TV
'3డీ'తో ప్రపంచం చూపు భారత్ వైపు
డెమోగ్రఫీ, డెమొక్రసీ, డిమాండ్(3డీ) ఈ మూడు అంశాలు ప్రపంచం భారత్ వైపు చూసేలా చేస్తున్నాయని ప్రధాని నరేంద్ర మోదీ అన్నారు.
హన్నోవర్: డెమోగ్రఫీ, డెమొక్రసీ, డిమాండ్(3డీ) ఈ మూడు అంశాలు ప్రపంచం భారత్ వైపు చూసేలా చేస్తున్నాయని ప్రధాని నరేంద్ర మోదీ అన్నారు. తమ దేశంలో అవకాశాలను అందిపుచ్చుకునేందుకు పెట్టుబడులు పెట్టాలని విదేశీ ఇన్వెస్టర్లను కోరారు. జర్మనీ హన్నోవర్లో ఏర్పాటుచేసిన అంతర్జాతీయ వాణిజ్య ప్రదర్శనను ఆయన ప్రారంభించారు.
ఈ సందర్భంగా మాట్లాడుతూ... సంక్లిష్టంగా ఉన్న పన్నుల విధానాన్ని ఎత్తివేశామని వెల్లడించారు. పన్నుల విధానాన్ని సరళీకరిస్తామని తమ ప్రభుత్వ మొదటి బడ్జెట్ లోనే పేర్కొన్నామని తెలిపారు. అభివృద్ధికి ఆటంకం కలిగించే పాత భావనలను అవసరమైతే వదులుకునేందుకు వెనుకాడబోమని మోదీ స్పష్టం చేశారు.
