రోత్సహించడమే మా ఉద్దేశం. ప్రాథమిక దశలోనే పరీక్షలు చేయించుకోవడం ద్వారా వ్యాధిని ముందే గుర్తించి, సరైన సమయంలో మెరుగైన వైద్య సలహాలు పొందవచ్చు" అని పేర్కొన్నారు.


 గుజరాత్ ముఖ్యమంత్రి నరేంద్రమోడీ హూంకార్ ర్యాలీ సందర్భంగా పాట్నా నగరంలో ఆదివారం సంభవించిన వరుస బాంబు పేలుళ్ల కేసులో ప్రధాన నిందితుల్లో ఒకరైన అయినిల్ అలియాస్ తారిఖ్ శుక్రవారం తెల్లవారుజామున మరణించాడు. పాట్నా నగరంలోని రైల్వే స్టేషన్లో ఆదివారం ఉదయం ప్రమాదవశాత్తు బాంబు పేలుడు సంభవించింది. ఆ బాంబు పేలుడులో తారీఖ్ తీవ్రంగా గాయపడ్డాడు. దాంతో అతడిని పోలీసులు నగరంలోని ఇందిరాగాంధీ మెడికల్ ఇనిస్టిట్యూట్కు తరలించారు. ఆసుపత్రిలో చికిత్స పొందుతూ తారీఖ్ కోమాలోకి వెళ్లిన అతడు ఈ రోజు తెల్లవారుజామున మరణించినట్లు వైద్యులు పోలీసులకు వెల్లడించారు.
  
 పాట్నా బాంబు పేలుళ్ల కేసులో ఇప్పటి వరకు నలుగురి నిందితులను పోలీసులు అరెస్ట్ చేశారు. అయితే కేసును బీహార్ రాష్ట్ర ప్రభుత్వం ఎన్ఐఏకు అప్పగించింది. ఆదివారం పాట్నా నగరంలోని గాంధీ మైదాన్లో గుజరాత్ ముఖ్యమంత్రి నరేంద్రమోడీ   హూంకార్ ర్యాలీ నిర్వహించారు. ఈ సందర్బంగా వరుస బాంబు పేలుళ్లలో ఇప్పటి వరకు ఆరుగురు వ్యక్తులు మరణించగా, 82 మంది గాయపడిన సంగతి తెలిసిందే.