ఆ మార్కెట్‌లోనూ జియోదే హవా..

సాక్షి, న్యూఢిల్లీ : ముఖేష్‌ అంబానీకి చెందిన రిలయన్స్‌ జియో ఓ వైపు టెల్కోలకు చుక్కులు చూపిస్తుండగా... ఇటు అదే సంస్థకు చెందిన వైఫై రూటర్‌ జియోఫై కూడా మార్కెట్‌లో దూసుకుపోతుంది. డేటా కార్డు మార్కెట్‌లో జియోఫై 91 శాతం మార్కెట్‌ షేరును సొంతం చేసుకుంది. ఏప్రిల్‌-జూన్‌ క్వార్టర్‌లో జియోఫై 91 శాతం మార్కెట్‌ షేరును దక్కించుకున్నట్టు సైబర్‌ మీడియా రీసెర్చ్‌( సీఎంఆర్‌) వెల్లడించింది. రెండో స్థానంలో ఉన్న హువాయ్‌ కేవలం 3 శాతం మార్కెట్‌ షేరు మాత్రమే కలిగిఉందని సీఎంఆర్‌ చెప్పింది. జనవరి-మార్చి క్వార్టర్‌లో డేటా కార్డుల షిప్‌మెంట్లు 3.4 మిలియన్ల నుంచి 4 మిలియన్లు ఎగిసి 16 శాతం వృద్ధిని నమోదుచేశాయని సైబర్‌ మీడియా రీసెర్చ్‌ తెలిపింది. గతేడాది కంటే ఈ ఏడాది డేటా కార్డు మార్కెట్‌ ఏడింతలు విస్తరించినట్టు కూడా పేర్కొంది.