మళ్లీ పడిపోయిన జీడీపీ వృద్ధి రేటు

సాక్షి, న్యూఢిల్లీ : పెద్ద నోట్ల రద్దు ప్రభావంతో దిగజారిన వృద్ధి రేటు, కొత్త పన్ను విధానం జీఎస్టీతో మరింత కిందకి పడిపోయింది. ఈ ఏడాది తొలి త్రైమాసికం(ఏప్రిల్‌-జూన్‌)లో భారత స్థూల దేశీయోత్పత్తి(జీడీపీ) వృద్ధి రేటు మూడేళ్ల కనిష్టంలో 5.7 శాతంగా నమోదైంది. కేంద్ర గణాంకాల అధికారి నేడు(గురువారం) విడుదల చేసిన గణాంకాల్లో ఈ విషయం తెలిసింది. గతేడాది ఇదే త్రైమాసికంలో జీడీపీ వృద్ధి 7.9 శాతంగా ఉంది. డీమానిటైజేషన్‌ ప్రభావంతో గత త్రైమాసికంలో కూడా జీడీపీ 6.1 శాతానికి పడిపోయింది. అయితే ఈ ఏడాది తొలి క్వార్టర్‌లో ఈ ప్రభావం కొంత తగ్గుముఖం పడుతుందని, జీడీపీ వృద్ధి రేటు పుంజుకోవచ్చని పలువురు భావించారు. కానీ అటు నోట్‌ బ్యాన్‌తో పాటు, ఇటు జీఎస్టీ ప్రభావం కూడా ఈ సారి జీడీపీ వృద్ధి రేటు పడి, మరింత కిందకి దిగజారింది.