నేటి నుంచి రెండో దశ మెగా ప్లాంటేషన్‌

కరీంనగర్‌ రూరల్‌ : కరీంనగర్‌ మండలంలో గురువారం నుంచి 15 వరకు రెండో దశ మెగా ప్లాంటేషన్‌ చేపడుతున్నట్లు  ఆర్డీవో చంద్రశేఖర్‌ తెలిపారు. మండల పరిషత్‌లో బుధవారం హరితహారం నిర్వహణపై  నోడల్‌ అధికారులతో సమీక్ష సమావేశం నిర్వహించారు. ఆయన మాట్లాడుతూ ఈనెల 11 నుంచి 15 వరకు 5 లక్షల మొక్కలు నాటేందుకు ఏర్పాట్లు చేశామన్నారు. మొదటి విడతలో నాటిన 4లక్షల మొక్కలను సంరక్షించేందుకు చర్యలు చేపట్టాలని సూచించారు. ఎంపీడీవో దేవేందర్‌రాజు, ఈవోపీఆర్డీ దేవకిదేవి, ఈజీఎస్‌ ఏపీవో శోభ తదితరులు పాల్గొన్నారు.