నీతా అంబానీ డ్యాన్స్‌ వీడియో

బిలీనియర్‌ ముఖేష్‌ అంబానీ, నీతా అంబానీల ఏకైక కుమార్తె ఇషా అంబానీ త్వరలోనే బిజినెస్‌ టైకూన్‌ అజయ్‌ పిరమల్‌ కొడుకు ఆనంద్‌ పిరమల్‌ను మనువాడబోతున్న సంగతి తెలిసిందే. రెండు రోజుల క్రితమే ఈ వార్త బయటికి వెల్లడించారు ఇరు కుటుంబ వర్గాలు. ఈ శుభ సమయాన్ని ఇరు కుటుంబాలు ఎంతో గ్రాండ్‌గా సెలబ్రేట్‌ చేశాయి. ఇషా అంబానీ, ఆనంద్‌ పిరమల్‌ల ఎంగేజ్‌మెంట్ పార్టీని ముఖేష్‌ అంబానీ ఫ్యామిలీ అధికారికంగా సోమవారం నిర్వహించింది. ఈ వేడుకకు బాలీవుడ్‌ ప్రముఖులు, క్రికెట్‌ దిగ్గజాలు హాజరయ్యారు. వేడుకలో హాజరైన వారిలో సచిన్‌ టెండూల్కర్‌, కరణ్‌ జోహార్‌, అమీర్‌ ఖాన్‌, షారుఖ్‌ ఖాన్‌, రణబీర్‌ కపూర్‌లు ఉన్నారు.