TV
సాక్షి, హైదరాబాద్‌: ఈ నెల 9వ తేదీ నుంచి 13వ తేదీ వరకు భారత్‌ సంచార్‌ నిగమ్‌ లిమిటెడ్‌(బీఎస్‌ఎన్‌ఎల్‌) మెగా మేళా చేపట్టనుంది. ఈ మేరకు తెలంగాణ టెలికాం సర్కిల్‌ చీఫ్‌ జనరల్‌ మేనేజర్‌ ఎల్‌.అనంతరామ్‌ శనివారం ఓ ప్రకటనలో పేర్కొన్నారు. మేళాలో వినియోగదారులు ఉచితంగా 3జీ స్మార్ట్‌సిమ్, కస్టమర్‌ సర్వీస్‌సెంటర్, ఫ్రాంచైజీ, రిటైల్‌ ఔట్‌లెట్లు పొందవచ్చన్నారు. వీటితోపాటు ల్యాండ్‌లైన్, బ్రాడ్‌బ్యాండ్, ఎఫ్‌టీటీహెచ్‌ కనెక్షన్లను కూడా అందిస్తున్నట్లు అనంతరామ్‌ చెప్పారు. 3జీ సిమ్‌తో 350ఎంబీ డేటాను ఉచితంగా అందిస్తున్నామన్నారు.
