ఇదేనా పోలవరం మోడల్‌!

Is This Polavaram Model ! - Sakshi

సాక్షి, వేలేరుపాడు: ‘దోచుకోవడం.. దాచుకోవడం’ అన్నట్టు తయారైంది పరిస్థితి. పోలవరం నిర్వాసిత కాలనీల్లో చేపట్టిన నిర్మాణాల విషయంలో నాణ్యతకు తిలోదకాలు వదిలేశారు. దీంతో పిల్లర్లు, స్లాబులు అష్టవంకర్లు పోతున్నాయి. ఎప్పుడు కూలతాయో తెలియని పరిస్థితి. పునాదుల దశలోనే నిర్మాణాలు నాసిరకంగా జరుగుతున్నాయి. కాలనీలు కూలిపోతే తమ ప్రాణాలకు బాధ్యులెవరని నిర్వాసితులు ప్రశ్నిస్తున్నారు. కాలనీలో నిర్మాణాలు పూర్తయినా నివసించేందుకు నిర్వాసితులు సాహసించడం లేదు. ఇంజినీరింగ్‌ అధికారుల అవినీతి, కాంట్రాక్టర్ల ధనకాంక్ష వెరసి కాలనీల పనులన్నీ నాణ్యతాలోపంగా జరుగుతున్నాయనే ఆరోపణలు విన్పిస్తున్నాయి. కాలనీల పనులు త్వరితగతిన పూర్తిచేయాలనే ఉద్దేశంతో నాణ్యతను గాలికి వదిలేశారు. పరిస్థితి ఇంత దారుణంగా ఉన్నా ప్రభుత్వం మాత్రం పట్టించుకోవడం లేదు.

29,545 నిర్వాసిత కుటుంబాలు
పోలవరం ప్రాజెక్ట్‌ నిర్మాణం వల్ల వేలేరుపాడు, కుక్కునూరు మండలాల్లో 29,545 కుటుంబాలు ఇళ్లు కోల్పోతున్నాయి. ఇందులో 10,000 గిరిజన కుటుంబాలు ఉండగా, 19,545 గిరిజనేతర నిర్వాసిత కుటుంబాలు ఉన్నాయి. గిరిజనేతర నిర్వాసితులకు జంగారెడ్డిగూడెం మండలం తాడువాయిలో పునరావాసం కల్పించనున్నారు. 10 వేల గిరిజన కుటుంబాలకు బుట్టాయగూడెం, జీలుగుమిల్లి, కుక్కునూరు మండలాల్లో కాలనీలు నిర్మాణాలు జరుగుతున్నాయి. 

రూ.470 కోట్ల పనుల్లో ఏదీ నాణ్యత
పంచాయతీరాజ్, ఆర్‌అండ్‌బీ, ఐటీడీఏ ఇంజినీరింగ్, హౌసింగ్, ఏపీఎస్‌ఐడీసీ (ఆంధ్రప్రదేశ్‌ స్టేట్‌ ఇండస్ట్రీయల్‌ డెవలప్‌మెంట్‌ కార్పొరేషన్‌) తదితర ఐదు శాఖల ఆధ్వర్యంలో సుమారు రూ.470 కోట్లతో నిర్మించే పునరావాస కాలనీ పనుల్లో కాంట్రాక్టర్‌లు నిబంధనలను తుంగలో తొక్కి నాణ్యతా ప్రమాణాలు పాటించడం లేదనే ఆరోపణలున్నాయి. ఇందులో హౌసింగ్‌ శాఖకు రూ.222 కోట్లు, ఐటీడీఏ ఇంజినీరింగ్‌కు రూ.161 కోట్లు, పంచాయతీరాజ్‌కు రూ.41 కోట్లు మిగలినవి ఆర్‌అండ్‌బీ, ఏపీఎస్‌ఐడీసీలకు కేటాయించారు. అయితే నిర్మాణ పనులను ఆయా శాఖలకు అప్పగించిన ప్రభుత్వం చేతులు దులుపుకుంది. పనుల్లో నాణ్యత క్షీణించినా ఉన్నతాధికారులు ఏమాత్రం పట్టించుకోవడం లేదు. కొన్నిచోట్ల కాంట్రాక్టర్‌లు పనులు వదిలేసి వెళ్లిపోయారు. జీలుగుమిల్లి  మండలం తప్సివారిగూడెంలో వేలేరుపాడు మండలం కొయిదా నిర్వాసితులకు కాలనీల నిర్మాణం చేపట్టే కాంట్రాక్టర్‌ రెండు నెలల క్రితమే పనులు నిలిపివేశారు. బుట్టాయగూడెం మండలంలో చేపట్టిన కాలనీల పనులు ముందుకు సాగడం లేదు.  

అష్టవంకరులుగా.. 
కుక్కునూరు, బుట్టాయగూడెం, జీలుగుమిల్లి మండలాల్లో చేపట్టిన కాలనీల నిర్మాణంలో పిల్లర్లు, పునాదులు, సన్‌సైడ్‌లు అష్టవంకర్లు తిరిగి ఉన్నాయి. కుక్కునూరు మండలం చెరువు కొమ్ముగూడెం గ్రామానికి చెందిన 270 మంది నిర్వాసితుల కోసం ఉప్పేరు సమీపంలోని చెరువు పుల్లప్పగూడెం గ్రామంలో నిర్మిస్తున్న ఇళ్ల కాలనీలు దారుణంగా ఉన్నాయి. ఇక్కడ పిల్లర్లు అష్టవంకర్లు తిరిగి ఉన్నాయి. బుట్టాయగూడెంలో సైట్‌–1లో నిర్మిస్తున్న వేలేరుపాడు మండలం చాగరపల్లి గ్రామస్తుల కాలనీలో స్లాబ్‌లు సైతం వంగిపోయి ఉన్నాయి. 

నిర్మాణ సామగ్రి.. నాసిరకం
ప్రభుత్వం చేపట్టే నిర్మాణ పనులకు టాటా, వైజాగ్‌ స్టీల్‌ ఐరన్‌ను వాడాల్సి ఉంది. అయితే తక్కువ రకం ఐరన్‌ను వాడుతున్నారు. అలాగే నిర్మాణాలకు వాగులు, వంకల్లోని నాసిరకం ఇసుకను వినియోగిస్తున్నారు. ఎస్టిమేట్‌లో లీడ్‌ ప్రకారం ఉన్న ఇసుకను కూడా వాడటం లేదు. సిమెంట్‌ ఇటుకలు కూడా నాసిరకంగా ఉన్నాయన్న ఆరోపణలున్నాయి. కొన్నిచోట్ల వాటర్‌ క్యూరింగ్‌కే  ఇటుకలు కరిగిపోతున్నాయి. కొన్ని కాలనీల్లో వాటర్‌ క్యూరింగ్‌ నామమాత్రంగా చేస్తున్నారు. ఫలితంగా కట్టిన గోడలు, పిల్లర్లు,  బీమ్‌లు బీటలు వారుతున్నాయి. 

కనిపించని ఆర్‌అండ్‌ఆర్‌ కమిటీలు 
ఎప్పటికప్పుడు కాలనీల నిర్మాణాల  నాణ్యతను పరిశీలించడానికి  ఆర్‌అండ్‌ఆర్‌ క్వాలిటీ కమిటీలను ఐటీడీఏ పీఓ నియమించారు. ఆయా గ్రామాల వారీగా కమిటీలను నియమించారు. వీరికి నెల వేతనం కూడా చెల్లిస్తున్నారు. అయినా వీరెక్కడా పనులను పర్యవేక్షించడం లేదు.  టెక్నికల్‌గా ఈ కమిటీకి ఏ నాణ్యతా ప్రమాణాలు తెలియదనే చెప్పవచ్చు. ఏమీ తెలియని వారినే కమిటీ సభ్యులుగా నియమించారు. వీరు నిర్మాణాల నాణ్యత గురించి పట్టించుకున్న దాఖలాలు లేవు. నిర్మాణ సామగ్రిపై కూడా కనీస 
అవగాహన లేదు.  

 
కాంట్రాక్లర్ల ఇష్టారాజ్యం
పనులపై ఇంజినీరింగ్‌ అధికారుల పర్యవేక్షణ లేకపోవడంతో కాంట్రాక్టర్లు ఇష్టారాజ్యంగా వ్యవహరిస్తున్నారని నిర్వాసితులు ఆరోపిస్తున్నారు. కాంట్రాక్టర్‌లు ఇచ్చే పర్సంటేజీలకు తలొగ్గిన సంబంధిత అధికారులు చూసీచూడనట్టు వ్యవహరిస్తున్నారన్న విమర్శలు విన్పిస్తున్నాయి. వేలేరుపాడు మండలంలోని ఏడు గ్రామ పంచాయతీల్లో 48 గ్రామాల్లో 4,800 మంది గిరిజన నిర్వాసితులకు బుట్టాయగూడెం, జీలుగుమిల్లి మండలాల్లో ఏడు చోట్ల ఇళ్ల కాలనీలు నిర్మిస్తున్నారు. దర్బగుడెంలో 980, బుట్టాయగూడెంలో 1,100, రౌతుగూడెంలో 310, దొరమామిడిలో 700, స్వర్ణవారిగుడెంలో 450, ముల్కలంపల్లిలో 950, రాసన్నగూడెంలో 400 మొత్తం 4,800 ఇళ్ల కాలనీలు నిర్మిస్తున్నారు. కుక్కునూరు మండలంలో 15 గ్రామ పంచాయతీల్లోని 59 గ్రామాల్లో 3,048 మంది నిర్వాసితుల ఇళ్ల కాలనీలు ఇదే మండలంలోని పెదరావిగుడెం, ఉప్పేరు, కివ్వాక, దాచారం (రాయికుంట), చీరవల్లి తదితర గ్రామాల్లో కాలనీలు నిర్మిస్తున్నారు. పోలవరం మండలంలోని గిరిజనులకు జీలుగుమిల్లి, బుట్టాయగూడెం మండలాల్లోని దర్బగూడెం, పి.నారాయణపురం, వెంకవారిగూడెం, రాచన్నగూడెం, జీలుగుమిల్లి కాలనీలు నిర్మిస్తున్నారు. 

Read latest Andhra Pradesh News and Telugu News | Follow us on FaceBook, Twitter

మరిన్ని వార్తలు

04-07-2019
Jul 04, 2019, 14:21 IST
చెన్నై : వేలూరు లోక్‌సభ స్థానానికి ఎన్నికల షెడ్యూల్‌ విడుదలయింది. అక్కడ ఎన్నికల నిర్వహణకు సంబంధించి కేంద్ర ఎన్నికల సంఘం గురువారం షెడ్యూల్‌ ప్రకటించింది....
09-06-2019
Jun 09, 2019, 05:00 IST
పట్నా: ఒక కుటుంబం నుంచి ఒకరు ఎంపీ కావడమే గొప్ప. అలాంటిది ఏకంగా నలుగురు ఒకేసారి పార్లమెంట్‌కు ఎన్నిక కావడమంటే...
09-06-2019
Jun 09, 2019, 04:52 IST
దేశంలో ఎన్నికలు ఏవైనా నగదు ప్రవాహం మాత్రం యథేచ్ఛగా సాగుతూ ఉంటుంది. చాలామంది అభ్యర్థులు ఎన్నికల ప్రచారంలో ఖర్చు పెట్టే...
08-06-2019
Jun 08, 2019, 08:12 IST
సాక్షి, అమరావతి: ఎన్నికలు పద్ధతి ప్రకారం జరగలేదని జనసేన పార్టీ అధినేత పవన్‌కల్యాణ్‌ సొంత పార్టీ నేతల వద్ద అభిప్రాయపడ్డారు....
08-06-2019
Jun 08, 2019, 04:07 IST
న్యూఢిల్లీ: సాధారణంగా ప్రధానమంత్రి తర్వాత ప్రమాణం స్వీకారం చేసే వ్యక్తినే ప్రభుత్వంలో నంబర్‌ 2గా భావిస్తారు. అలా చూస్తే మోదీ...
06-06-2019
Jun 06, 2019, 19:56 IST
సాక్షి, అమరావతి: ఇటీవల జరిగిన అసెంబ్లీ, లోక్‌సభ ఎన్నికల్లో తమకు ఓటు వేసిన వారికి జనసేన పార్టీ ధన్యవాదాలు తెలిపింది....
06-06-2019
Jun 06, 2019, 19:54 IST
బీజేపీ సీనియర్‌ నేత, కేంద్రమంత్రి నితిన్‌ గడ్కరీ లోక్‌సభ ఎన్నికల్లో నాగ్‌పూర్‌ నుంచి ఓడిపోతారని, సంపన్నులను మాత్రమే ఆయన పట్టించుకుంటున్నారు..కానీ...
06-06-2019
Jun 06, 2019, 16:53 IST
చండీగఢ్‌ : మాజీ క్రికెటర్‌, పంజాబ్‌ మంత్రి నవజ్యోత్‌ సింగ్‌ సిద్ధూ గురువారం జరిగిన రాష్ట్ర కేబినెట్‌ సమావేశానికి డుమ్మా...
06-06-2019
Jun 06, 2019, 15:31 IST
ఆంధ్రా కాంట్రాక్టర్ల సొమ్ముతో తమ ఎమ్మెల్యేలను కేసీఆర్‌ కొంటున్నారని ఉత్తమ్‌ విమర్శించారు.
06-06-2019
Jun 06, 2019, 14:02 IST
మహా భారతంలో కర్ణుడి చావుకు ఆరు కారణాలన్నట్లు ఉత్తరప్రదేశ్‌ రాష్ట్రంలో మాయావతి, అఖిలేష్‌ యాదవ్‌ నాయకత్వంలోని ఘట్‌బంధన్‌ విఫలమై విడిపోవడానికి...
06-06-2019
Jun 06, 2019, 10:41 IST
స్థానిక నాయకుల వల్లే కుప్పంలో తగ్గిన మెజారిటీ
06-06-2019
Jun 06, 2019, 08:25 IST
 చావు తప్పి కన్ను లొట్టపోయిన చందంగా గెలిచిన ముగ్గురు ఎంపీలు పదవుల కోసం రచ్చకెక్కడంతో తెలుగుదేశం పార్టీలో కలకలం రేగింది. ...
05-06-2019
Jun 05, 2019, 17:31 IST
తెలుగు దేశం పార్టీలో లోక్‌సభ పదవుల పందేరం చిచ్చు రేపింది.
05-06-2019
Jun 05, 2019, 15:34 IST
లక్నో: లోక్‌సభ ఎన్నికల్లో మహాకూటమి ఘోరంగా విఫలమవ్వడంతో సమాజ్‌వాదీ పార్టీ (ఎస్పీ)తో పొత్తుకు బీఎస్పీ అధినేత్రి మాయావతి గుడ్‌బై చెప్పిన...
05-06-2019
Jun 05, 2019, 13:14 IST
రంగంలోకి దిగిన టీడీపీ అధినేత చంద్రబాబు నాయుడు..
05-06-2019
Jun 05, 2019, 11:45 IST
పశ్చిమ బెంగాల్‌ ముఖ్యమంత్రి, తృణమూల్‌ కాంగ్రెస్‌ అధినేత్రి మమతా బెనర్జీ బీజేపీపై మరోసారి నిప్పులు చెరిగారు. తమ పార్టీతో పెట్టుకుంటే...
05-06-2019
Jun 05, 2019, 09:03 IST
సాక్షి, విజయవాడ : తెలుగుదేశం పార్టీకి విజయవాడ ఎంపీ కేశినేని నాని షాక్‌ ఇచ్చారు. పార్లమెంటరీ విప్‌ పదవిని ఆయన తిరస్కరిస్తూ...
05-06-2019
Jun 05, 2019, 08:29 IST
సాక్షి, అమరావతి: వైఎస్సార్‌ కాంగ్రెస్‌ పార్టీ పార్లమెంటరీ పార్టీ నేతగా రాజ్యసభ సభ్యుడు వేణుంబాక విజయసాయిరెడ్డి నియమితులయ్యారు. లోక్‌సభలో వైఎస్సార్‌సీపీ...
05-06-2019
Jun 05, 2019, 07:52 IST
న్యూఢిల్లీ/లక్నో: లోక్‌సభ ఎన్నికలకు ముందు ఉత్తరప్రదేశ్‌లో ఏర్పడిన ‘మహాఘఠ్‌ బంధన్‌’ చీలిపోయింది. సార్వత్రిక ఎన్నికల్లో ఊహించిన ఫలితాలు సాధించకపోవడంతో రానున్న...
04-06-2019
Jun 04, 2019, 20:13 IST
సొంత పార్టీని ఇరుకునపెట్టేవిధంగా ప్రవర్తించిన కేంద్ర మంత్రి గిరిరాజ్‌ సింగ్‌పై అమిత్‌ షా ఆగ్రహం వ్యక్తం చేశారు.
Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top