TV
థానే నగరంలోని ముంబ్రాలో ఈ రోజు తెల్లవారుజామున నాలుగంతస్థుల భవనం పేకమేడలా కుప్పకూలింది.
థానే నగరంలోని ముంబ్రాలో ఈ రోజు తెల్లవారుజామున నాలుగంతస్థుల భవనం పేకమేడలా కుప్పకూలింది. ఆ ఘటనపై సమాచారం అందుకున్న వెంటనే పోలీసు ఉన్నతాధికారులతోపాటు నగరపాలక ఉన్నతాధికారులు సంఘటన స్థలానికి హుటాహుటిన చేరుకున్నారు. శిథిలాల కింద చిక్కుకున్న వారిని బయటకు తీసేందుకు సహయచర్యలను ముమ్మరం చేశారు.
కాగా భవనం కూలిన ఘటనలో ఎంత మంది మరణించారు, ఎంత మంది గాయపడ్డారు అనేది తెలియాల్సి ఉందని ఉన్నతాధికారులు వెల్లడించారు. ఆ భవనం యజమానిపై కేసు నమోదు చేసినట్లు తెలిపారు. ఆ ఘటనకు గల కారణాలను అన్వేషిస్తున్నట్లు ఉన్నతాధికారులు వివరించారు.
