TV
26న సింహగిరిపై శ్రీకృష్ణాష్టమి
సింహగిరిపై శ్రీవరాహ లక్ష్మీనృసింహస్వామి ఆలయంలో ఈనెల 26న శ్రీకృష్ణాష్టమిని వైభవంగా నిర్వహించనున్నట్టు సింహాచలం దేవస్థానం ఏఈవో ఆర్‌.వి.ఎస్‌.ప్రసాద్‌ తెలిపారు.
- ఆ రోజు రాత్రి 7 గంటల వరకే అప్పన్న దర్శనాలు
- 27న ఉట్ల సంబరం
సింహాచలం : సింహగిరిపై శ్రీవరాహ లక్ష్మీనృసింహస్వామి ఆలయంలో ఈనెల 26న శ్రీకృష్ణాష్టమిని వైభవంగా నిర్వహించనున్నట్టు సింహాచలం దేవస్థానం ఏఈవో ఆర్‌.వి.ఎస్‌.ప్రసాద్‌ తెలిపారు. ఆ రోజు బేడా మండపంలో శ్రీకృష్ణ జననోద్ధారణ పూజలు విశేషంగా నిర్వహిస్తామని సోమవారం విలేకరులతో చెప్పారు. బాలకృష్ణుడికి విశేష అభిషేకాలు చేస్తామన్నారు. 27న సాయంత్రం 4 గంటలకు ఉట్ల సంబరాన్ని నిర్వహిస్తావన్నారు. ఈ ఉత్సవంలో స్వామి శ్రీకృష్ణాలంకారంలో భక్తులకు దర్శనమిస్తారన్నారు. శ్రీకృష్ణాష్టమి సందర్భంగా 26న రాత్రి 7 గంటల వరకే భక్తులకు దర్శనాలు కల్పిస్తారు.
