రెండు ఇసుక లారీలు, జేసీబీ సీజ్

మహబూబ్‌నగర్: పాలమూరు జిల్లాలో అక్రమంగా ఇసుకను తరలిస్తున్న వాహనాలను ఉన్నతాధికారులు సీజ్ చేశారు. రాజాపూర్ గ్రామ సమీపంలోని వాగు నుంచి ఇసుకను తోడి తరలిస్తున్న రెండు లారీలను, ఒక జేసీబీని పోలీసులు స్వాధీనం చేసుకున్నారు.

అనంతరం వాటిని బాలానగర్ పోలీసులకు అప్పగించారు. ఇసుక అక్రమ రవాణాపై పదేపదే ఫిర్యాదులు అందుతున్నా స్థానిక ఎస్సై వాటిపై స్పందించలేదు. దీంతో ఎస్పీ ఆదేశాల మేరకు మంగళవారం తెల్లవారుజామున అక్కడికి చేరుకున్న పోలీసుల ప్రత్యేక బృందం ఇసుక తరలింపును అడ్డుకున్నారు. అక్రమార్కులపై కేసులు నమోదుచేసి దర్యాప్తు చేస్తున్నారు.