ఆ రిలేషన్‌షిప్‌ ఓ మంచి అనుభవాన్ని ఇచ్చింది

Sakshi Interview About Tollywood Actress Shruti Haasan Amid Lockdown

నువ్వు నవ్వితే నేనూ నవ్వుతా నువ్వు ప్రేమగా చూస్తే నేనూ చూస్తా నువ్వు కన్నెర జేస్తే నేనూ జేస్తా... ఎందుకంటే నేను అద్దంలాంటిదాన్ని, ‘నీ రియాక్షన్‌ ఎలా ఉంటే.. నా రిఫ్లెక్షన్‌ అలా ఉంటుంది’ అంటున్నారు శ్రుతీహాసన్‌. కరోనా వల్ల ఇంట్లో లాకప్‌ కావడం, ఆ మధ్య లవ్‌లో బ్రేకప్‌ కావడం... ఇలా ఎన్నో విషయాలు ‘సాక్షి’తో పంచుకున్నారు శ్రుతీహాసన్‌.

► ఎప్పుడూ షూటింగ్స్‌ అనో, మ్యూజికల్‌ టూర్స్‌ అనో.. ఇలా ఏదోటి చేస్తూ బిజీగా ఉంటారు. ఇప్పుడు ఇంట్లో లాక్‌ కావడం ఎలా అనిపిస్తోంది?
షూటింగ్స్‌ను బాగా మిస్‌ అవుతున్నాను. నా కో–స్టార్స్, డైరెక్టర్స్, లొకేషన్‌ అన్నీ మిస్‌ అవుతున్నాను. కానీ అది పెద్ద సమస్య కాదు. ప్రపంచం పెద్ద సమస్యను ఎదుర్కొంటోంది. ఈ సమయంలో ‘అది లేదు.. ఇది లేదు’ అని కంప్లయింట్‌ చేయడం కూడా కరెక్ట్‌ కాదు. నా కంపెనీని నేను బాగా ఎంజాయ్‌ చేస్తున్నాను. వంట పని, ఇంటి పని, మ్యూజిక్, కవితలు రాస్తున్నాను.

► ప్రస్తుతం ఈ కరోనా వల్ల కొందరు ‘ఐసొలేషన్‌’ లో ఉండిపోవాల్సిన పరిస్థితి. లైఫ్‌లో ఎప్పుడైనా మీరు అలా ఐసొలేట్‌ అయిపోవాలనుకున్న సందర్భాలు ఉన్నాయా?
కొన్నిసార్లు అనిపించింది. మనలో ప్రతి ఒక్కరూ ఏదో ఒక సందర్భంలో తప్పుగా అర్థం చేసుకోబడతాం. అలా జరిగినప్పుడు ఐసొలేట్‌ అయిపోవాలనుకుంటాం. లైఫ్‌లో చాలాసార్లు చాలామంది నన్ను తప్పుగా అర్థం చేసుకున్నారు. అప్పుడు ఒంటరిగా ఉండిపోవాలనిపించింది.

► నలుగురితో కలిసిమెలిసి ఉండాలంటారు. కానీ ఇప్పుడు నలుగురు కలిస్తే ముప్పు. దీన్ని మీరు ఎలా చూస్తున్నారు?
ఇది చాలా పాజిటివ్‌ విషయంగా చూస్తాను. ఇన్ని రోజులూ పార్టీలంటూ తిరిగాం. పార్క్, మాల్స్, కాఫీ షాప్స్‌.. ఎవరూ ఏదీ వదలపెట్టకుండా అదొక పనిగా పెట్టుకుని కలుసుకునేవాళ్లం. ఆ మీటింగ్స్‌లో అనవసరమైన విషయాల గురించే ఎక్కువగా చర్చించేవాళ్లం. కానీ ఇప్పుడు ఇల్లే కాఫీ షాప్, ఇల్లే పార్క్‌. ఫోన్‌లో కూడా కావాల్సిన విషయాలు మాత్రమే మాట్లాడుకుంటున్నాం. నాన్సెన్స్‌ మాట్లాడటం లేదు. జీవితంలో అతి ముఖ్యమైనవి ఏంటో ఇప్పుడు అందరికీ అర్థం అవుతోంది. లాక్‌డౌన్‌ తర్వాత చాలామందిలో చాలా మార్పు కనిపిస్తుందని నా ఫీలింగ్‌.

► ఈ లాక్‌డౌన్లో మీరేదైనా నిర్ణయం తీసుకున్నారా?
నెగటివ్‌గా మాట్లాడేవాళ్లు, నెగటివ్‌ ఎనర్జీ  పంచేవాళ్లు నాకు అవసరం లేదు. అలాంటి వాళ్లను దూరం పెట్టాలని చాలా బలంగా ఫిక్సయ్యాను. నా చుట్టూ పాజిటివ్‌ పీపుల్‌ ఉండాలని కోరుకుంటున్నాను. నాకు కేవలం పాజిటివిటీయే కావాలి.  

► కానీ ఇప్పుడు ‘పాజిటివ్‌’ అంటే ప్రమాదం కదా?
(నవ్వుతూ).. అవును. కోవిడ్‌ 19 టెస్ట్‌లో పాజిటివ్‌ వస్తే ప్రమాదమే. కానీ లైఫ్‌లో పాజిటివిటీ లేకపోతే చాలా పెద్ద ప్రమాదం. నెగటివ్‌ మైండ్‌సెట్‌ ఉన్నవారికి ప్రతిదీ తప్పుగా అనిపిస్తుంది. ఎదుటివారిలో తప్పులు పట్టడమే వాళ్ల పని. నేను ఎదుటి వ్యక్తిలో ఉన్న నెగటివిటీని పక్కన పెట్టి  పాజిటివ్‌ విషయాలను మాత్రమే తీసుకుంటాను.

► లాక్‌డౌన్‌లో పూర్తిగా ఇంట్లోనే లాక్‌ అయ్యారా? బయటకు వెళ్తున్నారా?
చెత్త కవర్‌ పడేయడానికి మాత్రమే బయటకు అడుగుపెడుతున్నాను. అది కూడా నా ఇంటి మెయిన్‌ డోర్‌ కాస్త తెరిచి, బయట కవర్‌ పెట్టి, వెంటనే లోపలికి వెళ్లిపోతాను. కూరగాయలు, పండ్లు... ఇలా కావాల్సినవి ఆన్‌లైన్‌లో ఆర్డర్‌ చేస్తున్నాను. అవి వచ్చాక శుభ్రంగా కడిగి, ఫ్రిజ్‌లో పెడుతున్నాను.

► కుకింగ్‌లో ప్రయోగాలు చేస్తున్నారా?
నాకు తెలుగు వంటలంటే చాలా ఇష్టం. ముఖ్యంగా బెండకాయ పచ్చడి ఇష్టం. ఈ లాక్‌డౌన్‌లో అది ట్రై చేశాను. ఆ రెసిపీని ఇన్‌స్టాగ్రామ్‌లో షేర్‌ చేశాను. చిన్నప్పటి నుంచి నాన్నగారు దాదాపు  ప్రతిరోజూ బ్రేక్‌ఫాస్ట్‌లో పెసరట్టు తింటారు. ఇప్పుడు పెసరట్టు ఎలా చేయాలో నేర్చుకున్నాను. ఫస్ట్‌ టైమ్‌ చేసినప్పుడే బాగా కుదిరింది.

► ఈ లాక్‌డౌన్‌ టైమ్‌లో ఉద్యోగాలు కోల్పోయినవాళ్లు ఉన్నారు. వలస కార్మికుల స్థితి దారుణంగా ఉంది. అన్నీ ఉన్న మీరు చాలా అదృష్టవంతులు...
మీరు లాక్‌డౌన్‌ని ఎలా మ్యానేజ్‌ చేస్తున్నారు? అని కొందరు నన్ను అడిగారు. మ్యానేజ్‌ చేయడానికి ఏముంది? అన్ని వసతులు ఉన్నాయి కదా. మహా అయితే బోర్‌ కొడుతుంది.. అంతే. అది పెద్ద సమస్య కానే కాదు. అన్నీ ఉన్నవాళ్లు ప్రతిరోజూ ప్రార్థన చేయాలి. కృతజ్ఞతాభావంతో ఉండాలి. వలస కూలీలు ఒక రాష్ట్రం నుంచి మరో రాష్ట్రానికి కాలి నడకన వెళ్తున్నారు. తినడానికి తిండి లేదు. చేతిలో డబ్బులు లేవు. చాలా దయనీయమైన స్థితి.

► మీ సొంత సంపాదనతోనే లైఫ్‌ లీడ్‌ చేస్తున్నారా? నాన్నగారి నుంచి హెల్ప్‌ ఏమైనా?
నాకూ ఆర్థిక సమస్యలు ఉన్నాయి. లోన్లు కట్టాలి. నేనెప్పుడూ డబ్బులు కావాలని మా నాన్నగారిని అడగను. ఒకవేళ కావాలని అడిగితే ఆయన ఇస్తారు. కానీ నేను ఎవరి మీదా ఆధారపడకుండా బతకాలనుకుంటాను. కానీ నాది రోజువారీ జీతం తీసుకునే పని కాదు. అలాంటి జాబ్‌ అయితే టెన్షన్‌తో కూడుకున్నదే. ఇండస్ట్రీలో చాలా మంది ఏ రోజు జీతం ఆ రోజే తీసుకుంటారు. ఆ రోజు పని ఉంటేనే డబ్బులు. అలాంటివారి జీవితాన్ని ఈ కరోనా చాలా ఇబ్బందుల్లో పడేసింది.

► ఫైనల్లీ కంటికి కనిపించని శత్రువు కరోనాతో పోరాటం చేస్తున్నాం. కానీ మన జీవితంలో కనిపించే శత్రువులు ఉంటారు. వీళ్లను ఎలా ఎదుర్కొంటారు?
నా ఆలోచనలన్నీ ఆధ్యాత్మికంగా ఉంటాయా? అంటే వంద శాతం ఉంటాయని చెప్పలేను. పోనీ నేను టోటల్‌గా స్పిరిచ్యువల్‌ పర్సనా? అంటే అది కూడా కరెక్ట్‌గా చెప్పలేను. అయితే ఓ పవర్‌ అందర్నీ నడిపిస్తుందని నమ్ముతాను. మన మనసులో ఒక విషయాన్ని బలంగా అనుకుంటే సమయం పట్టినా అది కచ్చితంగా జరిగేలా ఆ పవర్‌ చేస్తుందని నమ్ముతాను.  నేను అద్దం లాంటిదాన్ని. మీరు నాకు ఏది ఇస్తే అది మీకు తిరిగి ఇస్తాను. మీరు నాకు ప్రేమను ఇచ్చారనుకోండి.. ఆ ప్రేమ తిరిగి వస్తుంది. ఇంకా రెట్టింపు కూడా వస్తుంది. అదే ద్వేషించారా? అది కూడా అలానే ఉంటుంది. ఈ శత్రువుని ఇలా ఎదుర్కోవాలని ఒక రూల్‌ ఏం ఉండదు. శత్రువుని బట్టి మారుతుంది. చెప్పాను కదా.. మీ రియాక్షన్‌ బట్టి నా రిఫ్లెక్షన్‌ ఉంటుంది.

► మైఖేల్‌ కోర్సలే నుంచి బ్రేక్‌ అప్‌ అయ్యారు? ఆ బ్రేకప్‌ నేర్పించిన పాఠం?
పాఠం అనుకోవడం లేదు కానీ ఆ రిలేషన్‌షిప్‌ ఓ మంచి అనుభవాన్ని ఇచ్చింది. ‘లెర్నింగ్‌ ఎక్స్‌పీరియన్స్‌’ అంటారు కదా. అలా అన్నమాట. అయితే నేను ఒక రిలేషన్‌లో ఉన్నందుకు, ఆ తర్వాత బ్రేకప్‌ అయినందుకు పశ్చాత్తాపపడటంలేదు.

► మళ్లీ ప్రేమలో పడతారా?
ఎందుకు పడకూడదు. నేను ప్రేమలో పడే వయసులోనే ఉన్నాను కదా. ఈ వయసులో ప్రేమకబుర్లు చెప్పకపోతే ఏ వయసులో చెబుతాం. అయితే నేను అనుకుంటున్న ఆ ‘గొప్ప ప్రేమ’ దొరికినప్పుడు ఇలాంటి ప్రేమకోసమే ఎదురు చూశానని తప్పకుండా చెబుతాను.

ఇప్పుడు  మీ డైలీ రొటీన్‌ ఏంటి?
షూటింగ్స్‌ వల్ల మార్నింగ్‌ నిద్రలేచే టైం మారిపోయింది. రాత్రి త్వరగా పడుకుంటే త్వరగా లేస్తాను. ఆలస్యంగా పడుకుంటే ఆలస్యం అవుతుంది. నిద్ర లేవగానే బెడ్‌ని నీట్‌గా సర్దుకుంటాను. మళ్లీ రాత్రి వరకూ నిద్రపోను. నిద్ర లేవగానే టీ, బ్రేక్‌ఫాస్ట్, వర్కౌట్స్‌ పూర్తి చేస్తాను. ఆ తర్వాత భోజనం తయారు చేసుకుంటాను. తిన్న తర్వాత ఏదైనా రాసుకుంటాను. ఫ్రెండ్స్‌తో మాట్లాడతాను. ఇల్లు క్లీన్‌ చేస్తాను. ప్రతిరోజూ ఏదో పని ఉంటుంది.

– డి.జి. భవాని

Read latest Movies News and Telugu News | Follow us on FaceBook, Twitter

మరిన్ని వార్తలు

19-10-2020
Oct 19, 2020, 10:12 IST
ఇప్పటివరకు కోలుకున్నవారి మొత్తం సంఖ్య 66,63,608. ప్రస్తుతం యాక్టివ్‌గా ఉన్న కేసుల సంఖ్య 7,72,055. ఈమేరకు కేంద్ర ఆరోగ్య మంత్రిత్వ...
19-10-2020
Oct 19, 2020, 09:00 IST
కైవ్‌: కరోనా వైరస్‌ బారిన పడి ప్రపంచ వ్యాప్తంగా అనేక మంది మరణిస్తున్నారు. అయితే ఇప్పటికి చాలా మందిలో కరోనా వైరస్‌కు...
19-10-2020
Oct 19, 2020, 08:42 IST
సాక్షి, హైదరాబాద్‌: తెలంగాణలో కరోనా కేసులు కొంత తగ్గుముఖం పట్టాయి. గడిచిన 24 గంటల్లో 26,027 కోవిడ్‌ నిర్ధారణ పరీక్షలు...
19-10-2020
Oct 19, 2020, 04:32 IST
న్యూఢిల్లీ: కరోనా మహమ్మారి సెప్టెంబర్‌లో గరిష్ట స్థాయిని దాటి పోయిందని కోవిడ్‌–19పై కేంద్ర ప్రభుత్వం ఏర్పాటు చేసిన ప్రత్యేక కమిటీ...
19-10-2020
Oct 19, 2020, 03:19 IST
సాక్షి, అమరావతి: కరోనా రికవరీలోనూ ఆంధ్రప్రదేశ్‌ ముందుకు దూసుకుపోతోంది. కోలుకుంటున్నవారి సంఖ్య గణనీయంగా పెరగడంతో ఇప్పుడు దేశంలోనే ప్రథమ స్థానంలో...
19-10-2020
Oct 19, 2020, 03:05 IST
సాక్షి, హైదరాబాద్‌: దసరా, దీపావళి పండగల వేళ కరోనా వైరస్‌ వ్యాప్తి చెందే అవకాశం ఉన్న దృష్ట్యా దీన్ని నివారించేందుకు...
18-10-2020
Oct 18, 2020, 15:48 IST
సాక్షి, న్యూఢిల్లీ :  కాంగ్రెస్‌ పార్టీ ఎంపీ శశిథరూర్‌ మరోసారి వివాదాస్పద వ్యాఖ్యలు చేసి.. విమర్శలు ఎదుర్కొంటున్నారు. కరోనా నియంత్రణ విషయంలో...
18-10-2020
Oct 18, 2020, 14:29 IST
సాక్షి, న్యూఢిల్లీ : భారత్‌లో కరోనా వైరస్‌ ముమ్మర దశను దాటిందని వచ్చే ఏడాది ఫిబ్రవరి నాటికి మహమ్మారి అంతం...
18-10-2020
Oct 18, 2020, 10:25 IST
న్యూఢిల్లీ: దేశ్యాప్తంగా కరోనాబారినపడి మరో 1033 మంది ప్రాణాలు విడిచారు. దీంతో మొత్తం మరణాల సంఖ్య 1,14,031 కు చేరింది....
18-10-2020
Oct 18, 2020, 09:55 IST
లక్నో: ప్రపంచాన్ని గడగడలాడిస్తున్న కరోనా మహమ్మారి భారత్‌లో రోజురోజుకూ విజృంభిస్తోంది. ఇప్పటికే దేశవ్యాప్తంగా 1,14,031 మందిని పొట్టనబెట్టుకుంది. బిహార్‌లోనూ పంజా...
17-10-2020
Oct 17, 2020, 18:59 IST
కరోనా వ్యాక్సిన్ పంపిణీకి సంబంధించి ప్రధానమంత్రి నరేంద్ర మోదీ కీలక వ్యాఖ్యలు చేశారు.
17-10-2020
Oct 17, 2020, 17:53 IST
రష్యా అభివృద్ది చేసిన స్పుత్నిక్-వి వ్యాక్సిన్ 3వ దశ క్లినికల్ ట్రయల్స్ కు మన దేశంలో అనుమతి లభించింది.
17-10-2020
Oct 17, 2020, 14:52 IST
కరోనా తీవ్రత ఎక్కువగా ప్రాంతాల్లో భార్యాభర్తలు, కుటుంబ సభ్యులు కూడా భౌతిక దూరాన్ని పాటించాల్సిందేనంటూ ఉత్తర్వులు జారీ చేసింది.
17-10-2020
Oct 17, 2020, 14:05 IST
సాక్షి, హైదరాబాద్‌: న‌టుడు జీవితా రాజ‌శేఖ‌ర్ కుటుంబ సభ్యులు క‌రోనా మహమ్మారి బారిన ప‌డ్డారు. ఈ విష‌యాన్ని స్వ‌యంగా రాజ‌శేఖ‌ర్ ట్విటర్ ద్వారా వెల్లడించారు....
17-10-2020
Oct 17, 2020, 12:59 IST
సాక్షి, న్యూఢిల్లీ: ప్రపంచం మొత్తం కరోనా వ్యాక్సిన్‌ ఎప్పుడెప్పుడు వస్తుందా అని వేయి కళ్లతో ఎదురు చూస్తోంది. అయితే ఈ వ్యాక్సిన్‌...
17-10-2020
Oct 17, 2020, 11:50 IST
తిరువనంతపురం : దాదాపు ఏడు నెలల తర్వాత కేరళలోని శబరిమల ఆలయంలోకి భక్తులను అనుమతించారు. నెలవారీ పూజా కార్యక్రమాల్లో భాగంగా అయిదు రోజుల...
17-10-2020
Oct 17, 2020, 10:38 IST
వాషింగ్టన్‌: ప్రపంచంలో అత్యధికంగా అమెరికాలో ఇప్పటికే కరోనా కేసులు 8 మిలియన్లు దాటాయి. ఇలాంటి పరిస్థితుల్లో నవంబర్ 3న జరిగే అధ్యక్ష ఎన్నికల నాటికి...
17-10-2020
Oct 17, 2020, 09:49 IST
న్యూఢిల్లీ : దేశంలో కరోనా వైరస్‌ పాజిటివ్‌ కేసుల సంఖ్య 74 లక్షలు దాటింది. గడిచిన 24 గంటల్లో 62,212 పాజిటివ్‌...
17-10-2020
Oct 17, 2020, 09:05 IST
సాక్షి, హైదరాబాద్‌: తెలంగాణలో కరోనా కేసులు కొంత తగ్గుముఖం పట్టాయి. గడిచిన 24 గంటల్లో 42,497 కోవిడ్‌ నిర్ధారణ పరీక్షలు...
16-10-2020
Oct 16, 2020, 20:04 IST
సాక్షి, అమరావతి : రాష్ట్రవ్యాప్తంగా కరోనా వైరస్‌ కేసులు క్రమంగా తగ్గుతున్నాయి.  గడిచిన 24 గంటల్లో 74,337 సాంపిల్స్‌ పరీక్షించగా.. 3,967మందికి...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top