దేశంలో రెండో అతిపెద్ద డ్రగ్ తయారీదారి డాక్టర్ రెడ్డీస్ ల్యాబోరేటరీస్ లిమిటెడ్ తొలి త్రైమాసిక ఫలితాల్లో భారీగా కుదేలైంది. 2016-17 ఆర్థిక సంవత్సరంలో జూన్ త్రైమాసిక లాభాలు 75 శాతం పతనమయ్యాయి. గతేడాది రూ.626 కోట్లగా ఉన్న నికరలాభాలు ఈ ఏడాది ఏప్రిల్-జూన్ త్రైమాసికంలో కేవలం రూ.154 కోట్లగా మాత్రమే రికార్డు అయ్యాయి.ఈ డ్రగ్ తయారీదారికి అతిపెద్ద మార్కెట్గా ఉన్న అమెరికా మార్కెట్లో నెలకొన్న తీవ్ర పోటీ, బలహీన ఆపరేషనల్ ఫర్ఫార్మెన్స్ నేపథ్యంలో తన లాభాలను కోల్పోయినట్టు కంపెనీ ప్రకటించింది.