విజయా బ్యాంక్‌తో హెచ్‌డీఎఫ్‌సీ లైఫ్‌ ఒప్పందం 

న్యూఢిల్లీ: బీమా సంస్థ హెచ్‌డీఎఫ్‌సీ లైఫ్‌ విజయా బ్యాంక్‌ ద్వారా తన సేవలను మరింత విస్తరించనుంది. దేశవ్యాప్తంగా 2,129 శాఖలను కలిగిన విజయా బ్యాంక్‌ తమ ఖాతాదారులకు హెచ్‌డీఎఫ్‌సీ బీమా సేవలను అందుబాటులో ఉంచనుంది. ఈ మేరకు ఇరు సంస్థల మధ్య ఒప్పందం కుదిరినట్లు విజయా బ్యాంక్‌ సీఈఓ ఆర్‌ఏ శంకర నారాయణన్‌ చెప్పారు. దీర్ఘకాలంలో ఇరు సంస్థలకు ప్రయోజనం చేకూరుతుందని భావిస్తున్నట్లు చెప్పారు.